[1958-11 台灣教會公報 文類-散文 作者--/-]
東海大學的現在 [ Tong-hái Toā-o̍h ê hiān-chāi ]
東海大學的現在 本報記者 1958年11月839期 15-16 東海大學是現時咱自由中國所有的一間教會大學，這是咱所知。今不過東吳大學，淡水英專以及中壢的中原理工學院卻也有基督教的背景佇teh。有的大學卻基督教的色彩佮活動無joā盛，總是有的卻也嶄然活動。不過這月日咱所愛關心的就是東海大學。 照親像咱總會議長的公告所講(1)是咱出頭申請來設。(2)是咱的總會選派的董事有參加。(3)有咱總會決議欲用11月頭一禮拜做東海大學日，通為in祈禱佮奉獻。 今東海大學現時狀況是啥款？ 校長是吳德耀博士。伊會曉講閩南話予咱感覺加真好親近，人博學閣敬虔，接續第...

[1958-11 台灣教會公報 文類-散文 作者-高瑞士/Ko Suī-sū]
對外的傳教工作 [ Tuì goā ê thoân-kàu kang-chok ]
對外的傳教工作 The Task of the Christian Preacher o͘tside the Church 高瑞士 講 本報記者 記 1958年11月839期 4-5 編者註： 這篇是高瑞士牧師佇9月刊傳教師總會的式上所講的。高牧師佇30外年前捌來教台南中學兩年久，閣捌佇中國做工20外年。現時teh學台灣話，預定後來欲接續明有德牧師做咱的助理總-幹事。伊有將講演稿寫真好勢，本報有將全文翻譯做國文出佇副刊 「榮光」裡。佇遮因為紙面的關係，只有出彼个概要，總是相信讀者欲得著濟濟的啟發佮鼓勵，通saⁿ-kap關心出力佇此去的對外的傳教工作...

[1958-11 台灣教會公報 文類-散文 作者-明有德/Bêng Iú-tek]
為著東海大學來祈禱 [ uī-tio̍h Tong-hái Toā-o̍h lâi kî-tó ]
為著東海大學來祈禱 明有德 1958年11月839期 14 「東海大學日」是咱總會所定的。彼个由來佮理由咱的總會議長有做公告出佇本號的第10面的所在。今東大卻毋是欠用咱joā大條錢應援 in，iáu-kú咱若為in獻金，穩當欲鼓勵in 的宗教力量；親像按呢，咱若為in關心，為in祈禱，相信欲閣較大鼓勵in。佇遮有這篇的祈禱，閣有一篇的消息，請讀者同心祈禱，同心關懷就是。 至大，至聖的上帝，阮做你的囝兒著感謝，呵咾你的名無煞。你有差你獨生的囝耶穌基督來世間做阮有權能的主，做阮模範的的先生，佮做阮行得救的路的人的向望。感謝上帝，因為你佇濟濟年的中間有差你的...

[1958-12 台灣教會公報 文類-散文 作者-編輯人/Phian-chhip-jîn]
欲怎樣祝聖誕 [ Beh cháiⁿ-iūⁿ chiok Sèng-tān ]
欲怎樣祝聖誕 編輯人 寫 1958年12月840期 3 恭喜聖誕！佇這聖誕節咱攏愛saⁿ-kap恭喜。不過咱的恭喜有甚物內容，有甚物表現，真愛佇遮saⁿ-kap來檢討。咱攏知，現時無論信主，無信主都攏teh 祝聖誕，所以佇禮拜也是teh 祝聖誕；總是掠會堂做戲院，人山人海來看戲也是祝聖誕，甚至大街面布置裝飾遐爾媠，用祝聖誕做招牌來推銷in的生理，也是祝聖誕。閣較khó-siong 的就是利用祝聖誕開食酒會，開跳舞會，迎鬧熱來大宴樂，按呢也teh 祝聖誕。 按呢佇卑微的馬槽裡出世，佇卑微的馬寮裡，無夠溫暖，無夠設備，無夠嬰仔衫的基督佮伊爸母，若聽著按呢驚了感覺心艱苦...

[1958-12 台灣教會公報 文類-散文 作者-楊士養/Iûⁿ Sū-ióng]
增補聖詩50首的介紹 [ Chéng-pó͘ Sèng-si 50 siú ê kài-siāu ]
Normal 0 0 2 false false false MicrosoftInternetExplorer4 /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colband-size:0; mso-style-noshow:yes; mso-s...

[1958-12 台灣教會公報 文類-散文 作者-包威廉/-]
用花帽來代替火hu [ ēng hoe-bō lâi tāi-thè hoé-hu ]
用花帽來代替火hu (以賽亞 61：3) 包威廉 著 蘇慧真 譯 1958年12月840期 7-8 包威廉博士是現時佇英國最受歡迎的神學者。公報社也有將伊所著的聖經註解辦來予捌英語的傳教者得著真大的利益。伊有真好的講壇查經佮靈修每禮拜出佇英國出名的教會雜誌，遮有將一篇紹介佇遮，向望讀的人通得著好的信仰佮知識的幫贊。 有一日我一个做藝術家的朋友共我講一項真寶貝的事，伊講寫聖經背景的人攏講，葡萄藤的柴真軟，袂通做甚物路用，只有通做火柴。所以見若枝無結果子的就san起來hiat落火爐(約翰15：6)。我有寫這篇文講起這个事。我的朋友看了寫批共我講，葡萄樹有一項真好的路用，就是...

[1958-12 台灣教會公報 文類-散文 作者-懷約翰/-]
關係聖誕節的布置 [ Koan-hē Sèng-tān cheh ê pò͘-tì ]
關係聖誕節的布置 懷約翰 1958年12月840期 9-10 我看見台灣的教會佇聖誕節布置拜堂的時採用遐的佮救主的出世攏無關無係的聖誕卡片的圖樣來布置，因為按呢感覺真可惜。我看著咱台灣教會的青年用真好的美術才調 teh 裝飾禮拜堂，實在真感心。總是我真驚了in 的工是歸佇空空。 自然這款非基督教的裝飾品是對佇所teh講的基督教國學--來的。總是事實上人看做是基督教國遮个歐洲、美洲，逐國，kiám-chhái是只有10 分之 1是基督徒 nā-tiāⁿ，遐个teh慶祝聖誕節的 10 分之 9對佇咱的主耶穌的出世其實是無理解--的。In是藉這个機會來聚集thit-...

[1958-12 台灣教會公報 文類-散文 作者-柯設偕/Koa Siat-kai]
聖誕的意義 [ Sèng-tān ê ì-gī ]
聖誕的意義 柯設偕 1958年12月840期 8-9 聖誕的意義： 1、對上帝的方面來講：是賞賜伊的獨生囝。 「因為上帝將獨生的行賞賜世間，予見若信。伊的人袂沉淪，會得著永活；伊疼世間到按呢(約翰3：16)」 2、對耶穌基督的方面來講：是伊放sak 天頂的榮華，成做奴僕，順服到死佇十字架。 「伊(耶穌基督)本有上帝的形狀，無掠佮上帝平等做所著執守的，反轉piàⁿ空家己，取奴僕的形狀，成做人的樣相；已經有親像人的款式，就khut家己，順服到佇死，甚至死佇十字架」(腓立比2：5-8)。 3、對世間人的方面來講： 是上帝已經為著世間人備辦一位救主。 「天...

[1958-12 台灣教會公報 文類-散文 作者-柯設偕/Koa Siat-kai]
聖誕感想 [ Sèng-tān kám-sióng ]
聖誕感想 柯設偕 1958年12月840期 10 上帝疼痛世間人 賞賜獨生囝， 救咱脫離濟苦痛， 予咱新活命， 這大恩典佮疼通， 罪人會得白白領， 大家盡力來做工， 傳報主聖名。 (用下面譜來吟)。 G 調3/4 3 - 3 | 2 - 1 | 5| - 6| 1 | 2 - - | 5 - 3 | 2 - 1| 3 | 2 - - | 2 - ○| 3 - 3 | 2 - 1 | 5| - 6| 1 | 6| - 5| - 3 -1 | 3 - 2 | 1 - - | 1 - ○| 5 - 6 6| 5 - 3|5 - 6 6 | 5...

[1958-12 台灣教會公報 文類-散文 作者-江萬里/Kang Bān-lí]
甚物叫做「獻予上帝」 [ Sím-mi̍h kiò-choè “Hiàn hō͘ Siōng-tè” ]
甚物叫做「獻予上帝」 接9月號第 11面 江萬里 1958年12月840期 11-12 今年尾已經到。咱也愛記念聖經的事；也愛祝聖誕，iáu-kú一項，就是愛咱年尾做一擺的決算，看咱今年為主奉獻joā濟，猶有欠上帝的數無。 佇遮閣出2、3篇關係「奉獻」的鼓勵佮報告。願大家佇這年尾加添感謝佮奉獻的精神就是。 2、維護祭司佮利未人的路用。 因為利未支派是上帝所揀選欲擔當會幕的工，也愛利未人會通專心佇會幕，也後來佇聖殿的工，利未支派無分土地予in做產業。「獨獨利未支派摩西無分業予in；耶和華以色列的上帝做in 的產業，照伊所共7 in講的」(...

[1927-1 芥菜子 文類-散文 作者-陳清義/Tân Chheng-gī]  (2)
基督的神tek [ Ki-tok ê sîn-tek ]
基督的神tek 以賽亞9 章，6節。 論這節的聖冊，是先知以賽亞，稱讚基督的神tek。 伊講幾若所在患難的百姓得欲得著德聖，是因為有一个做王--的得欲出世。伊佇默示中看見，親像已經降生。 有人講這个是以賽亞看見太子 Hi-se-ka，約略十外歲，心意良善，預料伊做王，會得著tāi-kong，對按呢就想到基督親像已經佇世間。古早人濟濟用目下的人物以及事情做預想來指起後日的事。總是詳細來研究伊所講，的確著指起彌賽亞才著，因為所尊稱的名，別人當袂起，佇舊約中的 uî-giân基督，無有比這个較明亮。閣7百年後，天使傳言救主已經降生，博士來朝拜伊，眾人所看見，所講，佮以賽亞所看見所講相同。以...

[1927-1 芥菜子 文類-散文 作者-雪峰逸嵐/Soat-hong Iat-lâm]  (2)
兩个恭喜 [ Nn̄g ê Kiong-hí ]
兩个恭喜 （風雪拽南） 列位恭喜！大家恭喜恭喜！！欲恭喜啥物？就是恭喜救主降世的大記念日。這真正是真恭喜，毋是一部分的人teh恭喜，是通世界的人攏teh恭喜，就是通世界同心大歡喜的日。按呢來講，就是通世界共同的大節日。這个節日是世界tek--的，其餘的節日是隨國的，隨人--的，kan-ta這个日是世界人類共同--的，這敢毋是著真歡喜，真恭喜？列位兄姊！咱穩當知是啥物因端才有這个節日，就是對上帝的疼不忍世間人沉淪，差聖囝來替人擔罪，才有生出這个日，這敢毋是真大歡喜真大恭喜的事？實在是。真通恭喜，總是毋知親愛的兄姊，有teh想是因為按怎才會連累聖囝來受苦nē？上帝敢真愛伊的神...

[1927-1 芥菜子 文類-散文 作者-陳清忠/Tân Chheng-tiong ]  (2)
死！ [ Sí ! ]
死！ 人應該著死！ 早前出世的人有拄著死的款式，現時teh活的人也著經過彼條死河；後來閣出世的人也是親像為著死來出世一樣。 人生有死，宛然是親像太陽有落山。對東爿上出來的日頭定著一擺著對西爿落--去。人對出世了後，就隨時有死的運命來交纏。人會得通閃避sàn-hiong 的艱苦，lîn-iū 的歹款待；總是袂得通脫離死的手頭。死是人生不能免得，遐確實的事，iáu-kú人無teh想死的事，實在真奇怪。人人宛然 teh想欲活到永遠來經過這世間的款式。若看見序大人的墓，拄著囝兒的大病，朋友葬式的時，彼時就會想出家己的運命；總是若過了就隨時袂記得。 死毋但是佇人生做確實的事實，尚且是最壓制的最有...

[1927-1 芥菜子 文類-散文 作者-陳清忠/Tân Chheng-tiong ]  (4)
十字架的路 [ Si̍p-jī-kè ê Lō͘ ]
十字架的路 十字架的死，贖罪的血，任你按怎想，佇這个以外無有真的宗教。基督教的根底是血，是犧牲的死lah！上帝的囝為著咱死，咱猶原著為著伊佮伊所疼的靈魂來死！ 希臘式的生活，今旦日所叫做文化的生活袂得通飽足的因端，是因為無死lah！In 的生活，的眼目就是秋天的花，秋天的日，情的滿足，肉的（jio̍k-tek）快樂。佇啥物所在有犧牲的死，對信的服從ah！In kan-ta求爽快來活，無愛死了來得著活。In無了解犧牲生活的尊貴，也無了解伊的氣力的大。 雖然講死，iáu-kú毋是自然tek 的死。佇上帝的bīn-bêng，為著上帝來thâi死家己的心肝，釘家己的意志佇十字架，撲殺(phok-...

[1927-1 芥菜子 文類-散文 作者-陳清忠/Tân Chheng-tiong ]  (2)
信仰的問答--論活基督 [ Sìn-gióng ê Būn-tap--Lūn oa̍h Ki-tok ]
信仰的問答--論活基督 A、先生，你teh 講活基督，彼到底是啥物意思。請指教。 B、活基督就是佇2000年前予人thâi死彼个基督現時猶活，無變換teh活動的意思。 A、基督敢毋是已經予人釘佇十字架死mah，是閣還魂對墓裡出來mah？ B、毋是，毋是按呢，還魂來活的，會閣照舊來死；總是基督是真實死也真實閣活；無變換伊生前的聲音抑是形狀，iáu-kú伊會得自由出入佇關密的門。 A、彼敢毋是基督的陰魂mah？ B、基督的學生起頭嘛是拍算是伊的陰魂，總是基督問in看有啥物通食--無，的時，in予伊一尾魚，伊隨時佇 in 的面前來食；閣再共 in講伊毋是陰魂，陰魂無跤手，伊報in看伊的跤...

[1927-1 芥菜子 文類-散文 作者-明有德/Bêng Iú-tek]  (2)
「羊九十九」的由來 [ “Iûⁿ káu-cha̍p-káu” ê Iû-lâi ]
「羊九十九」的由來 這首是英國蘇格蘭某市的市長Khu-le̍k phêng 的查某囝伊莉莎白作的。伊寫這首，是做基督徒了後無若久。咱若吟這首詩，就知伊有囥滿滿的歡喜佇伊的心內。伊起頭所囥的歡喜佮這款無相同。伊是市長的查某囝，見若伊所愛--的，逐項攏通快快得著；所以伊想平常的人是真下賤，無有親像伊所囥的歡喜。伊拍算伊的快樂無有別項通比。總是到伊捌耶穌了後，這款的快樂予伊袂滿足，知這是外皮暫時的歡喜nā-tiāⁿ毋是真實久長的福氣。所以伊決意愛欲揣出實在久長的快樂。後來果然得著，因為伊讀著約翰第十章所記迷羊的故事，明白伊本身tú-tú是親像迷路的羊，今已經予耶穌揣著；彼時對伊的真心寫出這首詩來...

[1927-1 芥菜子 文類-散文 作者-陳清忠/Tân Chheng-tiong ]  (3)
桌上談 [ Toh-siōng-tâm ]
桌上談 以下所譯--的，是印度的大宗教家(Sat-hu Sun-tāi)。Sadhu Sundar Singh所講的斷片。 (I) 說教者。 「我欲寫說教的時，無坐teh，佇祈禱的詩來得著本文，題佮引例」。 「說教者所欲傳--的，應該著對上帝來受才著。設使伊若是對冊來得著，就毋是伊本身的福音，是別人的福音。彼款的說教者就是坐佇別人的卵的頂面來孵，也掠遐个卵做家己的」。 「聽的人靈的 (lêng-tek)所要求--的是啥物，我會感著，tú-tú是親像狗比學者較有鼻味的力」。 伊佇公會的面前欲說教的代先，著久久的中間內祈禱佮冥想，後來揀一句的聖言，也特別揀會合佇彼个時陣的...

[1927-1 芥菜子 文類-散文 作者-張金波/Tiuⁿ Kim-pho]  (2)
意料外 [ Ì-liāu-goā ]
意料外 (基隆教會的消息) 世間事濟濟項予人會料得，總是有的予人袂料得。聖冊有記，－吼的獅gâu食人巴比倫王有設獅穴，見若犯罪死刑的人，就hiat落獅穴予獅食，逐个無性命，逐人都料會出。只有但以理獅無kā--伊，對獅的喙脫離；這是人的意料外。 這幾年來基隆，教會的事情有幾若項出佇意料外，排佇下底：－ 1、1923年拄著歹境遇，大家拍算教會負擔傳道的經費袂起；無疑 1924年正月黃瑞擎長老對廈門來遮赴禮拜，紲鼓舞會友著請牧師，果然3月獨立請牧師；遮緊是意料外！ 2、會友請牧師是強tìⁿ，因為無財產，閣人數少。曾清才執事較有氣力，做車長真久，拄著減員，無久紲破病，1925 iân-k...

[1927-2 芥菜子 文類-散文 作者-雪峰逸嵐/Soat-hong Iat-lâm]  (3)
基督的疼 [ Ki-tok ê thiàⁿ ]
基督的疼 (雪峰逸嵐) 請看這篇的朋友，未看的代先hian 羅馬 8：35－39來讀，紲詳細想，「Chī-chuī欲隔斷咱佇基督的疼？......阮為著你的緣故終日受死看做親像欲thâi的羊.........攏袂會隔斷咱佇上帝的疼。就是咱的主基督耶穌所有的疼」。 到底基督的疼佇佗位？按怎疼？按怎才欲疼咱？愛小可saⁿ-kap談論。 真神的救主無罪的耶穌刁工降世，出世就包佇冷 ki-ki 的幼布，睏佇tēng khok-khok 的馬槽，伊敢應該著按呢？無。是為著咱的罪。伊疼咱。 佇世間三十外年，食、睏袂照時，世間人毋信伊，反對伊，致到予伊悲傷啼哭佇耶路撒冷城外。伊毋限定為著...

[1927-2 芥菜子 文類-散文 作者-陳清忠/Tân Chheng-tiong ]  (2)
兩个異端 [ Nn̄g ê ĪN-toan ]
兩个異端 基督教信仰的基礎就是聖經。上帝有顯現伊本身佇聖經內，也宣言永遠的疼佮拯救佇彼中間。論信仰的枝葉kiám-chhái佮時代有變遷，默示論贖罪的大根本，是phoâⁿ過時代有超越變遷，宛然親像高山，雖罔世移人變 iáu-kú無一屑仔的振動。咱的信仰也著親像按呢。 信仰是事實。神學是說明。所以神學有變遷，總是信仰的事實是永袂變。星辰燦爛佇大的空中，雖罔天文學有進步，但是星本身是無變。紅、白的花參插teh開，雖罔植物學的學說有變遷，但是花彼項物雖罔開佇ái-tiân 的樂園，大概無啥物精差。神學 teh變遷，思想teh進步，總是人猶kú是罪人，著欠用救主，若無贖罪的血，chiong-kó...