[1926-10 芥菜子 文類-散文 作者-陳清忠/Tân Chheng-tiong ]  (3)
抵抗誘惑 [ Tí-khòng iú-he̍k ]
抵抗誘惑 咱人活佇這地上的中間，咱袂免得無試煉佮誘惑。 照約伯記內面所記，「人佇地上的生活酒惑的生活。」 所以逐人應該著警戒佇伊的誘惑，謹慎來祈禱，免得魔鬼利用機會來欺騙--伊；因為魔鬼無暝無日，四界揣所欲吞咬的人。 無人遐完全，遐神聖，通免受誘惑，免受魔鬼的攻擊。 雖然誘惑oh抵抗，尚且是悲慘，iáu-kú伊的利益是真大；因為人對誘惑會成謙遜，成清氣，閣再會得受訓練。 濟濟聖徒經過濟濟的試煉佮誘惑，來得著濟濟的利益。 袂堪得受誘惑的人，teh欲跋落佇自暴自棄的陷坑。 世間無有一所在夠額神聖通閃避誘惑佮逆境的襲擊，嘛無彼款的 ún-ka通bih。 有活命的中間無一人免受誘惑...

[1926-12 芥菜子 文類-散文 作者-陳清忠/Tân Chheng-tiong ]  (3)
閣活的力 [ Koh-oa̍h ê la̍t ]
閣活的力 保羅有看見主，主有顯現伊本身予保羅看見。伊的先輩，溫厚的君主巴拿巴有紹介這个迫害者，loān-bō͘ 的人Tāi-sò͘的掃羅，現時叫做保羅，予眾使徒，講伊佇路中有看見主，也主有佮伊講話。(使徒 9：27) 閣活的力的大，伊的強，若愛知，請看伊受召了後的一世人！這个力就是予對敵變做同僚，予怨恨變做疼的力lah！這个力就是予獅變做牛，予豺狼變做羊仔囝的力！ 若無閣活就無保羅，無保羅就無今旦日的異邦的教會；使徒行傳以下，新約的大部分也是無！！ 主的閣活，予萬人化做靈的閣活。肉體的閣活成做思想的閣活。－冷淡感情的閣活，化做強的意志的閣活。 I、閣活的力，予人信耶穌是上帝...

[1927-1 芥菜子 文類-散文 作者-陳清忠/Tân Chheng-tiong ]  (3)
桌上談 [ Toh-siōng-tâm ]
桌上談 以下所譯--的，是印度的大宗教家(Sat-hu Sun-tāi)。Sadhu Sundar Singh所講的斷片。 (I) 說教者。 「我欲寫說教的時，無坐teh，佇祈禱的詩來得著本文，題佮引例」。 「說教者所欲傳--的，應該著對上帝來受才著。設使伊若是對冊來得著，就毋是伊本身的福音，是別人的福音。彼款的說教者就是坐佇別人的卵的頂面來孵，也掠遐个卵做家己的」。 「聽的人靈的 (lêng-tek)所要求--的是啥物，我會感著，tú-tú是親像狗比學者較有鼻味的力」。 伊佇公會的面前欲說教的代先，著久久的中間內祈禱佮冥想，後來揀一句的聖言，也特別揀會合佇彼个時陣的...

[1927-2 芥菜子 文類-散文 作者-雪峰逸嵐/Soat-hong Iat-lâm]  (3)
基督的疼 [ Ki-tok ê thiàⁿ ]
基督的疼 (雪峰逸嵐) 請看這篇的朋友，未看的代先hian 羅馬 8：35－39來讀，紲詳細想，「Chī-chuī欲隔斷咱佇基督的疼？......阮為著你的緣故終日受死看做親像欲thâi的羊.........攏袂會隔斷咱佇上帝的疼。就是咱的主基督耶穌所有的疼」。 到底基督的疼佇佗位？按怎疼？按怎才欲疼咱？愛小可saⁿ-kap談論。 真神的救主無罪的耶穌刁工降世，出世就包佇冷 ki-ki 的幼布，睏佇tēng khok-khok 的馬槽，伊敢應該著按呢？無。是為著咱的罪。伊疼咱。 佇世間三十外年，食、睏袂照時，世間人毋信伊，反對伊，致到予伊悲傷啼哭佇耶路撒冷城外。伊毋限定為著...

[1927-2 芥菜子 文類-散文 作者-陳清忠/Tân Chheng-tiong ]  (3)
基督的無聊「孤單」 [ Ki-tok ê bô-liâu [ko͘-toaⁿ] ]
基督的無聊「孤單」 孤單有兩款：一款是為著家己的歹，致到予朋友無愛來，sak--伊的孤單；閣一款是為著想高尚，想好，平常的人oh得了解的因端，致到來無朋友的孤單。基督的孤單就是屬佇路尾這款。 天物的主，現時佇爸的厝，予千千萬萬的天使聖徒圍teh，無親像伊佇地裡的時的孤單。會了解伊的心肝，會知捌伊的精神，佮伊相佮講話，佮伊相佮歡喜，彼款的神靈拍算袂少。總是oa̍t頭看落來世間的時，記得伊做人的奴僕，予人拍，予人phuì涎的時，敢毋是猶原真孤單，真無聊mah！ 伊的目睭若看到圖利的巴黎、不信的北京的時，伊的心肝敢會得著慰安mah！人口幾若百萬的大都市；有拜堂、有說教，總是彼中間到底有幾个真...

[1927-3 芥菜子 文類-散文 作者-陳清忠/Tân Chheng-tiong ]  (3)
內面的生活 [ Lāi-bīn ê Seng-oa̍h ]
內面的生活 「上帝的國是佇恁的中間」。主有按呢講，獻你的全心予主，放sak這个罪惡的世間，就你的靈魂欲得著平安。 著學看輕外界的事物，也留心佇內界的事情，就恁會得曉悟上帝的國臨到佇恁(的中間)。 「因為上帝的國是和平，是對聖神來歡喜」。無清氣的人袂得通享受。 你若是備辦tú好的王位佇你的心內，基督就欲來揣你。也欲將伊的慰安賞賜--你。 所有伊的媠佮榮光攏是對心內發出，佇遐伊teh欲歡喜快樂。 靈tek 的人基督常常來訪問；若來逐擺有帶歡喜的話，快樂的慰安，滿滿的平和，尚且帶真通驚惶的友情來。 Ah篤信的靈魂，ah著備辦你的心肝來予這个新囝婿，伊穩當欲來揣--你，欲來踮佇你的內面...

[1927-3 芥菜子 文類-散文 作者-偕叡廉/Kai Jōe-liâm]  (3)
東西南北 [ Tang Sai Lâm Pak ]
東西南北 1、南美洲有8000萬人，內中一半較加毋捌字。In是天主教較濟。現時基督教有2000 个宣教師佇遐teh報揚主的福音。 2、通世界回回教的人數有兩億四千萬，較濟是佇印度國、阿非加、南洋、佮中國。佇遮濟人的中間只有24，0000人捌字nā-tiāⁿ。佇100 个中間只有五个人會曉讀。 3、回回教講世界自古以來才有五个先知。佇這五个中間只有耶穌基督無罪。伊一个有成聖。所以現時佇印度有濟濟青年心向佇主的教示。 4、美國北部長老教會舊年有募集 2400 萬銀。本國宣道會 800 萬，外邦宣道會 600 萬，教育部260 萬，ko͘-koáⁿ-hoē 180 萬，本國女宣道會 260 ...

[1927-4 芥菜子 文類-散文 作者-王守勇/Ông Siú-ióng]  (3)
教育的意義 [ Kàu-io̍k ê Ì-gī ]
教育的意義 這句教育若英語是講Education。這字的語言是對拉丁語的 Educare這字出來的。這字 Educare有兩款意思佇teh，就是照字爿E = o͘t (出來的意思)，ia̍h ducere = to lead (共伊引chhoā)。所以這字 Educare 的意思是共伊chhoā出來，講較明教育原來的意思是欲對囡仔的頭腦內所有的智識，用得當的法度共伊chhoā出來的意思。 這句Pädagogik 的德譯語是對希臘語彼字Paidag&o͘ml;gos來的。若用這字來共伊解破Paidoc = a boy，or a girl (囡仔的意思)，閣再ag&o͘ml;gos...

[1927-9 芥菜子 文類-散文 作者-雪峰逸嵐/Soat-hong Iat-lâm]  (3)
感觸 [ Kám-chhiok ]
感觸 (雪峰逸嵐) 讀前號的本報「我攻擊牧者羊群就四散」忽然閣再引起無限的憂愁，重拍起佇我的心內teh近感觸著一句。耶穌m̄-nā欲警戒當時的學生nā-tiāⁿ，也是欲警戒現時佮後代的基督徒。通講世間的廢無，這句話袂廢無。現是台灣教會的狀態，通講佮猶太末世(末世) 的風俗是差毋多--的，(=差無濟)現時濟濟人teh講基督教thài袂興？六十外年lah，信者猶真少。起初teh傳，成績hiah nī好，現時thài按呢？是啥原因？Ai-ah！強欺弱，欺貧重富，抱勢力，抱自高，強權壓迫無照公理，無顧大局，宛然是猶太的末世。為著按呢，無力的，軟chiáⁿ--的，愛欲活--的，就著穿運動鞋...

[1927-9 芥菜子 文類-散文 作者--/-]  (3)
教囝的法度 [ Kà kiáⁿ ê hoat-tō͘ ]
教囝的法度 (續接前號) 罰囡仔的時，毋通毋罰伊，早有兩國交戰，一國出兩隊兵，一隊予太子管，一隊予公爵管，到半路，太子的營內，一个兵偷the̍h人的物，共伊定死罪，公爵就替這个兵對太子講情。太子講，凡若偷the̍h人的物的，我的確無赦免伊，宮爵講，害ah，我的營內愛偷the̍h 的，一半較加，我攏赦免伊，若照你所講，kám毋是攏著定死罪mah。太子講，著，所以你的營內，犯著這个偷the̍h來受刑罰的真濟，我就毋是按呢，若患著的。的確著死，受這款的刑罰的，才真少，囡仔也是按呢，伊若知免受刑罰，的確逐項敢做這攏是對佇應該罰伊，毋罰伊的緣故。 也有一款囡仔做歹若看父母的面色，就知通改...

[1927-10 芥菜子 文類-散文 作者-陳清義/Tân Chheng-gī]  (3)
世界的結局 [ Sè-kài ê kiat-kio̍k ]
世界的結局 我有讀這本細本冊，Parker博士所著的，論起世界結局這層事，不止有你。這个世界實在真大，頂面是天，下面是地，袂會無起頭，也袂會無續尾。 這个問題科學家，宗教家，攏有辯論了，逐个攏集in所講--的；總是照基督教聖經所記載，這个天地萬物，以及地球上的人群，或是空中的世界，宇宙間的日，月，星辰，無毋是上帝所創造的。經過hiah濟年星辰，地球的運行無煞，萬物的生活佇彼个中間，對在早到這霎，這个是世界的起頭，真明。既然有起頭自然的確有路尾，所以世界結局的問題，是人類所著研究的材料，總是這个代誌體真大，設使若毋是上帝的啟示，kan-ta倚靠人的智識來推測無法得。聖經是上...

[1927-10 芥菜子 文類-散文 作者--/-]  (3)
教囝的法度 [ Kà kiáⁿ ê hoat-tō͘ ]
教囝的法度 第四章 誠實 講白賊的過失。囡仔第一快犯著。東爿chiah的國的人民。攏掠講白賊無要緊無傷害，反轉笑老實的人是戇人，所以人民自己卑賤有甚物奇怪ah，上古的人就毋是按呢，早有希臘的人到印度遊歷。倒轉來本國了後，呵咾印度的人誠實。按呢通顯明古早東爿的人也有對重誠實。Taⁿ就對反，總是官府常常嚴嚴刑罰in，逼in著老實認。到尾也是用白賊來應，按呢彼个害毋是小可，要緊著綴上古的腳步來行，早波斯王tiàm佇Ló͘-sū。猶大問伊所學的，甚物是第一。波斯王應講，誠實做第一，按呢做父母的人。著緊用這个誠實教示伊的囝兒，盡力除去這號白賊的歹風俗。身軀做法度代先去行是第一要緊，東爿c...

[1927-5 芥菜子 文類-散文 作者-陳清忠/Tân Chheng-tiong ]  (3)
基督怎樣比念佛較贏？ [ Ki-tok cháiⁿ-iūⁿ pí Liām-hu̍t 念佛 khah-iâⁿ? ]
基督怎樣比念佛較贏？ 日本基督教會有一个牧師名叫Ku-kok (亀谷)。伊是本源寺的教祖蓮如上人的地18 代孫。伊對細漢到大學卒業，拍算欲承接祖先的職，來做和尚，伊的卒業論文也是關係佇彼方面的研究，-就是研究念佛信仰的大乘者善導大師的 su。總是真奇怪，伊受恩典的手的揀召，斷然脫出和尚的職來做牧師；雖然有受內外的迫害真傷重，iáu-kú無離開伊的本所在，專心佇遐宣傳基督的道理。 伊所發行的雜誌「十字架」有一chām teh論頂面的問題；人若teh袂了解基督教佮佛教的優劣（iu-loat），讀這chām 會通做真好的參考。 伊按呢講： 「念佛是通感謝，這是釋迦的教示；七高僧有信念佛；C...

[1927-6 芥菜子 文類-散文 作者-陳清忠/Tân Chheng-tiong ]  (3)
真的工程 [ Chin ê Kang-tiâⁿ ]
真的工程 傳道者Ko-lân。(Conant)佇「個人傳道」雜誌的內面，有講起，幾若年前，有一个女宣教師，寫一篇chhiam-hoé 的文，落佇「世界宣道論評」的事。 彼个女宣教師按呢講：- 「我捌鼓舞一个大的集會，也我有滿滿的熱心，愛予這个會得著大的成功。開會彼日，我的老爸，做委員來欲出席，佮我坐佇旅館的食堂長。伊用共鳴的心，聽我說明，這个會的特色以及將來欲得著的盛況。我歇睏teh喘氣的時，我的老爸àⁿ伊的身軀近倚我，目睭看佇這个phâng菜的人，共我講。查某囝，我想佇遐彼个大漢給仕káⁿ會接納耶穌基督。我捌常常佮伊談論，論伊的靈魂的事」。 我為著計畫這个大的集會，我的無閒差不多親...

[1927-6 芥菜子 文類-散文 作者-偕叡廉/Kai Jōe-liâm]  (3)
活活埋 [ oa̍h-oa̍h tâi ]
活活埋 Nî牧師去佇印度傳教濟濟年久。轉去英國的時，一位朋友對伊講，Nî牧師你佇印度的時常常拄著風險的事，請你講淡薄分阮聽。Nî牧師講，好，我講淡薄。我佇印度的時，捌踮佇喜馬拉山的山跤。佇彼所在有不止濟西藏人帶物來táu換，因為西藏是印度的隔壁國。我也學淡薄西藏的土音，後來紲會曉傳道理予in遮的人聽。遮个人平素是佛教，不止對重西藏的活佛。 有一日我tú-teh傳道理的時，忽然聽見一个西藏人teh叫我。伊講伊的老爸破病真傷重teh欲死，愛我緊去安慰伊，紲傳主的福音予in聽。我就佮伊做陣去。佇路中有4个西藏人也佮我做陣行。到阮入佇西藏國的地界，這幾人隨時出手共我掠，紲用索仔縛我。後來拖我...

[1927-6 芥菜子 文類-散文 作者-陳瓊琚/Tân Khêng-ku]  (3)
論佇家庭中祈禱的力 [ Lūn tī Ka-têng-tiong Kî-tó ê La̍t ]
論佇家庭中祈禱的力 論做老母的人彼个責任實在是真大。所以若無得著上主的幫贊，的確無向望會成就做老母彼个重大的使命。上帝佇耶利米33：3，有應允講，「你求我，我的確應，指示你本事，神的奧妙袂測度，恁未捌聽見」。所以親像teh指揮大家族的老母，有時的確有彼款盡oh得辨理的家內事，所以做老母的人的確著欠用料理家內，得當的才情。因為有時著用智識、吞忍、疼痛佮同情等等，就是照彼時彼時所著欠用的法度，因為有是定著會拄著真oh得設法的所在。親像佇這款oh設法的時陣，老母心肝著清靜，也著謹慎本身的舉止行動，閣著不時用對主來祈禱，因為伊是gâu體貼軟弱的，gâu幫贊人的，閣是gâu 慰安佮gâu賞賜智識予人...

[1927-6 芥菜子 文類-散文 作者-雪峰逸嵐/Soat-hong Iat-lâm]  (3)
兒童欄上帝的guâ [ 兒童欄 Siōng-tè ê gâu ]
兒童欄 上帝的 gâu。 (雪峰逸嵐) 通疼的囡仔兄、囡仔姊。我佇舊年11月第 10號，有佮恁講一項事，恁會記得袂？若袂記得，著hian第 10號的 「芥菜子」就連鞭會想著，就是智識的源頭，我有講欲閣講予恁聽因為有濟濟代誌，也去廈門，閣過來猶原未有時間通kia̍h筆，總是真掛心，對恁真失禮，今無要緊，請赦免，chím-moá欲閣佮恁講lah。 今欲佮恁講啥物？請你拜託恁阿娘，恁阿姊讀15號的本報。「造化的奧妙」予恁聽，紲解說較淺較明，恁才聽會曉，(也請有心佇兒童宗教教育的爸母，歡喜佮恁的囝兒談論)。 囡仔兄、囡仔姊。恁信mah？敢有影萬物是上帝創造--的？有人講，萬物是盤古 kia...

[1927-6 芥菜子 文類-散文 作者-張基全/Tiuⁿ Ki-choân]  (3)
砂糖製造工業 [ Soa-thn̂g chè-chō kang-gia̍p ]
砂糖製造工業 (張基全) 糖的歷史：-古早人欲得著甜的味，是對食逐款的果子佮食蜂蜜來得著，了後才知影講對甘蔗會通得著糖。 今到底這項甘蔗第一起頭是佇啥物所在發生，咱無確實的證據歷史通予咱知。有人傳說講是中國第一早有，總是照歷史所記載。Herodotus (ロドタスヘ)時代就是主前327年亞力山大王拍印度國的時東印度就有the種甘蔗，總是彼時種甘蔗是欲做神佛的祭物，抑是做藥，抑是做食的路用，猶袂曉製糖的法度。到紀元 500外年的時才會曉製糖，所以有人講印度國是甘蔗佮糖的起源地，後來傳去波斯阿拉伯，彼時伊的名是叫做Saccharum (サツカラム)後來有運去希臘、羅馬，彼時是叫做印度鹽，價...

[1927-7 芥菜子 文類-散文 作者-陳清義/Tân Chheng-gī]  (3)
重頭生的要緊 [ Têng-thâu-siⁿ ê iàu-kín ]
重頭生的要緊 約翰3章3節。 耶穌佇世間的時。有一个猶太的官吏名叫Nî-ko-tì-bú，暝時來就近伊。主耶穌用重頭生要緊的道理來教示伊，佇聖經的中間，教示人的道理有真濟；總是會入人的耳空，動人的心肝，無毋是這款。按呢這款的道理，正是救世的良言，也是人生必要的大問題。主耶穌講出這款的道理，不但關係Nî-ko-tì-bú，也關係佇咱大家。怎樣號做重頭生。 重頭生毋是人的重出世，就是jîn-lêng 的新生，因為人的罪惡深重，雖罔活，親像死，逐个著洗心悔罪，改惡遷善，出力除去舊時所染著的污穢，來進行自新的路，親像死的閣活，按呢號做重頭生。 按呢這个重頭生的道理真大要緊，是做咱人所向望來世...

[1927-7 芥菜子 文類-散文 作者-陳添旺/Tân Thiam-ōng]  (3)
我攻擊牧者羊群就四散 [ Goá kong-kek bo̍k-chiá iûⁿ-kûn chiū sì-soàⁿ ]
我攻擊牧者羊群就四散 馬太26：31；可 14：27，撒迦利亞13：7。 這句話啥物人講的？耶穌。啥物時講的？欲臨難的時講，來警戒學生。啥事按呢講？是愛引先知撒迦利亞得著上帝默示的預言；代先指明彌賽亞欲臨到，後來果然有。紲受人攻擊來成神的旨意。伊的學生欲四散逃走。 毋但指學生四散，也指猶太boa̍t-kéng的時，百姓欲拄著災殃，欲滅無，到三份的兩份，留 teh 的一份是遐的誠實的。因為這个先知是，當猶太欲boa̍t-tiâu 的時代。彼時風俗真腐敗，強的欺負軟弱的，大食細，欺貧重富；有高位的貪心，受人的布賂(有錢者，無錢者死)。 無照公理teh行做，欺負sàn-hiong人，致到有...