台灣白話字文獻館-白話字數位典藏-1946-1955

第7頁，共11頁(共203筆資料) 0.65741300582886sec

1 ...

... 11

To Page

文字列表

圖文列表

排序

[1955-6 台灣教會報文類-散文作者-陳添登/Tân Thiam-teng]
講壇：甚麼叫做受聖神 [ Káng-toâⁿ：Sím-mi̍hkiò-chòsiūSèngSîn ]
甚麼叫做受聖神（牧師：陳添丁作）每年ê koh活節後第50日，就是聖神降臨節。這日實在tio̍h紀念ê日。因為聖神降臨，會thang 比得耶穌ê降生，耶穌降生了後，33年久tī地上做工。聖神也tuì降臨以來，1900 goā年久tī地上做工。耶穌降生 ê時，有奇異ê事，聖神降臨也有奇異ê事。有大風，有teh分開ê 火舌，kok人講方言，得著大能力，一日3000人反悔。所以咱親像紀念耶穌出世，也tio̍h紀念聖神ê降臨。當這個thang紀念ê時，受命令tio̍h寫「甚麼叫做受聖神。」這個問題是真要緊。現在對聖神有兩款極端ê看法。一款是看受聖信是古早ê事，現在咱真oh得得著。 Koh一款，是用...

[1955-7 台灣教會報文類-散文作者-張崑遠/Tiuⁿ Khun-oán]
佈道：人生ê兩極頭 [ Pò͘-tō：Jîn-senge ê lióng ke̍k-thâu ]
佈道人生的兩極頭1955.07 第799號 p.21-22(牧師：張崑遠)三字經有一句，講：「人之初性本善。」閣佇別本冊，講：「人之初性本惡」。這兩句，攏平平是咱漢民族偉大的學者所主張的，雖罔彼个精差是一字若定，猶久彼个相離是「兩極端」的遠。人的起源是「好」佮人的起頭是「歹，」這兩款極端的主張，不止有通予咱斟酌的所在，也不止值得咱注意，確實咱無注意，也是袂用得。因為這兩个主張，是絕對袂通相倚。總--是其實咱若斟酌研究的時，這兩个主張，都攏有伊的真理佇--leh。基督教的聖經，創2:7，21，22，有記明上帝創造人的情形，也25節有講明人的性，原本是好，無一點仔粗俗，邪癖，污穢佮現時逐日所teh...

[1955-8 台灣教會報文類-散文作者-戴百福/Tè Pek-hok]
佈道：人ê價值 [ Pò͘-tō：Lângêkè-tat ]
佈道人的價值1955.08 第800號 p.24-26 (牧師：戴百福)人的價值在佇tá-lo̍h？我想咱若認捌聖經，深知以下所講這三項事，就會明白彼个價值是甚物：- (1)人的價值是在佇理解人的來源。人是對tá-lo̍h來--的？進化論的達爾文講：「人是對猴來進化--的」。朋友！人到底是猴來變--的mah？若是按呢，人就是猴的後裔，你想彼个價值有偌濟？實在猴袂會變做人，因為猴佮人的活命是無相siâng。人有靈，人會曉敬拜神，猴就袂會。進化論不過是一个學說若定，毋是真理。若是按呢，人到底是對tá-lo̍h來--的？聖經的頭一本共咱講：「人是上帝所創造--的，是上帝用地上的塗粉抄做人，歕活氣入佇...

[1955-8 台灣教會報文類-詩作者-周天來/Chiu Thian-lâi]
雜錄：為主奉獻 [ Cha̍p-lio̍k：uī Chú hōng-hiàn ]
雜錄為主奉獻 1955.08 第800號 p.27-28 (周天來作) (羅馬 12:1) 1. 主耶穌--啊！數念你真正疼我，受釘十架，攏是為我罪罫；極大疼痛！世間攏無通比並, 我心感激，呵咾主無時停。 2. 主耶穌--啊！聖別我做你器具，身軀，靈魂，以及一切所有；對今以後，為你榮光的聖名，甘願奉獻，趁你旨意來行。 3. 主耶穌--啊！真濟人猶毋捌你，願你聖神，感化叫醒指示；贊我逐位，好膽報揚主道理，引chhoā眾人，信主同享福氣。 (阿門)。附記：-若愛吟這首詩的人，請用真出名的音樂家Bēng Tek-sun (Feli...

[1955-9 台灣教會報文類-小說作者-柯設偕/Koa Siat-kai]
雜錄：羊九十九 [ Cha̍p-lio̍k：Iûⁿ káu-cha̍p-káu ]
羊九十九出名ê聖詩ê故事柯設偕羊九十九，這首聖詩(第 117首) ê話，是一個蘇格籣ê小姐， Miss. Elizabeth. C. Clephane-寫-ê。是根據路加第 15章，第3節到第 7節，來寫-ê。1874. Moody先生kap Sankey先生， tuì美國去英國佈道ê時， in坐火車， tī一個火車站， tú beh開車 ê時，有接著 in ê郵件。Tī火車內， Moody致意讀家內寄來ê批， Sankey tī報紙ê一角有看著羊九十九這首詩。 Sankey讀了就kā Moody講：這首詩是咱所teh希望-ê，牧者ê詩。 Hit時Moody因為讀濟濟批，soà無注意...

[1955-9 台灣教會報文類-詩作者-柯設偕/Koa Siat-kai]
撒該 [ Sat-kai ]
撒該
早前有一人名叫撒該，
伊是真矮細ê人，
有一日決意ài看耶穌，
伊就peh上桑材叢，
耶穌行到桑材樹kha
就kia̍h 頭看伊tī樹-le，
撒該緊緊落來，
我今日tio̍h tiàm你ê家，
我今日tio̍h tiàm你ê家。

這首詩7 tī一本聖歌集。原文是英文，作詞者， m̄知是甚麼人(無寫)，作曲者是Forence. H. Dow。
我有試看譯做頂面所寫--ê，也因為字句ê關係，音hù長短有小khoá koé，比原調khah有sù配。
(這首詩是合tī 幼稚...

[1952-12 台灣教會公報文類-小說作者--/-]
聖誕老人 [ Sèng-tàn lāu-lâng ]
聖誕老人聖尼古拉 (Santa Claus)的故事1952.12 768號 p.21-22尼古拉是一个好額人，總--是愛用伊所有的錢幫贊別人。伊毋愛得著人的感謝，也毋愛予散hiong人覺得見笑，所以常常用暗靜的法度來送錢。得著錢的人煞毋知著感謝是誰。佇城市內有一个真散hiong的人佮伊3个查某子。這个人真可憐，因為伊無錢通予伊3个查某子做客。尼古拉決心欲幫贊這个人。伊想來想去，就到路尾想出一个真好的法度。尼古拉聽候到暗，就用烏衫來moa，趕緊到佇彼个人的厝。是真oh揣,因為彼所在的城市真cha̍t，閣這个人的厝是真細間。尼古拉行到佇遐的時，就四界看，看無人，趕緊對伊的衫提出一个貯滿金的袋仔。有...

[1952-7 台灣教會公報文類-散文作者-高守仁/Ko Siú-jîn]
介紹聖畫 [ Kài-siāu Sèng-oē ]
介紹聖畫「最後的晚餐」1952.07 763號 p.22(接前號20面)無人知影這張圖是畫偌久，有人講耶穌的頭想十年久。彼的修道院的頭人擋袂牢，寫批予公爵講：「公爵彼張壁圖kan-ta賰猶大的頭殼猶未完成；毋過文西一年久攏無來摸這張『最後的晚餐』--lah。」公爵真受氣，叫伊來，當面將這張批予伊看。文西也大受氣講：「這个人到底知影甚物是圖！伊講我一年久無去遐，毋過按呢袂通表示我無關心這張圖，我逐日去下級社會揣我欠用的人，到今猶揣攏無一个合我的意思，檢彩這个老頭可以做猶大的模型。」伊無失志，繼續畫到完成，雖是得著最高的頌讚。「最後的晚餐」的偉大，名聲遠遠報揚到全歐洲。這張圖，親像聖瑪利亞修道院內...

[1952-11 台灣教會公報文類-散文作者--/-]
主日學 [ CHÚ-JI̍T-O̍H ]
主日學主日學1952.11 767號 p.20-21小朋友！恁捌送禮物予人，抑是獻禮物予上帝來表示感謝抑毋捌？佇遮有兩个故事予咱知獻禮物佮感謝的相關係。故事 (1) 佇安提阿城內一間禮拜堂，眾會友攏teh聚集做禮拜。有一个人名叫亞迦布來報消息講：「佇耶路撒冷的教會有tú著災厄。佇hia有tú著歹年冬，所以真濟百姓驚了會餓--死。」安提阿的教會友佮別所在的教會友若聽著這个消息就講：「感謝上帝，咱有夠額，也有chhun，所以咱著分予無的人。」In就真歡喜獻錢通買米糧予耶路撒冷的教會的人。故事 (2) 佇阿非利加州有一个烏面做木的人名叫多馬。伊teh做一塊讀聖經的桌通佇禮拜堂用，予牧師通對遐讀...

[1954-5 台灣教會公報文類-散文作者-安慕理/An Bō͘-lí]
宣道會 [ SOAN-TŌ-HOĒ ]
宣道會數念澎湖宣道設教者1954.05 785號 p.22(安慕理報)拄拄68年前，就是1886年5月初6，有船對台灣出帆欲去澎湖。船是細隻帆船若定，若親像無甚乜特別的所做，予咱68年後猶久愛數念--伊。總是彼隻船彼擺的出發實在是歷史中的新的出發點，因為船底毋若只有船員佮生理人若定；亦有上帝盡忠的奴僕3人，已經好膽決心欲用福音的真光來照佇一个烏烏暗暗毋捌聽著道理的地方。有甘牧師、高長先生佮閣一位，咱歷史的冊無記伊的名。總是咱知上帝無袂記得伊。閣兩日就新的事已經發生蹛佇澎湖島赤崁的漁民，就頭一擺看見一位大箍留喙鬚的外國人佮兩位台灣人行佇in的街路；in走倚來欲看的時，就聽見in講起一个創造人佮萬...

[1953-12 台灣教會公報文類-散文作者-鄭兒玉/Tēⁿ Jî-gio̍k]
二十世紀烏暗大陸的使徒Su-î-sài-ní [ Jī-cha̍p sè-kí o͘-àm tāi-lio̍k ê Sù-tô͘ Su-î-sài-ní ]
二十世紀烏暗大陸的使徒Su-î-sài-ní1953.12 780號 p.22-23(鄭兒玉)11月1日頂晡禮拜煞，teh看新聞的時，發現著Su-î-sài-ní(史懷哲)賞著1952年度的諾貝爾 (Nobel) 和平賞金的記事。感覺若親像家己的代誌，按呢歡喜到袂顧得，隨時走去報人知。也彼e晡講道的題目臨時變更做：「二十世紀烏暗大陸的使徒Su-î-sài-ní」(Albert Schweitzer)。伊是佇1875年1月14日出世佇德國佮法國的國界。現在78歲。伊有家己寫傳記，叫做「我的生活佮思想。」伊的老父是牧師，老母也是牧師的查某囝。伊佇這个敬虔的信仰家庭佮3个姊妹，1个小弟做伙大漢。...

[1951-5 台灣教會公報文類-散文作者-林再添/Lîm Chài-thiam]
雜錄：美國烏人學校享受Hia̍p-khek夫人的遺產 [ CHA̍P-LIO̍K：Bí-kok O͘-lâng ha̍k-hāu hióng-siū Hia̍p-khek hu-jîn ê uî-sán ]
雜錄II.美國烏人學校享受Hia̍p-khek夫人的遺產1951.05 749號 p.16(林再添譯)這篇消息，就是對美國新聞處的電稿翻譯--的:「已經過往的美國財政家，也是慈善家Hia̍p-khek（Harkness）的夫人，佇A. D. 1950年6月6日過往，根據伊的遺言，有將6000萬銀的美金，捐送予逐款的公共團体佮慈善機關。「出名的烏人學校Thah-sū-ki-kia̍t(Tuskegee）佮普通的工業學校，也有通享受彼中間的2500萬銀美金；紐約市的長老教會病院佮嬰兒病院，也會通接受伊的遺產的一部份。「Thak-sū-ki-kia̍t學校，就是佇美國的南部阿拉巴馬州（Alabama...

[1952-5 台灣教會公報文類-散文作者-江守仁/Kang Siú-jîn]
介紹聖畫 [ Kài-siāu Sèng-oē ]
介紹聖畫「最後的晚餐」1952.05 761號 p.19-20(江守仁譯)1943年8月，美軍空襲意大利的米蘭（Milan）地方的時，有兩粒炸彈hiat佇15世紀所建築的聖瑪利亞修道院。真佳哉，彼的世界出名，最寶貝的牆壁有繪彼世紀最出名、最寶貝文西先生（Leonardo da Vinci）最大作品「最後的晚餐」。這張名畫佇15世紀出世以來常常遇著種種的危險，到今已經有三、四百冬，猶過佇彼塊壁予眾人呵咾稱讚。十五世紀尾，米蘭大公爵Ludovico Sforza的宮廷，是歐洲出名媠的一个。這个刣死皇帝篡位的統治者真好學藝。伊請真濟真有學問的學者、醫生、美術家，佇伊的宮內。為著欲利用in的才能；常常...

[1947-11 台灣教會公報文類-散文作者--/-]
見學：地球的事，你攏捌無？ [ Kiàn-ha̍k：Tē-kiû ê sū, lí lóng bat bô? ]
見學地球的事，你攏捌無？1947.11 第707號 p.11-12攏，是無。大略，是有。我來加講一屑仔，請罔聽。地球圖面有畫一choā一choā，有坦直choā，也有坦橫--的。這號做度。全球面有360 choā，就是360度。對南到北的choā，號做經線；對東到西，號做緯線。緯線上北抑是落南，是對赤道線起。經線出西，抑是入東，是對格林威治（Greenwich）的子午線算起 (這條子午線的起點，是佇倫敦郊外泰晤士河邊的港，遐有格林威治的天文台)。對遐算入東，東經120度，就是台灣的位置。人欲分割土地，抑是天文事，抑是駛船的人攏對重這號度數。學生teh問，台灣頂晡9點，也佇日本頂晡幾點？人毋免扑...

[1949-10 台灣教會公報文類-散文作者-謝經/Chiā Keng]
白話字的問題 [ Pe̍h-oē-jī ê būn-tê ]
白話字的問題1949.10 第730卷 p.3(南投：謝經)青年團契的代表對台南的夏令會倒--來，有teh報告講，關係白話字的問題，有一部份的人teh主張講：「白話字是無必要。」我聽了不止艱苦。講「白話字無必要」就是講「台灣話無必要」。因為白話字佮台灣是袂通分離--得的。（請看台南冊房所發行巴博士的傳記《バアクレイ博士の面影》）。以前我也捌聽見有台灣的青年teh講：「白話字的聖經無合用；因為讀了較袂通明白彼的意思。」我聽也不止gông-ngia̍h，因為伊毋知，袂通明白意思的原因，是因為毋捌台灣話的緣故。伊也毋知，白話字的聖經是台灣話最好的文學。實在今仔日的台灣，普遍的現象；就是台灣人袂曉...

[1949-10 台灣教會公報文類-傳記作者-楊天豪/Iûⁿ Thian-hô]
洪金先生的天路歷程 [ Âng Kim Sian-siⁿ ê Thian-lō͘ Le̍k-thêng ]
洪金先生的天路歷程1949.10 第730號 p.15(楊天豪寫)(紲接8月第12面)後--來閣轉來彰化的時，林學恭先生看著我有聖經佮聖詩，也會讀，就真歡喜；共我引佮蘭醫生蹛，發籤仔佮顧門。彼時有蘭醫生的學生高載德、吳希陽、劉振昌佮Ka-lēng先，以及醫館的工人逐家做伙，逐日真心適。暗時我就招工人去附近的田庄講道理。閣有一个老進伯（許進長老），五日賣茶箍，六日講耶穌，七日守禮拜，我也常常佮伊出去到草屯、二水遮的田庄講道理。猶未有車，攏是步行。也我佇醫館的工那做那慣勢，因為粗工只有我一人，毋若發籤仔佮顧門，也著管顧病室，設法病人的入院，棧藥間，藥局的鎖匙也我teh交。醫館的頭前管顧到後爿，天...

[1949-11 台灣教會公報文類-傳記作者-楊天豪/Iûⁿ Thian-hô]
洪金先生的天路歷程 [ Âng Kim Sian-siⁿ ê Thian-lō͘ Le̍k-thêng ]
洪金先生的天路歷程1949.11 第731號 p.16(楊天豪寫)(接10月15面)彼時吳秋微也佇遐，伊是台北卒業--的，聽著就講：「你敢有愛去？若愛，我明仔再欲去台南共阮哥仔講。」伊彼時拄才做秀圓定著若定。我就應伊好。蘭醫生、醫生娘也歡喜。吳秋微來回答講好，我就去太平境講習40日，有高lò頭、洪朝抽、許振芳同學。後--來就蹛教會--新市、阿里港、鹽埔、嘉義過溝、林杞埔、山霸、Lo̍k-moâ-sán、集集到水裡坑、竹山。這中間有起3間拜堂；閣Lo̍k-moâ-sán的拜堂，對田庄設法移轉來街市。到今做信者16年，做傳道35年久。閣3日就72歲。上帝賜我勇健，猶會四界走，現時一日行兩舖猶會...

[1949-11 台灣教會公報文類-散文作者-鄭兒玉/Tēⁿ Jî-gio̍k]
T.K.C.羅馬字推行部會籌備委員會 [ T.K.C. Lô-má-jī Chhui-hêng Pō͘-hoē Tiû-pī Uí-oân-hoē ]
T.K.C.羅馬字推行部會籌備委員會1949.11 第731期 p.6(鄭兒玉報)這pang T. K. C.夏令會，有得著議長以及籌備委員會的好意，為特別開關係羅馬字的集會三擺，予咱通知陳議長以及籌備委員會的諸位先生有「先見之明。」佇這三擺討論會的結果，羅馬字是對台灣教會的將來真有重要性，所以著愛佇T. K. C.佇內面組一個羅馬字推行部會。 (詳細請看董教授所報--的)。因為欲應這個聲的關係，佇七月30日13點，佇台南神學院的講堂，有開T.K.C.羅馬字推行部會籌備委員會。這個部會的主旨是：1.佇全台的教會推行羅馬字的教育，予凡若屬佇台灣基督長老教會的人，無一人袂曉讀經，詩。2.計劃欲發行...

[1949-12 台灣教會公報文類-傳記作者-楊天豪/Iûⁿ Thian-hô]
洪金先生的天路歷程 [ Âng Kim Sian-siⁿ ê Thian-lō͘ Le̍k-thêng ]
洪金先生的天路歷程1949.12 第732號 p.14(接11月16面)信主50年間，毋捌借一sián五厘。無好額，也無欠缺；上帝予我夠額，也予我袂貪心。「按呢好，請你歇睏，我著落--去，約束的時間7點半已經到。穆Sek-in先生若來，就欲佇下面做禮拜。」「真多謝，真好，予我紲通得著知早時信徒的事情。Se̍k-lîm這choā過--來有佇遐幫贊你的工抑無？」「有--ah。」講兩擺，「23坐飛機閣去--lah，有閩南的教會請伊聖誕節前轉--去通計劃明年的工。」「閣去廈門--lah ò͘?」「是--lah，佇鼓浪嶼。樓梯崎崎，請勻仔行。」「好。」洪--先生出--去了後，筆者那想這個故事，愈...

[1950-8 台灣教會公報文類-小說作者-古樓主人/-]
我想攏無 [ Goá siūⁿ lóng bô ]
我想攏無1950.08 740號 p.15古樓主人作一隻蜜蜂佮蚊仔teh談論。蚊仔問蜜蜂講：「蜜蜂兄！我有幾若項佮你真相像，你有翼，會飛，我也會；你是蟲豸的一項，我也是；閣你會叮--人，我也會。毋過一項我想攏無！按怎我飛到遐，人共我趕到遐；我若叮人，人欲共我拍。因何你猶原會叮人，閣人若予你叮--著，比我較食力，按怎人遐疼你，遐保惜你，起厝予你蹛，寒天時閣用糖水予你啉，這是按怎？我想攏無！」蜜蜂講：「Hió͘！我chēng到今卻也毋捌想對遐去，若共想真，大概是按呢。你佮我雖然平平會叮--人，猶過你teh叮人佮我無像款；你是為著欲suh人的血來飽你的腹肚，為著顧家己teh叮人。我是暝日為著人類造福...

第7頁，共11頁(共203筆資料)

1 ...

... 11

To Page