[1966-12 台灣教會公報 文類-散文 作者-楊雲龍/Iûⁿ Hûn-liông]
我所數念信仰上的師友 [ Goá só͘ siàu-liām sìn-gióng siōng ê su-iú ]
我所數念信仰上 ê 師友楊雲龍1966.12.01 P.10-11 我所數念ê先生是老蘭醫生。時間是我tú-tú畢業醫學，得-tio̍h 萬珍珠姑娘介紹入彰化醫館，跟tè老蘭醫生實地學習訓練醫術， tuì án-ni chiah kap伊接觸。 蘭醫生真謙卑，也真尊重人ê 人格，伊ê 待人接物， hō͘任何人to感覺是用溫柔，用疼心，用禮貌teh 接接人；無論貧富，不論階級， 男婦老幼，凡若見伊ê面to感覺真可愛，真歡喜thang親近。伊是先進 ê英國人，也是醫生，但是攏無優越感，也無驕傲氣；阮做伊ê部下，看伊並無自尊是院長，是指導者；我若請教伊，就用謙卑ê 態度相kap研究，...

[1940-3 台灣教會公報 文類-散文 作者-楊雲龍/Iûⁿ Hûn-liông]
醫院通訊 [ I-īⁿ Thong-sìn ]
醫院通訊 台南新樓病院 楊雲龍 194003 660號 p.20-20 感謝上主的恩典，照顧病院經過4年外久真順序。閣再受著無上的光榮，就是佇2月11日(皇紀2600年的紀元節)午前10點40分，在知事公室有舉行御下賜金的傳達式，咱病院有閣得著恩賜，我有拜受御下賜金一封，實在至極的光榮，也感覺真恐俗的所在，對心底真大感謝皇恩普遍到佇咱，予咱閣較著奮勵努力，予這个好的事業閣較有意義的進步發達，通報答皇恩萬份的一份。這號恩賜自大會承接以來，逐年有得著。 閣一个歡喜的消息，就是siāng日佇市役所也有得著州知事閣下的獎勵金，深深感謝無煞。今閣較著覺悟決心來前進盡瘁佇咱的事業，大向望大家閣較...

[1966-6 台灣教會公報 文類-傳記 作者-蕭Bêng-chiok/Siau Bêng-chiok]
故許敏長老娘小傳 [ Kò͘ Khó͘ Bín Tiúⁿ-ló-niû Sió-toān ]
故許敏長老娘小傳蕭 Bêng-chiok1966.06.01 p16 五月8號母親節 ê時，中中溪湖教會有表彰兩位 模範母親。中間一位，就是故 Khó͘ Bín長老ê夫人， 86 歲，伊有5 ê後生，大囝 Tok-sìn， 二囝 Tok-jû， 三囝 Tok-lé， 四囝 To̍k-sit攏是長老， 五囝 Tok-gī是執事。 大孫是東海大學助理校牧 Khó͘ Bêng-chiau牧師， 囝孫70 goā人。八號受表彰了，無拍算tī 13號上午 1點受主揀召歸天， 14下晡告別禮拜，有賴仁聲牧師kap Lân tāi-oē博士特別來講悼詞。 論故人 ê美德有幾偌項thang h...

[1933-4 台灣教會公報 文類-散文 作者-K. Y. C./K. Y. C.]
真好機會 [ Chin hó Ki-hoē ]
真好機會(K. Y. C. Kì)1933. 04, no. 577, pp. 4 　　關心人ê靈魂得救ê天父，對伊ê疼，有賞賜會記ê好消息，ài報列位知：－　　Ⅰ. 講演。秋山、多辻（秋山由五郎，多辻春吉）二位先生ê名，是咱大家所識，盡忠傳主福音ê巡迴會傳道者（巡回傳道者）。　　In兩个是親兄弟，已經有來台灣幾若擺；佇存年11月1號，作陣過美國，作主真好ê干證，佇遐約1年久。舊年秋天轉來；3月8號koh到咱遮lah。　　Taⁿ若有教會ài請in去講演，無論濟少日攏好...

[1931-7 台灣教會報 文類-散文 作者-劉良泰/Lâu Liông-thài]
李Hok-sêng君 [ Lí Hok-sêng kun ]
李Hok-sêng君劉良泰1931.07, no. 556, pp. 10 李Hok-sêng過身啦。 捌伊的人，聽著無毋傷心。君tuì出世就無見著老父的面。 自幼艱苦。 老母共人煮，伊有佮伊的阿伯toà。 真得人疼。君5，6歲的時，就會顧豬、顧牛。 也7，8歲的時，有來禮拜一擺。 到13歲chiah入公學。 彼時有續來讀主日學。 連鞭會讀聖經，也會看羅馬字批。君佇學校真勉強，佇厝內骨力。 有鬥幫贊煮食，也會做生理。 捌一擺佇熱熱的時，一日賺有60园。公學卒業了，就佇關廟佮公醫toà，做調劑兩年久。 總是嫌無通禮拜，就去台南學裁縫。 倒來厝裡年外，正式做李清標長老的長男，soà結婚。 佇這霎有...

[1964-10 台灣教會公報 文類-戲劇 作者-王Chhái-kí/Ông Chhái-kí]
食洋教 (4) [ Chia̍h Iûⁿ-kàu (4) ]
話劇 食洋教 1964.10.15 944期 p.13-15 王Chhái-kí譯 馬：毋知伊有去阮厝裡無？ Io：有，去幾若擺，閣予遐的囡仔一寡糖仔佮尪仔圖。 馬：(想一下)。照我看，人真實信耶穌，毋是為著甚物報仇，taⁿ來講，咱以前對in所做也實在真無天良。 Io：伊猶過按呢對待咱，我的心也感覺袂當過，咱欲怎樣？ 馬：Taⁿ著按呢，咱著請全庄的老大賢人(頭人)辦幾塊酒桌，放幾篙的連炮共in 賠罪，甘願接受in的刑罰。 Io：欲罵，欲拍，欲刣，我老Io攏出在伊，決斷無推辭，甘願承受。 馬：好，咱就按呢做。(音樂) (轉場炮聲，人聲大鬧熱)。 馬：來啦，來啦，陳--家...

[1964-10 台灣教會公報 文類-戲劇 作者-王Chhái-kí/Ông Chhái-kí]
食洋教 (3) [ Chia̍h Iûⁿ-kàu (3) ]
話劇 食洋教 1964.10 943期 p.11 王Chhái-kí譯 牧：請各位聽我讀一段聖經，佇馬太福音傳5章38節到48節。這是耶穌佇世間的時，親喙對人教示的話；「恁捌聽見有話講，目睭賠目睭，喙齒賠喙齒；若是我共恁講，莫得佮歹抵敵；若有人搧你正爿的喙phoé，倒爿的亦越予伊。有人愛告你，提你的內衫，外衫亦放予伊。有人勉強你行一里，就佮伊行兩里。對你求的，予伊；欲共你借的，莫得越走。恁捌聽見有話講，著疼你的厝邊，怨恨你的對敵；若是我共恁講，對敵恁的，著疼in；窘逐恁的，著替in祈禱；予恁成做恁佇天裡的父的囝...................... (會眾唱短歌的聲)...

[1964-9 台灣教會公報 文類-戲劇 作者-王Chhái-kí/Ông Chhái-kí]
食洋教 (2) [ Chia̍h Iûⁿ-kàu (2) ]
話劇 食洋教 1964.09.15 942期 p.12-13 王Chhái-kí e̍k 老母：是甚物人？ 馬：是我，陳牧師娘，我是馬大頭，請你較緊開門。 老母：三更暝半，有甚物代誌？ Io：莫嚕嗦，緊開門，聽候一時仔就知(to̍k-to̍k，拍門的聲)。 老母：Tih-tih，較緊起來，去開門。 小弟：(開門的聲)甚物人啊？ 馬：陳牧師娘！真失禮，團裡的命令，請恁走一逝，(越頭)老Io，提索仔來縛起來，拖teh行。 小弟：你是按怎teh縛人，無講理由mah？ Io：講理由，甚物人欲佮恁遮的背宗忘祖。 小弟：你罵人！ Io：罵人？！(拍人的聲)。 小弟：...

[1964-8 台灣教會公報 文類-戲劇 作者-王Chhái-kí/Ông Chhái-kí]
食洋教 (1) [ Chia̍h iûⁿ-kàu (1) ]
話劇 食洋教 王Chhái-kí 譯 1964.08 939, 940合 P.20-21 佇64年前ê庚子年，是中國因為義和團ê叛亂拄著最悽慘ê災難ê年，hit時西洋人攏受稱呼做「Ta-mau-chu」（大毛子），信主ê人á是食西洋頭路ê人，攏受稱呼「Er-mau-chu，」（二毛子），若毋是受刣，就是受掠，受窘逐。中間有人老母kap小弟，小妹攏受刣死殉教，所賰伊本身，竟然是今仔日咱中國一个最有聲望ê老牧師。 這篇是「生命之道」月刊借伊ê經過編做話劇。王女士kā翻譯過來ê。佇遮kā「生命之道」月刊說謝。 老牧師佇落南火車中，有一個旅客譏刺伊「食洋教，」「...

[1964-1 台灣教會公報 文類-散文 作者-王Chhái-kí/Ông Chhái-kí]
傳教者子女ê苦樂 [ Thoân-kàu-chiá chú-lú ê khó͘-lo̍k ]
傳教者子女Ê苦樂 王Chhái-kí 1964.01.15 926期 P.11-12 有一日，公報社ê編輯先生叫我寫我做牧師囝ê心得，論我做牧師囝ê是事實ê，總是我是頇慢講：也頇慢寫，所以有推辭，若是編輯先生再三ê交託，所以我chiah寫我所會記得，所感想ê做大家ê參考。 1。我是第7个查某囝：咱ê風俗是重男輕女，若生著男ê，就講恭喜；若生著女--ê，就講細仔聲，也好。我做第7个查某囝，我ê以前無半ê查甫嬰，連續6个女--ê，我出世也是女--ê，若普通家庭，老母著哮，老父著喙仔tū-tū，阿公，阿媽攏毋kā伊做月內，毋情願號名，凊彩號，罔io， 罔飼， 雞屎，毋tihN8...

[1941-11 台灣教會公報 文類-散文 作者-黃德輝/N̂g Tek-hui]
聖冊的權威 [ Sèng-chheh ê koân-ui ]
聖冊的權威 黃德輝 1941年11月680期 2-5 我無袂記得你的話(詩119：16) 這句就是詩人所講--的，也伊一擺過一擺按呢講。這章是詩篇做第一長--的，也是聖冊全本做第一長--的，有176節，也佇逐節有陳述聖冊，有時叫做上帝的話，有時是律法。詩人一擺過一擺講，我欲戀慕遵守你干證的話，我欲守你教示的話，我無袂記得你的話。 總是taⁿ真濟人佇今仔日誠實無隱瞞，in穩當無講「我無袂記得你的話」。就是講，「我袂記得你的話lah」。也毋是講，「我欲戀慕遵守伊，」就是「我看輕伊」，in無欲佇濟濟機會來精進無袂記得伊的話，反轉提供理由，怎樣in袂記得伊。 1.因為...

[1933-9 台灣教會公報 文類-散文 作者-李崑玉/Lí Khun-gio̍k]
霧峰一新會 [ Bū-hong It-sin-hoē ]
霧峰一新會 1933.09.(582卷)p.18-19 李崑玉 1.一新會到今年3月19號，是一週連。有開紀念會，鬧熱幾仔日，講千人來相佮歡喜。委員長 Phan-liông先生穩當有看較深遠，毋是掠鬧熱是目的。是希望有實質，會建設的人才，來成真正利益社會，改造社會；所以深深teh煩惱，感覺實用的人物真欠缺。 2.社會部的事業，猶原照常teh進行，巡迴講演，土曜講座，今換做日曜講座，婦人親牧會，青年懇談會，雄辯會。十外人，訂 12分鐘的演說。聽的人真感激。 兒童的親愛會，幾仔百的囡仔，請阮講故事予in聽，遊戲、體操、分餅，逐擺真歡喜，真心適。獻堂先生逐擺的聚會，非常扑拚親切來應援指...

[1937-4 台灣教會公報 文類-散文 作者-主筆/Chú-pit]
現代基督徒使命 [ Hiān-tāi Ki-tok-tô͘ Sù-bēng ]
現代基督徒的使命 主筆 1937年4月625期 1-4 使命是甚物？就是「一个人感覺伊受託應該去做的工程」。換話來講，使命，就是咱應該盡的天職。比並來講，一名警察官伊的使命，就是維持治安；一名兵伊使命，就是保護各國；一名傳教者的使命，是幫贊人生脫出罪的苦海；一名教育家伊的使命，是造就人才。 咱逐人袂通毋愛擔當使命得。耶穌設頭家用銀交代伊的奴僕的譬喻，有的領5千，有的領兩千，有的領一千，叫in去做生理，就去出外。過真久，主人轉來的時，3个奴僕攏來報告in的成績。領5千佮兩千--的攏有盡本份趁重倍，得著主人的呵咾。彼个領一千--的受主人咒詛紲刑罰--伊。伊敢有做啥歹？卻無...

[1937-3 台灣教會公報 文類-散文 作者-主筆/Chú-pit]
活命 [ oa̍h-miā ]
活命 主筆 1937年3月624期 1-2 活命，是真寶貝，閣是人人所意愛--的。雖然尊貴做國君，好額有四海；總是一旦無活命，就一切歸佇烏有啦！所以主耶穌講，人若得著全世界，來喪失伊的性命，有甚物利益？ 活命的源頭：科學家講活命是自然有--的。因為若將一塊的土糜，囥佇瓦phoè的頂面，無久家己會發草仔。抑是將草仔佮水囥佇矸仔內，無久會生濟濟細細的蟲。毋過你若將土糜過燒，矸仔內的水過滾，你想會發草，生蟲袂？的確袂。可見活命毋是自然家己有--的。 活命佇道的內面：基督是咱的活命。試看基督的道理，無論啥時代，傳教無論甚物地方，不時受魔鬼佮伊的部下的反對，破壞，打倒......

[1937-2 台灣教會公報 文類-散文 作者-主筆/Chú-pit]
教界的期待 [ Kàu-kài ê Kî-thāi ]
教界的期待 主筆 1937年2月623期 1-3 本二月，是教會政治機關議會的時期；特別佇3月有南部大會佮台灣大會最高機關的招集。當佇這个非常時，有非常的會議，向望有非常的效果。啊！佇這个1937年，是全信徒著向前進(前進 腓立比3：13，14)的目標來努力，才無辜負基督佇十字架替咱死的恩情。鄙人對台灣教界的期待拜排列幾項做列位疼主的兄姊參考：─ 1. 祈禱振起。無論啥人攏知，若無祈禱，伊的信仰生活袂通充實成長。總是予咱大著驚--的，就是濟濟基督徒無teh祈禱。所以祈禱會袂活動，是無通奇怪。設使伊若果真確信有一位實實在在的上帝佇teh，自然愛祈禱，愛交陪上帝。向望對...

[1937-1 台灣教會公報 文類-散文 作者-主筆/Chú-pit]
新年所感 [ Sin-nî só͘Kám ]
新年所感 (主筆) 1937.01 第622號p.1 無論啥人，攏愛新-的。佇咱的生活，無論啥代誌，攏有囥慾望佇咧，就是愛較大，較充實，較新-的。咱的向上心若無絕斷，用真劍努力來進前；自然無論佇咱的事業抑是思想，就感覺有活氣，新新，快樂的氣氛佇咧，若感覺著是新-的，就真歡喜，這是一般的人情。其實若閣斟酌共想，佇這世間都無新的，差不多攏是舊的了了。昨昏的我，佮今仔日的我，都攏無變換。新年的世界，都也無顯出甚物新奇咧！ 總是閣倒反共想一下，佇這个世間，都無一項是舊--的，攏是新的了了。萬事，萬物攏換新的面目。昨日的我，過毋是今仔日的我。舊年的社會，過毋是今年的社會。舊--的，決...

[1935-1 台灣教會公報 文類-散文 作者-主筆/Chú-pit]
社說：新年kap公報 [ Siā-soat: Sin-nî kap Kong pò ]
新年佮公報(主筆)1935.01，no.598，pp.01-02現在的時代，佮古早攏袂通比並-得。毋免講遐早。Kan-ta來想佇19世紀頭，彼時人類的生活，猶真簡單，思想也無親像這時的複雜；所以無論佇精神方面，á是物質方面，大概攏會通滿足。到近佇100年來，思想日日進步，慾望也ná大：食魚，就想愛食肉；穿綢，就想欲穿緞。結果，就形成了現社會種種的混亂。人類的進化史，通講一部分是對「慾望」兩字來造成--的。設使人若無有競爭á是奮鬥，就袂通生出近代的文明。總講，無論踮佇啥時代，男婦老幼攏著愛奮鬥；若無，有一日定著攏著受歷史的淘汰。今欲怎樣來奮鬥？自然愛有相當的準備。就是著有充實本身的能力(智識，本...

[1934-12 台灣教會公報 文類-散文 作者-主筆/Chú-pit]
基督聖誕節 [ Ki-tokSèng-tàncheh ]
基督聖誕節 (主筆) 1934.12，no.597，pp.1-2 天使的傳報 水蒸氣真少的猶太國曠野的暝時，空中清靜，星辰燁燁熾。彼ê昏，加添一層的神祕。遐的咧顧羊的牧者，忽然看著天頂毫光燦爛，就驚到神佛附體。咧驚惶的中間，有天使叫in免ngông-ngia̍h，紲共in講，今仔日基督出世佇大衛的城啦。閣霎仔久就有真濟天軍來佮遐的天使唱歌講：「佇極懸的位，榮光歸佇上帝；地上和平佇伊所歡喜的人的中間。」 無平和的世界 對彼霎了後，經過兩千外年久。雖然科學大發達，會通發見所毋捌的世界，以及透徹濟濟的奧妙；實在彼个文化的精華，是做20世紀大的誇耀。猶久天使所吟「地上和平」有臨...

[1934-11 台灣教會公報 文類-散文 作者-主筆/Chú-pit]
生活佮宗教 [ Seng-oa̍h kap Chong-kàu ]
生活佮宗教 (主筆) 1934. 11，no. 596，pp. 1-2 宗教佮生活，應該一致；按呢宗教以及人生才有意義。這是近代宗教思想中，一種真普遍的理論；自然基督徒閣較是按呢主張。 基督徒啥事著有這款思想？啥事著按呢來主張？彼个原因是極簡單。因為基督的教訓佮言論，毋是一種的空談。基督的言論，是對伊日常的生活中所生出的結果。親像伊捌教示人，「著疼別人親像家己」彼條道理，伊本身果然有照按呢實行；所以聽的人無毋受伊的感化，紲表現佇in的實生活。按呢通知，基督徒的行為，佮基督的教訓，應該相合。換話來講，宗教佮生活，應該一致；才合道理。 可惜有濟濟基督徒毋是按呢想。In攏拍算，宗教...

[1934-10 台灣教會公報 文類-散文 作者-主筆/Chú-pit]
世界大，的理想 [ Sè-kài Toā, ê lí-sióng ]
世界大，的理想 (主筆) 1934. 10，no. 595，pp. 1-2 十月第3禮拜(10：21號)，就是通世界對佇囡仔特別實施宗教教育的「主日學的紀念日。」 為著欲建設上帝國佇地上，對細漢的時，的確著用宗教教育來訓練細囝，予in會曉不時佮上帝交陪的生活。今仔日全世界，對主日學的事業，遐爾熱心，就是這个理由。 傳道的冊教示講，「你著佇少年的日，紀念創造你的主」(12：1)。意思就是佇細漢彼霎，著教督囝兒予in對上帝有忠節佇teh。這實在是人間教育的本義。 又閣講，「敬畏耶和華，就是智慧的根源。」佇世間第一可憐--的，無一項比人毋捌上帝遐可憐！彼款人，連家己都毋捌...