[1934-12 台灣教會公報/芥菜子 文類-散文 作者-陳清義/Tân Chheng-gī]
人生的幸福 [ Jîn-seng ê Hēng-hok ]
人生的幸福 (陳清義) 1934.12，no.597，pp.22-23 提摩太前書，4章8節。論調劑身軀的事，是講著鍛鍊武藝，來調養身體。 論敬虔佇主的事，是講著練敬虔的德行，來服事上帝；兩項攏有利益。總是利益身軀的是較小可，利益敬虔的德行來服事上帝，是較大；因為今世，來世攏有得著福氣。對按呢來看，人生的幸福有3項大要緊：- 1. 身體健康 有一句話是按呢講，「病時方知健是仙。」意思是講破病的時，才知勇健是仙；因為人若無勇健，就無真正的慰安。所以人若無破病的時，毋知影健康是甚物。身體健康的人，看世界是真美麗；雖罔拄著甚物試煉，損失，災害，也毋知伊的艱苦。身體若衰荏的...

[1935-1 台灣教會公報 文類-散文 作者-主筆/Chú-pit]
社說：新年kap公報 [ Siā-soat: Sin-nî kap Kong pò ]
新年佮公報(主筆)1935.01，no.598，pp.01-02現在的時代，佮古早攏袂通比並-得。毋免講遐早。Kan-ta來想佇19世紀頭，彼時人類的生活，猶真簡單，思想也無親像這時的複雜；所以無論佇精神方面，á是物質方面，大概攏會通滿足。到近佇100年來，思想日日進步，慾望也ná大：食魚，就想愛食肉；穿綢，就想欲穿緞。結果，就形成了現社會種種的混亂。人類的進化史，通講一部分是對「慾望」兩字來造成--的。設使人若無有競爭á是奮鬥，就袂通生出近代的文明。總講，無論踮佇啥時代，男婦老幼攏著愛奮鬥；若無，有一日定著攏著受歷史的淘汰。今欲怎樣來奮鬥？自然愛有相當的準備。就是著有充實本身的能力(智識，本...

[1935-1 台灣教會公報 文類-散文 作者--/-]
公告：世界祈禱週 [ Kong-kò: Sè-kài Kî-tó Chiu ]
世界共同祈禱週1935.01，no.598，pp.02-05今年對1月6－13日，就是世界共同的祈禱週間。若想著佇咱頭前有種種困難的情形，就益發予咱著注意佇這个世界聯合的祈禱會。願全能的主伸出伊的聖手來扶持，將危險變做平安；oh得收拾的危局，成做光明的路關；予天國緊緊實現。要緊眾基督徒，一面著團結來祈禱閣一面著出力宣傳基督的福音。致意請各教會的當局者設法予恁的眾會的當局者設法予恁的眾會友，有份佇這个萬國同心的祈禱會。今將彼个祈禱表排佇下面：－1月6號：禮拜日說教的題目1.信靠(約翰14：1；馬可11：22，24；1提摩太4：10)。2.團契(1約翰1：3，7；約翰17：21)。3.奉仕(馬太2...

[1935-4 台灣教會公報 文類-散文 作者--/-]
嘉中通信II.故劉黃--氏玉燕 [ Ka Tiong Thong-sìn II.Kò͘ Lâu N̂g--sī Gio̍k-iàn ]
嘉中通訊II.故劉黃--氏玉燕1935.04 第601卷 p.18(記者)故劉黃--氏玉燕出世佇明治28 年(A.D.1895)。伊是台南故黃月德--氏的大查某孫，(外公胡古)，黃登燦佮黃胡--氏勸的長女。佇17歲卒業台灣長老教會女學了，幫贊母校。到20歲，嫁劉有正君。做斗六劉萬建--氏的大新婦，做傳道先生娘5年久，有蹛豐原，岡仔林，善化3位的教會。因為ta-ke別世，細叔破病，姑不將停睏。6年後到台南做事業，昭和3年搬到虎尾設牧場。論伊做人伶俐、學問、手藝攏優秀。佇學校佮同窗，以及對教會的會友人人好。佇家庭是做好的主婦，教示子女有好的法度，熱心服事主，早暗真致意鼓舞家庭禮拜，對婦人會真出力。...

[1935-9 台灣教會公報 文類-散文 作者--/-]
論說：音樂隨筆 [ Lūn-soat: Im-ga̍k Suî-pit ]
音樂隨筆1935.09 第606卷 p.4-5 音樂佮近代人的生活，不止有密接的關係，是咱人的日常生活，所袂通無得的咱人的耳空不時會通聽著新款的音樂，致到思想感情加真豐富，有新的觀念生出來。音樂會予人有新的感覺，會給人有觀念豐富的材料，這是甚物因端？就是彼个性質佮咱人本來的性質有共通的性質佇--teh。「人之初，性本善。」咱人本底的性質是好，用音樂的話來講，就是「媠」。真好聽的音樂，就是真媠的音樂。所以人的心肝若好，就聽著好的音樂，會受感化，變做真媠的心肝，佮音樂拄拄會調和；實在是真妙的物。真、善、美這3項若完全會得調和，照伊的特性來發揮，就咱人的生活會向上，會清氣相。科學要求「真」，宗教要...

[1926-8 芥菜子 文類-散文 作者-陳清忠/Tân Chheng-tiong ]  (4)
淡中glee club達目的 [ Tām-tiong glee club Ta̍t bo̍k-tek ]
淡中glee club達目的 淡水中學音樂部 glee club 有志十名，為著京都開音樂會的都合，有比預定的期日較早一choā 船起身，就是搭 6月28號出航的 In-phoan丸。七月2號到神戶，彼下晡紲到京都。雖罔頭尾佇遐是9日久nā-tiāⁿ，iáu-kú有得著不止好的機會。彼中間有開5擺的音樂會，也有去kūn-hū不止濟所在見學。 其中通特記的，就是有去大阪參觀朝日新聞社，也有去無電放送局演奏。 本然打算愛踮較久，通看看較濟所在，不幸有人拄著破病，姑不將著較早轉來。七月11號離開神戶，搭 Lia̍p-hō͘丸，15號早起到基隆，...

[1926-8 芥菜子 文類-散文 作者-陳清義/Tân Chheng-gī]  (4)
基督教佮佛教的研究 [ Ki-tok-kàu kap Hu̍t-kàu ê gián-kiù ]
基督教佮佛教的研究 世間的宗教，毋但一款，派別真濟，照學者所研究，聚集歸類，通講有3大類。 I. 蠻族tek宗教。 II. 一國 tek宗教。 III. 世界tek宗教。 啥物號做蠻族tek宗教？就是親像火教，多神教。 啥物號做一國tek宗教？就是親像希臘教，道教。也啥物號做世界tek宗教？就是基督教、佛教、回回教這款。 今這三个教，雖然平平稱做世界tek宗教，總是無攏總有救世主義的宗旨佇teh。回回教佇台灣無，毋免講，kan-ta將基督教佮佛教來講： 照咱所知基督教是救世主義的宗教，佛教是厭世主義的宗教。今...

[1926-8 芥菜子 文類-散文 作者-陳清忠/Tân Chheng-tiong ]  (2)
耶穌的十字架 [ Iâ-so͘ ê si̍p-jī-kè ]
耶穌的十字架 現時愛耶穌的天國的人，伊的數是濟，總是歡喜pē伊的十字架的人是到極少。 愛求耶穌慰安的人，也是濟，若是求伊的苦痛的人嘛是少。 有濟濟人佮耶穌同桌，總是少少人欲佮伊saⁿ-kap守禁戒，(禁戒) 萬人向望愛欲佮耶穌saⁿ-kap享樂，但是為著耶穌來忍受萬事的人是真少。 愛求耶穌所peh的餅的人是濟，若是歡喜lim伊的苦杯的人是少。 濟濟人尊敬伊的神跡，少少人忍受「恥辱的十字架。 無苦痛的中間，疼耶穌的人是真濟；閣再耶穌賞賜in 慰安的時，人人呵咾，人人感謝。毋kú設使耶穌若離開in tiap-á久，就隨時跋落不...

[1926-8 芥菜子 文類-散文 作者-陳清義/Tân Chheng-gī]  (1)
著全家拜上帝 [ Tio̍h choân-ke pài Siōng-tè ]
著全家拜上帝 咱人踮佇這世間，家內的人數不論濟少，要緊著同心敬拜全能的上帝，做咱的天爸；這个是真要緊的事。可惜現今佇咱教會的中間，有濟濟的，猶未全家拜上帝，致到家內的信仰無相同，常常顯出tōng-tu̍t，大欠缺平安，來失落福氣。若會全家敬拜上帝，信仰相同，行siâng條的路，就真有平安，真有福氣。 這tia̍p愛引幾若个古早的信徒，有全家拜上帝，來做咱的模樣： 1、 Lū-tí-a。這个婦人人有全家拜上帝，伊是Chhui-ngá chhui-lat城的人teh做chi-sek-pò͘ 的生理，平素有拜上帝，信道理；主開啟伊的心，予伊全向保羅所講，全家領...

[1926-8 芥菜子 文類-散文 作者-陳清忠/Tân Chheng-tiong ]  (2)
名人的祈禱 [ Bêng-jîn ê kî-tó ]
名人的祈禱 （I） Samuel Johnson (1709－1784) O主ah，你的手掌管生佮死，對佇你的氣力我通得著徛在，也對佇你的恩典通得著赦免，求你用憐憫àⁿ落來看我。你所命令我著做的義務，到今我有放做袂要緊，空空過日，全然無勞碌來完成你的旨意，求你赦免我這款貧惰的罪。求你予我會記得逐日是你所賞賜--的，應該著照你的命令來用彼日。所以求你予7我深深反悔貧惰的罪，通對你得著恩典，也通經過，你猶饒我的性命佇世間的中間，也來勤勉勞碌佇你的聖旨，倚靠耶穌基督。心所願。 (II) Anselm (1033－1109) O我的主，我的上帝ah，求你賞賜我全心所意向愛欲得...

[1926-1 芥菜子 文類-散文 作者-吳清鎰/Gô͘ Chheng-ek]  (4)
小事的要緊 [ SIÓ-SŪ Ê IÀU-KÍN ]
小事的要緊 看輕小事是親像一塊大石，為著一塊石，人類的大多數有拄著滅無。人的一生是相接紲的小事來成立--的，逐項逐項，比較的是無甚物要緊，猶過逐人的幸福佮成功是照彼的人看小事的款式來決定。 人格是對小事來造成--的－就是gâu尊重小事也gâu實行。人佇事業上的成功是照伊注意佇小事的態度。一家的安樂是對gâu整理小事，gâu準備小事的結果來得著。 有價值，大的智識佮經驗攏是對佇細細的智識，少少的經驗，斟酌來積蓄的結果。佇一生的中間未曉積蓄半項物的人，通看伊做這世間的失敗者－因為in有看輕小事。撿彩in teh想這世間是teh反對in；若是事實，彼的災厄是in家己惹--的。 佇久久的中間...

[1926-1 芥菜子 文類-散文 作者-蔡Tiōng-kú/-]  (3)
白蟻的社會 [ Pe̍h-hiā ê siā-hoē ]
白蟻的社會 人所知佇動物中經營社會生活的昆蟲有3種類。就是蚼蟻，蜂佮白蟻。論in的社會，有相同的所在－有公蟲，母蟲，佮做工的蟲。若是蚼蟻佮白蟻，做工的蟲普通有分兩款－平常做工的頭佮做兵-的。閣較複雜的種類有兩三款的做兵的蟲－有的顧守毋免予對敵來深入，有的去攻擊對敵。 這3款的中間，社會生活最發達-的就是白蟻。伊的岫內照種類有無相同。一般代先一對王佮女王踮做伙，家己漸漸成長；以外猶有in的細細做工的蟲佮做兵的蟲仔囝佇teh。做工的蟲生做siâng款，若是做兵的蟲伊的牙槽是長閣大。牙槽齒較大的是持防，佮拍對敵的職務；較細-的是踮佇岫內行-去監督做工的蟲做工。做兵的蟲有一款頭殼頂有一支真長的器...

[1926-7 芥菜子 文類-散文 作者-陳清忠/Tân Chheng-tiong ]  (4)
著怎樣來受聖神 [ Tio̍h cháiⁿ-iūⁿ lâi siū Sèng Sîn ]
著怎樣來受聖神？ I 上帝約束欲予人。上帝是靈，是人格；上帝是hùn出的思想。所以著顯現佇伊本身以外。彼个就是默示，就是天的啟示。若是按呢伊怎樣來發表？是用雷tân？抑是用野獸？毋是。上帝用人將伊的喙來顯出。伊揀第一聖，第一溫純的人做器具來指示伊的所想，伊的熱情，伊的計畫佮將來所欲生起的事。 先知就是伊的器具，伊的通譯；所講kan-ta上帝nā-tiāⁿ。伊佇以西結(36章有約束欲用清的水hiù--咱）：－ 「用清水hiù恁，予恁成清氣，見若拜偶像，行污穢的代誌，攏總洗除去。」以賽亞35章有用真媠的話講出：－ 「曠野無水的所在欲put-íⁿ，親像山chû-ko，的確有歡喜唱歌...

[1926-7 芥菜子 文類-散文 作者-章王由/Chiong Ông-iû]  (3)
向望 [ ǹg-bāng ]
向望 予咱通gông-ngia̍h佮奇怪的，就是聖保羅有論及這兩字「向望」的要緊。伊囥向望佇道德kong-léng 的內面，就是囥佇信，佮愛，同列。總是保羅先生有伊深深的理想佇teh。 今咱會看見伊所發見這兩字的效用。人若捌常常讀伊的批佮三思伊的道理就欲得著知。 我小可看著這兩字的形影nā-tiāⁿ，袂會tú-tú通及著保羅先生的理想因為是極深沉的道理。 咱通對反來看就會知這兩字的要緊。 嗚呼哀哉！人若失落攏總的向望的時淒慘到怎樣？我拍算就是到佇死的地步，所以通講我佮恁攏活佇向望的內面。咱已經知失落向望的時毋好，按呢向望是好，是道德，是創造tek進化。 若...

[1926-7 芥菜子 文類-散文 作者-蕭樂善/Siau Lo̍k-siān]  (2)
用血成就和平 [ ēng huih sêng-chiū hô-pêng ]
用血成就和平 歌羅西1：20 保羅講和平的工已經成了。佇遮伊毋是愛干證人佮上帝和的事，就是愛報咱知成和平是用啥物法度。這句和平就是親像朋友為著事拍歹感情紲無往來，咱牽in 的手予in相牽，怨恨煞，朋友情閣生起。今上帝無要緊人的陷落罪，伊歡喜將伊十字架的血做和平的法度。咱通想兩項： 1、 怎樣上帝歡喜用伊的囝的血佮死來成就和平。 2、 怎樣用十字架的死。 3、 怎樣上帝歡喜將伊的囝的血佮死來成和平。這款的法度tú-tú是合佇上帝的心肝。伊是慈悲的上帝，也是公義的上帝。伊照公義治理天下。人已經陷落罪，今愛成和平的事，無比用伊的囝的血佮死閣較好較合的法度。所以伊歡喜將完全的...

[1926-7 芥菜子 文類-散文 作者-陳瓊琚/Tân Khêng-ku]  (3)
良妻賢母 [ Liông-chhe Hiân-bió ]
良妻賢母 所講「良妻」是啥物？「賢母」是啥物？啥物等號的某通叫做好的某，抑啥物等號的老母通稱做gâu 的老母？Kiám-chhái有人欲應講，稱做好某--的，是gâu有孝ta-ke-koaⁿ，佮齊全順服伊的丈夫；閣通叫做gâu 的老母--的，是gâu養飼、照顧囝兒佮會曉用嚴hat的法度來教示囝兒。照頂面所開拆的卻有理氣；總是真無完全。若是按呢，kiám-chhái有人欲來反問我的意見也敢！ 凡事聽說明毋達著看證明較要緊。閣再愛知我的意見的兄姐，恁若看這篇到路尾自然會明白，因為我的思想是包含佇遮个故事的內面。 我講請看證明的意思，是愛chhiau揣古早的烈婦來予咱做模範。總是欲寫到chi...

[1926-7 芥菜子 文類-散文 作者-郭水龍/Keh Chuí-lêng]  (3)
愚民迷信 [ Gû-bîn bê-sìn ]
愚民迷信 1、 台北市原怡和巷有一叢古樹有真濟人去拜，謠言講有一个老婦人人暝時受著一个人託夢對伊叫救，隔日彼个婦人人用牲禮銀紙共伊拜，厝邊的人拄著破病也去用牲禮菜飯拜，也好，對按呢謠言愈 hán，一禮拜久就真濟人去hē去求；查埔查某不時oe-oe khoeh，紲有賣金銀紙十外个佇遐teh賣，衙門知，警察隨時去擋止，百姓毋聽閣去拜，後來警察官用pang 共伊釘去來毋准人拜才煞。 2、 桃園近八塊厝共同墓地，有一个墓牌刻 (德來公 的盆墓) 謠言一禮拜前有行路祈禱得著好，近來這个消息一个傳無數的病人相爭去祈禱，桃園中壢楊梅壢，湖口各方面的人去拜，逐日幾若千人紲有臨時的生理金銀紙kiam ...

[1926-6 芥菜子 文類-散文 作者-王守勇/Ông Siú-ióng]  (3)
祈禱 [ Kî-tó ]
祈禱 1、 有一款的植物，若是日落的時，伊的葉佮花就合teh；若日出較燒lō 的時，彼个花佮葉就閣開(親像土豆抑是見笑草的款)按呢植物對日頭吸收燒氣佮活命來大叢。Tú-tú親像按呢，佇祈禱的時，咱的心門大開向佇義的日頭，會通閃避攏總的艱難佮重擔，來長大佇主耶穌完全的體。 2、 照人所teh想，對祈禱咱袂會變換上帝的計畫；總是teh祈禱的人伊本身有變換。雖罔佇這个無完全的生活中，咱的大體的形象，對祈禱逐日漸漸ná向佇完全。且想雞母teh孵卵的事，雞卵內面是無形象，清清的款，總是雞母若孵ná久的時，雞卵就koh樣變做雞仔囝，親像雞母的款式。按呢毋是雞母有變換，就是姬卵變換。所以咱對佇祈禱...

[1926-6 芥菜子 文類-散文 作者-郭水龍/Keh Chuí-lêng]  (2)
婦女服裝 [ Hū-lú ho̍k-chong ]
婦女服裝 (台日新聞抄譯) 婦人人的衫穿佇風俗有大關係。本島婦人人的衫褲，本然較古派、樸實；近來上海，福州的衣服逐日流行奢侈，奇奇怪怪的款。第一快受in 的傳染的，是台灣遮的藝妓娼妓。衫短蓋後面袂密，褲短蓋跤頭u袂密；佇街路行真怪狀，徛家的婦人人雖然無攏學--伊，也是有受著傳染；風俗有大煩惱。就女學生雖無遐奢華也是有染著，卒業了做女教員所穿也是野樣；有的學西洋式，ām領闊，衫身oe̍h，種種奇怪的服裝。 女子文明是在佇學問、道德，毋是在佇衣裳的新奇。願女子愛做教育的主宰著盡力注意。歐美的風俗真奢華，遐个文明國也毋是掠新奇做貴氣，猶原著重風俗改良最要緊。...

[1926-7 芥菜子 文類-散文 作者-郭水龍/Keh Chuí-lêng]  (1)
喜出望外 [ Hí-chhut bōng-goā ]
喜出望外 新店教會的執事羅居，74 歲，目睭tì內障的病漸無看見，4年前予蘭醫生看。醫生講一目袂好lah，一這目會創得，總是無共伊醫舊年就真無看見，行路著giâ柺仔，就入馬偕醫院一禮拜久kan-ta 共伊抹藥；求伊手術8，醫生無共伊手術，伊就轉來，拄著一个媒人婆報伊一个赤跤先共伊醫，用白仔掺馬薯毒一下，目睭紲青盲，攏無看見，著人khan，光、暗，攏毋知，伊的心真大煩惱無看見真艱苦，暝日踮佇眠床袂做事業，總是伊毋死心，不時求上帝著閣予伊看見。無ti無tang 的時，有一个會友共伊講An-ki伯我火車內聽見有人講羅東有一个醫生，創目睭真gâu，你嘛去予伊創看。羅居聽了過暝chh...