[1900-2 台南府城教會報 文類-小說 作者--/-]
拖車ê譬喻 [ Thoa-chhia ê phì-jū ]
拖車ê譬喻1900.02 179卷 p.1-3 現時佇台灣某庄有一條山路真崎較oh得peh。佇hit條路有一張車teh行。佇前面有一個人真出力teh拖，後面有幾nā人teh sak愛beh sak到山頂。大家攏teh流汗因為佇車頂teh坐有真濟查甫人，婦jîn人佮囡仔。論車裡teh坐hiah-ê人從中有ê真老掛軟chiáⁿ；有ê真勇掛少年；有ê是好額有ê sàn-hiong。Hiah-ê坐車ê是真快活也真歡喜。In代先攏無坐車。Hit時in猶原peh上hit條山路，又擱有sak擱一張真重ê車，大家真艱苦，總是到這tia̍p in本身坐車就變做貧惰。論hit个佇前面teh拖車ê人佮佇後面teh ...

[1900-6 台南府城教會報 文類-小說 作者--/-]
兩個鬼 [ Nn̄g ê Kuí ]
兩个鬼1900.06 183卷 p.51-52(翻譯。)某日有兩個鬼tī 街--ni̍h 行游，一個是富鬼，一個是窮鬼。富鬼兄弟5 人，大--ê 名雞腳鬼，第2個名妝畫鬼，第3個名哄人鬼，第4個名公騙鬼，第5個名精靈鬼。In ê 父名千年古怪，相kap流傳講這五個鬼bat 鬧過判官。窮鬼兄弟 10人，大--ê 名糊塗鬼，第2個名放蕩鬼，第3個名拖磨鬼，第4個名急慌鬼，第5個名薰鬼，第6個名奸鬼，第7個名屈死鬼，第8個名 Kông鬼，第9個名酒鬼，第10個名洋煙鬼。In ê 父名萬年鬼，相kap流傳講這10個鬼bat 鬧過刑具。 富鬼遇著窮鬼問講，世間金銀滿地，你怎樣致到chiah-nī 貧窮 ...

[1900-7 台南府城教會報 文類-小說 作者--/-]
兩個鬼 [ Nn̄g ê kuí ]
兩个鬼1900.07 184卷 p.57-58(接前卷第52面。)窮鬼問講，Beh án-choáⁿ會知人信抑m̄信？富鬼應講，世上生理買賣的確有掛字號招牌，信鬼ê 人也的確有招牌，或是門頂tah 鍾馗，門神；或是訂五雷碗；或是糊金符，黃表紙，kap朱紗符；或是頭殼結朱紗字，手骨黏朱紗咒；或是寫姜太公 tī 牆頂；或是房門頂寫結升高照；或是對門刻石敢當；或是掛thâi人 ê 刀；或是手--ni̍h 掛浮tô筋ê 環仔。Che攏是驚鬼信鬼ê 招牌。若入這號人家作chōng,定著得意發財。 若是入藐視鬼 ê 家，必定空費了心機，有時iáu著克虧受苦。從今以後，著較留神--teh，見著信基督 ê人就...

[1900-8 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1900.08 185卷 p.68(萬姑娘翻譯。)早前tī 大英有這個查某囡仔姓李，名美麗。年歲真幼chíⁿ父母攏過往lah﹗可憐，這個孤單ê 查某囡仔無人照顧養飼。佳哉伊有一個母舅姓魏，雖然到30外歲，猶原無建置家後。 美麗 ê 老母臨終hit時寫批hō͘伊ê 兄弟，請伊將外甥女chhoā去in 兜照顧養飼，著看做家己 ê 查某子一般樣。批寫了，就叫美麗ê láu-ma來吩咐講，「我若死你著提這張批續chhoā小姐去魏老爺in兜，kap伊toà hia聽候到小姐長成，才會做tit。」Láu-ma 一下聽見che話就講，「太太 ê 病無的確chiah沉重，向望太太會快快好。」美麗ê 母吐...

[1900-9 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1900.09 186卷 p.75(接前卷第68面。)到送葬了後就chhoā美麗伊母舅in 兜。母舅看見外甥女就想著伊ê 老母bē禁tit 啼哭問 láu-ma，「看太太死是甚物病？請甚物醫生？Tī時過往？」Láu-ma一項一項kā伊講明；koh將太太 ê 批送hō͘ 魏老爺看。In母舅批看了真無安然；m̄-kú bē 推辭tit家己teh想，永常時m̄ ài囡仔吵鬧；今仔日外甥女來，驚了也有這款；總--是無ta-oâ 收留tiàm in 兜，beh 啥知美麗來chia攏無攪擾伊；逐日tiàm 樓頂跟toè láu-ma，抑是tiàm 花園chhit-thô 狗仔。魏老爺若食ē昏飯逐日吩...

[1901-1 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1901.01 190卷 p.8(接前卷第96面。)過十幾日美麗接著批就是李約翰寄來ê。批內有3箍ê銀票。魏老爺將批讀hō͘ 伊聽講，李約翰到倫敦城in 叔接納好款待，hō͘ 伊toà tī 店內幫手。伊有戒酒守禮拜也倚靠救主決意做好人。Koh講in叔有朋友是做教師。約翰將多馬ê事講hō͘ 伊聽。伊應允講，的確著用心chhoē伊到著。美麗聽了有歡喜到bē顧得。魏老爺講，你想hit個人是靠得主mah？是不錯。心內暗靜想上帝用美麗幾句話去救hit 個人，是真奇怪。Koh想hit個乞食受伊感動得救，我為著甚物 iáu-kú boē歸服上帝來得救？ Hit日ē晡魏老爺騎馬出去行thô。Hit隻馬...

[1901-2 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1901.02 191卷 p.15-16(接前卷第8面。)美麗注神直直看伊講，「我逐日想beh來照顧舅爺，m̄-kú láu-ma m̄ 准，總是我濟濟擺teh祈禱，求上帝救舅爺ê病好好。上帝聽我，歡喜今仔日會得來，我有一包beh孝敬舅爺，這tia̍p來tháu開，thang抑m̄-thang leh ？」 魏老爺細仔聲講，「Thang lah ！」美麗就將包巾tháu開提出一幅ê畫圖hē tī 遮風頂，請舅爺看。魏老爺就看見有一ê白頭毛ê老人，滿面快樂，接納一個破衫ê少年人。畫圖下底有寫幾字講，「我beh倒來去就近老父kā伊講，我得罪天，kap tī老父ê面前。魏老爺看了就知是浪子回頭...

[1901-3 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1901.03 192卷 p.23-24(接前卷第16面。)魏老爺漸漸較勇，美麗日日來坐tī 床邊kap伊講話；無偌久魏老爺會起來穿衫tiàm冊房teh坐。有一日美麗入來滿面歡喜就講，「舅爺ah伊來lah！」魏老爺問講，「Tó一個來leh？」美麗講，「是多馬倒--來lah！Láu-ma tú仔kā我講；我beh去姓馬in兜，總是láu-ma 講，暗lah，日頭已經落山，我m̄ 好勢面出去；求舅爺准我去。浪子回頭總著thâi小牛仔，舅爺有肥ê牛仔我去叫in來thâi，好m̄ 好leh ？」 魏老爺就講，「Che是糊塗話，láu-ma 講得著，暗leh，你m̄-thang出去；koh的確 m...

[1901-4 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1901.04 193卷 p.31-32(接前卷第24面。)馬婆婆是tī 後壁teh洗衫聽見丈夫大聲叫，就停手用圍身裙拭礁，就出來。伊看見多馬就啼哭身軀ngia̍uh-ngia̍uh-chhoa̍h。多馬牽in娘ê手kap伊入內面坐，就講，阿娘我bē堪tit倒來，我有做歹事連累父母見笑。伊ê 老母無罵伊，抱伊ê 頭殼疼痛伊講，落難tú著見笑倒轉--來，母子受安慰kiám m̄ 是應該mah ？多馬kā我講che話，伊就流目屎；我不得不也啼哭。我往日想浪子回頭的確是歡喜快樂，但是多馬teh傷心lah！ 舅爺你想伊為著甚物啼哭leh？魏老爺無做聲kan-ta看烘爐ê火炭，暗靜teh想。美麗講...

[1901-5 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1901.05 194卷 p.38-40(接前卷第32面。)魏老爺kah美麗去chhoē láu-ma，家己入睏房，心內真無平安，企tī hit幅浪子ê畫圖下，暗靜teh想，我beh歸服；m̄-kú是難，求上帝憐憫我，叫我倒來去。想到半暝，就peh上眠床睏。 過日早起姓馬--ê真正chhoā in子來拜見魏老爺，求伊倩多馬幫贊伊鬥看樹林。多馬講，「雖然名聲m̄ 好，我已經反悔改變歸服上帝想愛做好人，懇求老爺試驗hō͘ 我一個機會，我實在改過lah！」 魏老爺講án-ni會做得，約定著工錢，勸伊幾句話。父子感謝不盡就去lah。魏老爺心內teh想，我m̄ 值著hit個多馬lah。伊已經回頭，...

[1901-9 台南府城教會報 文類-小說 作者--/-]
著傷ê手 [ Tio̍h-siong ê chhiú ]
著傷ê手1901.09 198卷 p.69-71 佇某所在有一个人名uî-lîm，伊ê姓無甚乜要緊，毋免講：咱叫伊uî-lîm就好。彼个人毋信上帝，因為兩年前伊ê婦jîn人佮囝死。對按呢講：上帝taⁿ無疼我，所以硬心，毋去禮拜，也毋聽人苦勸。年過年ná硬心，人拍算伊無甚乜煩惱經過ê事；實在對in毋捌。 uî-lîm真疼囡仔，心內大大嫌上帝毋留伊ê囝予伊飼到長成。伊真愛彼个囡仔活去讀冊做學問ê人；taⁿ無彩！真毋願。到 十外年後有人teh喊火燒厝。彼間厝內有老守寡人佮伊ê細漢孫teh蹛；濟濟人走倚愛beh拍火，可惜siuⁿ晏到；厝teh-beh倒。老人卻予in 救出來；囡仔，攏袂記得，湊巧聽伊ê...

[1907-9 台南府城教會報 文類-小說 作者--/-]
摩氏 [ Mō͘-sī ]
摩氏1907.09 270卷 p.70-72Tī倫敦城ê東旁有濟濟猶太人作夥 tī-hia 企起，較大面是teh做生理；總是oh得趁食。某日有一個名摩氏tī街路teh行，真趕，若親像破病，本身家己teh唸講，天氣無到偌寒，有出日，我thài-thó寒到án-ni？但m̄知beh àn-choáⁿ？驚了無力 thang行到厝。今仔日做這m̄成生理，koh無啥人買，利無聲thang o；人聽了也m̄知伊teh賣啥貨。腹肚枵到扑結kiû求，真正可憐事ah！往過若趁無食，伊ê 厝邊提淡薄贊伊，今chit moá無，因為 tī in ê中間失體面，一項無後生，koh 大查某子去嫁基督徒。厝邊攏嫌伊，准伊...

[1908-4 台南府城教會報 文類-小說 作者--/-]
夢見 [ Bāng-kìⁿ ]
夢見 1908.04 277卷 p.25-26 捌有一个好額信主ê婦jîn人，卻熱心服事上帝，不過出無偌濟錢做教會ê路用抑是幫贊sàn-hiong人。伊請一个人顧花園。Hit个顧園--ê猶原熱心服事主，常常講道理做禮拜，教主日學，hit號伊攏歡喜。若論出錢做傳道束脩，修理拜堂佮贊sàn-hiong人，伊攏真甘願。伊捌予頭家娘小可責備講伊出錢做教會ê路用到過頭。總是顧園--ê應講，主疼我到按呢，就應該出ná濟ná好，這攏無甚麼功勞佇teh，其實kan-ta盡本份nā-tiāⁿ。有一暝hit个婦jîn人夢見伊已經過身到天堂。入天堂ê園裡就逐所在攏有師傅teh起厝，有ê真大間，有ê細細間。 伊就問c...

[1908-4 台南府城教會報 文類-小說 作者--/-]
翅股ê譬喻 [ Si̍t-kó͘ ê Phì-jū ]
翅股ê譬喻1908.04 277卷 p.30 早前有人講原底鳥隻攏無發翅，kan-ta ē跳ē走。若四界去討食，kiám-chhái 拄著貓狗就beh咬去。Hit時beh跳走，毋過走袂赴，因為腳步是細伐，常常袂免得拄著悽慘死失。到後來chi̍t隻ê老鳥為著這號災難就ûn-á teh想，看有甚麼步通脫離。佳哉想出一个計智，就是備辦兩个翼股來掛在身。有一日就匯集hiah ê眾鳥來saⁿ-kap議論，看有甚麼計策通脫離野獸咬食ê災難。老鳥創兩个翼股帶便便就起來講：照我teh打算，創親像我帶這兩支翅，真正大路用。In若beh來咬咱，咱就通出力飛上懸，in就無法咱ta何。眾鳥吐氣應講，Taⁿ 按呢生是閣...

[1910-5 台南府城教會報 文類-小說 作者-萬姑娘/Bāng Ko͘-niû]
流傳ê故事 [ Liû-thoân ê Kó͘-sū ]
流傳ê故事(萬姑娘翻譯)1910.05 302卷 p.38-39 倚兩千年前佇猶太國ê耶路撒冷城有兩个囡仔結做好朋友。Chi̍t个是猶太人ê囝，chi̍t个是異邦人ê。猶太人ê是勇健活動，四界thit迌；可惜異邦人ê查某囡仔lám身命，因為跤骨失力，袂行，若beh徙位著倚靠人āiⁿ。伊ê老父開布店，查某囡仔跕厝內keⁿ布；毋過伊ê老父逐項著共伊備辦好好，然後伊慢慢仔keⁿ，是因為跤手無力。伊ê心盡切意ài敬拜上帝，總是hit時ê異邦人較無路通出頭佇拜上帝ê代誌，所以不時teh煩惱驚了in ê人死了後袂得著救。伊ê朋友ta̍uh-ta̍uh來揣伊，若是袂會安慰伊；反轉加添伊ê煩惱致到心肝真鬱卒。...

[1911-8 台南府城教會報 文類-小說 作者-林茂生/Lîm Bō͘-seng]
雪子救人 [ Soat-chú kiù lâng ]
雪子救人。 1911.08 317卷 p.68 (林茂生譯述。) [佇內地有發行一款的雜誌名叫「日曜世界」，每月一擺，是專專teh 予主日學的先生佮學生讀的。Chit-pang這个雜誌的主-筆有去台灣巡視；轉來了就用六月號的雜誌做台灣號來講起台灣教會的消息hông聽。中間有記偕牧師建置教會的事，以及偌濟好聽的代誌。有一篇是台北一個糖務係的官吏，菅井(Sugai)君所記teh講起台北一個信主的查某囡仔的好心。我讀了teh想若翻譯這chām 予列位看會相佮得著利益。] 我是台灣總督府內砂糖系的當差。也有teh教一班主日學，佮偌濟囡仔平平teh受上帝的教示。有一日出差去...

[1913-8 台南府城教會報 文類-小說 作者--/-]
復到原質 [ Ho̍k-tò Goân-chit ]
復到原質1913.08 P.9-10 早年有一個朋友得著兩粒大粒柑，食了涼 koh 甜，就想beh chhoē 柑叢來種。Tú-tú teh想就m̄-ta̍t將所食ê 柑仔來tiām， tiām-了有出，就小心照顧，經過幾若年就開花結果子，種ê人心不止得意。總是所結ê 果子 m̄是柑，有ê 生 香圓，有ê 生 酸 koh 細粒 ê 桔仔。 Tiām 柑籽 ê人真奇怪，m̄-若khó͘-chheh伊ê用工，是goân-ngia̍h hit個理氣不明，後來有tú-著 熟行ê朋友就請教伊講：我有tiām 柑籽， 因何生香圓， 生桔仔？ Hit個朋友就kā伊講，你所講kài親像我有一位朋友，伊 tī...

[1914-9 台灣教會報 文類-小說 作者--/-]
戇人講戇話 [ Gōng-lâng kóng gōng-oē ]
戇人講戇話1914.09 354卷 p.7-8Ai-su-lân (Iceland)一个少年人走過某沙陸地，拄著一人騎一隻細隻馬，行狀驚惶真奇怪，就佮伊相佮講話。Ai-su-lân人問講：「君尊姓大名？」應講：「名Sū-thê-hun。」閣問伊是甚物人的囝？應講：「Thoat-ní-su-thèng的囝。」閣問伊講：「君欲tó去？」伊應講：「我因為偷掠一隻羊，欲去監獄。」閣問伊講：「你已經犯罪，怎樣無人來帶你去？」伊應講：「衙門公事真濟，無閒通來掠我，吩咐我家己著去，所以予我一張單做入監的憑據。」講煞，大家相離別。後...

[1915-9 台灣教會報 文類-小說 作者--/-]
塗炭仔 [ Thô͘-thoàⁿ-á ]
塗炭仔。 1915.9，no.366，pp.11-12 某國有兄弟兩人做朝內的文官。兄哥有生一个查某囝名叫寶善。到14歲，父母攏過往，就予in叔chhoā去照顧。小弟也有生兩個查某囝；一个名叫寶珠，一个名叫寶玉。寶珠這時12歲，寶玉13歲。In老父這時身體致病，就辭官回家養病。 In嬸真疼伊兩个查某囝，每日干焦顧梳妝。寶善每日料理煮食洗衣裳，也著揀塗炭，致到身軀常常有塗炭的 lâ-sâm，紲共伊叫做塗炭仔。總是遐爾著磨亦毋捌受氣，算是真好女德。對來in叔兜7年久，伊兩个小妹妝thāⁿ媠媠閒閒，伊攏毋捌傾分，家己逐日認職理家。 這時拄著太子欲娶某，召通國的在室女，著來予伊請。彼霎...

[1916-9 台灣教會報 文類-小說 作者-文安/Bûn An]
王宮kap御園 [ Ông-kiong kap Gū-hn̂g ]
王宮kap御園1916.09 378卷 p.11-12古早 ê 時陣有一個外國王，伊ê 王宮行伍到極。又koh 近tī 較鬧熱 ê 所在有一區花園，因為hit所在是真寒，所以有將玻璃起厝來顧hit區花木，驚了hō͘霜雪凍死，有用真大 ê 心神teh栽顧，整頓到不止齊cháⁿ 好看；亦有栽種濟濟稀罕 ê 花，以及上等ê 果子，攏是伊調撰意愛--ê。 雖然開費濟濟伊亦甘願出；無嫌園費重，因為teh向望所beh結ê果子kap所會開ê 花，不管時thang去hia gū賞，hō͘心靜歡喜。 Tú遇一擺是冬天ê 時，所以無開花，kan-ta有一欉葡萄，生一穗盡大pha盡suí ê,看見 ê 人無m̄欣羨...