[1901-3 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1901.03 192卷 p.23-24(接前卷第16面。)魏老爺漸漸較勇，美麗日日來坐tī 床邊kap伊講話；無偌久魏老爺會起來穿衫tiàm冊房teh坐。有一日美麗入來滿面歡喜就講，「舅爺ah伊來lah！」魏老爺問講，「Tó一個來leh？」美麗講，「是多馬倒--來lah！Láu-ma tú仔kā我講；我beh去姓馬in兜，總是láu-ma 講，暗lah，日頭已經落山，我m̄ 好勢面出去；求舅爺准我去。浪子回頭總著thâi小牛仔，舅爺有肥ê牛仔我去叫in來thâi，好m̄ 好leh ？」 魏老爺就講，「Che是糊塗話，láu-ma 講得著，暗leh，你m̄-thang出去；koh的確 m...

[1901-2 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1901.02 191卷 p.15-16(接前卷第8面。)美麗注神直直看伊講，「我逐日想beh來照顧舅爺，m̄-kú láu-ma m̄ 准，總是我濟濟擺teh祈禱，求上帝救舅爺ê病好好。上帝聽我，歡喜今仔日會得來，我有一包beh孝敬舅爺，這tia̍p來tháu開，thang抑m̄-thang leh ？」 魏老爺細仔聲講，「Thang lah ！」美麗就將包巾tháu開提出一幅ê畫圖hē tī 遮風頂，請舅爺看。魏老爺就看見有一ê白頭毛ê老人，滿面快樂，接納一個破衫ê少年人。畫圖下底有寫幾字講，「我beh倒來去就近老父kā伊講，我得罪天，kap tī老父ê面前。魏老爺看了就知是浪子回頭...

[1901-1 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1901.01 190卷 p.8(接前卷第96面。)過十幾日美麗接著批就是李約翰寄來ê。批內有3箍ê銀票。魏老爺將批讀hō͘ 伊聽講，李約翰到倫敦城in 叔接納好款待，hō͘ 伊toà tī 店內幫手。伊有戒酒守禮拜也倚靠救主決意做好人。Koh講in叔有朋友是做教師。約翰將多馬ê事講hō͘ 伊聽。伊應允講，的確著用心chhoē伊到著。美麗聽了有歡喜到bē顧得。魏老爺講，你想hit個人是靠得主mah？是不錯。心內暗靜想上帝用美麗幾句話去救hit 個人，是真奇怪。Koh想hit個乞食受伊感動得救，我為著甚物 iáu-kú boē歸服上帝來得救？ Hit日ē晡魏老爺騎馬出去行thô。Hit隻馬...

[1900-9 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1900.09 186卷 p.75(接前卷第68面。)到送葬了後就chhoā美麗伊母舅in 兜。母舅看見外甥女就想著伊ê 老母bē禁tit 啼哭問 láu-ma，「看太太死是甚物病？請甚物醫生？Tī時過往？」Láu-ma一項一項kā伊講明；koh將太太 ê 批送hō͘ 魏老爺看。In母舅批看了真無安然；m̄-kú bē 推辭tit家己teh想，永常時m̄ ài囡仔吵鬧；今仔日外甥女來，驚了也有這款；總--是無ta-oâ 收留tiàm in 兜，beh 啥知美麗來chia攏無攪擾伊；逐日tiàm 樓頂跟toè láu-ma，抑是tiàm 花園chhit-thô 狗仔。魏老爺若食ē昏飯逐日吩...

[1900-8 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1900.08 185卷 p.68(萬姑娘翻譯。)早前tī 大英有這個查某囡仔姓李，名美麗。年歲真幼chíⁿ父母攏過往lah﹗可憐，這個孤單ê 查某囡仔無人照顧養飼。佳哉伊有一個母舅姓魏，雖然到30外歲，猶原無建置家後。 美麗 ê 老母臨終hit時寫批hō͘伊ê 兄弟，請伊將外甥女chhoā去in 兜照顧養飼，著看做家己 ê 查某子一般樣。批寫了，就叫美麗ê láu-ma來吩咐講，「我若死你著提這張批續chhoā小姐去魏老爺in兜，kap伊toà hia聽候到小姐長成，才會做tit。」Láu-ma 一下聽見che話就講，「太太 ê 病無的確chiah沉重，向望太太會快快好。」美麗ê 母吐...

[1900-4 台南府城教會報 文類-散文 作者-萬姑娘/Bāng Ko͘-niû]
Bú-tī先生 [ Bú-tī Sian-seⁿ ]
Bú-tī先生1900.04 181卷 p.32-33(萬姑娘記--ê.)「今仔日tī以色列族中，元帥死，lín kiám m̄ 知？」II撒母耳 3:38 年內12 月Bú-tī先生hō͘上帝召離開世間。Hit時東西南北ê人四界若tú著頭就講起。你kiám m̄知第一大傳道先生已經過往？ 伊真正會堪tit號做大，平素bat到逐所在遍遍傳福音；罕tit有人親像伊致到hō͘ hiah 濟人聽，hiah gâu 感激人ê心。 論伊ê 信極大，所以有時別位ê牧師ài請去hia 幾日久講道理。伊就代先寄批來問：「看tī lín hia ê拜堂偌大間，有thang 坐tit偌濟人？」牧師接著批大家就失望...

[1900-1 台南府城教會報 文類-散文 作者-余饒理/Î Jiâu-lí]
數念潘牧師 [ Siàu-liām Phoaⁿ Bo̍k-su ]
數念潘牧師1900.01 178卷 p.9(余饒理記--ê.)我近日tuì台灣接著一張憂悶ê批，就知平素所欣慕ê潘牧師已經過往。論到潘牧師實在是我不得不著用全心來疼痛欣慕，尊敬伊親像我ê親兄一般--lah。我也的確知tī 台灣眾教會kap基督徒無 m̄ 為著伊過往來傷悲。想潘牧師在生有濟濟好德行。伊ê 存心時常的確beh chhoē逐個機會來利益教會內外ê 人。Koh伊好德行中間kài 顯明--ê,就是誠心祈禱濟濟時；別人已經睏，伊iáu-kú teh祈禱。Che 代誌實在是芳芳thang chhèng到天頂，上帝定著歡喜接納，因為伊有hit號敬虔ê心--lah。但是伊又koh時時專務學習上帝...

[1899-5 台南府城教會報 文類-散文 作者-黃茂盛/N̂g Bō͘-sēng]
彰化醫館ê消息 [ Chiang-hoà I-koán ê Siau-sit ]
彰化醫館ê消息1899.05 170卷 p.36-37黃茂盛記--ê.Tī 西曆1897年頭蘭醫生tī彰化設立醫館，到今有兩年外。可惜tī 彰化iáu-boē有所在thang hō͘ 病人toà,不過暫且用拜堂邊ê厝做逐日看症發藥ê路用nā-tiāⁿ。也tī 大社有創一個所在thang hō͘ 30外個破病人toà,是因為彰化熱天真翕，先生愛避暑hia,也thang續醫病來利益人。差不多thong年8月日tī chia,4月日tī 大社。我有聽見醫生講這兩年外除出去看--ê以外，來就醫ê人tī 彰化有2291人，tī大社有1358人；計共3649人。Chiah ê 人扯勻 逐個有來差不多4、5...

[1899-2 台南府城教會報 文類-散文 作者-林世傳/Lîm Sè-thoân]
誹謗ê利益 [ Huí-pòng ê lī-ek ]
誹謗ê利益1899.02 167卷 p.12-13(大學學生林世傳做--ê)論這個誹謗 ê意思咱知是甚物款；就是咱信主ê人常常愛hō͘ 世俗誹謗。有時所誹謗--ê是有影，咱有hit號錯誤來hō͘ in 誹謗；總--是有時較濟是無影 ê 事，in 也誹謗。照我所bat 聽見ê 誹謗，就是講咱入教ê 人無公、無媽；抑是向望較省所費；抑是講入教 ê 人攏bē死，上帝會度伊上天堂；抑是靠番仔勢。也我出去佈道bat hō͘ 人講咱是為著外國人 ê 銀thang領所以才beh出來講。大概講án-ni就好，論到人所誹謗--ê講bē得盡。 今我抵仔teh 講人誹謗ê 利益，論 hō͘ 人誹謗卻是真艱苦聽 ê事...

[1911-8 台南府城教會報 文類-散文 作者-P. Ch. H./P. Ch. H.]
路途寬窄論 [ Lō͘-tô͘ Khoan-chek Lūn ]
路途寬窄論。 1911.08 317卷 p.71-72 看馬太第7上 13、14節講：「著tuì 隘門入；chhoā人到死hit個門是闊，hit個路是大條，入ê 人濟濟；chhoā人到活，hit個門是隘，hit個路是細條，入ê 人少。」 頂面這2節是聖ê 話，咱著節節記心來想，因為有好kap歹 ê 路 ê 分別；親像13 節頭一句講：「著tuì 隘門入」；àn怎樣著tuì 隘門入；門若隘，路自然也是隘，án-ni 路途穩當難行。聖經也有記講，難行的確亦著趁來行，到尾m̄-kú 有永永是歡喜kap 快樂tī-teh。 若是hit個第2句講：「Chhoā人到死hit個門是闊，hit...

[1940-3 台灣教會公報 文類-散文 作者-楊雲龍/Iûⁿ Hûn-liông]
醫院通訊 [ I-īⁿ Thong-sìn ]
醫院通訊 台南新樓病院 楊雲龍 194003 660號 p.20-20 感謝上主的恩典，照顧病院經過4年外久真順序。閣再受著無上的光榮，就是佇2月11日(皇紀2600年的紀元節)午前10點40分，在知事公室有舉行御下賜金的傳達式，咱病院有閣得著恩賜，我有拜受御下賜金一封，實在至極的光榮，也感覺真恐俗的所在，對心底真大感謝皇恩普遍到佇咱，予咱閣較著奮勵努力，予這个好的事業閣較有意義的進步發達，通報答皇恩萬份的一份。這號恩賜自大會承接以來，逐年有得著。 閣一个歡喜的消息，就是siāng日佇市役所也有得著州知事閣下的獎勵金，深深感謝無煞。今閣較著覺悟決心來前進盡瘁佇咱的事業，大向望大家閣較...

[1933-4 台灣教會公報 文類-散文 作者-K. Y. C./K. Y. C.]
真好機會 [ Chin hó Ki-hoē ]
真好機會(K. Y. C. Kì)1933. 04, no. 577, pp. 4 　　關心人ê靈魂得救ê天父，對伊ê疼，有賞賜會記ê好消息，ài報列位知：－　　Ⅰ. 講演。秋山、多辻（秋山由五郎，多辻春吉）二位先生ê名，是咱大家所識，盡忠傳主福音ê巡迴會傳道者（巡回傳道者）。　　In兩个是親兄弟，已經有來台灣幾若擺；佇存年11月1號，作陣過美國，作主真好ê干證，佇遐約1年久。舊年秋天轉來；3月8號koh到咱遮lah。　　Taⁿ若有教會ài請in去講演，無論濟少日攏好...

[1931-7 台灣教會報 文類-散文 作者-劉良泰/Lâu Liông-thài]
李Hok-sêng君 [ Lí Hok-sêng kun ]
李Hok-sêng君劉良泰1931.07, no. 556, pp. 10 李Hok-sêng過身啦。 捌伊的人，聽著無毋傷心。君tuì出世就無見著老父的面。 自幼艱苦。 老母共人煮，伊有佮伊的阿伯toà。 真得人疼。君5，6歲的時，就會顧豬、顧牛。 也7，8歲的時，有來禮拜一擺。 到13歲chiah入公學。 彼時有續來讀主日學。 連鞭會讀聖經，也會看羅馬字批。君佇學校真勉強，佇厝內骨力。 有鬥幫贊煮食，也會做生理。 捌一擺佇熱熱的時，一日賺有60园。公學卒業了，就佇關廟佮公醫toà，做調劑兩年久。 總是嫌無通禮拜，就去台南學裁縫。 倒來厝裡年外，正式做李清標長老的長男，soà結婚。 佇這霎有...

[1941-11 台灣教會公報 文類-散文 作者-黃德輝/N̂g Tek-hui]
聖冊的權威 [ Sèng-chheh ê koân-ui ]
聖冊的權威 黃德輝 1941年11月680期 2-5 我無袂記得你的話(詩119：16) 這句就是詩人所講--的，也伊一擺過一擺按呢講。這章是詩篇做第一長--的，也是聖冊全本做第一長--的，有176節，也佇逐節有陳述聖冊，有時叫做上帝的話，有時是律法。詩人一擺過一擺講，我欲戀慕遵守你干證的話，我欲守你教示的話，我無袂記得你的話。 總是taⁿ真濟人佇今仔日誠實無隱瞞，in穩當無講「我無袂記得你的話」。就是講，「我袂記得你的話lah」。也毋是講，「我欲戀慕遵守伊，」就是「我看輕伊」，in無欲佇濟濟機會來精進無袂記得伊的話，反轉提供理由，怎樣in袂記得伊。 1.因為...

[1933-9 台灣教會公報 文類-散文 作者-李崑玉/Lí Khun-gio̍k]
霧峰一新會 [ Bū-hong It-sin-hoē ]
霧峰一新會 1933.09.(582卷)p.18-19 李崑玉 1.一新會到今年3月19號，是一週連。有開紀念會，鬧熱幾仔日，講千人來相佮歡喜。委員長 Phan-liông先生穩當有看較深遠，毋是掠鬧熱是目的。是希望有實質，會建設的人才，來成真正利益社會，改造社會；所以深深teh煩惱，感覺實用的人物真欠缺。 2.社會部的事業，猶原照常teh進行，巡迴講演，土曜講座，今換做日曜講座，婦人親牧會，青年懇談會，雄辯會。十外人，訂 12分鐘的演說。聽的人真感激。 兒童的親愛會，幾仔百的囡仔，請阮講故事予in聽，遊戲、體操、分餅，逐擺真歡喜，真心適。獻堂先生逐擺的聚會，非常扑拚親切來應援指...

[1937-4 台灣教會公報 文類-散文 作者-主筆/Chú-pit]
現代基督徒使命 [ Hiān-tāi Ki-tok-tô͘ Sù-bēng ]
現代基督徒的使命 主筆 1937年4月625期 1-4 使命是甚物？就是「一个人感覺伊受託應該去做的工程」。換話來講，使命，就是咱應該盡的天職。比並來講，一名警察官伊的使命，就是維持治安；一名兵伊使命，就是保護各國；一名傳教者的使命，是幫贊人生脫出罪的苦海；一名教育家伊的使命，是造就人才。 咱逐人袂通毋愛擔當使命得。耶穌設頭家用銀交代伊的奴僕的譬喻，有的領5千，有的領兩千，有的領一千，叫in去做生理，就去出外。過真久，主人轉來的時，3个奴僕攏來報告in的成績。領5千佮兩千--的攏有盡本份趁重倍，得著主人的呵咾。彼个領一千--的受主人咒詛紲刑罰--伊。伊敢有做啥歹？卻無...

[1937-3 台灣教會公報 文類-散文 作者-主筆/Chú-pit]
活命 [ oa̍h-miā ]
活命 主筆 1937年3月624期 1-2 活命，是真寶貝，閣是人人所意愛--的。雖然尊貴做國君，好額有四海；總是一旦無活命，就一切歸佇烏有啦！所以主耶穌講，人若得著全世界，來喪失伊的性命，有甚物利益？ 活命的源頭：科學家講活命是自然有--的。因為若將一塊的土糜，囥佇瓦phoè的頂面，無久家己會發草仔。抑是將草仔佮水囥佇矸仔內，無久會生濟濟細細的蟲。毋過你若將土糜過燒，矸仔內的水過滾，你想會發草，生蟲袂？的確袂。可見活命毋是自然家己有--的。 活命佇道的內面：基督是咱的活命。試看基督的道理，無論啥時代，傳教無論甚物地方，不時受魔鬼佮伊的部下的反對，破壞，打倒......

[1937-2 台灣教會公報 文類-散文 作者-主筆/Chú-pit]
教界的期待 [ Kàu-kài ê Kî-thāi ]
教界的期待 主筆 1937年2月623期 1-3 本二月，是教會政治機關議會的時期；特別佇3月有南部大會佮台灣大會最高機關的招集。當佇這个非常時，有非常的會議，向望有非常的效果。啊！佇這个1937年，是全信徒著向前進(前進 腓立比3：13，14)的目標來努力，才無辜負基督佇十字架替咱死的恩情。鄙人對台灣教界的期待拜排列幾項做列位疼主的兄姊參考：─ 1. 祈禱振起。無論啥人攏知，若無祈禱，伊的信仰生活袂通充實成長。總是予咱大著驚--的，就是濟濟基督徒無teh祈禱。所以祈禱會袂活動，是無通奇怪。設使伊若果真確信有一位實實在在的上帝佇teh，自然愛祈禱，愛交陪上帝。向望對...

[1937-1 台灣教會公報 文類-散文 作者-主筆/Chú-pit]
新年所感 [ Sin-nî só͘Kám ]
新年所感 (主筆) 1937.01 第622號p.1 無論啥人，攏愛新-的。佇咱的生活，無論啥代誌，攏有囥慾望佇咧，就是愛較大，較充實，較新-的。咱的向上心若無絕斷，用真劍努力來進前；自然無論佇咱的事業抑是思想，就感覺有活氣，新新，快樂的氣氛佇咧，若感覺著是新-的，就真歡喜，這是一般的人情。其實若閣斟酌共想，佇這世間都無新的，差不多攏是舊的了了。昨昏的我，佮今仔日的我，都攏無變換。新年的世界，都也無顯出甚物新奇咧！ 總是閣倒反共想一下，佇這个世間，都無一項是舊--的，攏是新的了了。萬事，萬物攏換新的面目。昨日的我，過毋是今仔日的我。舊年的社會，過毋是今年的社會。舊--的，決...

[1935-1 台灣教會公報 文類-散文 作者-主筆/Chú-pit]
社說：新年kap公報 [ Siā-soat: Sin-nî kap Kong pò ]
新年佮公報(主筆)1935.01，no.598，pp.01-02現在的時代，佮古早攏袂通比並-得。毋免講遐早。Kan-ta來想佇19世紀頭，彼時人類的生活，猶真簡單，思想也無親像這時的複雜；所以無論佇精神方面，á是物質方面，大概攏會通滿足。到近佇100年來，思想日日進步，慾望也ná大：食魚，就想愛食肉；穿綢，就想欲穿緞。結果，就形成了現社會種種的混亂。人類的進化史，通講一部分是對「慾望」兩字來造成--的。設使人若無有競爭á是奮鬥，就袂通生出近代的文明。總講，無論踮佇啥時代，男婦老幼攏著愛奮鬥；若無，有一日定著攏著受歷史的淘汰。今欲怎樣來奮鬥？自然愛有相當的準備。就是著有充實本身的能力(智識，本...