[1890-4 臺灣府城教會報 文類-散文 作者-劉慕清/Lâu Bō͘-chheng]
論喪事 [ Lūn Song-sū ]
論喪事1890.04 第五十九張 p.26-28(是劉慕清做--ê。)(接前張第20面。)論棺槨 棺，是棺木，有時講板，有時講棺柴，其實同一項物。棺木ê外面另外koh一重來包就號做槨；槨，有柴槨石槨。禮記檀恭上講，桓司馬做石槨3年iáu-boē好；孔子嫌伊奢侈。孟子講，中古ê時棺7寸，槨也是án-ni。Thang知古人有用槨。 現時雖然罕tit有用槨，但是論喪事ê代誌，猶原是講棺槨衣衾。Bat看官府beh運棺倒去本鄉，用柴來做親像大櫃ê款，棺柴下tī內面，頂面蓋掛；tuì外面看是大櫃，無看見有棺。 古人用槨ê意思，是beh保護棺木hō͘伊較oh歹，是取實在ê路用。現時ê人tuì重棺罩，不過取t...

[1890-5 臺灣府城教會報 文類-散文 作者-劉慕清/Lâu Bō͘-chheng]
論喪事 [ Lūn Song-sū ]
論喪事1890.05 第六十張 P.38-40(是劉慕清做--ê。)(接前張第28面。)過壽亭。有人畫死人ê形圖，號做Khioh小影，也講：Khioh大壽。出葬ê時hit幅小影下tī柴轎，扛tī棺前；hit頂轎就號做過壽亭。葬了倒-- 來hit幅壽掛tī安靈ê所在。 Khioh大壽thang hō͘子孫看祖公ê形象，卻m̄是異端，總bē比tit翕像較著法。 開路神，也講孔敬用紙糊一先lò-lò ê紙人，面貌兇惡thang驚，手舉利器，號做開路神。兩人畫面，頭毛扑散，扶紙人來行。意思是beh趕逐兇神惡煞，hō͘亡魂免驚。有所在無用。Che是異端。其餘麻燈、紅綵、白綵既然m̄是異端，用也無防，m̄...

[1890-7 臺灣府城教會報 文類-散文 作者-劉慕清/Lâu Bō͘-chheng]
論喪事 [ Lūn Song-sū ]
論喪事1890.07 第六十二張 p.54-56(是劉慕清做--ê。)(接前張第48面。)論塚地、墳墓、合葬。世俗信風水會致蔭人，財、丁、貴、福、樂、壽；所以有額人平時飼地理師四界chhoē地，若地理師講，hit位有甚物好穴，就了濟濟所費也beh買到成。有時致惹災禍也無要緊。Che是m̄-bat真理，正án-ni受迷。 Koh墳墓著照地穴來推排，he是啥穴，墓著怎做正會行氣，beh取丁，抑是beh取貴，又著怎樣製作。逐項攏著趁地理師ê話，m̄敢歪chhoa̍h。Che m̄若異端，也是憨。 有人問講，信主ê人chhoē墓地，買塚地thang嗎？應伊講，應該著；iáu-kú kap世俗著分別，咱...

[1891-2 臺灣府城教會報 文類-散文 作者-盧醫生/Lô͘ I-seng]
大社ê醫館 [ Toā-siā ê I-koán ]
大社ê醫館1891.02 第六十九張 p.3(Lô͘醫生記--ê.)我tuì今年三月間去大社開設醫館；tiàm tī-hia到11月20停醫，落來府城過年。án-ni toà tī-hia計共8月日久。從中所來醫ê人額有排列 tī 下底。新來就醫ê人是2315。In中間有190個toà tī 醫館內。亦有366用thâi割kā in打tia̍p。有ê來幾若擺。若beh算新--ê kap舊--ê，我有看共13847人。Hiah-ê病人較濟是做穡人，toà tī 鄉社--ê;toà tī 城內抑是街市--ê較少。好額kap紳khim ê人較罕tit來醫館就醫，éng ài請醫生去in兜kā in看...

[1891-11 臺灣府城教會報 文類-散文 作者-Lô͘ Lé-tì/Lô͘ Lé-tì]
自身不能保 [ Chū-sin put-lêng pó ]
自身不能保1891.11 第七十八張 p.76-79(楠仔坑，Gô͘ Lé-tì記--ê.)今我將這個代誌hō͘ lín知，就是鳳山縣屬ê觀音里有一庄名叫瓊仔林，hia ê人hō͘魔鬼苦楚到極，kah in三年著做一擺一條醮。所以in kiàn tú著大孤年就做醮；今年已經閏月就是大孤年，in就扛佛來看日，kā in定本年11月13日起鼓，十四ê昏入醮。 到時in就去搭一座壇tī田裡，分內外壇，亦分東西壇，亦去請司公頭姓林名憨幻，伊toà tī oān-châu-tiong，亦 kap 4個司公腳chham 扑鑼鼓kho̍k 鏗ê人。In到，就排壇起鼓吊chhak，外壇吊3幅，是三界神像ê c...

[1892-7 台南府教會報 文類-散文 作者-Phoaⁿ Bûn-bêng/Phoaⁿ Bûn-bêng]
掠風掠影 [ Lia̍h-hong lia̍h-iáⁿ ]
掠風掠影1892.07 87卷 p.53-55(Phoaⁿ Bûn-bêng 做--ê.)代先來論起風及影，就知掠風掠影是空空。論這個風是有thang 聽伊ê聲，無thang 看伊ê形，這個風是活氣。人無thang 知這個風定著tiàm tī tah落一所在，也m̄ 知吹去歇tī tó位，不過人看伊所吹ê草木，thang 知是tah 落來，也tah落去。風teh吹就是對hit個活氣teh走，hit個活氣若大下走，風就大，也真緊，liâm-piⁿ吹來，liâm-piⁿ過去，若是寬寬走就平和。這個風是大利益人，kap逐項物；若無這個風，人及萬物bē 得著活。論影亦是無物tī hit內面，不過是對有...

[1892-10 台南府教會報 文類-散文 作者-Ki Ki-hoat/Ki Ki-hoat]
大學要論 [ Toā-o̍h iàu-lūn ]
大學要論1892.10 90卷 p.75-77(Ki Ki-hoat寫--ê.)Bat 想古早 ê 王者建立國，無一項比學校較切要。因為百姓無讀，就m̄知道理，若親像玉無雕琢，就未成器具。Tuì án-ni 就闊大設學校，tī 街--ni̍h 有塾學 ，tī鄉黨有常士 ê 學，tī 國就有國內 ê學。雖是有這幾等ê學，總亦有分大細。人出世8歲，就入小學，頭先教示伊洗掃、應對、進退、禮樂、射箭、牽車、算數。到十五歲，就入大學，學習修身、齊家、治國ê 道理。王者所要緊設法學校，無m̄是愛伊 ê國成做文墨 ê 國，百姓做成馴良 ê 百姓。古早有chiah-ê學，千萬 m̄ 值著咱聖會各等ê學。咱聖會...

[1892-11 台南府教會報 文類-散文 作者-Toh Chín-tek/Toh Chín-tek]
樹木ê利益 [ Chhiū-ba̍k ê lī-ek ]
樹木ê利益1892.11 91卷 p.83(Toh Chín-tek寫--ê)今論到上帝所做--ê，照咱世間人 ê 肉眼是看bē會齊了。物有寶貝--ê，也有較粗俗--ê；若是beh 講起到齊備，是講bē盡。 小可舉起一項來講；地面上 ê 樹林，有甚物thang干涉 tī 咱人 ？若略仔來想實在是有，真大。Hit號 ê 所在是較常有水，也較愛tuì hia落雨；想到這個到底是甚物理 tī-teh？真正有；的確是有理。因為樹林是屬tī 高山嶺尾 ê 中間；若是伊常常茂盛，是tuì 較有罩雲 tī hia，就快快會落雨；平洋 ê 所在百項草木也toè伊興起。 Koh，樹 ê 根竄入tī 深深 ê 塗...

[1926-10 芥菜子 文類-散文 作者-柯撒該/Koa Sat-kai]  (2)
耶穌佮撒該 [ Iâ-so͘ kap Sat-kai ]
耶穌佮撒該。 「因為人子到，是欲揣失落的人，來kuì--伊」。 (路加19：10) I、Teh 揣的罪人。(撒該) 1、撒該有要求的心神。 2、撒該有真實的元氣。 3、撒該有熱望的精神。 4、撒該有實行的信仰。 II、Teh 揣的救主(耶穌) 1、耶穌來揣撒該。 2、耶穌叫撒該。 3、耶穌佮撒該做陣。 4、耶穌堅固撒該的信。 III、撒該信耶穌，有四个時期。 1、好奇心。(3節) 2、深信。(5，6節) 3、反悔。(9節) 4、奉獻。(8節) IV、耶穌救撒該，有兩名稱。 1、耶穌做人客。(7節) 2、耶穌是救主(9節) 「耶穌拯救撒該！」這个予咱做...

[1926-11 芥菜子 文類-散文 作者-邱天保/Khu Thian-pó]  (2)
重頭生 [ Têng-thâu siⁿ ]
重頭生。 耶穌共尼哥底某講，「人若無重頭生袂入上帝的國」。(約翰3：3)耶穌講一句「重頭生」尼哥底某袂明白，講「人已經老欲thái 會閣入老母的腹肚來重出世？」總是耶穌所講這句，毋是指肉體的，是指心神的重頭生。 今人愛得著心神的重頭生著愛幾若項，記佇下面予大家做參考： 1、 著反悔罪。 耶穌講「時到lah，上帝的國近lah；著反悔來信福音」。（馬可1：15)。耶穌起頭出來傳道理的時，頭一步就是叫人著代先反悔。按呢通知人欲重頭生著愛知罪來反悔改變。親像撒該是抽餉的人，猶太人看伊是第一重罪的人。伊佇耶穌的面前有知家己的罪來反悔。所以耶穌共伊算做是重頭生的人。 2、 心神換新...

[1929-8 台灣教會報 文類-散文 作者-金姑娘/Kim ko͘-niû]
金姑娘ê批 [ Kim Ko͘-niû ê Phoe ]
金姑娘ê批1929.08 533卷 p.5-7讀教會報ê朋友，平安。高姑娘佮我已經到位tī Canada （加拿大），經過5月半日久ê路程，亦有視察真濟各樣ê所在。今ài beh kā tī 台灣濟濟朋友請安。 舊年1928 A.D。10月尾阮離開台灣，第一第先停睏tī Hongkong(香港)。Tī 路中有經過廈門佮汕頭，香港是真suí ê所在，差不多通阮所經由ê都市第一suí --ê 1個。 Tuì 香港阮1暝昏ê路程坐細隻船去Kang-mn̂g。Hia 有加拿大ê宣道會tī hia，3年前hiah-ê 宣教師、牧師、醫生，佮先生因為戰亂ê緣故趕緊逃走去香港。佳哉教會ê厝無受扑害，亦今已經...

[1909-1 台南府城教會報 文類-散文 作者-梅牧師/Muî bo̍k-su]
平安 [ Pêng-an ]
平安(梅牧師記)1909.01 286卷 p.1-2 俗語講：「天賜平安福」。Hit句卻有影；毋過較濟人chhoē世間ê平安nā-tiāⁿ，亦hit个平安是真oh得拍算。世間ê平安是若準山頂ê水窟水。落雨就有水；無落雨就無水通食。世間ê平安毋á是按呢。有錢有平安，欠錢無平安。有朋友就有平安，無朋友就無平安。有囝孫平安，無驚孫無平安。父母某囝tī-teh算是平安；歹--去就無平安。身軀破病算是無平安。長歲壽人就講：福氣，好命。夭壽就講歹命。按生世間ê平安攏無定著，今仔日有；明仔載無。天ê平安較各樣。上帝所賞賜ê平安親像古井ê水。落雨亦有水，無落雨ê時陣水猶較清，猶較好食。拜上帝有錢亦好，無錢亦好...

[1909-2 台南府城教會報 文類-散文 作者-梅牧師/Muî bo̍k-su]
福氣 [ Hok-khì ]
福氣1909.02 287卷 p.9-11(梅牧師記)逐人ài福氣；m̄-kú福氣真oh-tit chhoē。咱若問--人看伊有得--著福氣--無？大家講：「無」。若koh問：「你bat煩惱--無？」大家講：「bat」。「煩惱甚mih 貨？」「煩惱無銀」、「煩惱腹肚枵」、「煩惱歹年冬，稻仔割少，土堆poé無」、「煩惱錢趁bē了」、「煩惱做了錢ê生理。」照較濟人teh想是tuì散hiong 才會煩惱；若好額就m̄免煩惱。iáu-kú咱若問有錢人看伊bat煩惱；伊也m̄敢講m̄-bat。伊teh驚賊會來cheng-piàng ，teh煩惱伊ê銀hō͘人借，利息 m̄還伊，煩惱家內無和順，煩惱子不孝...

[1909-3 台南府城教會報 文類-散文 作者-梅牧師/Muî bo̍k-su]
福氣 [ Hok-khì ]
福氣1909.03 288卷 p.20(接2月ê教會報11面)咱ê大ê老父就是天頂ê主，極大ê神。伊知咱ê欠缺，koh用tú好ê法度來補hit-ê 缺。今拜上帝信靠耶穌有甚mih福氣？1.頭一款ê福氣是咱靠耶穌就m̄免驚犯--著，吐--著、煞--著。Koh m̄免看好日。逐日是好日。Beh起厝、beh圍籬笆、chhāi木柵、釘khi̍t、beh進葬、beh相嫁娶逐日攏是好日。譬論來講，皇帝若做你ê好朋友，kap你相牽手，就攏無人敢kāng--你 ；也天頂ê主若做咱ê好朋友，就鬼神攏m̄敢倚--來。咱若信耶穌就得--著一個好朋友thang hō͘咱倚靠，thang kap咱交陪。2.第2款ê福氣...

[1909-5 台南府城教會報 文類-散文 作者-梅牧師/Muî bo̍k-su]
無人倫 [ Bô Jîn-lûn ]
無人倫1909.05 290卷 p.39-41(梅牧師記)Ta̍uh-ta̍uh有人teh講，這個道理是好；不過無神無明無公無媽，án-ni較m̄著。今人拜上帝kám會thang講是無神明？上帝是活活ê神，逐項知，逐項會，逐所在tī teh；人若拜伊，就是拜神明。 若是hiah ê柴刻--ê,土chhio̍k-ê,有目珠bē轉輪，耳孔bē聽見，鼻孔m̄ bat芳臭，有腳bē行路，嘴bē講話，腹肚無腸仔肚，hiah-ê kám m̄著講是無神無明。咱teh 向望伊會保庇咱，反轉是咱teh保庇伊。伊著倚靠咱kā伊起廟，kā伊祭祀，kā伊燒金送所費。有時hō͘老鼠chhia倒也bē曉tit than...

[1909-6 台南府城教會報 文類-散文 作者-梅牧師/Muî bo̍k-su]
無人倫 [ Bô Jîn-lûn ]
無人倫1909.06 291卷 p.46-47(接第41面)論公媽ê事咱猶原著會曉得thang分別真假。拜上帝ê人真tuì重父母公媽；第5條戒講：「著敬你ê父母」。 M̄-kú無的確著用神主來敬咱ê序大人。較早是用屍主，就是人死了就「到獻祭ê時有用伊ê大孫裝做祖宗ê屍像正正teh坐，hō͘同族ê人排祭物獻祭跪拜，表明孝敬ê意思」。 Hit-tia̍p iáu-boē有用木主。照人流傳是丁蘭設木主。丁蘭是真不孝ê子逼死伊ê老母。咱若學吳猛飼蚊，抑是學孟宗哭竹是較好。論hiah-ê扁枋仔是一尺懸nā-tiāⁿ，咱ê公媽tiàm hia thái會落？Koh咱著想，咱ê 父母若死，咱7日久一日孝2 ...

[1909-7 台南府城教會報 文類-散文 作者-梅牧師/Muî bo̍k-su]
天是祖家 [ Thian sī chó͘-ke ]
天是祖家1909.07 292卷 p.55-56(梅牧師記--ê)咱行路有伴，就較bē懶。雖然teh擔擔，路khâm-khia̍t ，日真炎，汗流攏bē離；iáu-kú咱幾若人做陣，相kap講話，就較bē thiám;一--下-仔就到位。咱tiàm世間若出外，路猶原歹行；世間是苦海，看tó一個m̄-bat哭，tó一個m̄-bat哮，流目屎、吐氣。舊年有舊年ê艱苦一款，今年有今年ê艱苦一款，攏是著磨，攏是頭路。 耶穌若kap咱做堆，就較有伴，較bē懶，較bē餒志，較bē煩惱過頭。有時身軀真siān,心神不安；若想著耶穌，心就開，身體較爽快。 「我心紀念耶穌ê 恩， Che恩若藥一般， 會解世間苦...

[1912-8 台南府城教會報 文類-散文 作者-梅牧師/Muî bo̍k-su]
Bat家治 [ Batka-tī ]
Bat 家治梅牧師記--ê 有一頂號ê人常常出外beh看外國ê光景，亦本國ê光景無甚麼bat看。有一頂號ê人ta̍uh-ta̍uh tī國內四界行chhit-thô，亦罕得tńg--來kap本所在 ê人盤-noá。有一頂號ê人kap本庄 ê人真熟似，亦kap本身攏m̄ sio-bat。 按怎樣kap本身m̄ sio-bat？設使咱若問伊講：「某人是做甚麼款？」伊會曉得thang kā咱講明庄裡隨人ê款式，koh會曉--得thang分別隨人ê性情，就是講：伊 khah詭譎，亦伊 khah老實，koh 伊 khah 躁性，亦伊 khah 貧憚， 伊 khah 孤-ta̍k，亦伊 khah 愛 k...

[1929-12 台灣教會報 文類-散文 作者-戴Ek-gî，戴仁理/Tè Ek-gî, Tè Jîn-lí]
批 [ Phoe ]
批1929.12 537卷 p.13芥菜子46號(戴Ek-gî，戴仁理)「這張批是戴醫生的令尊佮令堂寫來共馬偕病院的患者說謝--的；今愛落佇遮，紲予列位知患者的好意。」批寄予踮佇台灣所疼的朋友兄姊收，平安。恁有寄2支真媠金的十字架來送阮，也共阮2人恭賀；阮到極歡喜。這2支金十字架，阮掠做極寶貝，也是通時時顯明恁疼痛的紀念品。對遮通知，恁猶原有teh 疼咱的主耶穌基督，就是獻身做咱極大的救主。今著勇健，也著好膽，因為救主耶穌是恁盡忠的朋友。著舉目看救主講：「主耶穌--ah，阮獨獨teh倚靠你，就是大佮白白的救主；阮倚靠你紅的寶血來得著清氣閣成聖。」設使恁驚，恁的罪過予恁佮聖的上帝相離，著好膽，因...

[1915-6 台灣教會報 文類-散文 作者-劉阿秀/Lâu A-siù]
佈道的事略 [ Pò͘-tōêSū-lio̍k ]
佈道的事略。 1915.6，no.363，pp.6 佇龍潭埤阮3月7號的禮拜有參詳愛設佈道佇各庄社，所以佇彼禮拜就紲題緣。遮的教會不止贊成這个事。有題十外箍；後來紲擬定愛請一个人來鬥幫贊佈道，所以有請中壢的執事吳玉廷一月日久，就是對3月9號到4月9號。佇這月日的中間阮若無拄著大雨，逐日有出門佈道。有時也有教會佮阮出門。阮有時是去附近的大庄講予人聽，有時是予人請去in 的家內講予in 的家內的人聽。感謝上帝阮去到逐位人攏歡迎。亦逐所在人攏呵咾咱的道理真好。阮佇這月日間所經過的庄頭19所在。較有機會的所在有去幾若擺。Chiah 的所在所聽見道理的人約略有1500人。Taⁿ致意寫幾字予大家知，請...