[1968-6 台灣教會公報 文類-散文 作者--/-]
第一批山地籍宣教師去南洋宣教 [ Tē it phoe san-tē-che̍k soan-kàu-su khì Lâm-iûⁿ soan-kàu ]
第一批山地籍宣教師去南洋宣教
1968.06.01 1031號P.9
山地教會已經有4名青年欲去南洋做宣教師！
這是依照舊年別世的孫雅各牧師為志(uî-chì)所成立的焚棘海外的宣道會所計畫第一批的宣教師。孫牧師生前為志(uî-chì)愛台灣的山胞去南洋各地，向佮in同族山胞傳道。所以焚棘海外宣道會董事會對全省山胞公募，對32名志願者的中間選4名做第一批宣教師。這4名攏是阿美族，有經過大專畢業閣進學院造就的，就是：林金源，高清玄，陳榮福，吳明義。
聽講南洋北波羅洲的砂勞越佮伊門已經有寄聘書來，這4名宣教師現在咧手續中。到時會chhoā家眷去南洋傳福音。...
|
 |
[1968-6 台灣教會公報 文類-散文 作者--/-]
開放禮拜堂做休憩所 [ Khai-hòng lé-pài-tn̂g choè hiu-khè-só͘ ]
開放禮拜堂做休憩所
開放禮拜堂 做休憩所
1968.06.15 1032號P.9
日本東京是有一間福音路得教會，對今年4月去開放伊的禮拜堂做勞動者歇中晝的所在。
In對上午11：30到下午1：30開教會的大門，準備種種的節目予遐的佇附近工廠咧(teh)做工的勞動者享受快樂的中午。
節目分做3部分：下跤層是拜堂，佇遮有15分的禮拜，後來有音樂的欣賞，有合唱的練習，小聚會等。二階是tha-tha-mih，佇遮通睏中晝，行棋，讀冊，食茶等。厝頂是平的，佇遮通曝日，抑是做談論等，各照逐人的興趣選擇。...
|
|
|
|
|
[1968-6 台灣教會公報 文類-散文 作者-許德謙/Khó͘ Tek-khiam]
聖神就是保惠師 [ Sèng sîn chiū-sī Pó-huī-su ]
聖神就是保惠師
許德謙 約翰14：15-16
1968.06.01 1031號P.3~P.5
主耶穌講，「恁若疼我，就欲守我的命令，我亦欲對爸求，就伊欲用閣一個保惠師予恁，予伊永遠佮恁蹛；就是真理的神」
聖神降臨節就是教會的生日。主耶穌有應允學生講，伊若去，欲差聖神就是保惠師，真理的神來佮恁蹛。果然耶穌上天了後五旬節聖神降臨佇in的身上。當學生佮信主的人約略120人聚集同心專務祈禱的時，聖神降臨，予in有能力通見證主的閣活，也會行濟濟的神蹟；信的人加添，教會成立。
Taⁿ聖神是甚物？五旬節聖神降臨的以前，舊約的時代kiám無聖神？舊約的聖神新約的聖神有像款仔無？聖神佮現...
|
|
[1968-5 台灣教會公報 文類-散文 作者--/-]
有價值的電影 [ Ū kè-tat ê tiān-iáⁿ ]
有價值的電影
1968.05.15 1030號P.8
每年佇西班牙有舉辦「國際宗教佮人類有價值的電影」的審查。今年佇4月28日有結束這個電影週。結果，得著金旗獎的是英國片「特權」（privilege），日本片的「反叛」（Toiuchi）得著金穗獎。...
|
|
[1968-6 台灣教會公報 文類-散文 作者--/-]
陳皙宗博士就任台灣神學院院長 [ Tân Sek-chong phok-sū chiū-jīm Tâi-oân sîn-ha̍k-īⁿ īⁿ-tiúⁿ ]
陳皙宗博士就任台灣神學院院長
1968.06.01 1031號P.7
台灣神學院創設86年來，頭一擺由本地人做院長的陳皙宗牧師，5月9日下午兩點佇該院禮拜堂舉行就任典禮。典禮由北部大會議長吳清鎰牧師主持。來賓的中間來觀禮佮代表致詞的有：總會總幹事鍾茂成牧師，台南神學院院長宋泉盛牧師，佮衛理公會的代表等200外名。
陳皙宗牧師就任台灣神的學院的院長以後，伊有發表一篇就任演講，佇演講的中間伊講，「教會就是傳上帝佇耶穌基督內面，道成肉體的福音；人若踮佇耶穌基督的內面，才有向望佮活命。」陳院長閣講，「今日神學教育的危機就是只有注重學問，理性的研究，忽略信仰的造就。所以今後的神學教育著...
|
|
[1968-6 台灣教會公報 文類-散文 作者--/-]
準備農村年收集，編製資料 [ Chūn-pī lông-chhoan nî siu-chi̍p, phian-chè chu-liāu ]
準備農村年收集，編製資料
1968.06.01 1031號P.8
新世紀宣教運動第3年1969年的中心目標是「農村強化年」，總會農村傳道小組有聚集研討，欲怎樣來準備明年強化農村的傳道。
所研究的結果：1有託主席劉華義牧師佮書記孫鴻鎮牧師蒐集有關農村傳道的各種資料來編製農村傳道手冊。2為著欲閣較訓練農村信徒的專長，予大家互相服務，有託Chiong Chú-sî牧師調查信徒的職業。3有定本年度上半年開辦農村傳教師聯誼會，大家相佮造就，也通得著提供意見。4選定農村實驗教會做模型於濟濟教會做參考。這個實驗教會的選定託各中會傳道部提出候補教會佮人才，後來佇農村小組才閣選定。5下半年，有定：...
|
|
[1968-6 台灣教會公報 文類-散文 作者--/-]
甘霖活水 [ Kam-lîm oa̍h-chuí ]
甘霖活水
1968.06.01 1031號P.10
白水溪有水lah！講起白水溪就想著英國宣教師甘為霖牧師佇97年前佇遮傳道險險予土匪放火燒死的故事。
現在這庄猶有40外戶的居民，到舊年in逐日著行真遠的路，落真崎的山，才擔一桶水來用。今家家戶戶通佇家己的灶腳轉一個水龍頭就有大港水充足通用。因為in得著嘉中社會服務部的指導佮幫贊，得著福利會的義工的幫贊，對5公里外的高山，拾活泉水來佇教會的內面的蓄水池。
這個工事已經攏完成，佇5月22日舉行通水典禮。當日有福利會的副主席An Tek牧師，以及嘉義中會社會服務部的部員等6名去赴這個有意義的典禮。會中白水溪教會送一支錦旗予福利會，內...
|
|
[1968-6 台灣教會公報 文類-散文 作者--/-]
媽媽合唱傳來虎尾演唱 [ Ma-ma ha̍p-chhiùⁿ-thoân lâi hó͘-bē ián-chhiùⁿ ]
媽媽合唱傳來虎尾演唱
媽媽合唱團來虎尾演唱
1968.06.01 1031號P.15-P.16
台中忠孝路教會，媽媽合唱團佇5月19日下午5點左右，佇王秀英會長領導的下面，坐3台自家用的車來本會。佇彼暗7點半開始舉行演唱會。內容有合唱，三重唱，獨唱，齊唱。所唱的有宗教詩歌，有藝術歌曲，也有咱的民謠。
對佇in的熱情，以及疼主的精神，閣再逐人音樂素養攏真好，所以唱了真成功，雖然團員有人的年歲已經超過70，總是in的聲音無較輸遐的查某囡仔的聲。
因為媽媽合唱團，因為捌佇電視演唱過，所以對聽眾都有吸引力。甚至有會外的人真濟來聽，因為按呢致到有人著愛坐佇外面來欣賞。
彼暗的參加者約...
|
|
[1968-6 台灣教會公報 文類-散文 作者--/-]
青年歸主籃球隊來虎尾 [ Chheng-liân kui Chú nâ-kiû-tuī lâi Hó͘-bé ]
青年歸主籃球隊來虎尾
1968.06.01 1031號P.15
佇5月19上午歸主籃球隊佇李信彰先生領導的下面來本會參加禮拜。彼早起的禮拜由 安德生牧師講道，了後有李先生的簡單介紹。然後in有將in真媠的siaⁿ-sim配合in 的樂器，唱出真好聽的詩歌，留真深的印象佇會眾的腦中。
禮拜煞有佮本會的青年佮長執做真好的交陪。佇5月20日中午，歸主籃球隊有佮省立虎尾中學的校隊做友誼賽，因為真早就籌備，所以也有附近的學校派代表來參觀。對佇in有優美的技術，閣有真好的條件，所以in的球藝表現了真媠，予參加的學生攏欽佩in的精神佮技術。
佇彼中間，in猶原顯出in優美的聲音佮in疼主的熱...
|
|
[1968-6 台灣教會公報 文類-散文 作者-趙天慈/Tiō Thian-chû]
聖地巴勒斯坦 [ Sèng-toē Pa-le̍k-su-thèng ]
聖地巴勒斯坦
趙天慈
1968.06.01 1031號P.21~P.22
巴別的塔(B.C.2247年)
對人口的加添，這族的人袂當定定蹛像一所在。人愛探險揣較好的所在來徛起，這是人類的本性。Lô-a-族，穩當逃定定蹛佇A-lat-lia̍p山跤，徙來徙去，後來徙去東勢，有揣著Sī-ná的大變樣，就蹛遮(創11章) 。Sī-ná就是美索不達美(Bí-so͘-pho-tāi-bí)平原，是佇Pek-le̍k-hô佮希底節(Hi-tí-kiat)的中間地。遮的土地真肥，收成真好，水，草攏齊備，合佇牧逐業。佇遮物質上的享受比佇山間較豐富，Lô-a-族就予遮的土地吸牢咧，決定佇遮徛起。...
|
|
[1968-7 台灣教會公報 文類-散文 作者-謝緯/Chiā Uí]
基督教佮醫療傳道 [ Ki-tok-kàu kap i-liâu thoân-tō ]
基督教佮醫療傳道
謝緯
1968.07.15 1034號P.3~p.5
兩千年前咱的主耶穌佇這地面上的時，伊有做三項要緊的工作，就是傳福音，教示人，以及醫病。上帝的奴僕宣教師來台灣欲建設基督教的時，in也有照耶穌基督的法度來傳福音，教示人，以及醫病，就是建設教會，學校，以及設病院。
光復了台灣的基督教佇信仰自由的原則下，那親像欲補受日人壓迫的戰爭時代的停頓，有驚人的發展。特別長老會佇倍加運動的口號下，有非常輝煌的成就，有達成咱所下的目標。咱佇這時代所做的大部分也是繼承耶穌基督的工作......建設教會，學校以及醫療工作。
繼承倍加運動，新宣運動咧閣開始。醫療的工作...
|
|
[1968-7 台灣教會公報 文類-散文 作者-鄭連坤/Tīⁿ Liân-khun]
著揀好的份額（路加10：38-42） [ Tio̍h kéng hó ê hūn-gia̍h（Lō͘-ka 10:38-42） ]
聖經講解
2.著揀好的份額（路加10：38-42）
鄭連坤
1968.07.15 1034號P.6~p.8
路加福音段的記者路加佇序言的所在捌講，「我已經對起頭siōng-sè chha-khó攏總的事，就想著照次序寫伊」（1：3）。咱若注意讀路加福音段就會知，伊實在有照次序編排。因為伊咧安排記事不時有勸這個意思，所以彼個前後關係常常比別本的福音段較有意義佇咧。閣一項路加有得著真濟別的福音書記者所無得著的材料。親像9：51起到18：14叫做「路加的旅行記」（省略稱做「L」）。今咱今仔日所欲研究這段的聖經chām就是這個「L」的一部分。佇遮代先來看路加怎樣照次序咧安排這chām的...
|
|
[1968-7 台灣教會公報 文類-散文 作者-鄭連坤/Tīⁿ Liân-khun]
上帝的指頭仔 [ Siōng-tè ê chńg-thâu-á ]
1.上帝的指頭仔（路加11：14-28）
鄭連坤
1968.07.01 1033號P.3~p.5
得著公報社主筆先生的好意，愛我開始負責12次的聖經講解，kak-得無上的光榮，毋敢推辭好膽kia̍h筆來試看。因為專門咧研究家庭問題，所以想欲通過聖經的講解來關連到基督化家庭問題，毋知按呢做會變做雙跤踏雙船的危險仔袂？若會通一兼二顧是深深所咧期待的。有揀12位的聖經來相佮想，請大家會閣較致意愛勤讀聖經，相佮搜揣內面的寶貝，閣通過聖經的話來檢討咱的日常生活，這個講解的目的完全囥佇這個所在，請相替祈禱佮多多指教。
（1）耶穌醫好啞口的人。
佮這個相siâng記事有記載佇馬太9：32-...
|
|
[1968-8 台灣教會公報 文類-散文 作者-蘇天明/So͘ Thian-bêng]
今日的公報社 [ Kim-ji̍t ê kong-pò-siā ]
今日公報社
蘇天明
1968.08.15 1036號P.3~p.4
公報社這個名佇台灣教會史已經有84年的歷史。過去做台灣教會屬靈刊物的供應中心。現時佇大都市有各教派的文字中心，所以公報社佮所有的文字中心成做同工來供應教會佮信徒的欠用。現時做重視的工作有幾項。
1. 鼓勵讀聖經：以前聖經公會佇台灣的工作，攏是交代公報社一手包辦；現時聖經公會佇台灣有辦事厝，家己直接辨理業務，所以公報社毋但是推銷聖經，應該著出版較濟種鼓勵信徒讀聖經的小冊。
2. 宗教音樂的冊：現時教會的音樂水準亦不止進步，濟濟青年人唱聖詩以外，猶過愛唱別款的詩歌。對佇聖歌隊的合唱曲，學生的聚會愛...
|
|
[1968-8 台灣教會公報 文類-散文 作者-鄭連坤/Tīⁿ Liân-khun]
基督徒理想像 [ Ki-tok-tô͘ lí-sióng-siōng ]
基督徒理想上
鄭連坤
1968.08.15 1036號P.5~p.7
羅馬軍隊的把總哥尼流得救的記事記載佇行傳10：1－11：18，攏總有66節的長。按呢通講路加用第一長的文章來詳細描寫這個通記念的事件。因為對這個事福音欲轉入外邦人這個真要緊的轉機(轉機)。我本身真愛讀這chām的記事，因為佇遮會通看出基督化家庭的理想上(image 理想像)。咱來徛佇這個立場相佮稽考這chām的故事。
(1) 哥尼流的做人－敬虔閣是義人(v.2，22)。
當時羅馬的社會的道德腐敗是歷史家所報咱知的事實，特別佇軍隊閣較是厲害。佇這款環境中哥尼流會通保持敬虔的生活；閣予人承認伊是一個義人，...
|
|
[1968-8 台灣教會公報 文類-散文 作者-蔡椪/Chhoà Phòng]
奉獻身體 [ Hōng-hiàn sin-thé ]
奉獻身體
蔡椪
1968.08.15 1036號P.16~p.17
身體是靈魂所附託的物件，佮整個的人有關係，因為無有身體，靈魂的存意就無綴表現出來。可比咱的主耶穌若無成肉體降世，將家己獻佇十字架，上帝的大疼痛就袂會表現(I 翰 4：10)。主耶穌的犧牲也袂會成就。人若欲表示伊是上帝的，也的確著用身體的實在行動來證明。所以咱主耶穌極其尊重人的身體，甚至譬喻做是上帝的聖殿(Hān 2：21)。佇遮咱愛相佮來研究，來想奉獻身體的問題：
(1) 是上帝所造(創2：17；太19：4)。有一款人看見罪惡，攏是對身體造成，就認定身體是真毋好，來厭賤伊。這是大大的錯誤，其實身體不過是成...
|
|
[1968-8 台灣教會公報 文類-散文 作者-蘇天明/So͘ Thian-bêng]
祈禱的動員 [ Kî-tó ê tōng-oân ]
祈禱的動員
蘇天明
1968.08.01 1035號P.3~p.4
祈禱是教會復興的原動力，逐個時代的教會復興攏是對祈禱開始。耶穌上天後使徒第一個工作毋是組織，行政，研究，協議，in代先對祈禱做去，所以若無重視祈禱的教會，就無有屬靈的長大。
1. 祈禱的厝。
新約中有記載6個馬利亞，就是主耶穌的老母馬利亞（路加1：17），抹大拉的馬利亞（路加1：2），馬大的姊妹馬利亞（路加10：39），小雅各佮約西的老母馬利亞（馬可15：40），革羅霸的某馬利亞（約翰19：25），馬可的老母馬利亞（使徒行傳12：12），佇羅馬一個基督徒叫做馬利亞（羅馬16：6）。
佇遮所講的馬利亞是Ku-...
|
|
[1968-8 台灣教會公報 文類-散文 作者-鄭連坤/Tīⁿ Liân-khun]
伯大尼的家庭 [ Pek-tāi-nî ê ka-têng ]
聖經講解：
伯大尼的家庭
鄭連坤
1968.08.01 1035號P.5~p.7
佇耶穌的公生涯中，日日就是無閒，奔波跑走，厭僐，枵餓，艱苦，受人攻擊佮反對，總是佇這款的情形中，有一間家庭成做伊常常行到的所在。佇這個家庭得著安歇，安慰佮輕鬆，通閣得著新的氣力來繼續伊的傳道救人的事工。今這個家庭無毋是伯大尼的家庭lah。佇福音書攏總有記載伊三擺到佇這個家庭的記事佇咧。
1）路加10：38-42，咱佇前會才相佮科考了的所在。佇彼時耶穌拄拄親像一位先知，要求著揀著好的份額，來呵咾坐佇伊的跤下聽伊的教示的馬利亞的選擇。
2）約翰11：1-44，這站是伯大尼的家庭拄著大問題的時緊去請...
|
|
[1968-8 台灣教會公報 文類-散文 作者--/-]
光華女中的宗教活動 [ Kong-hoâ Lú-tiongê Chong-kàu oa̍h-tāng ]
光華女中的宗教活動
1968.08.01 1035號P.8~p.9
真感謝公報社編輯先生予阮有機會通報告阮佇台南華女中的學生宗教工作的情形。
代先阮愛感謝上帝的恩典佮濟濟位兄姊的關心佮代禱，才會通得著上主的帶領，保守繼續18年久到佇今仔日。
咱攏知這間學校是約40年前開辦佇彌陀寺廟內的一間「阿彌佗佛」佛教的學生，佇光復後，台南市的人士接受起來成做無宗教的普通中學。18年前林Teng-chhó先生做校長任內有聘請李嘉嵩牧師來執教，紲聘牧師娘來當舍監，目的是愛開墾這坵的葡萄園看有所收成通奉獻予主抑無？當時舍監猶有一位是黃主義牧師的令妹Lâi-siù先生，伊是一位好信仰閣熱心愛為主工...
|
|
|
|
