[1892-10 台南府教會報 文類-散文 作者-Ki Ki-hoat/Ki Ki-hoat]
大學要論 [ Toā-o̍h iàu-lūn ]
大學要論1892.10 90卷 p.75-77(Ki Ki-hoat寫--ê.)Bat 想古早 ê 王者建立國，無一項比學校較切要。因為百姓無讀，就m̄知道理，若親像玉無雕琢，就未成器具。Tuì án-ni 就闊大設學校，tī 街--ni̍h 有塾學 ，tī鄉黨有常士 ê 學，tī 國就有國內 ê學。雖是有這幾等ê學，總亦有分大細。人出世8歲，就入小學，頭先教示伊洗掃、應對、進退、禮樂、射箭、牽車、算數。到十五歲，就入大學，學習修身、齊家、治國ê 道理。王者所要緊設法學校，無m̄是愛伊 ê國成做文墨 ê 國，百姓做成馴良 ê 百姓。古早有chiah-ê學，千萬 m̄ 值著咱聖會各等ê學。咱聖會...

[1892-11 台南府教會報 文類-散文 作者-Toh Chín-tek/Toh Chín-tek]
樹木ê利益 [ Chhiū-ba̍k ê lī-ek ]
樹木ê利益1892.11 91卷 p.83(Toh Chín-tek寫--ê)今論到上帝所做--ê，照咱世間人 ê 肉眼是看bē會齊了。物有寶貝--ê，也有較粗俗--ê；若是beh 講起到齊備，是講bē盡。 小可舉起一項來講；地面上 ê 樹林，有甚物thang干涉 tī 咱人 ？若略仔來想實在是有，真大。Hit號 ê 所在是較常有水，也較愛tuì hia落雨；想到這個到底是甚物理 tī-teh？真正有；的確是有理。因為樹林是屬tī 高山嶺尾 ê 中間；若是伊常常茂盛，是tuì 較有罩雲 tī hia，就快快會落雨；平洋 ê 所在百項草木也toè伊興起。 Koh，樹 ê 根竄入tī 深深 ê 塗...

[1892-11 台南府教會報 文類-小說 作者--/-]
早醒悟迷路 [ Chá chhíⁿ-gō͘ bê-lō͘ ]
早醒悟迷路1892.11 91卷 p.87有人用鐵枝做器具，下餌teh tng老鼠，hit號物叫做鐵貓。Tī某所在ê店主，伊內面老鼠真濟，就將鐵貓來當，到暝時歸群ê老鼠it 著beh食餌就入--去，活軌一下振動，門家己關，攏無路thang 走出--去。Hiah-ê老鼠就hoā-hoā吼，做伙teh議論講，咱大家án怎樣來到chia mah？從中一隻teh講，我看見有物就入--來，門續關--起，所以bē-tit出。Koh一隻講，我kan-ta顧目珠前ê餌，m̄知怎樣thài會來chia。Koh一隻講，án怎樣到這所在，我真正想bē曉tit。koh一隻講，到to既然到，且來食chiah-ê餌就好l...

[1893-2 台南府城教會報 文類-散文 作者--/-]
應該著謹慎 [ ENG-KAI TIO̍H KÍN-SĪN ]
應該著謹慎1893.02 94卷 p.6請大家看對面Ê尪仔圖有一個婦人人，名做勤愛嬸，無tâ-oâ著去園--裡耙草。伊有一個囝叫做勤仔。因為hit-ê囡仔是細漢bē得kā伊放tī厝--裡，所以著帶伊作伙去。當teh做工ê時tú著勤仔厭 siān ài睏，就kā伊下tī草--裡，koh將雨傘掛teh kā伊遮。勤愛嬸teh勤勤做工，iáu-kú益著囝，所以捷捷oa̍t頭teh看伊有穩當抑無。這個婦人人有一隻狗，號做花仔，是不止有路用ê精牲。花仔照顧伊。Tī勤仔身邊有一包乾糧。花仔也照顧，攏無貪心beh倚去食。Hit時是好天，所以鳥仔kap尾蝶tī半空中飛來飛去。園--裡ê後面有一間禮拜堂就是婦人...

[1893-2 台南府城教會報 文類-散文 作者--/-]
著大膽ná獅 [ Tio̍h toā-táⁿ ná sai ]
著大膽ná獅1893.02 95卷 p.20-22請大家看對面ê尪仔圖現時tī中國較無獅，iáu-kú人有畫伊ê形刻伊ê像來用tī衙門口kap廟頂，攏是糊塗扑算伊ê威靈會去邪。獅是極勇猛，hō͘人稱做百獸ê王。伊屬tī貓仔類，常常食雜項ê生肉，koh伊ê腳步是輕，目耳攏利，亦有暗chēⁿ gâu 咬所beh 食ê物。凡若嘴齒有分別3項，有ê親像刀會切，有ê親像耙會拆，亦有ê親像塗人ê齒會磨。獅無hit個磨ê嘴齒。伊獨獨拆肉就吞--落去，攏m̄ 免pō͘。Koh伊ê齒不止勇。若咬馬，亦會拖遠遠。（看這tah ê細圖就thang知獅嘴ê款）。獅ê身體是真有力，亦內面ê筋是tēng koh韌致到會扑...

[1893-6 台南府城教會報 文類-散文 作者--/-]
惡有惡報 [ Ok iú Ok-pò ]
惡有惡報1893.06 98卷 p.53-54人做歹 bē免tit受刑罰。這世後世攏是án-ni。在生伊ê心bē平安，有失落體面，亦hō͘人辦罪。死後刑罰是極重極長；亦bē閃避tit。人做好今世受善報，有得著安心koh hō͘人tuì重，亦過世享受永遠ê大榮光，koh得著上帝無限ê賞賜。眾人著謹慎莫得做起頭小可ê 歹，驚了hit-ê 歹樣是那久那大，就刑罰是那久那重。咱大家著常常求上帝hō͘阮夠額知識兼氣力來脫離逐項ê罪惡。Tī下底有記載兩節事來表明惡有惡報，亦警戒人著持防莫得犯罪。總是人m̄-thang phah算下面記載殘忍ê刑罰是合宜。燒死劫棺ê人文明兄有回批通知十三甲教會人ê欠缺就續寫...

[1893-7 台南府城教會報 文類-散文 作者--/-]
青暝學 [ Chhiⁿ-mî-o̍h ]
青暝學1893.08 100卷 p.77(甘牧師記--ê.)頂半年有5個囡仔逐日受教示。舊年尾一個學生略仔破病tò--去牛擔灣無koh來，m̄-kú tī-hia會做淡薄路用，就是去庄ni̍h讀聖經，講道理，亦teh教一個青瞑兄弟讀冊寫字。近來有加設一項ê法度來利益chiah-ê 艱苦人。In kan-ta bat字是無夠額，要緊著有甚物工藝hō͘ in thang趁食；若無，本地青瞑人差不多攏總著去做乞食抑是學看命。好佳哉！余先生娘tuì祖家tò轉來顯出真體貼ê心，請青瞑學生逐日到新樓，m̄ -nā佮in讀冊寫字算數，koh教in刺頷頸帶。今in已經熟手，會快快學刺別物，親像帽仔、手束、裌仔...

[1893-8 台南府城教會報 文類-傳記 作者-甘牧師/Kam Bo̍k-su]
吳文水 [ Gô͘ Bûn-suí ]
吳文水1893.08 100卷 p.79(甘牧師記--ê。)Tī 台灣頭1個本地人當傳道kap長老ê 職就是吳文水。伊雖然過身已經久，濟濟兄弟iáu teh數念伊，所以tī教會報略仔來講起伊ê代誌穩當會hō͘ 咱受勉勵soà thang 感謝上帝。文伯本然toà漳州，tī hia當糧差；boē趁道理ê代先也是gâu食鴉片。我有聽見人teh講，三十外年前，長頭毛賊攻破城ê 時，文伯走去廈門，後來聽道理入教會。同治4年，馬醫生過來台灣，文伯也kap伊來。起頭兩人ài toà 府城，總是tú著歹人ê 阻擋，in才搬去旗後tiàm hia 做主ê工。因為文伯無偌大bat字，年歲也濟，本身m̄敢想別日會...

[1893-8 台南府城教會報 文類-散文 作者--/-]
救命船 [ Kiù-miā-chûn ]
救命船1893.08 100卷 p.80-81請大家看對面ê尪仔圖耶穌對伊ê百姓ê心內m̄-nā有除去罪惡koh有生起好ê性情。án-ni-seⁿ，較熱心ê聖徒常常teh想有thang設甚物仁愛ê法度來幫贊別人。Tī西國從中所設ê法度就有一項是大ê路用，就是造救命船。倚tī海墘若tú著大隻船扑破，就救命船有出去看會tit-thang救人ê性命抑bē。有時這號工是極危險，因為風真thàu湧真大，亦tī hit時平常船攏bē用tit出港。 造救命船應該著大要緊幾若項ê代誌，從中thang講起就是下底四個： 1.船著gâu浮tī海面；雖然水潑入tī內面到攏充滿，iáu-kú著chhòng hō͘伊b...

[1893-9 台南府城教會報 文類-散文 作者--/-]
佇地面下做工 [ Tī tē-bīn-ē chò kang ]
佇地面下做工1893.09 101卷 p.94-95請大家看對面ê尪仔圖Tī地面上因為人常常用柴是那久那缺。好tit，tī 地面下上帝有備辦土炭。這個土炭原本是樹木，後來化去結做tēng-tauh ê物。 土炭是疊一層一層。有時hiah層ê雙頭尾 有蹺起露出tī地面，若是hit-ê露現ê土炭較常是較下等，下底是較好，所以人ài 開thán企 ê陷掘hit-ê上等ê。到陷底有開thán橫 ê大路；koh，tī大路ê邊仔有開巷仔。攏是暗bong-bong。上深ê土炭礦是三百外丈。有時hiah-ê thán橫ê路有出 tī海底ê下底。Tī咱台灣ê北勢 ê基隆頭有土炭礦。 因為土炭礦是深，風氣oh-t...

[1893-10 台南府城教會報 文類-散文 作者--/-]
做紙ê方法 [ Chò choá ê hong-hoat ]
做紙ê方法將舊ê物換做新樣--ê。1893.10 102卷 p.106-107請大家看對面ê尪仔圖人有用濟濟物做紙，tī中國較常是用chíⁿ-chíⁿ ê竹；tī西國若beh做較好ê紙就有用布，是人所放sak ê舊衣裳，hit號。今，beh略仔議論將布做紙ê方法。 做紙有用麻及棉ê破布。絲、綢、呢無合，所以chiah-ê物及pín針、鈕排，hit號，著揀出來除去。Koh從中合用ê破布著分別款式，粗--ê thang做粗紙，幼--ê thang做幼紙。破布分別了就有提tī割布桌，割hō͘伊一塊一塊，橫直各四吋。割布就是thán-khiā插tī桌面。人將雙手割裂布tī刀嘴。(看對面尪仔圖頂頭ê。)...

[1894-1 台南府城教會報 文類-散文 作者--/-]
體恤禽獸 [ Thé-sut khîm-siù ]
體恤禽獸1894.01 105卷 p.143譬喻有某人做一項物，伊實在 m̄-ài 別人敗壞hit個物。上帝有創造禽獸，所以伊也m̄-ài人濫糝款待 in。 禽獸是真心適亦有大路用。人若缺欠in，就bē免得大艱苦。 人是較gâu 禽獸，亦有時伊ê 力是較大in-ê，所以伊快快會壓制贏過 in。凡若勇健--ê kó͘-chhiáⁿ酷橫軟弱--ê，就伊著受見笑。 有時人無照法度款待禽獸，是因為伊無想著抑是bē 記得伊所做 ê 事誌是m̄合宜。 因為上帝ê 真理tī 西國有應驗，君臣有設立命令禁人歹款待禽獸，亦有仁愛ê 人chò-hoē常常謹慎，看有甚物人犯著國法，就有liâm-piⁿ 告hō͘ 官...

[1894-2 台南府城教會報 文類-散文 作者--/-]
盡忠到死 [ Chīn-tiong kàu sí ]
盡忠到死1894.02 106卷 p.4, 9請大家看下底第9面ê尪仔圖有君王若 beh 招兵勇就有報揚 in beh 得著甚物報賞，攏無講起 beh 抵著甚物艱苦。耶穌無án-ni-seⁿ。伊有明明kā 人講 in 若 beh toè 伊的確 beh hō͘ 對敵怨恨、誹謗，佮另外歹款待濟濟項 ê 款式。 光佮暗攏bē和，所以趁真理 ê 人常常 hō͘ 世俗人佮 in 做對敵。雖然是án-ni，iáu-kú thang 常常歡喜，因為心內 ê 平安是chám然大。這號 ê 平安魔鬼 ê 百姓無一點仔會曉得。 得著白米是因為有經過扑佮舂。濟濟號ê 種子若無研著就攏無出好味。án-ni-seⁿ，...

[1894-2 台南府城教會報 文類-詩 作者--/-]
補養心神詩 [ Pó͘ ióng-sim-sîn-si ]
補養心神詩 1894.02 106 koàn p.10 「養心神詩」1本是做咱教會ê大路用，從中ê詩濟濟真好thang 教示人，hō͘ 人較快bat 道理。總--是有1項thang 嫌，就是傷少，詩只有59首nā-tiāⁿ，bē-tit thang 齊備做教會逐項ê路用。扑算天下無1個教會親像咱ê hiah 大詩冊到hiah欠缺。也chiah-kú攏無加添新ê,差不多20年久猶原是hit 本。Hit 時ê中間雜錄參會報卻有新出幾若首；總--是揀選--起-來只有10外首會堪tit用。Chiah-ê 詩也攏是阮外國人做--ê。兄弟無做，káⁿ無的確是因為in bē會，kiám-chhái是tuì...

[1894-3 台南府城教會報 文類-散文 作者--/-]
公論事理 [ Kong-lūn Sū-lí ]
公論事理1894.03 107卷 p.15-16 1. 有時兄弟 ê 厝離拜堂較遠，kiám-chhái phò͘ 外路抑是兩phò͘路，in 就ài 另外聚集：今問看應該著准in較好，抑是著勸in 著來拜堂聚集較好？ 黃德標寫：我想這個事不止oh應。若是上帝 ê 神逐所在tī-teh；親像耶穌應撒馬利亞 ê 婦人人講，「拜上帝無論這個山抑是耶路撒冷，要緊用誠實」。Koh講，「無論甚物所在兩三人聚集，我也佮 in tī-teh」。照 án-ni 來論thang准家己聚集。著想這時逐人心性軟弱，著勉勵 in來禮拜堂正合實，莫得准 in 家己聚集。來做5項。頭1項，會貧惰。第2，會驕傲。第3，會...

[1894-4 台南府城教會報 文類-傳記 作者-胡朝枝/Ô͘ Tiâu-ki]
洪明理別世 [ Âng Bêng-lí pia̍t-sè ]
洪明理別世(是胡朝枝寫--ê.)1894.04 108 卷 p.33 洪明理就是Liōng仔！對tī 1893年入教。伊對出世以來身軀常常bat有破病，到上10歲以來就較罕tit破病。論到伊ê做人樸實儉省，伊做人ê子兒有孝、有義，m̄免 hō͘ in 序大人受氣來嫌伊，伊是不止gâu 幫贊序大人。對幾若年以來會曉記數，買賣不止有次序。伊kap厝邊鄉社ê 囡仔做伙，伊m̄ bat kap人冤家，亦m̄ bat kap人相扑相罵，這號ê事攏m̄ bat。我來東港，伊抑bat 成年久來kap我讀冊；tī學--ni̍h伊亦是顯明好ê款式。伊bat kā 阮講伊真ài讀冊，bat 求in老父到流目屎。...

[1894-8 台南府城教會報 文類-散文 作者--/-]
利益青暝人ê告白 [ Lī-ek chhin-mî-lâng ê kò-pe̍h ]
利益青暝人ê告白1894.08 113卷 p.84通中國內ê 青瞑人差不多有五十萬左右。4年前，上海 ê 總會有揀選幾若人替in 設法，也勸逐位ê 先生著佮hiah-ê人盡力鬥辦。 Lín已經知府城內佮泉州城現在有兩間學 hō͘青瞑人thang受逐項 ê 教訓。學生每日照時用功讀冊也兼略仔teh 學工藝。舊年余先生娘 tī 府城真出力來料理這層事。可惜伊 ê 身軀染著破病，姑不chiong著倒去祖家。伊常常替 in 圖謀救援，想到日後 ê 事誌；所以m̄若教 in 讀冊寫字nā-tiāⁿ，koh 教in 做kan-kí thang家己趁錢，來度口，m̄免終身倚靠別人飼。 今因為事猶bē成，阮à...

[1894-8 台南府城教會報 文類-散文 作者--/-]
辨聰明智慧 [ Piān chhong-bêng tì-huī ]
辨聰明智慧1894.08 113卷 p.83今論到士、農、工、商，m̄若1等號ê 人，無koh-m̄ 各有智慧聰明。總是用家己 ê 智慧聰明，卻也真濟。若m̄是趁 in 私偏 ê 意見，m̄知thang反悔改變，就是hō͘世俗氣習把縛，bē 免得變通。Hāiⁿ ah！親像 hiah-ê講是智慧聰明，究真攏無智慧聰明tī-teh。Che是甚物緣故？獨獨boē-bat聽見聖經所講，「敬畏上帝便是智慧，離開歹事就是聰明」 hit號 ê 教示。 試將 in 倚靠家己 ê 私心來論，知讀冊人弄人相告來做狀書，向望食筆尾ê 錢。做田人bē 曉培養稻仔，常常放teh 拋荒。工夫人做出奇怪淫慾 ê 器具。生理...

[1894-8 台南府城教會報 文類-散文 作者--/-]
培養囡仔 [ Poê-iúⁿ Gín-ná ]
培養囡仔1894.08 113卷 p.87 凡囡仔斷乳 ê時bē-tit-thang一盡共款。總著看母身佮囡仔 ê 身軀àn怎樣。設使做母 ê 人身體無勇健，就應該著早斷乳較好；大約若到八九月就thang kā伊斷。若是母身氣力充足，囡仔軟弱，著聽候較慢，才thang。凡若囡仔今才發嘴齒，m̄-thang斷乳，嘴齒若慢發，也m̄-thang斷乳，大概著到度晬才來斷。因為一年了後，母ê 乳漸漸無力，bē 會培養囡仔。若beh 斷乳也 m̄-thang忽然間，著代先教伊食別物慣勢，tuì 漸漸到自然。凡7月日 ê 囡仔，每日2擺著用好ê 牛乳 hō͘ 伊食，佮水攪齊，然後水thang漸漸減較少；...

[1894-9 台南府城教會報 文類-散文 作者--/-]
一箍銀 [ Chi̍t-kho͘-gîn ]
一箍銀1894.09 114卷 p.92我前日看一箍銀tī某人ê手--裡就有想三項，是照下底所記載。1.有想hit個人怎樣得著hit一箍銀。Hit個銀雖然tī伊手--裡無的確是伊ê。濫糝得著銀有幾若款，從中thang講，----是搶--人，是偷the̍h--人，是勒索--人，是拐騙--人，是khiâu-khò--人，是橫chāⁿ--人，抑是poa̍h嬴kiáu佮出賣害人ê物，hit號。Chiah ê歹路平平thang嫌，亦人若趁chiah-ê僥倖ê計謀就所得著ê銀決斷m̄是伊ê。伊是歹人，伊是賊。凡若對重橫財上帝m̄-ti̍h ，亦hit個人的確bē得thang平安。得著合宜ê錢無人thang...