[1927-7 芥菜子 文類-散文 作者-楊將、劉天來/Iûⁿ Chiong、Lâu Thian-lâi]  (3)
佈道團的消息 [ Pò͘-tō-thoân ê siau-sit ]
佈道團的消息 五月五日，北部傳道局的佈道團有去竹南近後龍庄的地方佈道；機會不止好，記幾若項佇下底：- 1、五日，劉天來、楊將；宣導婦杜氏這三人到āu-lâng koe-ī-pān佈道的場所；第二日就去探庄長、保正，以及官界，紳商各方面。 2、對六日起，佇街內連連佈道十八暗；逐暗有兩百左右人來聽道理；中間有二十外人真致意逐暗來聽，其餘的是來來去去無定著，是親像聽心適nā-tiāⁿ；總是來聽的人較濟有照in 的良心講，基督教的道理實在較著，所講，逐項真有理。 也有去大庄講三暗，每暗有兩百外人來聽攏真肅靜，大人對頭聽到尾。另外一个中晝時來這庄講，來聽的較濟是婦人人佮囡仔，也有四五百人，聽也攏...

[1927-7 芥菜子 文類-散文 作者-陳清忠/Tân Chheng-tiong ]  (2)
世界第一 [ Sè-kài tē-it ]
世界第一 1、世界第一大的樹： 世界植物的種類約有175000種。從中第一大的，就是俄羅斯的Kun-su-tan-teng附近彼叢「Phian tree」。樹身的懸是100 尺，周圍是165 尺：若共伊liâu做兩爿，就每爿會 chhu得「塌塌米」 100 thia̍p。有人teh講，捌一擺有18人佇彼叢的樹khak內開宴會，iáu-kú所在有chhun不止闊。按呢咱就通知伊的大。 第二大的是佇美國。第二大的佇遮毋免講。 2、世界第一懸的樹： 世界第一懸的樹就是豪洲的「尤加利」樹。這款的樹本國也不止有teh栽培，總是氣候風土的精差，袂得通發到偌大；但是伊的原產地，有的約有500 尺...

[1927-7 芥菜子 文類-散文 作者-明有德/Bêng Iú-tek]  (1)
時刻我欠用主 [ Sî-khek goá khiàm-ēng Chú ]
時刻我欠用主 這首是New york 的 hawks婦人所做的。伊出世佇1877年，是美國浸禮教的會友，37歲的時所寫--的。伊有做真濟的詩，逐禮拜落佇幾若位主日學的雜誌。佇所做的詩的中間，伊的意思是愛予人看見主所以伊的死攏是道理滿滿。若是別人所做的，是予人讀了會知彼个做的人的境遇，好額抑是sàn-hiong。 Hawks婦人所做的，人看了毋知伊的境遇。伊所寫的詩攏有合佇貧賤富貴的欠缺。親像「時刻我欠用主」意思是毋但一刻久欠用主nā-tiāⁿ，著不時、無歇愛佮主親近。...

[1963-8 台灣教會公報 文類-散文 作者-吳清鎰/Gô͘ Chheng-ek]
夫婦的問題 [ HU-HŪ Ê BÛN-TOÊ ]
夫婦的問題 吳清鎰 1963.08.15 P.6-7 我的會友有一對夫婦不時冤家，激氣，無講話。這都毋知欲怎樣共in指導？ 若有信徒夫婦不時冤家，激氣，無講話，著共伊指導。若無共伊指導，第一，無榮光主；第二，會予家庭失落溫暖，並且對兒女的教育上無好影響；第三，會發展到家庭破裂。總是欲共伊指導的事先，第一，著了解夫婦不調和的種類是屬佗一款；第二，著查考彼个原因是甚麼。後來才會知影著用甚麼方法來共伊指導。 I. 種類。夫婦間的感情衝突無講話，大概有下面所排列的種類： (1)為著極小可的事，夫婦間意見無相合，發生了感情上的衝突，兩人的無講話是暫時，連鞭閣照舊講話； (這是無心...

[1963-11 台灣教會公報 文類-散文 作者-謝良輝/Siā Liông-hui]
傳教者子女的苦樂 [ THOÂN-KÀU-CHIÁ CHÚ-LÚ Ê KHÓ͘ LO̍K ]
傳教者子女的苦樂 花壇教會：謝良輝 1963.11.15 P.8-9 感謝主，得著公報社好意，愛我寫這个題目，雖然不配，猶過會喚起我濟濟的感謝佮回想，所以照我做囡仔時的印象，感覺，坦白來大膽草筆就是。 這个題目，因為逐人所受的環境佮遭遇無siāng，自然彼个苦，樂也無相siāng。所以用我做例來講：也濟濟快樂是建立佇苦境的頂面，所以欲合teh講。 I. 心靈上的苦痛佮快樂。 A.因為是傳教者的囝。 傳教者的囝著比一般的囡仔較乖，gâu，有禮數，好規矩；是一般教會內外的固定思想。所以我5歲的時，逐日至少著讀三二个羅馬字，若袂認字佮熟餾，就無通食飯，抑是...

[1963-11 台灣教會公報 文類-散文 作者-吳清鎰/Gô͘ Chheng-ek]
對產兒制限應有的態度 [ TUÌ SÁN-JÎ CHÈ-HĀN ÈNG Ū Ê THÀI-TŌ͘ ]
對產兒制限應有的態度 吳清鎰 基督徒對產兒制限應取的態度. 1.對「產兒制限」這句話的理解。產兒制限這句話是teh講：做父母的人生囝著制限，毋通生傷濟。有的父母生七，八个，抑是十外个囝，生傷濟，致到欲培養教育真重擔，而且母親的身體亦會拍歹。所以生囝著制限，生較少，通減少經濟上，心神上佮健康上的困難。這就是叫做產兒制限。總是近來產兒制限這个名稱常常叫做「家庭計畫，」按呢親像較好聽，總是所teh講的內容是siāng款。 2.產兒制限佮「妊娠中絕。」妊娠中絕的目的，雖然亦是毋愛生傷濟，總是這句話所包含的意思，是指已經有的身孕毋予伊照自然到時生產，佇妊娠兩，三月日的時共伊中絕，共...

[1933-10 台灣教會公報/芥菜子 文類-散文 作者-陳清義/Tân Chheng-gī]
十年間的感想 [ Cha̍p-nî kan ê Kám-sióng ]
十年間的感想 陳清義 1933.10 (芥菜子第93號) P.22 北部的教會對設教到這疊，有61年久。對頭一年到50年，已經有對一本略史，濟濟人有讀了，大概攏知影。 對五十一年起到這霎，就是這十年的中間，有聽見濟濟人塊講東西，聽了不止心適，宛然親像眠夢中jû-事夢的款。人若聽見這款的聲，信這款的話，亦宛然親像眠夢中塊聽見消息。 人欲批評教會的事，若毋知影彼的教會的統計，也毋捌辦教會的事，忽然間四界講北部的教會的事，怎樣無進步，冷淡，倒退，無一位親像北部遐衰微，那冷淡。毋知講的人是對人聽見，抑是本身去調查著。 若是別所在的教會，比北部的教會較進步，我毋敢講無...

[1941-9 台灣教會公報 文類-散文 作者-許乃宣/Khó͘ Nái-soan]
高中通訊：III.基督來日本 [ Ko-tiong Thong-sìn: III. Ki-tok lâi Ji̍t-pún ]
高中通訊：III.基督來日本 (許乃宣) 幾年前佇某雜誌有發表佛教的開祖釋迦，是日本人。Taⁿ又出基督過來日本的風說。講青年的時來研究神道，才轉去傳道理；後來欲受釘十字架的時，伊的小弟替伊死，本身閣走來日本，蹛佇青森縣三戶郡戶耒村，食106歲，死，埋佇十來塚。 亦有幾若个學者共鳴講有影，致到一般真注目。所以咱做基督徒，袂免得愛來想這个事。 1.救主耶穌基督受釘死佇十字架，約3日閣活的事實有予全世界的歷史大變遷。經過濟濟對敵的迫害佮毀讖，猶過儼然做基督教的根本信條，做信者的原動力。若是基督無真正死，三日閣活，亦上天(照聖經所記)，就無遮大的影響。若是伊的小弟替伊受釘(其...

[1941-9 台灣教會公報 文類-散文 作者--/-]
高中通訊 [ Ko Tiong Thong-sìn ]
高中通訊 1941年9月678期 8-10 II.上帝的權能佮警戒 上帝款待恁親像囝，thài-thó有囝無予老爸警戒啊 (希伯來12：7)。 有時佇咱信徒的信仰經驗中有濟濟奇異的神跡予科學家真僫理解，僫信。總是這號事咱毋通看做是迷信，因為是上帝的權能欲顯明伊的所做。 記者佇過去的2月27日，有倒去本鄉沙山欲赴我的外甥的結婚式，in是蹛佇路上厝，全莊300外戶無人拜上帝，只有我的大姊佮伊的囡仔(我的姊夫也無)爾定。逐項的備辦是佔基督教式無參插叫in著拜祖公，孝天地，謝神，總是我的大姊的信仰堅固無搖動，伊講阮欲拜大的神上帝，無拍算到佇欲娶新娘的進前暝有發生兩件事：1)一个查...

[1933-8 台灣教會公報 文類-散文 作者-紀溫柔/Kí Un-jiû]
長執訓興會 [ Tióng Chip Hùn-heng-hoē ]
Normal 0 0 2 false false false MicrosoftInternetExplorer4 /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colband-size:0; mso-style-noshow:yes; mso-s...

[1941-7 台灣教會公報 文類-散文 作者-許崑/Khó͘ Khun]
南中通訊：對榮光到榮光 [ Lâm Tiong Thong-sìn: Tuì êng-kng kau êng-kng ]
南中通訊 許崑 1941年7月676期 12-13 I. 對榮光到榮光 (哥林多後書3：18) 基督最親愛的學生，佇Ka-ná山等有拜見上天榮光的主。彼霎以後逐時代的基督徒心目時常向天仰望。所講向天仰望，毋是看空中的星抑是雲，是仰望上天榮光的主。學生所接觸著的主是極度的榮光。伊雖是hiah榮光，iáu-kú伊的面貌，形體，生前是無閣樣。 兩千年以來的基督徒，對確信聖經的話，不時熱切teh仰望同款式，同榮光的主再臨地上。榮光的主佇地上所顯出的生活，ná親像無價寶受粗破的布所包。照外觀是無甚物貴氣，無通予人欣羨的款，若是伊的言行，舉動態度夠額...

[1941-7 台灣教會公報 文類-散文 作者-柯設偕/Koa Siat-kai]
信心德行，智識 [ Sìn-sim Tek-hēng, Tì-sek ]
Normal 0 0 2 false false false MicrosoftInternetExplorer4 /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colband-size:0; mso-style-noshow:yes; mso-s...

[1941-10 台灣教會公報/北部教會 文類-散文 作者-潘道榮/Phoaⁿ Tō-êng]
現代教會的缺陷 [ Hiān-tāi Kàu-hoē ê Khoat-hām ]
現代教會的缺陷 台北：潘道榮 1941年10月679期 23-25 1.失落體驗的信仰 真的宗教，完全的宗教，著親像三角形彼3邊攏齊備才會成立。就是：教理 (2)行為。(3)体驗。 路德馬丁佮Ka-lō͘-bín的宗教改革運動佇半途拄著盡磅，就是因為偏重佇一面。佳哉佇16世紀的後半，上帝有備辦拄好的先生來拍開彼个難關。 咱逐个基督徒，靈的最高的體驗，著準準閣好膽親像保羅先生講，「我猶過teh活，毋是猶原我，就是基督踮佇我teh活」。 2.崁密教會特有的記號(特有旗印) 相疼佮聖潔，是咱基督教特有的記號。初代教會，會堪得稱做理想的教會，就是因為對聖神有...

[1941-10 台灣教會公報 文類-散文 作者-上山生/Siōng-san seng]
馬偕醫院現況 [ Má-kai I-īⁿ Hiān-hóng ]
馬偕醫院現況 上山生 1941年10月679期 20 北部教會的醫療機關，馬偕醫院佇舊年宣教師欲引揚歸國的時有獻予北部大會。現時就大會做主體teh經營。大會有派9名理事：陳Bûn-chàn，李Suī-hàn，吳Eńg-hoâ，林iān-chong，鄭Chhong-kok，福山春雄，稻田天來，賀川信彥(理事長)。上山清志(書記)組織理事會佇teh料理。向望此去的經營逐項會合理化，予本院會通發揮基督教的精神的醫療奉仕。論這點，大大希望列位看報的兄姊替祈禱佮院內職員一致的協力。本院佇今年6月20日，已經得著監督官廳許可予咱大會，所以此去咱著負全責任來經營。現時的分科，有內科，外...

[1941-10 台灣教會公報 文類-散文 作者-曾秀鳳/Chan Siù-hōng]
保羅的基督觀 [ Pó-lô ê Ki-tok-koan ]
保羅的基督觀 曾秀鳳 1941年10月679期 4-7 1.猶太教所倚靠律法的義，實在袂會予人稱做義(羅1：3─21)。因為趁律法佇上帝的面前；因為對律法是予人知有罪。今佇律法以外有上帝的義已經顯明(羅3：20─26)。今律法時代已經過去，這霎是信仰時代啦，因為上帝的義對基督，到佇攏總信的人，所以通講是基督時代啦。 上帝為著欲救罪人，就對基督來顯明伊的義。這不但是保羅的福音，也是基督教的中心真理。所以咱愛小可相佮來想保羅的基督觀。 2.歷史tek的耶穌。保羅基督觀的出發點，自然是佇伊帶殺氣騰騰的大馬色路上的經驗。(行傳9：3─15；這佮II哥4：6，加1：16...

[1933-10 台灣教會公報/芥菜子 文類-散文 作者-L.K.B/-]
基隆夏季學校終業式 [ Koe-lâng Hā-kuì Ha̍k-hāu Chiong-gia̍p-sek ]
基隆夏季學校終業式 L.K.B. 1933.10(芥菜子第93號 p.26) 七月7日─26日，基隆教會有開夏季，27早起就做終業式。予學生講故事：較濟是以色列族出埃及的事，唱歌以及其他。頭尾40出，也有淡薄賞品共in獎勵。學生佮教員以及看--的，大家真歡喜。...

[1933-10 台灣教會公報 文類-散文 作者-陳樹lîm/Tân Chhiū-lîm]
信，會看著上帝的榮光 [ Sìn, ē khoàⁿ-tio̍h Siōng-tè ê êng-kng ]
信，會看著上帝的榮光 陳Chhiū-lîm記 1933.10 (583卷) p.18 耶穌講，「閣活佮活命是在佇我，信我的人雖罔死，我欲予伊閣活。」 我的長女11歲，佇新曆7月11暗，起吐瀉的症，發熱腹肚疼，嘴乾。頭暝請醫生，食落注射無效。共請3个西醫，一个漢醫，病若ná沉重。 對11號到20號，8日久攏無食。跤手無力，起落著用抱，也袂翻身，四肢也袂振動；焦干喙會叫艱苦若定。後來叫我著請主to͘官來共伊祈禱，伊本身也咧祈禱。我就起請主to͘官來。囡仔真歡喜，講伊袂艱苦，也講伊愛去蹛拜堂。主to͘官也講今仔日莫食藥試看，到天光症頭若有較輕，就用祈禱，莫用藥。 到21號有較好，目睭也會...

[1933-11 台灣教會公報 文類-散文 作者--/-]
夏季學校 [ Hā-kuì Ha̍k-hāu ]
夏季學校 1933.11 584 卷 p.6 1.旗山 七月20號，頂晡7、8點，校長吳劉氏響，揣學生禮拜開會，分科讀冊。逐日有5點鐘的課程。讀冊、學詩歌、學寫字，講故事(舊約歷史)。有運動，有遠足。全務教員：蕭Bêng-chiok，吳氏毋纏，吳氏照月。助教員：張明道，羅約伯，吳氏Chhoan-eng，吳Ki-seng，廖Kan-siok。學生總數55名，平均出席40名。 八月24號，午後7點閉校式，學藝會，有賞品 12名，有û-hèng。食茶餅，大家真歡喜，9點散會。 這班受著神學生蕭 Bêng-chiok，羅約伯等的盡力，無嫌著磨佇阮的夏季學校，有得著大進步，著...

[1933-12 台灣教會公報 文類-散文 作者-陳鳩水/Tân Khiu-suí]
無感覺的寶貝 [ Bô kám-kak ê pó-poè ]
無感覺的寶貝 台南：陳鳩水 1933.12 585卷 p.8-9 有流傳講，Hi-lī-nî的哲學者叫做Diogenes，伊徛起佇一跤桶。有一日，亞力山太王去探這个哲學者，看伊有愛甚物抑無？彼時伊坐佇彼跤桶裡，總是這个Diogenes對亞力山太王要求真簡單的代誌，就是請王毋通閘著伊的日光若定。因為王徛佇伊的面前，有閘著伊咧曝日。 請想這个徛起佇桶裡的散赤的老哲學者，對彼時代的君王，要求毋通閘著伊的日光！ Diogenes想日光，是伊的第一寶貝，照看伊毋是遐爾戇，因為日光是真奧妙的物。是啦！若無日光，無一項物會活佮長大佇地面上裡。太陽的線(Rays)，用真濟奧妙的法度，對生物...

[1941-10 台灣教會公報 文類-散文 作者-安貧生/An-pîn seng]
雜談 [ Cha̍p-tâm ]
雜談 安貧生 1941年10月679期 13-15 教會怎樣會獨立。 幾個關心佇教會的有志者，teh討論教會獨立的事。某人講，教會的財政若充足，教會就會獨立。某人講，著研究發財的良法。某人應講，研究發財的事，結局攏歸佇失敗。真可惜啊！ (1) 養蜂。佇二十外年前，養蜂遍地起，人的宣傳，新聞的廣告；啥人趁幾千，啥人趁幾萬。有心佇教會的，大聲喝講，若欲予教會獨立，著鼓舞信徒養蜂；甚至有人講著設教會大養蜂場。歐洲戰爭煞，蜂失敗；有人幾百櫉蜂hiat佇山野，溪溝據在水流，四散飛。有的了幾萬幾千，有人紲破產，淒慘到極。 (2) 養雞。佇10外年前，養水雞大流行。人的宣...