[1934-6 台灣教會公報 文類-散文 作者-賴仁聲/Loā Jîn-seng]
毋通相排斥 [ M̄-thang saⁿ pâi-thek ]
毋通相排斥 總是著抾來做鑑戒 (賴仁聲) 1934.6，no.591，pp.6-7 早主的學生對主講，「先生，阮捌看見一人用你的名趕鬼；阮就禁止伊，因為伊無綴咱」。耶穌講，莫得禁伊，因為無有人奉我的名行權能，也會連鞭譭謗我，見若無攻擊咱的就是為咱」。(可9：28-39)。親像這款對別的群，無的確著siāng群，若有奉主的名來做工就好，大家著相寬容；這號寬容大量的話，主常常講出。實在予咱真通學。 閣再來不才對這號感情的教派的相攻擊的意思也是無。反轉是取有熱誠有通學的，我就愛進前去追揣。所以才會遐輕信中田--氏的話，過去聖潔教會。我記得我當時對男子欲離任，初回欲去內地，佇彼年的中...

[1934-6 台灣教會公報 文類-散文 作者--/-]
好歹話 [ Hó Pháiⁿ-oē ]
好歹話 (一記者) 1934.6，no.591，pp.11-12 俗語講，「好話也一句，歹話也一句。」「好話會煞人的受氣，歹話會激人的受氣。」逐人都愛聽好話，若是按呢咱也著講好話予人愛聽：若人人攏來講好話，就人的講話欲親像吟詩，正，副，中，下四部合唱，若樂和諧的聲，予上帝佮社會聽。 今我用家庭中心人物的翁某所講的好歹話，比較予列位做參考。 有一个度晬外的囡仔teh哮枵，婦人人叫伊的丈夫貯飯予囡仔食： 歹話：你，今是會出得共囡仔貯一下飯飼囡仔抑袂？ 應：你都知囡仔會枵，按怎毋免較早煮！ 好話：Ā！你毋知有時間抑無ho͘N3？這个囡仔拍算是teh枵，閣愛睏，...

[1934-6 台灣教會公報 文類-散文 作者-楊世註/Iûⁿ Sè-chù]
郭牧師娘 [ Koeh Bo̍k-su-niû ]
郭牧師娘楊世註1934.06, no. 591, pp. 13-14 郭牧師娘，蕭--氏Gān。 產後熱10日久。 二月19日下晡過身，享壽43歲。 遺下5个後生，5个查某囝。 Tuì細漢有入教會的小學。 後來閣入台南長老教女學卒業；成績優良。 佇 19 歲嫁郭朝成牧師，傳教24年。 到逐所在信者歡迎，厚待。 若是伊對信者，無輕貧，重富。 對會外個人溫柔，和平。 對家庭堪稱賢妻良母，克勤，克儉；gâu治理家務。 郭牧師亦是真好款待伊，攏毋捌一枝竹仔到佇牧師娘的身軀，毋捌一晡無講話。 伊的囝兒亦是有孝，所以in的家庭若準天堂的快樂，和平，相疼。 恁所toà的教會，就是竹山，岡山，員林，埔里，彰化...

[1934-6 台灣教會公報 文類-詩 作者-馬Tiau-bō͘/Má Tiau-bō͘]
我所看ê異象 [ Goá só͘ khoàⁿ ê īⁿ-siōng ]
我所看的異象東京：馬Tiau-bō͘1934.06, no. 591, pp. 14-15 Bē禁得kia̍h筆寫幾字，報恁知實在真歡喜；就是主耶穌的代誌，一千九百三十四年，二月九號午後十一時，耶穌出現予我看見，異象真正極媠無比。因為卑人teh睏的時，忽然有人伸伊的手，正手佮我出力握手，倒手岸我的肩頭邊，我的目睭搋開的時，至聖救主予我看見，我看基督滿心歡喜，伊的榮光照我無離，我心就有滿滿福氣，主面笑容榮光慈悲，皮膚較白霜雪色緻，世間所有不及oh比，真正貴氣實在無比。對伊的頭殼射出光，非常光亮燦爛榮光，我知這光真正無通比，光明實在極媠無比。我心實在滿滿歡喜，我迫切祈禱煞的時，可惜bē通閣看著伊，...

[1934-6 台灣教會公報 文類-散文 作者-偕叡廉/Kai Jōe-liâm]
紀念Sū-poē-ní-chin [ Kì-liām Sū-poē-ní-chin ]
紀念Sū-poē-ní-chin (偕叡廉) 1934.6，no.591，pp.26 Sū-poē-ní-chin牧師佇100年前出世佇英國。因為伊真大利益佇基督教，所以佇今年中，佇濟濟所在欲開追悼會來數念伊。 Sū-poē-ní-chin牧師，毋若是大才情佮熱心的信徒，若是論說教佮口才，佇這1000年中，無幾人佮伊會比得。伊的口才實在予人話感服得。 四十年前伊予上主揀召，若是伊的工到佇今仔日猶未煞。歷過這40年，咱猶久話聽伊的聲。有人講伊的說教的力，予通世間搖choah。 伊19歲，就予倫敦教會請做牧師。拍算通世間無幾人19歲做牧師；也毋若做牧師來徛佇細細的教會，伊所牧會...

[1934-6 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 1934.06 591卷 p.7-8 (陳金然) [接紲5月號的第10面「聖經」彼篇。彼篇「聖經」是欲做這个序說的頭序]。 I. 舊約書的話語 舊約書的母胎自然是希伯來(以色列)民族，所以in的話叫做希伯來話，到耶穌以前人猶咧用；總是後來是做學者研究的對象nā-tiāⁿ。現今Pa-le̍k-su-thèng所有咧用的「新希伯來話，」自然佮這有多少各樣。論這款話，亞述人共號做「西國的話」，聖冊記者自稱做「迦南的腔口」(賽18：18)，抑是「猶大的話」(II王18：26，28；尼13：24)。總是拉比是稱伊做「聖語」(Targum是「經語」經學士的話，律法的話」)。若是P...

[1934-7 台灣教會公報 文類-散文 作者--/-]
臺東見聞記 [ Tâi-tang Kiàn-bûn-kì ]
臺東見聞記 (嘉中：一記者) (接前月18面) 1934.7，no.592，pp.18 III. 隱密的聖者：初2，無聊的時，得著林再添先生紹介講，「遮有一个英國宣教師佇遮teh傳道理佇內地人的中間，非常的克己，徹底的獻身。」我聽著按呢，連鞭拜託伊案內我去訪問伊。 阮到位，伊仆佇tatami-裡請安阮，請阮上--去。我看著伊剃頭毛(丸刈リ)閣穿台灣衫，又閣褪赤腳穿木屐，落去灶腳家己teh煮食。啊！我看著按呢，不得不紅面。伊頭毛剃光光，若是我留衫，若是我穿sebiro；伊褪赤腳穿木屐，若是我鞋吊襪穿kawakutsu。 聖者，名N. P. Yates。出世長成佇加拿大的Mon...

[1934-7 台灣教會公報 文類-散文 作者-賴仁聲/Loā Jîn-seng]
毋通相排斥 [ M̄-thang saⁿ pâi-thek ]
毋通相排斥 總是著抾來做鑑戒 (接6月第7面) (賴仁聲) 1934.7，no.592，pp.4-5 我試指幾若項佇遮：- (1)論洗禮。伊講見若人志願愛領洗禮，不管伊的品德佮信的程度現時怎樣，攏通即時共伊行洗禮。紲引幾句聖經真通，講，咱是欲共伊行反悔的洗禮，抑是講心信，喙認就得著救，所以喙有認就好。伊紲共我講，若有人佇菜店，手有酒杯，臭酒味袂退，若講希望愛領洗禮，也通行予伊。閣講，有一人刣人，沐血的刀攑佇手裡，走來拄著長老講，今決心愛受洗禮，也通行予伊，這是伊對我講，我到今記得，這是伊對我講，我到今記得，這是非常的禮典的冒瀆，濫用。看報的兄姊，恁通家己想。 (2)論...

[1934-7 台灣教會公報 文類-散文 作者-希望生/Hi-bōng-seng]
傳教師娘修養會的期待 [ Thoân-kàu-su-niû Siu-ióng-hoē ê Kî-thāi ]
傳教師娘修養會的期待 (希望生) 1934.7，no.592，pp.5-6 傳教師娘修養會欲到，敢是7月4號啦。眾役員穩當真無閒，teh準備。我信，穩當有備辦真豐盛活命的好物；時到，通親像真gâu的廚子料理真美味盛大的go-chí-só (生臊)。拍算敢毋若佇廚房內teh準備若定，也有teh調查看是幼秀人客抑是草地人客，是欲予人食飽--的，抑是欲食巧--的；若按呢，就受請的人客，毋若欲呵咾生臊，也欲呵咾好食，因為予in也飽，也巧。 論這款修養會，卻欲逐項攏合逐人的欠缺，實在是僫，因為遮的傳教師娘的年歲無平，學歷有高低，經驗有濟少，環境有好bái；所以in逐人所欠--的有各樣。總...

[1934-7 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 (陳金然) 1934.7，no.592，pp.6-7 II. 希伯來字佮抄寫的材料 舊約書的話語既然是希伯來話，就所用的文字自然是希伯來字。所以咱袂免小可知這个希伯來字的經過。人teh議論古早以色列人所用的文字有兩款：(1) 140 B. C.--135 A. D.猶太人所用的「錢」的字，就是in在來的字；摩西的律法也是用這寫--的。摩西的律法也是用這寫--的。(2)舊約的抄本所用彼號「角字」(角文字)原來是亞述的文字，Í-sū-lat傳入佇猶太人的中間--的(Green)，Talmud也按呢傳。總是後來這號「角字」那有勢力，人紲講這个是希伯來的文字。 照H. W...

[1934-7 台灣教會公報 文類-散文 作者-林茂生/Lîm Bō͘-seng]
新台灣話的陳列館 [ Sin Tâi-oân-oē ê Tîn-lia̍t-koán ]
新台灣話的陳列館 1934. 07 592卷 p.8 (林茂生) Bú-tâi (舞臺)：戲棚的新話；較懸的台咧予人做戲，抑是演藝的所在。對國語的butai來，就是英語的stage。複合名詞：舞台裝置 (butai-sochi，stage arrangement)；舞台照明 (butai-shomei，stage-lighting)；舞台監督 (butaikantoku，stage director)；舞台效果(butai-koka，stage-effect)；外交舞台 (gaiko-butai，the stage of the world's diplomacy)。民國...

[1934-7 台灣教會公報 文類-散文 作者--/-]
基督的死 [ Ki-tok ê Sí ]
基督的死 (M. C. H. ) 1934.7，no.592，pp.9 主耶穌chhoā學生到客西馬尼的花園，祈禱了。彼个人面獸心的猶大，有引率祭司頭佮一隊羅馬兵，攑刀，攑槌仔佮火把，透暝到遐掠耶穌，若掠賊一樣。佇祭司頭，公會，佮總督彼拉多的面前，受種種侮辱的審問。雖然問了無罪，猶過總督為著愛予祭司頭的黨歡喜，就發交耶穌去釘十字架。 列位啊！無論啥人，伊的心若沉溺佇利己主義的罪惡中；若袂捌本身經過奇異的窘迫；若無有一點誠心體會的工夫，佮想像的能力；就袂會明白當時主耶穌所受萬般的痛苦。今，到底基督的死，有啥意義佇teh？ 1. 基督的死，是上帝預定的計畫。 保羅先生講...

[1934-7 台灣教會公報 文類-散文 作者-陳鳩水/Tân Khiu-suí]
結核病 [ Kiat-hu̍t-pēⁿ ]
結核病 1934.07 592卷 p.10 (陳鳩水) 序言 宇宙間無毋歡喜活，怨恨死。死的路真濟，究勘彼个事實，死亡率最懸-的，攏毋值著結核病。泰西各國的人，看這號病親像大水，抑是猛獸，眾人攏想欲閃避。所以佇公眾衛生，個人衛生熱心研究，咱若讀in的結核病的統計表，in的進步夠額予人生驚。 越頭看咱台灣的現狀是啥款咧？咱的衛生是真幼稚，也看結核病做通驚的，是無偌濟。因為染著這號病，抑是為著這來死的真濟。這个事實，是做咱台灣人的見笑。做近佇台灣有teh欲創立「預防癆病協會，」向望結核病的淫威，會通減少。鄙人寫這个全篇無別物因端，抾別人的話，來添我的意見，也向望一般無染著，抑是已經染...

[1934-7 台灣教會公報 文類-散文 作者--/-]
數念過往的信徒 [ Siàu-liām koè-óng ê Sìn-tô͘ ]
數念過往的信徒 1934.7，no.592，pp.11-13 I. 故吳黃--氏Io 主後1850年8月16日，出世佇鳳山。到19歲，就嫁予黃Ka-tì先生。隔年決心信主領洗禮入聖會。 黃Ka-tì先生是會門人。佇1865年佮故馬醫生過來台灣。伊有做馬醫生的助手，踮佇旗後醫館真久。後來有家己開業佇奉山。對1878年到1911年的中間，有擔當奉山教會的長老。然後有搬來台南告老，紲過身佇台南，享壽74歲。 先生娘佇活當時，熱心服事主，真gâu幫贊丈夫，也真樸素閣節儉，gâu料理家庭，引chhoā序細拜上帝。若有艱苦人，伊真歡喜周助--in。佮厝邊不止和睦，人大呵咾--伊。伊有...

[1934-7 台灣教會公報 文類-散文 作者-王倚/Ông oá]
慈善會 [ Chû-siān-hoē ]
慈善會 (王倚) 1934.7，no.592，pp.19 致意，請列位疼主的兄姊來看，通知咱今年著按怎出力獻金的事。 照財務部所有算--的，排列予大家做參考。 1. 今年欠較濟錢：因為今年咱中會內，加三个先生，就是Giâm-chêng，Ē-poàⁿ-thiⁿ，大林。這三位，in所出的以外，著閣貼770外箍。閣有幾若間教會今年倒退減出；就是Gû-taⁿ-oan，Tang-āu-liâu，Koè-kau，虎尾，土庫chí 5位，減出約240箍；兩條共，著加開一千箍。 今這千箍欲對佗位來得著？今來講全部所欠--的；今年咱全部所欠--的，是三千箍。 1. 補助金：分較...

[1934-7 台灣教會公報 文類-散文 作者-編輯部/Phian-chip-pō͘͘]
傳教師會 [ Thoân-kàu-su-hoē ]
傳教師會 (編輯者) 1934.7，no.592，pp.19 過去4月24日起，兩日間，有嘉中傳教師會聚集佇Sin-hāng禮拜堂。赴會者：巴博士以外，牧師7名，傳道師11名。 有得著財務部長鄭牧師，來講起中會內的經濟，予大家相佮知，相佮擔當彼个責成。有慈善會主事王倚牧師講起慈善會的事，紲愛大家預算今年各教會的獻納額。有聽Lo̍k-moâ-sán佮畚箕湖欲改築拜堂，通歡喜的事，也拜託助成。有教育部長講起月報的整理，佮對主日學的關心。有傳道部長發表今年的交通隊，佮隊員以及大舉傳道的代誌，勉勵大家著傳，毋通靜靜。有得著黃武東先生，講起伊去台東旅行的所感，趣味閣有利益。 有事務...

[1934-8 台灣教會公報 文類-散文 作者-賴仁聲/Loā Jîn-seng]
毋通相排斥 [ M̄-thang saⁿ pâi-thek ]
毋通相排斥 總是著抾來做鑑戒 (接7月第5面) (賴仁聲) 1934.8，no.593，pp.2-3 總是若論聖潔會，恁無一人比我較知。雖有濟濟長老會的人過去聖潔會，我好膽講，攏是信者(某傳道的以外)。我講按呢，毋是看輕其餘遐的過去聖潔會做工的先生。我知in現時有人真熱心，閣真有研究，有的是真優秀的先生佮信徒，我也是尊敬in。總是我自信講我已經有幾分神學的常識，佮治會，教會政治的常識。閣本身入去佮in做學生，也做in的傳道者頭尾6年，按呢來講in的教會的款，拍算較會對。也照我的良心，我毋是愛排斥，也毋是愛惡評。若是欲濫糝講，我的論文就匿名，我堂堂下我的名佇頂面，是有責任的講話。閣...

[1934-8 台灣教會公報 文類-散文 作者-林茂生/Lîm Bō͘-seng]
新台灣話的陳列館 [ Sin Tâi-oán-oē ê Tîn-lia̍t-koán ]
新台灣話的陳列館 (林茂生) 1934.8，no.593，pp.4 Tîn-chêng (陳情)：對有權柄的個人，抑是團體講起情形來分訴。對國語的chinjo來(petition，appcal)複合名詞：陳情委員(chinjojin，a petition committee)；陳情詞(chinjosho，written representation)；對漢文來親像李密陳情表 Tiau-liû (tiâu-liû) (潮流)：水teh行流的流；用做譬如時勢的大氣力。對國語的choryu來(tide，current)。文例：欲佮時勢的潮流來對抗，是真重難的事(Jisei no ch...

[1934-8 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 1934.08 593卷 p.5-7 (陳金然) (接前號第6面) III. 經學士 - 書記官 佇新約裡有時人稱呼叫經學士，教法師(教律法的先生)，博士；其實這3个名，攏siāng一項的意思。有時特別尊稱做法利賽的經學士(可 2：16)，猶過其實就是法利賽人。總是毋通拍算新約時代的經學士，拄拄佮起初的經學士攏siāng款。因為經學士的工，是(1)研究猶太人的律法，(2)解釋律法，(3)抄寫律法來流傳正本佇後代。按呢，就是新約時代的經學士是律法家，若是初初的經學士是咧 (1)抄寫(編輯)宗教文學(聖經 - 律法)，(2)學者，(3)是解釋家。Taⁿ咱暫時來想這个書記官...

[1934-8 台灣教會公報 文類-散文 作者-梁秀德/Niû Siù-tek]
佇你手裡是甚麼？ [ Tī lí chhiú-ni̍h sī Sim-mi̍h? ]
佇你手裡是甚物？ 題詞：出4：2。 (梁秀德) 1934.8，no.593，pp.7-8 舊譯--的，是寫「你手攑--的是甚物？」(What is that in thine hand？) 這句話，是摩西佇何烈的山飼羊，上帝出聲問伊的話。上帝佇刺phè中用異象揀召摩西，共伊講，我是自然而然--的，你著chhoā我的百姓出埃及。摩西推辭，感覺無能，因為佇40年前，捌用武力，欲來chhoā百姓脫離這个國，若是到路尾失敗。今伊佇這个米甸，愛欲來做伊一生的厭世生活。因為伊有失志，受上帝無欲救--伊啦，是干單teh聽候欲審判人死了的靈魂若定，伊佮現生活的人類絕緣--啦！有這號思想的摩西...