[1932-11 台灣教會報 文類-傳記 作者-朱明蔭/Chu Bêng-ìm]
陳老乳長老的小傳 [ Tân Lāu-leng Tiúⁿ-ló ê Sió-toān ]
陳老乳長老的小傳1932.11 572卷 p.13(朱明蔭 寫)老乳叔細漢的時，是共人做箍絡。過--來聽著道理好，就認真講究到會讀聖經，會寫白話字。A.D. 1885 佇岩前予甘牧師共伊行洗禮接納，1900年做執事，1904年做長老。捌佮傳道先生出外佈道。因為目睭痛，有去醫館予馬醫生醫，卻有較好；若是因為常常痛，後--來紲青瞑。對按呢，吐氣無通看聖經。有聽著講有青瞑的字，就致意愛學。有跟某牧師學，勤勤讀到會讀聖經，無各樣目光的人。記持真好，聖經有chām抑是歸章會活唸。最近3、4年，岩前教會無先生，較常是伊做主理，上台直講、直讀，無輸目光的。佇 7月17日，(去伊的親戚的所在療養了轉--來)，...

[1935-4 台灣教會公報/芥菜子 文類-傳記 作者-葉金木/Ia̍p Kim-bo̍k]
故簡A-chhoan小傳 [ Kò͘ Kán A-chhoan Sió-toān ]
故簡A-chhoan小傳1935.04 第601卷 p.31芥菜子第111號(葉金木記)簡A-chhoan是雞籠教會的執事，伊佇主後1920年，對吳廷芳聽「破迷牢」的道理，對彼霎就決心來信主，了後真熱心研究道理、白話字的聖經讀到真熟。1922年，有受洗禮，對教會真熱心，禮拜真致意，入拜堂真虔誠，就是恬靜祈禱、讀聖經。伊一生是勤儉的人，總是真甘願獻金佇教會。 1926年，教會有揀伊做執事，對教會逐項的事務，真有盡責任。1931年，有閣重任執事，佇 3年前，拜堂的宿舍有拆大路閣改築，伊專心來監督到完成，實在真感心。無拍算，佇舊年中，有佮教會暫時相離，去研究天主教，到今年中會前，就閣得著上帝默示，反...

[1935-6 台灣教會公報 文類-散文 作者-汪宗埕/Ong Chong-thêng]
賑災記 [ Chín-chai-kì ]
賑災記1935.06 第603卷 p.28-30芥菜子113號(汪宗埕)佇主耶穌的閣活節，4月21號午前6點2分，屯仔腳地方有拄著未捌有的大地動。對起頭就真動，約兩秒的中間，規庄的厝全部倒壞，屯仔腳拄拄是佇震帶的中央；人受搖倒，土腳piak裂，有所在沈落約5尺深，屯仔腳一鄉庄受teh死--的千外人，拄著重輕傷--的，袂算得，一間厝teh死7、8名--的也有，實在悽慘到極。 咱教會這pang也拄著損害真大，信者受teh死--的八名，求道者受teh死--的11名，自然會友的厝是攏倒到平地；佇遮有人保存in的生命，通講是神蹟，禮拜堂佮宿舍，對地基倒到平地，阮規家族，攏受teh khàm佇內面，感謝上...

[1935-6 台灣教會公報/芥菜子 文類-散文 作者-吳天命/Gô͘ Thian-bēng]
震災中的教示 [ Chín-chai tiong ê kà-sī ]
震災中的教示1935.06 603號 p.30芥菜子第113號(吳天命)4月21號，台灣中部的大地動，彼个慘狀佇遮我毋免閣講起，照新聞紙上看起來，為著這pang 的地動，表出同情來周助震災中的同胞的人真濟，閣再我也確信，猶有真濟周助，事實無表出佇新聞紙上，這款行為是真好。 今佇遮我愛小可考察，對這个地動，事實咱著怎樣，佇遮有神祕，毋是咱人所通知的所在，全然屬佇上帝的事，對這个災難，我確信，雖然我袂會捌，是上帝攝理的經綸的表現，佇遮上帝有濟濟的意義，總是佇震災欲叫醒咱閣省察人生的真意義，真方針，這个意義的確摻佇濟濟意義的中間；對震災，咱一發感覺人生是眠夢，人生是航海，人生是出外，人生是憂苦，佇遮...

[1935-9 台灣教會公報 文類-傳記 作者-高端莊/Ko Toan-chong]
故梁阿海長老 [ Kò͘ Niû A-hái Tiúⁿ-ló ]
故梁阿海長老1935.09 第606卷 p.29-30芥菜子第116號(高端莊)梁長老佇A. D. 1872年出世佇新竹州下的北埔庄。1902 年對吳威廉牧師受洗禮；30年前全家族就搬徙來佇花蓮港耕農，直接、間接鬥建設教會佇花蓮港。1918年受揀，當本會的長老；經過幾若任，到佇今仔日。 伊有5个兄弟，3个小妹，大家是熱心的信徒，伊的兄弟攏捌當職佇本會。現時家族有80外个，雖然是大家族，總--是大家真協和，親像1个小社會，閣也是做本會的大氣力。伊的令先父是北埔教會初代熱心的長老，伊的遺族會通繼續佇教會內teh 活動，綴in 序大人媠的跤步，實在是真稀罕。 阿海長老有11个子，內外孫有20外个，有...

[1935-10 台灣教會公報 文類-傳記 作者-葉金木/Ia̍p Kim-bo̍k]
李德文長老小傳 [ Lí Tek-bûn Tiúⁿ-ló Sió-toān ]
李德文長老小傳1935.10 第607卷 p.42芥菜囝第117號(葉金木)李德文是金包里的人，對少年的時陣是耕農、做生理，一生勤儉樸素，佮人真好交陪。佇25 年前劉中堅牧師有佮葉塗火傳道以及我去金包里佈道，彼霎李德文有聽著道理，心到極歡喜。就招兩位的先生到伊的厝，講道理予伊的老母佮伊的長老娘聽。彼霎了後，伊的老母佮家內的人也同心佮伊信道理。伊本身招伊的朋友對傳道局請設講議所佇金包里，傳道局有准伊所請。彼霎有派楊Chiong去傳道；伊就出力鬥幫贊--伊，對按呢教會日日進步。後--來有予教會揀伊做長老，伊真出力幫贊教會。伊是勤儉的人，對教會逐項的捐項，伊真克己來獻，gâu好款待--人。愛佮人談論...

[1941-10 台灣教會公報 文類-散文 作者-黃六點/N̂g La̍k-tiám]
教會佮神學校 [ Kàu-hoē kap Sîn-ha̍k-hāu ]
教會佮神學校 黃六點 1941年10月679期 17-19 重擔著相仝擔 佇舊約的歷史中上帝有照伊的意思揀選來做先知。耶穌本身也有揀12个使徒來做伊的全權大使，差in去傳上帝的道理，來設立教會佇逐所在。佇教會歷史中上帝的猶原佇逐時代揀召人來照顧料理伊的教會。 撒母耳有開先知學校來訓練青年人通做上帝的器具。今仔日的神學校，就是接紲早時先知學校彼款的精神，欲養成濟濟合用的人才來料理教會。 咱這時teh準備明年設教70年的記念會。神學校到明年是設60年啦。南部的神學校是比咱的較早設6年久，到舊年in有廢校，所以台灣只有賰北部這間的神學校爾定。南部對廢校就將in的學...

[1925-9 台南府城教會報 文類-傳記 作者-李水車/Lí Chuí-chhia]
梁阿亮 [ Niû A-liāng ]
梁阿亮 1925.09 486卷 p.10-11 (李水車) 阿亮伯出世tī新竹ê 更寮坑，後--來徙去月眉，tī-hia 聽道理。到56歲ê時，對偕牧師受洗禮；同hit 年設立做長老。 Tī 20年前有徙來花蓮港ê Kun-ui庄耕農。Hit時做陣來花蓮港大細共17人nā-tiāⁿ，今全家有43人，實在真出丁。伊tī 1 月日前有破病。到tī 7月29 號就hō͘上帝召伊離開世間。論伊ê履歷ài寫幾若項報逐家知伊ê做人。 （1）伊ê人款是真樸實、真謙卑，對人真親切、真有度量、歡喜做慈善ê 事，m̄-bat 犯官法，gâu治理家內。雖然家內hiah濟人，m̄-bat聽見不和ê事。...

[1920-12 台灣教會公報 文類-詩 作者-鄭溪泮/Tēⁿ Ke-phòan]
看光星 [ Khoàⁿ kng Chheⁿ. ]
看光星 1920.12 第429卷 p.11 (鄭溪泮作。) 1.請看天頂光明的星， 榮光燦爛遍照暗暝； 為何忽然彼粒出現？ 是主降臨賞賜恩典。 2.這星顯明救主降生， 對天出世佇伯利恆； 這星榮光照到東方， 博士看見起身出門。 3.光星chhoā in入主的厝， 行禮跪拜獻物攏有； 天頂聖使滿心歡喜， 暗星指示佮in轉--去. 4.咱人心目烏暗若暝， 請看彼粒救世光星， 品行重生，行佇光明， 向伊來行直到天庭。 5.彌賽亞星恩惠極大， 報人捌主親近倚賴， 咱著敬拜感謝吟詩， 呵咾聖名到萬萬年。...

[1925-10 台南府城教會報 文類-詩 作者--/-]
敬好兄弟仔 [ Kèng Hó-hiaⁿ-tī-á ]
敬好兄弟仔 1925.10 第487卷 p.15-16 1.七月敬奉好兄弟， 這層事誌極不義， 聖人的冊有指示， 敬重鬼神而遠之。 2.要緊仁義大有益， 論到敬鬼無智識； 鬼仔無形也無相， 啥事敬伊遐對重？ 3.現現的人oh服侍， 無形的鬼按怎拜； 逐項事誌著省察， 自然那久就那捌。 4.人客到厝欲款待， 代先問伊佗落來； 得知名姓佮所在， 然後放心相款待。 5.這是先兵而後禮， 持防光棍佮賊馬； 交人尚且著省察， 交鬼閣較著相捌。 6.這鬼起頭是是誰 ？ 就是世間的人類； 鬼仔未死亦是人， 佮咱逐家攏相同。 7.總是做人極其散， 就是...

[1930-7 台灣教會報 文類-詩 作者-周天來/Chiu Thian-lâi]
救主我來就你 [ Kiù-chú goá lâi chiū Lí ]
救主我來就你 1930.07 第544卷 p.14 (周天來) Key=D 1. 我罪極重未脫離， 救主流血替我死； 主恩極深無通比， 我今歡喜來就你。 2. 所犯罪過滿滿是， 家己無路通脫離； 主會赦免，洗清氣， 救主我來就近你。 3. 我若抵著心煩惱， 驚惶，僥疑未消無； 救主彼時通倚靠， 精神、元氣就復到。 4. 世間逐項所向望， 功名富貴攏空空； 毋值救主大疼痛， 真理、活命對天降。 5. 我愛常常求叫你， 求主幫贊來指示； 逐項著做我歡喜， 救主我來就近你。 6. 世間日子快過--去， 求主逐時無放離； 向望佇天會企起， ...

[1930-7 台灣教會報 文類-詩 作者-柯設偕/Koa Siat-kai]
神蹟歌 [ Sîn-jiah Koa ]
神蹟歌 1930.07 第544卷 p.19 (柯設偕) （我記得較早前，有人做神蹟歌，我佇遮寫我所會記得的，予列位做參考，也若猶有別項的，請列位指示。） 1.假若有婚姻， 耶穌親降臨， 逐家赴筵席， 酒啉無夠額。 命奴僕，去汲水， 命奴僕，去汲水， 隨時變做酒， 世間真罕有。 2.耶穌行水面， 彼得愛親近， 求主容允我， 予我會近倚， 行水面，心歡喜， 行水面，心歡喜， 主講按呢信， 你信免帶疑。 3.耶穌行路時， 婦人血漏病， 跟隨主身邊， 信主會醫治， 摸衫裾，血漏止， 摸衫裾，血漏止， 主講按呢信， 你信醫好你。 4.耶穌到拿...

[1936-2 台灣教會公報/芥菜子 文類-散文 作者-柯設偕/Koa Siat-kai]
宋尚節博士 [ Sòng Siōng-chiat Phok-sū ]
宋尚節博士 1936.02 第611號 p.23-24 芥菜子第121號 (柯設偕) 宋尚節博士有訂欲來台灣，也成月日久的中間佇本島南、北部界內幾若位的大所在，傳報主的福音。 向望這擺宋博士佇南、北部逐位，會奮興已經信主的兄弟姊妹閣較熱心，也會引chhoā濟濟猶未信的人決心來信主。 論宋博士為主的工作，大家穩當已經有聽見，抑是有讀著，所以不止知影。 佇遮愛寫淡薄予逐家做參考。 卻佇1933年3月的教會報，偕--先生也已經有寫1篇「大學證書hiat落海」大家也已經讀了。 宋博士是去美國留學，得著學士、博士的學位，也自有得著幾若張證書。地位、錢財、名聲便便teh等--伊，設使...

[1931-6 台灣教會報 文類-詩 作者-柯維思/Koa Î-su]
著顧網內魚 [ Tio̍h kò͘ bāng-lāi hî ]
著顧網內魚 1931.06 555卷 p.18 (柯維思) 水內所有的魚鱉， 譬喻信主的兄弟； 已經入咱的網內， 應該共in收--起-來。 毋通刁持講東西， 莫得家己分好歹； 逐尾好路用著知， 的確共in下較內。 別日分類無咱事， 攏是頭家teh推排； 有的收囥明宮séng， 有的hiat 佇火爐前。 所以你我著奮發， 聽候末日受判決； 替in祈禱望立志， 到尾撿彩會成器。 聖神若臨到佇in， 會chhoā人去假歸真； 咱若苦心栽培in， 主亦歡喜佮in親。 勸咱毋通傷áng-láng， Kan-ta時時想海翁。 海翁身軀遐爾大， ...

[1931-9 台灣教會報/芥菜子 文類-詩 作者-柯設偕/Koa Siat-kai]
林燕臣牧師的詩 [ Lîm Ian-sîn Bo̍k-su ê Si ]
林燕臣牧師的詩 1931.09 558卷，芥菜子 68號 p.14 (柯設偕) 林燕臣牧師的詩 這擺南北傳教師聯合總會的中間，佇7月15號e晡，有懇親會。林燕臣牧師有做3首詩，佇懇親會的時，伊有讀，也有吟。 這3首實在通予逐家做參考，所以猶袂印佇別款的雜誌的代先，寫佇遮，做參考。 1.一片荒高草色青， 山明水秀映秋庭， 凡塵不染成佳景， 明師休居閱聖經。 1 一片的山尖是懸，草色是青。 山的明朗佮水的清秀，相向佇這个秋天的埕裡。 世俗的塵埃袂沐著，來成這个好的景致。 出名的讀冊人安靜佇遮徛起，來看聖經。 2.淡江美景足安居， 教育英才好讀書，...

[1932-11 台灣教會報/芥菜子 文類-詩 作者-章王由/Chiong Ông-iû]
主佇客西馬尼 [ Chú tī Khek-se-má-nî ]
主佇客西馬尼 1932.11 第572卷，芥菜子第82號 p.26 (章王由　做) 調用「Gethseniae」，作曲者CHAS. H. GABRIEL。 1.耶穌佇逾越節彼暝， 伊佮學生守節的時， 設立聖禮無閣改換， 吟詩了後去橄欖山。 和 半暝跪佇客西馬尼， 主欲啉苦杯無推辭， 祈禱了就得著較贏， 主講願父旨意得成。 2.暗暝那深學生愛睏， 經過靜靜暝間時陣， 天使通暝守更無歇， In聽見救主teh求叫。 3.這个杯若會離開我， 這个杯若會離開我， 總--是毋通 趁我所愛, 聖囝祈禱按呢相拜。 4.主祈禱佇客西馬尼， 你著知這名的意義， 主流血汗...

[1932-2 台灣教會報/芥菜子 文類-詩 作者-吳天命/Gô͘ Thian-bēng]
阮所吟的紀念詩 [ Goán só͘ gîm ê Kì-liām Si ]
阮所吟的紀念詩 1932.02 第563卷，芥菜子73號，p.16 (吳天命) 艋舺教會佇本年1月1號暗時，有開主日學祝賀會，也有紲紀念設教60週年。這號事已經有寫佇芥菜子報，2月份的教會消息的內面。今因為柯設偕先生的希望，所以愛將阮所吟的紀念詩來寫佇遮。 A. 1.企佇遠遠烏暗罪惡的世界， 千萬靈魂永遠teh欲沈淪， 是誰歡喜傳報救主仁愛， 若牧者山--裡揣失落羊群。 和 萬權能已經賞賜我， 萬權能已經賞賜我， 恁去普天下傳福音予萬百姓， 我佮恁佇teh到永遠。 2.萬國大門現開開莫得延遷， 基督的兵好膽進前來去， 取齊基督信徒大家相結連， 報揚真理世人得著...

[1932-5 台灣教會報/芥菜子 文類-詩 作者-陳瓊琚/Tân Khêng-ku]
女宣道會歡迎文牧師娘的詩 [ Lú Soan-tō-hoē Hoan-gêng Bûn Bo̍k-su-niû ê Si ]
女宣道會歡迎文牧師娘的詩 1932.05 第566卷，芥菜子76號，p.29 (陳瓊琚 做) 1.逐家歡喜來吟詩， 感謝天父賜福氣； 真理來台六十秋， 福音報傳全地球。 2.起頭馬偕博士來， 報傳道理，除歹事； 親像1粒芥菜子， 興旺大欉，主歡喜。 3.博愛慈悲牧師娘， 母會派你到東洋， 愛祝北部鑽石年， 贊阮信心愈加添。 4.母會恩情真正大， 福音無到，阮袂活； 愛報母恩攏袂會， 表意來開歡迎會。 5.願主耶穌來幫贊， 加添信徒無數萬； 願父祝福這个會， 那久那大，人那濟。...

[1932-7 台灣教會報/芥菜子 文類-詩 作者--/-]
耶穌佮撒馬利亞的婦人人 [ Iâ-so͘ kap Sat-má-lī-a ê hū-jîn-lâng ]
耶穌佮撒馬利亞的婦人人 1932.07 第568卷，芥菜子第78號，p.27 （調用「Take my life」，作曲者Wm. B. Bradbury） 1.耶穌經過撒馬利亞， 近佇約瑟的地敘加； 佇遐有雅各的水井， 主行路siān，坐佇井邊； 學生入城買食的時， Kan-ta賰主佇遐家己； 愛傳道理予遐的人， 就趁機會連鞭做工。 2.撒馬利亞的婦人人， 欲上水帶瓶佮水桶； 耶穌愛用水做問題， 所以對伊討水1杯； 婦人講恁阮無往來， 啥事對我討水的事； 主講若論上帝的恩， 就無分恁阮攏有份。 3.婦人無明這個意義， 就用濟濟話來問伊； 路尾信伊是先知...

[1932-8 台灣教會報/芥菜子 文類-詩 作者-章王由/Chiong Ông-iû]
耶穌佮尼哥底母 [ Iâ-so͘ kap Nî-ko-tí-bú ]
耶穌佮尼哥底母 1932.8 第569卷，芥菜子79號，p.28 （章王由　做） （調用「Guide」，作曲者是M. M. Wells） 1.有一暗暝尼哥底母， 專工來到耶穌貴府； 承認伊是對上帝來， 有權能通救世界； 耶穌講人無重頭生， 上帝的國就袂看見。 2.尼哥底母袂會理解， 掠做著閣入母胎內； 主講若對神來生， 就上帝國才會看見； 愛入上帝國來歡喜， 著尊趁救主的教示。 3.主雖罔譬喻地上事， 猶過有人毋知意思； 所以若講天頂的事， 就閣較濟人袂會知； 摩西舉起蛇佇曠野， 就是表明主的神蹟。 4.上帝賞賜獨生的子， 降生做人這是有影； 有...