[1928-10 台灣教會報 文類-散文 作者-許水露/Khó͘ Chuí-lō͘]
對祈禱予人活 [ Tuì Kî-tó hō͘ lâng oa̍h ]
對祈禱予人活 許水露 1928.10.01 523卷p.9 Chi̍p-chip pè-hoē，創設以來歷過四年。信者小數，社會迷信做深，鄙人接任 (本年4月)以來，信者大細ta̍uh-ta̍uh拄著病痛(會外閣較傷重) ：是因為氣候不順，地氣變遷。醫生館藥店那廟宇，不時患者tīⁿ that-that。 中間Bān-sêng叔 (信者張Ban-sêng)一家八人，病六個。對新曆7月18號，就落來踮佇街--ni̍h Hô-sùn館。每日請醫生診察，服藥幾若禮拜，不見功效。反轉病勢那沉重。 對8月初，鄙人佮在街幾若个兄姊逐早起佇遐做早天的祈禱會。感謝上帝！了後大家服藥大功效，日...

[1928-10 台灣教會報/芥菜子 文類-散文 作者-周天來/Chiu Thian-lâi]
所著欣慕的 [ Só͘ tio̍h him-bō͘ ê ]
所著欣慕的 周天來 1928.10.01 523卷(芥菜子第32號) p.13-14 現代的人真無閒，致到in 的靈魂攏因為無祈禱紲真喙焦；求叫上帝紲那親像真困難的款。這的確是因為人猶未確實知所應該著欣慕--ê是啥物，才會致到按呢。人有盡心，盡意，拚性命來欣慕所應該著欣慕--ê抑無，這佇伊的生活上後來有真重大的結果佇teh。咱現在到底是teh欣慕啥貨？彼个應答若明，就猶原會知彼个結局；通分別人生的幸不幸；抑是浮，抑是沉；有元氣抑是衰弱，攏通知影。 設使咱若會通予咱的靈魂干焦欣慕一項，無欣慕別物；就其餘一切的物，有也好，無也是若準無相干。 咱若讀詩篇42篇就知，「親像鹿hā-hā...

[1928-10 台灣教會報/芥菜子 文類-散文 作者-陳添旺/Tân Thiam-ōng]
舊慣的盡力 [ Kū-koàn ê Chīn-la̍t ]
舊慣的盡力 陳添旺 1928.10.01 523卷(芥菜子第32號) p.17-18 (無意中的參觀) 義民廟是佇新竹州新埔街附近的山腳所在。照枋寮的人所知teh講，早年戴萬生反，有真濟人為著國家盡力來死；後來到劉欽差時代，皇帝有出詔封in做「義民爺。」對按呢真濟來奉敬，紲定例佇舊曆7月20日設普sì祭無主的孤魂。 這个廟有2000外租的財產，總是官府有共in制限，每年400租做雜費用，iáu--ê 寄附教育佮社會公共的事業。 這个普sì分做15區，逐區是15年著一擺；今年輪著中壢管下，大崙附近的 庄社。所開的錢真正濟，敢有10萬箍以上(毋是公錢，各人自擔)。 彼日祭典的光...

[1928-10 台灣教會報/芥菜子 文類-散文 作者--/-]
教囝的法度 [ Kà Kiáⁿ ê Hoat-tō͘ ]
教囝的法度 1928.10.01 523卷(芥菜子第32號) p.18-19 第七章 撙節 撙節這項，第一有利益人的身體，就是逐項袂予伊過頭去。囡仔食平常的食物第一有利益。早英國的女王I-to-lī-a細漢的時，干焦食牛奶麵包，佮平常的百姓無各樣。東爿chiah 的國的人愛食糖，抑是餅仔。所以攏軟chiáⁿ無力，閣有一款尿磷病的症，對按呢死--ê真濟。Gâu疼痛閣毋捌的老母，常常用糖仔餅仔予囝兒，致到後日成做一个貧憚貪食的人。所以囡仔予伊平常的食物，就通得著精神勇健的福氣。 食熏第一會害著少年人，會礙著伊的大，紲予伊的精神氣力衰弱。歐美逐國攏有禁令。凡若賣熏的店，攏毋准袂16歲...

[1928-11 台灣教會報 文類-散文 作者-楊士養/Iûⁿ Sū-ióng]
字紙籠 [ Jī-choá-láng ]
字紙籠 楊士養 1928.11.01 524卷 p.5-6 七十年後 雜貨店王Oa-ná-mé-kà有守佮in老母所約束的話；見若傷著人的品性的紙牌仔一切無賣。佇1860年8月初8，就是伊開店的第一日所賣的共有24 hut閣67 sián。過70年後伊的店員有一萬五千人。商品的價值有一億四千萬hut。伊有對天下證明誠實是做良的生理法。台灣人也講「老實好做本。」 食熏人會無閒 照看欲親像食熏的人hiah無閒--ê真少。因為食熏的人，天光目睭peh金就食一支，洗面了就suh一支，閣飯食袂khoà飽也愛pok一支。有時差不多食無停，suh無歇。這支紲彼支。宛然親像大工場的 煙筒te...

[1928-11 台灣教會報 文類-散文 作者--/-]
文約翰 [ Bûn Iok-hàn ]
文約翰 1928.11.01 524卷 p.3-4 「恩典充滿」 (續接前號第5面) 文約翰 taⁿ已經醒悟，不時teh祈禱，teh看聖經。總是無連鞭經驗得救的安心。反轉兩年半久有受魔鬼的攻擊真忝。有時伊愛試上帝，愛討神跡通看家己有所揀--ê；閣teh想檢采無影有上帝，抑是檢采Mô͘-hán-be̍k-tek是佮耶穌平平好；閣想檢采伊家己有犯著袂赦免得的罪。閣一擺魔鬼共伊講著賣基督；閣久久驚了家己是親像以掃「無反悔的地步。」按呢這項彼項ta̍uh -ta̍uh攪擾伊的心。佇彼中間也有濟濟聖冊來安慰伊，不過是暫時nā-tiāⁿ，也連鞭有別節「ná鎗」teh鑿伊。總是伊常常祈禱...

[1928-11 台灣教會報 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu Sú ]
台灣基督教史 吳昌盛 1928.11.01 524卷 (芥菜子第33號) p.11-13 (續接前號) 佇1650年11月10日的台灣年會報告書的 poa̍t-chuī有寫講，「過去六年久，Simon Van Green有去Tilosen設基督教的地基，亦有得著不止成功。伊離開遐了後，Jacobus Verrecht有不止熱誠來繼續伊的事業到這tia̍p。到舊年伊才有得著Gilbertus Happartius做伊的幫手。阮有teh期待佇這个所在會通得著真好的結果。現時這个事業有不止順調teh進行。Vertrecht已經不止精工本地話lah。毋但說教佮基督教問答用Tavolang...

[1928-11 台灣教會報 文類-散文 作者--/-]
囡仔！看！ [ Gín-ná! Khoàⁿ! ]
囡仔！看！ 1928.11.01 524卷p.8-9 細細有智慧(3) 閣掠一隻！伊是用腳teh跳teh thiok，真活動，著用雙手來hap才掠會著。Taⁿ你共伊看；真濟支跤，後面兩支閣較長；也有翅，thí一下開，長長幼幼mo̍h-mo̍h 那紗羅一樣。頭khok-khok！下顎較尖。彼是啥物？是草蜢--lah！ Taⁿ草蜢一項趣味；伊是teh當兵。有影無？若按呢伊thài無kia̍h家私？毋免，伊只有用in 的喙齒，跤佮翅，iáu-kú是當兵。啥物兵？in是屬佇步兵佮飛行隊，因為會行會飛。聖冊講「草蜢無王，會分in 的陣出--來」。也先知約耳有teh講，「遐的眾人緊緊行，...

[1928-11 台灣教會報/芥菜子 文類-散文 作者-陳清義/Tân Chheng-gī]
讀冊桌 [ Tha̍k-chheh-toh ]
讀冊桌 陳清義 1928.11.01 524卷 (芥菜子第33號) p.15-16 教會袂振興的因由 近來教會teh進步頓頓，照人teh拍算是因為傳教師袂曉交際，無外交的手腕，所以袂得通予教會興起，其實毋是按呢，照看現今的社會teh交際，真通予人驚，虛華過頭，傳教師若利用交際欲chhoā人來信主，不但chhoā in袂來，檢采予in chhoā去通虛華也無的確，閣再現今的交際，拄拄親像冊teh講，「世人結交須黃金，黃金不多交不深。」意思是講世間人欲交陪著錢，錢若無濟，交陪袂深。 設使若用交際會予教會興起，傳教師少少的有法得。Taⁿ照研究，教會袂振興的因由，有10項排列佇下底。 ...

[1928-11 台灣教會報/芥菜子 文類-散文 作者--/-]
教囝的法度 [ Kà-kiáⁿ ê Hoat-tō͘ ]
教囝的法度 1928.11.01 524卷 (芥菜子第33號) p.13-14 (接10月第18面) 第八章 好品行 快樂的性情，就是人一生萬福氣的源頭。要緊著培養佇心內有一款的家庭，囝兒thit-thô佇埕前，伊歡喜唱歌的聲聽到外面。有一款的家庭，攏是煩惱，面閣憂憂，吐氣的聲常常聽著，這款的大精差是怎樣ah？就是在佇做爸母的人會曉快樂抑袂。若是老母的氣力是比老爸較大，試來講幾若項。 見若囡仔學講話的時的確是學老母，所以囡仔起頭的性就是老母的性。若是做老母的人會無佇囝兒的面前受氣，有溫柔和氣，佮歡喜的面色，是比用世間逐項的好規矩來教示囝兒，贏過千百倍。有一款的家庭，干焦聽見受...

[1928-12 台灣教會報/芥菜子 文類-散文 作者-周天來/Chiu Thian-lâi]
迎接救主誕 [ Ngiâ-chih Kiù-chú-tàn ]
迎接救主誕 1928.12 525卷 p.15-16 周天來 咱佇這个冬天咧欲閣一擺來迎接救主誕。約2000年前出世佇世間的基督，今仔日猶過佇逐所在每年一齊咧祝賀；實在真正是通歡喜閣通尊敬的日。 兩千年前出世的基督，是彼時的救主，今仔日猶原是咱的救主，這是咱所信。「今仔日佇Tâi-pi̍t的城已經為著恁生一个拯救--的，就是主基督。」「伊欲做大，稱做至懸--的的囝；主上帝欲用伊的祖Tāi-pi̍t的位予伊。伊欲做王佇雅各的家到代代，伊的國也無窮盡。」 我所仰望，欲做我的心神的主出現；若想伊來就是欲引chhoā照顧我的靈魂，予伊得著安歇；實在咱的心肝未免得予歡喜佮感謝來充滿，...

[1928-12 台灣教會報 文類-散文 作者-王占魁/Ông Chiàm-khoe]
閣設基督主義病院 [ Koh siat Ki-tok chú-gī Pēⁿ-īⁿ ]
閣設基督主義病院 1928.12 525卷 p.6 王占魁 基督主義，意思就是將基督救人的心肝來做心，來設立病院。救人的身軀紲救靈魂。 論救人的機關有真濟款；雖然著倚靠上帝的神引chhoā伊的人，聽才會曉，才會通得著救；毋過咱袂通坐咧守株待兔 (一人看著一隻兔仔舂著樹仔死佇遐，彼人就坐遐聽候閣有兔仔來舂死遐通抾)。應該著盡咱的力佮機會，通予上帝便便好用。 照看設病院來傳道理是真好機會。因為四界佈道，濟濟人講，無閒通聽，有的聽了講好，毋過七日一擺停禮拜，真無閒通去禮拜。Taⁿ拄著破病，就有閒，來入咱的病院孤不將聽，那聽那有趣味，路尾就明白得救。閣佇患難的時真愛人同情。這時果然...

[1928-12 台灣教會報 文類-散文 作者--/-]
文約翰 [ Bûn Iok-hān ]
文約翰 「恩典充滿。」 (紲接前號第3面)。 1928.12 525卷 p.7 到路尾有一日伊騎馬去一所在，欲予一个老爸佮伊的囝閣相和。了後就去倫敦，路裡拄著風雨真大，對按呢予感著就起熱，破病無幾日就死去。 閣記伊咧講，我若今仔日受敨放出監，明仔日上帝若幫贊我，我欲閣傳福音。 「前我毋捌明白上帝的聖經親像這時。前佇我無趣味的聖經，taⁿ佇這所在咧照光予我；耶穌基督毋捌有親像這時遐爾實在。 「雖是按呢，我知影家己真軟弱；佇這所在佮我的婦人人以及遐的艱苦的囡仔相離親像肉佮骨欲離開的淒慘......因為咧想我可憐代的家所會拄著，特別是彼个可憐青盲的查某囡仔，我的心肝囝。若是猶...

[1928-12 台灣教會報/芥菜子 文類-散文 作者-陳清義/Tân Chheng-gī]
讀冊桌 [ Tha̍k-chheh toh ]
讀冊桌 (陳清義) 1928.12 525卷 p.13-14 教會袂振興的因由 (接前號第16面) 佇頂月有論起這層事，有講5項，taⁿ欲閣接紲來講5項。 6. 因為無疼痛人。論這个無疼人，毋是講無疼家己的爸母，某囝，親戚，朋友，就是講無疼一般的人。佇教會中的任職者較濟是重富輕貧，這是予聖神煩惱的事，予教會袂振興的起源。使徒雅各警戒教會講，我的兄弟啊，恁信奉咱榮光的主耶穌基督，毋是用外貌來款待人，不論佗一等號入會堂，著用同款來接接in，毋通用偏私的心來款待in，所以著謹慎，聖經講，著疼人親像家己。 7. 因為無怨恨罪。現在佇教會內，常常容允接納未悔改罪過的人，予in受洗禮做教...

[1928-12 台灣教會報/芥菜子 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu Sú ]
台灣基督教史 1928.12 525卷 p.11-13 吳昌盛 (紲接前號) 佇1657年，10月5日，台灣年會詳細書的跋萃有寫，「有對新領事接著Ba-ta-bia來的批信。彼个內容有咧嫌阮教化南部眾鄉社用新港話做用語，致到無得著大成功的事。閣亦講欲將這个地方的教化委託政府，毋予教會干涉。總是這項是因為當局干焦愛阮緊成功亦毋允阮的要求的所致。阮有對當局請六項，總是無允阮。(1)著愛予牧師有權通召集in所想得當的教師，閣予in有自由通揀in所欲研究的地方。(2)對欲研究南部鄉社的話的眾牧師，求政府歡喜予官吏來教。(3)In所召集的官吏到教師著愛指導in所愛欲學的話。(以下猶有三項，免...

[1928-12 台灣教會報/芥菜子 文類-散文 作者-張基全/Tiuⁿ Ki-choân]
Sat-bûn製造法 [ Sat-bûn Chè-chō-hoat ]
Sat-bûn製造法 1928.12 525卷 p.20 張基全 (接11月第20面) 2. 鹼(alkali = アルカリ)這項也通分做A，B，兩款。 A. 苛性Ka-lí。若用苛性ka-lí所做的sat-bûn，較濟水份，所以較軟；有人叫這款做軟sat-bûn (soft soap)，抑是叫做ka-lí sat-bûn。這款sat-bûn較快溶，也游離a-lú ka-lí(游離アルカリ)較濟，所以伊的性質較強，會刺激皮膚。所以這款的sat-bûn是咧予人洗衫用，抑是製油工場用-的。 B. 苛性蘇打。若用苛性蘇打來做的sat-bûn，較焦，較tēng，所以有人叫伊做tēng ...

[1929-4 台灣教會報 文類-傳記 作者-蔡清澤/Chhoà Chheng-te̍k]
黃--氏香ê小傳 [ N̂g--sī Hiong ê Sió-toān ]
黃--氏香ê小傳1929.04 529卷 p.8-9(蔡清澤)黃--氏香是屬大里教會ê老姊妹，人攏叫伊做松茂嬸。企家也是tī大里庄，45歲承受道理。1年前起骨頭痛，到舊年（昭和3年）11月3 日，得著大慈愛ê父，tháu放伊ê艱苦歸天，享受永活，tú 73歲，信主共28年久。稽考伊ê履歷，有下面chiah-ê美點:-- 1.ài佈道: 真愛引chhoā人歸主，四界佈道。Tī路--ni̍h若人問伊，就講beh做天國ê媒人(就是chhoā人hō͘耶穌)。非常好膽：較怨恨道理--ê、抑是富戶家以及甚mih名望人ê所在，亦nǹg入去beh招--伊。人客去伊兜不論是誰，開嘴就是道理。口才是平常。雖是án...

[1929-4 台灣教會報 文類-散文 作者--/-]
故旺長老娘 [ Kò͘ ōng Tiúⁿ-ló-niû ]
故旺長老娘1929.04 529卷 p.10卓旺長老娘出世就屬主，19歲才完婚，現在4個後生，3個查某子，內外孫15個。論伊tī世間家庭gâu調度，同心、和氣、熱心服事主。Tī 26歲tú著火燒厝ê時，厝、五穀、衣裳一盡燒--去，就用芎蕉頭chhoah做纖，配破布子過日。伊ê子枵食bē落--去，就苦勸伊講：「你著吞忍食。」暝日求叫主可憐。經過2禮拜就liâm-piⁿ有人送竹thang起草寮仔，也有人提舊衫、蕃藷纖、米，也得著宋牧師做衫來送。對án-ni 加添伊ê信心，真仁愛疼散hiong人kap厝邊。到大正元年來tiàm埤仔頭得著上帝恩典，趁有食勤儉、搰力、熱心，致到今仔日家庭2、30人，豬2...

[1929-5 台灣教會報 文類-散文 作者--/-]
爬上鷹鳥岫 [ Peh-chiūⁿ Eng-chiáu siū ]
Peh上鷹鳥岫1929.05 530卷 p.7-8(Chiu Gio̍k-chhun)(Climbing to the eagle's nest) 鷹鳥算是食肉ê 鳥類ê 中間，上大隻koh 上勇--ê ê 1款。Hit 個嘴角真利koh 勇，hit 個爪khiau-khiau koh 尖尖；所以到額thang 咬肉來食。 有時鷹鳥，連細漢囡仔也hō͘ 伊咬去囥tiàm 伊ê siū--ni̍h。無幾年前tī 蘇格蘭ê 所在，tī 1個山中果然有這個事誌。 Bat 有1日，熱天時，青天白日ê 時陣；有幾若個查埔人、查某人佮囡仔出去草埔割草。有1個食奶ê 嬰仔，因為傷細漢，bē tha...

[1929-5 台灣教會報 文類-散文 作者-卓道生/Toh Tō-seng]
追念李Hiu牧師 [ Tui-liām Lí Hiu Bo̍k-su ]
追念李庥牧師 1929.05 530卷 p.9-10 (卓道生) 牧師姓李名庥，英國蘇格蘭人，1867年奉差來台灣做頭一回的牧師。伊做人老成、欣慕道理，救人的心切；chhoā家眷離開伊的本鄉，冒險萬里的大海洋，直到廈門學台灣話；後--來紲招黃嘉智先生過來台灣的打狗，就是現時的高雄的旗後街；暫蹛前馬醫生醫病的宿舍，踮兩座做福音堂禮拜所；請洋行的萬醫生佮黃嘉智先生料理行醫的事。買地起洋樓做企家，謀設南神學女學；請澎湖林Kiam-kim先生幫贊教學生做傳教的人。 論起頭就是黃深河、胡古、雷金、黃根源、劉握，陳仰華；較後--來就是林中貴也名華，吳蒙楚，閣有在學學生劉茂清、黃秀輝、徐春枝、陳...