[1914-8 台灣教會報 文類-散文 作者--/-]
澎湖消息 [ Phêⁿ-ô͘ Siau-sit ]
澎湖消息。 李福慶記。 1914.8，no.353，pp.9 佇6月初7日澎湖屬有透真大的北風，彼霎lō͘-sé拄拄出chê，攏予風拍害；chhé-ûn較lím十份一通收，若是其餘通向望就是塗豆，番薯較大頭nā-tiāⁿ。無拍算大風傷袂著的就出草蜢真濟teh食，若去園裡看無看見甚物，專專是草蜢鋪地。此時警官吩咐逐戶出一跤布袋拆開，用濟濟跤接做一領親像圍魚的網，cha̍h佇園頭園尾用竹篙趕，一pó一pó掠幾若布袋，對我出世到taⁿ未捌看見遐爾非常濟。 到7月7號(論5：15)有做大風颱；頭日北風就紲起鹹水，到吹8號轉東南，不止透會予人驚，到半暝才煞。厝頂有小可傷害，有兩隻大帆船破去。若是...

[1914-9 台灣教會報 文類-散文 作者-巴克禮/Pa-khek-lé]
論祭司 [ Lūn Chè-si ]
論祭司。 巴克禮記。 1914.9，no.354，pp.1-2 佇舊約的時陣上帝命令伊的百姓著共伊創一个會幕，予伊有所在通蹛佇in中間(出25：8)。摩西趁命令去造；到完全彼个工，會tah好的時「才有雲蓋會幕，耶和華的榮光充滿彼个厝」(出40：34)。這是顯明上帝甘願來蹛佇以色列人的中間。 雖然是按呢百姓iáu-kú袂得通隨便入去見上帝會幕分做兩間；頭一間叫做聖所，是平常人所毋通入的。上帝揀摩西的兄亞倫佮亞倫的囝孫久長做祭司，容允in逐日通入聖所，來做in服事上帝的工；別人攏毋通。 總是閣較內面猶有一間，用帳籬來隔斷--的；這間號做至聖所；這間連祭司也毋通入。只有祭司的頭人每年一擺通...

[1914-9 台灣教會報 文類-散文 作者-郭東洋/Koeh Tang-iûⁿ]
主的貴言 [ Chú ê Kuì-giân ]
主的貴言。 郭東洋記。 1914.9，no.354，pp.3 佇咱台島的中間人的性質通講saⁿ親像。對前到taⁿ較濟人學儒教的款，無毋照序大的教示來行，這是做序細的所著行所著做毋敢違逆。序大欲永永離別的時所講的話佮吩咐的事我看人攏較要緊。佇法律上猶原不止重用，這攏是為世間肉體的關係，伊iáu-kú不止要緊保守，無毋用心神來數念。 咱的主為著咱的沉淪臨到這世間，伊有用濟濟法度叫醒咱也不止溫柔，吞忍抑是褒唆安慰仁愛的行踏，款待人的好模樣，這咱不時to有讀，到予咱通綴，主佇受釘的時所講，「父ah！眾人毋知所做著赦免伊。」(路 23：34。)這句予咱知主的盡心。總是咱毋限定佇對敵的刀下，仇人的...

[1914-9 台灣教會報 文類-散文 作者--/-]
起厝佇石磐頂 [ Khí Chhù tī Chio̍h-poâⁿ-téng ]
起厝佇石磐頂。 1914.9，no.354，pp.5-6 屬佇北部某所在有一個姊妹，伊平素是拜偶像的人，初一15著去6位的宮廟燒金，也閣予清水祖師做契查某囝。初一15著食規日的清菜，若到這日，就早早起來，去水港頭koāⁿ清水，sa̍h逐項的器具，然後才煮飯，煮熟著用新的碗箸。伊的 ta-ke 的忌辰若到，teh孝的時著跋二三十杯，才煞。Hài--ah！伊予魔鬼苦楚到按呢。佳哉慈悲的天父佮主耶穌，有開活路，賞賜聖神來感化伊的心，予伊佇明治39年10月16日得著道理。聽道理是1年閣8月日就忽然間身體染著病，真食力，袂食袂行也袂chhan叫，獨獨艱苦的時，心內祈禱上帝，求憐憫伊，予伊會吞忍，經過...

[1914-9 台灣教會報 文類-小說 作者--/-]
戇人講戇話 [ Gōng-lâng kóng gōng-oē ]
戇人講戇話1914.09 354卷 p.7-8Ai-su-lân (Iceland)一个少年人走過某沙陸地，拄著一人騎一隻細隻馬，行狀驚惶真奇怪，就佮伊相佮講話。Ai-su-lân人問講：「君尊姓大名？」應講：「名Sū-thê-hun。」閣問伊是甚物人的囝？應講：「Thoat-ní-su-thèng的囝。」閣問伊講：「君欲tó去？」伊應講：「我因為偷掠一隻羊，欲去監獄。」閣問伊講：「你已經犯罪，怎樣無人來帶你去？」伊應講：「衙門公事真濟，無閒通來掠我，吩咐我家己著去，所以予我一張單做入監的憑據。」講煞，大家相離別。後...

[1914-10 台灣教會報 文類-散文 作者-巴克禮/Pa-khek-lé]
論祭司 [ Lūn Chè-si ]
論祭司 (接前月的第二面。) 1914.10，no.355，pp.1-2 前月的教會報有講起祭司的事；舊約的時陣有另外設立彼等號的人佇上帝百姓的中間；佇新約的時攏無設立；因為咱信主的人攏是祭司，通好膽親近上帝，毋免倚靠甚物人做咱的中保。佇新約的中間若排列教會所有的職份攏無講起祭司的 名目。教會原本也無算in。 可惜後來道理傳了有較偏，ná久ná毋著。今仔日希利尼教佮天主教攏有設立祭司。照天主教的道理teh講，人若犯罪，後來反悔，靠耶穌，求上帝赦免，是袂得著赦罪；的確著對神父認罪；神父若看伊有誠實，就欲共伊赦罪。這个道理真錯誤，有大的陷害；請大家毋通聽伊。新約濟濟所在辯駁這个道理；通看加...

[1914-10 台灣教會報 文類-散文 作者--/-]
大正博覽會 [ Tāi-chèng Phok-lám-hoē ]
大正博覽會。 洪約生記。 1914.10，no.355，pp.5 今年4月尾本國有開大正博覽會佇東京上野公園。內面有起濟濟teh排列物的厝，叫做館。所排列的物件，有的分所在，有的分類；親像台灣的出品是排佇台灣館，外國的物排佇農業館；照按呢分別有教育學藝管，水產館，工業館，美術館，東京特別館，Jiám-chit館，滿州華太館，林業館，機械館，運輸館，南洋館，朝鮮館，礦產館；chiah 的國經館有用濟濟出名上等的物來排，也有的 teh賣；親像台灣館有teh袂糖，也邊仔有種甘蔗；朝鮮館第一出名是高麗蔘也有種高麗欉規區teh予人看。機械館，毋若排列機械nā-tiāⁿ，也有實用，親像製紙，製粉，做...

[1914-10 台灣教會報 文類-散文 作者--/-]
大得勝倒來 [ Toā-tek-sèng Tò-lâi ]
大得勝倒來。 陳禧年記。 1914.10，no.355，pp.5-7 佇土牛教會有一個少年的會友，伊的厝邊有一個食菜的老婦人人，是入南庄獅頭山的鸞壇 (關帝爺降乩的壇) 的人。有一日一个食菜的老婦人人用計智來欲招一个少年的會友佮伊入鸞壇，就用有大利益的話，講濟濟予伊聽。照伊所講，關帝爺有帶權能，會知袂來的事，亦會消除災禍，也會賜福氣；人若去入彼个鸞壇，就會得著大福氣。這个會友，聽見伊所講，就辯駁伊，紲講起賜福氣降災厄佮知袂來的事毋是關帝爺的權能，是天頂一个上帝的權能；因為這个關帝是三國中，忠義的人nā-tiāⁿ，伊有生有死，不過是平平世間人，伊的確無彼號權能。若欲消除災厄，降福氣，著來親...

[1914-10 台灣教會報 文類-散文 作者--/-]
恆春的消息 [ Hêng-chhun ê Siau-sit ]
恆春消息。 蕭文德記。 1914.10，no.355，pp.9-10 我佇新曆4月29日到恆春。彼日來禮拜的人額頂晡32，下晡28人。總是逐禮拜有進步的勢面，舊的較chiâu來，新的逐禮拜有加。頭一月日禮拜的人額，每禮拜平均30，40人。第2月日平均每禮拜就進到50，60人。第3月日每禮拜平均70，80人。到現時猶原漸漸有teh進步，照看有厚望的日子。毋kú所稅做講議所的店傷e̍h，才會容允--得50，60人nā-tiāⁿ，70，80人坐到cha̍t-cha̍t。別位也無拄好較合用的厝通稅。有人對我講，「先生，阮幾若人欲去禮拜，因為無位紲倒轉來。」 教會雖然是幼chíⁿ；iáu-kú ...

[1914-10 台灣教會報 文類-散文 作者--/-]
青盲人的批 [ Chhiⁿ-mî-lâng ê Phoe ]
青盲人的批。 李秋金寄。 1914.10，no.355，pp.12 這張批是對泉州寄；也是用手鑿點的膨字寫的，因為彼个好朋友的目睭看袂著。伊講：- 批寄予甘牧師收。我佇陰曆年2月25號有接著你的批，心肝歡喜ná見著你的面。我會通做傳道的工就是對你gâu講究紲設法。我做這號的工已經15年久。起頭佇泉州一年；彼時無甚物好機會；所得著有六七人nā-tiāⁿ。後來去南灣蹛8年久。佇遐機會真好；因為我永時出門傳道理濟濟人歡喜來聽。在南灣所得著的人有20外定著來聽道理，12个入教。後來先生派我閣再去蹛泉州南門的禮拜堂。我蹛遐一年久；總是無人chhoā我佇彼个真鬧熱的所在四界講道理，所以引chhoā...

[1914-11 台灣教會報 文類-散文 作者-王倚/Ông oá]
牛taⁿ灣的消息 [ Gû-taⁿ-oan ê Siau-sit ]
牛taⁿ灣的消息 王倚記。 1914.11，no.356，pp.2 牛taⁿ灣是小所在，不過咱有教會佇遐，佇Phoh-á跤南爿相離有9里路。有400左右戶；教會設有30左右年；現時信徒有77戶，本庄鎮52戶。Chím-má 加一口灶也有5，6个來聽，向望會tiâu。主日學有分男女2爿teh教，學生有70外，教員12名。讀兩點半鐘久，中間也有teh預備養心神詩的詩調。也teh備辦欲慶祝救主誕；予幾若个老人越念聖冊，其中一个今年74歲，姓白名紅。伊60歲信道理，64歲學白話，閣現時目睭已經花lah，著用大字的聖經，the̍h倚目睭約寸半才有看見，又閣大舌，iáu-kú有越念路加福音傳六百外節...

[1914-11 台灣教會報 文類-散文 作者-陳清義/Tân Chheng-gī]
傳教師對現代社會的注意 [ Thoân-kàu-su tuì Hiān-tāi Siā-hoē ê Chù-ì ]
傳教師 對現代社會的注意。 陳清義記。 1914.11，no.356，pp.6-7 台灣對日本帝國的版圖以來，有20年久。佇這20年的中間，政府有整頓予濟濟項進步，亦有興起教育予文明漸漸發達。真通恭喜。總是有一項通可惜的事，就是文明ná teh發達，社會的風俗ná teh腐敗；娼妓，藝妓ná濟，厝邊鄰右chia̍p-chia̍p聽見學琴學曲的聲，行歹的人ná顯然。閣佇社會中日日往來奔走，專專是為著物質上的打算。論到精神上的事，大家看做是無要緊。真正通講是道德ná teh廢墜的時代。按呢佮咱傳教師不止有大關係。咱毋通毋注意，因為咱做傳教師有擔帶救社會的責成。所以看著現代社會的景況袂免得予...

[1914-11 台灣教會報 文類-散文 作者--/-]
時到lah，上帝國近lah [ Sî kàu lah, Siōng-tè kok kūn lah ]
時到lah，上帝國近lah！ 1914.11，no.356，pp.7 我會記得佇10外年前咱北部罕得聽見佈道佇街市抑是庄社，隨便所在的好消息。較早的時若去佈道較常人愛譭謗厭賤。到今仔日反轉攏是聽見佇逐所在佈道的好機會。因為若到逐所在佈道人攏真歡迎；親像水轉跤佮錫口兩位教會對聯合佈道到taⁿ已經經過真濟擺，逐擺若出門佈道攏是真好機會，因為攏有得著人真歡迎。我將所經過的中間揀較好的成績來寫淡薄排列佇下底：- 八月2日頂晡我有去錫口佇遐佮會友相佮禮拜。彼早起有70外人來禮拜，中間有幾若的異邦人來聽道理，不止注神。下晡有佮本堂的傳道師以及佮幾若个會友做陣去北勢內湖佈道，機會真好；有得著一个區長的...

[1914-11 台灣教會報 文類-散文 作者--/-]
英國佮澳洲 [ Eng-kok kap Au-chiu ]
英國佮歐洲 戰事的關係。 1914.11，no.356，pp.9 現時歐洲戰爭的事算是真亂，在遐較出名的國攏thoa-loa--落去佇戰場的中間，這號予人通驚的事，是仁愛的人所不忍聽的，若是彼號較野心的，反轉有機會通做成in 的所向望。當時的起事是對Ò-tāi-lī佮Sek-ní-î，因為暗殺的緣故，算是一粒火星的小可，thài會知規的草埔紲燒著了了；親像俄德，法相接續ká-lá--落去teh相刣，有人問講，英國啥事也參加落--去？就應伊講，是為著不得已的緣故。論到這pang戰事的起因毋是英國惹起頭，就逐國的 teh交戰，也毋是英國唆使in。又閣英國出來teh交涉，既然毋是愛欲侵佔人的土...

[1914-11 台灣教會報 文類-散文 作者--/-]
交戰的兵費 [ Kau-chiàn ê Peng-huì ]
交戰的兵費。 郭國源譯。 1914.11，no.356，pp.10-11 現時歐洲交戰的兵，總數兩千萬人。交戰國的土地有全地球陸地的一半。論in每日的食費予人會驚。 設使予這兩千萬人倒佇地裡，頭佮跤相接，若逐人平均6尺長，就有兩萬兩千七百二十八里的長，來踅地球有一周圍。若用船來載chiah 的兵過大西洋著用美國公司第一大的船五百八十五隻。平常一人一日所食的物兩磅半，就歐洲的全軍每日著食五千萬磅。若欲運搬chiah 的軍糧，平均火車一張載貨三十噸，著用火車八百三十三張，逐張平均長六十尺，就運搬的車相接續有十五里的長，著二十隻車頭來拖。 這兩千萬的兵，平均in 的衫一人三領，就是六千萬領...

[1914-12 台灣教會報 文類-散文 作者--/-]
論請牧師 [ Lūn chhiáⁿ Bo̍k-su ]
論請牧師 1914.12，357卷，p.4 大家知教會若興旺，著逐所在請牧師，鬥照顧兄弟姊妹，來鼓舞逐項好事。總是咱台南的教會所請的 iáu-kú少少。現今只有5个nā-tiāⁿ。通日本抑是中國敢無一下教會親像咱的會友hiah濟，錢項hiah gâu題，也請牧師hiah少。 中會這pang聚集議論怎樣會按呢，也欲用甚物好的法度來鼓舞予振興。從中想兩項。一項是所著考的條款傷濟；若做一下考，人較毋愛。所以議定著用所考的分做3 chām，予人做3期來考；出在伊看欲做3年來考，抑是一年內攏做一下考。也是向望傳道先生濟濟來考頭一站；然後出在in看是隨時欲考抑是欲較慢。 Taⁿ將三期所欲...

[1915-1 台灣教會報 文類-散文 作者--/-]
台灣教會的禧年 [ Tâi-oân Kàu-hoē ê Hi-liân ]
台灣教會的禧年 1915.1，no.358，pp.1-2 佇1865年5月間，馬醫生(就是現任馬醫生的老父)對廈門過來台灣，欲佇遐行醫，傳道理。代先蹛佇台南城外看西街。無偌久拄著攪擾，著去蹛佇旗後。佇遐設醫館；也得著李牧師對祖家來佮伊做伴。三四年後閣到台南，蹛佇舊樓，也設禮拜堂佇亭仔跤。後來道理直直興旺，ná久ná開闊。人若愛知遐的來歷通看彼本號做「道理來台灣的原由」佇冊房teh賣；彼本記載逐項較詳細。 對馬醫生台灣到今年的五月，是拄拄50年。佇彼50年的中間咱有得著上帝保護照顧；雖然有經過濟濟項的試煉艱苦，教會今仔日猶佇teh；實在通感謝上帝。五十年前佇台灣攏無設基督的教會，taⁿ是四...

[1915-1 台灣教會報 文類-傳記 作者--/-]
胡肇基小傳 [ Ô͘ Tiāu-ki ê Sió-toān ]
胡肇基ê小傳1915.01 358卷 p.3-4Lîm Chhip-hi記傳道先生胡古，字名肇基，本是台南廳曾文胡厝寮?ê人，也是咱南部傳道ê老先生--lah！出世tī 1849年，對細漢ê時就失落父母，到10外歲ê時陣就hō͘伊ê兄chhoā伊落阿里港kā人做長工，過無幾年kap李牧師toà,牧師省察伊信主好品行，就牽成伊當傳道ê職。 到25歲就娶傳道黃深河 ê第2查某子名Hâm來相幫贊，上帝也交帶伊培養8 個查某子kap煞尾2個後生到成人，boē bat 1個無入學校讀冊。伊ê大子現時tī福音書院讀冊，細子tī醫館學醫生。當伊做傳道頭尾倚40外年，歷過真濟任所，boē bat聽著伊kap會...

[1915-1 台灣教會報 文類-散文 作者--/-]
北港的消息 [ Pak-káng ê Siau-sit ]
北港的消息 1915.1，no.358，pp.4 北港。神學校的學生張明道寫批講，我放假去北港就佮in約愛蹛5禮拜。禮拜日佮出外佈道的成績不止好。每禮拜的人額平均來算有40外人，到我欲轉來彼禮拜有50外人。按呢看不止有進步。出去庄社佈道有庄頭毋捌聽著這號福音不止歡喜愛聽。來聽--的平均有80外人。毋若按呢連捌聽著的庄頭亦不止愛聽，常常叫阮去in彼庄講予in聽，按呢看機會真好。上帝恩典的門已經大開，kan-ta欠工 nā-tiāⁿ。北港市內阮亦有開三暝昏的佈道會，不止好機會。來聽--的平均有成百人，大家真歡喜聽。 論教會內的兄弟姊妹亦熱心。有的甘願毋驚見笑，佇街市內外將in代先所得著-...

[1915-1 台灣教會報 文類-散文 作者-葉金木/Ia̍p Kim-bo̍k]
巡宜蘭佮花蓮港教會 [ Sûn Gî-lân kap Hoe-liân-káng kàu-hoē ]
巡宜蘭佮花蓮港教會 1915.1，no.358，pp.5-6 這pang吳牧師有招我佮伊去赴宜蘭傳道會佮視察遐所屬教會的狀況。我將所經過排列佇下底：- 十一月9日起身對路到Téng-siang-khoe 的禮拜堂歇暗，到天光就閣起身到宜蘭街禮拜堂。日暗有佮會友相佮聚集禮拜。教會佮世俗總算有100外人來聽道理。十一日有去羅東赴傳道會。有9个傳道師來赴，有議論教會的事，閣有予教士會試驗。頭尾有3日久。有兩暗相續佈道，機會不止好。頭一暗有100外人來聽，逐人真注意。第二暗有分做兩隊，一隊佇拜堂，一隊去街內佈道，有200 左右人來聽。這兩暗的機會不止好。有聽見講對這暗來聽道理的人有的不止受感...