[1947-1 台灣教會公報 文類-散文 作者--/-]
見學：毋免錢的好藥 [ Kiàn-ha̍k: M̄-bián chîⁿ ê Hó-io̍h ]
見學 毋免錢的好藥 1947.01 第697號 p.12 我無講恁敢臆會著？會--lah。 就是日光。對源起頭到今仔日。太陽發射光，有千千萬萬的馬力，來利益這個世界，咱的生活，對物質方面來看，專專是倚靠--伊。今簡略記幾項佇遮，向望有心適。 1.逐日著開睏房的窗，予日光照--入來。就房內有臭味、生ko͘、臭殕佮空氣中有傳染人的bái-khéng (日語借詞：黴菌)，親像感冒出癖、出珠、thái-ko、癆傷，種種的病菌，若拄著日光，就會滅無。 2.蚊罩、被單、棉績，tah-tah-bih，著常常搬出來曝日。若無，睏了會骨頭痠，風痛。病人所用的寢具，閣較著日光消毒。 3.身軀著曝...

[1947-3 台灣教會公報 文類-散文 作者--/-]
見學：地thài會振動 [ Kiàn-ha̍k: Tē thài ê tín-tāng ]
見學 地thài會振動 1947.03 第699號 p.11-12 調查地動的發生，世界逐國的普遍極無平等；所發現的回數佮伊的強弱，逐所在chám然無像。親像佇日本佮南亞美利加的西爿岸，地動最第一濟。俄羅斯西比利亞的北部佮阿非利加中部是最少；就若有，也是真微弱。所以U-te̍k-su先生，將世界的地振動，分做三大區域。 1.濟震（多震）。發生地動最第一濟的所在。 2.少震(寡震)。發生地動最第一少的所在。 3.無震(無震)。是無地動的所在。 地動最第一濟閣強的所在是太平洋的周圍，佮橫過奧國歐洲佮中美的地中海。世界的地動，統計做十份。地中海全体約佔5份。太平洋周圍約佔4份，其餘...

[1947-4 台灣教會公報 文類-散文 作者--/-]
見學：地thài會振動？ [ Kiàn-ha̍k：Tē thài ē tín-tāng? ]
見學地thài會振動？1947.04 第700號 p.11本應該著連鞭印清楚，總是為著欲予所應答的刊明，較有趣味。所以著先講遐的佮地動有干涉--的記佇遮。頂面有講：「地震帶」彼句話，愛來講較詳細。地球面有一choā極大的pit裂，佇時才pit，袂通稽考。這choā的pit裂，差不多佇地球的半面劃一choā，拄好成做一條大溝。這个pit裂的所在，每擺若崩--落去，地殼的確因為按呢來搖泏。閣逐擺，彼條溝的全體，就是對地球的半面，傳伊的振動到別所在。地震學的先生，稱這條大溝號做地震帶。這choā地震帶，延長到甚物所在？就是順南阿美利加的西海岸，到北阿美利加的阿拉斯加，經過海底上北，對倒爿越--過，經...

[1947-5 台灣教會公報 文類-散文 作者--/-]
見學：地，thài會振動？ [ Kiàn-ha̍k：Tē, thài ē tín-tāng? ]
見學地，thài會振動？1947.05 第701號 p.11-121.地球teh 勼。極古早，地球是熱phok-phok，親像火爐。後來漸漸冷，就變做兩款，就是土佮水。土，勻勻仔硬。土硬，就成做一煙5一煙5，這號做地層。堅硬的土，包地球，叫做地殼。.地球冷，就會勼，予地殼jiâu閣pit裂。地層順pit裂的choā，有的chhèng 懸，有的落低，抑是pit-choā相磕，攏會振動，對按呢，才有地動。以後地若閣勼，會閣pit裂，地動就閣起。2.洞空lap--落去。佇地層內，有大的洞空。 地面的水，浸入洞空。洞溶--去。頂面的地，大力teh--落去，洞殼袂thìⁿ力，對按呢 洞殼lap，地就振動...

[1947-8 台灣教會公報 文類-散文 作者--/-]
見學：活物家己保護 [ Kiàn-ha̍k: oa̍h-mi̍h ka-tī pó-hō͘ ]
見學 活物家己保護 1947.08 第704期 p.12 胡蠅、蜘蛛、蟳仔、蛇，以及別物的蟲豕，人若見著，就愛共伊拍死。毋若人愛予伊死，就in家己也會相咬，對按呢逐日有死誠濟。雖罔按呢，無死猶活--的，閣較濟。這，為著啥因端？有兩項。 1.對in的色緻來得著保護。 A.親像佇海沙--裡，有一號蟳仔，較常出來外面，無踮佇空內；伊的殼phú色，也有幼幼的紅點，親像海沙色，真oh得分別通掠伊。 又閣蟳仔踮佇海邊的土糜--裡，色緻烏青，拄拄親像土糜。鳥真愛食in。總是因為in的色佮土糜相同，就看袂真。 B.蜘蛛有的踮佇樹林內，色緻佮焦的樹葉相同。伊若歇佇網--裡，跤手khiû-liû...

[1947-9 台灣教會公報 文類-散文 作者--/-]
見學：火車佇時才有 [ Kiàn-ha̍k: Hoé-chhia tī-sî chiah ū ]
見學 火車佇時才有？ 1947年9月 第705號 p.11-12 台灣北部，清朝時，就有；南部，日本人來管台灣，才看著。世界甚物所在，甚物時，代先有火車？英國的厝，較濟有煙筒，通予灶跤的火薰走出，款式親像細間會社。煙筒--裡，有一枝鐵橫杆；彼枝橫杆，有縛鐵鍊仔，墜--落來，鍊仔尾有縛一个鉤仔，通掛茶kó͘、鼎、鍋仔，佮逐項的器具。遐的物攏有圈仔通掛佇彼个溝。 有一日，一个查甫囡仔teh備辦滾水欲共伊的老母泡茶。水大滾，水煙對茶kó͘蒸--出來。為著水煙的力，茶kó͘就tīn-tōng-hìⁿ，搖來搖去，鐵鍊也綴伊teh搖。彼个囡仔那看就那想，家己講：「愛--啊，彼个茶kó͘若有輪，...

[1950-10 台灣教會公報 文類-散文 作者--/-]
研究：宗教改革家略傳 [ GIÁN-KIÙ：Chong-kàu Kái-kek-ka Lio̍k-toān ]
研究宗教改革家略傳1950.10 742號 p.8-10（這月號宗教改革號。愛各位讀者數念當時遮的改革家。這霎終止的改革家的遺像佮略傳介紹佇遮，予各位讀者閣一擺來帶念in的遺業，來喚起咱的改革精神。）1、路德馬丁（Martin Luther）1483-1546。德國的宗教改革家。伊佇A. D. 1483年11月10日出世佇德國的Ai-su-lé-bián，散hiong作穡的家庭。老父誠實，老母敬虔，21歲畢業大學，本立志欲做法律家，總--是有一日佮伊的好朋友佇tân雷佮落大雨的時teh行路，伊看著朋友予雷拍--死，就改心欲做宗教家，1505年7月17日入Ò-kó͘-su-teng的修道院。15...

[1951-5 台灣教會公報 文類-散文 作者--/-]
論說："老母ê日"ê由來 [ Lūn-soat："Lāu-bó ê ji̍t" ê iû-lâi" ]
論說：「老母的日」的由來1951.05 749號 p.4(T.K.J.)佇美國的東爿海墘，ブァジニア州的草地，有一个細細的鄉社叫做ウェブスター，有一个熱心信主的婦人人，名叫ヂァルブヰス。佇教會做主日學的教員26年久，有一个禮拜日teh教十條誡，拄teh說明第5誡，就是著敬你的父母的教示，特別講起老母的疼怎樣的大，紲講：「向望佇恁中間，有甚物人會通想出好的方法，通予現代的人，對遮大的疼，對心底表出感謝。」 拄好伊的查某子アンナ也佇這班teh做學生，總--是無偌久，ヂァルブヰス夫人煞死--去。Nā是アンナ將老母所講彼句話記牢牢。後--來in的教會遐的婦人人，用心計較為著ヂァルブヰス夫人開一个追悼會...

[1951-9 台灣教會公報 文類-散文 作者--/-]
客莊：讀「二崙迫害記」 [ Kheh-chng: Tha̍k "Jī-lūn" pek-hāi-kì" ]
客莊讀「二崙迫害記」1951.09 753號 p.19佇教會報對6~8月連載巴牧師佇二崙的迫害記。所講彼个二崙，毋是teh指佇西螺附近的大庄社，是teh指佇屏東縣屬客庄的小鄉社。筆者因為是二崙附近的人，也是客人的一个，對這個記事不止關心來讀。過頭的感激，予我的心一面真見笑，一面是講袂出的感謝。遐的一陣人一時的的爽快成做客人永遠的見笑；但是巴牧師所拄著的見笑成做上帝的榮光。當1948年5月，內埔設教50週年禮拜式上，高篤行牧師的祝詞有講：「早年佇二崙的臭味成做永遠的芳香，遍滿佇全客庄。」也萬牧師（Rev. Edsuerd Band）所著的巴牧師傳記中也有幾若頁二崙迫害的記錄。這 敢毋是台灣傳教歷...

[1952-2 台灣教會公報 文類-散文 作者--/-]
地動 [ Tē-tāng ]
地動1952.02 758號 p.19-20對10月22號的地動以來，東部到今仔日逐日teh地動，遐的人攏疏開佇空地搭草寮teh過日，真通同情。今愛介紹關係地動的常識。一、地動的原因。大概有四款的原因：（1）火山性的地動，是對火山爆發所生起的地動。這款的地動較袂影響到真遠，總--是因為所chhèng出的火灰佮滾chhiâng-chhiâng的塗糜，附近受災害真悿，親像A. D. 79年，Be-su-bia（Vesuvius威蘇威）火山爆發，致到Póng-pe（Pompeii龐貝）城攏埋--落去。（2）地lap--落去的地動。地殼內石灰性的大石，予地下的水溶--去，生起空洞，地殼lap--落去，...

[1952-5 台灣教會公報 文類-散文 作者--/-]
主日學：老母ê日 [ Chú-ji̍t-o̍h：Lāu-bú ê ji̍t ]
主日學老母的日1952.05 761號 p.20-21列位小朋友，5月第二禮拜日，濟濟人欲結剪絨花佇in的胸前來禮拜。有的人結白色--的,有的人結紅色--的。是因為teh紀念慈愛的老母。少年到老，逐人攏有一個老母。有的人的老母猶活佇世間，有的人的檢彩已經佇天頂。總--是平平來teh數念。這是一個真好閣媠的所做。老母猶活的人結紅花，過身的人結白花來分別。這是甚物意思--lè？美國東海岸一個細細的庄社--nih，有一個婦人人，做主日學的教員26年久。伊真熱心，閣gâu引chhoā細囝捌道理。伊捌一擺說明十條誡的第5條「著孝敬父母」的時，有講起向望對恁中間會想出一個法度來紀念老母的大疼痛。彼時伊的查...

[1953-2 台灣教會公報 文類-散文 作者--/-]
除偶像 [ Tû ngó͘-siōng ]
除偶像1953.02 770號 p.7-8欲拜上帝的人，佇伊的厝猶有偶像，敢通紲共伊拜？上帝敢有歡喜人拜伊，像時也拜偶像？聖經記載上帝毋准人去拜伊 (申命記4:16， 5:8；出埃及記20:4)。因為偶像是人製造的，毋是偶像創造人。見若人製造偶像，刻--的，鑄--的，彼人著受咒詛 (申命記27:15；以賽亞44:9)。因為人所鑄的偶像攏是風，攏是空虛的(以賽亞41:29)。In有嘴，袂講話；有目珠，袂看；有耳空，袂聽 (詩篇115:5， 135:15-21)。Khap-pa-kok講：「彫刻的像有甚物利益，才予造伊的人彫刻伊--ah？」對柴頭講，著醒；對啞口的石頭講，起--來，彼號人有災厄--...

[1953-2 台灣教會公報 文類-散文 作者--/-]
講壇：福氣是sím-mi̍h？ [ Káng-toâⁿ:Hok-khì sī sím-mi̍h? ]
福音講壇「福氣」是甚物？1953.02 770號 p.8-9(胡文池)農曆的新年若到，家家戶戶有用「福」這字貼佇in的門斗頂。有人寫「五福臨門」貼佇門頂。按呢人攏teh向做有福氣的人。雖然是按呢，猶久真濟人無十分明白「福氣」是甚物。山地的人無「福氣」這句話。因為這句有真複雜閣包含的意思佇--leh。至少福氣有三款的意思佇--leh。I. 物質方面的福氣。較常人若有錢，濟囝，做官，長歲壽，按呢就叫伊做有福氣。「福」這字是對「示」佮「畐」來做成的，「示」是「神」的意思，就是講，「福氣」是神的賞賜，「畐」是物質充滿，抑是每一人有田的意思。實在咱中國人攏是信「天賜平安福」，所以常常人愛號名叫「天福」。...

[1953-3 台灣教會公報 文類-小說 作者--/-]
主日學：小朋友ê故事 [ Chú-ji̍t-o̍h:Sió pêng-iú ê kò͘-sū ]
主日學小朋友的故事1953.03 771號 p.21-23題 目：一隻驢見著天使 聖經節：民數記22-24章 故事 古早有一隻驢佮伊的主人巴蘭相佮徛起佇一條河邊。佇遐有青翠的草埔，總--是這隻驢若著載巴蘭去別位的時，就著離開媠的河邊，來經過真濟條礁燥坎坷的路。這隻驢是真乖，所以伊的主人真疼--伊，無拍--伊，予伊食到飽，閣佇暗時備辦好的所在予驢通平安歇睏。巴蘭毋是有錢人，伊只有有這隻驢若定，所以若欲去別位，逐擺著騎驢去。巴蘭真疼上帝，閣家己會曉聽上帝的聲。對按呢，四面逐的人攏知伊是真有智識的人。有一日有幾若个穿媠衫，王的使者帶禮物來揣巴蘭。In愛chhoā巴蘭轉--去，來朝見國王。彼个國王真驚...

[1953-5 台灣教會公報 文類-散文 作者--/-]
社論：祝母親節 [ Siā-lūn:Chiok Bó-chhin cheh ]
社論祝母親節1953.05 773號 p.3-4本月10號是母親節。佇1908年，民國前4年，對北美的東海岸的西維吉尼亞州 (West Virginia)，一个鄉莊做起。每年五月第二禮拜日做數念老母的「母親節。」對40年前起，到現時，佇母親節的日，美國人的家庭掛國旗，對老母表敬意。你看有一條線，將人類的歷史thīⁿ連做伙，予伊攏無斷。彼塊媠的布常常受風，受剪斷，抑是退色--去。佳哉有這條線共伊thīⁿ牢--leh，予伊免斷--去，亦免退色。這條線就是老母的疼。母性愛，雖然彼个出發是佮別款動物的老母像款。就是出對本能。毋久佇彼个本能的內面有受人道的清水共伊洗清氣，也受智識的熱火共伊開啟。毋若完成...

[1954-1 台灣教會公報 文類-散文 作者--/-]
公告：培考委員會 [ Kong-kò:Poê-khó Uí-oân-hoē ]
公告總會培考委員會1954.01，no.781，pp.04-05 1.考試期間：1954年5月4日到6日。2.新約釋義，分 (a)哥林多前後書。(b)路加福音書。(c)彼得前後書。3.舊約釋義，分 (a)以賽亞書。(b)但以理書。4.論文題目：教會的本質佮使命。5.說教經句：哥林多前書 1：23－25。6.參考書：(a)系統神學：Kuwata著「基督教神學概論，」賈Gio̍k-bêng 著「神道學，」カルヴイン著「基督教綱要。」(b)新約神學：スヲヴンス著「新約聖冊神學。」(c)教理史：ニーグレン著「愛的研究。」(d)舊約神學：Asano著「舊約神學的諸問題，」デヴイットソン著「舊約神學。」...

[1954-1 台灣教會公報 文類-散文 作者--/-]
北中敬老會 [ Pak-tiong Keng-ló-hoē ]
北中 1954.01 781號p.13-14 1、敬老會。 新店教會是不止有歷史的教會，已經欲做80 歲的生日，為著這項漸漸有teh進行佮計畫。明年就滿80 歲，老年徛在堅實的教會，為著按呢的大的記念佮好的意思，就拜堂有tê-iân，按 5 萬銀欲擴張。這pang 12月6號有舉行敬老會，60 歲以上的信主，兄弟姊妹攏得著慶賀，教會彼中晝請in紲添福壽，毋但祝賀in肉體勇壯，也信仰生活那堅定。 2、台灣省基督教聖誕慶祝會。 每一間教會不止活動，無閒teh準備祝聖誕，總是毋但佇各教會家己慶祝nā-tiāⁿ，就咱基督教全體無分教派，攏總踮佇主成做一體，相佮慶祝，12月2...

[1954-1 台灣教會公報 文類-散文 作者--/-]
建設局 [ Kiàn-siat-kio̍k ]
建設局1954.01，no.781，pp.061.1954年度，准民雄，愛蘭，斗六等，三間新築禮拜堂，紲准in通對南大區域內諸教會募捐。a) 募捐額：民雄2萬箍。愛蘭 2萬箍。b) 募捐的時間佮區域照下面：中中 嘉中 南中 高中民雄 2月 4月 1月 3月愛蘭 6月 2月 5月 8月斗六 10月 11月 9月 12月 請各教會兄姊對疼心幫贊in。2.舊年度受許可建堂，紲對外募捐的教會，請恁將恁的募捐存根寄來備查。3.募捐的三聯單佇事務所有備辦，每本兩箍半。南大建設局，局長：Si Tô͘。 ...

[1954-1 台灣教會公報 文類-散文 作者--/-]
請saⁿ-kap傳福音 [ Chhiáⁿ saⁿ-kap thoân Hok-im ]
請saⁿ-kap傳福音1954.01，no.781，pp.07-08各位敬疼的同工佮兄姊平安。咱佇舊chûn年南大有組織培靈傳道隊佇逐間教會做培靈傳道的工。得著出外佇北部所敬疼的南僑兄姊，對佇in的熱烈疼主的心，歡喜奉獻濟濟錢做這个經費。也有濟濟兄姊為著培靈傳道的工，暝日迫切祈禱；所以佇舊年的成績不止好，著感謝主，呵咾主。今佇今年的南部大會，有將這个培靈傳道重要的工交代傳道局負責設法。所以佇10月29號的傳道局小組會議的時，有慎重計畫培靈傳道的事項，詳細照別紙所記。請各位敬疼的兄姊，盡量照舊繼續奉獻金錢佮祈禱，予咱的培靈傳道隊的工作，比舊年會閣較得著上主的祝福，予信心失落的兄姊，會得著信仰復興...

[1954-1 台灣教會公報 文類-散文 作者--/-]
講壇：新年恭喜 [ Káng-toâⁿ:Sin-nî kiong-hí ]
講壇新年恭喜(蕭樂善)1954.01，no.781，pp.08-09詩篇102：27，「獨獨你無變換，你的歲壽無窮盡。」舊年大風颱的時，有一尾大鱷魚，予風湧扑到台東新港，對遐上陸，予人真奇怪，怎樣伊會經過遠閣大風浪的大海。伊的上陸，就是親像人過新年的歡喜。伊雖然無所通倚靠，也伊的力量毋是會對抗大自然的威力，猶過伊會度過這个大海，世間人雖然佇這个不時teh變動的世間teh徛起，猶過伊teh度過對舊年到新年。總是無攏按呢，有的度未過；所以會通經過這个年的人是福氣，是勝利者。到佇新年的時，有新的年，有舊的年。予人所大感覺的，就是變動；對舊變新；對新變舊；這是不幸佮危險的記號。基督徒未-通一時做新的人...