[1958-8 台灣教會公報 文類-散文 作者-編輯人/Phian-chhip-jîn]
祝日本基督教傳教100週年 [ Chiok Ji̍t-pún Ki-tok-kàu thoân-kàu 100 chiu-nî ]
祝日本基督教傳教100週年 編輯人記 1958年8月836期 3-4 日本佇100年前是佮中國siāng款禁止百姓佮外國通往，尤其是外教欲傳教日本敬閣較是受嚴禁。因為300外年前捌有天主教佇日本相當發達，因為彼時日本人信佛教的濟，閣官府度量e̍h，僥疑驚了信天主教的會叛亂。閣天主教也捌錯誤的反抗，致到一時天主教攏受剿滅，留濟濟殘忍可憐的事佇歷史上，了後自按呢佮外國斷絕關係無往來，經過200外年久。到佇1853年，美國派代表toà 艦隊來到日本的港口，請求欲佮日本買賣。日本接著這消息，無koh樣佇眠夢中聽著叫醒的大鐘聲，對頂到下無毋大chhiau-chhe̍k...

[1958-9 台灣教會公報 文類-散文 作者-編輯人/Phian-chhip-jîn]
來日本參加會議的感想 [ Lâi Ji̍t-pún chham-ka hoē-gī ê kám-sióng ]
來日本參加會議的感想 在東京編輯人寫 1958年9月837期 3-4 這次記者受派來日本參加基督教文書傳道會議，受東南亞基督教協議會的 招請，佇7月初 10下晡5點半坐飛機出發，到半暝後兩點到東京，到今仔日16號，中間得上主照顧平安，大大感謝。Siāng時感謝會議主辦單位、公報社、總會事務所濟濟的幫忙。阮同行有筆者佮公報社理事蕭樂善牧師佮高十三長老3个，因為蕭牧師手續猶未好勢，猶未到位，臨時得著準備委員會的 諒解，請現時駐在東京的台北中山教會長老李期珍博士來代替。三人攏深深愛感謝上主，紲請安咱教會的全體兄弟姊妹。 阮3人主要是參加亞西亞基督教文書傳道會議，總是...

[1958-4 台灣教會公報 文類-散文 作者-編輯人/Phian-chhip-jîn]
佮基督同死，同復活 [ Kap Ki-tok tâng sí, tâng koh-oa̍h ]
佮基督同死，同復活 編輯人寫 1958年4月832期 3 本號發行到佇各位讀者手中的時，諒必各位都攏同心虔誠teh 恭守受難週祈禱會的時；也祈禱會煞就有真快樂歡喜的復活節。當佇這个時節，咱應該著有甚物款精神上的準備，拍算大家攏有共通的期待愛得著適當的指示。 今受難週，復活節年年都 teh舉辦，這兩項也是使基督教會當成立的基楚tek 的事實。設使若無基督的 十字架佮伊的 受難，就基督教或者袂通產生，親像按呢，若無復活就基督教或者無基礎通存在。 既然是遮爾有重大意義的事項，咱gū著這个事實應該著有甚物款的態度？ 保羅講看萬物做糞埽，閣平素看做利益的，今攏看做損害，彼个...

[1958-10 台灣教會公報 文類-散文 作者-編輯人/Phian-chhip-jîn]
十月的一兩項事 [ Cha̍p goe̍h ê chi̍t nn̄g hāng sū ]
十月的一兩項事 編輯人寫 1958年10月838期 3-4 夏天過了，秋季的天懸閣涼爽。親愛的讀者毋知有想著幾項通saⁿ-kap做勉勵？筆者佇遮照例愛閣寫幾項。 一項：十月頭一禮拜是世界kong-tông聖餐日，這層事幾年來佇本報攏有teh 提倡。今各教會或者無攏照這个預定 teh舉行聖餐。總是大家若守聖餐的時，所得著濟濟的感想，中間的一項穩當是同心一意的事。聖餐的英語有時叫做(Holy communon)，這个意思，就是神聖的合一佮相通。小小的基督徒家庭著合一，小小一間教會著合一，小小的台灣教會也著合一，其實整個世界的教會都已經有真出力teh鼓舞，普世教聯運動...

[1958-12 台灣教會公報 文類-散文 作者-編輯人/Phian-chhip-jîn]
欲怎樣祝聖誕 [ Beh cháiⁿ-iūⁿ chiok Sèng-tān ]
欲怎樣祝聖誕 編輯人 寫 1958年12月840期 3 恭喜聖誕！佇這聖誕節咱攏愛saⁿ-kap恭喜。不過咱的恭喜有甚物內容，有甚物表現，真愛佇遮saⁿ-kap來檢討。咱攏知，現時無論信主，無信主都攏teh 祝聖誕，所以佇禮拜也是teh 祝聖誕；總是掠會堂做戲院，人山人海來看戲也是祝聖誕，甚至大街面布置裝飾遐爾媠，用祝聖誕做招牌來推銷in的生理，也是祝聖誕。閣較khó-siong 的就是利用祝聖誕開食酒會，開跳舞會，迎鬧熱來大宴樂，按呢也teh 祝聖誕。 按呢佇卑微的馬槽裡出世，佇卑微的馬寮裡，無夠溫暖，無夠設備，無夠嬰仔衫的基督佮伊爸母，若聽著按呢驚了感覺心艱苦...

[1958-4 台灣教會公報 文類-散文 作者-張宏昌/Tiuⁿ Hông-chhiong]
歷史tek的春令會 [ Le̍k-sú-tek ê Chhun-lēng-hoē ]
歷史tek的春令會 張宏昌 1958年4月832期 15-17 春令會照所預定佇2：19 ē晡 ，佇長榮中學開始。今年的春令會是特別通記念有歷史tek意義的會：第一，是起頭為著「農村青年」做中心來開。第二，是一切攏是自費，無受補助，家己出錢來開家己的會。第三，是人數是空前 的，以前若是夏令會卻捌有遮濟人，若是春令會是猶毋捌有遮濟人。 咱的歷史佮力量已經閣進一步lah。起頭部會聚集teh 籌備 的時驚了為著無補助，人數減少。總是結果毋但無減少，紲有意外的成績。這是表明T.K.C。已經有自覺咱的教會進步lah。 赴會人員攏總是男 163，女--的 90；共25...

[1958-9 台灣教會公報 文類-散文 作者-張宏昌/Tiuⁿ Hông-chhiong]
T.K.C.高中學生夏令會 [ T.K.C. ko Tiong ha̍k-seng Hā lēng-hoē ]
T.K.C高中學生夏令會 張宏昌 1958年9月837期 13-14 近來佇報紙上常常看見所謂太保，抑是太妹(太保或太妹)佇社會起事的消息，遮个大半是高中的學生這是事實。佇這个年會是極危險的時期，in是毋成大人也毋成囡仔，心理佮肉體的發達有矛盾，致到常常愛行錯路。 青年處理事會有關心佇這點，所以對今年起，頭一擺來為著高中的學生主辦夏令會，為著我有真早準備，iáu-kú宣傳無徹底。又閣啥知今年各地方的中學的假期無相同，所以代先有小可掛慮成績毋知怎樣？總是感謝主，照預定 7月14日下晡7點，會長鐘茂成牧師主持開會，結果出席攏總有195名，其中男生 104名...

[1958-10 台灣教會公報 文類-散文 作者-張宏昌/Tiuⁿ Hông-chhiong]
菲律賓考察報告書 [ Hui-li̍p-pin Khó-chhat pò-kò-su ]
菲律賓考察報告書 張宏昌 報 1958年10月838期 6-8 菲律賓是佇咱台灣的南爿，也是咱的厝邊。總是過去咱對菲律賓的智識真少，差不多攏毋知，總是我相信菲律賓人對台灣的認識也是真淺薄，這是我這pang到佇遐所感覺的一項事實，這kiám-chhái是因為過去菲律賓是屬佇美國所管轄，iā咱是才予日本管的關係，所以才互相無機會通相認識。 感謝上帝，這pang對菲律賓2教會聯盟(P.E.C.C.)青年部(Y.P.D.) 的好意聘請我到佇菲律賓，前後6禮拜久佇遐考察佮研究in 的青年事工佮教會以及一般的社會的款式。 4月22日早起10點，對台北起飛，...

[1958-4 台灣教會公報 文類-散文 作者-曾榮旭/Chan En̂g-hiok]
烏腳病患者興起教會 [ O͘-kha-pēⁿ hoān-chiá heng-khí kàu-hoē ]
烏跤病患者興起教會 曾榮旭 1958年4月832期 13-14 主內的兄姊願恁平安。佇咱所關心的 學甲教會會友邱義兄弟已經得主的恩典煞伊世間的工佮苦痛，佇2月22號上午兩點離開世間。為著榮光上帝的名的緣故，特別佇遮報告這位患著烏腳怪病 4年久，佇學甲鄉 61 个患者中是最厲害最嚴重。又閣伊的獨生囝榮霖君患著最嚴重的 T.B.，肺已經chhun一爿，婦人人又閣失明。筆者最初接著伊的時，予我感覺伊是一个道理精；我欲勉勵伊，反轉受說教。經過有兩禮拜了後，才露現伊的 假面具；因為僥疑上帝的公義，不平伊所拄著的試煉是過份。 後來感謝上帝，予我好膽對伊干證不平，僥疑...

[1958-4 台灣教會公報 文類-散文 作者-吳Le̍k-chì/Gô͘ Le̍k-chì]
數念米珍珠姑娘 [ Siau-liām Bí Chin-chu Ko͘-niû ]
數念米珍珠姑娘 吳 Le̍k-chì記 1958年4月832期 12-13 本篇是吳 Le̍k-chì 姑娘佇長榮女中70週年校慶舉行米姑娘記念圖書館獻館式的時講的。有米姑孃好的 功績，閣有吳姑娘好的 評價，所記遮个相信欲利益大家真濟才著。 今仔日咱數念米珍珠姑娘，真有才能閣盡忠佇這間學校服務。 伊的爸母是英國長老教會著名的會員。伊的老爸是細菌學 的教授；老母是一位佇基督教佮教育的工真活動的人。我這擺未離開英國以前有接著伊的老母米博士娘的批，叫我替伊共恁請安，也講伊今仔日的確欲數念咱。伊不時替這間學校祈禱，也用關心佮疼情teh看這間學校的 進步。 米...

[1958-5 台灣教會公報 文類-散文 作者-陳復生/Tân Ho̍k-seng]
偉大的指導者，摩西II [ Uí-tāi ê chí-tō-chiá, Mô͘-se II ]
偉大的指導者，摩西II 陳復生寫 1958年5月833期 12-13 今摩西，因為teh數想伊的性命的王已經死了，就轉去埃及 的所在欲拯救伊的 同胞。伊佮亞倫對法老所做的十个災厄(出7：14-13：16)，就是摩西所疼所順服的彼上帝的權能 的實在的發現。摩西的倚靠毋是空空；這个上帝實在會通倚靠。有人teh講，倚靠神是弱者的作為，但--是歷史教示咱，實在勇壯的人就是信靠上帝的人。 摩西究竟有帶領伊的 同胞出埃及，就是做奴才的家。是，伊有khah贏，因為伊有倚靠耶和華，以色列的上帝。今伊帶領伊的百姓欲去佗位？就是欲去西奈山，欲去朝見in 的上帝。西奈山就是以...

[1958-4 台灣教會公報 文類-散文 作者-陳復生/Tân Ho̍k-seng]
偉大的指導者，摩西 [ Uí-tāi ê chí-tō-chiá, mô͘-se ]
偉大的指導者，摩西 陳復生寫 1958年4月832期 6-7 (陳先生是台灣師範大學，美國普林斯頓神學院的出身。專攻舊約。舊年歸國，現時teh 教台灣神學院。這擺頭擺共咱賜告。向望此去會通 chia̍p-chia̍p得著伊的賜教) 當摩西大漢的時，有一日出去外位，看著伊的 同胞 teh受埃及人的窘逐，伊就拍死彼个埃及人。隔轉日閣出去的時，伊看見兩个希伯來人teh相爭，伊就欲共 in做公親 的時，反轉得著in 的反感，致到摩西本身著逃走(出2：11-15)。摩西做以色列百姓的拯救者佮指導者的生涯就是按呢開始。伊所拄著這兩日的中間所發生的事件也有象徵tek(sym...

[1958-5 台灣教會公報 文類-散文 作者-陳明德/Tân Bêng-tek]
東南亞基督化研究會 [ Tang Lâm A Ki-tok-hoà gián-kiù-hoē ]
東南亞基督化家庭生活研究會 佇泰國 陳明德寫 1958年5月833期 16-17 本篇是頂月尾所寄來的消息，可惜袂赴4月號的 排印。今出佇遮，請讀者注意。 佇2月初 2，有20 位東南亞基督徒代表聚集佇泰國北部清邁 (Chieng-mai) 的所在，開始3月日久的婚姻佮家庭生活研究會。所代表的國家有11國，包含日本，朝鮮，台灣，香港，菲律賓，馬來亞，太泰國，緬甸，印度，錫蘭，佮巴勒斯坦。其中有5个中國人，兩位是對台灣(張容江牧師娘佮本人)，一位對香港，一位對呂宋，( 蔡信彰牧師夫娘)，一位對新加坡來的。 所有的代表攏toà佇長老會的 McGilvary神學院saⁿ...

[1958-5 台灣教會公報 文類-散文 作者-歐晉安/Au Chìn-an]
釘十字架的基督 [ Tèng si̍p-jī-kè ê Ki-tok ]
釘十字架的基督 歐晉安 1958年5月833期 9-11 =本篇是今年受難週佇士林總統佮總統夫人播送正道的時，受選聘 siāng時去播送的 歐牧師的講道。每年一擺這款的播送已經成做全國所注重。歐牧師應記者的 要求將講播 的全文出佇遮，請讀者注意讀。= 今仔日是全世界敬虔的基督徒所無袂記得做感激的日子。咱記念耶穌基督佇世間33 歲 的今仔日，為著人類釘佇十字架。基督的死是世界歷史上最偉大的事件。伊的死是做改造人類，世界的 原動力。世界假使無有耶穌來，抑是伊無受釘十字架，這个世界一定佮今仔日的 現狀差真濟。 為甚物緣故耶穌基督的人生只有33 歲nā-tiāⁿ？伊若佮...

[1958-6 台灣教會公報 文類-散文 作者-歐晉安/Au Chìn-an]
釘十字架的基督 [ Tèng si̍p-jī-kè ê Ki-tok ]
釘十字架的基督 歐晉安 接 5月11面 1958年6月834期 24-25 3、耶穌的死是為罪。 耶穌的死猶有較深的意思。伊是因為疼人來死，總是毋是指有親像義士為國來死；抑是老母為囝來死，以及聖徒為道來死的疼nā-tiāⁿ。也毋是親像吳鳳為著愛解除阿里山蕃，thâi人的歹風俗來犧牲伊的性命的好德而已。這等號攏是為義，為愛，真高尚的犧牲。總是耶穌的死，是為著人類的罪受刑罰。為著按呢，上帝的囝才著降世，才著受死。耶穌有講明，「人子來毋是欲差用人，是欲予人差用；閣獻性命來屬回濟濟人。」行洗禮約翰也干證「伊是上帝的羊羔欲擔當世間的罪--的。」因為人有罪，所以著欠用...

[1961-7 台灣教會公報 文類-散文 作者-歐晉安/Au Chìn-an]
倍加運動著向什麼目標 [ Poē-ka ūn-tōng tio̍h ǹg sím-mi̍h bo̍k-phiau ]
Normal 0 0 2 false false false MicrosoftInternetExplorer4 st1\:*{behavior:url(#ieoo͘i) } /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colb...

[1958-6 台灣教會公報 文類-散文 作者-聖詩委員會/Sèng-si Uí-oân-hoē]
介紹新聖詩 [ Kài-siāu Sin Sèng-si ]
介紹新聖詩 聖詩委員會報 1958年6月834期 25-26 編者註：咱的聖詩著閣增加予伊內容較豐富，這是久久的要求。今聖詩部會自舊年總會成立了就積極佇teh準備，閣in所備辦的有欲繼續紹介佇本報，這次先出這篇，後月日會特別poah較濟篇做介紹新聖詩佮出名的聖詩的路用，siāng時報告聖詩部會的工作計畫，也欲有鼓勵聖歌隊的文章等通做教會音樂的 te̍k-chhip，向望讀者期待就是。 佇今年總會的時，聖詩委員會有提出一本倚50 的新聖詩。得著總會允准來用，一教會有the̍h一本。今愛欲分做幾若回佇教會公報來介紹幾守。向望大家較知影遮个作者的事，就較有趣味愛研究。請各...

[1958-6 台灣教會公報 文類-散文 作者-吳同燦/Gô͘ Tông-chhàn]
排灣族教會 [ Pai wan cho̍k kàu-hoē ]
排灣族教會 吳同燦 1958年6月834期 11-12 Paiwan族是分怖 toà佇台灣山脈的南端，包括屏東縣佮台東縣，總是大部分是toà佇屏東縣，台東方面的 Paiwan族卻也有幾若間的教會，總是可惜p筆者毋捌去，毋知情形，袂通報甚物，真遺憾。以下報的攏是屏東方面的 nā-tiāⁿ(有包括Rukai族)。 1、傳教史， 光復後第一个新曆過年，屏東教會的 許有財牧師佮一群的青年，toà淡薄的禮品入山去訪問幾個部落，這是傳教的開端。後來許牧師有暫時放去屏東教會的工，入山去做國校的校長，行政指導員等的工。目的是愛傳福音，其中也有教會青年有志的協助。總...

[1937-7 台灣教會公報/芥菜子 文類-散文 作者-孫雅各/Sun Ngá-kok]
人敢偷提上帝的物mah？ [ Lâng kiám thau-the̍h Siōng-tè ê mi̍h mah? ]
人敢偷提上帝的物mah？ 孫雅各 1937年7月628期 21-23 恁竟然偷提我的物......就是佇應該納的十份一佮禮物(瑪拉基3：8)。 人若偷提別人的物，伊是賊仔。亦人自然無尊敬彼款的人。伊是差不多第一下賤的人。咱成人伊的所做毋著，因為伊偷提人的物。若是人偷提上帝的物甚物款？瑪拉基有講人偷提上帝的物。就是人，因為貪心，應該著予上帝的無予伊，這个若照瑪拉基所講，就是偷提伊的物。人所應該著予伊的是甚物？聖經濟濟所在有記明著獻10份一以上。「應該納的10份一佮禮物」。禮物是十份一以外。佇舊約時代，猶太人有承認這个是應該。In不止細膩實行這个法度。後來佇新...

[1937-12 台灣教會公報 文類-散文 作者-孫雅各/Sun Ngá-kok]
疼的王 [ Thiàⁿ ê Ông ]
疼的王 孫雅各 1937年12月633期 24-25 兩千年前，有幾若个顧羊的人佇馬牢內敬拜服侍一个細漢囡仔。 今年，大概500,000,000人，佇60外國，欲敬拜祝賀伊的生日。今仔日通講，對耶穌的出世，世間人的生活有得著新的意思佮新的方針。耶穌有予咱通知上帝的疼是甚物款。伊有證明，上帝的疼就是： (1)個人tek的疼。 有時人拍算上帝是天頂的神，宇宙的主宰，總是較無干涉咱逐日的生活。耶穌予咱通知上帝是咱的爸，亦疼咱個人，「贏過爸母的疼」。「恁的頭毛亦攏計算」。牧者若是失落一隻羊，伊有去山路四界揣到得著彼隻。這个攏是證明個人tek的疼。耶穌落來世間佮人...