[1958-3 台灣教會公報 文類-散文 作者--/-]
P.A.R.S. 佮Ecumenical Fellowship [ "P.A.R.S." kap Ecumenical Fellowship ]
「P. A. R. S.」佮ECUMENICAL FELLOWSHIP 普世教會宗教高及研究班佮名譽獎學金 (在美國Khó͘ Heng-jîn報) 1958年3月831期 p.20-21 序言： 耶穌基督的福音毋是kan-ta欲予特選的民族，á是一部分特殊階級的人享受。是欲予全世界普天下，萬百姓攏有份(路加2：10)。耶穌講，「恁著去招萬百姓來做學生，共 in行洗禮，予in歸佇父，囝，聖神的名」(馬太28：20)。設使做耶穌的學生是kan-ta為著個人的幸福，平安á是欲閃避將來的審判。按呢是真可憐，會予社會討厭，利己主義袂發光，是無作用的基督徒。按呢就是無明白...

[1958-4 台灣教會公報 文類-散文 作者-周天來/Chiu Thian-lâi]
主內的交陪佮相疼 [ Chú-lāi ê kau-poê kap saⁿ-thiàⁿ ]
主內的交陪佮相疼 約翰13：34，35；I約翰 1：7 周天來 1958年4月832期 7-9 近來教會倍加運動逐所在teh推行，教會數佮信徒數也自然增加，所以同信屬主的兄姊，無論個人抑是團體，相佮聚集交陪，敬拜上帝的機會那濟，實在是真通歡喜的現象。主耶穌「已經廢無死，閣對福音予活命佮未敗壞的攏顯明」(II Thê 1：10)。上帝的囝，耶穌基督替咱死，有閣活；thâi贏魔鬼，罪惡，死失的權勢；對伊的寶血來建設地上的天國，就是聖會，佇遐有充滿基督的活命佮未敗壞的= 仁愛；證明信徒若結寮佇教會，就是予你通承受基督的活命佮未敗壞的相疼。「見若用未敗壞的疼，來疼咱的...

[1958-4 台灣教會公報 文類-散文 作者-Dr.MacLeod/-]
選民的責任 [ Soán-bîn ê chek-jīm ]
選民 的責任 阿摩司3：2 Dr.MacLeod寫 1958年4月832期 9-10 這篇是母會的代表劉博士(Dr.MacLeod)，佇長榮女中70週年校慶記念禮拜的時所講的。記者對伊的 原稿翻譯，出佇遮，諒必毋但女學會通得著勉勵，眾讀者也欲得著教示才著。 今仔日我有份通佇遮參加這間女學校70 週年的 盛典，感覺真榮幸。對英國母會來的請安，本日會另外讀，不過我愛表示我個人親愛的請安佮我所代表的英國濟濟恁的好朋友的好意來予恁。 佇這70年校慶的時，用禮拜來開始實在是應該的。咱所 teh慶祝的學校毋是人的所做，實在是上帝的恩賜。咱佇遮毋是kan-ta欲數念人的成就，是...

[1958-4 台灣教會公報 文類-散文 作者-許德謙/Khó͘ Tek-khiam]
祝禱的意義 [ Chiok-tó ê ì-gī ]
祝禱的意義 許德謙 1958年4月832期 11-12 [許牧師是日本神學院的出身，教會報算是頭擺的執筆。總是因為伊勤學 虔敬，歷任屏東，斗六佮屏東 的和平教會，成績顯著，現任高中的議長，通講是教界 的中堅牧師。所寫本篇，若斟酌讀，就欲知影伊好的 學識佮信仰。] 每聖日禮拜teh欲煞的時，吟siōng-êng 的詩了後，牧師祝禱講，「願咱大家得著主耶穌基督的 恩典，上帝的疼痛，聖神的相通，佮恁眾人佇teh。阿們。」然後會眾就散會。這个代誌每禮拜攏是按呢teh反覆直到代代。今這个祝禱有甚物意義？是只有做禮拜的結束，抑是禮拜煞一款的暗號抑毋是？ ...

[1958-4 台灣教會公報 文類-散文 作者-吳Le̍k-chì/Gô͘ Le̍k-chì]
數念米珍珠姑娘 [ Siau-liām Bí Chin-chu Ko͘-niû ]
數念米珍珠姑娘 吳 Le̍k-chì記 1958年4月832期 12-13 本篇是吳 Le̍k-chì 姑娘佇長榮女中70週年校慶舉行米姑娘記念圖書館獻館式的時講的。有米姑孃好的 功績，閣有吳姑娘好的 評價，所記遮个相信欲利益大家真濟才著。 今仔日咱數念米珍珠姑娘，真有才能閣盡忠佇這間學校服務。 伊的爸母是英國長老教會著名的會員。伊的老爸是細菌學 的教授；老母是一位佇基督教佮教育的工真活動的人。我這擺未離開英國以前有接著伊的老母米博士娘的批，叫我替伊共恁請安，也講伊今仔日的確欲數念咱。伊不時替這間學校祈禱，也用關心佮疼情teh看這間學校的 進步。 米...

[1958-4 台灣教會公報 文類-散文 作者-曾榮旭/Chan En̂g-hiok]
烏腳病患者興起教會 [ O͘-kha-pēⁿ hoān-chiá heng-khí kàu-hoē ]
烏跤病患者興起教會 曾榮旭 1958年4月832期 13-14 主內的兄姊願恁平安。佇咱所關心的 學甲教會會友邱義兄弟已經得主的恩典煞伊世間的工佮苦痛，佇2月22號上午兩點離開世間。為著榮光上帝的名的緣故，特別佇遮報告這位患著烏腳怪病 4年久，佇學甲鄉 61 个患者中是最厲害最嚴重。又閣伊的獨生囝榮霖君患著最嚴重的 T.B.，肺已經chhun一爿，婦人人又閣失明。筆者最初接著伊的時，予我感覺伊是一个道理精；我欲勉勵伊，反轉受說教。經過有兩禮拜了後，才露現伊的 假面具；因為僥疑上帝的公義，不平伊所拄著的試煉是過份。 後來感謝上帝，予我好膽對伊干證不平，僥疑...

[1958-4 台灣教會公報 文類-散文 作者-張宏昌/Tiuⁿ Hông-chhiong]
歷史tek的春令會 [ Le̍k-sú-tek ê Chhun-lēng-hoē ]
歷史tek的春令會 張宏昌 1958年4月832期 15-17 春令會照所預定佇2：19 ē晡 ，佇長榮中學開始。今年的春令會是特別通記念有歷史tek意義的會：第一，是起頭為著「農村青年」做中心來開。第二，是一切攏是自費，無受補助，家己出錢來開家己的會。第三，是人數是空前 的，以前若是夏令會卻捌有遮濟人，若是春令會是猶毋捌有遮濟人。 咱的歷史佮力量已經閣進一步lah。起頭部會聚集teh 籌備 的時驚了為著無補助，人數減少。總是結果毋但無減少，紲有意外的成績。這是表明T.K.C。已經有自覺咱的教會進步lah。 赴會人員攏總是男 163，女--的 90；共25...

[1958-4 台灣教會公報 文類-散文 作者--/-]
P.A.R.S. 佮Ecumencal Fellowship [ "P.A.R.S." kap Ecumencal Fellowship ]
「P.A.R.S.」佮ECUMENICAI FELLOWSHIP 普世教會宗教高級研究班佮名譽獎學金 載美國苦行人報 1958年4月832期 15-17 II.Teh研究談論甚物 (我佇遮只有會通報告tú才結束的頭一學期。) (1)必修的共同的 研究佮討論。 a)基督教宣教的歷史： 主任教授是美國耶魯大學的歷史學，名譽教授Keⁿeth Scott Lato͘rette博士。伊捌佇咱中國做宣教師久久。伊會當讀7，8 國 的冊。Kàu-chhâi是對宗教改革後起，到現今的普世宣教的歷史，tú-tú世界踅一週，每人著寫一篇的論文佮讀...

[1958-5 台灣教會公報 文類-散文 作者--/-]
五旬節的宣言 [ Gō͘-sûn cheh ê soan-giân ]
五旬節的宣言 普世教聯主席團寄 本報記者譯 1958年5月833期 3-4 五月25日是今年的聖神降臨節，英語也叫做白色的聖日，因為這教會聖歌隊攏穿白衫唱歌，chhoā會眾禮拜，欲來記念頭一擺佇耶路撒冷教會佇五旬節的時所gū著的聖神降臨的情境。對彼日起，通講就是教會有出世。今為著愛記念彼个重大意義，咱的教會所有份 的普世教會聯盟有將in 的主席團聯名的 宣言文寄來。Taⁿ有翻譯出佇遮，願眾讀者加添關心，也請眾教會佇彼日用這項事做中心來領導大家守記念禮拜就是。 阮做普世教會聯盟的代表，愛佇這个顏肅的聖神降臨節，將阮做基督徒 的請安寄予5大洲以及各海洋的眾島...

[1958-5 台灣教會公報 文類-散文 作者-歐晉安/Au Chìn-an]
釘十字架的基督 [ Tèng si̍p-jī-kè ê Ki-tok ]
釘十字架的基督 歐晉安 1958年5月833期 9-11 =本篇是今年受難週佇士林總統佮總統夫人播送正道的時，受選聘 siāng時去播送的 歐牧師的講道。每年一擺這款的播送已經成做全國所注重。歐牧師應記者的 要求將講播 的全文出佇遮，請讀者注意讀。= 今仔日是全世界敬虔的基督徒所無袂記得做感激的日子。咱記念耶穌基督佇世間33 歲 的今仔日，為著人類釘佇十字架。基督的死是世界歷史上最偉大的事件。伊的死是做改造人類，世界的 原動力。世界假使無有耶穌來，抑是伊無受釘十字架，這个世界一定佮今仔日的 現狀差真濟。 為甚物緣故耶穌基督的人生只有33 歲nā-tiāⁿ？伊若佮...

[1958-5 台灣教會公報 文類-散文 作者-Dr. MacLeod/-]
選民的責任 [ Soán-bîn ê chek-jīm ]
選民的責任(II) 阿摩司3：2 接前月號第 10面 Dr.MacLeod寫 1958年5月833期 11-12 今這款的信式對以色列人來看毋是新的。以色列百姓信in本身是受揀選的百姓，in 的國家是受上帝揀召，欲成做上帝特別眷顧的對象。上帝是tháu放in脫離埃及，chhoā in經過曠野，將迦南地予in 的囝孫，對in百姓的中間興起先知，欲通予in知影上帝的道路。遮个以色列百姓是有特權的百姓，上帝佇過去有眷顧in。所以佇阿摩司的時代的百姓攏想做過去按呢，就是將來也欲按呢眷顧in。親像按呢，佇過去受著上帝遐爾大的祝福，in soà感覺已經妥當，定著會繼續愛惜...

[1958-5 台灣教會公報 文類-散文 作者-陳復生/Tân Ho̍k-seng]
偉大的指導者，摩西II [ Uí-tāi ê chí-tō-chiá, Mô͘-se II ]
偉大的指導者，摩西II 陳復生寫 1958年5月833期 12-13 今摩西，因為teh數想伊的性命的王已經死了，就轉去埃及 的所在欲拯救伊的 同胞。伊佮亞倫對法老所做的十个災厄(出7：14-13：16)，就是摩西所疼所順服的彼上帝的權能 的實在的發現。摩西的倚靠毋是空空；這个上帝實在會通倚靠。有人teh講，倚靠神是弱者的作為，但--是歷史教示咱，實在勇壯的人就是信靠上帝的人。 摩西究竟有帶領伊的 同胞出埃及，就是做奴才的家。是，伊有khah贏，因為伊有倚靠耶和華，以色列的上帝。今伊帶領伊的百姓欲去佗位？就是欲去西奈山，欲去朝見in 的上帝。西奈山就是以...

[1958-5 台灣教會公報 文類-散文 作者-許德謙/Khó͘ Tek-khiam]
祝禱的意義II [ Chiok-tó ê ì-gīII ]
祝禱的意義(II) 接前月號第12面 許德謙記 1958年5月833期 14-15 2、祈求上帝的施恩。 「願耶和華予伊的面的光照你-耶穌基督的恩典。」 上帝的面的光thang指耶穌基督的 恩典。耶穌基督是上帝的面的光(哥林多後書4：4-6)。 佇舊約已經預表欲來的耶穌基督是上帝的光。上帝的施恩是對耶穌基督的 恩典。上帝賜日光予世間萬項物，siāng時也賞賜耶穌基督予人類做心神的光佇烏暗的世界。對伊贖罪的功勞予咱知上帝就是光，是疼(伊約翰1：5，4：8，9)。有耶穌基督的 恩典，才知爸上帝的疼痛。請咱注意保羅的 祝禱 的順序：代先講願耶穌基督的 恩...

[1958-5 台灣教會公報 文類-散文 作者-陳明德/Tân Bêng-tek]
東南亞基督化研究會 [ Tang Lâm A Ki-tok-hoà gián-kiù-hoē ]
東南亞基督化家庭生活研究會 佇泰國 陳明德寫 1958年5月833期 16-17 本篇是頂月尾所寄來的消息，可惜袂赴4月號的 排印。今出佇遮，請讀者注意。 佇2月初 2，有20 位東南亞基督徒代表聚集佇泰國北部清邁 (Chieng-mai) 的所在，開始3月日久的婚姻佮家庭生活研究會。所代表的國家有11國，包含日本，朝鮮，台灣，香港，菲律賓，馬來亞，太泰國，緬甸，印度，錫蘭，佮巴勒斯坦。其中有5个中國人，兩位是對台灣(張容江牧師娘佮本人)，一位對香港，一位對呂宋，( 蔡信彰牧師夫娘)，一位對新加坡來的。 所有的代表攏toà佇長老會的 McGilvary神學院saⁿ...

[1958-5 台灣教會公報 文類-散文 作者-明有德/Bêng Iú-tek]
甚物叫做「青年週」 [ Sím-mi̍h kiò-choè "Chheng-liân-chiu" ]
甚物叫做「青年週」 明有德 1958年5月833期 17-18 1、青年週的目的是teh記念咱教會內有設叫做。「T.K.C.」的青年工作。這佇咱台灣教會歷史上是一个新的一頁；青年家己組織家己的會，揀家己的幹部，saⁿ-kap指導，計畫家己著做的工作，也家己揀家己的人負責家己的工作對家己的錢袋the̍h 5 角銀來推動家己T.K.C.所著做的工；遮个佇台灣教會史上攏是新的事。咱一年一擺的青年週就是特別好的機會欲予咱重新檢討過去，仰望將來光明的路來進步的。 2、有濟濟人袂明甚物叫做「基督教。」有的掠做這个是禮拜日的宗教。In看基督徒禮拜日去做禮拜，親像其...

[1958-6 台灣教會公報 文類-散文 作者-孫雅各/Sun Ngá-kok]
山地傳教工作的檢討 [ San-tē thoân-kàu kang-chok ê kiám-thó ]
山地傳教工作的檢討 孫雅各 1958年6月834期 3-5 預備工作時代。 福音傳教佇山地的頭一步通講是對1929年起。彼煞一位出名的山地婦人人，Chi-oang有來淡水讀冊，了後就佇東台灣做出一站真出名的工作。無joā久了後，接續有一個青年，杜 oá-í來台北神學院讀特別科，欲通去做主的工。隔轉年親像許南勉佮伊的某來淡水，愛欲得著造就，向望日後通佇Ami族的中間做工來傳福音。伊也有閣引chhoā 6 个 Ami 的青年，這6 个的中間也有帶in 的婦人人來，所以佇神學院有特別設一班來教 in。彼時來準備欲做主的工的現時猶佇東台灣teh做工，一个就是許南勉，已經受設立...

[1958-6 台灣教會公報 文類-散文 作者--/-]
六月第3禮拜 [ La̍k goe̍h tē 3 lé-pài ]
六月第 3禮拜 1958年6月834期 3 1865年的 6月16日是台灣長老教會出世的日，到今已經93年lah。 原南部大會設定 6月16日前後的主日做設教記念的禮拜日，到光復後山地傳道的門戶開放了後，大會閣將設教紀念日的禮拜獻金提供做山地的 宣道的路用。今南部大會合併佇總會，閣總會繼承南大所制定的設教紀念日，佮為山地 宣道奉獻的方式，用本月第 3主日來做山地宣道記念主日，通為著山地工作祈禱佮奉獻。 總是為山地工作來祈禱佮奉獻，iáu-kú 山地宣道的 現狀是啥款？穩當濟濟人愛知。 山地宣道處佮本報，為著愛予全教會明瞭山地工作的現狀，有將本號做山地 宣道的 te̍k-c...

[1958-6 台灣教會公報 文類-散文 作者-江天順/Kang Thian-sūn]
泰雅爾教會的發展 [ Thài-ngá-ní kàu-hoē ê hoat-tián ]
泰雅爾(Taiyal)教會的發展 江天順 1958年6月834期 6-7 今仔日就是台灣歷史的福音大傳遍的時，不論平地佮高山都有奇妙的進展，特別高山的教會是佇世界上真罕有，是大家注目的現象。 這pang受山地宣道處的交託，愛我寫Taiyal教會的發展，通激勵咱閣較關心佇山地教會佮奉獻。特別Taiyal教會的發展通講是對東部台灣的花蓮縣發起的，所以我欲對這爿先來講。 我愛分3个時期來講： 1. 迫害時期。 咱逐人攏知影高山的人是野蠻民族，掠做thâi人的頭殼做in 的榮光佮歡喜，就大家tiô跳lim酒規禮拜也毋知通煞。In將人頭殼hē佇厝裡做伊的好朋友，對伊祈求講...

[1958-6 台灣教會公報 文類-散文 作者-林川明/Lîm Chhoan-bêng]
A-mi族的教會 [ A-mi cho̍k ê kàu-hoē ]
A-mi族的教會 林川明 1958年6月834期 7-9 A-mi族(譯音阿彌族)是台灣平地山胞。徛起佇台東到花蓮間的海岸山脈兩爿的山跤。 這族是山胞中第一大族，人口有6萬外人，佔山胞總數的三份一。雖然蹛平地，總是文化水準也是低。原來的宗教是原始的恐怖宗教。In有做向，也有譴損佮迷信。人若破病，就做向，向望得著好。人若拍咳啾真無愛，眠夢著歹夢，心無平安，若田裡看著蛇á是檳榔菁仔也無平安，僥疑人共伊做向。有時田園kài向也無作。所敬拜的神無有好歹神的分別。這款的信仰真深，做向的人真濟，真淒慘。 感謝主的疼痛，花蓮方面日政時代道理就入in中間，可惜無自由，致到僫廣闊。台...

[1958-6 台灣教會公報 文類-散文 作者-胡文池/Ô͘ Bûn-tî]
精牲變做人 [ Cheng-siⁿ pìⁿ-choè lâng ]
精牲變做人 Bunun族按呢得救 胡文池 1958年6月834期 9-11 無人愛予人罵精牲 iáu-kú無信主的人毋知人，是上帝的囝，致到in是「高等動物，」按呢嘛是精牲。特別無開化的 山地人閣較是按呢，因為in是親像囡仔，精神無發達，佮精牲 的分別無真明。十年前，我頭擺來山地傳道的時，人常常講，「番仔就是精牲，佮人彼中央的動物。」佇山地Bunun族是文化做kē，這个動物性是閣較明。 (1)對Bunun 的話來看： 佇Bunun 話，人佮精牲攏叫做「minixomis」，意思是「動物。」 (2)對in 的流傳來看： 流傳抑是講傳說是彼个民族的思想佮信仰。I...