[1914-1 台灣教會報 文類-散文 作者--/-]
角板山 [ Kak-pán-soaⁿ ]
角板山 1914.01 346卷 P.6 佇桃園廳的館內，對大箍hām入山坐輕便4點鐘久，有一個所在名叫角板山。本然是生番teh徛起，現今是官吏佮百姓teh蹛。彼个所在景色不止好，山水亦齊備總督府有起一間太子亭佇遐，亦有設一間番堂學校teh教示生番囡仔。閣有創製造所予生番teh學做物件。 近來彼的所在漸漸teh進步，有生理店，亦有本地酒樓，閣有日本旅館，亦輕便車日日有往來予人上落不止利便。西洋人常常有去遐看生番。現時佇台灣欲看生番，敢是職位第一利便，佇路邊thèng看生番的厝佮伊種作的所在。佇角板山的館內，聽起講有倚3000个生番，現時較濟已經歸順。政府有創一間交換所予生番日日來遐交換物...

[1914-1 台灣教會報 文類-散文 作者--/-]
生番的信 [ Chhiⁿ-hoan ê Sìn ]
生番的信 1914.01. 346卷P.7 照人teh拍算，生番是戇戇ná親像動物一樣，袂曉信甚物。其實毋是按呢，in 的信有幾若款，信天真大有神佇teh。閣信有靈魂，若死了in 的靈魂著對虹經過，亦信佇虹的中間有3个神佇teh。一个佇這爿的彎，閣一个佇彼爿的彎，猶一个佇中央。In 的靈魂欲經過虹的時，到佇頭一个彎，彼个神欲牽in 的手起來看，看有紅佮血抑無，意思是看有刣人抑無。若是有，經過到彼爿彎的時就有大間媠的厝通踮；若是無，經過到佇中央的時，就予中央的神chhia落海沉落海底。按呢in有這款的信，所以無奇怪in愛刣人，刣愈濟人in愈歡喜。 聽見in講佇in生番的中間，有一个刣第一濟...

[1914-1 台灣教會報 文類-散文 作者-郭朝成/Koeh Tiâu-sêng]
論女工 [ Lūn Lú-kang ]
論女工1914.01 346卷 p.8-9 (郭朝成記)古早上帝創造亞當來管理世界。後來就koh創造夏娃來幫贊亞當。Tuì án-ni就成做完全ê家。亞當盡伊ê職。夏娃盡伊ê工，來料理上帝所組suí-suí ê世界。可惜現今濟濟婦人人，放sak有路用ê工，來做有害tī社會ê風俗ê事志。有ê家內m̄治理，子兒無盡本份教示；不過食飽四界走，來學歹風俗，修整本身，大家衫鬥 suí。Che m̄-nā有礙著風俗，實在有礙著婦人人ê天性，今咱基督教專專是愛改良社會風俗，chhoā人去邪歸正。所以tī教會內ê女工m̄-thang m̄研究。 一、家內ê女工 (1)著用婦人人ê好模樣感化子兒。用好德行好模樣...

[1914-1 台灣教會報 文類-散文 作者-廉德烈/Liâm Tek-lia̍t]
後山消息 [ āu-soaⁿSiau-sit ]
後山消息。 1914.01 346卷 P.10 (廉德烈記的) 西曆11月19日(10：22)我對打狗落船欲去後山，佇船裡閣暝天光就到卑南上陸。佇遐歇暝就起身欲去石雨傘 ；路中日本官佮警察gâu替人設法倩工。有一暝佇派出所歇睏，受in好款待。欲暗就到石滬山，無機會通問道理，所以不得已著加蹛佇遐一禮拜。 在11月30佇石雨傘行洗禮予兩个大人，也有接納兩个自細漢已經領洗禮--ê。 又閣有行洗禮予兩个囡仔。 十二月第一號起行，代先佇石-lêng-pō͘過暝，後來過山到大庄，第三日早起就到石牌過一禮拜。佇安息日行洗禮予3个大人，也有接納兩个自細漢受洗禮--ê；紲行洗禮予8个囝仔。 閣一禮...

[1914-1 台灣教會報 文類-散文 作者--/-]
論山羊 [ Lūn Soaⁿ-iûⁿ ]
論山羊 1914.01 346 卷 P.9 A-se-á 的西爿國綿羊佮山羊雖是予siāng一个牧者飼，iáu-kú毋是siāng一群。In所食的也無相siāng，因為綿羊愛踮山跤較有幼草的所在，總是山羊愛去較懸較無草的所在來食細叢的樹仔。 猶太人m̄-nā用羊羔來獻祭，閣有用山羊仔。連佇Jû-oa̍t-cheh用「綿羊，山羊攏通」 ( )。 一年一擺佇贖罪的日著獻2隻山羊予上帝。祭司頭著「抽籤；一隻歸我；一隻規A-sat-sek」( )。後來就將這隻來刣，也彼隻活的A-lûn著予伊「替以色列族擔當罪過」，紲「放伊去曠野到荒廢的所在」 ( )。 山羊有大路用...

[1914-2 台灣教會報 文類-散文 作者-滿雄才/Boán Hiông-châi]
白賊話 [ Pe̍h-chha̍t-oē ]
白賊話。 1914.02 347卷 P.1 滿雄才記。 捌一擺聽見一个人teh嫌教會內的人講白賊。後來teh想這个人嫌按呢是怎樣？kiám是教會內的人講白賊nā-tiāⁿ？照看較濟人攏講白賊，亦人無甚物嫌伊；按怎樣嫌教會的人？對按呢想就知人是分別教會來佮教外的人的品行著各樣。伊按呢分別是不止著，耶穌捌講恁是親像世間的鹽，這意思就是耶穌的學生著做模樣，品行著比別人較好，免佇世間人ná久ná歹風俗。看一面就知，教會人講白賊真大矛盾。 Taⁿ teh想講白賊有幾若項毋著佇teh，總是第一要緊就是顯明無尊敬上帝的心。咱拜上帝愛講咱是上帝的囝；taⁿ來看講白賊--的 thái會堪得叫做上...

[1914-2 台灣教會報 文類-散文 作者--/-]
論獅 [ Lūn Sai ]
論獅 1914.02 347卷 P.3 不管佇甚物國若有獅人真驚伊，因為屬佇猛惡的野獸。佇聖經這个「獅」字有記真濟擺。咱通分做兩款。(1)真的獅。(2)譬喻的獅。 1. 真的獅計共有記七擺佇舊約。「參孫佮父母相佮去Têng-lu̍t ，到葡萄園有獅仔teh哮罩來」( )；「大衛講，早奴僕共阮爸顧羊，有獅佮熊羊群內」( )；「Pì-ná-ngá勇猛不止出奇，當落雪的時，落坑底刣獅」( )；「起身了後路裡拄著獅予獅教示」( )；「先知的人講，因為你毋聽耶和華的 命令，離開我的時，的確予獅咬死。同伴離開伊，真正予獅咬死」( )；「百姓無敬畏耶和華所以耶和華...

[1914-2 台灣教會報 文類-散文 作者--/-]
教會的新聞 [ Kàu-hoē ê Sin-bûn ]
教會的新聞。 1914.02 347卷 P.5 苑裡的禮拜堂因為買地真oh，所以姑不將買佇Biâu-u庄，現時已經興工teh建築。Biâu-u庄離苑裡卻無偌遠。 中壢的教會近來不止活動人額亦漸漸teh加添。現時遐的會友不止出力teh鼓舞欲去新的禮拜堂，已經有提金五百外箍，向望到尾會得著成。 雞籠的傳道師，吳廷芳，有報告講佇in遐有一個兄弟名王高發，伊的目睭7年久攏無看見，後來有去Tamsui偕醫院治療，無偌久漸漸得著光明。伊佇遐有紲得著道理，對按呢來信主。現時倒轉去teh做行商。伊四界行m̄-nā袂物紲報揚道理，攏無厭倦亦無驚見笑，攏是將伊的目睭得著光明的代誌來講予人聽...

[1914-2 台灣教會報 文類-散文 作者-郭朝成/Koeh Tiâu-sêng]
論女工 [ Lūn Lú-kang ]
論女工1914.02 347卷 p.8郭朝成記。[接正月第9面。]世界ê經冊kài濟。總是做第一會培養人ê聖德會修養人ê神靈，除去聖經以外無別物冊。所以婦人人應該著盡心設法教伊ê子bat聖經。試想提摩太伊tuì細漢就bat聖經，伊ê德行hiah端莊，無m̄是tuì老母ê gâu教示。孟子一擺貧憚讀冊，伊ê老母看了心憂悶，想看用啥麼法度thang叫醒子ê心，後來就割斷布kui來警戒伊ê子，孟子果然大悔悟，將來做大名聲ê人，這實在是tuì伊ê老母ê好法度教伊。 有時bat看見囡仔大大iáu-bē曉讀b，ch，chh，食飽四界日月學歹嘴kap人冤家入禮拜堂kia̍uh kia̍uh jiáng無肅靜...

[1914-2 台灣教會報 文類-散文 作者-戴仁壽/Tè Jîn-siū]
著謹慎 [ Tio̍h Kín-sīn ]
著謹慎。 1914.02 347卷 P.9 戴仁壽 咱的救主耶穌的傳道保羅，濟濟擺有講一句話「著謹慎」。這句著謹慎是甚物意思？是親像兩爿的軍兵有欲交戰的意，抑是暝時安營歇睏，攏著派兵打探，輪流巡營守更。遐的teh巡的兵攏著不止謹慎，毋nā驚了對敵來謀營，亦驚了in 的主將來巡，看著in貧憚，亦欲辦in 的罪，所以規暝規日to銃毋敢放離，來四界巡in 的營。巡營的時若有聽見甚物動靜，就開聲共伊問「甚物人佇遐」？伊若三擺無應，就開銃共伊拍。 咱亦是親像彼个巡營的兵。佇聖冊提摩太的批保羅有講，「譬論親像做基督耶穌勇的兵，你應該著磨擔當艱苦」。咱佇這世間做耶穌的兵，咱的對敵是魔鬼，常常著佮伊交...

[1914-2 台灣教會報 文類-散文 作者--/-]
台島消息 [ Tâi-tó Siau-sit ]
台島消息。 1914.02 347卷 P.11 九曲堂，阿猴，開通。用3年的工程開230,0000箍的所費，來造九曲堂到阿猴的鐵道。一般的人士久久teh瞭望，到佇大正2年12月20號正開通紲營業。 按對九曲堂到阿猴里程有4-5英哩；車費每人三等赤角四銀。這站鐵道第一重難就是淡水溪。逐年若到徛秋交通常常杜絕。Taⁿ有夠額勇的鐵橋，向望無彼號的阻隔。所掛慮--的就是溪埔遐的路，攏是用沙囤的；若到徛秋，遐的路毋知擋會tiâu抑袂？決定佇2月15號欲佇阿猴舉行開通式的鬧熱。 水道通水。嘉義是不止有名的所在，其餘逐項卻利便，第一缺陷--的就是欠汫水。政府有掛慮這層所以費大大心神，開...

[1914-3 台灣教會報 文類-散文 作者-萬姑娘/Bāng Ko͘-niû]
失落的聖冊 [ Sit-lo̍h ê Sèng-chheh ]
失落的聖冊。 1914.03 348卷P.1 萬姑娘 看報的會友ah ！恁捌讀約西亞王的代誌mah？伊的事前有記佇列王下卷。論起伊細漢的時陣爸就死；後來著予伊老母照顧。 皇后是拜上帝的人gâu雕琢囝兒；囡仔也是gâu學習母親的教育。八歲nā-tiāⁿ著登極擔當國家逐項的事理，雖罔是幼chíⁿ iáu-kú ē曉祈禱揣上帝，耶和華就允准開伊的心竅，予伊有才能會辨理逐項好勢。 約西亞名字的解說是耶和華的醫治，ná親像醫生的佇病一樣。彼時國的罪過貫滿，宛然是歹王坐位，所以放拺上帝趁自己的私慾，攏無聚集禮拜讀聖冊。毋若按呢紲廢無耶和華的戒律，造偶像去服事。 約西亞坐位12年久遐的偶...

[1914-3 台灣教會報 文類-散文 作者--/-]
長老的感激 [ Tiúⁿ-ló ê Kám-kek ]
長老的感激。 1914.03 384卷 P.4 佇蘇格蘭有一個大城。對彼城內有濟濟少年人來求入教會。較濟攏是對siāng一所在來。牧師真奇怪，就去查問彼个因端才知彼tah有一個真熱心的長老，閒的時ta̍uh-ta̍uh去佮遐的少年交陪來鼓舞in 的心，予in知做主的工是大寶貝。將主的疼痛來感激in；對按呢遐的青年人想著長老的感動來入教會；紲出頭歡喜獻身做主的工程。 Taⁿ佇台灣有大欠缺彼號的長老；毋是講攏無；實在有，總是真少。是佇佗位通知？看大學少少少年人愛求入。醫學校是較濟，因為是較好利路。若有長老大要緊來鼓舞佇逐教會的少年人予in明白知主的工，紲予in知救人的神魂，是比金銀較...

[1914-3 台灣教會報 文類-散文 作者--/-]
論加拿大教會 [ Lūn Ka-ná-tāi Kàu-hoē ]
論加拿大教會。 1914.03 348卷 P.7 加拿大長老教現時洗禮的大人有三十萬較加，拜堂四千外間，牧師大概有兩千外，長老有一萬較加。舊年所題的金總共有一千萬銀。論題緣宣道出外佇異邦的所在會友不止甘願；每年題八十萬銀。閣現時逐年大概有五十萬人對別國徙來加拿大開墾佮做生理。新開墾的所在要緊著設拜堂，予新來的人會聽道理。毋kú開墾的人較無氣力通擔當牧師的束金佮起拜堂；所以教會著題緣來補助。加拿大長老教的補助會每年題緣大概成百萬銀。 對按呢來看加拿大的教會論題緣不止有出力。雖是按呢，iáu-kú有人講教會著閣較出力，題緣較濟來傳道理佇異邦佮本國逐所在。 所以舊年6月有聚集通加拿大長...

[1914-3 台灣教會報 文類-散文 作者--/-]
教會的新聞 [ Kàu-hoē ê Sin-bûn ]
教會的新聞 1914.03 348卷P.8 艋舺的教會佇正月初一的昏有做主日學的祝賀會，不止鬧熱。拜堂的內外有裝飾真好看，款製親像12月25號，耶穌生日的事，不過是kan-ta共主日學的學生祝賀nā-tiāⁿ。有真濟人來看，拜堂坐到滿滿。主日學的學生有做幾若齣予眾人看。有的吟詩，有的說教，有的祈禱，有的講論。聖經的故事，有的演說雜項。有4个念200節的聖經，閣有4个念400節的聖經。In有得著加拿大總會的賞狀。艋舺的教會亦備辦濟濟物來送攏總的學生；大家不止歡喜。同彼霎有聖道書院佮女學的學生佮大稻埕主日學的學生佇teh ；有紲請in來吟詩。聖道書院的學生有吟四款的聲，吳牧師娘有...

[1914-4 台灣教會報 文類-散文 作者--/-]
論鳥鼠，蝙蝠，Sa-hoan，狗蟻 [ Lūn Niáu-chhú, Pián-hok, Sa-hoan, Káu-hāu ]
論鳥鼠，蝙蝠，Sa-hoan，狗蟻。 1914.04 349卷 P.3 佇猶太國屬佇取的類有幾若款。摩西有一擺記in 的名kah人毋通食：---「見若sô佇地的物就是無清氣也有幾若項；鼬鼠，sek鼠，赤鼠，liông鼠」( )。這幾若款的取咱較毋捌款的取咱較毋捌看，無佮咱台灣--的 sio-siāng。總是猶太國也有老鼠佮咱的相同，真貪食，四界揣食的物。古早的時陣腓利士人得罪上帝，就是giâ耶和華的櫃到in 的佛Tāi-kong 的廟。上帝欲顯明伊的受氣，就降災厄予in 的身軀艱苦閣予鳥鼠食in田裡的稻仔到攏敗壞--去。後來腓利士人知有悖逆上帝就愛欲獻寶過失的祭。總是毋知著按怎...

[1914-4 台灣教會報 文類-傳記 作者--/-]
紀念李牧師小傳 [ Kì-liām Lí Bo̍k-su Sió-toān ]
紀念。李牧師的小傳。 1914.04 349卷 p.6 三月9號大稻埕的牧師李壬水有過往，10號有出葬。Taⁿ將伊的來歷來小可講起記佇教會報，予眾兄弟姊妹會看。 李牧師出世佇崙仔頂，家內真艱苦。伊7歲的時父母攏死。伊就蹛佇伊的嬸兜。總是伊的嬸無好款待伊，予伊佇遐真艱苦。後來伊就出去予人倩做長工，亦有佮人thoā淡薄字。後來就去溪尾食舖做外掌三四年的久。後來就去行船，做押載。三擺船摃破，性命險險無去；路尾擺物紲予人搶去。後來伊有去內山共人記提數。佇遐3年的久就閣轉來崙仔頂。佇崙仔頂伊有拄著破病3年的久，後來有佮人學做司公。彼時有食阿片。 閣無偌久伊有聽見嚴清華傳道師講道理。對彼霎伊就...

[1914-4 台灣教會報 文類-散文 作者-陳和/Tân Hô]
欲就會，毋就袂 [ Beh chiū oē, m̄ chiū boē ]
欲就會，毋就袂。 1914.04 349卷 P.7 陳和 三角湧的教會對設立到這霎有30外年；總是這所在的人較早毋愛信趁道理。彼時常常愛做對敵。早前偕牧師去遐傳道理，予人用石頭摃伊；有一半--的來聽道理的人，予人拍到喙齒折去；有的拍到吐血；有的予人用刀刣紲割伊的 hī鼻；彼个人現時猶佇teh。對按呢來看，早前三角湧的人真歹款待信道理的人。佇1902年的時就有得著10个人領洗禮。彼時有出緣錢攏共Y14.50。 對彼霎到這陣有12年的久。現時有領洗禮的人大細男女，攏共79人，聽道者有50外人。佇今年有會友聽見中會有予四个傳道先生可取進名做教師，通予人請做牧師。In就大家心好膽teh...

[1914-4 台灣教會報 文類-散文 作者-張清俊/Tiuⁿ Chheng-chùn]
斗六拜堂落成 [ Táu-la̍kPài-tn̂gLo̍k-sêng ]
斗六拜堂落成 1914.04 349卷 P.10 張清俊 斗六街卻是台島有出名的所在。佇清國時代就是雲林縣；到歸日本帝國了後就有設廳佇遮。斗六大概成千戶，市街不止鬧熱。火車的大線有對遮經過，南北交通利便。佇1885年上帝施恩典佇斗六，予伊的道理到遮。彼霎得著道理的人就是黃福生，吳祿，黃A-lû，Î Kuì，劉萬劍等。In去西螺Ka- tang-á 庄禮拜，也對遐得著道理。總是欲去Ka-tang-á禮拜舖百路，閣著過幾若條溪，所以in就設法佇吳祿的家禮拜。 對按呢人額漸漸加添佇聖會。彼霎有起拜堂，總是無夠偌次序。到1912年興工起新拜堂。這間的拜堂地就是舊時斗六个舊市場，闊兩分外...

[1914-4 台灣教會報 文類-散文 作者--/-]
教會有興 [ Kàu-hoē ū Heng ]
教會有興 1914.04 349卷 p.11 佇南勢有一個海嶼的教會報印一項的消息。彼所在早前無受教化。現時taⁿ攏變款，逐个teh拜上帝，通世間無一位比in較出力佇教會。In教會的所費攏家己擔當，閣常常差人去別的海嶼傳道理。所差的人也是家己出辛金。 佇澳大利亞三月日前有聚集大會。大會有請遐的執事一人來講起in得著恩典的因端。彼个執事就講。早前教會teh想趁錢的利路，有的想欲開墾山來趁錢做教會的路用；有傳道贊成。伊也欲縛來開墾做芎蕉the̍h。有的講伊欲去澳大利亞買樹欉來栽；所趁的欲lok佇宣道會。較濟攏講真好，著予傳道先生有份通幫thiap in辛金的無夠。 Teh欲決定的日...