[1934-10 台灣教會公報/芥菜子 文類-散文 作者-劉阿秀/Lâu A-siù]
公館教會 [ Kong-koán Kàu-hoē ]
公館教會 1934. 10，no. 595，pp. 29-30 劉阿秀 對主後1900年，就是明治33年1月建設本教會。佇明治32年春天，佇公館Hok-ki等地方，有謝Hōng-lông，林旺興，林信興，詹阿顯，林祝奉，張德實，葉Chok-khiân，江傳鹿，羅ùn-lâi，劉阿秀等欣慕道理的人，去苗栗的田寮庄禮拜。逐禮拜愛去禮拜的人著早起時4點出發，到彼下晡5點才會轉到厝。彼時是將A-moē先生佇田寮做傳道師。後來欣慕道理的人那加添，眾信徒覺悟佇公館庄著設拜堂的必要，就大家相協議題捐。佇1899年10月間著手設法拜堂，佮拜堂來的備品，紲託將傳道對偕牧師稟請設教佇公館庄；得著偕牧師的...

[1935-6 台灣教會公報/芥菜子 文類-散文 作者-劉阿秀/Lâu A-siù]
震災的慘景 [ Chín-chai ê Chhám-kéng ]
震災的慘景1935.06 第603卷 p.27-28芥菜子第113號(劉阿秀)4月21日早起6 點khòng 鐘，忽然地大動，彼日我佇獅潭，蹛佇蘇春盛執事兜，伊的厝是2層的厝，我佇樓腳睏，抵欲起床，抵著地大動，伊的厝liâm-piⁿ倒--落來，我緊匿佇門徛，才免受死，伊的家內佮我共11人，只有我佮春盛的大囝12歲受傷，其餘--的9人攏無受傷，這明明是上主的保護。獅潭的庄有幾十戶若定，通講厝攏倒--去，咱的拜堂也倒--去，彼所在有現死幾若人，我有受傷佇頭殼佮手，春盛的囝也是佇頭殼佮身軀受傷，人事不省。厝倒的時，我佇樓腳活埋，地動煞，才對厝孔爬--出來，我的傷經過10外日，就攏好，真感謝上帝。 地...

[1931-11 台灣教會報 文類-散文 作者-周惠霖/Chiu Huī-lîn]
奇異 (Kiwi) [ Kî-uí (Kiwi) ]
奇異 (Kiwi)周惠霖1931.11, no. 560, pp. 4-5 佇澳大利亞國有一款的鳥仔名叫做奇異 (Kiwi)。 這號鳥仔，一年的中間干單生一粒卵；毋過兩是真大粒。鳥仔囝tuì出卵殼彼日，就會曉家己照顧，毋免倚靠伊的父母的力。今年的中間有濟濟的患者來入台南新樓醫館，其中有700外人以前攏毋捌聽著道理。 In佇醫館內攏有聽著 - 有的有接納，有的轉去in 兜猶teh想所聽的道理，有的明明拒絕，總是通講已經有掖種子佇in逐人的心內。 可惜，遐的聽道理，接納道理的人毋是親像彼款奇異鳥 - in猶著欠人的照顧。 In欠同伴，in欠好心的人去找 in，佮in相合講話談論上帝的疼佮伊的恩...

[1937-10 台灣教會公報 文類-散文 作者-蘇育才/So͘ Io̍k-châi]
蘇育才的感謝 [ So͘ Io̍k-châi ê Kám-siā ]
蘇育才的感謝 1937年10月631期 4-6 因為我的囝蘇Chín-hui，染著重的病，予醫生3擺宣言講絕望。Taⁿ佇9月11日，得著平安退院，這是九死一生，袂禁得著感謝。 1. 感謝天爸的憐憫拯救。 2. 感謝濟濟教會的祈禱團，以及偌濟佮我同做工的朋友，佮南北濟濟疼痛我的兄弟姊妹，熱烈替祈禱的前，毋敢袂記得。我拄約幾若位教會欲去問道理晚餐，佮高中幾若項工著做；忽然佇6月12發熱，僥疑チブス，愛我轉來參詳。孤不將佇15早起，對屏東來彰化，siāng日下晡4點外鐘，我就提伊的血去台中託州的衛生課檢查，18日早起，接衛生課電話，講是真性的チブス；同日12點，就入台中...

[1916-9 台灣教會報 文類-散文 作者-施寬宏/Si Khoan-hông]
後山的消息 [ āu-soaⁿ ê siau-sit ]
後山的消息。 (施寬宏記)。 1916.9，no.378，pp.8-9 佇台灣東爿有紅頭嶼佮火燒島。紅頭嶼是A-mi族踮遐，毋准人佇遐徛起，無通去in遐視察。佇7月21號劉忠堅牧師佮我坐火船到火燒島佈道。這个島無番仔徛起，攏是人佇遐生活。又閣有台灣浮浪者收容所佇遐。這所在是懸山四面大海；有通耕作的平洋毋上20甲。百姓艱苦，人較濟著靠台東本廳的土產。每月火船來往四逝；對卑南到火燒島火船行2點30分久。徛起的百姓計共有1300人，浮浪者90人，派出所一位。 有三个庄社就是南寮，中寮佮北寮。阮去逐庄以及收容所佈道，機會真好。到23的禮拜日有鼓舞南寮的青年者30外人聚集設特別的主日學。彼暝昏中...

[1914-6 台灣教會報 文類-散文 作者-林清廉/Lîm Chheng-liâm]
宜蘭教會 [ Gî-lân Kàu-hoē ]
宜蘭教會 林清廉 1914.6，no.351，pp.6-7 現時宜蘭街的教會有幾若位來相佮，真是Pái-lî，Sin-ná-hán，Bú-loán按呢就較鬧熱，也較活動。閣佇兩三年的中間有加添10外个漢人來聽道理，幾若人已經領洗禮。禮拜日頂晡佇本拜堂做禮拜平均有60左右人，中間4份3份是平埔，1份是漢人。下晡時一禮拜佇Pái-lî，一禮拜佇Sin-ná-hán佮Bú-loán 5所在佮in 聚集。 論Bú-loán佮Sin-ná-hán這兩所在的教會有倚30戶，大細有百外人，現時真冷淡，無幾人欲來宜蘭街做禮拜。下晡時若去欲佮in聚集禮拜，著逐綴厝去叫in，有的喙應好，跤也毋行倚。Teh...

[1934-11 台灣教會公報 文類-散文 作者-林清廉/Lîm Chheng-liâm]
助成宣道婦的必要 [ Chō͘-sêng Soan-tō-hū ê Pit-iàu ]
助成宣道婦的必要 (林清廉) 1934. 11，no. 596，pp. 25-26 現時咱北部的教會漸漸teh進步，總是慢慢仔行，無甚物大步。咱毋通掠按呢做滿足，著向望閣較大進步興起。照我teh看，若欲予咱的教會較大進步，著養成較濟的宣道婦來鬥做工。若是論牧會，著傳教師；若是欲招人來信道理，猶著宣道婦較有力。 今照我所經驗--的，寫淡薄佇下底：- 我踮玉里4年久，所加添的信者真少，也以前所有的會友攏是別位搬來--的。後來我看鳳林教會有得著一宣道婦 (就是劉--氏幼)來鬥做工，也伊佇鳳林6月日久，就引chhoā幾若家來聽道理。後來伊轉去台東教會做工，也佇台東6月日久，照台東...

[1934-12 台灣教會公報/芥菜子 文類-散文 作者-林清廉/Lîm Chheng-liâm]
欲就會，毋就袂 [ Beh chiū oē, m̄ chiū boē ]
欲就會，毋就袂 (林清廉) 1934. 12，no. 597，pp. 29 觀音山教會，以前毋捌出女宣道會的捐金。今年11月11日禮拜煞，我就開喙共in題看，連鞭就題十外箍。從中咧題的時，有幾若个查埔人佇咧，(因為in的婦人人無來)。一个就講，「我出一箍銀，寫我的婦人人的名」。閣一个也是按呢講，這實在真正通做模範。 查埔人替in的婦人人，來獻女宣道會的捐金。這就是顯明in內中有愛情佇咧。若有人替伊的老母來獻金，也是表明伊的孝誼。 Suī-huī的新會友咧準備欲設講議所猶未成，就已經有十所的姊妹入女宣道會。真正是「欲就會，毋就袂。」 今向望，猶未募集宣道會的教會，任職...

[1935-1 台灣教會公報/芥菜子 文類-散文 作者-林清廉/Lîm Chheng-liâm]
現在的平埔族佮A-mi族 [ Hiān-chāi ê Pîⁿ-po͘-cho̍k kap A-mi-cho̍k ]
現在的平埔族佮A-mi族1935.01 598卷 p.23-24芥菜子第108號(林清廉)Teh欲講起現在的事，也著講淡薄過去的情形來接紲。因為我有讀著12月號的教會報，有1篇替平埔族teh辯解in的冤枉，我的心不止受感動，所以寫這篇專專來論宜蘭的平埔族(也後來紲論東部的A-mi族). 宜蘭的平埔族，本有36社，40外年前，in的人額不止濟，到尾也真興起。彼霎in真富裕，因為in有「公租」、「私租」通收。就是舊政府的時代，有特別款待。佇逐社的附近的土地，漢人若去開墾，到生成的時，每年著納租，交in的頭目。頭目除公費以外，賰--的，著照丁、口，分予逐戶。(彼時教會的經費，無對個人題，攏是頭目對公...

[1935-5 台灣教會公報/芥菜子 文類-散文 作者-林清廉/Lîm Chheng-liâm]
現在的A-mi族 [ Hiān-chāi ê A-mi-cho̍k ]
現在的A-mi族1935.05 第602號芥菜子第112號 p.23-24(林清廉)A-mi族，就是踮佇東台灣企起的原住民，in 原本面無刺字，也無刣人的風俗；in所踮，是佇平洋山跤的所在，所以人共in分別是「低山番」（別款，原本男女，面攏著刺字，也常常愛刣人，生活是踮佇山內，所以人共伊分別是「懸山番」 ）。 今我所teh 講--的，是專講「低山番」（A-mi族）；對洄瀾港到台東，一逝平洋以及沿海邊，四界攏有A-mi族teh 企起（大約有倚5萬），論in的生活，全部是耕農，袂曉做生理，查甫--的，有時愛掠；查某--的，攏著作穡。 論教育，官府佇逐所在攏有共in 設公學校，閣佇逐个番社有設夜學，...

[1937-2 台灣教會公報/芥菜子 文類-散文 作者-吳清鎰/Gô͘ Chheng-ek]
樂山園訪問記 [ Ngāu-san-oân Hóng-būn-kì ]
樂山園訪問記 吳清鎰 1937年2月623期 25 鄙人佇舊年12月15日，佮陳，蕭，張，三位先生對台北坐バス去訪問八里庄癩病院樂山園。彼早起台北的雨不止大，總是八里庄真好天閣燒熱。行路的時對遠遠就看著樂山園的全景真正美麗好景緻。Têng園青翠的花木整頓真四序。得著陳先生親像案內見學。園內攏是近代tek的設備。逐項清氣閣好勢。園內的患者六日慇勤做工作菜園，第7日安歇守禮拜，得著牧師的靈tek栽培好教示。親像按呢，in每日的生活不止有趣味，逐人攏是感恩佮歡喜。現時患者總數58 ，內中女子15个。佇12月26日，阮得著園長戴醫生的招待，閣一擺去訪問in，赴in聖誕的祝賀會。I...

[1937-3 台灣教會公報/芥菜子 文類-散文 作者-吳清鎰/Gô͘ Chheng-ek]
正義的主張 [ Chèng-gī ê Chú-tiuⁿ ]
正義的主張 吳清鎰 1937年3月624期 24-25 「猛獅咧哮，啥人毋驚，耶和華的所講，啥人毋傳？」(A-mô͘-sū 3：8，私譯)。 正義是甚物？世間人濟濟家己想講我的主張才是正義，凡若反對我的攏是不義。總是這是人家己的所想，毋是有甚物事實的根據。正義的標準，毋是在佇人，gâu人，先知抑是聖人。正義的根據，就是在佇上帝的所講，上帝的話。所以人欲主張正義，毋是欲主張人家己的意思，家己的哲理，是干焦予上帝做差用，聽上帝的聲來講nā-tiāⁿ。Taⁿ關係正義的主張寫幾項做參考：─ (1)主張正義的動機。毋是對人，就是對上帝的聖意。是上帝的命令，是上帝的聖旨。...

[1937-4 台灣教會公報 文類-散文 作者-吳清鎰/Gô͘ Chheng-ek]
聖書研究會 [ Sèng-su Gián-kiù-hoē ]
聖書研究會 吳清鎰 1937年4月625期 25 論聖書的研究，無論是教職者抑是平信徒，通講是非常的要緊事，是靈tek的米糧。雖然每禮拜會通對聽說教來得著闡明聖經的道理，猶過聖經的組織tek研究，佮佇同時來聽見幾若人的說明，閣加添對家己的生活，家己的知識來解說，是真會加幫贊咱捌聖經。毋若按呢，若有一个一定的時間，有一个小團通相佮研究，是予咱較有趣味，無想siān。因為論研究聖經，家己一人亦會，總是常常會失落機會，袂繼屬。論教職者中心的聖經研究會是閣較要緊。雖然是徛台頂不時咧 解說聖經，是咧教示別人，猶過著閣較俯耳孔來聽別人的解釋。因為聖神檢采欲代先開啟別人的心，欲經過別人...

[1937-4 台灣教會公報/芥菜子 文類-散文 作者-吳清鎰/Gô͘ Chheng-ek]
總督視察樂山園 [ Chóng-tok sī-chhat Ngāu-san-oân ]
總督視察樂山園 1937年4月625期 29-30 小林總督，秘書官，秘書係長，台北就知事，以及其他總督府的要人，佇3月4日去八里岔視察樂山園。巡視園內逐項的設備佮恩賜的記念式。不止同情佮表敬意佇這款癩救治的事業。亦有送患者一人一領毛毯，眾犯者受著這款的疼痛，真正受感激。 (吳清鎰報)。...

[1937-5 台灣教會公報/芥菜子 文類-散文 作者-吳清鎰/Gô͘ Chheng-ek]
警醒 [ Kéng-séng ]
警醒 吳清鎰 1937年5月626期 22-23 1. 神蹟。對重行神跡醫病，較過頭佇傳福音--的；這款的信仰是危險。行神跡醫病是什麼意思？是欲予人省所費會得著病好，抑是欲予人得著肉體上的安全佮閃避目的，敢毋是為著福音佮為著欲顯明上帝的榮光？欲有假基督，假先知來咱中間。咱著警醒毋通入佇迷惑。 2. 赦免。上帝有赦免人的罪，世間人亦著相仝赦免。有人真gâu用這兩字「赦免」。人若是對「赦免」來捌上帝的恩典無限量，佮捌咱應該著歡喜赦免人，這是著。總是若有人想講，咱通捷捷做毋著來求上帝的赦免，亦無想咱著赦免別人；按呢是非常的誤解。咱通無條件赦免兄弟，總是毋通要求講你敢袂通佇基督的疼...

[1937-6 台灣教會公報/芥菜子 文類-散文 作者-吳清鎰/Gô͘ Chheng-ek]
活命 [ oa̍h-miā ]
活命 吳清鎰 1937年6月627期 21 一粒的芥菜子，雖然是極細，極小可，猶過對無siāng款的立場來看的時，所生出的結果精差不止濟。農夫的看法；一粒芥菜子提來去掖佇拄好的所在，就欲得著結實三十倍，六十倍，一百倍。畫圖家的看法；一粒芥菜子提來去掖，就欲得著發一欉芥菜，來做畫圖的好題目。科學者的看法；一粒芥菜子來分解，檢采通發見著甚物要緊的元素，抑是通得著甚物貴重的藥料。宗教家的看法；一粒芥菜子著有活命，若有活命，就欲活到永遠，若無活命，一粒芥菜子就攏無價值。一般的世間人，對重世間事，用世間tek的目睭，看出世間tek的事物。總是宗教家對重活命，毋但宗教家，用主耶穌的閣活...

[1937-8 台灣教會公報 文類-散文 作者-吳清鎰/Gô͘ Chheng-ek]
我的主 [ Goá ê Chú ]
我的主 吳清鎰 1937年8月629期 28 耶穌基督是我的主。我的主屬我。總是想較深，我是主的，我是屬主。主所歡喜，我著歡喜；主所厭惡--的，我著厭惡；主的教示，我著學習；主的道理，我著遵守；主若行，我著綴；的確毋通佮伊相離。我的主滿心慈悲，雖然我踮佇失迷，毋捌伊，猶過伊代先捌我的名字。我雖然滿身污穢，伊親手共我洗清，雖然我猶軟弱，伊致意共我扶持。大施恩的主，我的確毋通離開伊。 有時我家己咧想，那想就那失志，我綴主是為著甚物？我若綴伊敢毋是空空不利。我若綴伊，著學謙卑，閣著放拺世間一切的財利。著歡喜予人看做戇，受眾人的恥笑。毋但按呢，亦著歡喜向落佇假佯綴主的人的面前，著...

[1937-10 台灣教會公報 文類-散文 作者-吳清鎰/Gô͘ Chheng-ek]
樂山院 [ Lo̍k-seng-īⁿ ]
樂生院 吳清鎰 1937年10月631期 30 列位兄姊！樂山園的消息，咱佇本報常常捌讀著。總是樂生院咱較毋熟似。樂生院就是官設的癩病院。遮所收容的患者男女總數，現時四百四十名。對5，6年前khai-設以來，陳溪圳牧師有常常去遐傳道理，總是對今年4月以來，有黃六點傳道師專務佇遐做主的工，來聽的人有時七八十，總是相接紲來聽的人亦有三四十人。佇9月5日，雙連的小會聚集佇樂生院，有13个癩患者來問道理，逐个道理不止明，閣in佇院內的生活亦不止好模樣，實在會堪得做主的學生，所以有攏總共in接納，行洗禮，紲守聖餐。患者的中間，有的對以前已經信道理，閣醫生職員，看護婦亦有的是信者。...

[1937-10 台灣教會公報 文類-散文 作者-吳清鎰/Gô͘ Chheng-ek]
平和 [ Pêng-hô ]
平和 吳清鎰 1937年10月631期 22 人愛平和。總是平和的意義在佇安全(安全)。生命財產無安全的所在，袂通算做是平和的所在。德譯語的平和佮安全是siāng一字(Fricde)。平和佮安全實在袂通相分離。 平和有兩款；就是人的平和佮上帝的平和。(1)人的平和是現狀維持的平和，是妥協tek，是一時的，是表面tek；內中有疑心暗鬼佇咧，有一日會爆發，毋是徹底tek永久tek的平和。這款平和無安全性佇咧，毋是真實的平和。這款平和是用現狀維持佮妥協做in的信條，無用正義做基礎，結局是咧做欲來的鬥爭的準備nā-tiāⁿ。(2)上帝的平和是用上帝做中心，用正義做基礎。無合正義的現...

[1937-12 台灣教會公報 文類-散文 作者-吳清鎰/Gô͘ Chheng-ek]
毋通個人主義 [ M̄-thang kò-jîn chú-gī ]
毋通個人主義 吳清鎰 1937年12月633期 29-30 世間人隨个有伊的個性，有伊的趣味，有伊天才。人雖然佮咱無siāng款的性格，無siāng款的趣味，無siāng款的所想，咱袂通隨便共伊看輕佮藐視。尊重人的個性，紲共伊晟tî予伊成物，按呢毋但是做彼人的利益，實在亦是做社會的利益。總是有一項咱所著張持--的，就是自己中心的個人主義。個人主義，咱毋免尊重伊，亦毋通共伊晟持，才袂害著社會。 Taⁿ個人主義是甚物？個人主義無拄拄是孤獨的意思。有人伊的性格真孤獨，總是伊無拄拄專專咧想自己個人的利益。檢采伊的方法是孤獨，猶過伊的目的是為著社會亦是無定著。總是個人主義就毋是...