[1962-3 台灣教會公報 文類-散文 作者-楊啟壽/Iûⁿ Khé-siū]
信仰ê準繩 [ Sìn-gióng ê chún-chîn ]
信仰ê準繩 聖經:希伯來12:2 楊啟壽 1962/3/1 4-6 (編者註: Beh用啥物做咱信仰ê準繩，穩當有濟濟ê疑問。楊牧師是佇Gio̍k-san神學書院做先生，所寫這篇毋通用本身著用基督做準繩，有濟濟好ê指點，讀ê人一定beh得著濟濟利益)。 現在是一个無認真ê時代。雖然人對佇世間ê享樂á是趁錢感覺真趣味，甚至熱狂，總是對佇道德á是信仰這款ê事，感覺厭siān凊彩。 初代ê信仰，若是beh做一个基督ê學生，愛有拚命ê決心。beh做一个基督徒，著覺悟in會受社會，國家濟濟ê壓迫，心志有時愛喪失in ê性命。總是現在beh做一个基督徒實在是真簡單。濟濟人趁流行á是家...

[1962-3 台灣教會公報 文類-散文 作者-林天助/Lîm Thian-chō]
信仰ê模範 [ Sìn-gióng ê Bô͘-hoān ]
信仰ê模範 以弗所6:10-20 林天助 1962/3/15 882期 6-7 佇這末日ê時代，異端興起ê時，無論咱是信主，á是毋信主，咱對咱ê信仰必須有一個準索，毋信主ê人有伊家己5政治信仰；每一个真正中華民國ê 公民，伊ê信仰準索，除了「三民主義」以外無有別个。親像按呢，每一个真正ê基督徒，伊信仰ê準索除了「聖經」以外，無有其他ê，換話來講；凡若聖經所啟示ê， hit-ê chiah是咱信主ê人ê信仰ê模範(行傳17:2-11)。 Kiám-chhái有人beh講：信仰ê模範，著用耶穌基督做準索。真正無錯，的確是按呢；插佇咱頭前ê標是這位救主。總是咱是敗壞ê，伊是聖潔...

[1962-1 台灣教會公報 文類-散文 作者-陳蘭奇/Tân Lân-kî]
新ê跤跡 [ Sin ê kha-jiah ]
新ê跤跡哥林多後書 5:17陳蘭奇1962/1/15 878 期 6-7羅賓遜漂流到底一个無人島，經過好久ê孤單生活了後，有一日，忽然間佇海沙頂發見著一个跤跡。伊心內teh想，佇chit ê島上既然有人，以後我毋免孤單lah。總是詳細kā伊看ê時，chiah知hit ê跤跡真正大。總無chit ê 就是巨人(大種人)ê跤跡mah？伊是食人種á毋是nih？到底伊是會做我ê朋友á是做我ê對敵nih？羅賓遜發見hit ê跤跡，心一面真歡喜，囥真大ê期待，總是siāng時也真不安就緊張起來。咱人無論佇啥物時代，啥物所在，佇伊ê人生路程中，的確會留伊ê跤跡。人若看著hit ê跤跡ê時，就會認捌hit ê...

[1962-2 台灣教會公報 文類-散文 作者-吳德元/Gô͘ Tek-goân]
數念趙Tin先生 [ Siàu-liām Tiō Tin Sian-siⁿ ]
數念趙Tin先生 吳德元 1962/2/1 879期 17 做人寡言，誠實，溫柔，予眾學生尊敬ê好老師趙先生，對感冒引肺炎，閣生肺癰來過世，阮大肚教會大家真毋甘。 伊捌受太保學生襲擊，致到入院治療，同事憤慨叫伊著報當局來處分伊，總是伊毋，講;若按呢hit-ê學生ê前途是受斷絕，我beh赦免伊，因為主有赦免我，也愛我按呢赦免人。...

[1955-4 台灣教會報 文類-散文 作者-吳德元/Gô͘ Tek-goân]
研究：基督教感恩論 [ Gián-kiù：Ki-tok-kàu Kám-in lūn ]
基督教感恩論 (牧師：吳德元 作)以下bat有三個場面顯出伊ê感謝。(1) 行傳16章。伊 kap伊ê忠實ê同伴西拉兩人受誣告，受著用棍拍到重傷，受sak入內重監。總是hit 暝濟濟監犯有聽in兩人祈禱讚美ê聲。身體受重傷kap刑具，iáu-kú心神無受壓倒， 會o-ló感謝。Ah!偉大ah!耶穌基督ê奴僕保羅！(2) 行傳27章。保羅受押送beh到羅馬，坐船過海，遇著Iú-lah-ku-lûn ê大風。船內眾人絕望teh 聽候死，因為14日久受大風湧ê phun-lōng，艱難bē顧得食。佳哉保羅tī in中間勸in tio̍h食，就the̍h餅當眾人ê面前感謝上帝， peh破來食。Tuì ...

[1955-3 台灣教會報 文類-散文 作者-吳德元/Gô͘ Tek-goân]
研究：基督教感恩論 [ Gián-kiù：Ki-tok-kàu Kám-inlūn ]
基督教感恩論 (牧師：吳德元)Tī世間做人，患難勞苦真濟。Thài有甚麼thang感謝？德國厭世 tia̍t學家 Arthur Schopenhauer講：「人做嬰仔出世，哭hit個孤孤悲哀ê 聲.活ê時期tuì少年到老，不時有不滿kap怨嘆ê事，算boē盡;死一下到,幸福攏放離，一生ê tio̍h磨歸tī 落空, 嗚呼哀哉.」這叫做人生。所向望ê幸福得boē 著,反轉無期待ê災難，「禍不單行,」連續到tī咱。學者kā 伊叫做人生ê矛盾。古早人言有講：「禍kap福來並做一條鎖.福中有禍，禍中有福.」這個是人生，決斷無有完滿ê幸福。親像suí ê月遇著烏雲jia遮，親像suí ê 櫻花受一暗ê狂...

[1958-1 台灣教會公報 文類-散文 作者-邱明忠/Khu Bêng-tiong]
約瑟ê信仰 [ Iok-sek ê sìn-gióng ]
約瑟的信仰 (邱明忠寫) 1958年1月829期 p.21-23 佇聖經人物的中間，無有過失通指責的，除去耶穌以外通講是約瑟。伊戲劇的的生涯有濟濟通做咱的好模樣。 第一：伊有「聖的理想」 咱讀伊的傳記(看創 37：-50)的中間，會發現做有趣味的是伊對做夢開始，也為著達成眠夢受苦，也最後佇圓夢來大成功。按呢通知約瑟是一个有眠夢的青年，換話講是有理想的青年。 「青年ah！著抱大的志氣，」這是出名的クラーク先生所講的。咱的國父也講「當立志做大事」。約珥2：28也講佇末世的時少年欲看異象。約瑟有將上帝佇夢中對伊所指點的來做伊人生的目標。所以伊佇逆境中無餒志失業，也佇得意...

[1956-6 台灣教會報 文類-散文 作者-楊招義/IuN Chiau-gī]
研究基督教ê孝道 [ Gián-kiù Ki-tok-kàu ê hàu-tō ]
基督教ê孝道(楊招義) 因為中國人注重孝道，所以基督教傳入中國，就親像俗語所講："入風隨俗"的確tio̍h事先講起孝道，用來迎合民眾ê心，做ǹg中國人傳福音ê動機。總是事實上，基督教至需要ko-kú 耶穌基督十字架ê真理， 並無需要特別傳揚孝道，因為真實ê基督徒的確tio̍h明白，孝道m̄是基督教，總是基督教本身就是孝道。咱thang tuì耶穌基督ê生涯，看出基督教是一個有孝道 ê宗教。十二歲ê耶穌tuì耶路撒冷kap伊ê父母作伙倒去拿撒勒，奉養in 18年ê久，所以tī路加2章51節記講："耶穌kap in落去到拿撒勒，來承順 in。"照流傳，耶穌ê養父約瑟早死，耶穌就tī家庭幫贊老母馬利...

[1956-5 台灣教會報 文類-散文 作者-楊招義/IuN Chiau-gī]
研究基督教ê孝道 [ Gián-kiù Ki-tok-kàu ê hàu-tō ]
基督教ê孝道 (楊招義) 今仔日ê社會已經失去了一種寶貴ê教訓，就是孝道。因為失去了孝道， siāng-時也就失去了上帝ê祝福。 咱知人類是經營家庭生活ê動物，既然有家庭，就有父母， 囝兒。父母勞苦培養囝兒長成，到父母年老，囝兒應該tio̍h好好來奉養父母， koh奉養父母tio̍h用合宜ê法，這就是孝道，所以孝道就是囝兒對待父母ê道理。 咱bat聽見人譭謗基督教講：「入教死了無人哭。」 Koh有人因為看見基督徒無chhāi神主，無做祭，就誤會基督教是無注重孝道，這是因為iáu-boē認識基督教，事實上基督教是做注重孝道ê宗教。基督教ê孝道是上帝直接傳授--ê，是注重tī父母iá...

[1966-12 台灣教會公報 文類-散文 作者-楊雲龍/Iûⁿ Hûn-liông]
我所數念信仰上的師友 [ Goá só͘ siàu-liām sìn-gióng siōng ê su-iú ]
我所數念信仰上 ê 師友楊雲龍1966.12.01 P.10-11 我所數念ê先生是老蘭醫生。時間是我tú-tú畢業醫學，得-tio̍h 萬珍珠姑娘介紹入彰化醫館，跟tè老蘭醫生實地學習訓練醫術， tuì án-ni chiah kap伊接觸。 蘭醫生真謙卑，也真尊重人ê 人格，伊ê 待人接物， hō͘任何人to感覺是用溫柔，用疼心，用禮貌teh 接接人；無論貧富，不論階級， 男婦老幼，凡若見伊ê面to感覺真可愛，真歡喜thang親近。伊是先進 ê英國人，也是醫生，但是攏無優越感，也無驕傲氣；阮做伊ê部下，看伊並無自尊是院長，是指導者；我若請教伊，就用謙卑ê 態度相kap研究，...

[1966-6 台灣教會公報 文類-傳記 作者-蕭Bêng-chiok/Siau Bêng-chiok]
故許敏長老娘小傳 [ Kò͘ Khó͘ Bín Tiúⁿ-ló-niû Sió-toān ]
故許敏長老娘小傳蕭 Bêng-chiok1966.06.01 p16 五月8號母親節 ê時，中中溪湖教會有表彰兩位 模範母親。中間一位，就是故 Khó͘ Bín長老ê夫人， 86 歲，伊有5 ê後生，大囝 Tok-sìn， 二囝 Tok-jû， 三囝 Tok-lé， 四囝 To̍k-sit攏是長老， 五囝 Tok-gī是執事。 大孫是東海大學助理校牧 Khó͘ Bêng-chiau牧師， 囝孫70 goā人。八號受表彰了，無拍算tī 13號上午 1點受主揀召歸天， 14下晡告別禮拜，有賴仁聲牧師kap Lân tāi-oē博士特別來講悼詞。 論故人 ê美德有幾偌項thang h...

[1964-10 台灣教會公報 文類-戲劇 作者-王Chhái-kí/Ông Chhái-kí]
食洋教 (4) [ Chia̍h Iûⁿ-kàu (4) ]
話劇 食洋教 1964.10.15 944期 p.13-15 王Chhái-kí譯 馬：毋知伊有去阮厝裡無？ Io：有，去幾若擺，閣予遐的囡仔一寡糖仔佮尪仔圖。 馬：(想一下)。照我看，人真實信耶穌，毋是為著甚物報仇，taⁿ來講，咱以前對in所做也實在真無天良。 Io：伊猶過按呢對待咱，我的心也感覺袂當過，咱欲怎樣？ 馬：Taⁿ著按呢，咱著請全庄的老大賢人(頭人)辦幾塊酒桌，放幾篙的連炮共in 賠罪，甘願接受in的刑罰。 Io：欲罵，欲拍，欲刣，我老Io攏出在伊，決斷無推辭，甘願承受。 馬：好，咱就按呢做。(音樂) (轉場炮聲，人聲大鬧熱)。 馬：來啦，來啦，陳--家...

[1964-10 台灣教會公報 文類-戲劇 作者-王Chhái-kí/Ông Chhái-kí]
食洋教 (3) [ Chia̍h Iûⁿ-kàu (3) ]
話劇 食洋教 1964.10 943期 p.11 王Chhái-kí譯 牧：請各位聽我讀一段聖經，佇馬太福音傳5章38節到48節。這是耶穌佇世間的時，親喙對人教示的話；「恁捌聽見有話講，目睭賠目睭，喙齒賠喙齒；若是我共恁講，莫得佮歹抵敵；若有人搧你正爿的喙phoé，倒爿的亦越予伊。有人愛告你，提你的內衫，外衫亦放予伊。有人勉強你行一里，就佮伊行兩里。對你求的，予伊；欲共你借的，莫得越走。恁捌聽見有話講，著疼你的厝邊，怨恨你的對敵；若是我共恁講，對敵恁的，著疼in；窘逐恁的，著替in祈禱；予恁成做恁佇天裡的父的囝...................... (會眾唱短歌的聲)...

[1964-9 台灣教會公報 文類-戲劇 作者-王Chhái-kí/Ông Chhái-kí]
食洋教 (2) [ Chia̍h Iûⁿ-kàu (2) ]
話劇 食洋教 1964.09.15 942期 p.12-13 王Chhái-kí e̍k 老母：是甚物人？ 馬：是我，陳牧師娘，我是馬大頭，請你較緊開門。 老母：三更暝半，有甚物代誌？ Io：莫嚕嗦，緊開門，聽候一時仔就知(to̍k-to̍k，拍門的聲)。 老母：Tih-tih，較緊起來，去開門。 小弟：(開門的聲)甚物人啊？ 馬：陳牧師娘！真失禮，團裡的命令，請恁走一逝，(越頭)老Io，提索仔來縛起來，拖teh行。 小弟：你是按怎teh縛人，無講理由mah？ Io：講理由，甚物人欲佮恁遮的背宗忘祖。 小弟：你罵人！ Io：罵人？！(拍人的聲)。 小弟：...

[1964-8 台灣教會公報 文類-戲劇 作者-王Chhái-kí/Ông Chhái-kí]
食洋教 (1) [ Chia̍h iûⁿ-kàu (1) ]
話劇 食洋教 王Chhái-kí 譯 1964.08 939, 940合 P.20-21 佇64年前ê庚子年，是中國因為義和團ê叛亂拄著最悽慘ê災難ê年，hit時西洋人攏受稱呼做「Ta-mau-chu」（大毛子），信主ê人á是食西洋頭路ê人，攏受稱呼「Er-mau-chu，」（二毛子），若毋是受刣，就是受掠，受窘逐。中間有人老母kap小弟，小妹攏受刣死殉教，所賰伊本身，竟然是今仔日咱中國一个最有聲望ê老牧師。 這篇是「生命之道」月刊借伊ê經過編做話劇。王女士kā翻譯過來ê。佇遮kā「生命之道」月刊說謝。 老牧師佇落南火車中，有一個旅客譏刺伊「食洋教，」「...

[1964-1 台灣教會公報 文類-散文 作者-王Chhái-kí/Ông Chhái-kí]
傳教者子女ê苦樂 [ Thoân-kàu-chiá chú-lú ê khó͘-lo̍k ]
傳教者子女Ê苦樂 王Chhái-kí 1964.01.15 926期 P.11-12 有一日，公報社ê編輯先生叫我寫我做牧師囝ê心得，論我做牧師囝ê是事實ê，總是我是頇慢講：也頇慢寫，所以有推辭，若是編輯先生再三ê交託，所以我chiah寫我所會記得，所感想ê做大家ê參考。 1。我是第7个查某囝：咱ê風俗是重男輕女，若生著男ê，就講恭喜；若生著女--ê，就講細仔聲，也好。我做第7个查某囝，我ê以前無半ê查甫嬰，連續6个女--ê，我出世也是女--ê，若普通家庭，老母著哮，老父著喙仔tū-tū，阿公，阿媽攏毋kā伊做月內，毋情願號名，凊彩號，罔io， 罔飼， 雞屎，毋tihN8...

[1954-12 台灣教會公報 文類-散文 作者-劉振芳/Lâu Chín-hong]
空前的聚會 [ Khong-chiân ê Chū-hoē ]
空前的聚會 (劉振芳)。 1954.12，no.792，pp.6 看報的兄姊平安。 這pang照恁所知，佇菲律賓的首都馬尼拉，有開「東亞基督教化家庭生活研究會。」對咱台灣長老會有派10 个代表，4个是本省人，4个外省人，兩个是宣教師。 阮攏真苦心走chông手續，阮護照佮出入境証若毋是有相當的人，佮天爸上帝的幫贊，穩當袂赴通來赴會。所以感謝主，佇11月初二著坐飛機來赴會，我的，是到初一下晡3點半才出--來。也去中國旅行社拆飛機票。拆到好，tú是下晡5點半，險險無時間。因為隔日是著出發。較險擔油。 今佇11月2號，我穿彼軀20外年前所teh穿的洋服，閣穿倚 7年久，補兩空紅皮...

[1968-8 台灣教會公報 文類-散文 作者-蔡椪/Chhoà Phòng]
奉獻身體 [ Hōng-hiàn sin-thé ]
奉獻身體 蔡椪 1968.08.15 1036號P.16~p.17 身體是靈魂所附託的物件，佮整個的人有關係，因為無有身體，靈魂的存意就無綴表現出來。可比咱的主耶穌若無成肉體降世，將家己獻佇十字架，上帝的大疼痛就袂會表現(I 翰 4：10)。主耶穌的犧牲也袂會成就。人若欲表示伊是上帝的，也的確著用身體的實在行動來證明。所以咱主耶穌極其尊重人的身體，甚至譬喻做是上帝的聖殿(Hān 2：21)。佇遮咱愛相佮來研究，來想奉獻身體的問題： (1) 是上帝所造(創2：17；太19：4)。有一款人看見罪惡，攏是對身體造成，就認定身體是真毋好，來厭賤伊。這是大大的錯誤，其實身體不過是成...

[1968-4 台灣教會公報 文類-散文 作者-蔡椪/Chhoà Phòng]
對受苦的認識佮區別 [ Tuì siū-khó͘ ê jīm-sek kap khu-pia̍t ]
對受苦的認識佮區別 蔡椪 1968.04.01 1027號P.4 主耶穌講，「我已經將遮的事共恁講，予恁踮佇我有平安，佇世間恁有苦難，獨獨恁通放心，我已經較贏世間」（約翰16：33）。保羅講，「咱著對濟濟艱苦來入上帝的國」（Tô͘ 14：22）。 列位，普通人看著「受苦」驚畏到親像虎，親像獅，掠做chí著逃避。總是照頂面兩節經文看起來，基督徒事實毋應該絕對存彼款的觀念。基督徒正當的受苦，實在通做in 的課程，光榮；也是in進入上帝國的步調。但是受苦也有種種的不同：有的受苦真寶貴，有的受苦實在真通討厭，著驚惶來盡力避免，這是咱應當認識佮區別的。佇遮請相佮來想，來研究幾項，照下面：...

[1954-10 台灣教會公報 文類-散文 作者-曾秀鳳/Chan Siù-hōng]
真的慈善 [ Chin ê chû-siān ]
真的慈善 (牧師：曾秀鳳)。 1954.10，no.790，pp.8-9 咱若讀山上隨訓的時，就會感覺著耶穌的教示是超越佇普通的道德訓，佇Mt 6：1-4，論做慈善的事若是普通的道德訓，是教示有錢的人著賑濟散鄉人而已。總是耶穌的教示是到佇心的內面，這才是上帝國實現的教示。 咱中國人做慈善的實在真少。耶穌這款的教示ná親像無合的款，毋值著教示人行好事較著。總是耶穌的教示毋是欲勉強人行好事，伊實在是愛改造chèng-hoà人的心，人的心若對心底改造，就自然逐項的好事會做。所以耶穌的教示是道德的根本，毋是枝葉。 1. 愛有疼心。 有人teh做慈善，伊的動機無tú-tú有疼心。好額...