[1928-12 台灣教會報/芥菜子 文類-散文 作者-張基全/Tiuⁿ Ki-choân]
Sat-bûn製造法 [ Sat-bûn Chè-chō-hoat ]
Sat-bûn製造法 1928.12 525卷 p.20 張基全 (接11月第20面) 2. 鹼(alkali = アルカリ)這項也通分做A，B，兩款。 A. 苛性Ka-lí。若用苛性ka-lí所做的sat-bûn，較濟水份，所以較軟；有人叫這款做軟sat-bûn (soft soap)，抑是叫做ka-lí sat-bûn。這款sat-bûn較快溶，也游離a-lú ka-lí(游離アルカリ)較濟，所以伊的性質較強，會刺激皮膚。所以這款的sat-bûn是咧予人洗衫用，抑是製油工場用-的。 B. 苛性蘇打。若用苛性蘇打來做的sat-bûn，較焦，較tēng，所以有人叫伊做tēng ...

[1928-10 台灣教會報/芥菜子 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu Sú ]
台灣基督教史 吳昌盛 1928.10.01 523卷(芥菜子第32號) p.11-13 Taⁿ閣來看1643年10月7日的台灣年會的報告書的 poa̍t-chuī。「現在各方面攏有teh進步。上帝予愛欲得著救的人日日加添佇咱的教會。亦有設學校佇六所在，現時有600个兒童teh來讀冊。彼中間亦有真gâu寫La̍h-tián字--ê。拍算恁會通對Junius來看著in 的成績phín。Chhân-tiū已經成熟，干焦欠做工的人欲啥步？向望有熱心敬虔閣有大經驗的先生來教chiah 的好教閣快捌的囡仔。逐日的受業攏照規矩，不止有teh進步。特別本地先生的做工不止會通呵咾得。所以一月日愛...

[1931-8 台灣教會報/芥菜子 文類-傳記 作者-吳萬生/Gô͘ Bān-seng]
旗後莊Hoat長老小傳 [ Kî-āu Chng Hoat Tiúⁿ-ló Sió-toān ]
旗後莊Hoat長老的小傳吳萬生1931.08, no. 557 (KCC, no. 67), pp. 12-13 Hoat長老tuì我捌伊到今知影以前伊來聽道理已徛30年啦。 前teh聽道理是奉行故事，雙腳踏雙船，上帝也好，王爺，媽祖也是好，Pi-lia̍t好，基督嘛好；有時來禮拜，有時出去燒香，身軀為著致病，艱難過日，所以有食鴨片來減輕艱苦，有時受苦勸就減食淡薄。 到這成十年來就嶄然解換，續一時就按呢決心毋食，這敢毋是基督的大氣力，大權能麼？ 我信是基督的疼teh催逼伊的心，若無是bē hiah緊解，因為伊的病症是ná久ná傷重，猶久外身予伊艱苦，刻己來toè基督的腳步。 雖然身軀真衰lám...

[1931-1 台灣教會報/芥菜子 文類-散文 作者-陳能通/Tân Lêng-thong]
毒瓦斯tek的舌 [ To̍k-oá-su-tek ê Chi̍h ]
毒瓦斯tek的舌陳能通1931.01, no. 550 (KCC, no. 59), pp. 16-18 一个將校寫講："毒瓦斯tek的思想tuì 3000年前的古早就有。 Bē開化的人佮文明的希臘人，攏捌用濟濟款的毒物來相攻擊。 總是軍事上猶未到佇決定tek有價值的時，就開歐洲大戰。頭一擺用了有功效是佇1915年4月，德國第二擺攻擊白耳義的イープル的時，忽然所用的鹽素 (Chlorine)；干單3，40 分久15000人中毒，內中5000人的性命做頭擺的犧牲。 所以英、法兩國就盡力研究發明毒瓦斯佮用毒的器具。 總是德國不時都比聯合軍多進一步；閣攻擊的毒瓦斯佮用毒器具變做智識マラソン競爭，接...

[1931-8 台灣教會報/芥菜子 文類-散文 作者-柯設偕/Koa Siat-kai]
論信 [ Lūn "Sìn" ]
論"信"柯設偕1931.08, no. 557 (KCC, no. 67), pp. 12-13 "信"是甚麼？"信"就是所向望的的實在，佮boē看見的事的憑準（希伯來11:1）。Ⅰ. 怎樣"信"是大要緊？1. 若無信，就boē會予上帝歡喜（希伯來11:6）。2. 對信，咱chiah有活（加拉太2:20）。3. 對信，萬項事攏會（馬太17:20；馬可9:23）。Ⅱ. "信"的源頭佮目的是甚麼？1. 上帝是源頭（希伯來12:2；彼得後書1:1）。2. 基督是源頭（行傳3:16；加拉太2:20）。3. 聖神是源頭（哥林多前書 12:9）。4. 人著信上帝（馬可11:22；約翰6:29；行傳 20...

[1931-9 台灣教會報/芥菜子 文類-散文 作者-陳能通/Tân Lêng-thong]
科學佮信仰 [ Kho-ha̍k kap Sìn-gióng ]
科學佮信仰陳能通1931.09, no. 558 (KCC, no. 68), pp. 15-18 （看見濟濟的青年輩，為著現代的科學，致到信仰搖動；所以夯筆來譯寫淡薄）。Tuì 19世紀以來，科學實在有非常的大進步。 已經發見，佇物質內有囥蒸汽，電氣的大氣力；遮的力，今仔日有做了真大的工程。 火車，電車會走；電話，電信會通；電火會光；其他也有無聲電話（ラヂオ）發聲的寫真（トーキー）佮電視（テレヴ井ジヨン）；遮的攏是科學所賞賜的。 閣有天文鏡，會看到幾若億年的遠，也有顯微鏡；會看至微細的細菌。 科學者的手一下摸著物質，宇宙內神秘的真相攏顯出；將來boē明的事件攏tuì in的手來闡明。 實在...

[1931-10 台灣教會報/芥菜子 文類-散文 作者-陳添旺/Tân Thiam-ōng]
嫁娶的風俗 [ Kè-chhoā ê hong-sio̍k ]
嫁娶的風俗陳添旺1931.10, no. 559 (KCC, no. 69), pp. 16-17 Tuì有人類以來就有嫁有娶，原初是造物的主共in匹配，若準老父共囝兒主婚一樣。照看原早嫁娶是真單純的款，無甚麼異端掔損，親像亞伯拉罕差伊的老奴僕轉本鄉共囝以撒娶親，逐聲是講若會成是tuì上帝。按呢in萬事是交代上帝，真有看活的款式。老奴僕到本鄉的地，有牧場的所在，就佇遐有查某囝仔好意用水予 in啉，也予精牲啉，按呢就有定親的思念。後來就用環予伊掛，轉佮父母兄弟的家安身就soà參詳配親的事，毋知囝婿是圓抑是扁就配親，也是講：萬事出佇耶和華，無打緊就按呢佮老奴僕soà做陣去，新囝婿來路頭迎接入房做...

[1931-7 台灣教會報/芥菜子 文類-詩 作者--/-]
紀念偕牧師的歌 [ Kì-liām Kai Bo̍k-su ê Koa ]
紀念偕牧師的歌故吳寬裕 傳道1931.07, no. 556 (KCC, no. 66), pp. 14 1. 第一翰才偕叡理，初學吐蔭字；新舊聖經攏總會，教人真理捌天父。2. 開拆道理意思深，男女明白感激心；聲音高低攏教拍，舉手和運腳ná踏。3. 吟詩歡喜合手拍，所講迫切盡力搭；講主模樣勉勵人。進前安慰gâu教示。4. 有時威嚴愛利益，予人關心有道德；有時苦勸兼責備，進前安慰gâu教示。5. 天將夫子為bo̍k-to̍k，開人心門知降服；Tuì來到今數十年，傳報道理無歇時。6. 一生顯出好舉止，所做逐項主歡喜；伊學捕撈佮先知，教示學問無品捧。7. 舉止行動攏四正，教內，教外人人疼；耶穌道理...

[1931-10 台灣教會報/芥菜子 文類-詩 作者-柯設偕/Koa Siat-kai]
個人傳道的工 [ Kò-jîn Thoân-tō ê kang ]
個人傳道的工柯設偕1931.10, no. 559 (KCC, no. 69), pp. 18-19 （Tuì中國雜誌翻譯）1. 個人傳道的工，逐人攏會去傳，不論男婦老幼，逐人攏利便，你去chhoā你朋友，我去chhoā我朋友，一直chhoā到主前，通受主拯救。你去chhoā你朋友，我去chhoā我朋友，一直chhoā到主前，通受主拯救！通受主拯救，通受主拯救，一直chhoā到主前，通受主拯救！2. 個人傳道的工，逐位攏會去傳，不論內面外面，逐位攏利便，你欲chhoā你朋友，我欲chhoā我朋友，一直chhoā到主前，通受主拯救。3. 個人傳道的工，逐時攏會去傳，不論日時暝間，逐時攏利便，你...

[1932-1 台灣教會報/芥菜子 文類-散文 作者-陳能通/Tân Lêng-thong]
向望的源頭 [ ǹg-bāng ê Goân-thâu ]
向望的源頭陳能通1932.01, no. 562 (KCC, no. 72), pp. 11-12 "有向望咱的主耶穌基督，就吞忍。"老人的特色是回顧過去的事；青年的特色就是囥向望佇將來。 這是人人所承認的真理。 總是有人觀察現代的時勢講，"現代的青年無囥向望；無論是趨向佇社會主義--的，抑是沉溺佇享樂主義--的，原因攏是在佇遮。" 實在是按呢，這个歹景氣，oh得著職業，佇遐有生活的困難。 Chī-chuī欲指示in活命的路，chī-chuī欲予in有氣力？ 有時正當的言論也受金錢勢力的壓迫，致到soà毋知是為著甚麼因端來得著學問。 所以有氣力的就想講：著用革命tek的手段來改造這號社會狀態...

[1931-5 台灣教會報/芥菜子 文類-傳記 作者-周桃/Chiu Thô]
王--氏勤小傳 [ Ông--sī Khûn Sió-toān ]
王--氏勤小傳周--氏桃1931.05, no. 554 (KCC, no. 64), pp. 20 王--氏勤是踮佇大甲街，頂店庄的人。 對教會來講：伊是屬佇大甲教會的女信徒。 伊是佮故陳其祥先生有親戚關係，閣伊本身會信道理佮伊的大家官，大家會入教攏是tuì佇Kî-siông先生佮先生娘的熱心引chhoā的結果。 所以咱若數念伊，就自然亦著數念其祥先生佮先生娘。 伊tuì 21年前就信道理，亦其祥先生soà鼓舞設法予伊來讀婦學。 論伊的天資不止好，boē輸當時的窗友，伊讀六個月就著轉去厝裡料理家事。論伊的聖是恬靜，罕得凊采講話，亦佮人不幸，真正是通做一个模範值的女信徒。 伊頭尾14年久佇...

[1931-8 台灣教會報/芥菜子 文類-傳記 作者-郭水龍/Keh Chuí-lêng]
張海水的小傳 [ Tiuⁿ Hái-chuí ê Sió-toān ]
張海水的小傳郭水龍1931.08, no. 557 (KCC, no. 67), pp. 20 木柵教會的長老張海水是貧寒的家庭出身，細漢的時父母就過身，伊予人倩做看牛囝仔，較大漢就共張弘做長工，伊看張Hông長老的熱心受感，後來娶某建立新家庭，果然熱心佇教會，勤免佇家庭，淡薄講較詳細。1. 伊對教會，熱心守禮拜，題捐攏是愛做模樣，所行守道理，教會就揀伊做長老，伊閣較盡職，會友若有破病逐日去看伊，幫贊伊，踮遐鬥照顧，閣較無閒亦撥工去，行到伊的病好chiah煞。 會友若有不和伊盡力勤和，有少年人去放蕩，伊去勸勉伊到家己流目屎；為著教會的事閣較無閒亦放工去做，若會友冷心，伊常常去引chhoā，若...

[1931-9 台灣教會報/芥菜子 文類-傳記 作者-陳添旺/Tân Thiam-ōng]
陳鄧--氏Chhoā小傳 [ Tân Tēng--sī Chhoā Sió-toān ]
陳鄧--氏Chhoā小傳陳添旺1931.09, no. 558 (KCC, no. 68), pp. 20 這人是故陳Kim-khit長老娘，是故陳Sêng-chong (Hàn) 長老的大新婦，陳文贊長老的老母。 文贊醫生娘也是長老。 In是真久的會友，也通講：三角湧教會的功勞者；西仔反的時，予人懇著真悿，總是無放sak，到長老娘的囝，in有三代接續長老的職份，今兩代煞in的著磨向望現代猶較盡力。長老娘22歲入in門，後來順從信天道，1960年34歲受洗禮入教會，過往享壽是59歲，遺下三個囝攏成器，有8个甫孫，5个查某孫。 一個大囝過世，第二--个是醫生，第三--个作穡，算是真好命，親族真...

[1931-12 台灣教會報/芥菜子 文類-散文 作者--/-]
詹德建君死啦！ [ Chiam Tek-kiàn kun Sí-lah! ]
詹德建君死啦！張崑遠1931.12, no. 561 (KCC, no. 71), pp. 19-20 A. D. 1931，昭和6年， 9月7日，下晡6點，詹德建傳道師，佇台北市宮前町馬偕病院別世。佇A. D. 1907，明治40年7月29日，故詹德建君出世佇新竹州苗栗郡，公館庄福基，伊是故詹A-bián長老的長男。 Tuì細漢的時就讀冊，到今年tuì台北神學校卒業，彼个期間抵抵15年，公學校6年，中學校5年，神學校4年。 今年3月tuì台北神學校卒業，同時受任北部傳道師的職，續受派去中壢教會就任，伊做傳道著只有5月日若定，就完伊的工，按呢予通知伊 - 除去5月日的公人生活 - 是佇私人生...

[1931-12 台灣教會報/芥菜子 文類-傳記 作者--/-]
李文斯頓的傳 [ Lī-bîn-sū-tùn ê toān ]
李文斯頓的傳佚名1931.12, no. 561 (KCC, no. 71), pp. 14-15 李文斯頓．大衛 (David Livingstone) 佇1813年出世，1873年過往。 伊的父母散凶，是熱心服事上帝的人，對重祈禱，閣是真謙卑。 伊10歲，就無通讀公學校，姑不將佇織工場予人倩。 所賺的錢，ná 積囥teh。 後來有學做醫生兼牧師。 伊有欣慕愛到阿非利加就做主的奴僕引chhoā人捌天父。1840年受派，搭船3月日久chiah到位。五大洲的中間，阿非利加洲是第一熱帶地，總是李文斯頓毋驚地氣的熱，會予人真艱苦，百姓較濟是烏面人。李文斯頓到位，就學遐个腔口，後來四界傳福音，教示人...

[1932-6 台灣教會報/芥菜子 文類-散文 作者-陳添旺/Tân Thiam-ōng]
三峽清水祖師祭典 [ Sam-kiap Chheng-chuí Chó͘-su Chè-tián ]
三峽清水祖師祭典陳添旺 記1932.06, no. 567 (KCC, no. 77), pp. 24-25 每年舊正月6日一擺大祭典，大豬真誠濟。 In有分字姓輪流7年著一擺，有一句話teh流，成做成語句：劉頭王尾，就是起頭姓劉，煞尾姓王。照in輪年佇下底：-1劉，2大十姓，3陳，4林，5中庄十姓，6李，7王。 大十姓是除6年以外的姓，中庄十姓倚佇鶯歌南爿遐，若徙出外位也是著分in中庄。 今年是大十姓，大豬第一濟，照役場調查過磅實重分等來賞。 (1) 751斤。 (2) 744。 (3) 739。 (4) 701。 (5) 691。 (6) 644。一等公正姓16 箍。 二等12，三等8 ...

[1932-8 台灣教會報/芥菜子 文類-散文 作者-柯設偕/Koa Siat-kai]
教會佮社會 [ Kàu-hoē kap Siā-hoē ]
教會佮社會柯設偕1932.08, no. 569 （KCC, no. 79）, pp. 25-26 教會是甚麼？教會是上帝tuì世間人的中間揀出來的百姓，來歸佇伊的名，伊是基督的身軀（使徒後傳15章14節；以弗所5章30節）。社會是甚麼？社會是世間人結合聚集的團體，逐等號的人聚集的所在，是聖經所講：世俗的團體。教會佮社會這兩個，boē會做伴，boē會相通，boē會交陪--的（哥林多後書6章14-18節）。總是信徒卻是踮佇世間（約翰17章11節）。所以信徒佮世間 - 社會有淡薄關係，毋是攏無干涉。起頭的教會，第一事先信趁主耶穌，後來疼痛聖徒（教會），閣後來疼眾人（社會）。（彼得後書 1章7節）...

[1932-6 台灣教會報/芥菜子 文類-詩 作者-章王由/Chiong Ông-iû]
紀念偕牧師的詩 [ Kì-liām Kai Bo̍k-su ê Si ]
紀念偕牧師的詩章王由 作1932.06, no. 567 (KCC, no. 77), pp. 28-29 1. 聖神降臨佇偕叡理，主後一八二三年時；雖然伊是十歲囝仔，受聖神了後就好膽。記得主命令就決心，欲去普天下傳福音；伊經過三四間大學，為著主逐時認真讀。準備獻予主做器具，論智慧佮口才攏有； 彼時母會看伊真起，派伊去異邦傳道理。偕叡理心肝迫切，就佮伊的親族離別；一八七一年的時代，搭船來到東洋所在。汰知台灣北部地方，百姓攏無照著真光；逐人危險teh-beh沉淪，伊決意來拯救靈魂。你牧師chhoā伊到淡水，轉到淡水四月初六，出力招好學生來讀。2. 論偕叡理伊的做人，信仰堅固毋捌搖動；雖然抵著...

[1932-9 台灣教會報/芥菜子 文類-散文 作者-陳瓊琚/Tân Khêng-ku]
"我"毋是我的 [ “Goá” m̄-sī goá ê ]
"我"毋是我的陳瓊琚1932.09, no. 570 (KCC, no. 80), pp. 25-27 中國古早的詩歌有一句講：「日出而作。日入而息。鑿井而飲。耕田而食。帝力于我何有哉。」 照頂面文的意思，就是講：做工是家己，啉食亦是家己，逐項攏是家己，佮別人全然無關係。 人佇世間若果然會家己做，家己食，攏免倚靠別人，卻通講是真理想。 Tuì一方面來想，卻有影，無論甚麼人大概攏是家己做，家己食，若無出力做，有時就無通食。 親像這款的事， 毋限定人按呢，連雞鳥，蟲豸猶原是按呢。 毋過咱若閣斟酌想，人踮佇世間決斷boē會干單自足，自食，因為人一方面是承接祖先的遺物，所以boē會通講毋愛tuì別人...

[1932-9 台灣教會報/芥菜子 文類-散文 作者-柯維思/Koa Î-su]
白話字的歷史 [ Pe̍h-oē-jī ê Le̍k-sú ]
白話字的歷史柯維思1932.09, no. 570 (KCC, no. 80), pp. 23-24 咱現時所teh用的白話字，是tuì甚麼時chiah有？ 是甚麼先生創起頭？ 照我所知，愛寫淡薄來相佮參考。 早前西國牧師來廈門傳教，彼時猶未有聖經予人通讀。 後來佇上海聖冊公會有翻譯漢文的聖經出版。 總是彼時，教育猶未普及，捌字的人也少，無攏總會讀漢文的聖經。 所以彼時西國牧師打馬字 (Talmage)，羅啻二位牧師佮本地羊牧師有想出白話字。 卻打馬字牧師的老母佮羅啻牧師的老母猶原有鬥幫贊。 彼時就是1851年（81年前），總是彼時猶未有印版，實在真不便。 所以攏是用柴板，欲應冊真費氣。 實...