[1949-6 台灣教會公報 文類-散文 作者-梅樂德/Muî Lo̍k-tek]
訪問聖經地（2） [ Hóng-būn Sèng-keng toē [2] ]
訪問聖經地[2]{梅樂德Rev. J. Donald Mactavish}1949.06 726號 p.4-5二--月我寫Bí-lī-tāi海嶼的經驗佇咱的報紙了後，我有讀H. V. Morton的冊。照保羅的路，我知伊有訪問Bí-lī-tāi，總--是毋是保羅拄著船破的海嶼。伊講：「親像我若照我所會看近佇港灣的北爿的石巖的路落--去，我會通落去到海嶼對面的海墘，也檢彩猶原會經過--去，因為彼个距離不過是親像跳遠若定。行過兩、三英哩了後，我離開車，直直對火山巖落去到沙埔的海岸，總--是佇遐一條闊的溝佇我佮細細無liâu的石巖的中間，溝深、流緊，欲經過是袂會。海湧溢這ng著石壁，所以變做一逝的白...

[1949-8 台灣教會公報 文類-散文 作者-梅樂德/Muî Lo̍k-tek]
訪問聖經地（3） [ Hóng-būn Sèng-keng toē [3] ]
訪問聖經地 [3]{梅樂德Rev. J. Donald Mactavish}1949.08 728號 p.4-5第2項罕得有的經驗，是我佇Bí-lī-tāi的中間，行Bí-lī-tāi的海底。這位佇戰爭中是做鑽水船的基地。若是潛水艇有故障，袂得浮起來的時，佇船內的人穿藏水服，叫做Davis Escape Apparatus，in佇水內會得喘氣，按呢in會通閃避死。我有一个朋友teh按這個機關，予我穿一領潛水衫。代先，我掛一个喙頭，掛耳仔choān，也下一條大條管佇我的喙內。這條管是透佮一个桶相連絡（酸素桶）我通chūn來調節，後--來我掛一條皮帶，入14斤的鉛佇我的腹肚邊，予我較袂浮--起來，...

[1949-8 台灣教會公報 文類-傳記 作者-楊天豪/Iûⁿ Thian-hô]
洪金先生ê天路歷程 [ Âng Kim Sian-siⁿ ê Thian-lō͘ Le̍k-thêng ]
洪金先生的天路歷程1949.08 第728號 p.11-12(楊天豪寫)1848年12月29日，已經暗，忽然佇樓跤有聲teh叫：「洪--先生來坐。」「好--ah，猶有淡薄時間，我來去佮天豪先生講一个話仔--lè，káⁿ猶未睏--ho͘nn3。」「猶未，請你起--去，佇樓頂頭到間。」約有一分鐘久，就有慢慢的跤步聲teh來。「天豪先生！」「O͘3！洪--先生，來坐。」「好，你捌聽著我的履歷--無？」「罕得聽--著。」「我來講予你聽好--無？」「好，請你講。」我15歲到21歲，患症頭，三日一倒，毋成人，細細漢，大腹肚桶，因為老父去共我看命，講是「死運，定著袂醫--得，加醫加了錢。」所以就攏毋共我醫，...

[1949-10 台灣教會公報 文類-傳記 作者-楊天豪/Iûⁿ Thian-hô]
洪金先生的天路歷程 [ Âng Kim Sian-siⁿ ê Thian-lō͘ Le̍k-thêng ]
洪金先生的天路歷程1949.10 第730號 p.15(楊天豪寫)(紲接8月第12面)後--來閣轉來彰化的時，林學恭先生看著我有聖經佮聖詩，也會讀，就真歡喜；共我引佮蘭醫生蹛，發籤仔佮顧門。彼時有蘭醫生的學生高載德、吳希陽、劉振昌佮Ka-lēng先，以及醫館的工人逐家做伙，逐日真心適。暗時我就招工人去附近的田庄講道理。閣有一个老進伯（許進長老），五日賣茶箍，六日講耶穌，七日守禮拜，我也常常佮伊出去到草屯、二水遮的田庄講道理。猶未有車，攏是步行。 也我佇醫館的工那做那慣勢，因為粗工只有我一人，毋若發籤仔佮顧門，也著管顧病室，設法病人的入院，棧藥間，藥局的鎖匙也我teh交。醫館的頭前管顧到後爿，天...

[1949-11 台灣教會公報 文類-傳記 作者-楊天豪/Iûⁿ Thian-hô]
洪金先生的天路歷程 [ Âng Kim Sian-siⁿ ê Thian-lō͘ Le̍k-thêng ]
洪金先生的天路歷程1949.11 第731號 p.16(楊天豪寫)(接10月15面)彼時吳秋微也佇遐，伊是台北卒業--的，聽著就講：「你敢有愛去？若愛，我明仔再欲去台南共阮哥仔講。」伊彼時拄才做秀圓定著若定。我就應伊好。蘭醫生、醫生娘也歡喜。吳秋微來回答講好，我就去太平境講習40日，有高lò頭、洪朝抽、許振芳同學。後--來就蹛教會--新市、阿里港、鹽埔、嘉義過溝、林杞埔、山霸、Lo̍k-moâ-sán、集集到水裡坑、竹山。 這中間有起3間拜堂；閣Lo̍k-moâ-sán的拜堂，對田庄設法移轉來街市。到今做信者16年，做傳道35年久。閣3日就72歲。上帝賜我勇健，猶會四界走，現時一日行兩舖 猶會...

[1949-12 台灣教會公報 文類-傳記 作者-楊天豪/Iûⁿ Thian-hô]
洪金先生的天路歷程 [ Âng Kim Sian-siⁿ ê Thian-lō͘ Le̍k-thêng ]
洪金先生的天路歷程1949.12 第732號 p.14(接11月16面)信主50年間，毋捌借一sián五厘。無好額，也無欠缺；上帝予我夠額，也予我袂貪心。「按呢好，請你歇睏，我著落--去，約束的 時間7點半已經到。穆Sek-in先生若來，就欲佇下面做禮拜。」「真多謝，真好，予我紲通得著知早時信徒的事情。Se̍k-lîm這choā過--來有佇遐幫贊你的工抑無？」「有--ah。」 講兩擺，「23坐飛機閣去--lah，有閩南的教會請伊聖誕節前轉--去通計劃明年的工。」「閣去廈門--lah ò͘?」「是--lah，佇 鼓浪嶼。樓梯崎崎，請勻仔行。」「好。」 洪--先生出--去了後，筆者那想這個故事，愈...

[1954-6 台灣教會公報 文類-散文 作者-鄭兒玉/Tēⁿ Jî-gio̍k]
雜錄：簡體字運動kap聖經大眾化 [ Cha̍p-lio̍k:Kán-thé-jī ūn-tōng kap Sèng-keng Tāi-chiòng-hoà ]
雜錄簡體字運動佮聖經大眾化1954.06 第786期 p.27-28（牧師：鄭兒玉）。考試院副院長羅家倫先生，佇3月18日發表「簡体字的提倡真必要」的論文以後，受各界的贊成佮反對。我讀了真趣味，感覺這佮聖經的大眾化有關連佇--leh。當然文字是傳達思想的器具，這個器具那簡單，那少字，那好讀，人就用那少的時間，會通表現伊的思想。總是中國文字是複雜閣濟字，欲讀到會曉 通表示思想，愛浪費真濟的時間佮心神。封建時代文字是特權階級的thit迌物，總是現代已經解放佇一般百姓的手--裡。毋久到今猶久有彼个封建tek的色彩佇--leh，就是複雜閣濟字的文字，毋是大眾tek--的，百姓袂得通隨時就近--的。中國...

[1953-12 台灣教會公報 文類-散文 作者-鄭兒玉/Tēⁿ Jî-gio̍k]
二十世紀烏暗大陸的使徒Su-î-sài-ní [ Jī-cha̍p sè-kí o͘-àm tāi-lio̍k ê Sù-tô͘ Su-î-sài-ní ]
二十世紀烏暗大陸的使徒Su-î-sài-ní1953.12 780號 p.22-23(鄭兒玉)11月1日頂晡禮拜煞，teh看新聞的時，發現著Su-î-sài-ní(史懷哲)賞著1952年度的諾貝爾 (Nobel) 和平賞金的記事。感覺若親像家己的代誌，按呢歡喜到袂顧得，隨時走去報人知。也彼e晡講道的題目臨時變更做：「二十世紀烏暗大陸的使徒Su-î-sài-ní」(Albert Schweitzer)。 伊是佇1875年1月14日出世佇德國佮法國的國界。現在78歲。伊有家己寫傳記，叫做「我的生活佮思想。」 伊的老父是牧師，老母也是牧師的查某囝。伊佇這个敬虔的信仰家庭佮3个姊妹，1个小弟做伙大漢。...

[1949-11 台灣教會公報 文類-散文 作者-鄭兒玉/Tēⁿ Jî-gio̍k]
T.K.C.羅馬字推行部會籌備委員會 [ T.K.C. Lô-má-jī Chhui-hêng Pō͘-hoē Tiû-pī Uí-oân-hoē ]
T.K.C.羅馬字推行部會籌備委員會1949.11 第731期 p.6(鄭兒玉報)這pang T. K. C.夏令會，有得著議長以及籌備委員會的好意，為特別開關係羅馬字的集會三擺，予咱通知陳議長以及籌備委員會的諸位先生有「先見之明。」佇這三擺討論會的結果，羅馬字是對台灣教會的將來真有重要性，所以著愛佇T. K. C.佇內面組一個羅馬字推行部會。 (詳細請看董教授所報--的)。因為欲應這個聲的關係，佇七月30日13點，佇台南神學院的講堂，有開T.K.C.羅馬字推行部會籌備委員會。這個部會的主旨是：1.佇全台的教會推行羅馬字的教育，予凡若屬佇台灣基督長老教會的人，無一人袂曉讀經，詩。2.計劃欲發行...

[1951-6 台灣教會公報 文類-散文 作者-黃丁旺/N̂g Teng-ōng]
論說：二崙迫害記 [ Lūn-soat:Jī-lūn pek-hāi-kì ]
論說：二崙逼害記1951.08 750 hō p.4-5(黃丁旺譯)(對巴博士的日記)佇杜君英隔壁的庄社--裡，捌幾若年久一間拜堂佇遐。原底彼間是本地人teh禮拜，卻亦有淡薄客人來參加。以後有一年，杜君英的庄社予水流--去，彼間拜堂紲廢棄。禮拜就分開，本地人彼爿將in的拜堂設佇中林；客人這爿姑不將亦著閣揣一位新地點。為著欲愛一位拜堂地，in經過真濟的艱難，因為客庄講通和，毋准in中間一人將地賣咱做拜堂的路用。In貼告示，明明講：「若準人佇遐起教堂，就是外國欲來統治的前兆，有危險性佇-leh。」有一人打算欲地賣咱，為著按呢煞無成，錢閣還--咱。彼時有一位信徒，叫做張阿金，是二崙的人，將伊的厝賣咱...

[1951-7 台灣教會公報 文類-散文 作者-黃丁旺/N̂g Teng-ōng]
論說：二崙迫害記 [ Lūn-soat:Jī-lūn pek-hāi-kì ]
論說：二崙逼害記1951.07 751號 p.7-8(黃丁旺譯)(接前號第5面)代誌做了，in隨人就轉--去，kan-ta留一陣閒人teh看我，我歸身軀污穢滿滿。來禮拜的人攏四散，總--是猶有幾位婦人人佮厝主幾位未信主的親人佮我相佮佇--leh。我就用水淋身軀，卻無換衫，只有穿睏衫，亦食淡薄物過中晝頓。我卻無轉--去，杜君英原在蹛遐，這是欲予in知阮無放棄起教會的決心。佇彼e晡我坐佇一間細細間的厝內的時，有真濟人出佇好奇心，出來看所拄著的事。當受攻擊的時陣，我有帶一張護照（旅行券）佇身軀--裡，彼張無各樣別項物，亦攏予in潑到澹lok-lok，我就共伊thí開，下佇床頂來聽候伊礁。佇彼時我有講...

[1951-8 台灣教會公報 文類-散文 作者-黃丁旺/N̂g Teng-ōng]
論說：二崙迫害記 [ Lūn-soat: Jī-lūn pek-hāi-kì ]
論說：二崙逼害記1951.08 752號 p.6-7(黃丁旺譯)(接前號第7面)以後阮卻有平安到杜君英的所在。幾日後我轉來到府城，才知影我的工人已經代先我對二崙轉--來，有將所經過的事報告教士會。教士會有將代誌報告官府（清朝政府），有人共我講，官府對這層事真憤慨，in有派一位特任委員落去埤頭欲協助遐的地方官相佮辦理這層事。這兩位到二崙欲調查的時，猶原拄著這款的侮辱，就無得著結果，空空轉--來。官府共領事講：「若無派兵是無法inta何。」阮佮領事同意，講：「按呢辦較無合宜。」後來in中間有一、兩人受警戒，我的錶仔佮鏈仔原物還我，閣賠我淡薄錢，代誌就解決。政府有出告示責備遐的人的歹所行，亦有聲明講...

[1951-8 台灣教會公報 文類-傳記 作者-陳思聰/Tân Su-chhong]
高中：鄭溪泮牧師的小傳 [ Ko Tiong: Tēⁿ Khe-phoàn Bo̍k-su ê Sió-toān ]
高中鄭溪泮牧師的小傳1951.08 752號 p.12-13(陳思聰)A. D. 1894年溪泮出世佇台南市外永康庄蜈蜞潭。4歲就無老父；受老母培養，也佇教會的小學讀冊。長老教中學卒業了，就佇太平境教小學。入台南神學校研究，卒業後踮香果宅做傳道兩年；25歲的時受阿里港教會聘請做牧師，蹛12年久。伊是台灣教界上少歲受按手的人。鄭牧師佇里港在任中，有做幾若項真重要的工。1.鼓舞分設中會。伊佮吳希榮、林燕臣、高篤行、廖得這幾位牧師，盡力鼓舞分區自治。代先設高雄教務局代理中會辦事。有組織12條的規矩，獻予中會裁決，受刪改賰8條。組織教務局，內面分5部，就是現時各中會所用--的。高雄自治經過兩年，原本的...

[1949-9 台灣教會公報 文類-散文 作者-董大成/Táng Tāi-sêng]
討論教育kap羅馬字運動ê私言 [ Thó-lūn Kàu-io̍k kap Lô-má-jī ūn-tōng ê su-giân ]
討論「教育佮羅馬字運動」的私言(董大成)1949.09 729 7 p.13-14對初代教會基督教，真注重文字。若毋捌字，家己袂曉讀聖經。基督教的信仰就oh得徛在佮進步。 通講，文字是傳道上最要緊的武器。佇1934年的Chinese Recorder，Thomas Barcley (巴博士)有講：「教會的會友無論查甫、查某，攏總佇in的家庭，暝日家己著愛讀聖經。這个是信仰生活上最要緊的代誌。你若用漢字，你永遠袂通得著這款的結果。毋過若是用彼地方的腔口的羅馬字，你就容易閣真緊得著這款的結果。佇台灣的會友已經舊約對創世記到瑪拉基，新約對馬太到啟示錄，順順利利攏家己會曉讀。這个結果攏是採用羅馬字，才...

[1952-4 台灣教會公報 文類-散文 作者-董大成/Táng Tāi-sêng]
羅馬字運動 [ Lô-má-jīūn--tōng ]
羅馬字運動1952.04 760號 p.18-19(董大成)T. K. C.佇1949年的總會有派一個部會，叫做羅馬字推行部會。彼个目的是欲閣較積極的推行羅馬字佇教會內。這个部會過去兩年久雖然有拜託真濟位的先生用羅馬字著作冊，因為經濟的佮印刷的技術的的困難，到現在攏猶未通實現，致到予人感覺這个部會攏無teh做甚物。佇嘉義今年度T. K. C. 總會有檢討這个部會，逐家認定羅馬字是佇台灣傳福音最要緊的器具。彼个理由就是：(1)羅馬字 (白話字) 是會通表現咱的白話的唯一文字。欲傳福音著愛用彼地方的白話，這个是宗教改革以來的原則，尤其是對外國傳道的現代史所得著的結論。(2)照統計，台灣人的八成以上...

[1952-5 台灣教會公報 文類-散文 作者-江守仁/Kang Siú-jîn]
介紹聖畫 [ Kài-siāu Sèng-oē ]
介紹聖畫「最後的晚餐」1952.05 761號 p.19-20(江守仁譯)1943年8月，美軍空襲意大利的米蘭（Milan）地方的時，有兩粒炸彈hiat佇15世紀所建築的聖瑪利亞修道院。真佳哉，彼的世界出名，最寶貝的牆壁有繪彼世紀最出名、最寶貝文西先生（Leonardo da Vinci）最大作品「最後的晚餐」。這張名畫佇15世紀出世以來常常遇著種種的危險，到今已經有三、四百冬，猶過佇彼塊壁予眾人呵咾稱讚。十五世紀尾，米蘭大公爵Ludovico Sforza的宮廷，是歐洲出名媠的一个。這个刣死皇帝篡位的統治者真好學藝。伊請真濟真有學問的學者、醫生、美術家，佇伊的宮內。為著欲利用in的才能；常常...

[1952-6 台灣教會公報 文類-散文 作者-高守仁/Ko Siú-jîn]
介紹聖畫 [ Kàisiāu Sèng-oē ]
介紹聖畫「最後的晚餐」1952.06 762號 p.19-20(接前號19面)(高守仁譯)佇這款放縱奢華的環境，真會通產生燦爛新的時代。Leonar do da Vinci（達文西）是一位大畫家、音樂家、建築家兼哲學家，自然愛佇宮內表現伊才能。伊寫一張批予米蘭公爵介紹家己講：「我會做各種戰爭武器，畫家族的像，佇和平時代會建築紀念埤，開運河。」這款有才，閣有藝的人，拄拄是米蘭公爵所欠用--的；馬上叫伊坐宮內大位，真緊伊變做一位有名的人，真濟學生就近伊，伊所畫的圖，抑是其他設計，予人真呵咾。彫刻、牆城、戰爭武器、做一條運河、米蘭公爵夫人（Beatrics）佮伊子兒的像，以及宮內貴夫人的像，攏是伊一...

[1952-8 台灣教會公報 文類-散文 作者-高守仁/Ko Siú-jîn]
介紹聖畫 [ Kài-siāu Sèng-oē ]
介紹聖畫「最後的晚餐」1952.08 764號 p.23-24(接7月22面)。這張圖到底完成了抑未？根據歷史的記載，佇1499年，法國Lo͘is有進軍入意大利，對米蘭趕出公爵，彼時文西先生猶過teh修整這張名畫，無偌久伊也予人趕出米蘭，所以這張圖佇文西先生的心中是猶未完成。Lo͘is到米蘭就隨時走去聖瑪利亞修道院看這張聖畫「最後的晚餐」，看真久，毋甘離開；就叫伊的部下共in講：「將這个掘轉來法國。」佇這个破壞工作以前，有出一个神跡，就是有人對伊忠告，伊就保全這个無予人破壞，毋過其他米蘭城內的好物攏搶到空空。雖罔文西用特別的才調來繪，米蘭的氣候真濕，所以後--來漸漸生出一層白膜。圖的色彩也失光...

[1952-7 台灣教會公報 文類-散文 作者-高守仁/Ko Siú-jîn]
介紹聖畫 [ Kài-siāu Sèng-oē ]
介紹聖畫「最後的晚餐」1952.07 763號 p.22(接前號20面)無人知影這張圖是畫偌久，有人講耶穌的頭想十年久。彼的修道院的頭人擋袂牢，寫批予公爵講：「公爵彼張壁圖kan-ta賰猶大的頭殼猶未完成；毋過文西一年久攏無來摸這張『最後的晚餐』--lah。」公爵真受氣，叫伊來，當面將這張批予伊看。文西也大受氣講：「這个人到底知影甚物是圖！伊講我一年久無去遐，毋過按呢袂通表示我無關心這張圖，我逐日去下級社會揣我欠用的人，到今猶揣攏無一个合我的意思，檢彩這个老頭可以做猶大的模型。」伊無失志，繼續畫到完成，雖是得著最高的頌讚。「最後的晚餐」的偉大，名聲遠遠報揚到全歐洲。這張圖，親像聖瑪利亞修道院內...

[1947-8 台灣教會公報 文類-散文 作者-胡文池/Ô͘ Bûn-tî]
歷史：韓文公的佛骨表 [ Le̍k-sú：Hân Bûn-kong ê佛骨表 ]
歷史韓文公的佛骨表1947.08 第704號 p.11-12(胡文池)韓文公的名韓愈（A.D. 768-823）是唐朝的大學者，也是文章家。自細聰明，端正，愛讀冊。無驚權勢，為著義真勇敢，總--是也袂看輕--人。 佛教佇後漢的時傳入中國。佇法翔 (Hoat-siông)的法門寺有塔 (護國真身塔)，塔內有釋迦的指頭仔骨一節，這個塔30年有開一擺。彼時的皇帝憲宗，差人去夯這個佛骨來宮內囥3日。韓文公彼時做刑部侍郎的官。看皇帝所做會害咱中國，所以好膽做奏章干証。後來果然惹皇帝的受氣，受貶去做潮州刺史。彼時是819年正月，過真濟艱苦，過秦嶺的霜雪，所做的詩有佇千家詩咱攏知。今將伊的佛骨表來介紹予逐家...