[1932-10 台灣教會報/芥菜子 文類-散文 作者--/-]
讀白話字佮教會報的所感 [ Tha̍k Pe̍h-oē-jī kap Kàu-hoē-pò ê só͘-kám ]
讀白話字佮教會報的所感陳Kim-chú1932.10, no.571 (KCC, no.81), pp.27 這塊文是南部郭朝成牧師寫，落佇高雄新報第13面的。 "我本身卻猶通講是一個聽道者若定。 道理猶捌無偌濟，減采寫了有所在較boē抵好亦無定著；所以若有毋著的所在，請赦免。"照敝人所讀，頂面彼篇論，即時感覺著兩項大各樣的思想出來。頭一項，是看彼篇論真感服彼个論者。 感服伊甚麼？ 就是感服伊有致意佇伊甚麼？ 就是感服伊有致意佇上帝盡忠的人的事跡，按呢證明伊本身亦是愛學彼款來行；所以有致意佇彼方面。 親像這款傳教家，來鼓舞教會，的確會興起。 頭一項，是看彼篇論真感服彼个論者。 感服伊甚麼？ ...

[1932-11 台灣教會報 文類-散文 作者-H. T. S./-]
宗教音樂雜感 [ Chong-kàu Im-ga̍k Cha̍p-kám ]
宗教音樂雜感H. T. S.1932.11, no. 572, pp. 17 近來宗教音樂漸漸發達進步，實在通歡喜的現象。 教會有幾若所在嶄然致意佇這層，有組織聖歌隊來teh奉事教會，這實在真通恭喜！ 照所信，教會佮音樂，自然是bē通相分離得的一項。 信仰生活的徹底，敬愛上帝的極致，自然會生出讚美的心，所以著用音樂來表現。 禮拜的大要素的一項，就是吟詩，唱歌呵咾。山田耕作 (Yamada) 先生講："音樂提來入佇日常生活的內面，這是我的念願。" 做信徒的人teh-beh講："音樂提入來宗教生活的內面，這是阮的念願。" 河川豐彥先生 (Kagawa) 講，"鄉村的人減采無米通食teh真艱苦，總...

[1932-11 台灣教會報/芥菜子 文類-散文 作者-陳瓊琚/Tân Khêng-ku]
Gâu人的教示 [ Gâu-lâng ê Kà-sī ]
Gâu人的教示陳瓊琚1932.11, no. 572 (KCC, no. 82), pp. 22-23 (1) 古早雅典閣有一個哲學者叫做Epictetus講，"人若想愛做好人，著代先信講家己是歹人。" 閣一個哲學者Seneca講："若會曉為著家己的罪來煩惱的人，通講彼个人得欲近佇無罪啦。" 中國的聖人講：若有過失，就毋通貧惰改。 總是佇世間有一款人，不時找空找縫，謠言造語，都是欲害別人，開嘴就是呵咾家己的好，抑講別人的歹，照頂面的教示來看，抵是愈顯明家己的歹愈現，所以信主的，的確毋通學按呢。 (2) 英國有一個出名的詩人叫做Coleridge講："咱世間人的心內，逐人都有濟濟親像下等動物的...

[1932-12 台灣教會報/芥菜子 文類-散文 作者-陳瓊琚/Tân Khêng-ku]
Gâu人的教示 [ Gâu-lâng ê Kà-sī ]
Gâu人的教示陳瓊琚1932.12, no. 573 (KCC, no. 83), pp. 25 （接11月22面）(5) Martin Luther講："有一擺，魔鬼近倚來講，‘你是大罪人，所以你的確會滅無。' 總是伊講，"照你所講：我實在是大罪人，毋過耶穌抵抵是落來世間，欲拯救有罪的人，所以我倚靠伊毋免抵著沉淪。" 魔鬼到尾無法度，就離開伊。 今仔日亦有一款teh做魔鬼的跤手的人，真愛批評人的歹，卻gâu吞忍，來受批評的人有福氣，因為咱的主若無嫌咱就好，予魔鬼嫌無關係，到尾顛倒彼款人家己著受責罰。 (6) 古早人有一句教示的話講："查甫囝若出到門口，就著想講有七個對...

[1932-6 台灣教會報/芥菜子 文類-詩 作者--/-]
紀念設教 [ Kì-liām Siat-kàu ]
紀念設教蕭安居 作1932.06, no. 567 (KCC, no. 77), pp. 26 1. 早前咱行迷路的時，真活上帝都毋捌伊，遮的偶像看做對重，若毋服事就有災殃。2. 早前咱行迷路的時，救主耶穌都毋捌伊，罪惡刑罰心全無明，掠做行義通得洗清。3. 早前咱行迷路的時，保惠先生都毋捌伊，Bē的變會，憨的變精，想是勤讀學志心明。4. 早前咱行迷路的時，三位的神發出慈悲，開啟母會傳道異邦，專差使者盡力救人。5. 今咱捌父歡喜然伊，也捌聖囝是咱兄弟，閣捌聖神感化萬民，稱謝萬民予咱換新。 ...

[1934-1 台灣教會公報/芥菜子 文類-散文 作者-李水車/Lí Chuí-chhia]
極小可的物 [ Ke̍k sió-khoá ê mi̍h ]
極小可的物李水車 譯1934.01, no. 586 (KCC, no. 96), pp. 25-26 照東京鐵道局所發表--的，每日若一人會節儉米一粒，就全國一年會節儉得3千外石的米。 東京的鐵道局捌調查Niáu-tin，Ú-to͘-kiong，Ko-kî，Suí-hō͘，Chhian-ia̍p各車頭，將便當所棄sak粘著的飯粒，拾起來算，佇10日的中間所計算--的，最多--的，一盒有4千8 百10粒，最少--的，亦有22粒，共伊平均，每盒有3百50粒，若用一年來計算就有11億8千2百41萬粒，若是一升chiah有7萬8千粒若定。 按呢干單頂面所講彼幾所在，就一年久會拾得一百57石3斗 5...

[1932-9 台灣教會報/芥菜子 文類-詩 作者-章王由/Chiong Ông-iû]
亞當佮夏娃佇樂園 [ A-tong kap Hā-oa tī Lo̍k-hn̂g ]
亞當佮夏娃佇樂園章王由 作1932.09, no. 570 (KCC, no. 80), pp. 24 （調愛用march）............1. 亞當夏娃佇樂園，逐項福氣攏齊全；規群禽獸in無驚，逐隻動物攏號名；園內有物通食，上帝備辦真夠額；大家攏無傷害，出在亞當teh安排。2. 亞當夏娃佇樂園，逐項福氣攏齊全；上帝有創造逐項，攏總賞賜in兩人；果子千千萬萬，In有自由通來挽；善惡果有禁止，若食的時的確死。3. 亞當夏娃佇樂園，逐項福氣攏齊全；魔鬼怨恨in兩人，愛in悽慘佮伊同；借蛇嘴來拐誘，夏娃受迷續伸手；食禁果受責備，連累亞當有代誌。4. 亞當夏娃佇樂園，逐項福氣攏齊全；犯罪了後...

[1932-6 台灣教會報/芥菜子 文類-小說 作者-李水車/Lí Chuí-chhia]
輪迴的矛盾 [ Lûn-hoê ê Mâu-tún ]
輪迴的矛盾李水車1932.06, no. 567 (KCC, no. 77), pp. 25 某所在有一個打獵的人，有一日夯一支槍欲去山內打獵。 Tú行到山腳的時， 抵著一個出家的和尚，看見彼个拍獵的人，夯槍欲去拍獵。 就生出可憐的心。 問拍獵的講：某甚麼兄，你欲叨位去？ 拍獵的人應講，我欲入山來去拍獵， 彼時彼个和尚就用輪迴的道理詳細講予伊聽，叫伊的確毋通殺生，因為在生若害死彼項物，後來的確會出世做彼項，譬喻來講：在生拍死一隻鹿仔，後來就會出世做鹿仔，若是拍死蛇，後來的確出世做蛇，不論拍死叨咯一項物，後來的確出世做彼項。 拍獵的人問伊講，敢真正有影會按呢，和尚想應講，的確有影noh，無騙...

[1932-8 台灣教會報/芥菜子 文類-小說 作者-李水車/Lí Chuí-chhia]
賣豆腐婆仔 [ Boē tāu-hū-pô-á ]
賣豆腐婆仔李水車1932.08, no. 569 (KCC, no. 79), pp. 26-27 佇7，8年前，花蓮港Lí-hí-bé的所在，有一個賣豆腐婆仔。 伊賣10外年久，存有1600外箍的現金。 伊將這个錢貯佇肚綰袋仔內，攏毋敢借人，毋敢寄銀行抑是郵便局，因為驚了予人倒去。 有一擺風聲，聽見雞籠有一陣的剪鈕仔過去花蓮港，四界剪人的錢。 伊聽著不止驚，因為伊的肚綰袋仔內有千外箍tī-teh，teh掛慮毋知著怎樣設法。 後來伊有一個好朋友，苦勸伊著提去寄銀行抑是郵便局，chiah有妥當。 不得已伊就提花蓮港，欲寄銀行。 到位的時問人看銀行佇叨位，人共伊講，佇彼間。 入銀行的時，就問銀行...

[1932-1 台灣教會報/芥菜子 文類-散文 作者--/-]
人類的日頭 [ Jîn-luī ê Ji̍t-thâu ]
人類的日頭陳瓊琚1932.01, no. 562 (KCC, no. 72), pp. 17-18 這句話是世間人teh稱讚彼个大發明王愛迪生 (Edison) 的。 1847年2月11號，佇美國‘Ohio'州的小庄社，叫做Milan遐，伊有出世。 伊的祖是做製薰業者，閣亦是長壽佮勇健。 伊的老父是teh做木材商佮五穀的生理。 伊的老母叫做Nancy Elliot是蘇格蘭的人。 總是受教育佇加拿大，是準備欲做先生，所以有受相當的教育，閣性質是真溫純佮儉僕。 愛迪生入學校干單兩月日若定，就予學校革出學，閣宋凶，所以以後攏是受老母的教示若定。 伊的老母致意引chhoā伊會...

[1932-2 台灣教會報/芥菜子 文類-散文 作者--/-]
人類的日頭 [ Jîn-luī ê Ji̍t-thâu ]
人類的日頭陳瓊琚1932.02, no. 563 (KCC, no.73), pp. 17-18 （續接前號）閣論伊的食，亦是真簡單，閣無偌濟。 照伊所想逐人攏有食傷過頭。 閣伊定著若食飽，隨時就離開食飯桌，毋捌閣坐佇遐來講話。 伊一世人無啉酒，不過愛食薰，亦閣愛啉厚的咖啡茶。 照頂面所講來看， 減采有人想講：愛迪生生涯的確是親像機器tek--的，其實抵是對反，因為伊猶原gâu講笑，是不止心適的人。 閣伊身軀的重量幾若十年久亦是175磅，攏無變換，這个是tuì佇伊gâu節制伊的食物所致。 伊捌講伊tuì大漢了， 予洋服店量身體做衫褲干單一擺若定，以後攏是用舊的衫攇去比若定，因為伊的身體攏無...

[1932-8 台灣教會報 文類-傳記 作者--/-]
吳Lo̍k長老的小傳 [ Gô͘ Lo̍k Tiúⁿ-ló ê Sió-toān ]
吳Lo̍k長老的小傳郭朝成 記1932.08, no. 569, pp. 18-19 吳Lo̍k叔，出世佇斗六平民的家庭，歷過真濟艱苦。 到壯年的時，賺歹風俗，嫖、賭、飲，三字全，也學做戲，伊的弦仔遐gâu挨，是tuì做戲得著的。對伊的放蕩，身軀帶症頭，經過偌濟醫生，無法得，腹肚脹大若準婦人人有娠。 有人報伊去茄苳仔（西螺）拜堂，買西藥，聽道理就會好。 一下聽著道理真歡迎。 逐禮拜往回4鋪路去禮拜，身軀雖是帶病也無嫌艱苦，歡喜去。 彼時吐瀉的症大流行，濟濟人染著，續死。 Lo̍k叔也著，毋旦無死，腹肚續消消去，無久身體勇健。 決心做主的學生，Lo̍k嬸也做熱心的基督徒。近來伊的身體較lám...

[1932-11 台灣教會報 文類-散文 作者--/-]
安然歸國 [ An-jiân Kui-kok ]
安然歸國旗後教會1932.11, no. 572, pp. 7 林天國佇1923年，5月9日出世佇澎湖東吉島嶼。 伊是林Têng兄的長男， 6、7年前，林Têng兄有搬徙伊的家眷來踮佇旗後。 林天國佇1928年， 昭和2年8月21號，tuì蘇育才牧師領先做小兒會員。 5 歲入幼稚科，常列優等，今已經進入中等科甲組。 人才出眾，品行高潔，一舉一動，攏是大人氣慨，內親外戚，會內會外不止呵咾。可惜佇8月21號，負病以來，入佇海老明醫院治療，兩禮拜外有較好；總是後來忽然患盲腸炎，日日沉重，西、漢醫請真濟，無法可救。 入院中，本堂的許牧師ta̍uh-ta̍uh去安慰伊，著伊祈禱，看伊的面攏無一屑仔哀...

[1932-12 台灣教會報 文類-傳記 作者--/-]
朱朝來長老的小傳 [ Chu Tiâu-lâi Tiúⁿ-ló ê Sió-toān ]
朱朝來長老的小傳郭朝成 記1932.12, no. 573, pp. 21 朱朝來長老，早前toà佇霧峰庄的萬斗六耕農。 佇29年前來草屯教會，受梅甘霧牧師洗禮。 因為湖溪阻擋，較常去大里教會禮拜。 佇26年前做大里教會的執事。 後來搬徙toà佇北山坑耕農。 無偌久，北山坑設教會，伊也接續做執事，續升做長老。伊的做人是中直，溫柔，熱心敬拜上帝，gâu做教會的工。 伊toà北山坑幾十年久，家庭la̍p-kha̍p，物質方面通講是失敗，家庭散赤，婦人人失明，囝一個做勞工，一個細漢，本身代積水的病幾若年久。 實在是通可憐的家庭。 若是朱長老，是安貧樂道，不時笑容，無僥疑上帝，無嫌人。這幾年北山坑教...

[1933-1 台灣教會公報 文類-詩 作者-蕭安居/Siau An-ku]
設女宣道會滿10週年的歌 [ Siat Lú Soan-tō-hoē moá 10 chiu-nî ê Koa ]
設女宣道會滿10週年的歌蕭安居 作1933.01, no. 574 (KCC, no. 84), pp. 26 （調用聖詩第一首，舊調）。1. 女宣道會設原因，為欲傳道救萬民；做工記得一目ni̍h，忽然經過滿十年。2. 起頭會員人額少，無論遠近出力招；專靠救主來扶持，成做這會榮光伊。3. 數念上帝恩典大，咱著呵咾攏無煞；協力鼓舞走進前，決意路中毋通停。4. 聖神贊阮ná奮志，氣力日日大加添；心盡歡喜跤gâu行，Chhoā人濟濟上天城。 ...

[1933-2 台灣教會公報/芥菜子 文類-詩 作者-章王由/Chiong Ông-iû]
掖種的譬喻 [ iā-chéng ê phì-jū ]
掖種的譬喻章王由 作1933.02, no. 575 (KCC, no. 85), pp. 28 調用讚美歌第二篇一九○番作曲者M. C. Brown.1. 傳主道理若teh掖種，不論好歹地無揀；四散也落就出在伊，到時聽候收果子。落佇路邊的，飛鳥teh去食，這款卻boē會算額；比並有人聽著道理，魔鬼到即時搶去。2. 有的掖佇石格所在，緊發芽也快長大；設使抵著炎日來曝，土淺無根枝葉落。譬喻人有歡喜承受道理，知識因為不徹底；減采抵著大的試煉，伊的心就快想善。3. 有的落佇刺柿內面，平發起佮in做陣；若是刺仔較緊大叢，遮蔽到予伊絕望。親像人聽著耶穌的教示，貨物錢財遮蔽伊；予伊有開花無結子，路尾也枯...

[1933-3 台灣教會公報 文類-散文 作者--/-]
母性的模範者Mô͘-nî-ka [ Bú-sèng（母性）ê bô͘-hoān-chiá ]
母性的模範者 Mô͘-nî-ka1933.03 576 卷 p.29-30 自古至今，人類所會予女性的最懸的稱讚，扑算是「良妻賢母」這句。咱看，佇各方面的gâu人的後面，大概都有老母的氣力變遷。總是老母的疼，會到完全的款式，是對直接á是間接，有行欲貢獻佇人類的路。教會歷史上的大偉人Ò-kó͘-sū-teng，扑算咱攏捌伊。總是造成伊的，就是伊的老母。Mô͘-nî-ka。咱通講，因為有Mô͘-nî-ka才有咱所捌的 Ò-kó͘-sū-teng。將放縱的囝造成到信仰的大偉人，佇遮伊的苦心講袂盡。伊的生涯，就是流目屎的生涯。伊的生涯，就是搥胸來對上帝哀求的生涯。伊的經過完全通做咱的模範，也特別做「...

[1933-4 台灣教會公報/芥菜子 文類-詩 作者-章王由/Chiong Ông-iû]
主選召掃羅 [ Chú soán-tiàu Sò-lô ]
主選召掃羅章王由 作1933.04, no. 577 (KCC, no. 87), pp. 30 1. 近大馬色路中，耶穌現異象，用大光來做號，主揀召掃羅。有叫掃羅的名，伊有聽見聲，予伊跋倒佇地，命令伊反悔。和。 主神看耶穌死，就有光通照你，受主人格感化，佇你心內閣活。開你目睭光明，通tuì正路進前，主差你引chhoā人，予in來投降。2. 主來完全律法，你啥事拒絕，若趁家己意見，主就無顯現。你的良心若醒，就有通看見，主心憐憫，慈悲，溫柔teh叫你。3. 主叫亞拿尼亞，講：啥事無膽；著顯明你的光，Chhoā掃羅倒轉。欲揀伊做器具，傳主恩豐富，順趁命令做工，好膽去救人。4. 強壯你的心志，主就...

[1933-6 台灣教會公報/芥菜子 文類-詩 作者-章王由/Chiong Ông-iû]
母性的愛 [ Bú-sèng ê ài ]
母性的愛章王由 作1933.06, no. 579 (KCC, no. 89), pp. 29 1. 我佇細漢的時，常踮老母身邊；受伊養飼幫贊，我實在真平安；伊疼麼有用真情，為我甘願犧牲，我抵著危險破病，伊看顧我無離；論這款疼我的恩義，我著數念伊。2. 耶穌捌講這句，伊是親像家母；我是伊的囝，所教示我著聽若報我講有危險，伊翼下我通閃；我靈魂親近耶穌，魔鬼就無法度；伊為我甘願來犧牲，數念伊恩情。3. 我真欣慕老母，愛佮伊toà久久；靈魂老母耶穌，啥事我無欣慕；看伊展翼佇十架，甘願忍受災厄；艱苦到死全無驚，欲救我的性命；數念伊疼痛到永遠，正是心所願。 ...

[1933-6 台灣教會公報/芥菜子 文類-詩 作者-柯維思/Koa Î-su]
造化歌 [ Chō͘-hoà Koa ]
造化歌柯維思1933.06, no. 579 (KCC, no. 89), pp. 28 1. 起頭上帝造人類，身體做好就歕氣；彼時予in踮叨位？踮佇樂園極富貴。2. 咱人始祖是亞當，夏娃佮伊踮石洞；行遊賞花極清爽，暗時安眠佇石洞。3. 若是晴天無落雨，有時安眠佇草埔；樂園有獅亦有虎，猶久天父teh保護。4. 天是無限的所在，地tuì烏雲變出來；百項原素攏在內，就有南北佮東。5. 古早地球若日頭，周圍有水遍地流；地動膨出大山頭，Chiah有深海佮坑溝。6. 山頂萬項的花草，平洋滿滿粟，麥，豆；山坑石壁青苔厚，溪墘水邊蓮花頭。7. 天頂安排日，月，星，空中配置雁，鷹，鴟；山內有出虎，狼，狸，水...