[1957-4 台灣教會公報 文類-散文 作者-廖得/Liāu Tit]
歷史故事台灣聖神 [ Le̍k-sú Kò͘-sō͘ Tâi-oân Sèng Sîn ]
歷史故事台灣聖神(廖得)。乞食下大願1957.04 第820號 p.14倚70年前，佇小天堂有一个姓莊的姊妹，未信主的時，囝一个生，一个死；到信主了，生偌濟个，也攏死！後--來丈夫去台南共涂牧師煮食；本身是佇本所在，共會友的人舂米，in柴la̍k草，換喙食。日暝想著家己的歹命、散hiong、孤獨；不時流目屎！頭家媽看了同情，安慰伊講:「你莫哭，阮查某孫仔才分你疼！」有一日，伊就問頭家媽講：「恁查某孫仔 講欲予我，有影--無？」頭家媽應講：「阮查某孫仔予你，你敢有通予伊食？」這个歹命姊妹聽著按呢，就大哭祈禱講：「上帝--ah！你若賞賜我囝兒，無論男女，攏欲獻做主的工，若予我有錢通借--人，我欲放...

[1957-4 台灣教會公報 文類-散文 作者-黃西香/N̂g Se-hiong]
海外通信英國ê印象 [ Hái-goā Thong-sìn Eng-kok ê ìn-siōng ]
海外通訊英國的印象(1966 : 2. 15佇英國黃西香敬寫)1957.04 第820號 p.16-17本篇筆者是總幹事牧師的令媛。伊有高度的批判力佮正確的觀察，所紹介這篇印象記穩當欲引起咱真好的興趣閣加添咱的見識。佇舊年11月的教會公報，有讀著米牧師這pang轉去台灣了所寫英國人對英國的印象，讀了感覺真趣味。今這霎我應主筆的好意愛做台灣人(抑是外國人)的立場，來寫淡薄我對英國的印象。我佇1955年8月1號，上陸倫敦到今，已經佇英國迎接兩擺的救主誕，佮歡迎兩個新年--lah。這中間受上主的施恩疼痛佮母會的關心照顧，以及佇故鄉所數念列位兄弟姊妹的鼓勵佮代禱，予我雖然離開台灣遠遠，猶過會通佇遮平安...

[1957-5 台灣教會公報 文類-散文 作者-黃西香/N̂g Se-hiong]
海外通信英國ê印象 [ Hái-goā Thong-sìn Eng-kok ê ìn-siōng ]
海外通訊英國的印象(接前月號的17面)(1956 : 2. 15 佇英國黃西香敬寫)1957.05 第821號 p.14-15有一項真媠的模樣予咱通學--的，就是in對教會的使命的認識....「傳福音予萬百姓。」差不多每一教派攏有設特別的學院，培養宣教師出去海外傳道。會友也攏真關心，逐家感心樂意贊助這個事業。佇舊年的熱天，對台灣來的張德香、宋泉盛，佮我本身有去參加全國第二次基督教青年大會。除去天主教以外，全國的教會攏有派代表，約略1000名。教會獻心的青年用「共同的信仰佮共同的使命」做標語，熱烈檢討教會的危機佮將來應該努力的方針。通知英國教會雖然是老，猶過伊的前途猶可觀。2) 教育方面。我現在...

[1957-6 台灣教會公報 文類-散文 作者-廖得/Liāu Tit]
歷史故事台灣聖神 [ Le̍k-sú Kò͘-sū Tâi-oân Sèng Sîn ]
歷史故事台灣聖神(廖得)魔鬼迫人上天堂 1957.06 tē 822 hō p.1640外年前，佇台南下，有一社叫做海埔。這庄濟濟人來拜上帝，講是為著有猴鬼佇遐真興，人予伊凌治了無辦法，擋未牢，就來入基督教。有一擺，一个姊妹的查某子也去犯著猴鬼，發熱真傷重。彼个姊妹就去請傳道陳朝明先生欲來祈禱趕鬼。未到的時，彼个查某囡仔予猴鬼上身，大罵傳道先生。陳--先生到位，就問予猴鬼上身的查某囡仔講：「你驚上帝無！」彼个犯著猴鬼的查某囡仔應講：「驚！」傳道先生講：「若驚，這家是拜上帝的人，你按怎敢來作弄--伊？」予猴鬼附身的查某囡仔講:「伊拜上帝，都那有、那無--teh，我就來ko̍h！」傳道先生就替彼家...

[1957-6 台灣教會公報 文類-散文 作者-黃西香/N̂g Se-hiong]
海外通信英國ê印象 [ Hái-goā Thong-sìn Eng-kok ê ìn-siōng ]
海外通訊英國的印象(1966 : 2. 15佇英國黃西香敬寫)(接前月號第15面)1957.06 第822號 p.18遮的受選進入文典學校的囡仔就繼續in的學業，特別注重學究方面(academic side)。In每學期有嚴重的考試，到15歲的時，閣參加國家試驗 (Exams for the General Certificate of Education)，16歲的時，閣一回高級(high level)的試驗。遮的若攏通過就佇18歲的時，照in的成績佮志願通申請升入大學，抑是普通的學院。現在英國(England)攏總有10間的大學，通講大學生的總數佔全國人口的小部份nā-tiā，(無上10%...

[1957-7 台灣教會公報 文類-散文 作者-廖得/Liāu Tit]
歷史故事基督教常識 [ Le̍k-sú Kò͘-sū Ki-tok-tô͘ Siông-sek ]
歷史故事基督徒常識(廖得)台灣教會的由來。1957.07 第823號 p.17-18主後1865年起，福音第二遍傳到台灣，到今頭尾93年久。這擺來傳的公會，是蘇格蘭幾若百萬信徒中的幾若萬人出外佇英吉利趁食的信徒，所組織的宣道會。也男女的宣道會，年年各有收入幾十萬的獻金，但是傳道人才大欠，所以起頭較濟是轉去蘇格蘭，請本所在的人來。閣蘇格蘭是真艱竭的地方；總--是大學真俗，無論偌散的人都有機會通讀；所以來台灣的西教師較濟攏真有學問，也勤儉有慈心，閣親切有禮數！佇60 外年前，我5、6歲的時，若聽著「紅毛番」3字，感覺真高貴，心肝生起真好感情歡迎。我13歲去予梅牧師問道理的時，伊那問，那煮飯；煮熟就...

[1958-1 台灣教會公報 文類-散文 作者-黃章輝/N̂g Chiong-hui]
社論合群ê服從 [ Siā-lūn Ha̍p-kûn ê ho̍k-chiông ]
合群的服從(總會議長：黃章輝記)1958年1月 第829卷 pp.3-4 仇主秘的交代，叫我佇總會的議長的身分，照例年的慣例，寫一篇佇新年的教會公報。雖然我閣 2，3日(12月15日)，就欲起身去赴佇年底佇阿非利加洲的新國家，Ghana，所欲開的國際宣道協會的總會(International Missionary Co͘ncil-通稱I.M.C.)，所以有較無閒，總是毋敢推辭，佇遮寫幾句請安親愛的同道兄弟姊妹，佮講幾句的感想佮抱負。第一，敬愛的同工，親愛的同道兄姊，新年恭喜。願主耶穌基督的恩典，父上帝的疼痛，聖神的相通，佇這个新年的時加倍佮恁大家佇teh，賞賜恁平安佮歡喜，佇欲來的日子到永遠...

[1958-1 台灣教會公報 文類-散文 作者-編輯部/Phian-chip-pō͘͘]
新年ê感言 [ Sin-nî ê kám-giân ]
新年的感言(編輯人記)1958年1月829期 p.4-6編者擔當兼任主筆寫新年的請安，今是第 3 遍 lah。舊年的正月號，當時的總會議長吳永華牧師有寫講，「今年請閣容允。」伊的意思是講，咱的總會雖然過去無甚物收成，也向望佇今年閣得著主容允，向望有通收成，來感謝主。總會今有正式成立，雖然有濟濟困難不如意，猶過進行倚欲一年的中間，已經有真濟的成果通回顧，實在通歡喜感謝。不過過去佇本報編者所寫兩遍的新年的請安，難免使我佇遮愛閣，回顧。因為主耶穌猶原會來巡咱的果子園，看見無花果樹這3年久攏無結果子，打算愛欲剉起來的時，佳哉接納園主的哀求，才得著容允。親像按呢過去兩擺的過年，咱的主穩當攏有來巡咱的果子...

[1958-1 台灣教會公報 文類-散文 作者--/-]
將上帝ê物hō͘上帝 [ Chiong Siōng-tè ê mi̍h hō͘ Siōng-tè ]
將上帝的物予上帝(江萬里寫)1958年1月829期 p.10-11教會內有真濟人講，十份的一份奉獻是律法，亦咱做基督徒的人是佇恩典下，毋是佇律法下，所以毋免十份一的奉獻。閣有人講，毋免十份一，若有十份一的一半就夠額。兄弟ah，請咱毋通袂記得，咱的主耶穌所講的話，「莫得拍算我來是欲廢無律法，á是先知，我來是欲應驗。到天地廢無，律法的一點，一劃亦決斷袂廢無。」咱的主耶穌不但無廢無律法，伊有強調律法，伊有講，「恁捌聽見有對古早人講，毋通害死人，害死人的，著受審判，總是我共恁講，見若受氣伊的兄弟的著受審判。恁捌聽見有話講，著聽你的厝邊，怨恨你的對敵；若是我共咱講，對敵你的，著疼in；窘逐你的，著替in...

[1958-1 台灣教會公報 文類-散文 作者-周天來/Chiu Thian-lâi]
賀川豐彥佮伊ê說教 [ Hō-chhoan Hong-gān kap I ê soat-kàu ]
賀川豐彥佮伊的說教周天來1958年1月829期 p.16-17I.日本最初的世界宣教者=(年內，有接著公報的主筆李Ka-siong牧師的批，愛我佇新年號的公報來簡單介紹賀川先生的略歷佮翻譯伊的講道一篇。筆者感覺真恐肅，不配做這个事。總是已經受交託，也毋敢推辭，照所知影淡薄關係賀川先生的人格佮伊所貢獻佇日本偉大的事業排列佇下面；特別對第二厝大戰結束以後，戰敗的日本對伊的努力來得著信仰的復興佮福音的大普遍，這个消息穩當濟濟人愛知。筆者寫這篇文有參考東京約旦社(ヨルダン社)最近出版的 [信仰偉人群像]最後的這篇「賀川豐彥」)=賀川豐彥出世佇 1888年7月10日，佇日本的神戶市。彼時伊的老父有辭元老...

[1958-1 台灣教會公報 文類-散文 作者-邱明忠/Khu Bêng-tiong]
約瑟ê信仰 [ Iok-sek ê sìn-gióng ]
約瑟的信仰 (邱明忠寫) 1958年1月829期 p.21-23 佇聖經人物的中間，無有過失通指責的，除去耶穌以外通講是約瑟。伊戲劇的的生涯有濟濟通做咱的好模樣。 第一：伊有「聖的理想」 咱讀伊的傳記(看創 37：-50)的中間，會發現做有趣味的是伊對做夢開始，也為著達成眠夢受苦，也最後佇圓夢來大成功。按呢通知約瑟是一个有眠夢的青年，換話講是有理想的青年。 「青年ah！著抱大的志氣，」這是出名的クラーク先生所講的。咱的國父也講「當立志做大事」。約珥2：28也講佇末世的時少年欲看異象。約瑟有將上帝佇夢中對伊所指點的來做伊人生的目標。所以伊佇逆境中無餒志失業，也佇得意...

[1958-1 台灣教會公報 文類-散文 作者--/-]
介紹耶魯神學院ê回顧 [ kài-siāu Iâ-ló͘ Sîn-ha̍k-īⁿ ê hoê-kò͘ ]
耶魯神學院的回顧（吳Chín-khun寫）1958年1月829期 p.23-24Chín-khun先生是日本京 都帝國大學的哲學科出身，捌佇東京植川環牧師的教會做傳道者，佇日本神學讀一cha毋，4年前去美國耶魯(Yale耶魯)大學神學院深造。今年歇熱歸國， 今服務佇台南神學院教教理學，倫理學佮哲學。這篇是伊的美國留學回顧談，伊有好的信仰，好的學問佮好的性格，深深希望佇伊的職位gâu利益神學生佮咱的 教會。設使若有人將發生佇熱帶的草木遷徙到佇寒帶地區，的確欲發現著這个草木佇新的環境會無容易活；á是雖然活也無容易生長。雖然發生佇 siāng款的氣候地帶，人若將沙質的地的草木遷徙到土這个地，猶原會發...

[1958-2 台灣教會公報 文類-散文 作者-吳天命/Gô͘ Thian-bēng]
社論請看Nî-hi-bí [ Siā-lūn Chhiáⁿ khoàⁿ Nî-hi-bí ]
請看尼希米--迎接第5屆總會的感想總會副議長：吳天命記1958年2月830期 p.3以色列人受tháu放倒來本國，已經經過倚欲100年。總是猶踮佇種種的困難中，也雖然得著以斯拉倒來復興in的宗教，總是對佇耶路撒冷的修建，in攏無致意，放teh荒廢。尼希米佇彼个時，雖是踮佇波斯國王的得寵下，有極榮顯的生活，想著本國，本族的荒廢，就放棄伊的快樂平安的地位，願負責到本國，佇種種的困難中，用52日來完成修建耶路撒冷城的責任。咱讀尼希米書會通發現伊得著成功的祕訣真濟。我特別愛舉起6項，就是祈禱，勉勵，合作，警醒，克己，出力工作。佇遮的的面前，一切的困難，一切對敵的引誘，攻擊，計謀都攏變做無氣力。台灣教會...

[1958-2 台灣教會公報 文類-散文 作者--/-]
介紹七十古來稀 [ Kài-siāu Chhit-si̍p kó͘-lâi hì ]
七十古來稀(長榮女中的報告)梅 Ka-liân pò本報記者譯。1958年2月830期 p.8-10 (本篇是梅姑娘向英國母會所寫的年度報告，應記者的請求，予我翻譯佇遮，向望讀的人欲加添對女學的了解佮關心就是)。中國有一句話講，「人生七十古來稀」，意思是講，做人自早到今食70歲的真稀罕。毋過今年咱的台南長榮女學有平安達到第70年，也這霎正正有用歡喜佮感謝teh期待今年3月欲舉行的記念典禮。本校是一个先鋒機關，是設立佇本島最早的一間女子的學校。起先開始的時是幾个仔女子的小團體，然後年久月深，發展到今仔日超過 600个學生，濟濟是以前的學生的查某囝，查某孫佇遮teh讀。今1956年到1957年的學...

[1958-2 台灣教會公報 文類-散文 作者-周天來/Chiu Thian-lâi]
賀川豐彥佮伊ê說教 [ Hō-chhoan Hong-gān kap I ê soat-kàu ]
賀川豐彥佮伊的說教 「耶穌的社會運動的本質」 (路加4：17，18) 周天來 1958年2月830期 p.11-13 1.上帝是比社會運動較大。 上帝比社會主義較大。上帝的意思是全體，社會主義的意思是全體的一部分若定。因為按呢，咱著愛知耶穌的運動是比社會運動閣較大規模。耶穌的努力是佇密房，伊透早，天猶不止暗，就去山裡祈禱，捌通暝佇山頂祈禱。社會毋是伊的全部，個人主義的神秘主義而已；按呢是大錯誤。伊的運動。所以毋是kan-ta關係個性的運動，就是予個性會連結的社會運動。因為佇福音書的內面已經有記真濟，我所著「聖冊社會學的研究，」雖然無徹底，猶過我有簡單講了，總是...

[1958-2 台灣教會公報 文類-散文 作者-張信德/Tiuⁿ Sìn-tek]
查經雅哥ê生涯kap信仰 [ Cha-keng Ngá-kok ê seng-gâi kap sìn-gióng ]
雅各的生涯佮信仰(張信德寫)。1958年2月830期 p.13-14[編者註：自舊年來就有將舊約列祖的信仰繼續介紹佇本報，這次有請新進的張牧師寫本篇佇遮，伊有清新有力的信仰佮文章，量必欲利益大家真濟才著]。雅各，佇舊約若聽著這个名，就隨時想著這个奸詐閣佇伊的生涯中有經過濟濟患難的人。雅各佇晚年，徛佇埃及法老面前的時，伊家己也按呢講，「我一生的年日亦少亦艱苦......」「雅各」意思是「擒跤後tiⁿ--的。」這个名十分表現伊的做人。伊對未出世就佮伊的兄以掃計較(創世記25：22)。後來用一碗的紅豆湯對以掃買大囝的名份；用一碗的羊肉湯騙以撒，得著大囝所應得的祝福。然後為著閃避以掃的受氣，到巴旦亞蘭...

[1958-3 台灣教會公報 文類-散文 作者-黃章輝/N̂g Chiong-hui]
社論Thàu開hō͘伊行 [ Siā-lūn Thàu-khui hō͘ I kiâⁿ ]
社論Tháu開予伊行(約翰11：44)三月第3禮拜：台南神學院記念日(院長：黃章輝)1958年3月831期 p.3-5 列位敬愛的同工佮列位親愛的兄姊。三月第3禮拜，就是咱的神學院的記念日欲到lah。今年的記念日有一个特別的所在，就是咱的神學院再開辦的第10週年。回顧過去10年久咱神學院的歷史，總講一句就是感謝。頂面感謝上主奇妙的鴻恩，攝理，佇地面感謝內外好朋友熱切的祈禱佮支持。佇這10年久「主的恩賜你著算著數，主的恩賜你敢算未了：主的恩賜逐項算來記，穩當滿心感謝上帝大慈悲」Kan-ta舉幾項來講明這个「算未了」的「主的恩賜。」佇1948年3月16號，咱台南神學院通講是「死閣活，失落閣得著。...

[1958-3 台灣教會公報 文類-散文 作者-編輯部/Phian-chip-pō͘͘]
特別消息對非洲toà轉來ê消息 [ Te̍k-pia̍t siau-sit Tuì Hui-chiu toà tńg-lâi ê siau-sit ]
特別消息對非洲帶轉來的消息(編輯人報)1958年3月831期 p.10-12 台南神學院長黃章輝牧師佇舊年的年底去亞非利加洲西爿獨立國Ghana(Ga-ná) 赴會議，1月15轉來到厝，這个消息佇本報12月號，1月號有出了。今伊是去創甚物？會了有甚物消息，濟濟人穩當真愛知。今本號有將伊佇遐所翕的像出佇第二面，閣章輝牧師有打算欲將會議內容此去報較詳細佇本報；這擺記者將所聽著的幾項消息先報予大家知希望予讀者加添明瞭台灣的教會已經是世界的教會的一部分。所以咱若有甚物款的消息liâm-piⁿ傳到世界去。今佳哉這幾年來，咱的教會所傳出去的較濟是有進步的好消息。這次佇非洲Ghana的會議是叫做國際宣教會...

[1958-3 台灣教會公報 文類-散文 作者-周天來/Chiu Thian-lâi]
賀川豐彥佮伊ê說教 [ Hō-chhoan Hong-gān kap I ê soat-kàu ]
賀川豐彥佮伊的說教「耶穌的社會運動的本質」(路加4：17，18)chiap前月號13面周天來1958年3月831期 p.16-17 猶有不可思議的就是耶穌的十字架。十字架的問題毋是kan-ta講犧牲的流血就會得解決。耶穌知行洗禮約翰受刣了後，伊的運命猶原佮伊共方向；因為耶穌家己預言，學生雖然阻擋，若是耶穌向佇真理有忠實，所以伊的決心就ná堅定。耶穌知本身的受難是應驗聖經，因為先知攏有讖語義人的死，。以賽亞53章佮詩篇22篇攏有描寫義人的死。所以伊知影這个事，就決心順從，家己意識佇燒祭的壇著獻羊羔的血，就是伊本身的血；也有意識這个血是欲清氣人類的罪惡，義人的死是贖罪的死；所以佇最後的晚餐耶穌講...

[1958-3 台灣教會公報 文類-散文 作者-張信德/Tiuⁿ Sìn-tek]
查經 雅各的生涯佮信仰 [ Cha-keng Ngá-kok ê seng-gâikapsìn-gióng ]
雅各的生涯佮信仰(張信德寫)(接前月號第14面)1958年3月831期 p.17-18 I.伯特利的經驗(創世記28：10-22)。 伯特利本名路斯。當雅各為著欲閃避以掃的受氣，欲去巴等亞蘭的路中佇遮歇暝。夢見有梯徛佇地裡，梯頂拄天，有上帝的使者佇梯裡teh上落。也有聽見上帝的應允，「我是耶和華......，你無論去tah落，我欲保護你......」對這个號雅各有一個經驗，就是「耶和華真正佇遮，我竟然毋知。」雅各原來所信的就是伊所敬拜的上帝，是亞伯拉罕的上帝，以撒的上帝。這个上帝。這个上帝是踮佇伊的家庭teh保護in的上帝。今雅各佇路斯感覺伊的孤單，毋若kan-ta離開父母若定；也ná親像離...