[1899-5 台南府城教會報 文類-散文 作者--/-]
保惜精牲 [ Pó-sioh Cheng-seⁿ ]
保惜精牲1899.05 170卷 p.38(文姑娘記--ê。)Tī 大英國有設一個會，意思是ài 保惜照顧逐等號ê活物，親像禽獸、精牲、蟲thoā hiah-ê 類。入會ê 人著出力盡伊ê 本份，若看人較殘忍，無啥事扑伊ê馬，抑是àn怎樣傷害凌治小可ê 物，著liâm-piⁿ 去報1個官hō͘伊thang責罰hit個人。 In亦著好方法來教示囡仔hō͘ 伊tuì 細漢知影保惜活命--ê。這號會真正是好，m̄-nā英國hiah-ê 大官有名聲--ê做會友，阮 ê 女王60外年 ê中間，亦有體貼這個意思，續來題銀幫贊 in ê 所費。 可惜這爿 ê 人攏無這號會，亦bē曉tuì重好款待 in ê ...

[1899-8 台南府城教會報 文類-散文 作者--/-]
內山小學相探 [ Lāi-soaⁿ Sió-o̍h Sio-thàm ]
內山小學相探劉牧師報1899.08 173卷 p.59 舊曆3月23日我有設法請柑仔林佮Kháu-ài二位教學ê先生，chhoā in所教ê學生來佮木柵ê學生相探，予in較ē相捌。我愛顯明逐間學攏是相同，平平是教會對重in。 Kiám-chhái紲ē開學生交陪人ê心竅。雖然袂通逐日大家做伙讀，猶過心著常常數念別間學ê人。拜堂門口用榕se（松se）做一个圓拱 ê大門，結幾nā條彩，內面椅排好勢，不論先生學生各人ê位寫字貼--teh，予in到位照次序坐，免得入學眾人亂。也約伊兩位著齊到。已經知in來，這木柵 ê學生攏出去大門外迎接--in。 各班徛 規爿予in面相向，予in齊齊行舉手ê禮，分做三站...

[1900-1 台南府城教會報 文類-散文 作者-余饒理/Î Jiâu-lí]
數念潘牧師 [ Siàu-liām Phoaⁿ Bo̍k-su ]
數念潘牧師1900.01 178卷 p.9(余饒理記--ê.)我近日tuì台灣接著一張憂悶ê批，就知平素所欣慕ê潘牧師已經過往。論到潘牧師實在是我不得不著用全心來疼痛欣慕，尊敬伊親像我ê親兄一般--lah。我也的確知tī 台灣眾教會kap基督徒無 m̄ 為著伊過往來傷悲。想潘牧師在生有濟濟好德行。伊ê 存心時常的確beh chhoē逐個機會來利益教會內外ê 人。Koh伊好德行中間kài 顯明--ê,就是誠心祈禱濟濟時；別人已經睏，伊iáu-kú teh祈禱。Che 代誌實在是芳芳thang chhèng到天頂，上帝定著歡喜接納，因為伊有hit號敬虔ê心--lah。但是伊又koh時時專務學習上帝...

[1900-2 台南府城教會報 文類-散文 作者--/-]
論偶像 [ Lūn Ngó͘-siōng ]
論偶像(2)1900.02 179 卷 p.19-20 (接前卷第9面) 查考商朝武乙帝起頭做偶像做神;後來伊予雷拍死，因為真神上帝用雷刑罰做偶像ê人，來警戒後世代。可惜無曉悟， ná久ná傷重。到佇漢朝明帝ê時佛法chiàⁿ入中國，對按呢偶像ê歹風俗日日ná盛。明帝坐位chiàⁿ 18年nā-tiāⁿ，後來死失相紲，國位無久長。宋，齊，梁，元，魏，以下逐代nágâu敬佛，總是世代ná短。親像梁武帝捨身拜佛，一日食一頓，只有食果子，毋敢別物。後來予候景所逼，餓死佇台城，國也滅無;敬佛望福氣反轉受災禍lah!對中國有佛以後，代代ná大興動干戈，逐項ê災禍ná濟，無一時平安，這是對拜佛ná招災害...

[1900-4 台南府城教會報 文類-散文 作者-萬姑娘/Bāng Ko͘-niû]
Bú-tī先生 [ Bú-tī Sian-seⁿ ]
Bú-tī先生1900.04 181卷 p.32-33(萬姑娘記--ê.)「今仔日tī以色列族中，元帥死，lín kiám m̄ 知？」II撒母耳 3:38 年內12 月Bú-tī先生hō͘上帝召離開世間。Hit時東西南北ê人四界若tú著頭就講起。你kiám m̄知第一大傳道先生已經過往？ 伊真正會堪tit號做大，平素bat到逐所在遍遍傳福音；罕tit有人親像伊致到hō͘ hiah 濟人聽，hiah gâu 感激人ê心。 論伊ê 信極大，所以有時別位ê牧師ài請去hia 幾日久講道理。伊就代先寄批來問：「看tī lín hia ê拜堂偌大間，有thang 坐tit偌濟人？」牧師接著批大家就失望...

[1900-4 台南府城教會報 文類-散文 作者-陳本來/Tân Pún-lâi]
論風俗 [ Lūn Hong-sio̍k ]
論風俗1900.04 181卷 p.33-34(陳本來記--ê)。（接前卷第28面）節氣人常tī 這個3月初三teh守節；這個久續成自然，m̄ 知tuì佗位設起，kan-ta世傳世nā-tiāⁿ。究勘 這個節，是tuì tī 漢朝ê時有1個人，姓芒名得功，伊因為老辭官倒來厝--ni̍h。到這個清明日伊有chhoā伊ê 某子去塚山，有續帶物食；總--是伊beh食ê第先有先祭祖先，祭了就toà hia做夥lim食。總--是後來ê人煞看hit個樣，就加創chiah-ê牲禮、金、香、紙、燭來teh祭墓。Koh tī 晉朝ê時，有一人姓介名子推，伊服事晉文公。照冊--ni̍h講晉文公出外有10外年抵著無...

[1900-8 台南府城教會報 文類-散文 作者--/-]
禁邪教 [ Kìm Siâ-kàu ]
禁邪教1900.08 185卷 p.61-63前月台南城白龍庵出來夯鬧熱。局外有一人卻毋是屬佇教會，總是伊有見識通看出hit號代誌是毋著，就做一篇論teh 譬相in，紲印上台南日本ê新聞報。Taⁿ hit篇論翻譯白話字印佇下底予恁大家通看:--「白龍庵(就是廟ê名)毋知是對 tó一時設起，也毋知是甚麼號ê鬼。又閣忽然稱做公，忽然稱做王，忽然稱做大帝，毋知是啥人kā伊敕封--ê；伊ê手下有ê號做按司，有ê 號做中軍，毋知是啥人teh總管in。 Teh隨香ê男女有ê認做犯人，有ê認做乞食，毋知是啥人所設ê條款。親像這號逐等ê錯誤永永予明理ê人真大恥笑，毋過 hit號無知戇戇ê 百姓攏 teh敬拜伊...

[1900-8 台南府城教會報 文類-散文 作者--/-]
中國戰事 [ Tiong-kok Chiàn-sū ]
中國戰事（1）1900.08 185卷 p.63-66論外國去攻中國這層ê來歷照次序大略記佇下底：－六月15號(就是舊曆 5月19日)。彼日英國，美國，法國，德國，義大利國，奧國，日本國佮俄國hiah-ê戰船攏佇大沽港口。In逐國ê 管教官長大家做伙聚集佇俄國戰船議論兩項ê消息，就是：－1.聽見清國兵teh-beh來攻大沽停車場，佮毀壞北京到大沽ê鐵車路。2.又閣聽見清國兵teh beh將水雷下佇白河港口，因為毋准外國戰船入港。In hiah-ê管教官長聽見這兩項ê消息就議論講，Hiah-ê「義和團...

[1900-9 台南府城教會報 文類-散文 作者--/-]
中國戰事 [ Tiong-kok Chiàn-sū ]
中國戰事（2）1900.09 186卷 p.71-72前月教會報路尾所印ê消息就是講：西曆6月25號英國人寄批講：義和團匪圍困北京，致到外國人袂得出京城，就嶄然危險。後來佇 6月29號日本ê欽差寫批予蹛天津ê日本領事官講：In逐日ná久ná傷重。對彼tia̍p 起所接著北京ê消息有ê是清國官報ê人打算敢袂信得，總是大略照次序記佇下底：－七月第三號。光緒君拍電報予日本ê大官，又閣請日本皇帝出頭勸外國毋通拍害中國。日本皇帝回講：害死屬公使館ê官是真重罪，是犯著萬國公法。又閣講...

[1900-9 台南府城教會報 文類-散文 作者-王培英/Ông Poê-eng]
縛跤ê論 [ Pa̍k-kha ê Lūn ]
縛跤ê論王培英記--ê。1900.09 186卷 p.72-74天下歹ê風俗極濟算袂了。親像印度有看輕查某人，就是款待查某人做親像禽獸，無掠in佮查甫人仝類。雖然已經嫁丈夫，不過也是款待伊做親像女婢nā-tiāⁿ；到丈夫一下死，hit個婦人人就著慘lah，因為較大面會拄著燒死。這是in較早ê 惡俗。西國有sǹg腰，中國有害死查某囡仔；á是親像西國ê食酒，中國ê食鴉片hit一類。論到這號ê惡俗，知識，出名ê人攏 ta̍uh-ta̍uh 著出議論痛切teh 勸解。總是縛跤這一項ê風俗，伊ê殘忍無較輸佇燒死寡婦害死查某囡仔；伊ê酷毒無較choa̍h佇斬斷人ê跤骨；伊ê關係無較各樣佇酒痟佮 giàn薰...

[1901-2 台南府城教會報 文類-散文 作者--/-]
宋牧師娘 [ Sòng Bo̍k-su-niû ]
宋牧師娘1901.02 191卷 p.9-10新曆正月17號，宋先生娘佇台南城新樓過往。宋先生娘姓 Christie，名伊利莎白；出世佇蘇格籣Kai-loē-su城。伊踮佇祖家有讀冊，學醫生，進名，親像其餘hia-ê醫生；若beh蹛hit- pêng行醫卻會堪得。總是因為已經配宋牧師定著，所以tio̍h toè伊過來台灣。到1892 年踮佇香港合婚，後來到台南城。Hit-tia̍p學台灣話就快進德，無偌久就出草地去揣姐妹，有時chham宋先生做伙去，有時家己蹛佇拜堂。Hit時伊所做ê工，行醫，分藥，救人ê 性命，阮佇遮毋免講：恁眾人已經攏知。後來濟濟人議論應該著設一間女醫館予先生娘hoāⁿ是較...

[1901-2 台南府城教會報 文類-散文 作者--/-]
女王過世 [ Lú-ông koè-sì ]
女王過世1901.02 191卷 p.10-11在佇新曆正月22英國ê女王過往。大英國ê女王，名I-to-lī-a (Victoria)享壽82歲。伊坐位64年久。彼時ê中間阮ê國真興旺，ná久ná開闊。從中也有格物ê先生出濟濟新款ê機器，通做國家ê大路用。佇 1840年有合婚，伊ê丈夫是別國ê國君，也是有道德ê人。可惜早過世，只有21年ê姻緣若定，予女王終身無袂記得數念伊。伊有生9个囝兩个過往去。大太子這tia̍p 60歲，taⁿ頂起來坐位。大公主是嫁予德國ê皇帝；丈夫代先死，in ê囝這tia̍p teh做皇帝，算是阮女王ê外孫。照眾人所干證阮ê女王是誠實熱心信主ê人。一擺一个青番ê頭人來...

[1901-7 台南府城教會報 文類-散文 作者--/-]
彰化ê消息 [ Chiang-hoà ê Siau-sit ]
彰化ê消息1901.07 196卷 p.52-53近來有接著一張批teh講起彰化縣ê消息。今將伊ê 話記tī 下底。論台中彰化ê教會攏平安；hiah-ê 新設ê教會有ê 不止活動，有漸漸teh加添，有ê 倒替冷淡。現時北路佈道不止好機會，我有常去hiah-ê 新設ê拜堂做禮拜。有明兄前禮拜有換去草鞋屯拜堂，烏皮兄換toà牛罵頭。近來tī 台中屬有一身佛，號叫帝君，tī 鹿港，彰化，Lâ-lí-sàn街，溪湖街，社頭，北路濟濟ê所在，teh kā人改鴉片薰。若beh hō͘ 帝君改薰，著對帝君跋杯咒詛，將薰吹gia̍h來交伊，跋杯了後才去lim幾若碗水，後--來有ê 漏吐。伊有用話哄--in，講...

[1901-7 台南府城教會報 文類-散文 作者-巴克禮/Pa-khek-lé]
吳蒙楚 [ Gô͘ Bông-chhó͘ ]
吳蒙楚(巴克禮記--ê)1901.07 196卷 p.53-54二十六年前，就是光緒元年，我頭ē來台灣ê時，彼tia̍p有四个少年人來踮佇旗後李牧師ê樓跤teh讀冊，有請林Kiam-kim做先生來教。 In四个就是林華，劉茂清，吳葛，陳新代；後來四个攏擔當傳道ê職。現今一个無teh擔當；其餘三个 chham牧師，先生已經攏過往。從中路尾死--ê就是吳葛 (冊名蒙楚)。吳Bông-chhó͘是鹹埔仔人。伊ê老父，吳Tioh，是鹹埔仔頭一个信ê人，原本受伊ê親人不止窘逐伊，然後大家攏降伏。伊佇幾nā年前已經過往，伊ê婦jîn人Tioh嬸卻猶過佇--teh。 Bông-chhó͘出世佇主降生1853...

[1901-8 台南府城教會報 文類-散文 作者-萬姑娘/Bāng Ko͘-niû]
論猶太人 [ Lūn Iû-thài lâng ]
論猶太人1901.08 197卷 p.62-63(萬姑娘記--ê。)聖經幾若位有講，猶太人著掠做代先。救主本身也是吩咐伊ê 學生著代先去耶路撒冷傳福音。保羅是不止明白耶穌ê意思，所以要緊代先家己趁，講hō͘ in聽。今驚了咱異邦人較常bē記得；bē記得咱ê 主是猶太人；bē記得聖經是對猶太人ê手出。咱較濟所有--ê是對in m̄-tihN8--ê 續到tī 咱；m̄ 是咱較會堪--得，是恩典白白hō͘ 咱。聖經有講：「因為in m̄ 信hō͘ 上帝at折，lín 因為信來留存，著細膩驚惶莫得有自高ê心肝 ( 羅馬11：20 ) 。Koh講：「In若信耶穌，會那親像對死koh活ê人。」祖家教會m...

[1901-9 台南府城教會報 文類-散文 作者--/-]
旗後醫生館 [ Kî-āu I-seng-koán ]
旗後醫生館1901.09 198卷 p.67-6830外年前馬醫生來台灣傳道理，伊代先toà tī 府城外設醫館。Hit-tia̍p人四界傳謠言ê歹話，生起擾亂，致到伊toà bē tiâu,姑不chiong走去旗後企起。Tī-hia買厝做禮拜堂，也起一間醫館。Toà tī-hià、4年，然後koh去府城，kā許老爹典一間厝，thang做醫館kap企家ê路用，就是咱後來叫做舊樓，hit間。 Hit時公會已經差李牧師tiàm tī 旗後，m̄-kú無koh差一個醫生；正請山醫生kā咱hoāⁿ 醫館。後--來伊去廈門，伊ê 小弟山大畢，(有人叫伊小山 ) 來接伊ê 職。伊toà無偌久，正去福州，就...

[1902-1 台南府城教會報 文類-散文 作者--/-]
日本教會興起 [ Ji̍t-pún kàu-hoē heng-khí ]
日本教會興起 1902.01 202卷p.2 佇日本國的京城差不多3，4年前有設一个總會。彼个會的意思是愛贊逐位的教會無論Kam-tok教，長老教，浸禮教，抑是啥物別號的教門，贊in 的力去報耶穌的福音予眾人知。照in所it--著是意愛in 的國著歸耶穌；予逐城，逐庄，無一个人通講，毋捌聽耶穌的事。 西曆的 chûn年就是1900年大家聚集議論這層事講，若欲予伊成功，總著tê有5000箍來做所費。合會歡喜准，就派人設法。到舊年就是1901年，大家閣聚集，逐位的教會兄弟姊妹協力鬥贊成。Taⁿ有出一本冊teh講in所經過的情形。這本冊皮有字講，「願阮的國歸基督。」In知家己的氣力不足就...

[1902-1 台南府城教會報 文類-散文 作者--/-]
彼得改酒 [ Pí-tek Kài-chiú ]
彼得戒酒1902.01 202卷 p.6-7Tī 某所在有一個人姓穆，名彼得kap伊ê查某子羅黛做伙企。禮拜e昏tī 伊ê the椅teh坐，食酒配煙，就kā羅黛講：「羅黛--ah!牧師e晡所講ê道理真正是明，koh是活動ê話，會感激人ê心。羅黛聽了，問in 父看甚mih牧師講道理。彼得ìn 講：「Hé是別位來-- ê,我 m̄-bat--伊」Koh講：「真正是好聽，咱家己ê牧師bē曉講一分仔親像伊án-ni。」羅黛是智識ê查某囡仔知伊ê父kap牧師有淡薄不睦，所以有怨恨ê話意，知若kap伊辯駁也無采工做án-ni問：「阿爹，伊講甚mih道理？」彼得講：「以色列人teh過紅海ê事。題目就是"以...

[1902-1 台南府城教會報 文類-散文 作者--/-]
教會的來歷 [ Kàu-hoē ê Lâi-le̍k ]
教會的來歷 鹿港 1902.01 202卷p.7 主1895年，4月我離開台南來遐開西藥店。佇彼時攏無信主的人佇遐。我若欲守主日，較常去彰化，將近倚成年久，真正毋利便。總是心常常求上帝開路通設伊的聖會。佳哉Moâi牧師佮彰化的傳道先生黃茂盛捌ta̍uh-ta̍uh去遐佈道。 到1897年，上帝就聽我的祈禱，予伊盡忠的 lô-po̍k Moâi牧師顯出大度量，議論定著欲設福音堂，我聽著這號消息，心肝歡喜感恩上帝；無偌久就稅一間店佇板店街，逐月厝稅銀2箍。彼時也我發落堂內所欠用的物件到攏好勢，就佇2月間開堂講道理。離遐6，7里路，有一庄號做徛溝仔幾若口灶屬彰化的教會，in也歡喜逐禮拜...

[1902-2 台南府城教會報 文類-散文 作者--/-]
路加18:9 [ Lō͘-ka 18:9 ]
路加18：9 1902.02 203 卷 p.9 佇台灣某所在有一人，伊做訟棍來趁食，也有食鴉片真傷重。幾若擺愛改毋過改袂離。後來聽見講咱的聖教真好，人若趁道理伊會改鴉片以及逐項的歹。伊就愛去聽，毋過佇in庄--裡無禮拜堂，也無先生通問。離in的庄差不多兩舖路的遠卻有禮拜堂；毋過伊欲去遐是生份人，毋知影，驚見笑，紲毋敢去。佳哉佇遐有一个聽道理的人，伊逐禮拜去彼个禮拜堂拜上帝。彼个訟棍知伊是拜上帝的人就去揣伊，問看伊通佮伊去禮拜抑毋通。彼个人共伊講的確通，逐人攏通去禮拜。伊就講，好，後幫你去禮拜你著來招我，我愛佮你去。聽道理的人允伊好。總是後來想著彼个人真歹名聲，濟濟人捌伊，驚了人若看...