[1929-8 台灣教會報 文類-散文 作者-金姑娘/Kim ko͘-niû]
金姑娘ê批 [ Kim Ko͘-niû ê Phoe ]
金姑娘ê批1929.08 533卷 p.5-7讀教會報ê朋友，平安。高姑娘佮我已經到位tī Canada （加拿大），經過5月半日久ê路程，亦有視察真濟各樣ê所在。今ài beh kā tī 台灣濟濟朋友請安。 舊年1928 A.D。10月尾阮離開台灣，第一第先停睏tī Hongkong(香港)。Tī 路中有經過廈門佮汕頭，香港是真suí ê所在，差不多通阮所經由ê都市第一suí --ê 1個。 Tuì 香港阮1暝昏ê路程坐細隻船去Kang-mn̂g。Hia 有加拿大ê宣道會tī hia，3年前hiah-ê 宣教師、牧師、醫生，佮先生因為戰亂ê緣故趕緊逃走去香港。佳哉教會ê厝無受扑害，亦今已經...

[1929-10 台灣教會報 文類-散文 作者-偕叡廉/Kai Jōe-liâm]
新高山 [ Sin-ko-soaⁿ ]
新高山1929.10 535卷(芥菜子第44號) p.16-17(偕叡廉)久久欣慕ài peh 新高山，ài 看台灣第一懸ê 山尖。今年tī 歇熱中我佮我ê 家眷共7 人，相佮做陣去嘉義。得著官廳ê 許可，過日起身去阿里山。Tuì 嘉義到阿里山著坐火車7點外鐘久。路中ê 景致真好看，有大山、深坑佮大樹。Tuì 嘉義到阿里山火車著peh 7558尺 懸，所以tī 路中氣候漸漸冷。到阿里山ê 時若親像秋天ê 款式。 抵抵beh 到阿里山ê 時tī 路中有看見幾若欉大樹，攏是siōng-ngô͘,其中第一大欉ê 號做神樹，就是通東洋第一大欉--ê。伊ê 周圍（離塗5 尺）有66尺；若近倚塗面來量有1...

[1929-11 台灣教會報 文類-散文 作者-王守勇/Ông Siú-ióng]
故呂--氏受ê升天 [ Kò͘ Lū--sī Siū ê Seng-thian ]
故呂--氏受ê升天1929.11 536卷 p.5-6(王守勇)呂--氏受（人叫王嬸），是麻豆教會初代ê老信徒。Tī教會中，伊是第一老，到今年是71 歲，tī 10月12 號受主召--去。伊是toà tī草店尾，上帝賜伊有厝宅，有1個後生 (現任ê執事林新繼) 已經建置家後，也有得著2個查甫孫，一家7個是熱心ê基督徒家庭。伊來信主ê動機是對伊生ê子攏飼bē活，所以對來信主了後hit個查甫子才有thang tī--leh，對án-ni伊真熱心。34 歲ê時來信主，36歲ê時就領洗禮入聖會。無偌久tú著日本來管台灣，hit時麻豆ê人誤解講拜上帝ê人是去通番，才有這款ê事。對án-ni chia ê...

[1929-12 台灣教會報 文類-散文 作者-梅監務/Muî kàm-bū]
梅牧師ê批 [ Muî Bo̍k-su ê Phoe ]
梅牧師ê批1929.12 537卷 p.6-8批寄hō͘台南基督教ê中會佮眾兄弟姊妹收。願lín 大家得著咱ê天父上帝ê疼痛佮主耶穌ê恩典，以及聖神啟示氣力ê充滿。 Tuì 相離別到今已經有經過5年較足。是我佮我ê 婦人人toà tī 大雅ê 時，ài鬥設教會，有染著1等號較重ê熱病；hit 個病常常koh 起hō͘我身軀較lám,無力thang tī 這爿傳主道，亦攏bē得thang koh 來台灣。若是阮無làng 日ta̍uh-ta̍uh替lín 逐家祈禱感謝上帝，koh 求主開路hō͘阮會佮所數念ê信者相見面。 1月日前我有接著電報講，中會（就是中會ê議長）託我去赴蘇格蘭教會ê總會，t...

[1929-4 台灣教會報 文類-散文 作者-陳添旺/Tân Thiam-ōng]
台灣一週佮感想 [ Tâi-oân it-chiu kap Kám-sióng ]
台灣一週佮感想1929.04 529卷 p.17-18芥菜子 38號(陳添旺)人講，gâu人遊世界，頇顢行厝內，踮佇小海嶼若厝內一樣。 真久就希望愛四界觀察一遍，船、車有利便；毋過袂得到懸山番界來觀察。 這擺順機會愛赴中會，也愛看東部盡南大武支廳，卻無偌濟人，是50 戶左右若定，倚佇海邊。順路紲對Saⁿ-tiâu-lēng的番界過去透水底寮；第先有朋友約愛做伴，後--來有阻擋煞單身若定。 寫幾項佇下底做參考：1、路站：花蓮港火車透台東，40 sián自動車到知本，有路透大武沿海平平，知本12里外，一日早早，大武有旅館。大武領入番界的證明，沿路有6 位駐在所愛蓋印。台東管 內Ko͘仔崙、出水ph...

[1929-10 台灣教會報 文類-散文 作者--/-]
遊東部所感 [ Iû Tang-pō͘ Só͘-kám ]
遊東部所感1929.10 535卷 p.17-19芥菜子 第 44 號(Tân Khêng-ku)我佮張基全先生佇這擺的歇熱中，就是佇7月30號有對淡水出發去東部。今彼條路徑有經過宜蘭、羅東，亦對蘇澳坐船才去花蓮港。初4的禮拜日有佇花蓮港拜堂佮遐的兄姊相佮守禮拜，亦我有受李傳道拜託做主理，閣彼e晡阮亦有閣佮李傳道、Tām執事佮梁阿標君（伊現時是佇東台灣的新聞社teh做記者），5 人做陣去新設的Ka-lí-oan講義所做禮拜，逐家不止熱心，做禮拜齊整。 佇初3（拜6）有去探幾若家的兄弟，亦有去探1位的醫生，就是南部林燕臣牧師第二令郎林安生先生，伊去遐開業卻猶無偌久，毋過照聽成績可恭。閣一位是對大...

[1929-12 台灣教會報 文類-散文 作者-戴Ek-gî，戴仁理/Tè Ek-gî, Tè Jîn-lí]
批 [ Phoe ]
批1929.12 537卷 p.13芥菜子46號(戴Ek-gî，戴仁理)「這張批是戴醫生的令尊佮令堂寫來共馬偕病院的患者說謝--的；今愛落佇遮，紲予列位知患者的好意。」批寄予踮佇台灣所疼的朋友兄姊收，平安。恁有寄2支真媠金的十字架來送阮，也共阮2人恭賀；阮到極歡喜。這2支金十字架，阮掠做極寶貝，也是通時時顯明恁疼痛的紀念品。對遮通知，恁猶原有teh 疼咱的主耶穌基督，就是獻身做咱極大的救主。今著勇健，也著好膽，因為救主耶穌是恁盡忠的朋友。著舉目看救主講：「主耶穌--ah，阮獨獨teh倚靠你，就是大佮白白的救主；阮倚靠你紅的寶血來得著清氣閣成聖。」設使恁驚，恁的罪過予恁佮聖的上帝相離，著好膽，因...

[1930-12 台灣教會報 文類-散文 作者-陳瓊琚/Tân Khêng-ku]
看台灣文化300年的紀念會 [ Khoàⁿ Tâi-oân Bûn-hoà 300 nî ê Kì-liām-hoē ]
看台灣文化300年的紀念會1930.12 第549卷 p.19芥菜子 58 號(陳瓊琚)這pang阮淡水中學的學生，約130外名，閣有4 个先生做陣搭10月27 號午前8點，台北發的急行車去台南。我本身有代先去，所以到位的時，我已經佇台南車頭teh 等--in。大家到位，抵是彼e晡4 點較加，我佮台南神學校的先生王守勇，有chhoā in 順路去看產業的展覽會。後--來才chhoā逐家來太平境禮拜堂歇睏。 論睏的所在有分3位，1位是禮拜堂，1位是高再得醫師的舊醫館的樓頂，閣 1位是吳秋微醫師的病院內的日本總舖。食是委託太平境拜堂的牧師，陳思聰先生，所介紹的太平食堂設法。 佇28號早起，有chh...

[1935-6 台灣教會公報 文類-散文 作者-汪宗埕/Ong Chong-thêng]
賑災記 [ Chín-chai-kì ]
賑災記1935.06 第603卷 p.28-30芥菜子113號(汪宗埕)佇主耶穌的閣活節，4月21號午前6點2分，屯仔腳地方有拄著未捌有的大地動。對起頭就真動，約兩秒的中間，規庄的厝全部倒壞，屯仔腳拄拄是佇震帶的中央；人受搖倒，土腳piak裂，有所在沈落約5尺深，屯仔腳一鄉庄受teh死--的千外人，拄著重輕傷--的，袂算得，一間厝teh死7、8名--的也有，實在悽慘到極。 咱教會這pang也拄著損害真大，信者受teh死--的八名，求道者受teh死--的11名，自然會友的厝是攏倒到平地；佇遮有人保存in的生命，通講是神蹟，禮拜堂佮宿舍，對地基倒到平地，阮規家族，攏受teh khàm佇內面，感謝上...

[1935-6 台灣教會公報/芥菜子 文類-散文 作者-吳天命/Gô͘ Thian-bēng]
震災中的教示 [ Chín-chai tiong ê kà-sī ]
震災中的教示1935.06 603號 p.30芥菜子第113號(吳天命)4月21號，台灣中部的大地動，彼个慘狀佇遮我毋免閣講起，照新聞紙上看起來，為著這pang 的地動，表出同情來周助震災中的同胞的人真濟，閣再我也確信，猶有真濟周助，事實無表出佇新聞紙上，這款行為是真好。 今佇遮我愛小可考察，對這个地動，事實咱著怎樣，佇遮有神祕，毋是咱人所通知的所在，全然屬佇上帝的事，對這个災難，我確信，雖然我袂會捌，是上帝攝理的經綸的表現，佇遮上帝有濟濟的意義，總是佇震災欲叫醒咱閣省察人生的真意義，真方針，這个意義的確摻佇濟濟意義的中間；對震災，咱一發感覺人生是眠夢，人生是航海，人生是出外，人生是憂苦，佇遮...

[1926-9 芥菜子 文類-散文 作者-陳清義/Tân Chheng-gī]  (1)
莫得驚 [ Bo̍h-tit kiaⁿ ]
莫得驚 啟示錄1章17節。約翰佇Poa̍t-mô͘海嶼，得著主的啟示。有看見主，真驚，就仆佇伊的跤前親像死。主用手摸伊講，莫得驚。約翰佇世間的時，常常倚佇主的身邊，攏無驚，怎樣這擺看見伊的面，就驚到欲死；紲仆佇地裡？因為彼時主的 容貌佮佇世間的時有koh樣。就是伊的本性顯露佮上帝相同。所以約翰看見擋袂牢。總是主有安慰伊，予伊得著安心。咱踮這世間，有濟濟項予咱的心驚惶，咱著徛在。主也欲安慰咱，共講莫得驚。來講3款，排列佇下底。 1、 莫得驚罪過未無去。 咱已經知罪過佇咱的心內，真厲害，親像瘡毒佇人的體中。佳哉上帝有差伊的囝耶穌降世替咱贖罪，咱對信靠伊的日起，就成做無罪的人。...

[1926-9 芥菜子 文類-散文 作者-明有德/Bêng Iú-tek]  (2)
活水 [ oa̍h-chuí ]
活水 有一日佇淡水中學的聖經研究會，阮有teh研究這chām約翰福音傳，第三章五節，到十四節。Ná佮學生斟酌想的時，ná看有照下面所寫的意思佇teh。 一个學生講，佇這chām有淡薄親像孔子的教示佇teh，有別个學生問講，孔子教示若是親像耶穌--怎樣西洋人將耶穌的教示，傳入東洋？這个學生問了，阮saⁿ-kap想這句是tú-tú親像新約的內面所記載彼个撒瑪利亞的婦人人問耶穌一樣。彼時無tú-tú照伊所問來應。拍算耶穌的意思毋是掠教示做要緊，這个不過是teh 幫贊予活命通較發達。 今欲拆明彼个意思予大家聽：－ 「耶穌的朋友離開西洋來到東洋著對中國經過。對按呢到中國一...

[1926-9 芥菜子 文類-散文 作者-陳清忠/Tân Chheng-tiong ]  (3)
受窘逐的人 [ Siū khún-tio̍k ê lâng ]
受窘逐的人 「為著義捌受窘逐的人有福氣，因為天國是in 的。為著我，人才詈罵恁，窘逐恁，譭謗恁萬項的歹，恁就有福氣。著歡喜快樂，因為恁佇天裡的報賞是大；因為恁以前的先知人，人也按呢窘逐in。」天國的承繼者，咱的主有代先舉「心內sòng-hiong 的人。」後來有舉 「為著伊的名受窘逐的人。」這句「為著義......」毋是屬佇世上的義理，抑是法利賽的人所teh講彼款的義，是為著基督的義的意思。 為著義，為著信仰來受窘逐的時，人不得已著去chhē神，心肝就成sòng-hiong，天國就做彼个人的所有，這是當然的事。設使若倒反，為著義，為著信仰來大大受頌讚，閣再得著物質tek報酬；就袂記得...

[1926-9 芥菜子 文類-散文 作者-陳清義/Tân Chheng-gī]  (4)
基督教佮孔子教的研究 [ Ki-tok-kàu kap Khóng-chú kàu ê Gián-kiù ]
基督教佮孔子教的研究 近來濟濟所在teh興起孔教。照in teh誇口講，現今的社會遐爾腐敗，若無孔子的道理來挽回，無法得。佇台北市 teh設法欲起聖廟，不止濟人寄付，氣力連鞭便。閣捌聽見in也捌批評基督教。今我愛將兩教所研究的幾若項來寫佇下底。 1、 論兩教的出產地。 基督教出產佇猶太國。孔子教出產佇中國。國，雖各樣；洲，就是相同。人常常講，基督教是西洋的宗教；其實是代先發展對西洋去nā-tiāⁿ。 2、 論兩教來台的沿革。 基督教來台灣有60外年久，對彼tia̍p到今，相接紲無隔斷。卻照歷史來研究，1626年拄300年前，有荷蘭人來佈教，彼tia̍p是明朝天啟皇帝坐位 6年的...

[1926-9 芥菜子 文類-散文 作者-雪峰逸嵐/Soat-hong Iat-lâm]  (2)
好歹境遇攏有利益 [ Hó-pháiⁿ kéng-gū Lóng ū lī-ek ]
好歹境遇攏有利益 佇美國起頭欲傳道佇食人島的時，是真為難，因為所有去到遐的宣教師，攏無性命通閣倒轉--來，是予遐的青蕃thâi去食；有一个少年人，奮志決心欲傳教佇彼个海嶼，就出力勉強入神學。佇欲卒業神學的一年前，有一日，為著坐電車無拄好，致到兩枝跤攏去予電車kauh-chi̍h--去。可憐這个強壯的青年，一旦變破相無跤的人，伊的親戚朋友替伊真毋甘；總是青年人的心，家己真安慰，佇病床--裡，猶原teh勉強伊的課程，後來傷好，就鬥樹奶跤入學校。到卒業試驗，猶原第一名，親戚朋友真呵咾，也勸伊莫得去食人島傳教，著去別位。總是伊毋聽，講已經佮上帝約束 lah，伊對宣道會討欲去，會--裡的人看著伊的熱...

[1926-9 芥菜子 文類-散文 作者-陳清忠/Tân Chheng-tiong ]  (2)
本身 [ Pún- sin ]
本身 咱袂得通信用本身傷過頭，因為咱較常有欠缺濟濟的美德，閣再無十分知識家己的因端。 咱的知識本身是到極小可，尚且對佇咱的貧惰隨時失落袂記得。 咱常常，猶原毋知咱家己心內的青盲到偌傷重。 咱時常做歹家己來赦免。咱有時對佇感情來振動，也想做是熱心。 咱嫌別人佇小可的事，家己的大事放予伊過去。 咱對別人受著的苦痛隨時感著，也想是傷重；總是予人的艱苦攏放做袂要緊。 咱所做的事業欲照起工閣斟酌來想，但是判斷別人的事業攏袂出--得。 叫做真實的基督徒--的，猶未想別人的代先，是較愛省察家己。 Kut力閣gâu省察本身的人，快快會守恬靜關係佇別人的行為。 若毋是會守沉默佇...

[1926-9 芥菜子 文類-散文 作者-陳清忠/Tân Chheng-tiong ]  (2)
名人的祈禱 [ Bêng-jîn ê kî-tó ]
名人的祈禱 (IV) J.Norden (1548－1625) 善良的爸ah，我逐日求揣你，你逐日顯現佇我；我若求你，無論佇啥物時，我會看著你，－無論佇家內，無論佇野外，佇神殿抑是佇街路是按呢。我無論欲做啥物，你佮我saⁿ-kap佇teh；無論佇lim食的時，giâ筆抑是做工的時，騎馬抑是讀冊的時，默想抑是祈禱的時，你不時佮我saⁿ-kap佇teh，我無論佇啥物所在，做啥物事，我時常感著你的恩愛。我若受壓迫的時，你替我持防；人若怨恨我，你保護我；我若腹肚枵，你養飼我；我所祈願的，無論啥物，你賞賜我。Ah，求你永遠賞賜這个恩愛予我，通予通世間的人來知識你所保護我的氣力，你的恩...

[1926-10 芥菜子 文類-散文 作者-陳清義/Tân Chheng-gī]  (2)
研究耶穌的祈禱會捌耶穌是上帝 [ Gián-kiù Iâ-so͘ ê kî-tó oē bat Iâ-so͘ sī Siōng-tè ]
研究耶穌的祈禱會捌耶穌是上帝。 論世間人捌耶穌，無攏siāng款：-有的捌伊是人；有的捌伊是神；有的捌伊毋是人也毋是神，是摩西的模型。 捌伊是人毋是神的，是明明講伊是約翰的囝nā-tiāⁿ，毋是上帝的獨生囝。這个是研究無真，佮對無著方面來看，所以講按呢。譬喻人愛研究觀音山，若對坪頂彼方面來看，穩當是講kē-kē無秀氣；若對淡水彼方面來看，穩當會講真?，真懸真好看。人看耶穌猶原是按呢；若kan-ta看耶穌對馬利亞來生，猶原著穿衫，著食奶，猶原漸漸大漢，猶原有做工有lim食，無愛研究別款，自然看伊時人。 若對祈禱彼方面來研究，毋但看伊是人nā-tiāⁿ，著信伊是上帝。論耶穌的祈禱，敢毋是佮...

[1926-10 芥菜子 文類-散文 作者-蕭樂善/Siau Lo̍k-siān]  (3)
著怎樣 [ Tio̍h cháiⁿ-iún ]
著怎樣？ 「以法連親像燒餅無péng」；Hose 7：8。 基督徒的生活有兩面：表面生活佮內面的生活。前的就是守禮拜赴集會，後的，就是家己生活的款式，個人抑是家庭的生活。這兩項攏是要緊，毋通一爿發達到傷過頭，也一面攏無發達。著平平進步；若無就是親像人teh燒餅無péng。燒餅若無péng： (1)、一爿無熟：以法連看是可取，毋kú上帝不止受氣in：因為in小部分的順趁排佇門口，也違逆，反抗滿滿佇in 的厝後。濟濟人信主久久；但是佇成聖生活iáu-kú青青。啥物因端按呢？因為無實在得著上帝的恩典。這个恩典就是力。你若果然得著恩典，就會感著大的氣力teh幫贊你。對按呢你的所想所講，所行大大...

[1926-10 芥菜子 文類-散文 作者-蔡安定/Chhoà An-tēng]  (1)
聖冊 [ Sèng-chheh ]
聖冊。 I、詩人佮聖冊。 佇世間無有一本冊比聖冊較奇怪，kan-ta對文藝彼爿共伊看起來，也無半本佮伊會比對得。這是歐美的文學者佮詩人所證明--的。詩人コリンス到老的時有放sak一般的研究，逐擺攏是kan-ta 帶一本新約出外旅行。 II、文士佮聖冊。 早時佇法國一个反對基督教的讀冊人，佇伊的桌屜仔內揣著幾若張毋捌冊名佮彼个著者的斷片。伊本身 tú-tú是親像別的反對者攏是攻擊聖經，所以家己也攏毋捌讀。伊所揣出的紙片所印的就是Khap-pa-kok 的祈禱。 III、食人島的人佮聖冊。 早前是人所驚畏的食人種族，現時有得著基督教的感化，所以in 的性質攏變換了了，做一个成做溫和，...