[1900-8 台南府城教會報 文類-小說 作者-萬姑娘/Bāng Ko͘-niû]
浪蕩子 [ Lōng-tōng Chú ]
浪蕩子1900.08 185卷 p.68(萬姑娘翻譯。)早前tī 大英有這個查某囡仔姓李，名美麗。年歲真幼chíⁿ父母攏過往lah﹗可憐，這個孤單ê 查某囡仔無人照顧養飼。佳哉伊有一個母舅姓魏，雖然到30外歲，猶原無建置家後。 美麗 ê 老母臨終hit時寫批hō͘伊ê 兄弟，請伊將外甥女chhoā去in 兜照顧養飼，著看做家己 ê 查某子一般樣。批寫了，就叫美麗ê láu-ma來吩咐講，「我若死你著提這張批續chhoā小姐去魏老爺in兜，kap伊toà hia聽候到小姐長成，才會做tit。」Láu-ma 一下聽見che話就講，「太太 ê 病無的確chiah沉重，向望太太會快快好。」美麗ê 母吐...

[1900-4 台南府城教會報 文類-散文 作者-萬姑娘/Bāng Ko͘-niû]
Bú-tī先生 [ Bú-tī Sian-seⁿ ]
Bú-tī先生1900.04 181卷 p.32-33(萬姑娘記--ê.)「今仔日tī以色列族中，元帥死，lín kiám m̄ 知？」II撒母耳 3:38 年內12 月Bú-tī先生hō͘上帝召離開世間。Hit時東西南北ê人四界若tú著頭就講起。你kiám m̄知第一大傳道先生已經過往？ 伊真正會堪tit號做大，平素bat到逐所在遍遍傳福音；罕tit有人親像伊致到hō͘ hiah 濟人聽，hiah gâu 感激人ê心。 論伊ê 信極大，所以有時別位ê牧師ài請去hia 幾日久講道理。伊就代先寄批來問：「看tī lín hia ê拜堂偌大間，有thang 坐tit偌濟人？」牧師接著批大家就失望...

[1900-1 台南府城教會報 文類-散文 作者-余饒理/Î Jiâu-lí]
數念潘牧師 [ Siàu-liām Phoaⁿ Bo̍k-su ]
數念潘牧師1900.01 178卷 p.9(余饒理記--ê.)我近日tuì台灣接著一張憂悶ê批，就知平素所欣慕ê潘牧師已經過往。論到潘牧師實在是我不得不著用全心來疼痛欣慕，尊敬伊親像我ê親兄一般--lah。我也的確知tī 台灣眾教會kap基督徒無 m̄ 為著伊過往來傷悲。想潘牧師在生有濟濟好德行。伊ê 存心時常的確beh chhoē逐個機會來利益教會內外ê 人。Koh伊好德行中間kài 顯明--ê,就是誠心祈禱濟濟時；別人已經睏，伊iáu-kú teh祈禱。Che 代誌實在是芳芳thang chhèng到天頂，上帝定著歡喜接納，因為伊有hit號敬虔ê心--lah。但是伊又koh時時專務學習上帝...

[1899-5 台南府城教會報 文類-散文 作者-黃茂盛/N̂g Bō͘-sēng]
彰化醫館ê消息 [ Chiang-hoà I-koán ê Siau-sit ]
彰化醫館ê消息1899.05 170卷 p.36-37黃茂盛記--ê.Tī 西曆1897年頭蘭醫生tī彰化設立醫館，到今有兩年外。可惜tī 彰化iáu-boē有所在thang hō͘ 病人toà,不過暫且用拜堂邊ê厝做逐日看症發藥ê路用nā-tiāⁿ。也tī 大社有創一個所在thang hō͘ 30外個破病人toà,是因為彰化熱天真翕，先生愛避暑hia,也thang續醫病來利益人。差不多thong年8月日tī chia,4月日tī 大社。我有聽見醫生講這兩年外除出去看--ê以外，來就醫ê人tī 彰化有2291人，tī大社有1358人；計共3649人。Chiah ê 人扯勻 逐個有來差不多4、5...

[1899-2 台南府城教會報 文類-散文 作者-林世傳/Lîm Sè-thoân]
誹謗ê利益 [ Huí-pòng ê lī-ek ]
誹謗ê利益1899.02 167卷 p.12-13(大學學生林世傳做--ê)論這個誹謗 ê意思咱知是甚物款；就是咱信主ê人常常愛hō͘ 世俗誹謗。有時所誹謗--ê是有影，咱有hit號錯誤來hō͘ in 誹謗；總--是有時較濟是無影 ê 事，in 也誹謗。照我所bat 聽見ê 誹謗，就是講咱入教ê 人無公、無媽；抑是向望較省所費；抑是講入教 ê 人攏bē死，上帝會度伊上天堂；抑是靠番仔勢。也我出去佈道bat hō͘ 人講咱是為著外國人 ê 銀thang領所以才beh出來講。大概講án-ni就好，論到人所誹謗--ê講bē得盡。 今我抵仔teh 講人誹謗ê 利益，論 hō͘ 人誹謗卻是真艱苦聽 ê事...

[1900-11 台南府城教會報 文類-散文 作者-甘牧師/Kam Bo̍k-su]
林紅兄 [ Lîm Âng-hiaⁿ ]
林紅兄(甘牧師記--ê.)1900.11 188卷 p.87-88 近來阮聽見在新港街佇9月22日，傳道先生林紅(就是林朝魁)離開世間。佳哉，因為上帝ê大恩，hit个人真正通可取。十數年前，伊對寶斗仔落來醫館予醫生táⁿ-tia̍p目睭，總是袂通照原，所以伊順hit-tia̍p來學讀膨字ê冊；閣，因為伊無偌久不止慣熟，也因為人有好模樣，阮請伊做Chheⁿ-mê學ê工。 伊卻不止進步來料理，就有利益hiah-ê目花ê學生。在1891年，Lé姑娘請伊過去泉州來設青盲學。伊佇遐蹛九月日久，hit時教幾nā人ē曉讀，也ē曉做 in teh用ê 膨字冊。倒轉來，伊猶原佇府城做這號ê工。 五年前台灣大擾...

[1902-9 台南府城教會報 文類-詩 作者-高天賜/Ko Thian-sù]
保惠師已經來 [ Pó-huī-su í-keng lâi ]
保惠師已經來1902.09 210卷 p.68-69(高天賜翻譯。)1.著傳歡喜ê聲，去到逐鄉逐城，見若著磨艱苦，抑是憂悶驚惶，我有極好消息，大聲報hō͘ lín 聽，保惠師已經來！ 保惠師已經來，保惠師已經來！天父賞賜聖神，伊ê 應允是真；著傳歡喜ê聲，報hō͘ 眾人攏聽，保惠師已經來！2.現時m̄ 是暝--時，四界已經早起；風雨ê聲攏煞，驚惶變做歡喜；青翠山頂有日，我心喜樂無比！保惠師已經來！保惠師已經來...云云3.萬王ê王上帝，全能tī 伊si̍t 下，降臨拯救萬民，脫離魔鬼權勢，陰府ê監會空，得勝ê歌無退：保惠師已經來！保惠師已經來...云云4.大恩實在各樣，我心bē 曉thang ...

[1897-6 台南府城教會報 文類-散文 作者-高天賜/Ko Thian-sù]
論瘟疫ê事 [ Lūn un-ek ê sū ]
論瘟疫ê事1897.06 147卷 p.46-47(高天賜寫。) 瘟疫是上帝所降ê 災厄，ài 叫醒人ê 心。親像在早以色列百姓 tī 曠野bat 抵著瘟疫（民25：9），大衛王 ê 時耶和華也bat 降瘟疫（II撒24：15）。Che攏是顯明人得罪上帝，上帝就受氣，降災厄tī in中間。 若是án-ni，信主 ê 人，上帝敢有受氣in--mah？這項我m̄敢決斷講。總--是我知信主ê 人若真正敬虔服事主，上帝的確無受氣in。今若是人敬虔服事主，in 猶原會抵著瘟疫--mah？會。主是救咱離開罪惡，iáu-boē hō͘ 咱離開世間（約翰17：15）。有一日伊會hō͘ 咱離開世間...

[1905-2 台南府城教會報 文類-散文 作者-高金聲/Ko Kim-seng]
余先生 [ Î Sian-siⁿ ]
余先生1905.02 239卷 p.19(高金聲記)余饒理先生，lín bat 伊--mah？ Bat 伊，21年來台灣開設中學，培養學生。起頭中學設tī 許--厝，後--來學內學生宿舍beh倒，就來建置1間新中學tī新樓內。阮向望伊會thang 久長 toà台灣栽培中學ê 學生，不幸tī 9年前先生娘破病，無合水土，就搬徙去汕頭ê內山五更舖，tiàm hia 設中學，教示客人ê子弟。也bat聽著伊有患著piàn-suī ê 病，tī英國調養hō͘ 醫生醫治，總--是無齊備好，若是伊疼著這東爿ê人，所以phoe命koh過來五更舖教學生。 今余--先生in現時àn-choáⁿ？Hāi!真可惜！T...

[1897-4 台南府城教會報 文類-散文 作者-高金聲/Ko Kim-seng]
高金聲 ê批 [ Ko Kim-seng ê phoe ]
Ko Kim-seng ê批1897.04 145卷 p.26-27今年正月間大學ê學生，高金聲，有去到福州入hit所在ê英華書院，ài學英國話kap各樣ê西學。Hit時大社教會ê執事，潘Ta-mo͘-lí,聽知，伊就順機會差伊ê 後生Mâu-keh kap伊相kap去。In兩人已經到位入學，teh讀冊；今將in ê消息印tī下底： 正月24日才開學。學生有200外人，外國先生4人，本地ê先生8人。Hit日teh開學，代先著寫約字，後--來點名，點了chiàⁿ拜先生，續分約字hō͘ 咱，咱著將約字kap束金銀房稅提去交監院，伊就出收銀單。到明仔日teh讀冊ê時，若有hit張才領有冊。這學內煮食...

[1902-8 台南府城教會報 文類-散文 作者-巴克禮/Pa-khek-lé]
牧師的束金 [ Bo̍k-su ê Sok-kim ]
牧師的束金。 (巴克禮記--的) 1902.08 209卷 p.60 教會出牧師的束金有幾若款。 1. 有所在祖家的公會鬥出本地牧師的束金，差不多親像咱佇遮出傳道束金的款。檢采兄弟所題的無夠額通請牧師，公會就補到夠額。總是有時佮in品講公會年年出那少，兄弟著出那濟，到定著的時陣兄弟著攏家己擔當。咱英國長老教佇廈門，汕頭，台灣，無用這个法度。照咱的規矩牧師的薪金頭到尾攏著予兄弟擔當。 2. 照咱教會的法度兄弟著照in的氣力題銀來鬥出傳道先生的薪金，毋通予公會攏擔當。總是教會若欲請本地牧師，問看in通用這个傳道束金銀做牧師的束金抑毋通？今論這个代誌咱三位的教會無相同的法。佇...

[1902-3 台南府城教會報 文類-散文 作者-巴克禮/Pa-khek-lé]
後山的消息 [ āu-soaⁿ ê Siau-sit ]
後山的消息 1902.03 204卷p.22-23 巴牧師記--的 十二月16號(11：6)我參先生娘坐火車到旗後；17號，就是拜二落火船。彼暝船開；拜三到恆春縣佮燈樓，拜四早起到Pó-song。佇遐有一個府城的朋友，劉Kî-lîn，有接納阮，替阮倩兩張牛車；阮chiàⁿ連鞭起身，彼暝歇佇路邊，拜五下晡到Lí-lāng。早前的時對旗後行到Lí-lāng著八日chiàⁿ會到；這tia̍p若駛三日就到；是嶄然較緊，也較快活。到Lí-lāng chiàⁿ聽見講siāng彼禮拜的拜二，石牌傳道先生，穆興，已經過往。彼時佇後山的教會chhun一个先生nā-tiāⁿ，就是踮佇Lí-lāng...

[1901-7 台南府城教會報 文類-散文 作者-巴克禮/Pa-khek-lé]
吳蒙楚 [ Gô͘ Bông-chhó͘ ]
吳蒙楚(巴克禮記--ê)1901.07 196卷 p.53-54二十六年前，就是光緒元年，我頭ē來台灣ê時，彼tia̍p有四个少年人來踮佇旗後李牧師ê樓跤teh讀冊，有請林Kiam-kim做先生來教。 In四个就是林華，劉茂清，吳葛，陳新代；後來四个攏擔當傳道ê職。現今一个無teh擔當；其餘三个 chham牧師，先生已經攏過往。從中路尾死--ê就是吳葛 (冊名蒙楚)。吳Bông-chhó͘是鹹埔仔人。伊ê老父，吳Tioh，是鹹埔仔頭一个信ê人，原本受伊ê親人不止窘逐伊，然後大家攏降伏。伊佇幾nā年前已經過往，伊ê婦jîn人Tioh嬸卻猶過佇--teh。 Bông-chhó͘出世佇主降生1853...

[1905-12 台南府城教會報 文類-傳記 作者--/-]
黃牧師娘ê小傳 [ N̂g Bo̍k-su-niû Ê Sió-toān ]
黃牧師娘ê小傳 1905.12 249卷 p.121-122Tī主後1857年黃牧師娘出世tī Ku-î庄，就是倚tī東港hit-tah。序大人較艱苦所以伊較早出嫁。Tī 1884 年丈夫黃牧師有聽道理信主。起頭牧師娘真無ài kap伊行天路，總--是暗靜teh學讀白話字。Hit時雖然m̄-bat入禮拜堂iáu-kú會曉讀白話聖冊。到1887年頭1擺去禮拜堂聽道理。 黃--先生去府城讀冊，後--來受派去toà澎湖，先生娘也歡喜kap伊去。船tú著風透，in逐家大危險，煞失落1個後生。起頭無thang稅厝，兩人經過偌濟項ê艱苦。總是 in出力報揚主ê道理，toà媽宮兩年外就已經成教會。 後來ko...

[1905-10 台南府城教會報 文類-散文 作者--/-]
交戰ê消息 [ Kau-chiàn ê Siau-sit ]
交戰ê消息1905.10 247卷 p.105-106近來tī 滿州攏無甚物聽見交戰ê消息。總--是8月30號tī 華太島西爿岸，有一所在號做芝加溝hia有大交戰。日俄相 thâi 五點鐘久。俄死--ê有130名，日死傷7個。日有得著俄ê軍裝不止濟。了後華太島攏安靜。 講和 今日俄兩國已經相 thâi 年半久較加。兩爿了銀佮人ê生命算bē 了，真可惜！到後--來美國ê大統領出來請兩國派全權ê大臣來聚集議和，煞交戰。日俄攏甘願，就派大臣去美國ê京城，華聖頓，聚集議和。 Tuì起交戰到路尾，日見thâi見贏，就照公道來算俄應該著降服tī日所立講和ê條款。Hiah-ê條款，幾若條較要緊--ê有印tī...

[1902-12 台南府城教會報 文類-散文 作者--/-]
清國打扮 [ Chheng-kok táⁿ-pān ]
清國打扮1902.12 213卷 p.96台灣iáu-boē hō͘ 日本管ê時，台灣人攏是清國打扮，無親像現時án-ni，有ê 剪頭鬃、有ê無。剪頭鬃是學日本人，pīⁿ頭鬃是照清國款。照清國款ê人iáu-kú真濟；若問chiah ê少年人看這號款式tó位來，kan ta 知人有hō͘清國管，所以chiah án-ni，總 m̄ 知清國人án-choáⁿ樣頭殼ài pīⁿ一個頭鬃尾。 有老輩ê人teh講，是因為早前滿洲屬中國，滿王有差人臣帶禮物來進貢中國。中國ê大臣ài創治伊，就kā伊剃頭，pīⁿ 毛尾，做長衫hō͘伊穿，有前補後補，創馬蹄ńg ，掛素珠，穿烏靴，tì頂戴有掛纓。Kāu伊講：「...

[1902-11 台南府城教會報 文類-散文 作者--/-]
勵女學 [ Lē-lú-ha̍k ]
勵女學1902.11 212卷 p.86-87(Ông Chiap-thoân翻譯日本報。)自開臺以來已經200外年--lah。但是孤單這個海嶼，文風也真少。當hit-tia̍p iáu未入日本帝國版圖以前，就100家ê囡仔入學讀冊大約無到10家；就10家ê中間會bat 字精光到會做文寫批--ê,驚了較無1家。查甫囡仔尚且án-ni，若是查某囡仔koh較少。Tuì入日本版圖ê了後，官府有設立學校，不論散hiong好額ê子弟攏有thang入學受教訓；就那漸進文風ê氣象。若 m̄ 是hit號青瞑、硬心、死守ê人，也的確知子弟入學受教訓ê要緊。今論到查甫囡仔入學，逐年加添。但是查某囡仔來入學讀冊iá...

[1902-11 台南府城教會報 文類-散文 作者--/-]
謠言通驚 [ iâu-giân thang kiaⁿ ]
謠言通驚1902.11 212卷 p.87-88早前tī 美洲南爿某城，hia不只謠言盛行，人心真驚惶，相傳講有一個鬼tī 城內四界食囡仔。問鬼tuì tah落來，就講 m̄知；問鬼是查甫抑是查某，也講 m̄ 知。若是相傳伊食真濟囡仔，就逐人講，逐 人信，致到男婦老幼驚惶到極。 Hit tia̍p有一個外國人行遊tī in街市，對一個囡仔討火食煙，囡仔看見，就捉著伊心內ê驚惶，就拼命走，驚了hō͘ 拖去食，走到跋倒siak著頭殼。街市ê人忽然看著外位人，koh看見囡仔鼻頭破，掠伊做食囡仔鬼，tú仔食一嘴，所以鼻頭有空。Tuì án-ni就大聲喉叫，眾人聚集掠hit ê外位人掙打；巡查恐驚傷害性...

[1901-11 台南府城教會報 文類-散文 作者--/-]
于蘭聖會 [ U-lân-sèng-hoē ]
于蘭聖會1901.11 200卷 p.87-88(對中西教會報翻譯。) 金陵ê風俗逐年若到7月，城內無論大街小巷攏照次序做于蘭大會賑濟無依倚ê鬼神，鑼鼓喧天，香煙滿地，銀紙燒到成山；男女來往那水teh流。Tī hit-tia̍p鬼神極快活，和尚是第一好趁錢；真正是人kap鬼teh相同歡喜。也有人問講：「先生--ah ! 你到chia真久，你知che于蘭聖會是甚mih時起，甚mih人設？」我應講：「M̄ 知；若是照我ê 意見teh想那准親像漢朝ê韓信是做于蘭會ê頭一人。」Hit個人聽了真奇怪，講：「淮陰侯ê傳我bat看--過，攏m̄-bat 看見這號故事；koh于蘭會tī 漢朝也iáu-boē...

[1900-3 台南府城教會報 文類-散文 作者--/-]
論風俗 [ Lūn Hong-sio̍k ]
論風俗1900.03 180卷 p.27-28(Tân Pún-lâi記--ê).今試想風俗，算是真濟款。各國都有各樣，親像外國人頭毛是將剪--ê。中國佮台灣是用剃四圍留中央；抑是穿插亦不同，卻是1位1位ê款，m̄ 免講甚物國較著，其中逐位永有好處tī--teh。今請將咱本地ê風俗佮khiàn-sńg 來相佮議論幾句。總是有ê 無甚物thang嫌，但是有ê 真 m̄ 好；親像現今拜佛ê款真m̄ 好看，無論抵著甚物災厄，就心生出猜疑，講是天氣 m̄ 好，抑是甚物妖精鬼怪入境內。為著án-ni就扛佛遊街趕鬼，逐家放sak kán-kí 頭路了錢真濟；án-ni逐家真歡喜親像hit個犯著鬼--ê,提...