[1934-8 台灣教會公報/芥菜子 文類-散文 作者-吳天命/Gô͘ Thian-bēng]
佇教會中的禮數 [ Tī kàu-hoē tiong ê lé-sò͘ ]
佇教會中的禮數 (吳天命) 1934.8，no.593，pp.25-26 (接紲7月號24面) 照我看，普通一般的信者攏是想講，牧師著探會友，會友應該著予牧師共伊探。按呢想，卻毋是講毋-著；毋過佇閣一面，我真欣慕信者也會常常探牧師來真禮數。受洗禮感激主的恩典，做教會的一个，踏入是著探牧師抑是長老，以及濟濟年受著指導的信仰的先輩，遐的兄弟姊妹。 佇世間，人欲奉職佇官衙，會社，抑學校，若得著就任的辭令的時，就隨時去探伊的序大，抑是伊的同輩。世間有這號的風俗來真禮數，何況攏無功勞的人，踮佇基督，白白稱做義，來體驗著新生的恩典，受著袂講得的感激的人，敢毋是應該著用一个形式來表現伊的感...

[1934-8 台灣教會公報/芥菜子 文類-散文 作者-卓恆利/Toh Hêng-lī]
看見異象 [ Khoàⁿ-kìⁿ ĪN-siōng ]
看見異象 (卓恒利) 1934.8，no.593，pp.23 瑞芳教會，有一个姊妹叫做趙--氏Lê。伊是真熱心，若佮人坐，毋捌講閒話，攏是講上帝的國的事，不止gâu引chhoā人，對伊的手有引chhoā幾若家來信上帝，也所引chhoā--的，攏真熱心，真誠實。也真gâu疼人，講話溫柔，所以人真愛佮伊交陪講話。也真gâu幫贊傳教家，通講是瑞芳教會一支的大柱石。今這个姊妹，佇舊年中，家內有拄著真大的試煉；伊的大囝破病，入院幾若月日久；後來病好，出院了，伊的大查某囝閣破病，也去入院；後來好，出院了後，伊的第四查某囝又閣破病，猶原入院，雖然真危險，總是對佇囡仔的gâu祈禱，予伊閣再好，也通出...

[1934-8 台灣教會公報/芥菜子 文類-散文 作者-陳清義/Tân Chheng-gī]
溫柔謙遜 [ Un-jiû Khiam-sùn ]
溫柔謙遜 馬太11章29節 (陳清義) 1934.8，no.593，pp.22-23 論溫柔，謙遜這4字，算是道德中的第一，主耶穌常常教示人著學伊，伊本身有按呢行。伊雖然有上帝的囝的尊稱，降臨做人，甘願受世間的艱苦，受歹人的陷害，全無怨恨的心，循循善教，大行異蹟，無誇口各一的權能。閣再終身順趁上帝的命令，謙卑到死。伊的溫柔謙遜，實在通做萬世的師表。論伊所教示溫柔謙遜的道理，有記載佇聖經，試引來論：- 1. 看馬太18章1-4所講。當時學生就近耶穌講，佇天國甚物人最大？耶穌叫一个囝仔徛佇面前講，我實在共恁講，無倒轉親像囝仔，袂得入天國。所以凡若謙遜親像囝仔，就佇天國最大。因為囝...

[1934-9 台灣教會公報/芥菜子 文類-傳記 作者--/-]
三週年忌 [ Saⁿ chiu-nî Kī ]
三週年忌 1934.9，no.594，pp.23-24 II. 故高姑娘 這霎愛代先共南部教會的教師會先生佮同屬主的列位請安佮說謝。因為阮的淡水女學，婦學的恩師高姑娘到貴地，雖然佮列位交陪無久，就佇遐破病過身。猶過列位對基督的疼來好款待，事事好勢。論我實在有較僭權，總是對敬愛的姑娘的疼來逼，致到無小可攑筆袂用得。向望咱女學，婦學的先輩者，相體諒就是。 佇咱北部教會續接偕牧師的意志的功勞者，是真濟位。佇30年前北部有兩位姑娘頭一擺到台灣，是金姑娘(現時佇東京)，佮高姑娘。平平西洋人，只有偕牧師，吳牧師娘夫婦in 5位若定。閣氣候，言語，風俗，實在真毋慣勢(彼時台灣的文化猶未發...

[1934-9 台灣教會公報/芥菜子 文類-散文 作者-陳清義/Tân Chheng-gī]
艋舺教會 [ Báng-kah Kàu-hoē ]
艋舺教會 1934.9，no.594，pp.28-30 1. 佇7月14日，有開主日學夏季學校兩禮拜久，逐日有70外个來赴。教員大家真熱心來教，學白話字的速成法，佮主日學部會所定的聖經節暗念，有濟濟囝仔得著真濟的效果。佇28日下晡2點，有開親牧會，也有茶餅會，也有翕相，攏總有130外人，大家真歡喜。 2. 佇7月22日，有行洗禮，大人一个，囡仔5个，接納守聖餐一个。29日有守聖餐，陪餐者70人。 3. 佇8月9日，有設敬老會，彼日來赴會的人有140人，有吟詩，祈禱，讀聖經，講信主的履歷，有將祝詞來送予in，也有有志者的慶賀，就是偕先生，徐牧師，柯先生，閣吳傳道娘的答詞。陳牧...

[1934-9 台灣教會公報/芥菜子 文類-散文 作者-葉金木/Ia̍p Kim-bo̍k]
反悔認罪 [ Hoán-hoé jīn-choē ]
反悔認罪 (葉金木) 1934.9，no.594，pp.25-26 七國的時，藺相如是好口才，閣有膽力的人，伊有完全彼塊寶玉倒來趙國，也佇城池的所在，無凌辱著伊的君王，所以趙王封伊做上卿，官職顛倒比廉頗較懸。廉頗一下想，我對少年到今，經過講百擺的爭戰，才做將軍的職，藺相如不過靠伊的口才，反轉比我官做較懸。就對人講，我若拄著相如的時，的確欲凌辱伊。相如聽見這號話，每擺出來的時陣，若看見廉頗，就趕緊閃對邊仔去。伊所用的人看見in主人這號款，就掠做大大的見笑，大家來對相如相辭，欲去別位。相如才共伊講，現時第一強，第一大--的就是秦國。總是我佇伊的殿頂，尚且敢大聲喝來責備秦王，何況廉將軍，我...

[1934-9 台灣教會公報/芥菜子 文類-散文 作者-陳清義/Tân Chheng-gī]
敬老 [ Kèng-ló ]
敬老 (陳清義) 利未記 19章32節 1934. 9，no. 594，pp. 22-23 「見著白頭毛的人著起來徛，敬伊是老大，來敬畏恁的上帝；我耶和華的命令按呢。」 聖經的教示稱做完全，因為有逐款的教示佇teh。毋若教示人拜上帝，信耶穌，救靈贖罪若定，另外有教示真濟款，講袂盡。今這節的教示，是講人著尊敬老大的意思，照猶太的規矩，若有一个白頭毛--的入來，少年人著起敬，這个就是尊敬的意思。有的講，這个老人無學問，真粗魯，無名聲，欲怎樣尊敬伊？不管伊甚物款，著尊敬伊，因為有通予人尊敬的所在。我愛講3項。 1. 伊有平素的款通尊敬伊。因為有過去的經驗，閱歷佮見聞。雖罔無讀冊，...

[1934-10 台灣教會公報/芥菜子 文類-散文 作者-陳清義/Tân Chheng-gī]
講壇 [ Káng-toâⁿ ]
講壇 (陳清義) 1934. 10，no .595，pp .22-23 祭司長的訴訟，佮彼拉多的裁判(馬可15：1-15)。 主耶穌佇世間的時，周遊四方傳道。後來有予猶太人押送到彼拉多的面前。這个彼拉多是甚物人，就是羅馬皇帝所派來猶太做總督--的。伊的職任雖罔是收稅，猶久也有治理的權；所以有設公廳來裁判百姓的代誌。當時猶太的祭司長，濫糝告耶穌，所以押送耶穌到彼拉多的面前。 論祭司長的訴訟有3項： 1. 誘惑人民。就是講，耶穌傳異端的教，來誘惑百姓，攪擾眾人，這个是悖逆的意思，用按呢來誣告，愛予耶穌死。耶穌佇世間的時，四界傳道理，醫病，趕鬼，攏是利益人，毋捌害人；猶太...

[1934-10 台灣教會公報/芥菜子 文類-散文 作者-郭水龍/Keh Chuí-lêng]
新店教會 [ Sin-tiàm Kàu-hoē ]
新店教會 (郭水龍) 1934. 10，no. 595，pp. 27-29 新店袂設拜堂就有教會的信者佇遐，就是曾恩，林Khêng，雨傘Kim-lêng，Poê Pek。曾恩是對水轉跤信主，才搬去新店屈尺山後熊孔種茶，種大菁。雨傘Kim-lêng是對唐山有信道理，每禮拜攏做陣去五股坑做禮拜。拜6就去，禮拜下晡轉來。後來去南港，三重埔做禮拜；對新店街經過，彼時拄搪高霞嫂的厝，稅梘尾人無共伊稅。搬去了，猶這幅關老爺吊佇店口，何嫂驚彼人來péng伊，彼間店口真久攏毋敢稅人，拄搪曾恩 in遮的信道理人招高霞信道理，才講彼間店的事予伊聽，遮的信者才請偕牧師來，紲稅彼間店做拜堂。1874年嚴清華...

[1934-10 台灣教會公報/芥菜子 文類-散文 作者--/-]
瑞芳教會 [ Suī-hong Kàu-hoē ]
瑞芳教會 1934. 10，no. 595，pp. 30-31 瑞芳是台灣一个出名的所在。頭一項的出名就是出金。佇這个歹景氣的時陣瑞芳益發好趁食；因為真濟人對四界來掘金。閣一項的出名就是雨水；一年的中間落雨有半年較加。雖然是厚雨水的所在，猶久天國的果子真快出；逐年攏有加添人額。 論瑞芳教會，就是楊將先生佇1919年 6月17號，來做傳道師 。佇兩年前，就按算欲建築一間的新拜堂囥佇新瑞芳。為著大家的熱誠，鄙人就好膽共大家募集寄付金；也有募集兩千桶銀。大家就參詳用投票，多數來解決彼个位置。後來有投票寫逐人的意見，愛新瑞芳的有47票；愛舊瑞芳的有24票。後來長執會干焦解決修理舊拜堂，按...

[1934-10 台灣教會公報/芥菜子 文類-散文 作者-劉阿秀/Lâu A-siù]
公館教會 [ Kong-koán Kàu-hoē ]
公館教會 1934. 10，no. 595，pp. 29-30 劉阿秀 對主後1900年，就是明治33年1月建設本教會。佇明治32年春天，佇公館Hok-ki等地方，有謝Hōng-lông，林旺興，林信興，詹阿顯，林祝奉，張德實，葉Chok-khiân，江傳鹿，羅ùn-lâi，劉阿秀等欣慕道理的人，去苗栗的田寮庄禮拜。逐禮拜愛去禮拜的人著早起時4點出發，到彼下晡5點才會轉到厝。彼時是將A-moē先生佇田寮做傳道師。後來欣慕道理的人那加添，眾信徒覺悟佇公館庄著設拜堂的必要，就大家相協議題捐。佇1899年10月間著手設法拜堂，佮拜堂來的備品，紲託將傳道對偕牧師稟請設教佇公館庄；得著偕牧師的...

[1934-11 台灣教會公報/芥菜子 文類-散文 作者-葉金木/Ia̍p Kim-bo̍k]
信的人有神跡綴伊 [ Sìn ê lâng ū sîn-jiah tè i ]
信的人有神跡綴伊 (馬太16章17) (葉金木記) 1934. 11，no. 596，pp. 23-24 小弟有讀10月的教會公報15面舊城的神跡，紲想著主耶穌欲離別世間上天的以前所應允學生的話。對彼霎以後，學生果然得著這款的能力，致到伊的聖會會通行到通世間，予萬國的人通信靠伊。今仔日的教會猶原常常有得著這款的能力。這霎無細膩，愛寫幾字報予列位知，這幾年中雞籠教會所得著的神跡，來相佮感謝上帝。 1. 佇幾年前，有一位新聽道理的姊妹陳張--氏Sek，伊是老人，真熱心，無論佗位聚集禮拜，伊罕得無夠，可惜伊的囝，新婦猶未信。伊的新婦真反對道理，我若佮長老去訪問in，伊真無歡喜。後來...

[1934-11 台灣教會公報/芥菜子 文類-散文 作者--/-]
新聞雜錄 [ Sin-bûn Cha̍p-lio̍k ]
新聞雜錄 (林彼得記) 1934. 11，no. 596，pp. 24-25 1. 莫得袂名譽。刣贏Ná-pho-lûn的英國著名將軍威靈頓。佇伊將軍府的隔壁，有一塊地，伊想愛買。伊的管家知彼塊地的業主，拄咧經濟困難的時，就去佮伊交涉，紲共伊買好勢。管家--的來共將軍講，彼塊地我已經買好勢啦。因為彼个業主拄咧困難，我買了真俗。將軍問講，「買偌濟錢？」管家應講，「應該會值得1100箍銀。總是才800箍銀共伊買。」將軍講，「按呢，你將我的名譽去賣300箍銀。」隨時閣提300箍銀去補彼个業主。 2. 蜜蜂的勤勞。英國有一位的生物學者，調查蜜蜂的工作，伊做的統計親像下底：- 一磅...

[1934-11 台灣教會公報/芥菜子 文類-散文 作者-郭水龍/Keh Chuí-lêng]
哭春美 [ Khàu Chhun-bí ]
哭春美 (郭水龍) 1934. 11，no. 596，pp. 29-30 我所疼的春美，你是老母孤生的囝，你母守節，盡心栽培你，到台南女學卒業了，奉職佇新營幼稚園，盡你的義務做工。1933年8月，對高雄恁四舅張任貴先生紹介，我探聽蘇楊--氏謙美執事，照伊證明，佮你4年做同窗，四德齊備，恬靜，溫純，好性情，gâu疼人，做工敏捷有次序，盡力贊成，是真好。 今年正月佇新店結婚，一禮拜久就來屏東。6月16日倒轉來台北，佇台北病院就醫。7月去樂山園thái-ko病院轉地療養，對家庭的序大人有孝，gâu順趁，對大細照禮數平和過日。10月6日佮大細相辭，歡喜就車去屏東。10月13日早起4點鐘...

[1933-10 台灣教會公報/芥菜子 文類-散文 作者-李水車/Lí Chuí-chhia]
是贏抑是輸 [ Sī iâⁿ á-sī su ]
是贏抑是輸？ 李水車 1933.10 芥菜子 p.26-27 外國某所在有一個博士，常常誇口天下中伊是第一博學的人，不論啥物貨，伊講逐項知，逐項會。有一日拄佇街市的路邊咧開講的時，講天文說地理，聽見的人無毋扑手歡迎伊的博學。拄當彼時有一個真phok-khiat 的少年人，聽見伊談天說地，大聲咧開講，非常的誇口，就擋袂tiâu，爬起來共伊問講，博士先生啊，較失禮咧，因為我拄仔聽見你逐項知，逐項會，實在真感服先生的博學多；試問你一項，你毋知有啥物方法通予世界的海水攏焦抑無？彼時博士咧想，若共伊講無方法，就真見笑，失體面，伊所誇口的博學紲變做矛盾，就應彼个少年人講，欲予世界的海水...

[1934-11 台灣教會公報/芥菜子 文類-散文 作者-陳清義/Tân Chheng-gī]
腓力佮太監 [ Hui-le̍k kap Thài-kàm ]
腓力佮太監 (陳清義) 1934. 11，no. 596，pp. 21-22 使徒8章26-40節，讀這幾節的聖經，不止有所敢，就知是個人佈道的事實，就是腓力chhoā太監來歸主。今將in的狀況，對三方面來研究，排列佇下底：- 頭一方面：論腓力 腓力是甚物人，就是使徒所設立7个執事的中間的一个，因為司提反拄著迫害，四散徛起。腓力就去傳道理佇撒馬利亞的頂厝，用撒馬利亞做永遠徛起的所在。後來伊有對Ai-thê-o-pek的太監傳道理，紲共伊領洗禮。按呢腓力算是亞非利加洲佈道的頭一人。因為Ai-thê-o-pek就是亞非利加東北的國，對猶太來看，就是西南爿的港地。咱攏深知腓力算...

[1934-12 台灣教會公報/芥菜子 文類-散文 作者-葉金木/Ia̍p Kim-bo̍k]
信的人有神跡綴伊 [ Sìn ê lâng ū sîn-jiah tè i ]
信的人有神跡綴伊 (馬太16章17節) (葉金木) (接11月23面) 1934.12，no.597，pp.24-25 佇4年前，有一位兄弟葉心東先生，佮家內的人攏共15人來信道理，真熱心，總是試煉相紲到。信道理後無久，伊有娶一个新婦生孫，總是有拄著產後熱，非常的危險，有入專門產科病院；照醫生看，是真僫得的病，總是伊佮先生娘暝日懇切祈禱。我佮長執，會友也逐日去替伊祈禱，後來果然得著主的憐憫，來饒伊的活命。後來有一个細漢查某囝2歲，有拄著破病，非常的傷重，照in看，是無向望，葉Sim-tong先生有請我著去替伊祈禱，我有用道理安慰in，講人袂會，上帝無毋會；對彼霎了後，看有淡薄向望...

[1934-12 台灣教會公報/芥菜子 文類-散文 作者-吳天命/Gô͘ Thian-bēng]
出力欲做成有意義的教會 [ Chhut-la̍t beh choè-chiâⁿ ū ì-gī ê kàu-hoē ]
出力欲做成有意義的教會 (吳天命) 1934.12，no.597，pp.23-24 昭和9年11月1日，發行的「基督教世界」，有一篇叫做，「出力欲做成有意義的教會。」我讀了有所感，taⁿ愛將彼个略意譯出佇遮。這篇是東京一流的教會，靈南阪教會的執事Kimura (木村)，佇組合教會的信徒協議會的時發表的意見。「我想逐个牧師各各攏有伊的特色；所以教會員對in的牧師，來要求著照in的意思做工，這是錯誤的事。寧可著予牧師會發達伊的特色，譬喻若較貫串講演的人，抑是貫串著冊的人，毋通阻擋--伊，著予伊伸出伊的才能。總是為著欲予牧師發展伊的特色，佇遮會發生一面的欠缺。」 譬喻親像訪問會友，抑...

[1934-12 台灣教會公報/芥菜子 文類-散文 作者-偕叡廉/Kai Jōe-liâm]
東西南北 [ Tang Sai Lâm Pak ]
東西南北 偕叡廉 1934.12，no.597，pp.26-27 (1)聖經所講，西羅亞的池，現時猶佇咧。 (2)今年朝鮮基督教會有舉行設教50週年的禧年會。現時拜堂有3579間；信徒有12,2857，聽道者有29,3499，主日學生徒有25,5286。本地牧師有556人；傳道師有1025人。 (3)好德行較贏長歲壽。 (4)佇內地有一个人破病真傷重，想伊家己會死，就共伊的囝講，伊死的日近啦；若是平素sòng-hiong，伊毋捌得著享福；和出門四界看看，也毋捌。心真傷悲。伊的囝知老爸的意思，就將伊一台的自轉車來拖一張細張車，予伊的老爸通坐，通看日本的景緻。厝邊一个少...

[1934-12 台灣教會公報/芥菜子 文類-散文 作者-林清廉/Lîm Chheng-liâm]
欲就會，毋就袂 [ Beh chiū oē, m̄ chiū boē ]
欲就會，毋就袂 (林清廉) 1934. 12，no. 597，pp. 29 觀音山教會，以前毋捌出女宣道會的捐金。今年11月11日禮拜煞，我就開喙共in題看，連鞭就題十外箍。從中咧題的時，有幾若个查埔人佇咧，(因為in的婦人人無來)。一个就講，「我出一箍銀，寫我的婦人人的名」。閣一个也是按呢講，這實在真正通做模範。 查埔人替in的婦人人，來獻女宣道會的捐金。這就是顯明in內中有愛情佇咧。若有人替伊的老母來獻金，也是表明伊的孝誼。 Suī-huī的新會友咧準備欲設講議所猶未成，就已經有十所的姊妹入女宣道會。真正是「欲就會，毋就袂。」 今向望，猶未募集宣道會的教會，任職...