[1937-7 台灣教會公報/芥菜子 文類-散文 作者-明有德/Bêng Iú-tek]
三年運動特記 [ Saⁿ nî ūn-tōng te̍k-kì ]
三年運動特記 明有德 1937年7月628期 28-30 1. 有一擺一个老母chhoā伊的囡仔去料理店欲食晝。囡仔較毋捌禮數，給士捀飯佮菜來，就搶匙仔，連鞭拍垃儳桌頂。老母講攏無欲聽，愈嫌，紲愈攪擾。老母看對面桌有一个生份人咧食，伊感覺真見笑。彼个人代先祈禱才食，親像真斯文。老母想若予囡仔驚，看會恬恬袂；共伊講，你若遐歹，彼个人欲掠你去遠遠；總是囡仔也是無欲聽。後來來彼个老母好膽共彼个生份人下失禮，共伊講，伊的囡仔真歹，真僫約束，無啥物好方法通予伊順趁。 彼時真心適，彼个囡仔看伊的老母咧佮彼个人講話的時，伊恬恬，無咧攪擾。彼个人共伊講，你看，你的囡仔毋是歹，已經變做乖的囡...

[1937-7 台灣教會公報 文類-散文 作者-雪峰逸嵐/Soat-hong Iat-lâm]
路得記的研究 [ Lō͘-tek-kì ê Gián-kiù ]
路得記的研究 雪峰逸嵐 (接6月第5面) 1937年7月628期 4-6 4. 失敗的答案 14節：「In閣出聲哭；俄珥巴佮大家唚喙(=相辭)，獨獨路德佮伊放袂離」。佇這時的啼哭，心理就無siāng啦。路得的哭，是同情大家，決定毋甘離開的哭。俄珥巴的哭，是勸欲倒轉去的心理的哭；因為伊的心已經振動，試驗的問題佇伊的心內咧拍算盤，無決定的心理通應。所有的答案；就是離開大家倒轉去。佇這站咱請來想俄珥巴的靈程是啥款？伊起頭也是真好；綴大家佮同姒相佮經過患難，苦痛，艱難，悲哀的生活，無有一屑仔的安慰快樂。代先死丈夫，後來死小叔，無翁，無囝。三个守寡的大家新婦，經過淒慘苦痛的...

[1937-7 台灣教會公報 文類-散文 作者-許水露/Khó͘ Chuí-lō͘]
六十六卷的聖冊 [ La̍k-cha̍p-la̍k koàn ê Sèng-chheh ]
六十六卷的聖冊 許水露 (接6月第4面) 1937年7月628期 6-8 第8講：第7卷，士師記。 背景：對約書亞過身了後，到掃羅受設立做以色列王，計共330年久，上帝有揀拄好的人佇逐時代來治理以色列百姓。佇這330年久，有13个士師相接紲來治理以色列百姓，in的事情攏記載佇士師記。 I. 本書的著者=撒母耳寫的。 II. 本書著作的年代=B. C. 1100-1096年。 是以色列國君主政體建設前寫--的。因為本書最後4章共有4擺寫「當時以色列人無王」。(17：6，18：1，19；1，21：25)。 III. 本書著作的場所。 大約佇蘇弗...

[1937-7 台灣教會公報 文類-散文 作者--/-]
論說：請聽！！！ [ Lūn-soat: Chhiáⁿ thiaⁿ!!! ]
請聽！！ (嘉中：記者) 1937年7月628期 10-11 聽！聽！聽！請聽A. D. 1865年6月16號，馬醫生，杜牧師in大家頭擺佇台南市看西街咧行醫，傳教的聲。閣無久，台南市民僥疑，出字白，誣賴大擾亂，攻擊禮拜堂的聲。以外佇後來有偌濟傳教師，長執，熱心的會友，受人舂，拍，趕逐的聲。In佇暗黑的場面，紲救欺負in的人。這个聲，咱今仔日真欣羨。 聽！聽！聽！請聽今日社會咧呵咾教會病院的仁慈博愛。教會育嬰事業佇社會咧指導，以及佇教界實際咧活動的眾傳教師，長執，主日學教員，佈道隊。In敢無濟濟是親像奶母咧育嬰仔予伊睏。 每年6月16號，是南部設教的紀念日。感謝天爸的恩典，...

[1937-7 台灣教會公報 文類-散文 作者-賴仁聲/Loā Jîn-seng]
雜錄：澎湖教聲 [ Cha̍p-lio̍k: Phêⁿ-ô͘ Kàu-siaⁿ ]
雜錄 1937年7月628期 11-14 I. 澎湖教聲。 恭敬請安眾兄姊，這時我愛將5月澎湖的教勢報恁知。總是我愛求恁諒解兩項：- 1. 所寫是親像用我做中心來寫；親像我有做濟濟工，其實毋是。是我的同僚in蹛佇瓦硐，花宅，大事遐的細細的島嶼；是真犧牲，是真勞碌。若是我是定家己見笑，我踮媽宮是無輸踮台灣的大都市，所以攏無犧牲。 2. 我這時咧做工是親像真熱心。總是這是熱天，若到入9月面起到明年的3月，阮是真無機會通做工。因為彼時有大風；in遮的人叫做戇風，親像風颱透袂恬。所以這時加做淡薄工也無通感心。 Taⁿ我將5月--的，記佇遮：- 初4日：佮...

[1937-7 台灣教會公報/芥菜子 文類-散文 作者-胡文池/Ô͘ Bûn-tî]
論方言 [ Lūn Hong-giân ]
論方言 胡文池 1937年7月628期 27-28 (請讀行傳2：1-13；1哥林多14：1-28)。 對真耶穌教深入台灣以來，方言的問題不止受注意。因為in講in會受聖神來講方言，因為按呢，也有兄弟受引誘。In敢是咧講方言mah？In咧欲講方言的時，著得著念「ハレルヤ，求聖神降臨，」到予in的精神錯亂，就喙pe-pe，亂亂唸。耶穌明明講，祈禱的時，會莫得沓沓重(馬太6：7)。按呢通知，這款的祈禱，毋是會予聖神降臨，反轉違逆主的命令。 實在濟濟人對方言的問題有誤解。In想五旬節的時，有帕提亞，Bí-thài，以攔......(行傳2：9)，遐濟國的人聽使徒講方言，...

[1937-7 台灣教會公報/芥菜子 文類-散文 作者-孫雅各/Sun Ngá-kok]
人敢偷提上帝的物mah？ [ Lâng kiám thau-the̍h Siōng-tè ê mi̍h mah? ]
人敢偷提上帝的物mah？ 孫雅各 1937年7月628期 21-23 恁竟然偷提我的物......就是佇應該納的十份一佮禮物(瑪拉基3：8)。 人若偷提別人的物，伊是賊仔。亦人自然無尊敬彼款的人。伊是差不多第一下賤的人。咱成人伊的所做毋著，因為伊偷提人的物。若是人偷提上帝的物甚物款？瑪拉基有講人偷提上帝的物。就是人，因為貪心，應該著予上帝的無予伊，這个若照瑪拉基所講，就是偷提伊的物。人所應該著予伊的是甚物？聖經濟濟所在有記明著獻10份一以上。「應該納的10份一佮禮物」。禮物是十份一以外。佇舊約時代，猶太人有承認這个是應該。In不止細膩實行這个法度。後來佇新...

[1937-7 台灣教會公報/芥菜子 文類-散文 作者-吳天命/Gô͘ Thian-bēng]
教會的一考察 [ Kàu-hoē ê it khó-chhat ]
教會的一考察 吳天命 1937年7月628期 25-26 保羅寄批的時，是用所在來稱呼收批的教會。親像加拉太遮的教會；有時是用構成彼个教會的人來稱呼，親像「帖撒羅尼迦人的教會」。總是哥林多兩張的批攏是用上帝做主咧稱呼，就是講「上帝的教會佇哥林多--的」。佇哥林多的批，這款的表現卻是真簡單，毋過有表示教會的一个本質佇咧。這句，有顯明哥林多的教會毋是哥林多--的；也毋是哥林多人--的，就是上帝--的。教會是上帝國的一部，對天降落佇哥林多--的。 有註釋家解釋「上帝的教會對哥林多--的」；這句中的「佇」字講是「滯留」-寄跤的意思。我想按呢不止有表現保羅的真意。照保羅的意思，哥林多...

[1937-7 台灣教會公報/芥菜子 文類-散文 作者-駱先春/Lo̍k Sian-chhun]
耶和華啊，救你的百姓 [ Iâ-hô-hoa ah, kiù Lí ê peh-sìⁿ ]
耶和華啊，救你的百姓 耶利米31：7 駱先春 1937年7月628期 23-25 現時的教會所著對主求--的，用這句來指示咱是真合。求主來奮興教會佮奮興屬伊的信徒，這通做咱祈禱的主眼點。 咱求講，「耶和華啊，救你的百姓」，通顯明教會是徛佇危機的潮流中。上帝的攝理佮應允無變換。看過去的歷史，教會常常踮佇危機的環境內，總是上帝有拯救--伊，予伊徛在佇真理的石磐頂。 現今咱教會的最大危機，毋是對外界來的工作，就是對內部所生起的撞突；所講的危機，就是基督徒的道德上的缺陷佮精神上的無力。 看以色列百姓佇曠野的狀況就知，阻擋經過曠野的是甚物？毋是濟濟的對敵，因為上帝有時刻引c...

[1937-7 台灣教會公報/芥菜子 文類-散文 作者--/-]
雜錄 (2) [ Cha̍p-lio̍k (2) ]
雜錄 1937年7月628期 30 I. 佮憂悶的人相佮憂悶。 列位同屬主，北部傳教師相助會的會員，牧師，教師，傳道師，以及領孤寡養老金的諸位siu-lám平安：- 佇無拍算的中間，咱著佮咱的同勞者兩位永久的相分離。 1. 是故吳寬裕傳道師的未亡人吳許--氏Liân-lí，伊佇去5月21日別世。 2. 是告老的傳道師林清火，伊佇去6月5日別世。 咱的相助會著照逐擺的例，會員每人對in著一人一箍銀來共in慰問。 徵收的方法照慣例，屬傳道局發送月給的人對傳道局會計扣除每人2箍(請諒解)，若是獨立經濟的傳道者，請恁就緊隨人寄2箍對振替台灣四五九八番北部道教師孤寡養老會...

[1937-8 台灣教會公報 文類-散文 作者--/-]
看主耶穌！ [ Khoàⁿ Chú Iâ-so͘! ]
看主耶穌！ 1937年8月629期 1-2 有一塊銅板所刻的像：近倚共伊看，干焦用字排列到真好勢；若徛遠遠共看，會看著華盛頓(美國第一代的大統領)的像。照字體厚薄的作用，徛較遠來看，伊的面不止燦爛閣好看。對這張像，咱所發見--的，毋是講話，毋是思想，是華盛頓本身。也對這層，予咱得著真大的教訓：就是予咱深深明白，欲講究聖經，欲捌上帝的旨意，彼个祕訣，拄拄親像按呢。 真佳哉；予咱對基督的恩典，成做基督徒。逐日平穩咧經過佇咱的信仰生活：去教會禮拜，吟詩呵咾主，祈禱，讀聖經，聽道理。受基督的疼所激勵，為著疼的奉仕，為著耶穌佮教會，濟濟人甘願奉獻。總是著家己反省，佇咱的祈禱，佇咱的講...

[1937-8 台灣教會公報 文類-散文 作者-駱先春/Lo̍k Sian-chhun]
禮拜的雜感 [ Lé-pài ê cha̍p-kám ]
禮拜的雜感 駱先春 1937年8月629期 22-24 詩篇第100篇，是欲入上帝的厝，來敬拜的人所應該著讀--的。佇第4節做詩的人有講，「著用感謝入伊的門，用呵咾入伊的院；著感謝伊，呵咾伊的名。」 先知哈巴谷的冊的內面有極力咧主張講，「獨獨耶和華佇伊的聖殿，全地佇伊的面前，攏著靜靜」(2：20)。 佇伊的面前咱著有顯出敬虔，恬靜，恭敬的精神。因為伊是榮光的君王，全能的主宰，疼痛的天爸，至聖的上帝，公義的支配者。 耶穌佮撒馬利亞的婦人人的回話的中間有教示講，「上帝是神，敬拜伊的著用神用誠實」(約翰4：24) ；所以禮拜是人對上帝心神上的服侍，靈性的交陪，啟示的領受佮召...

[1937-8 台灣教會公報 文類-散文 作者--/-]
我的見證 [ Goá ê Kiàn-chèng ]
我的見證 受恩生 1937年8月629期 26-28 「我欲專務祈禱傳道」(行傳6：4)。「耶和華賞賜我一切的大恩，我欲用甚物報答伊，我欲捀起救恩的杯，求叫耶和華的名」(Ps 116：12，13) 我是軟弱，常常失敗的人，我的跤跡袂會發光，通來榮耀主的名；總是上帝猶無算我的數，伊有憐憫幫贊，知我的欠缺，佇我軟弱的時來得著伊的氣力。詩篇21：1，「耶和華是我活命的氣力。」我欲無命無力的時，隨時通得著耶和華做我一生的氣力，來施恩佇伊聖的面前。 我傳道3年，不時自省家己無力通榮耀主的大名，是因為對重家己，來看人佮看環境，致此生出失志佮犯罪；佇無充足的祈禱來出發的傳道，致到袂...

[1937-8 台灣教會公報 文類-散文 作者-雪峰逸嵐/Soat-hong Iat-lâm]
路得記的研究 [ Lō͘-tek-kì ê Gián-kiù ]
路得記的研究 雪風逸嵐 1937年8月629期 3-6 (接7月第6面) 6. 向十字架的路來行 19節：「對按呢兩人相佮行......」。呵咾主：放拺一切綴主，同心同行，來行十字架的路，困苦的路，散凶的路，受恥笑的路。檢采路裡遇著熟似人欲笑伊戇，綴外國的乞食婆去外國；有爸母親像毋挃，甘願去外國，無依倚，毋但本國的人笑，檢采到猶大也欲予遐的人恥笑，譏刺。路得攏無要緊，直直綴大家來行客西馬尼的路(=悲慘的路)。呵咾主！！！ 20，21節：「這是拿俄米mah？講，莫得閣叫我拿俄米，著叫我瑪拉......出去的時滿足......空空倒來......啥事叫我拿俄米...

[1937-8 台灣教會公報 文類-散文 作者--/-]
信仰的幸福 [ Sìn-gióng ê Hēng-hok ]
信仰的幸福 1937年8月629期 6-8 對古早到現今，人人咧追求幸福。無論老，少年，男女攏咧求幸福。印度人真濟迷信，若去西藏的某物河洗身軀，就會得著未來極樂的永生，所以無嫌盤山過嶺的困難，愛去遐巡禮的人káng萬。親像按呢，人真迫切，致意咧追求幸福，佇榮華富貴的中間來追求；若踮草厝的人，就講踮瓦厝--的較幸福，踮瓦厝--的講徛懸樓--的較幸福，徛懸樓--的講貴族，尊貴的人較有幸福。英國的Sek-su-pí-a(Shakepeare)所做的戲曲マクベス就是這款思想的人。萬人咧思想，要求幸福，總是揣袂當著。所以傳道--的講，「空虛的空虛......萬事攏是空虛」。英國的詩人バイ...

[1937-8 台灣教會公報 文類-散文 作者--/-]
讀聖經來體驗基督 [ Tha̍k Sèng-keng lâi thé-giām Ki-tok ]
讀聖經來體驗基督 約書亞1：8 吳義勇 1937年8月629期 8-12 上帝揀選摩西來chhoā以色列百姓出埃及，經過曠野，欲到迦南地的時，上帝閣揀選約書亞做頭來接紲摩西的工。當時交戰真濟，著愛拍贏31个王，才會用得，所以伊的責任非常重大；所以伊的責任非常重大；佇彼時，上帝干焦吩咐約書亞暝日著愛讀律法的冊，才通得著順序。 列位，上帝這馬也欲佇咱台灣的教會中，揀選濟濟的約書亞，來擔當教會的責任，來傳上帝的真道。鄙人咧想，今仔日教會最重要的問題，毋是經濟抑是建築物，就是對重上帝的話。無論甚物教會，若對重上帝的話，就通得著豐盛的活命；若無，就無活命，無能力。 詩篇講，「對...

[1937-8 台灣教會公報 文類-散文 作者--/-]
雜錄 [ Cha̍p-lio̍k ]
雜錄 1937年8月629期 12-14 I. 教會生活雜觀。 1. 教會是上帝的厝，是靈魂得著安歇的所在，無論甚物人入來到遮，應該有歡喜快樂才著，因為是有欣慕愛得著心神的米糧，得著上帝的恩惠，愛獻感謝，祈求服侍敬拜的心肝，所以才有到這个所在。「人對我講，咱來去耶和華的厝，我就歡喜」(詩篇122：1)。做詩的人有表明in的自發tek的意志，所以穩當有經驗著彼个「去耶和華的厝」的幸福。 2. 詩篇84篇的記者有怎樣咧戀慕耶和華的厝，若掀起來讀的人就知。真媠的京城，就是新的耶路撒冷對天降落，彼个形影彷彿佇入聖殿來敬拜的人的中間，誠心求叫主，呵咾感謝的聲音透到佇天頂，...

[1937-8 台灣教會公報 文類-散文 作者-蕭樂善/Siau Lo̍k-siān]
上帝甚物時幫贊咱 [ Siōng-tè sím-mi̍h sî pang-chān lán ]
上帝甚物時幫贊咱 蕭樂善 1937年8月629期 25-26 捌有一个信者，講伊真久聽候看上帝的力偌大，到今仔日攏袂通經驗著，致到聽見上帝是全能，心肝不止疑ngái。這檢采有影，也應該是按呢才著；因為上帝的力，毋是平常的力，毋是粗俗的力，是高貴的力。隨便照家己所想會通快快經驗的是較無合。總是咱知，有濟濟信徒逐時逐刻咧經驗著上帝的能力無斷。今仔日咱大家愛參加佇遮的不時經驗上帝的能力的人的中間。彼个精差，毋是上帝分別人，是咱的信仰佮咱的精神的精差。 要緊咱著知一項：上帝欲幫贊人，毋是伊家己一个的工，是協力。也毋是專專對伊全能的手出，是對佮伊所創造的物相佮tì曉的氣力。所以咱...

[1937-8 台灣教會公報 文類-散文 作者-吳天命/Gô͘ Thian-bēng]
耶穌向耶路撒冷咧行 [ Iâ-so͘ ǹg Iâ-lō͘-sat-léng teh kiâⁿ ]
耶穌向耶路撒冷咧行 吳天命 1937年8月629期 24-25 耶穌有濟濟擺向耶路撒冷咧行，佇馬可福音傳第10章32節所記載，這擺的向耶路撒冷有較各樣的款；所以致到予人gông-ngia̍h佮驚惶。「In上耶路撒冷，佇路裡耶穌行佇頭前，學生gông-ngia̍h，綴的人驚惶。」耶穌這擺向耶路撒冷有甚物目的？咱若看遐的前後的記-事，就知耶穌向耶路撒冷就是向十字架，就是向世間人所第一驚的死。耶穌來世間的目的，就是欲為著世間人的罪來死，對按呢來贖回人類，顯明上帝無限量的疼痛佮正義。對耶穌來世間的目的的時已經到啦；為著按呢向耶路撒冷咧行。佇耶路撒冷有凌辱，苦痛，流血；猶過耶穌無倒...

[1937-8 台灣教會公報 文類-散文 作者-吳清鎰/Gô͘ Chheng-ek]
我的主 [ Goá ê Chú ]
我的主 吳清鎰 1937年8月629期 28 耶穌基督是我的主。我的主屬我。總是想較深，我是主的，我是屬主。主所歡喜，我著歡喜；主所厭惡--的，我著厭惡；主的教示，我著學習；主的道理，我著遵守；主若行，我著綴；的確毋通佮伊相離。我的主滿心慈悲，雖然我踮佇失迷，毋捌伊，猶過伊代先捌我的名字。我雖然滿身污穢，伊親手共我洗清，雖然我猶軟弱，伊致意共我扶持。大施恩的主，我的確毋通離開伊。 有時我家己咧想，那想就那失志，我綴主是為著甚物？我若綴伊敢毋是空空不利。我若綴伊，著學謙卑，閣著放拺世間一切的財利。著歡喜予人看做戇，受眾人的恥笑。毋但按呢，亦著歡喜向落佇假佯綴主的人的面前，著...