[1950-8 台灣教會公報 文類-小說 作者-古樓主人/-]
我想攏無 [ Goá siūⁿ lóng bô ]
我想攏無1950.08 740號 p.15古樓主人作一隻蜜蜂佮蚊仔teh談論。蚊仔問蜜蜂講：「蜜蜂兄！我有幾若項佮你真相像，你有翼，會飛，我也會；你是蟲豸的一項，我也是；閣你會叮--人，我也會。毋過一項我想攏無！按怎我飛到遐，人共我趕到遐；我若叮人，人欲共我拍。因何你猶原會叮人，閣人若予你叮--著，比我較食力，按怎人遐疼你，遐保惜你，起厝予你蹛，寒天時閣用糖水予你啉，這是按怎？我想攏無！」蜜蜂講：「Hió͘！我chēng到今卻也毋捌想對遐去，若共想真，大概是按呢。你佮我雖然平平會叮--人，猶過你teh叮人佮我無像款；你是為著欲suh人的血來飽你的腹肚，為著顧家己teh叮人。我是暝日為著人類造福...

[1969-1 台灣教會公報 文類-小說 作者-賴仁聲/Loā Jîn-seng]
宗教小說：伊關心tī你 [ Siáu-soat：I koan-sim tī lí ]
宗教小說：伊關心tī你賴仁聲 Beh暗lah，我tī讀冊廳teh讀冊，忽然牧師娘tuì外面入來， kā我講：伊tò來lah；soà講伊今仔日tī彰化醫館口tú著翠霞。 我問伊講，是tò一個翠霞（翠霞）。伊應講，是tiàm-tī 瑞鹿（瑞鹿）hit-ê。伊趕緊beh去煮 ē-hng頓，就做伊oat去灶腳。 我ê心真緊， 連鞭想tio̍h我20年前去jīm in ê教會龍水（龍水）當時ê情形。 Hit時翠霞約32，3 歲，當龍水教會 ê執事，hoāⁿ教會ê 會計，常常the̍h錢來hō͘我， siông kap阮坐hân-tâm過去ê事，所以我kap我有婦人人攏kap伊真親密，伊也真熱心服事主。...

[1969-2 台灣教會公報 文類-小說 作者-賴仁聲/Loā Jîn-seng]
宗教小說：伊關心tī你 [ Chong-kàu siáu-soat：I koan-sim tī lí ]
宗教小說：伊關心tī你賴仁聲 翠霞 tuì好景日光普照ê山尖，忽然摔落去萬丈ê深淵ê一個少婦，實在攏烏暗天地，四面看無路， 人亡家散(人亡家散)，人無去啦， 陳家散去啦， 土話俗語講起有影， "日頭chhiah iāⁿ-iāⁿ， 隨人顧性命"， 大難臨頭各自飛(大難臨頭各自飛)。 Taⁿ中心人物無去啦 ， 限一月日內tio̍h 繳還開業執照， 陳齒科只好關門大吉。當紅，當chhèng， 生理lōng-lōng滾，治療床kuí-nā張，甚麼人m̄知瑞鹿陳齒科。忽然tio̍h關店， koh tio̍h繳牌。 Ah！氣勢一落千丈(氣勢一落千丈)，啼笑皆非(啼笑皆非)，真正是beh怎樣講？大兄踏大孫...

[1969-3 台灣教會公報 文類-小說 作者-賴仁聲/Loā Jîn-seng]
宗教小說：伊關心tī你 [ Chong-kàu siáu-soat：I koan-sim tī lí ]
宗教小說：伊關心tī你賴仁聲 有一禮拜淑卿去禮拜， hit時伊to國民學校5，6年啦，聽道理聽有。 轉去Hit暝kā in媽媽講："媽媽，人牧師講：" 路是人行出來ê，人若常恬恬khiā m̄行去，頭前永遠to無路。人若信上帝ê應允，聽趁伊ê話好膽進前，雖然後面有追兵，頭前有大海cha̍h tiâu leh，咱腳若敢踏落去，水也beh為咱分開。人ê義務只有"信thàn，進行。"其餘咱m̄免掛慮講：頭前路tī tó位？上帝自然會為咱開路，也會soà顯出火柱雲柱kā咱chhoā路， m̄-nā án-ni，連咱取去beh食甚麼beh lim甚麼，伊tō soà kā咱考慮好好。也咱也m̄免煩惱後...

[1886-1 臺灣府城教會報 文類-小說 作者--/-]
日本ê怪事 [ Ji̍t-pún ê Koài-sū ]
日本ê怪事1886.01 第7張　P.46 差不多十年前，佇日本ê庄社有一人去歇佇hit客店，佇遐食好物，也蹛好所在，請人來吹簫唱曲，啉酒快樂一場。到beh睏ê時，吩咐店主，kah伊明仔載11點鐘著叫伊精神。彼个店主就照伊ê話，到彼時入去beh叫伊；看見眠床前soan出一支狐狸尾，忽然驚到袂顧得，隨時走出來，拍算彼个人客的確是妖怪。家己teh想--kioh毋過有吩咐伊，若無叫伊，又驚了予伊koè-siàu譴責。姑不將閣再入去，就看彼个人客坐佇眠床，teh食薰。彼个人客看見店主心神搭嚇，就問伊，你有入來遮看見啥貨？事先店主毋敢講：kan-ta推辭講：無--ah，無--ah！彼个人客閣講：你的確...

[1886-11 臺灣府城教會報 文類-小說 作者--/-]
取善ê喻言 [ Chhú-siān ê Jū-giân ]
取善ê喻言1886.11 17張 p.127 （1886.11 P.127）(這篇本是印佇上海ê月報，taⁿ予Cheng Bûn-chín 翻譯--ê。內面所講是teh 譬喻道理，人毋知掠做是攏有影。) 上古Tông Gì ê 時，ē飛ê類，就是田嬰、黃蜂、蜜蜂，三个結做朋友，有一日佇穴內大家teh商議。蜜蜂就代先講，當今ê 時舜帝差伊ê人臣益用火燒山林，火一下燒真méⁿ，禽獸走去匿，阮chiah-ê是小可 ê 身軀， thài ē平安徛起佇這世間？田嬰講，阮chiah-ê有讀冊，就知冊內ê意思。易經有講，積善ê家，的確有吉慶；積不善ê家，的確有災殃；若愛平安佇這世間，的確著做好。黃蜂應講...

[1887-1 臺灣府城教會報 文類-小說 作者--/-]
取善ê喻言 [ Chhú-siān ê Jū-giân ]
取善ê喻言1887.01 第 19 張 p.7（接17張127面。）蜜蜂受點化了後，心神活動知有意外ê sîn-seng，就去試看，koh ē放蜜也ē做蠟。就對神仙講，加有食就呼群，人有好就著相勸，正是有義；我有兩個朋友，求神仙也 kā 伊點化。神仙講，好--leh，獨獨人著有空虛心，正有福氣；總是你兩個朋友一个倚靠家己做好，一个倚靠氣力勇猛，是oh--得苦勸；雖然用濟濟話苦勸伊也毋來聽，這是伊ê 錯誤。你去kā 伊講，是真朋友ê義，出在伊beh 來毋來，應該著去kā 伊講，是盡朋友ê情。所以蜜蜂就去kā黃蜂講起就近神仙點化ê代誌；拄仔看見黃蜂teh 做巢，排列對偶。黃蜂就對蜜蜂誇口伊起ê蜂巢...

[1893-1 台南府城教會報 文類-小說 作者--/-]
利益囡仔 [ Lī-ek Gín-ná ]
利益囡仔 1893年 1--月，第 94 卷，p.9 有一個查某囡仔名叫惜á。伊ê心有欠缺，就愛得著活物通疼痛。因為安呢，伊求伊ê老父予伊一隻貓仔，老父甘願就予伊真媠--ê。囡仔大大歡喜。日過日有寶惜彼个金貓仔，常常揀好物予伊食，亦定定愛抱--伊。可惜！經過幾nā日久彼隻貓仔死--去。囡仔就大大憂悶。惜á ê老父看見伊ê囝煩惱到按呢生就買一隻羊仔來予伊。囡仔得著連鞭受安慰，對伊ê老父說多謝。羊仔緊緊認伊做主人，就不止愛綴伊四界去。囡仔佮cheng-seⁿ ná親像相疼做好朋友。無佳哉！閣無偌久羊仔患著病。惜á勞心勞力看ē醫得á無，毋久袂用得，就深深苦痛紲目屎nih-nih-流。好佳哉！隔幾n...

[1893-8 台南府城教會報 文類-小說 作者-Chè-hān/Chè-hān]
譬喻仁愛 [ Phì-jū jîn-ài ]
譬喻仁愛1893年8--月101卷，p.92(會友Chè-hān譯--ê)佇 Tāi-ngô͘國有一個斯文人真gâu著冊。伊所著有一本從中有設一个譬喻，講叫，「若有仁愛佇teh，上帝也就佇遐」。伊所用來表明這兩句ê意思紲記佇下底。佇某所在有一个人是補鞋師傅，有一日偶然看聖冊，看到路加7:37-50 hit chām，teh講法利賽人請救主，無好禮款待伊。靜靜teh想chit-ê意思，漸漸紲睏去。眠夢中儼然聽見有聲teh講：「Má-teng-ah！Ma-teng-ah！明仔載你著看路，我teh beh來。」一下聽見就醒，拍算救主敢有影beh來。對hit日直直瞭望，事先拄有一个枵寒ê人來，伊就予伊...

[1910-5 台南府城教會報 文類-小說 作者-何希仁/Hô Hi-jîn]
論守己 [ Lūn Siú-kí ]
論守己何希仁記--ê1910.05 302卷 p.40 有人牽好ê 馬予早時Má-ki-tùn Hui-li̍p王看。Hui-li̍p對牽馬--ê講：「這隻好ê馬beh賣偌濟銀？」應講：「兩萬五千箍。」Hui-li̍p chiah kah人著牽到草埔試跑chi̍t-choā。無拍算馬ê性歹，毋准人騎，一直吼，前跤jiàu土，後跤踢，越頭beh咬人；就無人敢倚。 Hui-li̍p隨時講：「著牽伊去。這隻是惡馬，袂用得」。Hui-li̍p王 ê囝亞力山大佇邊頭teh徛講：「真拍損，攏是無hit號ê人通約束」。Hui-li̍p聽見，就對伊ê囝講：「囝！你thái-thó敢責備你ê序大人，你kiám...

[1932-6 台灣教會報/芥菜子 文類-小說 作者-李水車/Lí Chuí-chhia]
輪迴的矛盾 [ Lûn-hoê ê Mâu-tún ]
輪迴的矛盾李水車1932.06, no. 567 (KCC, no. 77), pp. 25 某所在有一個打獵的人，有一日夯一支槍欲去山內打獵。 Tú行到山腳的時， 抵著一個出家的和尚，看見彼个拍獵的人，夯槍欲去拍獵。 就生出可憐的心。 問拍獵的講：某甚麼兄，你欲叨位去？ 拍獵的人應講，我欲入山來去拍獵， 彼時彼个和尚就用輪迴的道理詳細講予伊聽，叫伊的確毋通殺生，因為在生若害死彼項物，後來的確會出世做彼項，譬喻來講：在生拍死一隻鹿仔，後來就會出世做鹿仔，若是拍死蛇，後來的確出世做蛇，不論拍死叨咯一項物，後來的確出世做彼項。 拍獵的人問伊講，敢真正有影會按呢，和尚想應講，的確有影noh，無騙...

[1932-8 台灣教會報/芥菜子 文類-小說 作者-李水車/Lí Chuí-chhia]
賣豆腐婆仔 [ Boē tāu-hū-pô-á ]
賣豆腐婆仔李水車1932.08, no. 569 (KCC, no. 79), pp. 26-27 佇7，8年前，花蓮港Lí-hí-bé的所在，有一個賣豆腐婆仔。 伊賣10外年久，存有1600外箍的現金。 伊將這个錢貯佇肚綰袋仔內，攏毋敢借人，毋敢寄銀行抑是郵便局，因為驚了予人倒去。 有一擺風聲，聽見雞籠有一陣的剪鈕仔過去花蓮港，四界剪人的錢。 伊聽著不止驚，因為伊的肚綰袋仔內有千外箍tī-teh，teh掛慮毋知著怎樣設法。 後來伊有一個好朋友，苦勸伊著提去寄銀行抑是郵便局，chiah有妥當。 不得已伊就提花蓮港，欲寄銀行。 到位的時問人看銀行佇叨位，人共伊講，佇彼間。 入銀行的時，就問銀行...

[1955-9 台灣教會報 文類-小說 作者-吳瓊英/Gô͘ Khêng-eng]
受chhoā去看ê事記tī下面 [ Siū chhoā khì khoàⁿ ê sū kì tī ē-bīn ]
受chhoā去看的事記佇下面1955.09 801號 p.27(吳瓊英)(接舊年8月號25面)。1953年4月23日，主的使者閣來對這个姊妹講：「起--來，毋通睏，我chhoā你出來去看看--lè。」兩人就去到一个所在，就放伊家己一人到兩choā親像石頭所疊、烏烏bái-bái欲倒欲倒的厝。伊就對中央直直共伊行--入去，彼內面烏暗，閣親像罩濛霧霧無看著頭前，佇兩爿的房間攏有聲teh喝講：「揪--lè，掠--lè毋通予伊走--去，較緊較緊共伊掠--lè，毋通予走--去，桌仔腳揣看覓--lè，眠床腳揣看--lè。」 掠--lè掠--lè，伊聽著這个聲驚到走無路，直直愛走出去，總--是內面攏烏天地暗...

[1955-10 台灣教會報 文類-小說 作者-吳瓊英/Gô͘ Khêng-eng]
受chhoā去看ê事記tī下面 [ Siū chhoā khì khoàⁿ ê sū kì tī ē-bīn ]
受chhoā去看的事記佇下面1955.10 802號 p.27-28(接9月號27面).今咱閣進前來去，到一个斡角，有看一个查某人，探一下，勼--入去，伊就問講：「彼啥貨？」伊應講：「彼个人teh看人的心內，若無主的神，伊就欲入--去。」後來閣行到一所在，看見一人手提聖經佮詩欲去禮拜，閣看一个鬼來teh共伊揪，伊就佮伊拍，較停閣一个鬼來，閣佮伊teh拍，後來就予in中間一个揪--去，閣進前teh行，閣看見一人手提聖經佮詩，閣看見兩个鬼倚來teh共伊揪，彼人看拍袂贏--伊，就祈禱：「主--ah，救我。」 主倚來，彼兩个鬼就走，進前閣行，看見一个人身邊有一人攑一枝枴仔企--leh，閣較停兩个鬼來t...

[1956-3 台灣教會報 文類-小說 作者-廖得/Liāu Tit]
台灣聖神 [ Tâi-oân Sèng Sîn ]
台灣聖神 廖得作牧師變作宣教師再來有一個橋仔頭分7等 ê 代理傳道，有bái土地幾十甲， 稅期若到，常常無夠錢thang la̍p， tio̍h走去匿。 Hit ê人ta̍uh-ta̍uh ài 來kā牧師借錢，若借無ê時，禮拜坐toà 台仔前 chhoē曠隙，牧師落台ê時，當眾會友ê面前獻駁;好德牧師娘thang kap 伊抵水，有時責備到hō͘ 伊 ma-ma哭。牧師娘過身了，忽然間koh有別個會友ê非常壓迫教; 黃牧師就想著先妻ê吩咐！俗語講："識時務者為俊傑，」(黃牧師ê人名叫做‘能傑' (能傑)，"知進退者為英雄，」也"大丈夫能屈能伸，」taⁿ tio̍h「三十...

[1956-5 台灣教會報 文類-小說 作者-廖得/Liāu Tit]
雜錄台灣聖神 [ Cha̍p-lio̍k Tâi-oân Sèng Sîn ]
台灣聖神(廖得) 台灣ê牧者Tī德國最文明ê時代， in 逐戶ê基督徒攏teh希望tī in ê家庭， ē出兩個犧牲者:一個做傳教--ê，犧牲家己 ê物質，來救人ê靈魂。一個做醫生--ê，犧牲家己 ê精神，來醫治人ê肉體。現時德國70 goā 歲 ê Ngāi-tek-lok 總理，也獻伊ê獨生囝 teh做傳教者。倚 50年前， N̂g Lêng-kia̍t牧師ê大囝Sū-bēng， tī公學校teh 助教 ê時，有續teh準備beh 考醫學；總是N̂g牧師ē-記得"紅柿好食tuì tó位起 tì。"也"橋過，柺仔 m̄敢放hiat-ka̍k。" ài將大囝頭水ê 果子， 先奉獻hō͘主用，...

[1956-10 台灣教會報 文類-小說 作者-廖得/Liāu Tit]
台灣聖神 [ Tâi-oân Sèng Sîn ]
台灣聖神(廖得) 吞忍到boē得tio̍h救清朝尾 ê時， tī台南府城有一個姓 郭 ê大刺仔頭， hêng-hêng sù-chì，連班頭衙役也hō͘伊凌遲。實在是親像虎狼毒蛇ê強惡！後來得tio̍h主救，就變做"純良親像鴿仔，" kap親像一隻乖乖ê綿羊子囝，日暝熱心愛 chio放蕩ê散羊 轉來羊寮內！伊也將讀女學ê 查某囝 嫁落庄腳， hō͘作穡會友做新婦， beh培養in ê道理kap信心！伊ê 千金也有孝順趁老父主意；雖然嫁-tio̍h無學問ê丈夫，也是暝日循循善誘，揣機會來教夫君讀冊。無拍算丈夫bat淡薄字，soà去kap人學做苦力頭； tuì án-ni墮落，所有幾甲 ê園so...

[1956-11 台灣教會報 文類-小說 作者-廖得/Liāu Tit]
台灣聖神 [ Tâi-oân Sèng Sîn ]
台灣聖神(廖得) 囡仔救大人早tī pè地方有一個姓 Cheng ê 有力者，所khiā是瓦厝古，頭前魚池，後壁果子，好園幾十甲；歸庄 ê人khah濟頭tì伊ê天， 腳踏伊ê地；伊ê 阿片塗kûn 歸鼎， 逐暝濟濟友--ê來伊hia結黨食阿片。後來伊聽tio̍h道理，去茄苳仔禮拜，就去邪歸正，日暝食真大ê 阿片也改起來！Tī pè-鎮， Cheng， Liāu，李 三姓有財勢力ê人khah濟無囝 kap少囝。 Taⁿ 這個 姓 Cheng ê 財勢力者也是無囝；所以伊有養兩個螟蛉子，大--ê氣浮， 細--ê 乖巧。 翁某疼這個 細 ê 養囝親像親生--ê。認真kā伊教育， hō͘伊讀教會ê小...

[1965-7 台灣教會公報 文類-小說 作者--/-]
鄉村ê傳教者 [ Hiong-chhoan ê Thoân-kàu-chiá ]
鄉村ê傳教者 禮拜ê人數直直減少，聚會漸漸冷淡。----這間鄉村ê T. M.教會tī成十年前hō͘人看做是會友濟，經濟好，信徒熱心ê教會；若是近來顯然teh衰退lah.Lîm Tiong-iông傳道歸 tī 拜堂ê 講台前teh祈禱， 教執tī 伊心內ê痛苦thang 對嘴裡 ê吐氣慘慼，甚至流目屎ê 聲表現出來。祈禱soah，親像真厭倦ê款式，入來坐tī讀冊位， chhi̍h桌頂ê日光燈 to̍h，手攬胸，頭殼kia̍h高teh沉思；一幕一幕ê回憶對伊ê 腦內走過去。兩年前：伊 chhoā婦人人Siok-cheng kap兩個囝兒Kèng-it，Sìn-it來到這間教會赴任。夫婦攏抱著...

[1966-1 台灣教會公報 文類-小說 作者-拾穗生/-]
故事:賣火柴ê查某囡仔 [ KÒ͘-SŪ:Boē hé-chhâ ê chá-bó͘ gín-ná ]
故事:賣火柴ê查某囡仔拾穗生翻譯1966。01。15拾麥穗第6期 P。14-15 舊曆 ê 過年beh到，我翻譯アンデルヤン這篇故事。 賣火柴ê 查某囡仔。二九暝真寒 koh落大seh，日beh暗， 一個可憐查某囡仔頭殼攏無包甚麼， 褪赤腳， tī街路teh行，出門ê時有穿in老母ê淺拖，真大雙，有兩張馬車， 駛真緊對伊身邊過。伊趕緊走閃，soà失落一腳。 揣攏無，是hō͘一個查某 囡仔 提去收 leh，伊想別日若生嬰仔 會 thang做搖籃， taⁿ 這個 查某 囡仔soà 褪赤腳teh行，一雙腳 寒到烏-le̍k-le̍k，細細ê手la̍k一把火柴， kuī 圍裙(Apron) ê內面...