[1892-3 台南府教會報 文類-散文 作者--/-]
財定人品 [ Châi tēng jîn phín ]
財定人品1892.03 83卷 p.23(接前張第15面。)人ê身軀既然求財利，beh hō͘心m̄愛錢，che m̄是快ê事，所以著常常求聖神幫贊，hō͘咱存警醒ê心，看錢m̄上目，時時想財利是空虛浮漂是因為廢財第一快消散，kiám-chhái賊會搶劫，kiám-chhái蟲ê chhńg 咒，kiám-chhái水火ê災殃，tiap仔久就攏開khong，就設使一世人會無扑choah，到過世ê時猶原bē會toà甚物去。 是有講：「食好、穿好，是風 teh吹ê燭火，chhiuⁿ bán金魚是水面ê波痕。」古早人實在無騙咱。所講有危險--ê，因為驕傲、奢侈、淫亂，攏是tuì好額生起--來，kiá...

[1892-4 台南府教會報 文類-散文 作者--/-]
囝較贏老父 [ Kiáⁿ khah iâⁿ lāu-pē ]
囝較贏老父1892.04 84卷 p.28-29Tī 外國有一個作穡人tuì田--ni̍h倒轉--來，伊ê 細子忽然就kā伊問講，「父ah！我想ài入教，若是tú著晚餐ê日會thang kap老父老母相kap去守規矩好mah？」In老父聽chiah-ê 話大歡喜，將伊ê子抱--teh，連聲o-ló講，「乖ê子ah！你對出世到今攏hō͘我歡喜，我真正是疼--你；總是因為你chit-tia̍p iáu細漢太chíⁿ-chhioh，我放bē落心thang hō͘ 你去，我想聽候別日長成才來入教，將你ê 名hē tī 教會簿；án-ni卻也bē遲」。細子聽這號ê話大大失落向望，心肝激到cha̍t th...

[1892-4 台南府教會報 文類-散文 作者--/-]
毋謹慎會害 [ M̄ kín-sīn ē hāi ]
毋謹慎會害1892.04 84卷 p.26-28大英國倫敦城內有一個小湖，冬天堅冰ê時，往有少年囡仔去hit中間thit-thô chhéng-hoā；因為堅冰ê所在碇，有所在軟，鑑察 一個湖 ê人逐位勘驗到明明白白，tī iah-ê軟bē行--tit ê所在，chhāi柴標做記認，就是 beh hō͘人閃避，免得hō͘冰霜陷落--去。 有這號懵懂ê少年，m̄ 知thang檢點仔細，故意行 hit ê險地，致到濟濟陷落冰霜內寒死，che攏是tuì少年siuⁿ硬心，m̄受款勸；所以有身軀死無ê災禍。 Che thang譬喻人tiàm世間，若揀tī堅冰碇ê所在來行，thit-thô也無危險；譬諭人...

[1892-6 台南府教會報 文類-散文 作者--/-]
蜜蜂ê類 [ Bi̍t-phang ê luī ]
蜜蜂ê類1892.06 86卷 p.46-47蜜蜂分做三等；一等是公--ê，一等是母--ê，koh一等是受差--ê。母--ê身軀腹肚較長，腰也小細，翼較尖，尾ê刺彎彎bē叮--人，嘴kap跤攏是火夫色；蜜婆ê頂面有一隻母--ê號做蜂王，chiah-ê蜂攏是這隻生--ê。公--ê身軀肥、腰厚、目珠大，tiàm tī較頂面，beh相連；鬚分做十三節，腹肚圓圓，尾刺直koh長，也gâu叮--人。受差用ê蜂，比公--ê母--ê較細隻，伊ê色緻是紫色烏色，腹肚底有橫痕。母蜂無做別物代誌，到春天來，獨獨掌理所放ê卵。所放--ê就是做受差ê蜂，koh放--ê就是做工ê蜂；第3擺放--ê猶原做受差用ê蜂。1 ...

[1892-6 台南府教會報 文類-散文 作者--/-]
人ná飛鳥 [ Lâng ná poe-chiáu ]
人ná飛鳥1892.06 86卷 p.42六朝 ê時，有教師去英國，kā 王講，我傳聖教tī chia，請王允准。王liâm-piⁿ就召眾議士，tī hit 暝昏相kap聚集，大家參議這層事；議論了親像 m̄ 允准。忽然有一隻鳥tuì外面飛入來，koh隨時飛出去，一tiap仔久忽然無看見。Hit時teh 聚會ê 中間，有一個老人起--來講，我有一句話beh講，請王莫tit阻止。王講，著，就准伊講。老人就講，今咱chiah-ê出世tī 這世間，亦親像這號飛--來ê鳥一樣，m̄ 知tuì tah落來，koh m̄ 知beh tuì tah落去。總是這內中ê奧妙，量必這個教師會教示--咱；若是án-...

[1892-7 台南府教會報 文類-散文 作者--/-]
熱心 [ Jia̍t-sim ]
熱心1892.07 87卷 p.50-51我tuì明白救主ê恩典到今，常常想著怎樣服事主。在我打算人應該著熱心，若是我m̄敢決斷講；因為看見濟濟人掠學問較要緊tī這個熱心，掠錢財較對重tī這個熱心。Koh有人雖罔熱心，若是所做ê代誌比無熱心ê人，反轉koh較濟錯誤。所以無會thang排解。總是 我m̄敢án-ni煞，ta̍uh-ta̍uh詳細想，或是著熱心，抑是可以免。因為這個代誌kap我有干涉，若著熱心，我就beh求上帝幫贊我熱心，若是m̄免，我就無beh。到tī今仔日，我 ê心已經決斷，知我的確著熱心，bē得thang推辭tit。所以我ài將我淺淺ê 意思，排列tī兄弟ê面前，也ài 列位...

[1892-7 台南府教會報 文類-散文 作者-Phoaⁿ Bûn-bêng/Phoaⁿ Bûn-bêng]
掠風掠影 [ Lia̍h-hong lia̍h-iáⁿ ]
掠風掠影1892.07 87卷 p.53-55(Phoaⁿ Bûn-bêng 做--ê.)代先來論起風及影，就知掠風掠影是空空。論這個風是有thang 聽伊ê聲，無thang 看伊ê形，這個風是活氣。人無thang 知這個風定著tiàm tī tah落一所在，也m̄ 知吹去歇tī tó位，不過人看伊所吹ê草木，thang 知是tah 落來，也tah落去。風teh吹就是對hit個活氣teh走，hit個活氣若大下走，風就大，也真緊，liâm-piⁿ吹來，liâm-piⁿ過去，若是寬寬走就平和。這個風是大利益人，kap逐項物；若無這個風，人及萬物bē 得著活。論影亦是無物tī hit內面，不過是對有...

[1892-10 台南府教會報 文類-散文 作者--/-]
教示查某囡ná [ Kà-sī cha-bó͘ gín-ná ]
教示查某囡ná1892.10 90卷 p.79逐國ê中間，有boē受教化ê生番，查甫--ê貧憚無beh做工，攏是伊ê某teh做。凡一概耕作以及養飼家內ê米糧，攏總是差教婦人人去做，親像差用女婢一樣。若是查甫--ê閒閒坐teh食，這卻m̄免論。總是有受教化ê邦國，女人知thang 讀冊明白理義，夠額來幫贊家內以及辦理煮食。所以男人敬--伊聽--伊。對án-ni看起來有讀冊明理義，及無讀冊無明理義相比，就是人及禽獸ê分別lah！總是做父母ê人m̄知thang 教示伊ê查某囡，hō͘伊在厝做賢ê查某囡仔，出嫁做賢ê婦人，koh後來做賢ê老母。若無án-ni教示--伊，beh thài有較各樣hō͘伊...

[1892-10 台南府教會報 文類-散文 作者-Ki Ki-hoat/Ki Ki-hoat]
大學要論 [ Toā-o̍h iàu-lūn ]
大學要論1892.10 90卷 p.75-77(Ki Ki-hoat寫--ê.)Bat 想古早 ê 王者建立國，無一項比學校較切要。因為百姓無讀，就m̄知道理，若親像玉無雕琢，就未成器具。Tuì án-ni 就闊大設學校，tī 街--ni̍h 有塾學 ，tī鄉黨有常士 ê 學，tī 國就有國內 ê學。雖是有這幾等ê學，總亦有分大細。人出世8歲，就入小學，頭先教示伊洗掃、應對、進退、禮樂、射箭、牽車、算數。到十五歲，就入大學，學習修身、齊家、治國ê 道理。王者所要緊設法學校，無m̄是愛伊 ê國成做文墨 ê 國，百姓做成馴良 ê 百姓。古早有chiah-ê學，千萬 m̄ 值著咱聖會各等ê學。咱聖會...

[1892-11 台南府教會報 文類-散文 作者-Toh Chín-tek/Toh Chín-tek]
樹木ê利益 [ Chhiū-ba̍k ê lī-ek ]
樹木ê利益1892.11 91卷 p.83(Toh Chín-tek寫--ê)今論到上帝所做--ê，照咱世間人 ê 肉眼是看bē會齊了。物有寶貝--ê，也有較粗俗--ê；若是beh 講起到齊備，是講bē盡。 小可舉起一項來講；地面上 ê 樹林，有甚物thang干涉 tī 咱人 ？若略仔來想實在是有，真大。Hit號 ê 所在是較常有水，也較愛tuì hia落雨；想到這個到底是甚物理 tī-teh？真正有；的確是有理。因為樹林是屬tī 高山嶺尾 ê 中間；若是伊常常茂盛，是tuì 較有罩雲 tī hia，就快快會落雨；平洋 ê 所在百項草木也toè伊興起。 Koh，樹 ê 根竄入tī 深深 ê 塗...

[1893-2 台南府城教會報 文類-散文 作者--/-]
應該著謹慎 [ ENG-KAI TIO̍H KÍN-SĪN ]
應該著謹慎1893.02 94卷 p.6請大家看對面Ê尪仔圖有一個婦人人，名做勤愛嬸，無tâ-oâ著去園--裡耙草。伊有一個囝叫做勤仔。因為hit-ê囡仔是細漢bē得kā伊放tī厝--裡，所以著帶伊作伙去。當teh做工ê時tú著勤仔厭 siān ài睏，就kā伊下tī草--裡，koh將雨傘掛teh kā伊遮。勤愛嬸teh勤勤做工，iáu-kú益著囝，所以捷捷oa̍t頭teh看伊有穩當抑無。這個婦人人有一隻狗，號做花仔，是不止有路用ê精牲。花仔照顧伊。Tī勤仔身邊有一包乾糧。花仔也照顧，攏無貪心beh倚去食。Hit時是好天，所以鳥仔kap尾蝶tī半空中飛來飛去。園--裡ê後面有一間禮拜堂就是婦人...

[1893-2 台南府城教會報 文類-散文 作者--/-]
著大膽ná獅 [ Tio̍h toā-táⁿ ná sai ]
著大膽ná獅1893.02 95卷 p.20-22請大家看對面ê尪仔圖現時tī中國較無獅，iáu-kú人有畫伊ê形刻伊ê像來用tī衙門口kap廟頂，攏是糊塗扑算伊ê威靈會去邪。獅是極勇猛，hō͘人稱做百獸ê王。伊屬tī貓仔類，常常食雜項ê生肉，koh伊ê腳步是輕，目耳攏利，亦有暗chēⁿ gâu 咬所beh 食ê物。凡若嘴齒有分別3項，有ê親像刀會切，有ê親像耙會拆，亦有ê親像塗人ê齒會磨。獅無hit個磨ê嘴齒。伊獨獨拆肉就吞--落去，攏m̄ 免pō͘。Koh伊ê齒不止勇。若咬馬，亦會拖遠遠。（看這tah ê細圖就thang知獅嘴ê款）。獅ê身體是真有力，亦內面ê筋是tēng koh韌致到會扑...

[1893-6 台南府城教會報 文類-散文 作者--/-]
惡有惡報 [ Ok iú Ok-pò ]
惡有惡報1893.06 98卷 p.53-54人做歹 bē免tit受刑罰。這世後世攏是án-ni。在生伊ê心bē平安，有失落體面，亦hō͘人辦罪。死後刑罰是極重極長；亦bē閃避tit。人做好今世受善報，有得著安心koh hō͘人tuì重，亦過世享受永遠ê大榮光，koh得著上帝無限ê賞賜。眾人著謹慎莫得做起頭小可ê 歹，驚了hit-ê 歹樣是那久那大，就刑罰是那久那重。咱大家著常常求上帝hō͘阮夠額知識兼氣力來脫離逐項ê罪惡。Tī下底有記載兩節事來表明惡有惡報，亦警戒人著持防莫得犯罪。總是人m̄-thang phah算下面記載殘忍ê刑罰是合宜。燒死劫棺ê人文明兄有回批通知十三甲教會人ê欠缺就續寫...

[1893-7 台南府城教會報 文類-散文 作者--/-]
青暝學 [ Chhiⁿ-mî-o̍h ]
青暝學1893.08 100卷 p.77(甘牧師記--ê.)頂半年有5個囡仔逐日受教示。舊年尾一個學生略仔破病tò--去牛擔灣無koh來，m̄-kú tī-hia會做淡薄路用，就是去庄ni̍h讀聖經，講道理，亦teh教一個青瞑兄弟讀冊寫字。近來有加設一項ê法度來利益chiah-ê 艱苦人。In kan-ta bat字是無夠額，要緊著有甚物工藝hō͘ in thang趁食；若無，本地青瞑人差不多攏總著去做乞食抑是學看命。好佳哉！余先生娘tuì祖家tò轉來顯出真體貼ê心，請青瞑學生逐日到新樓，m̄ -nā佮in讀冊寫字算數，koh教in刺頷頸帶。今in已經熟手，會快快學刺別物，親像帽仔、手束、裌仔...

[1893-8 台南府城教會報 文類-散文 作者--/-]
救命船 [ Kiù-miā-chûn ]
救命船1893.08 100卷 p.80-81請大家看對面ê尪仔圖耶穌對伊ê百姓ê心內m̄-nā有除去罪惡koh有生起好ê性情。án-ni-seⁿ，較熱心ê聖徒常常teh想有thang設甚物仁愛ê法度來幫贊別人。Tī西國從中所設ê法度就有一項是大ê路用，就是造救命船。倚tī海墘若tú著大隻船扑破，就救命船有出去看會tit-thang救人ê性命抑bē。有時這號工是極危險，因為風真thàu湧真大，亦tī hit時平常船攏bē用tit出港。 造救命船應該著大要緊幾若項ê代誌，從中thang講起就是下底四個： 1.船著gâu浮tī海面；雖然水潑入tī內面到攏充滿，iáu-kú著chhòng hō͘伊b...

[1893-9 台南府城教會報 文類-散文 作者--/-]
佇地面下做工 [ Tī tē-bīn-ē chò kang ]
佇地面下做工1893.09 101卷 p.94-95請大家看對面ê尪仔圖Tī地面上因為人常常用柴是那久那缺。好tit，tī 地面下上帝有備辦土炭。這個土炭原本是樹木，後來化去結做tēng-tauh ê物。 土炭是疊一層一層。有時hiah層ê雙頭尾 有蹺起露出tī地面，若是hit-ê露現ê土炭較常是較下等，下底是較好，所以人ài 開thán企 ê陷掘hit-ê上等ê。到陷底有開thán橫 ê大路；koh，tī大路ê邊仔有開巷仔。攏是暗bong-bong。上深ê土炭礦是三百外丈。有時hiah-ê thán橫ê路有出 tī海底ê下底。Tī咱台灣ê北勢 ê基隆頭有土炭礦。 因為土炭礦是深，風氣oh-t...

[1893-10 台南府城教會報 文類-散文 作者--/-]
做紙ê方法 [ Chò choá ê hong-hoat ]
做紙ê方法將舊ê物換做新樣--ê。1893.10 102卷 p.106-107請大家看對面ê尪仔圖人有用濟濟物做紙，tī中國較常是用chíⁿ-chíⁿ ê竹；tī西國若beh做較好ê紙就有用布，是人所放sak ê舊衣裳，hit號。今，beh略仔議論將布做紙ê方法。 做紙有用麻及棉ê破布。絲、綢、呢無合，所以chiah-ê物及pín針、鈕排，hit號，著揀出來除去。Koh從中合用ê破布著分別款式，粗--ê thang做粗紙，幼--ê thang做幼紙。破布分別了就有提tī割布桌，割hō͘伊一塊一塊，橫直各四吋。割布就是thán-khiā插tī桌面。人將雙手割裂布tī刀嘴。(看對面尪仔圖頂頭ê。)...

[1894-1 台南府城教會報 文類-散文 作者--/-]
體恤禽獸 [ Thé-sut khîm-siù ]
體恤禽獸1894.01 105卷 p.143譬喻有某人做一項物，伊實在 m̄-ài 別人敗壞hit個物。上帝有創造禽獸，所以伊也m̄-ài人濫糝款待 in。 禽獸是真心適亦有大路用。人若缺欠in，就bē免得大艱苦。 人是較gâu 禽獸，亦有時伊ê 力是較大in-ê，所以伊快快會壓制贏過 in。凡若勇健--ê kó͘-chhiáⁿ酷橫軟弱--ê，就伊著受見笑。 有時人無照法度款待禽獸，是因為伊無想著抑是bē 記得伊所做 ê 事誌是m̄合宜。 因為上帝ê 真理tī 西國有應驗，君臣有設立命令禁人歹款待禽獸，亦有仁愛ê 人chò-hoē常常謹慎，看有甚物人犯著國法，就有liâm-piⁿ 告hō͘ 官...

[1894-2 台南府城教會報 文類-散文 作者--/-]
盡忠到死 [ Chīn-tiong kàu sí ]
盡忠到死1894.02 106卷 p.4, 9請大家看下底第9面ê尪仔圖有君王若 beh 招兵勇就有報揚 in beh 得著甚物報賞，攏無講起 beh 抵著甚物艱苦。耶穌無án-ni-seⁿ。伊有明明kā 人講 in 若 beh toè 伊的確 beh hō͘ 對敵怨恨、誹謗，佮另外歹款待濟濟項 ê 款式。 光佮暗攏bē和，所以趁真理 ê 人常常 hō͘ 世俗人佮 in 做對敵。雖然是án-ni，iáu-kú thang 常常歡喜，因為心內 ê 平安是chám然大。這號 ê 平安魔鬼 ê 百姓無一點仔會曉得。 得著白米是因為有經過扑佮舂。濟濟號ê 種子若無研著就攏無出好味。án-ni-seⁿ，...

[1894-3 台南府城教會報 文類-散文 作者--/-]
公論事理 [ Kong-lūn Sū-lí ]
公論事理1894.03 107卷 p.15-16 1. 有時兄弟 ê 厝離拜堂較遠，kiám-chhái phò͘ 外路抑是兩phò͘路，in 就ài 另外聚集：今問看應該著准in較好，抑是著勸in 著來拜堂聚集較好？ 黃德標寫：我想這個事不止oh應。若是上帝 ê 神逐所在tī-teh；親像耶穌應撒馬利亞 ê 婦人人講，「拜上帝無論這個山抑是耶路撒冷，要緊用誠實」。Koh講，「無論甚物所在兩三人聚集，我也佮 in tī-teh」。照 án-ni 來論thang准家己聚集。著想這時逐人心性軟弱，著勉勵 in來禮拜堂正合實，莫得准 in 家己聚集。來做5項。頭1項，會貧惰。第2，會驕傲。第3，會...