[1928-6 台灣教會報 文類-散文 作者-許水露/Khó͘ Chuí-lō͘]
耶穌怎樣受洗禮 [ Iâ-so͘ cháiⁿ-iūⁿ siū Sé-lé ]
耶穌怎樣受洗禮 許水露 1928.06.01 519卷p.5-6 佇約旦河邊有一個先知人徛teh大聲喝喊講，「著反悔ah！天國近lah！！著受洗禮ah！！！」這个聲一下出，聽見到遠遠的加利利的地方；致到真濟，人來受洗禮。 中間有一人聽見這个聲，比眾人較有意思來受洗禮的，就是咱的主拿撒勒人耶穌，伊佇久久的中間就曉悟佇舊約聖經所記teh指伊的使命。Bû-kò͘是請暗靜teh等候時到。Taⁿ時到lah。耶穌著出頭。伊就離開伊30年久所蹛的家，放拺老母，兄弟，姊妹，親人，朋友，佮木工，來就近行洗禮約翰。 有一日佇約翰的面前有一個血氣風光的青年；年歲倚30，伊的心神，肉體，比別人較發達。...

[1928-6 台灣教會報/芥菜子 文類-散文 作者-陳清義/Tân Chheng-gī]
讀冊桌 [ Tha̍k-chheh toh ]
讀冊桌 陳清義 1928.06.01 519卷(芥菜子第28號) p.14-15 教會存在的 要素 凡若有思想的，無毋了解教會的真意義。教會毋是禮拜堂。教會就是對眾信徒集合來組織的團體，可見信徒就是教會，教會的信仰心冷熱來移轉。總講，教會的存在，除起心以外，無別款的氣力。這个信心就是靈界生活的表象。信心就是教會用啥物法度來測量，試用幾若款，排列佇下底： 1. 致意祈禱。不論啥物教派中的信者，抑是求道者，著致意祈禱；不但佇公眾的所在祈禱，佇家己的厝內，睏房的中間，若會家己佮上帝交通，就基督已經佇伊的中間；亦教會也建設佇伊的內面。若毋是按呢，雖罔有會友的名，無會友的名，無會...

[1928-6 台灣教會報/芥菜子 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu sú ]
台灣基督教史 (續接前號) 吳昌盛 1928.06.01 519卷(芥菜子第28號) p.11-12 第一章：佇台灣頭一擺的基督教。 第1節：荷蘭人的領台。 Taⁿ咱暫時來看西洋的大勢。佇十三世紀的中站有發明指南針，毋但按呢對學術的進步會通證明地球是圓--ê。對按呢應用這个指南針行船的人敢好膽駛出去外洋。所以行船術加不止進步。 佇1486年Bartholomew Dias有發見駛對亞非利加的南端去印度的船路。閣佇1492年Christopher Columbus有發見A-bí-lī-ka新大陸。閣對1519年到1522年Magellan有發見對太西洋出去太平洋的船路，毋...

[1928-6 台灣教會報/芥菜子 文類-散文 作者-陳清忠/Tân Chheng-tiong ]
兒童中心的基督教 [ Jî-tông Tiong-sim ê Ki-tok-kàu ]
兒童中心的基督教 陳清忠 1928.06.01 519卷(芥菜子第28號) p.15-16 第7章 (接前月第20面) 年年出世來世間。四百萬的囡仔欲怎樣？ 逐年佇這个世間有四百萬的囡仔出世，這个事實，真面目來想的人毋知有幾个？閣再chiah 的四百萬的囡仔，對佇爸母的不注意，以及社會不是的因端，致到貴重的身體來歸佇烏有，這款可憐的事，毋知有幾个teh想，這是社會的大問題？ 今仔日的社會，無管佇這世間欲有幾个囡仔來出世，閣in 的運命欲怎樣，深慮這款的事的人是真少。佇這个社會中無有比囡仔較軟弱--ê；無有比囡仔較著受幫贊--ê；閣再無有比囡仔較有將來--ê。實在囡仔...

[1928-6 台灣教會報 文類-散文 作者-周天來/Chiu Thian-lâi]
最善的知己 [ Choè-siān ê Ti-kí ]
最善的知己 周天來 1928.06.01 519卷p.9-10 得著知己的 朋友較贏親兄弟(箴言18：24)。 人為著朋友獻性命，疼無有比這?較大--ê (約翰15：13)。 捌有一擺佇蘇格蘭的所在，拄tn̄g歇熱的時，有一學生轉去伊的本所在歇睏。有一日彼个學生出去海邊行遊，手裡有the̍h一本冊，坐佇草山埔頂teh讀。忽然有看見一个人落去海裡洗身軀。拄tn̄g伊踮佇較危險的所在teh洗，彼个學生有共伊注意著緊閃避；若是彼个人無欲聽，做伊猶原佇遐teh洗。學生teh讀冊，頭殼ná kia̍h起來看，停tiap-á久拄好伊àⁿ落看冊有hiah久的時，閣kia̍h頭來看，已經無看見...

[1928-6 台灣教會報/芥菜子 文類-散文 作者-陳能通/Tân Lêng-thong]
對禁食到死的研究 [ Tuì Kìm-chia̍h kàu Sí ê gián-kiù ]
對禁食到死的研究 陳能通 1928.06.01 519卷(芥菜子第28號) p.17-19 [這篇是日本Ko-pí-liông醫學博士所研究的論文。我讀了不止有趣味，所以對彼內中揀通俗tek較快了解的譯術佇遮；向望會做列位的參考]。 「性命是在佇食」，這句是對古早以來人常常teh liū 的話。因為若無食，無久袂免得著死；這是明明的事實。總是到底人若無食會活teh幾日久leh？論動物方面的試驗卻相當有不止濟；總是關係人這方面，用學術的來議論--ê，猶罕得聽見。 無食會活的期間照動物的種類攏無相同。Lam-á內的細隻鳥彼款，若一兩日袂記得共伊飼就死；田蛙仔，龜佮蛇彼等號，若到冬...

[1928-7 台灣教會報 文類-散文 作者--/-]
耶路撒冷的大會 [ Iâ-lō͘-sat-léng ê Tāi-hoē ]
耶路撒冷的大會 1928.07.01 520卷p.1-2 佇主降生後倚50年，有一個大會聚集佇耶路撒冷。彼時信徒嶄然較濟是猶太人。所參詳是異邦人規主的事。佇1928年有閣一个大會佇主耶穌的名聚集佇遐，信徒就差不多逐國逐族的人。 總是這个會毋是教會召集--ê。是萬國宣道會協進會召集--ê。啥事按呢？因為這陣教會有分真濟教派。iáu-kú教會是一个，主是一个。 會場是Ka-ná山，離耶路撒冷倚兩里路。時間：3月24號到4月8號。為著這个會，有心者已經有準備真久。聚集了佇頭一禮拜才用所代先備辦的論來宣kò͘佇議員的面前，後來就分隊討論。第二禮拜將所同心決定--ê來回覆。 赴會者：...

[1928-7 台灣教會報/芥菜子 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu Sú ]
台灣基督教史 吳昌盛 （續接前號） 1928.07.01 520卷 (芥菜子第29號) p.11-13 佇1622年，荷蘭的將軍Kai-che-lu-lin chhoā 17隻的戰船來澎湖對Ang-bo̍k-têng上陸。彼時有真濟的中國討海人來踮佇遮。予荷蘭人搶去的討魚船有六百外隻；毋但按呢將中國人揪去做築城的苦力。受著in 的虐待不止大，致到城起袂好的代先就死kah欲了去。 Taⁿ將Ba̍k-sì所寫的抄錄淡薄，「因為欲起城座有掠中國人1500人。強制叫in著做工。工事袂落成的以前就已經餓死1300人。因為一日才半斤米予 in食nā-tiāⁿ。」 閣Lu-lo-u...

[1928-6 台灣教會報 文類-散文 作者--/-]
思想 [ Su-siúⁿ ]
思想 宋Ú清潔 1928.06.01 519卷p.1-3 我會通專工四界去佇咱台灣教會中，taⁿ已經年半較加。愛將所感覺著幾若項記做參考。 論聖經。因為咱台灣教會歡喜用羅馬字，所以會曉讀聖經的會友抑是聽道者的 額數穩當較贏濟濟用漢文的教會--ê。總是毋知咱的教會有保惜聖經無？有用伊做路燈無？有應用無？照看濟濟少年人屬佇第二，第三，第四代的信徒猶真生。聖經所記的人in毋捌，遐的教示無啥物捌，袂曉研究。較罕得拄著人teh將聖經的問題來討論，是那準無teh想無teh欣慕。閣一項，我kiàn出外有帶濟濟冊予會友通看抑是買，其中有研究聖經的冊，總是這款少人愛。 主日學taⁿ設較久，讀聖經...

[1928-7 台灣教會報 文類-散文 作者-林燕臣/Lîm Iàn-sîn]
感想 [ Kám-sióng ]
感想 林燕臣 1928.07.01 520卷p.4-5 我的拄著患難，是做我的利益(詩篇119：71)。 論人會知天頂的主的旨意，實在無hiah快。東方朔捌講，「用竹管teh看天；用鱟殼 teh khat海水。」這是比並人的見識極小可；人teh測度上帝的心也是按呢。除起古早先知以外，的確無人會知上帝的心。所以為著按呢，若拄著富貴平安無境遇就恬恬無話，不過干焦歡喜唯是。若拄著破病，了錢，死失等等的歹境遇對按呢就怨身chheh命，指天指地，搥胸大哭，講我攏無做毋著，啥事予我拄著chiah大的艱苦，就煩惱那深，那大失志。雖然有親戚朋友來苦勸安慰伊，總是伊毋受安慰，那久那絕望，到路尾有的...

[1928-7 台灣教會報 文類-散文 作者-顏春安/Gân Chhun-an]
人生kap科學 [ Jîn-seng kap Kho-ha̍k ]
人生kap科學1928.07 520卷 p.5-6(顏春安)人出世tī 世間空空來。一生著愛佮自然ê世界抵抗，才有thang飽，才有thang安樂。前是倚靠家己ê氣力來扑獵、來耕田。今 m̄ 免。今仔日，人有一個盡忠bē厭siān ê奴才，thang替伊著磨。譬喻人beh過海著坐船。舊底著用人ê力來划船。後來就用風ê力來使船。今有用機器ê火船，che是用機器來替人力。人若利用科學ê智識，就逐項食穿佮用有thang充足。A食、人若無食就bē活，che是近來第一要緊ê問題。親像日本，每年加添成百萬人，所以姑不chiong著移民去南美抑是滿蒙討趁。世間ê土地有限，人數日日加添，生活自然困難。總--是...

[1928-7 台灣教會報 文類-散文 作者-周天來/Chiu Thian-lâi]
最善的知己 [ Choè-siān ê Ti-kí ]
最善的知己 周天來 (接6月第10面) 1928.07.01 520卷p.6-8 世間所teh講好的朋友，毋是無；總是毋達著猶有一個上好的朋友：彼个就是咱的主耶穌。世間無閣有一個通比耶穌做咱的朋友較好的人。無論偌親的親戚，抑是偌親的兄弟，也是袂比--得，「Lām-sám佮眾人交陪，的確致到損害；得著知己的朋友較贏兄弟」(箴言18：24)。啥物人為著咱放拺性命，來贖回咱的罪，得著成聖予咱永遠袂死，來承接上帝永遠袂死，來承接上帝榮光的國？「人為著朋友獻性命，疼無有比這个較大的」(約翰15：13)。耶穌臨到世間是欲救有罪的人，就是罪人的朋友；無論啥物大歹的人耶穌攏欲救伊。「因為人子到，是欲揣...

[1928-7 台灣教會報/芥菜子 文類-散文 作者-偕叡廉/Kai Jōe-liâm]
東西南北 [ Tang Sai Lâm Pak ]
東西南北 偕叡廉 1928.07.01 520卷(芥菜子第29號) p.16-17 1. 基督教佇印度國teh進步比佇內地抑是Chi-ná iáu-kú有較緊。 2. 佇這50年的中間印度國的基督信徒有加添三百萬人。佇內地有加添二十五萬，佇Chi-ná有加添五十萬。 3. 佇美國庄裡的所在有十萬間禮拜堂，牧師有四萬个，通知一个牧師有兼幾若間拜堂。 4. 今年佇印度有掠著一尾大蛇長二丈七，也有掠著一尾飯匙chhèng長十三尺。 5. 腓力牧師做工濟濟年久佇印度。舊年伊有共1059人行洗禮。 6. 前pang佇新加坡有開傳教師的...

[1928-7 台灣教會報/芥菜子 文類-散文 作者-蕭樂善/Siau Lo̍k-siān]
禮拜的感想 [ Lé-pài ê Kám-sióng ]
禮拜的感想 蕭樂善 1928.07.01 520卷(芥菜子第29號) p.19-20 做禮拜，有所在進步，頭到尾真莊嚴，親像天頂的集會；總是有所在較凊彩，無啥物敬虔，無啥物同心的款，致到失落伊的本色。這是真要緊的問題。現時佇德國的教會不止掛慮做禮拜的事，看按怎通換新，抑是較深沈，較豐富。佇咱本島的教會袂免得有像款的掛慮。 佇教會中常看見較愛外皮的事，致到有人講，咱新教若來chham淡薄舊教的禮式較好；總是這不止有通想。咱若加添外皮的事，毋但驚了袂進步，驚了會退步。Rudolf Otto講，「若凊彩掛慮愛予禮拜較心適，會予有實在宗教的要求的人失志。」咱新教的禮拜是較oh，比對重外皮...

[1928-8 台灣教會報/芥菜子 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu Sú ]
台灣基督教史 吳昌盛 1928.08.01 521卷(芥菜子第30號) p.11-13 吳昌盛先生佇6月28號受主揀召。台灣教會有大損失一位有為的人物。阮大大共伊傷心。伊對佇阮的報紙不止出力。阮愛共伊感謝，紲寫幾字來表阮的弔意。 編輯部。 (續接前號) 第二章：－ 第2節：荷蘭人的佈教。 A. 宣教師簡單的異動。佇1624年，荷蘭來佔台灣，in本國的當局者就連鞭有希望欲派傳道師來指導踮佇台灣的荷蘭人。這个希望後來有實現派兩個來，頭一個就是Michel Theodori，第二個就是Lawrengoon。頭一個來台灣無偌久就連鞭閣叫倒去Ba-ta-bia。第二--...

[1928-8 台灣教會報 文類-散文 作者-許水露/Khó͘ Chuí-lō͘]
受試的耶穌 [ Siū-chhi ê Iâ-so͘ ]
受試的耶穌 許水露 1928.08.01 521卷p.5-6 耶穌的人格佇世間無人會通佮伊比得。咱若看歷史就會知有真濟的偉人；總是無一个有親像耶穌彼款理想的圓滿的人格。愈大的偉人就有愈大的缺點。除耶穌以外，無一个有親像伊，也有人的性，閣也有上帝的性--ê。伊雖然有強烈的個人tek 的性格佇teh，iáu-kú伊的跤毋捌一擺著觸，言行舉止毋捌違逆天理佮人道。伊雖然有遐爾teh偉大的人物，iáu-kú無一个會親像伊遐爾teh gâu厚待人。伊講，「人子到，毋是欲差用人，是欲予人差用。」不論啥物偉人的偉大，耶穌都比in較偉大。別的偉大是屬動；若是耶穌的偉大是屬靜。In 的偉大是支配人的偉...

[1928-8 台灣教會報 文類-散文 作者--/-]
劉中堅牧師佇猶太國 [ Lâu Tiong-kian Bo̍k-su tī Iû-thài kok ]
劉中堅牧師佇猶太國1928.08 621卷 p.6-7阮toà tī埃及開羅(cairo) ê所在5日久。有peh tī大金字塔ê尾溜，實在艱苦peh，總--是光景看真遠。也有去tī博物館看這今年開著ê法老墓ê寶物真希罕；hit個金類算bē了。Tī 3月16號坐暗車去東北，到天光就到tī迦撒 （就是早菲利士人ê城），也頂晡10點鐘上耶路撒冷。因為現時有自動車，就旅行較利便。頭一日阮有看回回教ê大禮拜寺（Mosque of Omar）就是tī往過聖殿ê地。也有去tī猶太人哀哭所，in猶原teh哭本國所失落ê榮光，聽了實在可憐。耶路撒冷比海面懸2000尺，阮tuì hia去tī死海，比海面低140...

[1928-8 台灣教會報/芥菜子 文類-散文 作者-陳溪圳/Tân Khe-chùn]
Thái-ko 的得著清氣 [ Thái-ko ê tit-tio̍h chheng-khì ]
「Thái-ko 的得著清氣」 陳溪圳 1928.08.01 521卷(芥菜子第30號) p.17 馬偕病院治療平常的患者以外，每拜六兩日，另外有teh治療thái-ko 的患者，已經幾若年久。戴博士佮同勞者有體基督的心，特別用疼情，友情，用熱心佮小心teh共in治療，所以成績真好，患者那加添，現時每禮拜有百外人來就伊。閣再呂阿家傳道師亦真歡喜做in 的朋友，慇勤佮in研究基督的福音，紲教in白話字。對今年頭戴博士佮呂傳道有設法每禮拜日佮熱心欣慕主的 thái-ko患者七八--个聚集守禮拜；對in 的同情佮疼痛，予人所厭賤thái-ko 的兄弟揣著逃閃得著安心佮活動。紲chho...

[1928-8 台灣教會報/芥菜子 文類-散文 作者-蕭安居/Siau An-ku]
東西南北 [ Tang Sai Lâm Pak ]
東西南北 蕭安居 1928.08.01 521卷(芥菜子第30號) p.17-18 我佮明牧師佇7月1日有起身去後山聚集傳教師修養會佮試驗。彼下晡6點10 分到蘇澳，買船單欲搭郵便船去上大船的時，風湧不止透閣落大雨，我的雨傘有jia四个人；上船的時我佮蕭春(神學生)尻脊攏澹。彼暗10點外開船，隔日5點外到花蓮港，佇遐海面真平，真好上山。李傳道徛佇海墘等阮，chhoā阮到拜堂。無偌久就起身去平林；因為聽見對文山近新店有兩家會友徙來佇遐，所以去探in，大家相見面真歡喜，予in好款待。後來就閣坐車去鳳林，蘇A-kun傳道師有chhoā阮去拜堂，有幾若个熟似的會友來相見面。張Chhit-l...

[1928-8 台灣教會報 文類-散文 作者-周天來/Chiu Thian-lâi]
永活的餅佮水 [ Eńg-oa̍h ê Piáⁿ kap Chuí ]
永活的餅佮水 周天來 1928.08.01 521卷p.9-10 我就是活命的餅(翰 6：35) 上帝是活命的源頭。天頂，地下萬項物，世間逐等號的活物攏是對上帝創造；攏是靠上帝來得著活。慈悲疼痛的天父賞賜逐項夠額，無所欠缺。所以毋免掛慮，欲食啥物？欲啉啥物？欲穿啥物？「獨獨代先求伊的國佮伊的義，就chiah 的物攏欲紲予恁」(馬太6：33)。「我本少年，taⁿ老，總是我袂捌看義人予上帝放拺，抑是伊的囝孫做乞食」(詩篇37：25)。 所以為著永活的米糧來著磨是閣較要緊；因為這个就是上帝的工。信上帝所差--ê，這个就是上帝的工。「永活的餅，就是彼个對天落來，也用活命賞賜世間--ê。...