[1958-9 台灣教會公報 文類-散文 作者-江萬里/Kang Bān-lí]
甚物叫做"獻予上帝？" [ Sím-mi̍h kiò-choè "Hiàn hō͘ Siōng-tè?" ]
甚物叫做「獻予上帝？」 江萬里 1958年9月837期 10-11 一般的人是講用祭品佇神的面前了後閣提來做家己的路用，按呢叫做奉獻予神，親像未信者將in家己本人所愛食的物來排佇in所服事的神明的面前，後來就提來家己食，也講是獻祭予in 的神明。佇台北市 5月13日，人會通佇城隍廟前看真濟款的chhiⁿ-chhau 排一條街的長，遮个chhiⁿ-chhau後來攏提倒去請人客，抑是7月半的普渡也是仝款。 咱基督徒奉獻予上帝kiám也是將祭品排佇上帝的面前，了後閣提倒來做家己的路用mah？對聖經內所教示的話得著幫贊，通明白「獻予上帝」真的意義，所...

[1958-9 台灣教會公報 文類-散文 作者-張宏昌/Tiuⁿ Hông-chhiong]
T.K.C.高中學生夏令會 [ T.K.C. ko Tiong ha̍k-seng Hā lēng-hoē ]
T.K.C高中學生夏令會 張宏昌 1958年9月837期 13-14 近來佇報紙上常常看見所謂太保，抑是太妹(太保或太妹)佇社會起事的消息，遮个大半是高中的學生這是事實。佇這个年會是極危險的時期，in是毋成大人也毋成囡仔，心理佮肉體的發達有矛盾，致到常常愛行錯路。 青年處理事會有關心佇這點，所以對今年起，頭一擺來為著高中的學生主辦夏令會，為著我有真早準備，iáu-kú宣傳無徹底。又閣啥知今年各地方的中學的假期無相同，所以代先有小可掛慮成績毋知怎樣？總是感謝主，照預定 7月14日下晡7點，會長鐘茂成牧師主持開會，結果出席攏總有195名，其中男生 104名...

[1958-9 台灣教會公報 文類-散文 作者-江天順/Kang Thian-sūn]
泰雅爾教會的發展 [ Thài-ngá-ní kàu-hoē ê hoat-tián ]
泰雅爾教會的發展 江天順 (接前月號第 21面) 1958年9月837期 15-16 II.自由時期(自由時期)。 佇信仰迫害時代，有時佇厝裡，抑是山洞的內面，抑是著爬樹藤才會通起去的山頂做禮拜，對佇遮个有背十字架的基督徒的感化，濟濟人佇日本警察的威力下面毋敢表明的人，到佇這个光復的時就明明發表lah。彼時親像五旬節的再現，e-e陣陣的高山求道者都用花蓮教會做中心對四方聚集。禮拜堂已經貯袂落去lah，就分早起時平地，下晡山地聚會。彼時也有一擺100 个以上領洗禮，無joā久就有幾若千个領洗禮的信者。彼時吳牧師也真gâu指導，兩月日久開一擺的役員講習班，...

[1958-9 台灣教會公報 文類-散文 作者-偕叡廉/Kai Jōe-liâm]
為著福音失落生命？ [ uī-tio̍h Hok-im sit-lo̍h sìⁿ-miā ]
為著福音失落性命 Kai Joe-liâm寫 1958年9月837期 20-21 佇8月份的教會公報第 3面有一篇論起，「祝日本基督教傳教100週年。」也有一chām講，「若看in 的教會的過去也有為著道理放sak性命。咱台灣iáu-kú無，只有山地花蓮坂谷是頭一个為著道理受死的。」 讀到遮予我記得咱的教會歷史中猶有幾若人也是為著道理來失落性命。今寫幾字來數念in。 (1)佇12月25日1873年，Joē兄出外去Sai-thâu-toé，佇路裡予生蕃thâi。伊是南部人來Tâm-chuí幫贊Kai牧師做主的工。 (2)佇1896年石鄧傳道佇L...

[1926-8 芥菜子 文類-散文 作者-陳清忠/Tân Chheng-tiong ]  (4)
淡中glee club達目的 [ Tām-tiong glee club Ta̍t bo̍k-tek ]
淡中glee club達目的 淡水中學音樂部 glee club 有志十名，為著京都開音樂會的都合，有比預定的期日較早一choā 船起身，就是搭 6月28號出航的 In-phoan丸。七月2號到神戶，彼下晡紲到京都。雖罔頭尾佇遐是9日久nā-tiāⁿ，iáu-kú有得著不止好的機會。彼中間有開5擺的音樂會，也有去kūn-hū不止濟所在見學。 其中通特記的，就是有去大阪參觀朝日新聞社，也有去無電放送局演奏。 本然打算愛踮較久，通看看較濟所在，不幸有人拄著破病，姑不將著較早轉來。七月11號離開神戶，搭 Lia̍p-hō͘丸，15號早起到基隆，...

[1926-8 芥菜子 文類-散文 作者-陳清義/Tân Chheng-gī]  (4)
基督教佮佛教的研究 [ Ki-tok-kàu kap Hu̍t-kàu ê gián-kiù ]
基督教佮佛教的研究 世間的宗教，毋但一款，派別真濟，照學者所研究，聚集歸類，通講有3大類。 I. 蠻族tek宗教。 II. 一國 tek宗教。 III. 世界tek宗教。 啥物號做蠻族tek宗教？就是親像火教，多神教。 啥物號做一國tek宗教？就是親像希臘教，道教。也啥物號做世界tek宗教？就是基督教、佛教、回回教這款。 今這三个教，雖然平平稱做世界tek宗教，總是無攏總有救世主義的宗旨佇teh。回回教佇台灣無，毋免講，kan-ta將基督教佮佛教來講： 照咱所知基督教是救世主義的宗教，佛教是厭世主義的宗教。今...

[1926-8 芥菜子 文類-散文 作者-陳清忠/Tân Chheng-tiong ]  (2)
耶穌的十字架 [ Iâ-so͘ ê si̍p-jī-kè ]
耶穌的十字架 現時愛耶穌的天國的人，伊的數是濟，總是歡喜pē伊的十字架的人是到極少。 愛求耶穌慰安的人，也是濟，若是求伊的苦痛的人嘛是少。 有濟濟人佮耶穌同桌，總是少少人欲佮伊saⁿ-kap守禁戒，(禁戒) 萬人向望愛欲佮耶穌saⁿ-kap享樂，但是為著耶穌來忍受萬事的人是真少。 愛求耶穌所peh的餅的人是濟，若是歡喜lim伊的苦杯的人是少。 濟濟人尊敬伊的神跡，少少人忍受「恥辱的十字架。 無苦痛的中間，疼耶穌的人是真濟；閣再耶穌賞賜in 慰安的時，人人呵咾，人人感謝。毋kú設使耶穌若離開in tiap-á久，就隨時跋落不...

[1926-8 芥菜子 文類-散文 作者-陳清義/Tân Chheng-gī]  (1)
著全家拜上帝 [ Tio̍h choân-ke pài Siōng-tè ]
著全家拜上帝 咱人踮佇這世間，家內的人數不論濟少，要緊著同心敬拜全能的上帝，做咱的天爸；這个是真要緊的事。可惜現今佇咱教會的中間，有濟濟的，猶未全家拜上帝，致到家內的信仰無相同，常常顯出tōng-tu̍t，大欠缺平安，來失落福氣。若會全家敬拜上帝，信仰相同，行siâng條的路，就真有平安，真有福氣。 這tia̍p愛引幾若个古早的信徒，有全家拜上帝，來做咱的模樣： 1、 Lū-tí-a。這个婦人人有全家拜上帝，伊是Chhui-ngá chhui-lat城的人teh做chi-sek-pò͘ 的生理，平素有拜上帝，信道理；主開啟伊的心，予伊全向保羅所講，全家領...

[1926-8 芥菜子 文類-散文 作者-陳清忠/Tân Chheng-tiong ]  (2)
名人的祈禱 [ Bêng-jîn ê kî-tó ]
名人的祈禱 （I） Samuel Johnson (1709－1784) O主ah，你的手掌管生佮死，對佇你的氣力我通得著徛在，也對佇你的恩典通得著赦免，求你用憐憫àⁿ落來看我。你所命令我著做的義務，到今我有放做袂要緊，空空過日，全然無勞碌來完成你的旨意，求你赦免我這款貧惰的罪。求你予我會記得逐日是你所賞賜--的，應該著照你的命令來用彼日。所以求你予7我深深反悔貧惰的罪，通對你得著恩典，也通經過，你猶饒我的性命佇世間的中間，也來勤勉勞碌佇你的聖旨，倚靠耶穌基督。心所願。 (II) Anselm (1033－1109) O我的主，我的上帝ah，求你賞賜我全心所意向愛欲得...

[1959-5 台灣教會公報 文類-散文 作者-王英世/Ông Eng-sè]
T.K.C.會員kap孝敬 [ T.K.C. hoē-oân kap hàu-kèng ]
T.K.C會員佮孝敬（王英世）1959年5月845期p.14-15這月日ê討論題目是T.K.C.會員佮孝敬。部會有派我著寫一篇論孝敬。論孝敬通講是咱漢民族自古以來ê固有美德。佇這个地面上無有一國親像咱中國人遮爾尊敬祖宗。中國有出名ê 24孝，這扑算咱攏真熟。孔子先生講，「忠義ê人對有孝敬ê家庭才得會著，」á是「有孝佮有大細，這是做人ê根本。」所以代代ê人攏對重這个孝道。為著欲奉承序大人予伊有體面，祖先猶活ê時做囝孫ê毋敢分開。對遮產生大家族制度，上老ê是彼家ê主，一切ê權攏是佇伊ê手中，若違背伊命令是算做不孝。漢民族ê敬重祖先毋是干焦按呢，古早ê教示講，「若會予逐人會曉謹慎序人人ê末日，閣再數...

[1959-5 台灣教會公報 文類-散文 作者-Ông Eng-sè/Ông Eng-sè]
對教會佮T.K.C.的呼聲 [ Tuì kàu-hoē kap T.K.C. ê ho͘-siaⁿ ]
對教會佮T.K.C.ê呼聲(星中青年部：王英世寫)1959年5月845期p.17列位親愛同屬主ê兄姊，你毋知捌共想現時應召佇軍中teh服務á是訓練ê教會青年有偌濟á無？現時平地佮山地教會攏總有707間。設使一間教會若平均有兩个就1414个，若有5个就3535个lah。按呢kiám毋是真通驚惶ê數字。遮个青年佇禮拜日á是歇睏ê時毋知去tó位？有真濟可取ê青年常常去做禮拜，出入佇教會。總是也有真濟因為地頭生疏無相捌，又閣時間傷濟，所以為著欲消磨遮个時間予無聊ê心得著一時得ê滿足，in就行電影館，lòng球間，á是茶店等等所在。列位這kiám毋是對咱教會真大ê威脅。七星中會青年部因為看過去教會無甚物...

[1959-6 台灣教會公報 文類-散文 作者-孫雅各/Sun Ngá-kok]
轉變中的山地教會 [ Choán-piàn tiong ê san-tē kàu-hoē ]
轉變中ê山地教會（山地宣道處長：孫雅各）1959年6月846期 p.3-4山地教會ê每一个款式攏親像teh經過一站轉變ê階段。撿彩現今所發生做有意義ê改變，就是在佇指導者彼个範圍。佇過去這兩年來阮已經有任命二十外位有望，有前途ê指導者來擔當「教職」，這是一項進入合宜方向ê開始。因為咱會通養成閣較有才能，適當ê指導者，就咱ê教會會通建立佇閣較堅固ê石磐頂，這款所teh致意，自重ê現象ê一項，就是玉山神學書院ê改善。阮有teh進行計劃beh佇這位美麗ê場所建築一間建構堂皇ê學府，閣有土地予學生佇求學期間通佇遐做工幫贊支持in家己。教員陣容著愛加強提高。按呢咱會通期待佇未來養成閣較濟，有才能ê指導者...

[1959-7 台灣教會公報 文類-散文 作者-Khó͘ Chuí-lō͘/Khó͘ Chuí-lō͘]
研究 信仰偉人林肯大統領 [ Gián-kiù Sìn-gióng uí-jîn Lîm Khéng Tāi-thóng-léng ]
信仰偉人林肯大統領Abraham Lincoln (A. D. 1809-1865)Khó͘ Chuí-lō͘1959年7月847期 p.13-141.伊的出世佮父母。伊佇主後1809年出世佇美國的Kiàn-ta̍t-ki州（Kentucky）的Hā-tiān郡（Hadin），極偏僻的草地。伊的老父名叫多馬林肯（Thomas Lincoln）是一个樸實散鄉的作穡人。伊的生母名叫Lân-chí Hán-su，真熱心的女信徒。亞伯拉罕林肯細漢的時，就教伊道理，讀聖經，做禮拜，讀天路歷程佮其餘的宗教冊予伊聽。也紲教伊著讀，著祈禱。親像聖保羅講，毋通放拺聚會（希伯來10:25）。著大家相眷顧，來激起仁...

[1959-7 台灣教會公報 文類-散文 作者--/-]
青年T.K.C.會員kap勤勞 [ Chheng-liân T.K.C. hoē-oân kap khîn-lô ]
T.K.C.會員佮勤勞1959年7月847期 p.17-19對經濟學的立場來講勤勞是生產所袂通無得的，因為若無勤勞真無有生產，無生產就袂通供給需要，袂通應付需要，經濟就徛袂牢，經濟若徛袂牢，彼个人生就發生問題lah！所以無論佇社會，á是個人，勤勞是袂通缺少的，勤勞是人為著事業來用心神，平常簡稱勞心佮勞神。勤勞是基督教的特徵，其他的宗教也講起仁愛慈悲，總是大半是主張出世消極的，若是基督教是入世的積極的，看見社會的腐敗，人人沉落佇罪惡中，基督教毋是搖頭嘆息來閃避，就是傳福音來搶救，為著按呢，基督徒著照主的教示做光，做鹽佇家己的職域做利益人，服務人的工作。所以勤勞通講是基督教宗旨一个部份。1.近代的...

[1959-7 台灣教會公報 文類-散文 作者-賴仁聲/Loā Jîn-seng]
宣道會Bē得thang無講 [ Soan-tō-hoē Bē tit thang bô kóng ]
袂得通無講1959年7月847期 p.19-20因為我親目看見彼个大奇妙的作為；是上帝的榮光，所以袂得通無講。小弟佇23年前去媽宮做巡迴牧師。然後就職佇當時的澎湖廳，頭尾佇澎湖滿10年。後來離開澎湖諸教會。有發現3大奇妙的事佇現在的澎湖，一項是交通的大進步，第二項是文化的大進步。今交通佮交化請按下，佇遮愛講起教會的進步。落車代先到媽宮媽宮的拜堂我頭尾踮倚10年。拜堂的前面真面熟。徛佇拜堂前迎接人，濟濟是生份人。拜堂宿舍攏擴大，全會迎接人客真有活氣。到位彼日的下晡就坐車去巡視鎮海，許Pêng-jîn先生新來赴任，紲選定鎮海欲起新拜堂的地。後來去看巡迴牧師紀牧師的駐在地赤崁，這間拜堂是新起的，真合...

[1959-8 台灣教會公報 文類-散文 作者-高瑞士/Ko Suī-sū]
祈禱 [ Kî-tó ]
祈禱高 Suī-sū(接前月號11面)1959年8月848期 p.11-12總謝文----Thanksgiving General Thanksgiving無所不能的主，賞賜萬項恩典的天父，阮是小可無路用的奴僕，攏用謙卑誠心感謝主，因為主有賞賜恩惠仁慈予阮，也有賞賜予萬人。閣感謝主，因為主有創造阮，保護阮，閣將今世逐樣的福氣賞賜阮。閣較感謝主，因為主將第一大的仁愛，對阮的主耶穌基督，來救贖世間人，閣用得著恩典的法度賞賜阮，也予阮有向望後來的榮光。懇求主，予阮紀念主一切的仁慈，用盡心感謝主，讚美主，閣予阮顯明主的聖德，毋若用喙講，也著用所做的事，就是一心服侍主一生做清氣，善良的代誌，這攏是倚靠阮...

[1959-8 台灣教會公報 文類-散文 作者-編輯室/Phian-chhip-sek]
見證台灣ê信仰 [ Kiàn-chèng Tâi-oân ê sìn-gióng ]
台灣的信仰編輯室1959年8月848期 p.15-16遮有介紹幾篇台灣的好的信仰實例。台灣傳教到今已經90外年，自前就已經真濟信仰上英勇的故事，到今若欲寫起來，穩當是已經通做幾若本冊；總是本編輯室見聞無濟，想愛寫，也猶未有偌濟通寫。佇遮先報這2篇，範圍內也有濟濟這款好的信仰實例。這款的例明明是台灣所產生的信仰，所以叫做「台灣的信仰」，也是實在的見證。若有人歡喜寫來出佇本報，閣毋是kan-ta為著欲替人宣傳好名聲，就是愛對按呢來報揚台灣所出產偉大的信仰通榮光主的名，就是編者的大幸福lah！用扁擔柄阻止問神明。佇彰化縣員林佮花壇中間，有一所在叫做中莊，莊頭相當中，大部份是姓李。總是攏無人信主，只有...

[1959-8 台灣教會公報 文類-散文 作者-胡Bō͘-seng/Ô͘ Bō͘-seng]
青年T.K.C.會員kap傳道 [ Chheng-liân T.K.C. hoē-oân kap thoân-tō ]
T.K.C. 會員佮傳道。胡Bō͘-seng1959年8月848期 p.17-19(1)頭序基督教是傳道的宗教，傳報福音做咱的活命佮特色。傳道是上帝本身的工作，上帝差伊所有一个囝來世間也是只有為著傳道，閣為著傳道放拺性命。閣再主的遺言也是叫咱著傳道（馬可16:15）。咱看對原始基督教到現在有教會，有信徒，就有人無停接紲傳十字架拯救的福音做in唯一的使命　耶穌為著傳道理，雖罔有上帝的形狀榮耀，總是無掠佮上帝平等，謙卑屈低，拼空家己，取奴僕的形狀，才會通完成。咱T.K.C.會員若欲傳道理，這个根本精神毋通袂記得，這个精神若無-去，就是袂通傳道理。現在台灣的信徒差不多猶袂到2%，98%的人欲沈淪，彼...

[1959-8 台灣教會公報 文類-散文 作者-紀溫柔/Kí Un-jiû]
宣道會澎宣ê奇蹟 [ Soan-tō-hoē Phîⁿ Soan ê Kî-chek ]
澎宣的奇蹟1959年8月848期 p.20-21感謝主的恩待，有閣行神蹟奇事佇咱澎宣的所在。1.佇咱澎湖西北方偏僻迷信的所在Thong-niû，主有大做工。遮有一位兄弟陳Choân 47歲，專門研究跋繳，做跋繳的老闆，開繳間30年。這pang主的光照入伊的心，知影過去的錯誤，明白跋繳是害人的職業。所以佮全家共3名就決心來歸主聖別。現在真致意teh研究道理。感謝主。閣有一位鄭Iú-liōng兄弟36歲，看著陳Choân兄弟的改變木受主的神感動，歡喜接納耶穌做伊的救主。伊20外年攏是用跋繳做職業。今甘願放拺一切的歹，佮全家共8名聖別歸主。今已經閣認真teh做伊所學習的木工。閣一个兄弟鄭Liân也受...

[1959-9 台灣教會公報 文類-散文 作者-王oá/Ông oá]
雜錄個人消息 [ Cha̍p-lio̍k Kò-jîn siau-sit ]
個人消息一喙咬斷4條藤的和美故黃福長老的小傳王oá1959年9月849期 p.26七月13號，屬和美教會長老黃福79歲過身。伊21歲信道理，伊所蹛是線西鄉ùn-á，當時和美猶未設教會著愛教會彰化禮拜；對ùn-á到彰化愛行路2點鐘欠，雖然路遠若是每禮拜是比在彰化的人代先到。25歲佇彰化對林學恭牧師領洗禮；30歲當執事，15年久，45歲當長老，10年久，55歲來彰化醫館做工極搰力認真，對患者極親切，61歲入做彰化客運線路夫，平常60歲就退役，伊61受採用，通知伊身體的健康佮做工的盡忠，66歲予伊的囝孫ko͘-chiâⁿ伊退休，對66歲起蹛家庭就是每早起到拜堂掃地，種花沃水，所以13年久每日是按呢拜...