[1899-8 台南府城教會報 文類-散文 作者--/-]
內山小學相探 [ Lāi-soaⁿ Sió-o̍h Sio-thàm ]
內山小學相探劉牧師報1899.08 173卷 p.59 舊曆3月23日我有設法請柑仔林佮Kháu-ài二位教學ê先生，chhoā in所教ê學生來佮木柵ê學生相探，予in較ē相捌。我愛顯明逐間學攏是相同，平平是教會對重in。 Kiám-chhái紲ē開學生交陪人ê心竅。雖然袂通逐日大家做伙讀，猶過心著常常數念別間學ê人。拜堂門口用榕se（松se）做一个圓拱 ê大門，結幾nā條彩，內面椅排好勢，不論先生學生各人ê位寫字貼--teh，予in到位照次序坐，免得入學眾人亂。也約伊兩位著齊到。已經知in來，這木柵 ê學生攏出去大門外迎接--in。 各班徛 規爿予in面相向，予in齊齊行舉手ê禮，分做三站...

[1900-1 台南府城教會報 文類-散文 作者-余饒理/Î Jiâu-lí]
數念潘牧師 [ Siàu-liām Phoaⁿ Bo̍k-su ]
數念潘牧師1900.01 178卷 p.9(余饒理記--ê.)我近日tuì台灣接著一張憂悶ê批，就知平素所欣慕ê潘牧師已經過往。論到潘牧師實在是我不得不著用全心來疼痛欣慕，尊敬伊親像我ê親兄一般--lah。我也的確知tī 台灣眾教會kap基督徒無 m̄ 為著伊過往來傷悲。想潘牧師在生有濟濟好德行。伊ê 存心時常的確beh chhoē逐個機會來利益教會內外ê 人。Koh伊好德行中間kài 顯明--ê,就是誠心祈禱濟濟時；別人已經睏，伊iáu-kú teh祈禱。Che 代誌實在是芳芳thang chhèng到天頂，上帝定著歡喜接納，因為伊有hit號敬虔ê心--lah。但是伊又koh時時專務學習上帝...

[1900-2 台南府城教會報 文類-小說 作者--/-]
拖車ê譬喻 [ Thoa-chhia ê phì-jū ]
拖車ê譬喻1900.02 179卷 p.1-3 現時佇台灣某庄有一條山路真崎較oh得peh。佇hit條路有一張車teh行。佇前面有一個人真出力teh拖，後面有幾nā人teh sak愛beh sak到山頂。大家攏teh流汗因為佇車頂teh坐有真濟查甫人，婦jîn人佮囡仔。論車裡teh坐hiah-ê人從中有ê真老掛軟chiáⁿ；有ê真勇掛少年；有ê是好額有ê sàn-hiong。Hiah-ê坐車ê是真快活也真歡喜。In代先攏無坐車。Hit時in猶原peh上hit條山路，又擱有sak擱一張真重ê車，大家真艱苦，總是到這tia̍p in本身坐車就變做貧惰。論hit个佇前面teh拖車ê人佮佇後面teh ...

[1900-2 台南府城教會報 文類-散文 作者--/-]
論偶像 [ Lūn Ngó͘-siōng ]
論偶像(2)1900.02 179 卷 p.19-20 (接前卷第9面) 查考商朝武乙帝起頭做偶像做神;後來伊予雷拍死，因為真神上帝用雷刑罰做偶像ê人，來警戒後世代。可惜無曉悟， ná久ná傷重。到佇漢朝明帝ê時佛法chiàⁿ入中國，對按呢偶像ê歹風俗日日ná盛。明帝坐位chiàⁿ 18年nā-tiāⁿ，後來死失相紲，國位無久長。宋，齊，梁，元，魏，以下逐代nágâu敬佛，總是世代ná短。親像梁武帝捨身拜佛，一日食一頓，只有食果子，毋敢別物。後來予候景所逼，餓死佇台城，國也滅無;敬佛望福氣反轉受災禍lah!對中國有佛以後，代代ná大興動干戈，逐項ê災禍ná濟，無一時平安，這是對拜佛ná招災害...

[1900-4 台南府城教會報 文類-詩 作者--/-]
耶穌iáu chhoā路 [ Iâ-so͘ iáu chhoā-lō͘ ]
耶穌iáu chhoā路1900.04 181卷 p.31[下面hiah ê大碼子就是詩調：其餘hiah-ê較細字是中kap低調，人kiám-chhái袂曉吟是無要緊。]1.耶穌iáu chhoā 路，到天堂門戶；道路雖然青凊難行。咱著堅心好膽進前；願主手來牽到祖家平安。 2.天路雖冷靜，對敵雖極盛，M̄ 准giâu 疑驚惶纏咱；M̄ 准信心向望離咱；雖tu kiû仇濟，到祖家穩會。 3.咱有久煩惱，祈禱就會無；雖然koh再tu著試煉，求主贊我吞忍無siān;天開hō͘ 我看，憂悶就消散。 4.耶穌iáu chhoā 路，到天堂門戶；天頂救主猶原指示，常常安慰，扶持保庇，Hō͘咱穩當到Tiàm...

[1900-4 台南府城教會報 文類-散文 作者-萬姑娘/Bāng Ko͘-niû]
Bú-tī先生 [ Bú-tī Sian-seⁿ ]
Bú-tī先生1900.04 181卷 p.32-33(萬姑娘記--ê.)「今仔日tī以色列族中，元帥死，lín kiám m̄ 知？」II撒母耳 3:38 年內12 月Bú-tī先生hō͘上帝召離開世間。Hit時東西南北ê人四界若tú著頭就講起。你kiám m̄知第一大傳道先生已經過往？ 伊真正會堪tit號做大，平素bat到逐所在遍遍傳福音；罕tit有人親像伊致到hō͘ hiah 濟人聽，hiah gâu 感激人ê心。 論伊ê 信極大，所以有時別位ê牧師ài請去hia 幾日久講道理。伊就代先寄批來問：「看tī lín hia ê拜堂偌大間，有thang 坐tit偌濟人？」牧師接著批大家就失望...

[1900-4 台南府城教會報 文類-散文 作者-陳本來/Tân Pún-lâi]
論風俗 [ Lūn Hong-sio̍k ]
論風俗1900.04 181卷 p.33-34(陳本來記--ê)。（接前卷第28面）節氣人常tī 這個3月初三teh守節；這個久續成自然，m̄ 知tuì佗位設起，kan-ta世傳世nā-tiāⁿ。究勘 這個節，是tuì tī 漢朝ê時有1個人，姓芒名得功，伊因為老辭官倒來厝--ni̍h。到這個清明日伊有chhoā伊ê 某子去塚山，有續帶物食；總--是伊beh食ê第先有先祭祖先，祭了就toà hia做夥lim食。總--是後來ê人煞看hit個樣，就加創chiah-ê牲禮、金、香、紙、燭來teh祭墓。Koh tī 晉朝ê時，有一人姓介名子推，伊服事晉文公。照冊--ni̍h講晉文公出外有10外年抵著無...

[1900-6 台南府城教會報 文類-小說 作者--/-]
兩個鬼 [ Nn̄g ê Kuí ]
兩个鬼1900.06 183卷 p.51-52(翻譯。)某日有兩個鬼tī 街--ni̍h 行游，一個是富鬼，一個是窮鬼。富鬼兄弟5 人，大--ê 名雞腳鬼，第2個名妝畫鬼，第3個名哄人鬼，第4個名公騙鬼，第5個名精靈鬼。In ê 父名千年古怪，相kap流傳講這五個鬼bat 鬧過判官。窮鬼兄弟 10人，大--ê 名糊塗鬼，第2個名放蕩鬼，第3個名拖磨鬼，第4個名急慌鬼，第5個名薰鬼，第6個名奸鬼，第7個名屈死鬼，第8個名 Kông鬼，第9個名酒鬼，第10個名洋煙鬼。In ê 父名萬年鬼，相kap流傳講這10個鬼bat 鬧過刑具。 富鬼遇著窮鬼問講，世間金銀滿地，你怎樣致到chiah-nī 貧窮 ...

[1900-7 台南府城教會報 文類-小說 作者--/-]
兩個鬼 [ Nn̄g ê kuí ]
兩个鬼1900.07 184卷 p.57-58(接前卷第52面。)窮鬼問講，Beh án-choáⁿ會知人信抑m̄信？富鬼應講，世上生理買賣的確有掛字號招牌，信鬼ê 人也的確有招牌，或是門頂tah 鍾馗，門神；或是訂五雷碗；或是糊金符，黃表紙，kap朱紗符；或是頭殼結朱紗字，手骨黏朱紗咒；或是寫姜太公 tī 牆頂；或是房門頂寫結升高照；或是對門刻石敢當；或是掛thâi人 ê 刀；或是手--ni̍h 掛浮tô筋ê 環仔。Che攏是驚鬼信鬼ê 招牌。若入這號人家作chōng,定著得意發財。 若是入藐視鬼 ê 家，必定空費了心機，有時iáu著克虧受苦。從今以後，著較留神--teh，見著信基督 ê人就...

[1900-8 台南府城教會報 文類-散文 作者--/-]
禁邪教 [ Kìm Siâ-kàu ]
禁邪教1900.08 185卷 p.61-63前月台南城白龍庵出來夯鬧熱。局外有一人卻毋是屬佇教會，總是伊有見識通看出hit號代誌是毋著，就做一篇論teh 譬相in，紲印上台南日本ê新聞報。Taⁿ hit篇論翻譯白話字印佇下底予恁大家通看:--「白龍庵(就是廟ê名)毋知是對 tó一時設起，也毋知是甚麼號ê鬼。又閣忽然稱做公，忽然稱做王，忽然稱做大帝，毋知是啥人kā伊敕封--ê；伊ê手下有ê號做按司，有ê 號做中軍，毋知是啥人teh總管in。 Teh隨香ê男女有ê認做犯人，有ê認做乞食，毋知是啥人所設ê條款。親像這號逐等ê錯誤永永予明理ê人真大恥笑，毋過 hit號無知戇戇ê 百姓攏 teh敬拜伊...

[1900-8 台南府城教會報 文類-散文 作者--/-]
中國戰事 [ Tiong-kok Chiàn-sū ]
中國戰事（1）1900.08 185卷 p.63-66論外國去攻中國這層ê來歷照次序大略記佇下底：－六月15號(就是舊曆 5月19日)。彼日英國，美國，法國，德國，義大利國，奧國，日本國佮俄國hiah-ê戰船攏佇大沽港口。In逐國ê 管教官長大家做伙聚集佇俄國戰船議論兩項ê消息，就是：－1.聽見清國兵teh-beh來攻大沽停車場，佮毀壞北京到大沽ê鐵車路。2.又閣聽見清國兵teh beh將水雷下佇白河港口，因為毋准外國戰船入港。In hiah-ê管教官長聽見這兩項ê消息就議論講，Hiah-ê「義和團...

[1900-8 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1900.08 185卷 p.68(萬姑娘翻譯。)早前tī 大英有這個查某囡仔姓李，名美麗。年歲真幼chíⁿ父母攏過往lah﹗可憐，這個孤單ê 查某囡仔無人照顧養飼。佳哉伊有一個母舅姓魏，雖然到30外歲，猶原無建置家後。 美麗 ê 老母臨終hit時寫批hō͘伊ê 兄弟，請伊將外甥女chhoā去in 兜照顧養飼，著看做家己 ê 查某子一般樣。批寫了，就叫美麗ê láu-ma來吩咐講，「我若死你著提這張批續chhoā小姐去魏老爺in兜，kap伊toà hia聽候到小姐長成，才會做tit。」Láu-ma 一下聽見che話就講，「太太 ê 病無的確chiah沉重，向望太太會快快好。」美麗ê 母吐...

[1900-9 台南府城教會報 文類-散文 作者--/-]
中國戰事 [ Tiong-kok Chiàn-sū ]
中國戰事（2）1900.09 186卷 p.71-72前月教會報路尾所印ê消息就是講：西曆6月25號英國人寄批講：義和團匪圍困北京，致到外國人袂得出京城，就嶄然危險。後來佇 6月29號日本ê欽差寫批予蹛天津ê日本領事官講：In逐日ná久ná傷重。對彼tia̍p 起所接著北京ê消息有ê是清國官報ê人打算敢袂信得，總是大略照次序記佇下底：－七月第三號。光緒君拍電報予日本ê大官，又閣請日本皇帝出頭勸外國毋通拍害中國。日本皇帝回講：害死屬公使館ê官是真重罪，是犯著萬國公法。又閣講...

[1900-9 台南府城教會報 文類-散文 作者-王培英/Ông Poê-eng]
縛跤ê論 [ Pa̍k-kha ê Lūn ]
縛跤ê論王培英記--ê。1900.09 186卷 p.72-74天下歹ê風俗極濟算袂了。親像印度有看輕查某人，就是款待查某人做親像禽獸，無掠in佮查甫人仝類。雖然已經嫁丈夫，不過也是款待伊做親像女婢nā-tiāⁿ；到丈夫一下死，hit個婦人人就著慘lah，因為較大面會拄著燒死。這是in較早ê 惡俗。西國有sǹg腰，中國有害死查某囡仔；á是親像西國ê食酒，中國ê食鴉片hit一類。論到這號ê惡俗，知識，出名ê人攏 ta̍uh-ta̍uh 著出議論痛切teh 勸解。總是縛跤這一項ê風俗，伊ê殘忍無較輸佇燒死寡婦害死查某囡仔；伊ê酷毒無較choa̍h佇斬斷人ê跤骨；伊ê關係無較各樣佇酒痟佮 giàn薰...

[1900-9 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1900.09 186卷 p.75(接前卷第68面。)到送葬了後就chhoā美麗伊母舅in 兜。母舅看見外甥女就想著伊ê 老母bē禁tit 啼哭問 láu-ma，「看太太死是甚物病？請甚物醫生？Tī時過往？」Láu-ma一項一項kā伊講明；koh將太太 ê 批送hō͘ 魏老爺看。In母舅批看了真無安然；m̄-kú bē 推辭tit家己teh想，永常時m̄ ài囡仔吵鬧；今仔日外甥女來，驚了也有這款；總--是無ta-oâ 收留tiàm in 兜，beh 啥知美麗來chia攏無攪擾伊；逐日tiàm 樓頂跟toè láu-ma，抑是tiàm 花園chhit-thô 狗仔。魏老爺若食ē昏飯逐日吩...

[1901-1 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1901.01 190卷 p.8(接前卷第96面。)過十幾日美麗接著批就是李約翰寄來ê。批內有3箍ê銀票。魏老爺將批讀hō͘ 伊聽講，李約翰到倫敦城in 叔接納好款待，hō͘ 伊toà tī 店內幫手。伊有戒酒守禮拜也倚靠救主決意做好人。Koh講in叔有朋友是做教師。約翰將多馬ê事講hō͘ 伊聽。伊應允講，的確著用心chhoē伊到著。美麗聽了有歡喜到bē顧得。魏老爺講，你想hit個人是靠得主mah？是不錯。心內暗靜想上帝用美麗幾句話去救hit 個人，是真奇怪。Koh想hit個乞食受伊感動得救，我為著甚物 iáu-kú boē歸服上帝來得救？ Hit日ē晡魏老爺騎馬出去行thô。Hit隻馬...

[1901-2 台南府城教會報 文類-散文 作者--/-]
宋牧師娘 [ Sòng Bo̍k-su-niû ]
宋牧師娘1901.02 191卷 p.9-10新曆正月17號，宋先生娘佇台南城新樓過往。宋先生娘姓 Christie，名伊利莎白；出世佇蘇格籣Kai-loē-su城。伊踮佇祖家有讀冊，學醫生，進名，親像其餘hia-ê醫生；若beh蹛hit- pêng行醫卻會堪得。總是因為已經配宋牧師定著，所以tio̍h toè伊過來台灣。到1892 年踮佇香港合婚，後來到台南城。Hit-tia̍p學台灣話就快進德，無偌久就出草地去揣姐妹，有時chham宋先生做伙去，有時家己蹛佇拜堂。Hit時伊所做ê工，行醫，分藥，救人ê 性命，阮佇遮毋免講：恁眾人已經攏知。後來濟濟人議論應該著設一間女醫館予先生娘hoāⁿ是較...

[1901-2 台南府城教會報 文類-散文 作者--/-]
女王過世 [ Lú-ông koè-sì ]
女王過世1901.02 191卷 p.10-11在佇新曆正月22英國ê女王過往。大英國ê女王，名I-to-lī-a (Victoria)享壽82歲。伊坐位64年久。彼時ê中間阮ê國真興旺，ná久ná開闊。從中也有格物ê先生出濟濟新款ê機器，通做國家ê大路用。佇 1840年有合婚，伊ê丈夫是別國ê國君，也是有道德ê人。可惜早過世，只有21年ê姻緣若定，予女王終身無袂記得數念伊。伊有生9个囝兩个過往去。大太子這tia̍p 60歲，taⁿ頂起來坐位。大公主是嫁予德國ê皇帝；丈夫代先死，in ê囝這tia̍p teh做皇帝，算是阮女王ê外孫。照眾人所干證阮ê女王是誠實熱心信主ê人。一擺一个青番ê頭人來...

[1901-2 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1901.02 191卷 p.15-16(接前卷第8面。)美麗注神直直看伊講，「我逐日想beh來照顧舅爺，m̄-kú láu-ma m̄ 准，總是我濟濟擺teh祈禱，求上帝救舅爺ê病好好。上帝聽我，歡喜今仔日會得來，我有一包beh孝敬舅爺，這tia̍p來tháu開，thang抑m̄-thang leh ？」 魏老爺細仔聲講，「Thang lah ！」美麗就將包巾tháu開提出一幅ê畫圖hē tī 遮風頂，請舅爺看。魏老爺就看見有一ê白頭毛ê老人，滿面快樂，接納一個破衫ê少年人。畫圖下底有寫幾字講，「我beh倒來去就近老父kā伊講，我得罪天，kap tī老父ê面前。魏老爺看了就知是浪子回頭...

[1901-3 台南府城教會報 文類-傳記 作者--/-]
宋牧師娘ê小傳 [ Sòng Bo̍k-su-niû ê Sió-toān ]
宋牧師娘ê小傳1901.03 192卷 p.19-20 基督女徒以利莎白，就是牧師宋中堅 ê賢內助。當主後1864年4月初3出世佇英國蘇格籣ê Kai-loē-su城。伊所得著ê性質不止伶俐，拄仔5歲就學業；有歷過小，中，大這3間學校；到19歲伊所學習ê就成就。見若歷年考試，出榜攏是排佇懸ê等級。後來就紲入醫院講究醫學，佇遐攏共講究5年久，醫術也有不止精光。到beh卒業ê時男女做伙考試，赴考--ê共有80人，總是考了伊做頭名。Hit時拄仔24歲。Siāng彼年伊有過來台灣，出力學台灣ê腔口；到過年台灣話就不止gâu講gâu聽，人情世事也嶄然知影。為著體貼上帝好生ê恩德致到真無閒，施格外ê恩典致...