[1902-10 台南府城教會報 文類-散文 作者--/-]
蠓仔毒的病 [ Báng-á to̍k ê pēⁿ ]
蠓仔毒的病 1902.10 211卷p.75 日本醫生佇台北愛查考毒熱病的原由；就佇彼號病當teh大發的時陣，有替一隊軍兵設法，保護in五月日久毋免予蠓仔叮著。到五月日滿，果然無一个有拄著彼號毒熱的病若是別隊的兵無用這號法保護--的，雖然無一盡染著，毋kú中間有259名患著毒熱的病。Taⁿ查考免予蠓仔傳毒入身體，就免驚患著毒熱的病，實在有明明的憑據。 所記這項消息，予咱在通持防彼號病；就著設法免予蠓仔叮，通免煩惱毒熱的病到身軀。...

[1902-11 台南府城教會報 文類-散文 作者--/-]
傳道會　 [ Thoân-tō-hoē ]
傳道會 190211 212卷p.84 這11月7號(10：8)嘉義屬的傳道會聚集佇牛擔灣拜堂。來赴會--的就是許朝陽，周主經，林世傳，黃茂盛；長老，黃烏皮；也有兄弟幾若人齊集。 1. 許朝陽做主理，讀約翰15：1-9，分做4項。(1) 葡萄樹是指耶穌。(2)管園--的是指上帝。(3) 枝是指伊的百姓。(4) 枝會結籽是有連佇主。講論勉勵明白就祈禱。 2. 有接著林Io̍k-kî 的批，講起伊袂得來赴會，是因為斗六現時teh起拜堂。也有接著伊的論。閣有接著黃Chhoan-pe̍k 的批，因為伊的身軀破病袂得來赴hoē。 3. 林世傳讀林Io̍k-kî 的論。題目就是馬太13：5...

[1902-11 台南府城教會報 文類-散文 作者--/-]
公論事理 [ Kong-lūn Sū-lí ]
公論事理 1902.11 212卷p.85 萬丹。黃德標寫-的 前教會報所論台南大會總管的堂會佮支會每年所出傳道辛金寄予教士會轉寄予傳道--的，毋免予兄弟看傳道--的親像奴僕；這也是傳道--的所想的好事lah。從中有的講著，有的講毋著，oh得詳細講到盡。總是阮無拍算hâm-bān，敢略仔講起大略。 設使傳道辛金對本會支領，無的確毋尊貴，略仔有利益佇教會，亦有利益佇傳道--的。 1. 按怎有利益佇教會？是會予會內的兄弟盡力題錢，向望的盡力佇道理。閣傳道--的出外佈道的時，免予世俗人恥笑講是趁外國人的食，chiàⁿ講外國人的話。若是辛金對本會支領向望傳道--的 的盡力勉勵，想若毋勤...

[1902-11 台南府城教會報 文類-散文 作者--/-]
婦人人感化丈夫 [ Hū-jîn-lâng Kám-hoà tiōng-hu ]
婦人人感化丈夫 1902.11 212卷p.86 英國有一個城，城內有一口灶翁某兩人，丈夫無信主，婦人人有信，常常開拆聖冊予in丈夫聽，向望伊反悔。伊攏毋愛聽，也毋准伊祈禱。若有牧師去in厝，佮伊的婦人人講去教會的事，牧師紲定定予伊罵。婦人人chia̍p-chia̍p勸伊毋通，也是無彩工。 後來去揣一間較閃避安靜的所在，逐日到日中晝的時，就去遐跪teh替伊的丈夫祈禱，求聖神開伊的心，予伊反悔信主。連連祈禱一年久，看見丈夫的款猶原照舊；總是無失志，閣迫切祈禱半年久，丈夫也攏無反悔。就吐氣講，Hāiⁿ ah！祈禱thài會到遮爾無應效。然後伊就想講，我活teh 的時若無應效我死了敢會應...

[1903-3 台南府城教會報 文類-散文 作者--/-]
鳥鼠病 [ Niáu-chhú-pēⁿ ]
鳥鼠病
1903.03 216卷 p.20-21
(是H. Chiu記--ê.)
這號病是有一種幼幼 ê物，（有人講細鱗蟲，抑是講毒），入人 ê 身軀，toà tī血內生湠。這號物 ê 身軀--ni̍h有毒；這號毒，會hō͘ 人 ê 臟腑出血，佮身軀發熱來致到死。病人 ê 糞、尿、痰，以及伊所用 ê 物，攏有毒。
論傳染。老鼠第一gâu傳這號毒。因為老鼠快快染--著，後來傳 hō͘人。Hit號toà tī 老鼠身軀ê ka蚤咬老鼠 ê 血，食入腹肚內，後--來來叮--人 ê時，伊有吐出，才koh suh，就將hit號毒親像來種tī 人 ê 身軀。胡蠅也...

[1903-4 台南府城教會報 文類-散文 作者--/-]
論鴉片 [ Lūn A-phiàn ]
論鴉片1903.04 217卷 p.31-32大日本來扑台灣hit時，總督出告示講in 定著ê意思，m̄ 准人食鴉片，的確beh攏總禁。總--是因為有人已經癮鴉片，驚了若liâm-piⁿ 禁in m̄-thang食，in忽然無食，會受害著病kiám-chhái 會致到死。所以hit號人著憐憫--in，容允伊iáu-kú食；總是別人若beh學食的確 m̄ 准--伊。就將鴉片ê生理攏歸tī 國家料理設法，m̄ 准別人再來賣。 逐家聽了真歡喜，向望無偌久台灣攏無人食鴉片。總--是幾若年ê中間若準親像無應效，食薰ê人無較少。阮近來有得著in ê消息，看年年偌濟人食鴉片，也有食偌濟。舊年ê消息佮前年ê消...

[1903-6 台南府城教會報 文類-散文 作者--/-]
自盡 [ Chū-chīn ]
自盡
1903.06 219卷 p.44-46
(大學ê學生Liāu Sam-tiōng記--ê.)
日本國ê 風俗有ê 咱看做m̄好；從中1項就是自盡 ê事。In 自盡 ê 因端較常是因為男女相意愛無成心願；抑是欠人銀無thang 還；犯著國法，驚食罪hit號。Koh in 自盡 ê法，平常是用索、刀、銃來自盡；抑是hō͘火車kauh死。論tuì這號來死，tī 日本國逐年有真濟。
Tī 這幾月間 tī 東京 ê《萬朝報》6月第8號，有koh 記這層自盡 ê 事；總--是伊自盡 ê 因端佮自盡 ê 法度參頂面所講--ê 有大大各樣。今簡略記tī 下底。...

[1903-6 台南府城教會報 文類-散文 作者-周耀彩/Chiu iāu-chhái]
痟狗 [ Siáu-káu ]
痟狗1903.06 219卷 p.47-48(周耀彩記--ê.)論台灣人愛飼狗，是因為驚有賊仔，若有飼狗賊來就thang吠，hō͘ 主人知醒精神，thang持防有歹人beh來取偷。濟濟人m̄知痟狗病，若咬著人會hiah厲害。日本人敢是有學西學才知續將狗tu̍h-lu̍h扑獵--死。Tī 台北大稻埕我有看見teh扑死狗，我攏 m̄ 知是甚物意思。 前無幾日也有聽見人講，嘉義城內日本人teh扑死狗，創車仔車去埋。台灣人有ê m̄ 知是甚物事誌，續有人teh僥疑暗靜teh講，日本人第先除chiahê狗，後--來beh thâi人，才無狗thang吠。台灣人ê生命是食到十數月nā-tiāⁿ，會hō͘日...

[1903-7 台南府城教會報 文類-散文 作者-吳道源/Gô͘ Tō-goân]
東洋記錄 [ Tang-iûⁿ Kì-lio̍k ]
東洋記錄1903.07 220卷 p.55-56(吳道源記-ê.)我tī新曆5月3號，早起5點鐘，kap台南廳內beh 去日本觀光ê人，10外人，聚集tī台南廳事務系。稅務課長講明內地ê風俗，kap幾若項要緊ê事；講明白大家相辭，就起身。各區長kap稅務課長kap幾若個官，送阮到安平搭台北丸ê貨船。山本總務課長kap台南廳ê通譯通口做伴相kap去。 第4號到基隆；e晡開船，tī海面兩暝日，風靜海平。到6號就看見五島山kap中島；tī chiah-ê所在是出珍珠、珊瑚、土炭ê 所在。 日暗到長崎港[Nagasaki]；這個港天然港四面有山；所以hit暝昏船pha-teh，聽候天光，醫生kap警察...

[1903-8 台南府城教會報 文類-散文 作者-吳道源/Gô͘ Tō-goân]
東洋記錄 [ Tang-iûⁿ Kì-lio̍k ]
東洋記錄1903.08 221卷 p.62-64(吳道源記ê.)第13號有落雨，所以我kap一個朋友坐火車去神戶[Kobe] 探朋友。秋山善一先生kap伊ê家後，也攏tī-hia。Tī 14 e晡koh倒轉來大阪。 第15號去Kài市看水族館，水中所有ê魚鱉有鱗無鱗ê攏有。Koh入博覽會機器館，內面逐等號製造ê機器真濟。也有製紙--ê,也有製電氣車--ê,也有製茶--ê,製麵線--ê,織布--ê,製印字--ê,製雪文--ê,無牛家己會挨磨--ê,造火車--ê;真濟款，看bē盡，記bē了。Koh有灌溉ê水龍，thang汲水30丈深，一點鐘久出水千外石；價錢2，250箍。我看這等號ê器具不止有合台...

[1903-9 台南府城教會報 文類-散文 作者-吳道源/Gô͘ Tō-goân]
東洋記錄 [ Tang-iûⁿ Kì-lio̍k ]
東洋記錄1903.09 222卷 p.71(接前月教會報64面。)(吳道源記ê.)第二个tuì七歲起到15歲讀冊，每年開費40 kho͘，8年久共開320箍，koh納利息128箍，總共開費448箍。Tuì 16歲起到27歲，hō͘ 生理人倩，每年平均thàn 60箍；12年久共趁 720箍，koh得著利息432箍，總共有得著1，152箍。除還前所開ê母利銀448箍；iáu-kú有chhun 740箍。第3 个tuì 7歲到15歲，每年讀冊開費40箍，8年久共開 320箍。Koh tuì 16歲到20歲入神學ê學堂讀冊5年久，共開500箍；koh攏總著納利息496箍。總共開費1，316箍。Tuì...

[1905-3 台南府城教會報 文類-散文 作者--/-]
台灣鐵路 [ Tâi-oân Thih-lō͘ ]
台灣ê鐵路1905.03 240卷 p.31-32查考台灣ê火車路，就是tuì清國一個撫臺姓劉，名銘傳設起頭。伊tī光緒11年 (就是主後1885)到任做台灣ê撫臺；到光緒13年 (1887) 就起工造火車路。Tuì hit tia̍p漸漸進步，到光緒17年 (1891) 火車就已經到竹塹城(就是新竹)。可惜像hit年劉銘傳離任倒去清國，火車路也tuì hit tia̍p 停止。所以清國時ê火車路不過是tuì基隆起，經過臺北落南直透竹塹；也里程不過63英里nā-tiāⁿ。及至光緒20年(1894) 中日不和，到光緒21年(=1895=明治28)清國就認輸，在hit時台灣kap火車路也煞歸日本ê...

[1905-6 台南府城教會報 文類-散文 作者--/-]
鐵車路 [ Thih-chhia-lō͘ ]
鐵車路1905.06 243卷 p.63Tī 5月15號火車路有開透到葫蘆敦 街。Tuì hia到百公坑著過大甲kap大安兩條溪。Hit站大約有二舖 外路ê遠；hit站若造清楚就tuì打狗到基隆頭攏有鐵車路。Hit站造iáu-boē好，kú有造兩條ê 輕便車路真好用。現時tuì台南北ê早車是6點鐘發，hit瞑9點鐘就到臺北；á- ni台南到臺北一日就到位。人若beh去彰化，6 點tuì台南開，tī 11 點出34分就到彰化。Beh倒轉--來，火車3點半tuì彰化發也hit瞑9點出7分就到台南。án-ni台南到彰化人客一日會tit打往回，也tī 彰化有4點鐘久thang tī hia辦代誌。清國...

[1906-7 台南府城教會報 文類-詩 作者-Jìn姑娘/Jìn Ko͘-niû]
教學先生歌 [ Kà-o̍h Sian-siⁿ koa ]
教學先生歌 廈門，Jìn姑娘 1906.07 第256卷 1 教學的工實在尊貴， 引chhoā學生佮主做堆， 設使甘願著磨致意， 到時會得寶貝果子。 2 教學先生要緊著肯 約束性地、謹慎品行， 因為學生目珠金金 看伊模樣學伊的心。 3 教學先生的工無快， 拄著內外事務阻礙， 家己的心若無料理， Thài會牽成細漢子兒？ 4 學生自然無攏總乖， 有的驕傲趁心所愛, 有的惡性、有的貧憚， 毋受教示、無欲改換。 5 學生逐家有伊的款， 有的gâu讀逐項甘願， 先生著想上好法度， 予眾學生會大進步。 6 學生無論是gâu抑鈍， 教學先生應該...

[1907-3 台南府城教會報 文類-散文 作者--/-]
安醫生娘 [ An I-seng niû ]
安醫生娘1907.03 264卷 p.17-18 十二月27號，舊曆11月12日，安醫生娘佇蘇格蘭 過往。 安醫生娘是蘇格蘭人，佇1847出世。伊少年ê時gâu讀冊，學做先生；雖然後來著料理家事，伊猶過有愛教冊ê心。親像佇旗後teh教日本人，到致病ê時猶過愛教， 通解悶。佇1882出來台灣匹配安醫生。對彼時不止致意鼓舞醫館ê代誌。原本佇舊樓設法予病人學白話字，以及鬥贊醫生做幾nā項零星ê工。日本來ê時有得著一塊地，通起新醫館； hit-tia̍p伊不止出力鬥料理起造新醫館ê事。起了真歡喜，閣較通照心所愛；毋nā看顧病人，也有照顧學生ê品行。起好無偌久醫生佮醫生娘倒--去祖家歇睏。到閣來台灣就...

[1907-5 台南府城教會報 文類-散文 作者-林燕臣/Lîm Iàn-sîn]
遊歷漳泉教會 [ Iû-le̍k Chiang-choân Kàu-hoē ]
遊歷漳泉教會1907.05 266卷 p.37Tī舊年秋會ê時，有派我kap劉牧師過去廈門赴in ê總會；到今年舊曆正月1日就搭船過去，遊歷逐所在ê教會，受in西國幾若個先生以及本地眾當職ê人好款待講bē了。聖經講：「Lín若相疼，眾人bat你是我ê學生。」(翰13:35)；thang知救主ê話有應驗。到2月8日4點鐘，tuì滬尾上山；感謝上帝，大家身軀攏平安；koh得臺北柯維思先生kap陳清義牧師迎接去in厝，好禮款待；這也是上帝ê恩典。 今ài將唐山教會ê情形，大略記 tī下底，hō͘列位知：------ 論外國來漳泉設教3個公會：1.美國長老教，2.英國長老教(kap咱chit爿像公會)...

[1907-6 台南府城教會報 文類-散文 作者-林燕臣/Lîm Iàn-sîn]
遊歷漳泉教會 [ Iû-le̍k Chiang-choân Kàu-hoē ]
遊歷漳泉教會1907.06 267卷 p.45-46(接前張第37面)。(林燕臣記--ê。)論泉州城內有兩間禮拜堂，一間tī南街，牧師陳宣寧；拜堂容允300外人；也有起樓hō͘牧師toà。Koh一間tī西街，牧師吳風波；拜堂容允兩三百人；Chit-ê吳牧師有設一個法度號做巡街佈道會，每拜三暝昏7點半，兄弟輪流請牧師去in厝講道理，牧師著照in hit暝所讀ê聖經開拆淡薄，來苦勸勉勵in，hō͘ 兄弟姊妹較知影道理。Koh拜四kap拜六做祈禱會。 若是陳宣寧牧師ê堂會亦真活動。拜二設一個救親會；每禮拜到hit暝昏一點半鐘，牧師就招幾若個兄弟作伙去in厝，hit時主人有請 in ê親人厝邊朋友濟濟...

[1907-7 台南府城教會報 文類-傳記 作者-趙時回/Tiō Sî-hoê]
來發長老ê小傳 [ Lâi-hoat Tiúⁿ-ló ê Sió-toān ]
來發長老ê小傳1907.07 268卷 p.52-53(趙時回先生記--ê。)長老何來發是東港人；伊佇1844年10月初10出世。到同治9年，hit時伊 27 歲 chiah聽著救世ê道理。是因為福音傳到東港猶未偌久。第一早是李牧師來傳；後來牧師倒去旗後，每佇拜六就差一人來東港講道理。也有稅一間厝通做福音堂。到拜一彼个受差ê人就閣倒去旗後學習道理。所稅ê厝有倩何來發叔顧紲拚掃。伊是不止活動搰力ê人；若做工明白，就學習詩冊佮白話字；無偌久就ē曉讀聖冊。到同治10年6月6日，李牧師來東港巡視聖會，行洗禮予幾nā人，從中來發長老也在內。對伊入教了後，勤勤讀聖冊，致意講究道理；常常用白話聖經佮漢文ê新...

[1907-7 台南府城教會報 文類-散文 作者-林燕臣/Lîm Iàn-sîn]
遊歷漳泉教會 [ Iû-le̍k Chiang-choân Kàu-hoē ]
遊歷漳泉教會1907.07 268卷 p.54-55(接前張第46面)。(林燕臣記--ê。)論廈門ê教會不止興旺；有幾若間拜堂真大koh suí。本地牧師有幾若；是外國3個公會來設ê。親像新街ê堂會屬tī美國ê長老教， 這間拜堂真好看hit時起好，通中國iáu-boē有拜堂；到今 58年久。早前tú-tú起好，kan-ta 3人入教nā-tiāⁿ；現今聚集有300外人。有起一座牧師樓 hō͘本地牧師黃和成toà,伊今年倚60 liân歲。 Koh一間tī竹樹腳，hit間拜堂也真 suí koh大間；有起一間樓teh 囥大鐘，hit ê鐘ê聲聽真遠；Koh起一間樓hō͘牧師toà,hit ê牧師...

[1907-8 台南府城教會報 文類-散文 作者--/-]
大家協力 [ Tāi-ke Hia̍p-lek ]
大家協力1907.08 269卷 p.57-58幾若年前，日本kap俄羅斯交戰，日本直直較贏，俄羅斯直直較輸。Hit時俄羅斯有一個真gâu ê元帥名號做巨羅八根，伊近來有著一本冊記載in兩國交戰ê事。從中有論一項，就是teh問看啥事俄羅斯常常較輸，攏無較贏；因為俄羅斯是大ê國，m̄是小可ê國。卻有濟濟項ê因端；照大人講有一項真要緊，就是因為俄羅斯本國ê百姓無體貼in ê兵ê事，濟濟m̄知in teh交戰是因為啥事也無常常接著輸贏ê消息thang kap in ê兵同心歡喜同心憂悶。 日本國ê百姓m̄是án-ni，in tī in ê本國逐人攏知影不止ài較贏in ê對敵，攏ài勉勵兵丁著真好膽...