[1924-4 台南府城教會報 文類-散文 作者-陳添旺/Tân Thiam-ōng]
人道主義 [ Jîn-tō Chú-gī ]
人道主義1924.04 469卷 p.7(陳添旺)人道主義就是博愛、自由、平等。這3 個大問題是tuì基督教生出。基督降世替人受死贖罪，疼對敵，替害伊ê 人祈禱求天父赦in ê 罪。教示人，對敵著疼伊；loé罵lín--ê 著祝福伊；窘逐lín--ê 替伊祈禱，án-ni 會得lín天父ê 報賞。Che 是博愛。 自由。是無受壓制，pé-pa̍k、驚惶，凡事有自主ê 權限。主有講：「真理tháu放lín,免受魔鬼pé-pa̍k,無做坐掛 ê 奴才。」保羅講：「著用自由趁聖神，m̄-thang 趁私慾，che 是真正ê tháu放。」 平等。基督至尊降低做人，家己款待做奴僕，kā 學生洗腳，是留...

[1924-4 台南府城教會報 文類-散文 作者--/-]
賢哲康德 [ Hiân-tiat Khong-tek ]
賢哲康德1924.04 469卷 p.9-11(一神學生)主後1724年4月22日，空前ê大哲學家康德( Immanuel Kant ) 出世tī 德國東南部一個城叫做凱尼斯堡 (Konigsberg) 。「哲學者」就是「愛知識ê人」，就是愛用深遠ê腦力愛beh看透人生ê究竟，宇宙ê根源--ê。抑是換話來講，就是teh講究家己--ê叫做「哲學者」。 伊ê 老父是散hiong ê勞動者，m̄ 是食飽閒閒teh刻人骨，抽人血ê資本家。老母是敬虔ê女徒，常常用自然界以及聖經，來chhoā伊ê 子到造物主ê面前。16歲入本城ê大學。起頭有講究神學，後--來較致意tī 數學，物理，續進入哲學。一世人無娶...

[1924-4 台南府城教會報 文類-散文 作者-李水車/Lí Chuí-chhia]
神明奇聞 [ Sîn-bêng Kî-bûn ]
神明ê奇聞1924.04 469卷 p.11-12(李水車)帝君佮伊ê同伴hō͘火燒死Tī礁溪有一仙ê帝君600外年久，百姓真信仰--ê。逐年正月13日有將大龜teh kā伊做生日。正月8日有號頭城ê人請去謝神。因為蠟燭火倒--落-來，燒著帝君ê衫，續燒身軀，攏總有燒5仙去，有ê變火灰、有ê燒一半、有ê燒手佮面、厝攏無燒著。到天光起來才知，hit ê人真驚，緊來kā礁溪ê人講。礁溪ê人m̄放伊煞，hit ê人tiāⁿ-tiāⁿ據在人扑，講：「你若kā我扑死，我也無thang創還lín,che是姑不chiong --ê。」這ê人請神beh求福氣，反轉抵著災禍。Koh帝君抵著火也boē指示伊，也b...

[1924-5 台南府城教會報 文類-散文 作者-黃Siū-huī/N̂g Siū-huī]
理想tek ê婦人 [ Lí-sióng-tek ê Hū-jîn ]
理想的ê婦人1924.05 470卷 p.10-11(黃Siū-huī)Tī主前百三、四年ê時，羅馬國不止興，m̄-kú hit時ê社會是上腐敗，有分二階段，就是貴族佮庶民。Hiah ê貴族in號名叫「法族」。Chiah ê有ê事業抑是「元老院」ê議員俗高等官攏是「法族」ê人佔teh。Tuì án-ni那久上下貧富那分那離，煞變做2個階段，中等階段煞無去。 Tī hit時hiah ê法族，真富有，hiah ê貴婦人煞有hit號風俗，就是常常逐家做影teh展所有chng-thaⁿ ê裝飾品；看啥人有金手指，啥人有鑲金、鋼石ê耳釣，啥人有上值錢koh suí ê物，逐家看來看去；án-ni做快樂，...

[1924-6 台南府城教會報 文類-散文 作者-廖得/Liāu Tit]
腹肚內ê感化 [ Pak-tó͘-lāi ê Kám-hoà ]
腹肚內ê感化1924.06 471卷 p.10-11(Liāu Tit)現時唐山劉永祥會友，三歲ê 第8 後生：頭長，圓形；頷頸短koh 大；目珠大koh thò͘-thò͘;兩枝手骨短koh khiau；指頭仔3 枝，有薄膜相連；ka-chiah平koh 直；兩枝腳腿彎khiau，gâu 行走。 原因是囡仔ê 老母有身ê 時，去iah山芋，煞hō͘ 大隻水雞驚--著；無扑算腹肚內ê 囡仔煞變做水雞形：che 是胎教ê 大關係。所以父母ê 身體勇lám、智識ê 關係、人才ê suí bái、德行ê 好歹，以及境遇ê 喜、怒、哀、樂、愛、惡、慾；無論先天（boē生），後天（生了），攏大影響tī ...

[1924-9 台南府城教會報 文類-散文 作者-陳添旺/Tân Thiam-ōng]
祖師ê原因 [ Chó͘-su ê Goân-in ]
祖師ê原因1924.09 474卷 p.7(陳添旺)伊是印度人，也in hit個人是烏面ê人種，所以人粧伊ê全身煞烏黑面，tuì án-ni人就叫伊做烏黑面ê祖師公。 祖師是甚物號人做？就是出家修行，後來若有得道成佛就thang做祖師。初代傳來中國ê祖師是印度人，達摩。伊聽見梁武帝好仙，ài求成仙成佛，3擺ài離家去求仙，後來hō͘ in家內人留--teh。這個達摩ài來，過海tuì廣東入港。人看伊烏面奇怪，就chhoā伊見武帝，武帝用chiah ê詩寫kā伊講。達氏就應chèng-to-koa講to無公德。 自上佈施升天國，猶如仰天謝虛空，勢力盡ê箭還墜，照得來生不如意。 意思是講佈施猶無公...

[1925-1 台南府城教會報 文類-散文 作者--/-]
新奇ê事 [ Sin-kî ê Sū ]
新奇ê事1925.01 478卷 p.11-12(K. T. S.)近日tī中洲有一人飼一隻豬差不多11月日ê久；koh飼一隻牛差不多4月日ê久。豬佮牛攏是tuì別位買來飼--ê。這隻豬已經bē--人定著，買豬ê人就beh來掠去thâi,就用liù-chhoê kā伊liù,就用索teh kā伊縛；豬bē免得大聲哮到吱吱叫。這隻牛是赤牛，聽見伊ê好友teh哮，看見人teh kā伊縛，就盡力chhoah斷伊所縛ê索，走到豬ê所在；將伊兩支ê前角kā伊áⁿ-tiâu-teh，哮到o͘N3-o͘N3-kiò;將伊ê角beh觸對敵；致到掠豬ê人走了了；有ê用爬來走離，有ê舉槌來扑hit隻牛。伊攏無驚疼...

[1925-2 台南府城教會報 文類-散文 作者--/-]
故植村正久先生 [ Kò͘ Si̍t-chhoan Chèng-kiú Sian-seⁿ ]
故植村正久先生1925.02 479卷 p.10-11(Lâu Chín-hong)植村 (Uemura) 先生不幸tī正月8 日午後倚6點teh食飯中，忽然腦溢血，受上帝揀召伊離開世間。享壽69 歲。 Tī本月12 日午前10點tī伊本教會（富士見町）有舉行教會葬。Chit日ê會葬者，m̄-nā全國日本基督教會有派代表來會葬nā-tiāⁿ，以外猶有先生生前所交陪會外ê知己、名士來列席也bē少。不止莊嚴、盛大ê告別式。 Tī-chia 論先生ê事業joā-á-ni̍h teh 成功，抑是對教會、社會joā-á-ni̍h犧牲貢獻，chit 號事，m̄免我koh tī-chia重排列，列位大多數是...

[1925-3 台南府城教會報 文類-散文 作者--/-]
新奇ê事 [ Sin-kî ê sū ]
新奇ê事1925.03 480卷 p.15-16(K. T. S.)(接正月第11面)五王除去偶像 2.現時鯤鯓ê五王（就是5仙出名ê佛，合共叫做五王）。逐仙hō͘人扛四界去，叫做出巡。Tuì舊曆4月起到今仔日，一仙叫做三王，現時攏tī近庄，不止teh有權；大半若行到hit庄，攏是teh除王爺，神主這號ê事。這個鯤鯓是tī蚵寮ê 庄腳，離蚵寮倚半哩路，四邊攏有天然ê水路，thang hō͘海水轉se̍h。咱ê拜堂m̄是tī蚵寮ê社內，不過是蚵寮ê途內nā-tiāⁿ，離蚵寮倚兩哩，離鯤鯓倚哩半，就舊名西埔內。因為西埔內小埔頭，koh是蚵寮途，chiah叫做蚵寮禮拜堂。 現時tī附近ê埔頭迷信真深...

[1925-5 台南府城教會報 文類-散文 作者--/-]
新奇ê事 [ Sin-kî ê sū ]
新奇ê事1925.05 482卷 p.12(K. T. S.)(接3月ê 15面)3.失落koh得著 有一人已經出去溜濟濟年無ài轉來。伊ê父母常常teh致意ài伊轉來，總是伊一發放蕩，無ài轉來受老父ê約束。伊ê父母亦有寫批，亦有吩咐叫伊著轉--來。無論怎樣伊攏m̄聽。到這擺伊ê老父想ài本身去chhoā伊轉--來，beh續kā伊娶某。伊ê父母參詳了，伊ê父就去chhoā。Beh去chhoā伊ê子著盤山過嶺；攏無嫌chiah ê勞苦，歡喜開濟濟ê所費，勤勤去chhoē到著。伊boē去ê第先有先調查hit 個所在佮路途。伊到伊ê子ê所在，伊ê子m̄知thang接納伊。伊ê老父才第先問別人，講：...

[1925-6 台南府城教會報 文類-散文 作者--/-]
教白話字ê方法 [ Kà Pe̍h-oē-jī ê Hong-hoat ]
教白話字ê方法1925.06 483卷 p.11-12(林--氏安)近來我有機會thang教白話字，所以有淡薄經驗，koh有看著教會較濟iáu照舊款，較為難ê法度，teh教主日學ê學生。Chím仔 ài將我本身所想出ê方法來記幾句。 請逐家想主日學ê目的是甚物？敢m̄ 是beh教道理，引chhoā學生來bat主耶穌做in ê救主？M̄-kú tī 台灣姑不chiong著koh加教一項，就是著教學生會曉讀白話字ê聖經；因為真濟囡仔攏無路thang另外學。Tuì án-ni，bē 曉讀聖經ê學生就算是預備科，亦所beh教--in就是道理以及白話字。前年ê課本已經bat替咱分所beh教ê時間，就是譬...

[1925-7 台南府城教會報 文類-散文 作者-許振芳/Khó͘ Chín-hong]
故陳Sêng長老 [ Kò͘ Tân Sêng Tiúⁿ-ló ]
故陳Sêng長老1925.07 484卷 p.15-16(許振芳)陳Sêng長老出世tī 1860 年，水返腳1保長坑庄長成，老父陳番，有2個兄弟就是陳Ki、陳Liân。 (1.) 歸主ê原因。陳番伯是頇顢人，遇著親族扑死人，著人命，人beh掠in摃番頭2。番伯聽見講入教不止有勢力，就將大子陳Ki hō͘伊去入教，來致蔭1家m̄免被人欺辱。後--來Ki仔知影道理是真，就招小弟兩人相chhoā同行天路。Hit時番伯看見子兒攏去入教，知影後來會無公無媽--lah;就反對講:「我是hō͘ Ki仔去入教，來致蔭咱1家。今lín兄弟仔攏去，我beh ǹg望甚物人--mah?」 M-kú 道理是真，耶穌ê...

[1925-8 台南府城教會報 文類-散文 作者-林--氏安/Lîm--sī An]
教白話字ê方法 [ Kà Pe̍h-oē-jī ê Hong-hoat ]
教白話字ê方法1925.08 485卷 p.9-10(林--氏安)Tī 這暫beh接續頂月所記--ê;chím仔beh講起教字母ê法度。 教員應該著一枝鉛筆做伊ê 伴！伊所著做記號--ê,就是學生所讀到hia ê所在；若是甚物choā ê字iáu-boē十分熟，m̄-thang做記號。趁這個法度有兩項ê利益。學生知伊著tuì佗位koh備辦，亦教員若beh koh再授伊ê 字母，抑是讀本、詩冊、聖經，kan-ta著看伊路尾擺ê記號就tuì hit choā來聽伊讀。第2項ê好：這個法度是激學生愛競爭ê心；先生若限伊著讀偌濟，驚了較無愛出力。論教員iáu有一項：較常我看教員teh教白話字ê時，in...

[1925-9 台南府城教會報 文類-散文 作者-編輯部/Phian-chip-pō͘͘]
新冊出版 [ Sin-chheh Chhut-pán ]
新冊出版1925.09 486卷 p.4十項管見這本是蔡培火先生新著ê冊，用羅馬字來印。將伊平時ài佮同胞談論，揀較重要ê十項。Hit中間攏分4、5條詳細ê目錄，來淺明hit ê理氣。句句都是tuì伊ê心內透露出--來，會thang叫醒咱ê精神。所講ê話是真pêⁿ-pāng ，所論ê事也是咱每日平常所做。內容充足，材料豐富。若讀著這本冊，無各樣親像當面受伊ê指教，實在是開啟智識，培養道德ê好冊--lah！這本冊已經印好teh佮，是四六版，160外面，66000外字。tī這月半beh發行；每本6角銀，郵費四chiam。若買上10本，郵費m̄免；亦學生聯合買30本以上，beh算減兩割。發行所是蔡培...

[1925-9 台南府城教會報 文類-散文 作者-陳瓊琚/Tân Khêng-ku]
男女對等論 [ Lâm-lú tuì-téng lūn ]
男女對等論1925.09 486卷 p.6-8(京都陳瓊琚)論這個問題是不止複雜，koh亦是真oh得論ê事，koh再論者若無像，就所論ê內容自然亦有各樣。10人ê論有10人ê說，就是逐人有伊ê 方向，有伊ê 目的，有伊ê 意見；親像心理學者，伊就tuì心理hit方面論起，若是生物學者是tuì生物ê方面來論起；其實若beh論這個問題，著ài tuì幾若方面來研究說明，才會用得。譬喻講tuì歷史就說明，抑是用男女ê頭腦佮體格來相比，抑是tuì心理狀態等等來比較說明。總--是若beh親像án-ni說，的確著寫真長，所以tī chia無機會。Tī chia所論--ê,是thang講beh做男女對等ê感...

[1926-2 台南府城教會報 文類-散文 作者-文姑娘/Bûn ko-niû]
文姑娘ê批 [ Bûn Ko͘-niû ê Phoe ]
文姑娘ê批1926.02 491卷 p.2用批寄hō͘ 列位ê 眾兄弟姊妹收知。我離開台灣ê 時，就攏無扑算我bē得thang koh 過去佮lín 逐家相見。聽著英國ê 公會所議定--ê,我ê 心擋bē-tiâu,真m̄ 甘；因為倚40年久，我toà tī lín ê 中間，佮lín 相出入來做主ê 工，續看tī 台灣tuì 東、西、南、北ê 聖會那開闊，亦有那濟人歸服來信耶穌。今tuì tī 所歷過ê 事，我ê 心koh 較特別ê 意思佮lín 相結連，亦m̄ 敢bē 記得 lín 常時ê 好款待，親密ê 疼痛，che 實在到永遠做紀念。所疼ê 好朋友，我抵著這號ê 阻礙，m̄ 敢嫌，就知...

[1926-4 台南府城教會報 文類-散文 作者-蔡椪/Chhoà Phòng]
所數念ê姐妹 [ Só͘ siàu-liām ê Chí-moē ]
所數念ê姊妹1926.04 493卷 p.14-15(蔡椪)姓名清楚林--氏葉，較常人攏叫伊瑞嬸，屬過溝ê教會，企家tī 牛稠溪，離拜堂3里路。伊得著道理頭尾9年實，tī chûn--年kap伊ê女兒李--氏卻，受汪牧師問道理進教。伊出世tī主後1870年，到舊年12 月17日天父揀召伊離開世間，享壽56歲。查考伊ê生平真正有thang可取。1.Hō͘外人o-ló。真好女德，真仁愛，凡事溫柔詳細，好親近，快快受苦勸，勤謹koh 儉樸。一下別世，人人都流目屎、吐氣，講：「可憐--ah！可憐--ah！」2.受家內敬重。M̄ 但本身認真服事主，koh 全家攏敬畏上帝，攏要緊家庭 ê 禮拜kap守安息...

[1926-5 台南府城教會報 文類-散文 作者-王守勇/Ông Siú-ióng]
北部事務：九州傳道旅行 [ PAK-PŌ͘ SŪ-BŪ:Kiú-chiu Thoân-tō Lú-hêng ]
九州傳道旅行1926.05 494卷 p.5-6(王守勇)致意請安同屬主tī 台灣ê 兄姊。這pang 受著主ê 恩惠，得著lín 列位ê 致蔭，tī 3月20號，我已經tuì 京都同志社神學部卒業，所以ài 佮逐家相佮感謝上主，也敬意kā lín 說謝，向望將來猶原會得著lín ê 指導、牽成，是我ê 萬幸。 Tuì 3月3號到17號，神學部ê 卒業生有受先生ê 指導，去九州傳道。所經過不止濟位，總--是紙面有限，tī chia boē得thang 講到詳細，所以簡單ài 紹介幾項較有關係宗教--ê,就好。 1.Tī 熊本ê 所感 (4號) 九州ê 氣候燒lō,人ê 性質小可粗暴、言語粗魯、...

[1926-6 台南府城教會報 文類-散文 作者-王守勇/Ông Siú-ióng]
九州傳道旅行 [ Kiú-chiu Thoân-tō Lí-hêng ]
九州傳道旅行1926.06 495卷 p.5-6(王守勇)(接5月第5面)4 .Tī 都城禮拜說教（7號） 今早起是禮拜，所以我佮同伴離開，孤單去赴禮拜做主理。落車ê 時m̄-bat 半人，總--是有差1人來等接，隨時就佮伊去。到極歡喜，thang 看見79個主日學ê學生teh 等接，愛聽主ê道理。就隨時講半點鐘hō͘ in 聽，逐家致意注神來聽，真恬靜，到極ê好品行。 後--來續接禮拜，我就說教「上帝是愛。」逐家敬虔疼上帝，亦聽伊ê 真理。逐家真虔誠，堂內到極靜，歡喜聽趁上帝ê命令，專心守禮拜點外鐘。 Hit e晝坐桌tī Ki-pún牧師ê家。伊有8 個子，1陣kah-ná戲班笑gī-gī...

[1926-8 台南府城教會報 文類-散文 作者-王Khèng-hun/Ông Khèng-hun]
停一刻仔！ [ Thêng chi̍t khek-á! ]
停一刻仔！1926.08 497卷 p.11-12(王Khèng-hun)近年中，美國有1個真出名ê囡仔名叫約翰。伊真勇敢koh 真gâu,無論甚物合理ê事，伊攏歡喜去做。總--是可惜後--來有染著歹習慣ê病「停tiap-仔久！」hō͘ 伊漸漸變相。 Bat 一擺伊ê 老母叫伊去學校讀冊。伊應講：「好，總--是請慢--一下--ah！」án-ni 以後歹ê勢力日日較贏，時間無赴、出席無齊、學課荒廢、校規無守，chiah-ê 魔鬼也同時倚--來lah！甚至看輕學業、藐視先生、夜郎自大、倒行逆施chiah-ê;也一波boē平，一波又起。做到án-ni，致到先生棄sak 伊，同學無認伊做朋友，校長亦無...