[1951-5 台灣教會公報 文類-散文 作者--/-]
論說："老母ê日"ê由來 [ Lūn-soat："Lāu-bó ê ji̍t" ê iû-lâi" ]
論說：「老母的日」的由來1951.05 749號 p.4(T.K.J.)佇美國的東爿海墘，ブァジニア州的草地，有一个細細的鄉社叫做ウェブスター，有一个熱心信主的婦人人，名叫ヂァルブヰス。佇教會做主日學的教員26年久，有一个禮拜日teh教十條誡，拄teh說明第5誡，就是著敬你的父母的教示，特別講起老母的疼怎樣的大，紲講：「向望佇恁中間，有甚物人會通想出好的方法，通予現代的人，對遮大的疼，對心底表出感謝。」 拄好伊的查某子アンナ也佇這班teh做學生，總--是無偌久，ヂァルブヰス夫人煞死--去。Nā是アンナ將老母所講彼句話記牢牢。後--來in的教會遐的婦人人，用心計較為著ヂァルブヰス夫人開一个追悼會...

[1951-6 台灣教會公報 文類-散文 作者-黃丁旺/N̂g Teng-ōng]
論說：二崙迫害記 [ Lūn-soat:Jī-lūn pek-hāi-kì ]
論說：二崙逼害記1951.08 750 hō p.4-5(黃丁旺譯)(對巴博士的日記)佇杜君英隔壁的庄社--裡，捌幾若年久一間拜堂佇遐。原底彼間是本地人teh禮拜，卻亦有淡薄客人來參加。以後有一年，杜君英的庄社予水流--去，彼間拜堂紲廢棄。禮拜就分開，本地人彼爿將in的拜堂設佇中林；客人這爿姑不將亦著閣揣一位新地點。為著欲愛一位拜堂地，in經過真濟的艱難，因為客庄講通和，毋准in中間一人將地賣咱做拜堂的路用。In貼告示，明明講：「若準人佇遐起教堂，就是外國欲來統治的前兆，有危險性佇-leh。」有一人打算欲地賣咱，為著按呢煞無成，錢閣還--咱。彼時有一位信徒，叫做張阿金，是二崙的人，將伊的厝賣咱...

[1951-7 台灣教會公報 文類-散文 作者-黃丁旺/N̂g Teng-ōng]
論說：二崙迫害記 [ Lūn-soat:Jī-lūn pek-hāi-kì ]
論說：二崙逼害記1951.07 751號 p.7-8(黃丁旺譯)(接前號第5面)代誌做了，in隨人就轉--去，kan-ta留一陣閒人teh看我，我歸身軀污穢滿滿。來禮拜的人攏四散，總--是猶有幾位婦人人佮厝主幾位未信主的親人佮我相佮佇--leh。我就用水淋身軀，卻無換衫，只有穿睏衫，亦食淡薄物過中晝頓。我卻無轉--去，杜君英原在蹛遐，這是欲予in知阮無放棄起教會的決心。佇彼e晡我坐佇一間細細間的厝內的時，有真濟人出佇好奇心，出來看所拄著的事。當受攻擊的時陣，我有帶一張護照（旅行券）佇身軀--裡，彼張無各樣別項物，亦攏予in潑到澹lok-lok，我就共伊thí開，下佇床頂來聽候伊礁。佇彼時我有講...

[1951-8 台灣教會公報 文類-散文 作者-黃丁旺/N̂g Teng-ōng]
論說：二崙迫害記 [ Lūn-soat: Jī-lūn pek-hāi-kì ]
論說：二崙逼害記1951.08 752號 p.6-7(黃丁旺譯)(接前號第7面)以後阮卻有平安到杜君英的所在。幾日後我轉來到府城，才知影我的工人已經代先我對二崙轉--來，有將所經過的事報告教士會。教士會有將代誌報告官府（清朝政府），有人共我講，官府對這層事真憤慨，in有派一位特任委員落去埤頭欲協助遐的地方官相佮辦理這層事。這兩位到二崙欲調查的時，猶原拄著這款的侮辱，就無得著結果，空空轉--來。官府共領事講：「若無派兵是無法inta何。」阮佮領事同意，講：「按呢辦較無合宜。」後來in中間有一、兩人受警戒，我的錶仔佮鏈仔原物還我，閣賠我淡薄錢，代誌就解決。政府有出告示責備遐的人的歹所行，亦有聲明講...

[1951-9 台灣教會公報 文類-散文 作者--/-]
客莊：讀「二崙迫害記」 [ Kheh-chng: Tha̍k "Jī-lūn" pek-hāi-kì" ]
客莊讀「二崙迫害記」1951.09 753號 p.19佇教會報對6~8月連載巴牧師佇二崙的迫害記。所講彼个二崙，毋是teh指佇西螺附近的大庄社，是teh指佇屏東縣屬客庄的小鄉社。筆者因為是二崙附近的人，也是客人的一个，對這個記事不止關心來讀。過頭的感激，予我的心一面真見笑，一面是講袂出的感謝。遐的一陣人一時的的爽快成做客人永遠的見笑；但是巴牧師所拄著的見笑成做上帝的榮光。當1948年5月，內埔設教50週年禮拜式上，高篤行牧師的祝詞有講：「早年佇二崙的臭味成做永遠的芳香，遍滿佇全客庄。」也萬牧師（Rev. Edsuerd Band）所著的巴牧師傳記中也有幾若頁二崙迫害的記錄。這 敢毋是台灣傳教歷...

[1952-2 台灣教會公報 文類-散文 作者--/-]
地動 [ Tē-tāng ]
地動1952.02 758號 p.19-20對10月22號的地動以來，東部到今仔日逐日teh地動，遐的人攏疏開佇空地搭草寮teh過日，真通同情。今愛介紹關係地動的常識。一、地動的原因。大概有四款的原因：（1）火山性的地動，是對火山爆發所生起的地動。這款的地動較袂影響到真遠，總--是因為所chhèng出的火灰佮滾chhiâng-chhiâng的塗糜，附近受災害真悿，親像A. D. 79年，Be-su-bia（Vesuvius威蘇威）火山爆發，致到Póng-pe（Pompeii龐貝）城攏埋--落去。（2）地lap--落去的地動。地殼內石灰性的大石，予地下的水溶--去，生起空洞，地殼lap--落去，...

[1952-4 台灣教會公報 文類-散文 作者-董大成/Táng Tāi-sêng]
羅馬字運動 [ Lô-má-jīūn--tōng ]
羅馬字運動1952.04 760號 p.18-19(董大成)T. K. C.佇1949年的總會有派一個部會，叫做羅馬字推行部會。彼个目的是欲閣較積極的推行羅馬字佇教會內。這个部會過去兩年久雖然有拜託真濟位的先生用羅馬字著作冊，因為經濟的佮印刷的技術的的困難，到現在攏猶未通實現，致到予人感覺這个部會攏無teh做甚物。佇嘉義今年度T. K. C. 總會有檢討這个部會，逐家認定羅馬字是佇台灣傳福音最要緊的器具。彼个理由就是：(1)羅馬字 (白話字) 是會通表現咱的白話的唯一文字。欲傳福音著愛用彼地方的白話，這个是宗教改革以來的原則，尤其是對外國傳道的現代史所得著的結論。(2)照統計，台灣人的八成以上...

[1952-5 台灣教會公報 文類-散文 作者--/-]
主日學：老母ê日 [ Chú-ji̍t-o̍h：Lāu-bú ê ji̍t ]
主日學老母的日1952.05 761號 p.20-21列位小朋友，5月第二禮拜日，濟濟人欲結剪絨花佇in的胸前來禮拜。有的人結白色--的,有的人結紅色--的。是因為teh紀念慈愛的老母。少年到老，逐人攏有一個老母。有的人的老母猶活佇世間，有的人的檢彩已經佇天頂。總--是平平來teh數念。這是一個真好閣媠的所做。老母猶活的人結紅花，過身的人結白花來分別。這是甚物意思--lè？美國東海岸一個細細的庄社--nih，有一個婦人人，做主日學的教員26年久。伊真熱心，閣gâu引chhoā細囝捌道理。伊捌一擺說明十條誡的第5條「著孝敬父母」的時，有講起向望對恁中間會想出一個法度來紀念老母的大疼痛。彼時伊的查...

[1952-6 台灣教會公報 文類-散文 作者-高守仁/Ko Siú-jîn]
介紹聖畫 [ Kàisiāu Sèng-oē ]
介紹聖畫「最後的晚餐」1952.06 762號 p.19-20(接前號19面)(高守仁譯)佇這款放縱奢華的環境，真會通產生燦爛新的時代。Leonar do da Vinci（達文西）是一位大畫家、音樂家、建築家兼哲學家，自然愛佇宮內表現伊才能。伊寫一張批予米蘭公爵介紹家己講：「我會做各種戰爭武器，畫家族的像，佇和平時代會建築紀念埤，開運河。」這款有才，閣有藝的人，拄拄是米蘭公爵所欠用--的；馬上叫伊坐宮內大位，真緊伊變做一位有名的人，真濟學生就近伊，伊所畫的圖，抑是其他設計，予人真呵咾。彫刻、牆城、戰爭武器、做一條運河、米蘭公爵夫人（Beatrics）佮伊子兒的像，以及宮內貴夫人的像，攏是伊一...

[1952-8 台灣教會公報 文類-散文 作者-高守仁/Ko Siú-jîn]
介紹聖畫 [ Kài-siāu Sèng-oē ]
介紹聖畫「最後的晚餐」1952.08 764號 p.23-24(接7月22面)。這張圖到底完成了抑未？根據歷史的記載，佇1499年，法國Lo͘is有進軍入意大利，對米蘭趕出公爵，彼時文西先生猶過teh修整這張名畫，無偌久伊也予人趕出米蘭，所以這張圖佇文西先生的心中是猶未完成。Lo͘is到米蘭就隨時走去聖瑪利亞修道院看這張聖畫「最後的晚餐」，看真久，毋甘離開；就叫伊的部下共in講：「將這个掘轉來法國。」佇這个破壞工作以前，有出一个神跡，就是有人對伊忠告，伊就保全這个無予人破壞，毋過其他米蘭城內的好物攏搶到空空。雖罔文西用特別的才調來繪，米蘭的氣候真濕，所以後--來漸漸生出一層白膜。圖的色彩也失光...

[1953-2 台灣教會公報 文類-散文 作者--/-]
除偶像 [ Tû ngó͘-siōng ]
除偶像1953.02 770號 p.7-8欲拜上帝的人，佇伊的厝猶有偶像，敢通紲共伊拜？上帝敢有歡喜人拜伊，像時也拜偶像？聖經記載上帝毋准人去拜伊 (申命記4:16， 5:8；出埃及記20:4)。因為偶像是人製造的，毋是偶像創造人。見若人製造偶像，刻--的，鑄--的，彼人著受咒詛 (申命記27:15；以賽亞44:9)。因為人所鑄的偶像攏是風，攏是空虛的(以賽亞41:29)。In有嘴，袂講話；有目珠，袂看；有耳空，袂聽 (詩篇115:5， 135:15-21)。Khap-pa-kok講：「彫刻的像有甚物利益，才予造伊的人彫刻伊--ah？」對柴頭講，著醒；對啞口的石頭講，起--來，彼號人有災厄--...

[1953-2 台灣教會公報 文類-散文 作者--/-]
講壇：福氣是sím-mi̍h？ [ Káng-toâⁿ:Hok-khì sī sím-mi̍h? ]
福音講壇「福氣」是甚物？1953.02 770號 p.8-9(胡文池)農曆的新年若到，家家戶戶有用「福」這字貼佇in的門斗頂。有人寫「五福臨門」貼佇門頂。按呢人攏teh向做有福氣的人。雖然是按呢，猶久真濟人無十分明白「福氣」是甚物。山地的人無「福氣」這句話。因為這句有真複雜閣包含的意思佇--leh。至少福氣有三款的意思佇--leh。I. 物質方面的福氣。較常人若有錢，濟囝，做官，長歲壽，按呢就叫伊做有福氣。「福」這字是對「示」佮「畐」來做成的，「示」是「神」的意思，就是講，「福氣」是神的賞賜，「畐」是物質充滿，抑是每一人有田的意思。實在咱中國人攏是信「天賜平安福」，所以常常人愛號名叫「天福」。...

[1953-5 台灣教會公報 文類-散文 作者--/-]
社論：祝母親節 [ Siā-lūn:Chiok Bó-chhin cheh ]
社論祝母親節1953.05 773號 p.3-4本月10號是母親節。佇1908年，民國前4年，對北美的東海岸的西維吉尼亞州 (West Virginia)，一个鄉莊做起。每年五月第二禮拜日做數念老母的「母親節。」對40年前起，到現時，佇母親節的日，美國人的家庭掛國旗，對老母表敬意。你看有一條線，將人類的歷史thīⁿ連做伙，予伊攏無斷。彼塊媠的布常常受風，受剪斷，抑是退色--去。佳哉有這條線共伊thīⁿ牢--leh，予伊免斷--去，亦免退色。這條線就是老母的疼。母性愛，雖然彼个出發是佮別款動物的老母像款。就是出對本能。毋久佇彼个本能的內面有受人道的清水共伊洗清氣，也受智識的熱火共伊開啟。毋若完成...

[1954-1 台灣教會公報 文類-散文 作者--/-]
公告：培考委員會 [ Kong-kò:Poê-khó Uí-oân-hoē ]
公告總會培考委員會1954.01，no.781，pp.04-05 1.考試期間：1954年5月4日到6日。2.新約釋義，分 (a)哥林多前後書。(b)路加福音書。(c)彼得前後書。3.舊約釋義，分 (a)以賽亞書。(b)但以理書。4.論文題目：教會的本質佮使命。5.說教經句：哥林多前書 1：23－25。6.參考書：(a)系統神學：Kuwata著「基督教神學概論，」賈Gio̍k-bêng 著「神道學，」カルヴイン著「基督教綱要。」(b)新約神學：スヲヴンス著「新約聖冊神學。」(c)教理史：ニーグレン著「愛的研究。」(d)舊約神學：Asano著「舊約神學的諸問題，」デヴイットソン著「舊約神學。」...

[1954-1 台灣教會公報 文類-散文 作者--/-]
北中敬老會 [ Pak-tiong Keng-ló-hoē ]
北中 1954.01 781號p.13-14 1、敬老會。 新店教會是不止有歷史的教會，已經欲做80 歲的生日，為著這項漸漸有teh進行佮計畫。明年就滿80 歲，老年徛在堅實的教會，為著按呢的大的記念佮好的意思，就拜堂有tê-iân，按 5 萬銀欲擴張。這pang 12月6號有舉行敬老會，60 歲以上的信主，兄弟姊妹攏得著慶賀，教會彼中晝請in紲添福壽，毋但祝賀in肉體勇壯，也信仰生活那堅定。 2、台灣省基督教聖誕慶祝會。 每一間教會不止活動，無閒teh準備祝聖誕，總是毋但佇各教會家己慶祝nā-tiāⁿ，就咱基督教全體無分教派，攏總踮佇主成做一體，相佮慶祝，12月2...

[1954-1 台灣教會公報 文類-散文 作者--/-]
建設局 [ Kiàn-siat-kio̍k ]
建設局1954.01，no.781，pp.061.1954年度，准民雄，愛蘭，斗六等，三間新築禮拜堂，紲准in通對南大區域內諸教會募捐。a) 募捐額：民雄2萬箍。愛蘭 2萬箍。b) 募捐的時間佮區域照下面：中中 嘉中 南中 高中民雄 2月 4月 1月 3月愛蘭 6月 2月 5月 8月斗六 10月 11月 9月 12月 請各教會兄姊對疼心幫贊in。2.舊年度受許可建堂，紲對外募捐的教會，請恁將恁的募捐存根寄來備查。3.募捐的三聯單佇事務所有備辦，每本兩箍半。南大建設局，局長：Si Tô͘。 ...

[1954-1 台灣教會公報 文類-散文 作者--/-]
請saⁿ-kap傳福音 [ Chhiáⁿ saⁿ-kap thoân Hok-im ]
請saⁿ-kap傳福音1954.01，no.781，pp.07-08各位敬疼的同工佮兄姊平安。咱佇舊chûn年南大有組織培靈傳道隊佇逐間教會做培靈傳道的工。得著出外佇北部所敬疼的南僑兄姊，對佇in的熱烈疼主的心，歡喜奉獻濟濟錢做這个經費。也有濟濟兄姊為著培靈傳道的工，暝日迫切祈禱；所以佇舊年的成績不止好，著感謝主，呵咾主。今佇今年的南部大會，有將這个培靈傳道重要的工交代傳道局負責設法。所以佇10月29號的傳道局小組會議的時，有慎重計畫培靈傳道的事項，詳細照別紙所記。請各位敬疼的兄姊，盡量照舊繼續奉獻金錢佮祈禱，予咱的培靈傳道隊的工作，比舊年會閣較得著上主的祝福，予信心失落的兄姊，會得著信仰復興...

[1954-1 台灣教會公報 文類-散文 作者--/-]
講壇：新年恭喜 [ Káng-toâⁿ:Sin-nî kiong-hí ]
講壇新年恭喜(蕭樂善)1954.01，no.781，pp.08-09詩篇102：27，「獨獨你無變換，你的歲壽無窮盡。」舊年大風颱的時，有一尾大鱷魚，予風湧扑到台東新港，對遐上陸，予人真奇怪，怎樣伊會經過遠閣大風浪的大海。伊的上陸，就是親像人過新年的歡喜。伊雖然無所通倚靠，也伊的力量毋是會對抗大自然的威力，猶過伊會度過這个大海，世間人雖然佇這个不時teh變動的世間teh徛起，猶過伊teh度過對舊年到新年。總是無攏按呢，有的度未過；所以會通經過這个年的人是福氣，是勝利者。到佇新年的時，有新的年，有舊的年。予人所大感覺的，就是變動；對舊變新；對新變舊；這是不幸佮危險的記號。基督徒未-通一時做新的人...

[1954-1 台灣教會公報 文類-散文 作者-劉華義/Lâu Hoâ-gī]
研究：新年恭喜kap決心 [ Gián-kiù:Sin-nî kiong-hí kap koat-sim ]
研究新年恭喜佮決心(劉華義)1954.01，no.781，pp.09-10閣一擺迎接新年，大家講，恭喜。是欲恭喜甚物事？若深沉來想，實在是加添人無限的無聊若定。怎樣講？新年加添歲壽，敢毋歡喜？平安經過一年久艱難的世上，敢毋快樂？卻有影。總是著想，加一年的歲壽是減少咱佇人間的性命，光陰有趕咱近佇墓埔一步。家庭的快樂，親朋的交陪，世上的享福是一直無份，逼人入佇彼个無限長的時間佮無限大的空間的內面。人的性命是親像teh著的蠟燭，漸漸teh消熔去，這號事實會予人生起無量的感慨。閣為著歲壽加添，身體的機能也更加衰退，袂通做主，照所意愛。這敢毋是會予人感覺心酸。這號事實佇目前，欲按怎講新年是恭喜？若按呢新...

[1954-1 台灣教會公報 文類-散文 作者--/-]
世界消息：海外 [ Sè-kài Siau-sit:Hái-goā ]
世界消息海外(明有德) 1954.01，no.781，pp.10-22 (1)埃及。佇濟濟年的中間，埃及的政府(親像佇王國時代)毋准基督教á是猶太教起拜堂。總是現時的新政府(親像中國共和政體)有歡喜允准起拜堂。所以佇舊年秋天有濟濟所在起拜堂。(2) Hui-chì群島。舊年秋天，Hui-chì群島的政府開重要會議的時，有用祈禱來開會。佇這个會的中間，主席有講用祈禱來開會是真必要，因為政府的責任真重大，所以著求上帝來幫贊in，才會予百姓得著利益。現時Hui-chì群島本島人有136,000个，大部分是基督徒。以外亦有149,000个印度人，in是信印度教佮回回教的人。(3) 緬甸 (ビルマ)。佇...