[1915-9 台灣教會報 文類-散文 作者-陳清忠/Tân Chheng-tiong ]
京都教會狀況 [ Kiaⁿ-to͘ kàu-hoē chōng-hóng ]
京都教會的狀況。 (陳清忠記)。 1915.9，no.366，pp.5-6 照咱大家所知京都就是日本國舊的京城，現時算是第三鬧熱的所在。佇遐的教會較濟是組合教會。咱長老教會是真少，照我所知kan-ta有兩間的拜堂nā-tiāⁿ；kiám-chhái iáu有一半間講義所。 卻咱毋免分別是長老派抑是組合派；其中若有相利益的所在咱應該著學。若是論神彼方面組合派佮咱長老派是相同。若有無相同的所在，也是小可nā-tiāⁿ；若是論教會的內容，治理教會的方法，佮咱長老派有大各樣佇--teh。毋kú若是論怎樣來鼓舞教會予伊興起的法度，iáu-kú著來相學，因為彼項無干涉佇咱的信靠。 差不多兩月日前...

[1915-5 台灣教會報 文類-散文 作者-張金波/Tiuⁿ Kim-pho]
舊的規矩 [ Kū ê kui-kí ]
舊的規矩 1915.5，no.362，pp.6-7 天下逐國無毋有伊的規矩。規矩有無相同；有新舊，有好歹，親像阿非利加無開化的人，有的掛鼻環，這通決斷是歹規矩。倒轉來想台灣也有幾若款的歹規矩。內中一款是縛跤；是天下無比的歹規矩。現時風氣漸開，各地方創設風俗改良會，地方官也盡力逼人留跤。對按呢有聽見幾若的婦人人掠彼个留跤受逼做見笑變番婆抑是佮女婢siāng款，紲去自盡。聽見的人無毋傷心可憐。驚了咱會內猶有人teh對重這規矩，所以愛小可講明縛跤的因由，佮厲害，佮逐人有關係，排列佇下底。 1.縛跤的起點。這規矩對甚物人設起，毋是我所會講究；獨獨知原早無這規矩。中國18省佮本島以外也無有。濟...

[1914-6 台灣教會報 文類-散文 作者-郭水龍/Keh Chuí-lêng]
苦是樂的種 [ Khó͘ sī Lo̍k ê chéng ]
苦是樂的種。 1914.6，no.351，pp.8 美國人Bo̍k-ní-su就是發明電報的頭一--的，出世佇1791年，死佇1872年。伊有一日坐船欲去別所在佮siāng船的人談論磁，鐵，佮電氣的性會對這个質，透到彼个質。其中有一定的理，Bo̍k-ní-su講將來通用電遍傳地球。談論了the̍h紙kia̍h iân筆欲寫批予伊的某，因為伊的某破病。Teh寫的時心想這張批著幾若日才會到厝；設使會創一个寄批的器具予這張批隨時會到厝是真好。彼張批到厝伊的某果然死。伊閣想7年前I-ngô͘建築水溝愛予人第一緊知完工的消息，tiap-á久會對Pò͘-hut-lô (Buffalo)到Giûⁿ-io...

[1915-8 台灣教會報 文類-散文 作者-郭水龍/Keh Chuí-lêng]
巡迴東岸 [ Sûn-hoē Tang-gān ]
巡迴東岸。 1915.8，no.365，pp.5 新曆5月尾阮去宜蘭巡東海岸的教會，踮宜蘭街一禮拜久，因為雨水真濟袂得去各地方的拜堂。佇宜蘭街逐暗有佈道。現時宜蘭風氣較開，人較甘願揣問道理，可惜教會真oe̍h亦無應接的所在，就中等社會愛來查問道理較不便。劉牧師看這个機會愛欲緊起拜堂，所以教士會有議定今年欲著手興工，劉牧師欲去監督。二號阮有去羅東致意揣地愛買，起拜堂；有幾若位不止好，已經託重人。二八日有去蘇澳，彼的昏佇街路佈道，真濟人來聽，徛佇彼路邊說教。這位生理ná鬧熱，海產亦濟，tsoè-liāu，激腦，後日火車會到，真可惜無一間拜堂。 二九日落船出帆去花蓮港，宜蘭的傳道7名同船去...

[1915-8 台灣教會報 文類-散文 作者-郭水龍/Keh Chuí-lêng]
作賊狀元材 [ Choè-chha̍t Chiòng-oân-châi ]
作賊狀元才1915.8，no.365，pp.6 近來有一chiáng惡數改做馬偕醫院ê先生亦自稱信徒，去各地方庄社山場欺騙教會內佮教會外ê人。In先探聽會友ê名，入厝揪手行禮，相借問了，攏是講道理話。一个自稱是醫院ê先生，年歲30左右，藉言受宋醫生差派出來巡各教會，總是到逐位攏無相同。後來就紲共人醫病，攏是半賑濟，到藥泡好就愛一，兩，三，抑是五箍銀。錢the̍h了隨時離開，不知去向，雖堂會teh注意掠袂著。本堂這pang來有兩家ê會友予伊騙去，後日毋知欲偌濟會友拄著。照我想這號人會害著教會人佮醫院，所以緊寫幾字通知各位ê會友著細膩。 郭水龍。...

[1914-11 台灣教會報 文類-散文 作者-郭水龍/Keh Chuí-lêng]
斯文kap衛生 [ Su-bûn kap oē-seng ]
斯文kap衛生1914.11 356卷 p.8-9時勢變遷，文化日日進步，台灣ê人情風俗、道路、市區，合20年前大各樣。其中大進步就是斯文合衛生；百姓受文明ê教化那到，文明ê地位就衛生愈bat，亦政府衛生真嚴重。今好膽用這個大略來議論。 論斯文有內外ê分別；內是學問，外是外觀。舊清ê時代將漢學ê儒者叫做斯文，現時就bē堪--得講，且將學問下teh，免論，來論外觀ê斯文。1.言語世界中是台灣人ê粗嘴歹話thang推做第一歹。Tī講話ê時，歡喜ê時，受氣ê時，口頭語攏是歹話；談論ê時大聲喧嚷；無聽候別人講了就進前講，這是歹習慣無斯文。保羅講，聖徒無講姦淫浮漂戲hiauh ê話是合宜（以弗所5：4，...

[1914-11 台灣教會報 文類-散文 作者-王倚/Ông oá]
牛taⁿ灣的消息 [ Gû-taⁿ-oan ê Siau-sit ]
牛taⁿ灣的消息 王倚記。 1914.11，no.356，pp.2 牛taⁿ灣是小所在，不過咱有教會佇遐，佇Phoh-á跤南爿相離有9里路。有400左右戶；教會設有30左右年；現時信徒有77戶，本庄鎮52戶。Chím-má 加一口灶也有5，6个來聽，向望會tiâu。主日學有分男女2爿teh教，學生有70外，教員12名。讀兩點半鐘久，中間也有teh預備養心神詩的詩調。也teh備辦欲慶祝救主誕；予幾若个老人越念聖冊，其中一个今年74歲，姓白名紅。伊60歲信道理，64歲學白話，閣現時目睭已經花lah，著用大字的聖經，the̍h倚目睭約寸半才有看見，又閣大舌，iáu-kú有越念路加福音傳六百外節...

[1911-10 台南府城教會報 文類-散文 作者-潘道榮/Phoaⁿ Tō-êng]
生番內地觀光 [ Chheⁿ-hoan Loē-tē koan-kong ]
生番內地觀光。 1911.10 319卷 p.84-85 (潘道榮記--ê.) Tī 9月初tuì台灣有兩名 ê 警部chhoā 40 外個生番過來內地觀光。此時大家知咱本島總督府有設法teh平定眾番社；所以in有揀hiah-ê 投降幾若番社ê 頭目hō͘ in來內地。 照政府伊ê意思是ài hō͘ 生番來看濟濟ê 軍器、工廠、兵隊、人土以及文明珍奇 ê 物in所boē bat看--ê;到轉去thang報hō͘ in ê 同胞知kap日本抵敵到尾著認輸。卻有去看幾若所在，然後tuì 東京來。有chhoā in去看動物kap博物館。Tī 動物館內看見象，講是水牛，象ê 鼻，講是水牛尾...

[1906-7 台南府城教會報 文類-詩 作者-Jìn姑娘/Jìn Ko͘-niû]
教學先生歌 [ Kà-o̍h Sian-siⁿ koa ]
教學先生歌 廈門，Jìn姑娘 1906.07 第256卷 1 教學的工實在尊貴， 引chhoā學生佮主做堆， 設使甘願著磨致意， 到時會得寶貝果子。 2 教學先生要緊著肯 約束性地、謹慎品行， 因為學生目珠金金 看伊模樣學伊的心。 3 教學先生的工無快， 拄著內外事務阻礙， 家己的心若無料理， Thài會牽成細漢子兒？ 4 學生自然無攏總乖， 有的驕傲趁心所愛, 有的惡性、有的貧憚， 毋受教示、無欲改換。 5 學生逐家有伊的款， 有的gâu讀逐項甘願， 先生著想上好法度， 予眾學生會大進步。 6 學生無論是gâu抑鈍， 教學先生應該...

[1909-1 台南府城教會報 文類-散文 作者-梅牧師/Muî bo̍k-su]
平安 [ Pêng-an ]
平安(梅牧師記)1909.01 286卷 p.1-2 俗語講：「天賜平安福」。Hit句卻有影；毋過較濟人chhoē世間ê平安nā-tiāⁿ，亦hit个平安是真oh得拍算。世間ê平安是若準山頂ê水窟水。落雨就有水；無落雨就無水通食。世間ê平安毋á是按呢。有錢有平安，欠錢無平安。有朋友就有平安，無朋友就無平安。有囝孫平安，無驚孫無平安。父母某囝tī-teh算是平安；歹--去就無平安。身軀破病算是無平安。長歲壽人就講：福氣，好命。夭壽就講歹命。按生世間ê平安攏無定著，今仔日有；明仔載無。天ê平安較各樣。上帝所賞賜ê平安親像古井ê水。落雨亦有水，無落雨ê時陣水猶較清，猶較好食。拜上帝有錢亦好，無錢亦好...

[1909-2 台南府城教會報 文類-散文 作者-梅牧師/Muî bo̍k-su]
福氣 [ Hok-khì ]
福氣1909.02 287卷 p.9-11(梅牧師記)逐人ài福氣；m̄-kú福氣真oh-tit chhoē。咱若問--人看伊有得--著福氣--無？大家講：「無」。若koh問：「你bat煩惱--無？」大家講：「bat」。「煩惱甚mih 貨？」「煩惱無銀」、「煩惱腹肚枵」、「煩惱歹年冬，稻仔割少，土堆poé無」、「煩惱錢趁bē了」、「煩惱做了錢ê生理。」照較濟人teh想是tuì散hiong 才會煩惱；若好額就m̄免煩惱。iáu-kú咱若問有錢人看伊bat煩惱；伊也m̄敢講m̄-bat。伊teh驚賊會來cheng-piàng ，teh煩惱伊ê銀hō͘人借，利息 m̄還伊，煩惱家內無和順，煩惱子不孝...

[1909-3 台南府城教會報 文類-散文 作者-梅牧師/Muî bo̍k-su]
福氣 [ Hok-khì ]
福氣1909.03 288卷 p.20(接2月ê教會報11面)咱ê大ê老父就是天頂ê主，極大ê神。伊知咱ê欠缺，koh用tú好ê法度來補hit-ê 缺。今拜上帝信靠耶穌有甚mih福氣？1.頭一款ê福氣是咱靠耶穌就m̄免驚犯--著，吐--著、煞--著。Koh m̄免看好日。逐日是好日。Beh起厝、beh圍籬笆、chhāi木柵、釘khi̍t、beh進葬、beh相嫁娶逐日攏是好日。譬論來講，皇帝若做你ê好朋友，kap你相牽手，就攏無人敢kāng--你 ；也天頂ê主若做咱ê好朋友，就鬼神攏m̄敢倚--來。咱若信耶穌就得--著一個好朋友thang hō͘咱倚靠，thang kap咱交陪。2.第2款ê福氣...

[1909-5 台南府城教會報 文類-散文 作者-梅牧師/Muî bo̍k-su]
無人倫 [ Bô Jîn-lûn ]
無人倫1909.05 290卷 p.39-41(梅牧師記)Ta̍uh-ta̍uh有人teh講，這個道理是好；不過無神無明無公無媽，án-ni較m̄著。今人拜上帝kám會thang講是無神明？上帝是活活ê神，逐項知，逐項會，逐所在tī teh；人若拜伊，就是拜神明。 若是hiah ê柴刻--ê,土chhio̍k-ê,有目珠bē轉輪，耳孔bē聽見，鼻孔m̄ bat芳臭，有腳bē行路，嘴bē講話，腹肚無腸仔肚，hiah-ê kám m̄著講是無神無明。咱teh 向望伊會保庇咱，反轉是咱teh保庇伊。伊著倚靠咱kā伊起廟，kā伊祭祀，kā伊燒金送所費。有時hō͘老鼠chhia倒也bē曉tit than...

[1909-6 台南府城教會報 文類-散文 作者-梅牧師/Muî bo̍k-su]
無人倫 [ Bô Jîn-lûn ]
無人倫1909.06 291卷 p.46-47(接第41面)論公媽ê事咱猶原著會曉得thang分別真假。拜上帝ê人真tuì重父母公媽；第5條戒講：「著敬你ê父母」。 M̄-kú無的確著用神主來敬咱ê序大人。較早是用屍主，就是人死了就「到獻祭ê時有用伊ê大孫裝做祖宗ê屍像正正teh坐，hō͘同族ê人排祭物獻祭跪拜，表明孝敬ê意思」。 Hit-tia̍p iáu-boē有用木主。照人流傳是丁蘭設木主。丁蘭是真不孝ê子逼死伊ê老母。咱若學吳猛飼蚊，抑是學孟宗哭竹是較好。論hiah-ê扁枋仔是一尺懸nā-tiāⁿ，咱ê公媽tiàm hia thái會落？Koh咱著想，咱ê 父母若死，咱7日久一日孝2 ...

[1909-7 台南府城教會報 文類-散文 作者-梅牧師/Muî bo̍k-su]
天是祖家 [ Thian sī chó͘-ke ]
天是祖家1909.07 292卷 p.55-56(梅牧師記--ê)咱行路有伴，就較bē懶。雖然teh擔擔，路khâm-khia̍t ，日真炎，汗流攏bē離；iáu-kú咱幾若人做陣，相kap講話，就較bē thiám;一--下-仔就到位。咱tiàm世間若出外，路猶原歹行；世間是苦海，看tó一個m̄-bat哭，tó一個m̄-bat哮，流目屎、吐氣。舊年有舊年ê艱苦一款，今年有今年ê艱苦一款，攏是著磨，攏是頭路。 耶穌若kap咱做堆，就較有伴，較bē懶，較bē餒志，較bē煩惱過頭。有時身軀真siān,心神不安；若想著耶穌，心就開，身體較爽快。 「我心紀念耶穌ê 恩， Che恩若藥一般， 會解世間苦...

[1912-8 台南府城教會報 文類-散文 作者-梅牧師/Muî bo̍k-su]
Bat家治 [ Batka-tī ]
Bat 家治梅牧師記--ê 有一頂號ê人常常出外beh看外國ê光景，亦本國ê光景無甚麼bat看。有一頂號ê人ta̍uh-ta̍uh tī國內四界行chhit-thô，亦罕得tńg--來kap本所在 ê人盤-noá。有一頂號ê人kap本庄 ê人真熟似，亦kap本身攏m̄ sio-bat。 按怎樣kap本身m̄ sio-bat？設使咱若問伊講：「某人是做甚麼款？」伊會曉得thang kā咱講明庄裡隨人ê款式，koh會曉--得thang分別隨人ê性情，就是講：伊 khah詭譎，亦伊 khah老實，koh 伊 khah 躁性，亦伊 khah 貧憚， 伊 khah 孤-ta̍k，亦伊 khah 愛 k...

[1915-6 台灣教會報 文類-散文 作者-劉阿秀/Lâu A-siù]
佈道的事略 [ Pò͘-tōêSū-lio̍k ]
佈道的事略。 1915.6，no.363，pp.6 佇龍潭埤阮3月7號的禮拜有參詳愛設佈道佇各庄社，所以佇彼禮拜就紲題緣。遮的教會不止贊成這个事。有題十外箍；後來紲擬定愛請一个人來鬥幫贊佈道，所以有請中壢的執事吳玉廷一月日久，就是對3月9號到4月9號。佇這月日的中間阮若無拄著大雨，逐日有出門佈道。有時也有教會佮阮出門。阮有時是去附近的大庄講予人聽，有時是予人請去in 的家內講予in 的家內的人聽。感謝上帝阮去到逐位人攏歡迎。亦逐所在人攏呵咾咱的道理真好。阮佇這月日間所經過的庄頭19所在。較有機會的所在有去幾若擺。Chiah 的所在所聽見道理的人約略有1500人。Taⁿ致意寫幾字予大家知，請...

[1914-6 台灣教會報 文類-散文 作者-林清廉/Lîm Chheng-liâm]
宜蘭教會 [ Gî-lân Kàu-hoē ]
宜蘭教會 林清廉 1914.6，no.351，pp.6-7 現時宜蘭街的教會有幾若位來相佮，真是Pái-lî，Sin-ná-hán，Bú-loán按呢就較鬧熱，也較活動。閣佇兩三年的中間有加添10外个漢人來聽道理，幾若人已經領洗禮。禮拜日頂晡佇本拜堂做禮拜平均有60左右人，中間4份3份是平埔，1份是漢人。下晡時一禮拜佇Pái-lî，一禮拜佇Sin-ná-hán佮Bú-loán 5所在佮in 聚集。 論Bú-loán佮Sin-ná-hán這兩所在的教會有倚30戶，大細有百外人，現時真冷淡，無幾人欲來宜蘭街做禮拜。下晡時若去欲佮in聚集禮拜，著逐綴厝去叫in，有的喙應好，跤也毋行倚。Teh...

[1914-11 台灣教會報 文類-傳記 作者-林學恭/Lîm Ha̍k-kiong]
黃Táiⁿ ê小傳 [ N̂g Táiⁿ ê Sió-toān ]
黃Táiⁿ ê小傳1914.11 356卷 p.3林學恭記。Lâ-lí-sàn ê教會有1個會友黃Táiⁿ。伊是toà tī 塭仔庄，離Lâ-lí-sàn有8里路。黃Táiⁿ到72歲才反悔來信主。伊有食鴉片薰真大，致到攏bē行路，hit時若來禮拜著倚靠拐仔才會行。後來伊有決意ài改鴉片，攏無koh食。也決意ài 學白話字，koh無偌久就會曉讀白話字ê聖冊。對改薰了就攏無食。Hit 時身体算是勇健，若無落大雨透大風ê阻擋，較常逐禮拜日有來守安歇，攏m̄免kia̍h拐仔。逐個禮拜日伊做會友ê頭前來拜堂。伊是真非常ê熱心服事主ê人，也ài引chhoā伊ê子孫拜上帝，也常常 ài 引chhoā別人來信...

[1907-7 台南府城教會報 文類-傳記 作者-趙時回/Tiō Sî-hoê]
來發長老ê小傳 [ Lâi-hoat Tiúⁿ-ló ê Sió-toān ]
來發長老ê小傳1907.07 268卷 p.52-53(趙時回先生記--ê。)長老何來發是東港人；伊佇1844年10月初10出世。到同治9年，hit時伊 27 歲 chiah聽著救世ê道理。是因為福音傳到東港猶未偌久。第一早是李牧師來傳；後來牧師倒去旗後，每佇拜六就差一人來東港講道理。也有稅一間厝通做福音堂。到拜一彼个受差ê人就閣倒去旗後學習道理。所稅ê厝有倩何來發叔顧紲拚掃。伊是不止活動搰力ê人；若做工明白，就學習詩冊佮白話字；無偌久就ē曉讀聖冊。到同治10年6月6日，李牧師來東港巡視聖會，行洗禮予幾nā人，從中來發長老也在內。對伊入教了後，勤勤讀聖冊，致意講究道理；常常用白話聖經佮漢文ê新...