[1954-6 台灣教會公報 文類-散文 作者--/-]
社論：容允細囝就近主 [ Siā-lūn:Iông-ún soè-kiáⁿ Chiū-kūn Chú ]
容允細囝就近主(牧師：張Hông-chhiong)。1954. 06, no. 786, pp. 3-4[本月頭一禮拜的主日是聖神降臨節，第二个主日是兒童節。這霎特別愛來想兒童的事。]無論耶穌在世當時á是現代，細囝常常提出問題予社會。也是常常成做問題的中心。當時按呢，現時也是按呢。細囝是予人看做費氣閣麻煩的存在者。所以常常予人對這个社會共伊除外。細囝是不斷teh進步的，無論是精神á是肉體；所以不時teh求刺激，袂通靜靜，伸腳出手，哭，嚷，拍，舂，不時都予人罵，喝，拍，趕出去。若是佇內面mī嫌chhò耳，趕出去外面mī有車ê危險。所以趕遮，趕遐，in毋知欲去tó位？毋知欲怎樣做才好？實在細囝今仔...

[1954-6 台灣教會公報 文類-散文 作者-陳溪圳/Tân Khe-chùn]
講壇：上帝是疼 [ Káng-toâⁿ:Siōng-tè sī thiàⁿ ]
上帝是疼(接5月第9面)(牧師：陳溪圳)。1954. 06, no. 786, pp.9上帝是全能，總是kan-ta全能毋是伊的特性；移山倒海毋是伊所歡喜。上帝是全智，總是kan-ta全智也毋是伊的特性。因為記載講，「我欲滅無智慧的人的智慧，也欲棄拺聰明的人的聰明。」「上帝是疼，」是盤過全能，全智以上的疼。這个疼是伊所歡喜，所愛，所誇口的榮耀。因為疼才是上帝的本體，權能是伊的衣服（詩篇65:6）。智慧是伊的裝thāⁿ若定。假使智慧佮權能共伊提走，伊猶原是天爸上帝的存在，猶原也是萬物的頭。上帝是疼，毋是權能，毋是智慧，總是對伊的疼有紲顯出伊的全能佮全智。若對上帝共伊除去權能佮智慧，kan-ta賰...

[1954-6 台灣教會公報 文類-散文 作者-曾秀鳳/Chan Siù-hōng]
研究：著積聚財寶tī天裡 [ Gián-kiù:Tio̍h chek-chū châi-pó tī thiⁿ-nih ]
著積聚財寶佇天裡(牧師：曾秀鳳)1954. 06, no. 786, pp. 10-11人佇社會teh活動，大部份是為著欲得著錢。已經得著，就想愛積聚。耶穌的時代的社會是按呢，現代社會的傾向閣較是按呢。所以聖經濟濟所在teh警戒積聚財寶的慾念。「若是敬虔兼知足，就是大利路，因為咱出世無帶甚物來，過世也無帶甚物去，若是有通食穿咱就欲知足，獨獨遐的想欲發財--的，就陷落迷惑佮羅網，以及濟濟戇戇有損害的私慾，就是予人陷落佇敗壞佮滅無--的」（I提摩太 6:6-10）。警戒這款的慾望--的，毋若咱基督教若定，凡若道德宗教對佇金錢的慾望也是有teh警戒。雖是按呢，猶過這個慾望是最深刻，最普遍的--的，實...

[1954-6 台灣教會公報 文類-散文 作者-明有德/Bêng Iú-tek]
世界消息 [ Sè-kài Siau-sit ]
世界消息(明有德)1954. 06, no. 786, pp. 11-12倫敦。三月7日，佇倫敦佮世界各所在有迎接150 週年設聖經會的記念。一百五十年前，就是1804年，有4、5个人佇3月7日早起時，saⁿ-kap聚集食早頓，佮祈禱計畫愛翻譯聖經做濟濟款的腔口。佇記念會的時，有報告講in的會佇150年的中間有出版820款的腔口的聖經。總是將來的工猶真濟，因為猶有1000外款腔口的人猶未有聖經，也有2400 萬人未有in本腔的聖經通讀。法國。佇法國天主教的內面，今年有拄著真oh解決的問題，就是濟濟神父去入佇濟濟工場的中間，做親像勞動階級的平常人。In的意思是欲親近遮的人，學主的模範佮in交陪。...

[1954-6 台灣教會公報 文類-散文 作者-鄭兒玉/Tēⁿ Jî-gio̍k]
雜錄：簡體字運動kap聖經大眾化 [ Cha̍p-lio̍k:Kán-thé-jī ūn-tōng kap Sèng-keng Tāi-chiòng-hoà ]
雜錄簡體字運動佮聖經大眾化1954.06 第786期 p.27-28（牧師：鄭兒玉）。考試院副院長羅家倫先生，佇3月18日發表「簡体字的提倡真必要」的論文以後，受各界的贊成佮反對。我讀了真趣味，感覺這佮聖經的大眾化有關連佇--leh。當然文字是傳達思想的器具，這個器具那簡單，那少字，那好讀，人就用那少的時間，會通表現伊的思想。總是中國文字是複雜閣濟字，欲讀到會曉 通表示思想，愛浪費真濟的時間佮心神。封建時代文字是特權階級的thit迌物，總是現代已經解放佇一般百姓的手--裡。毋久到今猶久有彼个封建tek的色彩佇--leh，就是複雜閣濟字的文字，毋是大眾tek--的，百姓袂得通隨時就近--的。中國...

[1954-8 台灣教會公報 文類-散文 作者-王倚/Ông oá]
佈道：罪惡的工錢 [ Pò͘-tō:Choē-okê kang-chîⁿ ]
佈道罪惡的工錢1954.08 788期 p.23-25(牧師：王倚)。「賞善罰惡」這是天法；雖然有人講：「善心的倒teh餓，惡心的戴紗帽，」 「做惡做毒騎馬kho̍k-kho̍k，」有較無修養的紲講：「天理無目」，我講你毋通遐大喙斗，對天遐好禮。「天理昭昭，時辰未到毋是好歹無報，」 因為報應有緊慢的精差。按呢看罪惡的確有工錢(報應)。工錢是甚物？是看你的因來結果。俗語講：「種豆收豆，種粟收粟。」何西阿8:7講，所種的是風，所收的是捲螺風。」羅馬6:23講：「罪惡的工錢是死，這个死是最通驚的刑罰」。按呢通想。I.做歹的人毋通誇口，講譀譀--lah！搶贏是數。主的確會來佮你清算。有一對青年夫婦，家...

[1954-8 台灣教會公報 文類-小說 作者-Gô͘ Khêng-eng/Gô͘ Khêng-eng]
雜錄：看天堂kap地獄 [ Cha̍p-lio̍k: Khoàⁿ Thian-tông kap Tē-ge̍k ]
雜錄 看天堂佮地獄 1954.08 788號 p.25-27 (Gô͘ Khêng-eng) 佇鹹埔仔有一个姊妹，對33年前到現在，受chhoā幾若擺去看天堂地獄的事，報予逐家知。這个姊妹20歲做親佇草地，對按呢餒志冷心，致到有縫通予魔鬼侵入。撒旦若來共chhoā去，伊就暈--去，in父母若迫切祈禱，伊就閣好--起來。 有一日，一个老人來共伊chhoā去跁一个ún-ku橋，起頭teh跁真好勢，到後--來teh跁kho̍k kho̍k hián，到欲跋--落去；伊真驚，毋敢跁。老人就共伊講：「我看你，毋免驚，」伊就閣共伊講：「你起頭teh跁真好勢，這就是人若熱心teh跁攏真在，若冷...

[1954-9 台灣教會公報 文類-散文 作者-黃素娥/N̂g Sò͘-ngô͘]
排灣族的嫁娶 [ Pâi-oân-cho̍k ê kè-chhoā ]
排灣族的嫁娶1954.09 789號 p.21-22(黃素娥)排灣族的嫁娶佮咱平地有大精差，聽了也有可取，也有趣味，也有可憐的所在。所以一發感覺著傳道理，將基督的光耀--in。今愛簡單來介紹。1.做親。排灣族in的做親，起初無親像用媒人介紹。就是男女若達到結婚的年歲，男青年著愛到女青年的所在常常去t彼迌、唱歌、講話相交陪，有時佇遮，有時佇遐，後來才揣出意氣相和合的人來進行親事。這是in對古早以來的風俗，是in做親的起頭，無論甚物人都愛按呢。這款的交陪，in的話叫做キスズ。設使若有青年較無趣味佇這个，就老人愛攻擊，欲講：「你無欲去キスズ，甚物人欲匹配你。」In男女的交陪，雖然是逐家的公認，猶久是...

[1954-9 台灣教會公報 文類-散文 作者--/-]
佈道：南無阿彌陀佛 [ Pò͘-tō:Lâm-bû o-bí-tô-hu̍t ]
佈道南無阿彌陀佛1954.09 789號 p.22-23南無阿彌陀佛這6字是全佛教的根本真髓，是性命的中心。也是做先鋒的工作，引chhoā人來信救主耶穌基督。發明這六字的東洋人真正是宗教天才。東洋人佇西爿有出基督的十字架，東爿有生出這六字的口號。宗教是對東洋出，伊的光照到全世界。1.「阿彌陀」是甚乜意思？這三字是形容詞。意思是「無量壽無量光」；就是講，伊的生命無時間的制限，伊的榮光威嚴無空間的制限。就是永遠到永遠，無起頭無煞尾的存在，閣逐所在佇--leh；無所不在。這就是「真如」的實在的款式。2.「佛」是甚乜？「佛」是名詞，就是「如來」。「如來」的意思就是「從如來生者」。意思就是對真如的世界來...

[1954-9 台灣教會公報 文類-小說 作者-Jîn-seng/Jîn-seng]
雜錄：無肚量 [ Cha̍p-lio̍k:Bô-tō͘-liōng ]
雜錄無肚量1954.09 第789號 p.26-27(Jîn-seng作)有一日，上帝照伊的公義審判人，就叫天使聚集眾人，一个一个來到伊的公座前。逐人照in的所行來報應in。到一个查某人，平生所做真無可取，就叫天使欲共伊拖去hiat佇地獄深淵。彼个婦人人一下欲到深淵的空口的時，遠遠看著火煙佮火舌親像蛟龍teh絞水，真通驚的款式，一陣一陣對深淵蒸到空中。每擺看火蒸上懸的時，就聽著悽慘哀哭的聲。彼時悲慘的喉叫，實在夠額予聽的人會chhàng毛管。閣看濟濟魔鬼生做真歹看的形狀，把守佇深淵的空口。一个一个用鐵叉共人叉--落去。Hiat一个落--去，就看著魔鬼顯出in陰險、冷笑、giàng牙，歡喜的面。...

[1954-10 台灣教會公報 文類-散文 作者-許有才/Khó͘ Iú-châi]
設教一百週年倍加運動 [ Siat-kàu chi̍t-pah chiu-nî poē-ka ūn-tōng ]
設教一百週年教會倍加運動 (南大議長：許有才) 1954.10，no.790，pp.3-4 這屆的南部大會通過一个議案，就是設教一百週年教會倍加運動。主旨就是南部設教是主後1865年，算到1965年就滿一百週年，對今算起頭尾閣11年，扣實是10年久，咱就迎接--著。為著著備辦有意義的記念佮慶祝，就決定佇這10年間，著出力傳福音，建設教會，到彼時予教會比這tia̍p加添重倍，做禮物來感謝主。議決的時，全員起立贊成，閣即時表示贊同佮感激的心，自由獻金做這个路用，120外个議員，共獻3 萬外箍，這號的表決佮這款的表現，實在是未曾有的壯舉。 想--起來這是重大的決策，這个運動是設教一世紀的好的...

[1954-10 台灣教會公報 文類-散文 作者--/-]
世紀的大運動P.K.U. [ Sè-kí ê toā ūn-tōng P.K.U. ]
世紀的大運動P.K.U。 1954.10，no.790，pp.4-5 今年的南部大會有決議欲開始一个大運動，叫做「設教百週年記念教會倍加運動，」簡稱 P.K.U。佇此去11年內，來完成這个運動。到1965年，就是南部教會設教一百週年，彼年向望有比今仔日重倍的教會數，就是300 間，來獻予主，做in設教100週年記念的禮品。 1. 這是空前的大運動。 看南部教會史的中間，最第一精彩的一段，就是1896-1906 止10年間，中部 地區漢人三間的教會進步到20 間；信徒數對500進到3000。也平埔的教會本6 間，加一間；信徒對800進到1200 (看萬牧師的教會史 137面)。按...

[1954-10 台灣教會公報 文類-散文 作者-楊士養/Iûⁿ Sū-ióng]
普世教聯代表第一信 [ Phó͘-sè Kàu-liân Tāi-piáu tē-it sìn ]
普世教聯代表第一信 1954.10，no.790，pp.6-7 所敬愛的總教士武東牧師收批平安。 小弟一路平安到位，這是天爸的恩典佮列位的致蔭。真感謝主。合該著較早寫批請安佮報告。因為佇Princeton佮Evanston 的會議中時間真kiap；以外chiah-ê台灣朋友若hoah行著綴in。所以iân-chhiân到今才寫批，大大失禮，請寬容。 阮佇Princeton 的會，時日較少，會場佮宿舍較做伙，閣攏是長老會的人，佮較倚長老會--的，人數較少。所以有感覺較(家庭的)親密的款。Evanston 的聚會時日較長，會場相離較遠，人數濟，範圍闊。總是佇基督來合倚的聚會也感...

[1954-10 台灣教會公報 文類-散文 作者-曾秀鳳/Chan Siù-hōng]
真的慈善 [ Chin ê chû-siān ]
真的慈善 (牧師：曾秀鳳)。 1954.10，no.790，pp.8-9 咱若讀山上隨訓的時，就會感覺著耶穌的教示是超越佇普通的道德訓，佇Mt 6：1-4，論做慈善的事若是普通的道德訓，是教示有錢的人著賑濟散鄉人而已。總是耶穌的教示是到佇心的內面，這才是上帝國實現的教示。 咱中國人做慈善的實在真少。耶穌這款的教示ná親像無合的款，毋值著教示人行好事較著。總是耶穌的教示毋是欲勉強人行好事，伊實在是愛改造chèng-hoà人的心，人的心若對心底改造，就自然逐項的好事會做。所以耶穌的教示是道德的根本，毋是枝葉。 1. 愛有疼心。 有人teh做慈善，伊的動機無tú-tú有疼心。好額...

[1954-10 台灣教會公報 文類-散文 作者--/-]
祈禱的力 [ Kî-tó ê la̍t ]
祈禱的力 (牧師：李鏡智)。 1954.10，no.790，pp.9-10 這个題目是受指定的。我來引幾句聖經節，簡略發表我的所信，來完我的受託。我想欲有有力的祈禱，著有以下的三條件。 (1)佮主不斷的一致。 「恁若踮佇我，我的話踮佇恁，凡若所愛的恁著求，就欲共恁成」(約15：7)。 (2)服從爸的旨意。 「心若無責備咱，就咱向上帝有好膽，閣見若咱所求的，就對伊得著，因為咱守伊的命令，佇伊的面前行伊所歡喜的代誌」(伊約3：21-23)。 (3)無搖choah 的信心。 「獨獨著用信來求，攏無僥疑，因為僥疑的人譬喻親像海湧予風拍，來起落。彼號人免拍算對主...

[1954-10 台灣教會公報 文類-散文 作者-明有德/Bêng Iú-tek]
世界消息 [ Sè-kài Siau-sit ]
世界消息 1954.10，no.790，pp.10-11 德國。 今年7月，西德佮東德基督教新教平信徒有聚集佇東德的Leipzig。路尾彼暝，in有聚集佇一个草埔，差不多有50萬人聚集。這个會拍算是世界教會的第一大的聚會。這个Kirchentag (教會日) 的 programme是用聖經研究做中心。總題目就是「咱著佇主的向望來歡喜。」佇彼時有青年特別的聚會；有揀一个標語，「咱著徛在佇基督。伊無欲予咱拄著失敗。」 東德。 東德政府佇這幾年有teh 起一个理想的共產都市。這个都市就是欲記念史達林，叫做Stalinstad。佇彼个所在本來無欲起拜堂佇in 的計畫內。總是因...

[1954-11 台灣教會公報 文類-散文 作者-高安賜/Ko An-sù]
兒童宗教教育的重要性 [ Jî-tông Chong-kàu kàu-io̍k ê tiōng-iàu-sèng ]
兒童宗教教育的重要性 馬可10：13-16。 1954.11，no.791，pp.27-28 論宗教教育的重要性毋是新的思想，抑是新的觀念，是對早早就已經有的難題，已經有濟濟賢人貢獻濟濟論說，應該無需要我再一番來言起。不過佇 10月10日，主日學記念禮拜，讀了馬可10：13-16 的時，予我的心感慨無量，想起過去無論對別人的囝兒，抑是家己的囝兒的宗教教育，未倒達到佇基督所理想的 目標通予基督歡喜，所以才愛寫幾句做檢討我過去的失敗佇基督的面前來認過失。我愛提出我的失敗的幾點來saⁿ-kap想，向望予咱無論對佇家庭抑是主日學的宗教教育會閣較慎重來推行。 兒童的地位。 過去兒童的地...

[1954-11 台灣教會公報 文類-散文 作者--/-]
高中頭水的果子 [ Ko tiong Thâu-chuí ê koé-chí ]
高中 頭水的果子 1954.11，no.791，pp.22 通恭喜，感謝主。百週年記念教會倍加運動，佇高雄中會內，頭一粒的果子已經成熟，也已經收成lah。 高中為著欲適應P.K.U.的工作，對9月以來有選定幾若所在做候補地，陸續工作。中間一位就是林邊 (=林仔邊)。這个工作到10月尾結束，已經佇幾日前，就是10月28號舉行開會典禮。將一粒媠媠P.K.U.頭水的果子獻予咱的主。

[1954-10 台灣教會公報 文類-散文 作者--/-]
加拉太人書的認識 [ Ka-lia̍p-thài jîn-su ê jīn-sek ]
加拉太人書的認識 (牧師：陳惠昌)。 1954.10，no.790，pp.18-20 路德馬丁講，「加拉太人書是我的，因為是聘定了，伊是我的某。」高德 (ゴーデ)講，「路得是用這个武器鑿入法王制，紲打倒當時的物質主義宗教，來建立福音到通得著自由。」按呢通知加拉太人書對佇宗教改革有真大影響，佇這个危機的教會通閣認識加拉太人書是真必要。本書只有6章短短的批，是保羅迫切親筆(6：11) 「一氣呵成」來寫，欲做緊急通解除加拉太教會的困惑。請用3項來研究本書。 Ⅰ.保羅佮加拉太遮的教會。 這个教會毋是一間，是幾若間，大概是保羅第1、2次傳道旅行，所建設的安提阿，以哥念，路司得，特庇佮加拉太省等...

[1954-10 台灣教會公報 文類-散文 作者-紀溫柔/Kí Un-jiû]
故Hōng-bêng長老 [ Kò͘ Hōng-bêng Tiúⁿ-ló ]
故Hōng-bêng長老 1954.10，no.790，pp.13 故Hōng-bêng長老是故施鯤鵬牧師、施錫家牧師的繼母。 伊佇A.D.1893年2月23日，出世佇彰化市。佇A.D.1954年8月30日，佇鹿港別世，享壽62 歲。 伊佇1926年信主，siāng年嫁予故施毅遠先生做續絃，彼時伊有5个囝，上細漢的是錫家牧師，彼時11 歲 nā-tiāⁿ。 佇伊信主了後28年中的生活，有幾若項予咱通學，通數念，簡記佇下面：- 1. 對家庭。有做賢母，gâu協助丈夫良妻信主佮栽培囝兒。有予鯤鵬牧師、Péng-hông先生入神學校，Hiong-tô先生入台中師範，錫家牧師...