[1937-9 台灣教會公報 文類-散文 作者--/-]
基督閣活 [ Ki-tok koh-oa̍h ]
基督閣活 1937年9月630期 9-12 (1937年7月中傳教師修養會，偕睿廉先生所講演--的) 基督閣活佇歷史中是一个重大的事，是大的神蹟，也是在早使徒的氣力。In受著窘逐，關監，也是好膽干證，「用耶穌基督對死人中閣活，捌重再生咱，來得著活的向望」。 保羅講，(1哥林多15：3─8)，「因為我所來傳予恁的，第一，就是基督為著咱的罪死，照聖經所記載；閣有埋葬；第三日閣活，也照聖經所記載；有出現予磯法看見；閣出現予十二使徒看見；閣一擺出現予五百外的兄弟同時看見；其中大半猶佇咧，若是有的已經睏去。閣一擺出現予雅各看見；又閣一擺出現予攏總的使徒看見；上路尾也出現予我看見。」伊...

[1937-9 台灣教會公報 文類-散文 作者-吳天命/Gô͘ Thian-bēng]
聽植村環牧師 [ Thiaⁿ Si̍t-chhoan Khoân Bo̍k-su ]
聽植村環牧師 吳天命 1937年9月630期 28-30 台南長老教女學的校長植村環女士，伊也做東京Pek-bo̍k教會的牧師。真gâu照顧指導佇東京留學的本島人。家己的教會以外，有真濟要緊的工佇東京，猶過歡喜犧牲真濟，來台南幫贊教會的教育，以及其他也有活動利益佇台灣的教會。這pang學校歇熱，伊有倒去東京，福音新報的記者就去探伊，問伊3項事：(1)東京嘛有朝鮮人，支那人咧留學，為甚麼因端你特別出力咧指導台灣人？(2)聯合婦人會(植川環牧師做會長)。對台灣人的傳道有甚物計畫？(3)佇本島人教會，最近有甚物通予人注目的事？植川牧師對這3問的應答有記佇2162號。昭和12年8...

[1937-9 台灣教會公報 文類-散文 作者-雪峰逸嵐/Soat-hong Iat-lâm]
雜錄 [ Cha̍p-lio̍k ]
雜錄 閣寫感想 雪峰逸嵐 1937年9月630期 14-15 1. 有一日看著一隻真肥閣大隻的蜘蛛，佇一支柱佮壁的中間咧經營伊的事業，經一个網真勇真大的，我逐日共伊看，用手共伊揪看覓，伊的絲真韌僫斷。我替彼隻蜘蛛想，穩當欲真濟胡蠅，蠓仔來牢佇遐做伊的食物，因為伊常常佇網的中央咧聽候。有一暝落大雨，隔天光緊閣看，肥閣大隻蜘蛛已經無啦，量必是死啦，因為蜘蛛驚澹，網猶好好，三隻胡蠅牢佇網裡，我巡幾若擺，攏無看著蜘蛛來食胡蠅。忽然間我的心一時真艱苦，就倒佇眠床來想：(1) 蜘蛛遐肥，遐大隻，thài會為著一陣雨就死，來放拺伊的事業？(2)伊所經營的大網，伊才蹛一日niā-ti...

[1937-9 台灣教會公報 文類-散文 作者-明有德/Bêng Iú-tek]
三年運動特記 [ Saⁿ nî ūn-tōng te̍k-kì ]
三年運動特記 明有德 1937年9月630期 25-27 I. 聖經的要領。 1. 平信徒傳道者的武器。逐項著有四配，有平均才有媠，有力。咱的信仰亦是按呢。咱到taⁿ經驗信仰的無力，無毋是因為咱的信仰無平均。咱敧佇道德，也有的敧佇神跡，閣有的干焦咧向望死後的榮光，也其餘的是真要緊--的，也無咧出力，毋知通出力。為著愛幫贊咱對聖經來得著有平均的智識，通做咱基督徒生活的基礎來備辦--的。(三運叢書第二卷 「聖經之要領」頒價。20 テ. 03振替台灣六八O四 蕭樂善)。 2. 閣備辦冊也是時代的要求。屬佇這款性質的冊，通講是傳教者所咧用--的。到佇今仔日，咱有感覺...

[1937-9 台灣教會公報 文類-散文 作者-郭和烈/Keh Hô-lia̍t]
信仰 [ Sìn-gióng ]
信仰 郭和烈 1937年9月630期 24-25 論信仰的事，佇遮我袂通講真濟，干焦愛將下面所記3項佮咱相佮想就好。 I. 基督教信仰有偌濟个？「一人一款信仰，平平攏著」。按呢通mah？斷斷毋通，若按呢，教會本身無有信仰的爭戰，也教會無久會世俗化。初代教會內雖然有不信仰佮異端說，猶過主所賞賜伊的百姓的信仰咧活動，咧清氣伊的教會。雖然有學問，也是雄辯家，也做A-le̍k-sántek教會的長老的Arius主張耶穌是上帝所創造的一个人(被造者)，也干焦對努力佮修養，才成做上帝的囝，親像上帝。猶過有A-le̍k-sántek教會的監督亞力山大徛佇傳統主義的立場大反對Ari...

[1937-9 台灣教會公報 文類-散文 作者-蔡受恩/Chhoà Siū-un]
爸啊！你愛我做甚物？ [ Pē ah! Lí ài goá choè sím-mi̍h? ]
爸啊！你愛我做甚物？ 蔡受恩 1937年9月630期 22-24 爸啊！你的尊名會通予我叫，毋是阮會堪得，是你救阮脫離魔鬼，來做你所認的囝。爸啊！感謝你。因為你一切的恩惠對主耶穌基督來顯明。你做阮受揀的人的慈愛的爸，通佮你交陪，通知世上是出外的所在，常常準備積聚財寶佇天裡。 日日向望永遠會佮主徛起的快樂。總是真可惜，做基督徒有時驚了毋知家己所蹛的地步，佮所受的福氣。也毋知爸上帝所愛咱著做的是甚物？著行到甚物地步佮應當著背的責任。為著按呢，聖神不時替咱吐氣擔憂，致到予爸上帝憂悶。 咱佇遮無愛做一个有名無實的信徒。咱代先著知上帝愛咱做一个甚物款的人，也著聽上帝的旨意佮應當著做...

[1937-9 台灣教會公報 文類-散文 作者-蕭樂善/Siau Lo̍k-siān]
徹底十字架的精神的生活 [ Thiat-té Si̍p-jī-kè ê cheng-sîn ê Seng-oa̍h ]
徹底十字架的精神的生活 蕭樂善 1937年9月630期 22 教會不時講起十字架，差不多毋捌一禮拜無聽見十字架三字。這是著。總是咱是干焦用做基督教的記號nā-tiāⁿ，按呢是空空。咱真勇敢提起十字架；總是咱較無好膽將十字架提來囥佇咱的生活。咱有一个真出名的缺點，就是好膽喝進，大聲傳主的十字架；總是攏無看見伊有十字架的精神的生活。抑是若聽見犧牲，奉獻，著放拺家己，用清氣的心綴主就看見咧勼，那勼。若無干涉我的生活，我就好膽傳十字架；總是若干涉著伊的生活差不多紲走。這怎樣會通叫做屬十字架的人？常常看見第一出力，第一大聲傳主的話，第一違反聖經的教示，佮聖經的精神差真遠。對歷...

[1937-10 台灣教會公報 文類-散文 作者--/-]
主日學的使命 [ Chú-ji̍t-o̍h ê Sù-bēng ]
主日學的使命 1937年10月631期 1-3 今年10月17日的聖日，就是世界主日學的紀念日。現在佇南部有96間的主日學，8252名的學生，1085名的先生。請列位教會的當局者佮教師(主日學的先生)，閣一擺斟酌來檢討，到底主日學的使命是甚物？近來各中會的教育部真致意咧研究白話字的教授法，也有編輯教科書。這卻是好。總是無論怎樣備辦，都無有完全--的。又閣若傷極端鼓吹，驚了有時會失落主日學真的目的。教授白話字是小可問題nā-tiāⁿ。不過是一个橋而已；因為是愛in趕緊會讀聖經。佇現在的時局，著細膩考慮。 主日學的教育，毋是干焦宗教教育nā-tiāⁿ。宗教教育，不過是咧涵養宗...

[1937-10 台灣教會公報 文類-散文 作者-明有德/Bêng Iú-tek]
赴東京台灣學生的禮拜 [ Hù Tang-kiaⁿ Tâi-oân ha̍k-seng ê lé-pài ]
赴東京台灣學生的禮拜 明有德 1937年10月631期 30-31 九月12日，佇東京角筈日基教會，下晡2點。台灣學生有聚集做禮拜。拜堂無甲偌大間，會坐百外人。彼日規間滇滇。早起遐的教會有in家己的禮拜，下晡台灣學生有借遐做禮拜的路用。 九月12日，是秋天第2學期的頭一回。下晡2點，我有去揣彼个所在，人報我彼个所在，咧欲到遐的時，有看見對彼爿兩人，對這爿3人áⁿ冊來，看了，想in是親像台灣的學生。看了，咧臆彼間敢是我所咧揣的拜堂。佇拜堂的外面，彼个地是不止闊，佇遐的大叢樹跤有濟濟个佇遐咧徛，有的咧坐。看in的態度，會知in毋是欲來thit迌，是欲來交陪上帝做禮拜。 看見...

[1937-10 台灣教會公報 文類-散文 作者-蕭樂善/Siau Lo̍k-siān]
三年運動特記 [ Saⁿ nî ūn-tōng te̍k-kì ]
三年運動特記 蕭樂善 1937年10月631期 27 1. 時代的勞碌。教會欲有健全的發達，的確著對讀，對研究。總是今仔日的教會員不止欠缺研究心。熱心是愛省工，省費氣，省想的熱心，這款的熱心的確袂徹底，也袂進步。對奮興的熱心，到今仔日啥款？已經冷淡，也有的咧冷淡，這毋是冷，是發展無路的熱心。人若有研究心，愛進步的心，不時有熱心；也伊熱心會進步，會較實在。咱干焦熱心佈道，也無熱心佇研究聖經，這是奇怪的熱心。 今仔日咱第一合時代的勞碌，就是靜靜搜揣聖經。檢采咱一時袂通有大的研究心，猶過也著那鍛鍊，逐个有讀佮想的力，予咱的時代緊入佇新的時代，一層的進步。 2. (...

[1937-10 台灣教會公報 文類-散文 作者-蘇育才/So͘ Io̍k-châi]
蘇育才的感謝 [ So͘ Io̍k-châi ê Kám-siā ]
蘇育才的感謝 1937年10月631期 4-6 因為我的囝蘇Chín-hui，染著重的病，予醫生3擺宣言講絕望。Taⁿ佇9月11日，得著平安退院，這是九死一生，袂禁得著感謝。 1. 感謝天爸的憐憫拯救。 2. 感謝濟濟教會的祈禱團，以及偌濟佮我同做工的朋友，佮南北濟濟疼痛我的兄弟姊妹，熱烈替祈禱的前，毋敢袂記得。我拄約幾若位教會欲去問道理晚餐，佮高中幾若項工著做；忽然佇6月12發熱，僥疑チブス，愛我轉來參詳。孤不將佇15早起，對屏東來彰化，siāng日下晡4點外鐘，我就提伊的血去台中託州的衛生課檢查，18日早起，接衛生課電話，講是真性的チブス；同日12點，就入台中...

[1937-10 台灣教會公報 文類-散文 作者-雪峰逸嵐/Soat-hong Iat-lâm]
路得記的研究 [ Lō͘-tek-kì ê Gián-kiù ]
路得記的研究 雪峰逸嵐 (接9月第5面) 1937年10月631期 8-10 5. 得著屬靈的疼痛 14節：食的時，波阿斯共伊講，你來遮食餅......食飽猶有賰，閣起來去抾麥屑。」路得毋但得著聖神的引chhoā，閣得著聖神的疼痛，毋但有自由的權通抾麥穗，也有通食，食到有賰，食飽又通閣抾。咱佇主的園內永無欠缺，毋但nā有活命水通止喙焦，也有活命餅通滿足到飽閣有賰。上帝無限量的疼痛，實在咱是袂堪得享受，總是咱會得無條件來享受這款的恩惠，就是因為上帝疼咱，所以咱著好膽進前來享受，親像路得無推辭，食到飽閣有賰。食飽了閣做工，那做工，就是家己那得著，因為上帝的恩賜，任提是袂...

[1937-10 台灣教會公報 文類-散文 作者-許水露/Khó͘ Chuí-lō͘]
六十六卷的聖冊 [ La̍k-cha̍p-la̍k koàn ê Sèng-chheh ]
六十六卷的聖冊 許水露 (接9月第9面) 1937年10月631期 10-13 第10講：撒母耳上卷 撒母耳上卷；就是六十六卷的聖冊的第9卷。當士師時代的末年，通講以色列是最黑暗的時代。因為若看下面所記彼幾項，就會徹底te̍k知：─ 1)天災地變(路得1：1)。 2)政治混亂(士師17：6，18：1，19：1，21：25)。 3)宗教退化(士師17：1-13，18：14-31)。 4)社會腐敗(士師19：1-13)。 在這款最第一烏暗時代的了後，上帝閣再看顧伊的百姓，施落伊的仁愛，竉倖一位盡忠偉大的差用撒母耳。(伊是最後的士師，也是最...

[1937-10 台灣教會公報 文類-散文 作者-蕭樂善/Siau Lo̍k-siān]
甚物款的疼 [ Sím-mi̍h khoán ê Thiàⁿ ]
甚物款的疼 蕭樂善 1937年10月631期 28-29 基督徒著有甚物款的疼？有人想上帝是疼，咱也著萬事用疼來解決。「凡事著佇仁愛來行」。攻擊不義、歹的計謀是無疼，無予人歡喜是無疼。遮的話，常常咧聽。 疼痛是咱的宗教的中心，是永遠的真理。信徒逐个知疼痛的要緊；總是世間人的疼佮耶穌的疼毋是siāng款。對動物到佇人，攏有疼的天性。世間第一歹的人，也疼遐的疼伊的人。 保羅雖罔講，「凡事著佇仁愛來行」，這毋是主張一般的人所咧實行的疼。基督徒若干焦踮佇這款的疼，是無價值。保羅一面獎勵用疼來行；總是一面主張著有敬畏上帝，有整頓的精神，有智識。著真實，「凡事忠信」，無求家己...

[1937-10 台灣教會公報 文類-散文 作者-蔡受恩/Chhoà Siū-un]
改革主義的信仰 [ Kái-kek chú-gī ê sìn-gióng ]
改革主義的信仰 蔡受恩 1937年10月631期 24-25 台灣長老教會的信仰，是徛佇正統tek福音主義的信仰；總是現實驚了無有四正的內容。佇等號郭和烈先生所論「信仰」，也有講起現在一般咧信仰的內容真有差謬。實在今日教會的信仰真有通反省的所在。信仰若無端正，就到會親像起佇沙土；彼个信仰者也毋是上帝--的，也彼个教會是屬人--的。這攏是對佇家己中心的都合主義，獨善主義的結果。 這款的教會，欲thài會發展。佇遮愛反省。若是按呢咱的信仰對甚物定準來檢討？只有著倒轉佇聖冊來仰望基督，才會定準咱的信仰是端正。 Chī-chuī第一有忠實佇聖冊的信仰？使徒時代以後的St. ...

[1937-10 台灣教會公報 文類-散文 作者-吳清鎰/Gô͘ Chheng-ek]
樂山院 [ Lo̍k-seng-īⁿ ]
樂生院 吳清鎰 1937年10月631期 30 列位兄姊！樂山園的消息，咱佇本報常常捌讀著。總是樂生院咱較毋熟似。樂生院就是官設的癩病院。遮所收容的患者男女總數，現時四百四十名。對5，6年前khai-設以來，陳溪圳牧師有常常去遐傳道理，總是對今年4月以來，有黃六點傳道師專務佇遐做主的工，來聽的人有時七八十，總是相接紲來聽的人亦有三四十人。佇9月5日，雙連的小會聚集佇樂生院，有13个癩患者來問道理，逐个道理不止明，閣in佇院內的生活亦不止好模樣，實在會堪得做主的學生，所以有攏總共in接納，行洗禮，紲守聖餐。患者的中間，有的對以前已經信道理，閣醫生職員，看護婦亦有的是信者。...

[1937-10 台灣教會公報 文類-散文 作者-駱先春/Lo̍k Sian-chhun]
耶穌干證本身(1) [ Iâ-so͘ kan-chèng pún-sin(1) ]
耶穌干證本身(1) (對約翰) 駱先春 1937年10月631期 25-26 佇約翰福音傳，耶穌干證本身的記事真濟，若是佇別的福音傳是人干證耶穌的記事較濟。 欲想耶穌干證本身的事，佇遮愛想兩項，就是耶穌的人格佮伊的事業。關係人格的事，也欲想兩項，就是人子佮上帝的囝。 I. 人子。 這个名稱，別的福音書比約翰寫較濟擺，是上帝的囝成做人謙卑的名稱。這人子，若看但以理7：13以下，就予咱通知人子的思想，佇遐就有發芽，這是彌賽亞的 稱號。先知有讖語彌賽亞著對人的形狀來出現。耶穌講起伊是人子的時，毋是咧講起伊來形式成做人，抑是講起取人的形狀nā-tiāⁿ，伊是事實的人。約翰...

[1937-10 台灣教會公報 文類-散文 作者-吳天命/Gô͘ Thian-bēng]
苦難的意義 [ Khó͘-lān ê ì-gī ]
苦難的意義 吳天命 1937年10月631期 22-24 「因為萬物所為著伊，萬物所對伊的，咧chhoā濟濟囝到佇榮光，就予救in的首領對苦難來成完全，本是合宜」(希伯來2：10)。 希伯來人書的記者，佇這節有發表論苦難的一个偉大的定義。伊的意思共伊簡約來講，就是講苦難是欲予人成做完全的，又閣人對苦難來得著完全，這是上帝的意思。這款的定義，對人的理解，人的立場來看，是僫得理解的事，佮人的所拍算是對反。人會得著完全；這是重罪無完全的世間人所想的範疇外的事。這个完全是對苦難來成--的；坐也是孜孜咧想看活，快樂平和的世間人所袂曉得的。對苦難的路，人得著完全的事是上帝的意思...

[1937-10 台灣教會公報 文類-散文 作者-吳清鎰/Gô͘ Chheng-ek]
平和 [ Pêng-hô ]
平和 吳清鎰 1937年10月631期 22 人愛平和。總是平和的意義在佇安全(安全)。生命財產無安全的所在，袂通算做是平和的所在。德譯語的平和佮安全是siāng一字(Fricde)。平和佮安全實在袂通相分離。 平和有兩款；就是人的平和佮上帝的平和。(1)人的平和是現狀維持的平和，是妥協tek，是一時的，是表面tek；內中有疑心暗鬼佇咧，有一日會爆發，毋是徹底tek永久tek的平和。這款平和無安全性佇咧，毋是真實的平和。這款平和是用現狀維持佮妥協做in的信條，無用正義做基礎，結局是咧做欲來的鬥爭的準備nā-tiāⁿ。(2)上帝的平和是用上帝做中心，用正義做基礎。無合正義的現...

[1937-11 台灣教會公報 文類-散文 作者--/-]
非常時的奉仕 [ Hui-siông-sî ê Hōng-sū ]
非常時教會的奉仕 1937年11月632期 1-2 當佇這个國家非常時，國民通國一致盡奉公的實在。標榜至誠，正義，犧牲愛的教會啊！眾基督徒啊！咱敢通恬恬，來無為著國難phoe命mah？對皇軍的慰問，以及遺家族的扶助慰藉，或是獻金抑是種種的計畫，實行，咱的確毋通徛佇人的後面。 總是咱毋通掠佇物質上的援助，抑是人情tek的慰問做滿足；因為這是一般人人所做會到的奉仕。著會記得，佇咱的教會，有獨特的奉仕(獨特奉仕)佇咧；只有教會會通做。Taⁿ彼个教會獨特的奉仕是甚物？ 頭一項：祈禱 這世間的歷史，攏是全能的上帝咧掌理。一切的運命，攏是在佇上帝的聖手。祈禱，就是欲振動上帝的聖...