[1920-5 台南府城教會報 文類-散文 作者--/-]
北部事務：基督徒ê公媽 [ PAK-PŌ͘ Sū-Bū:Ki-tok tô͘ ê Kong-má ]
基督徒ê公媽1920.05 422卷 p.5-6咱基督教設 tī 臺灣已經有 50 左右年--lah。 臺灣 ê 百姓有 300 外萬，若是到今仔日來入教 ê 人 iáu-bē 有上 1 萬，án-ni 敢 m̄ 是真少嗎？人怎樣 hiah m̄ 甘願來入這個教？卻是因為濟濟項ê 因端，總是照我看有1項不止關係 ê 窒礙。我 bat 問幾若人講：「朋友--ah，你怎樣無來信道理？」伊應講：「信道理好是好，神明無chhāi,這卻無要緊，m̄-kú 公媽無拜，這步阮 boē 行得。」實在咱設教 tī 這個東洋 ê 所在猶原著淡薄體貼東洋人 ê 習慣；所以若會將這個公媽 ê 事來改良到 hō͘ 伊無...

[1920-6 台南府城教會報 文類-散文 作者-林清潔/Lîm Chheng-kiat]
守錢奴 [ Siú-chîⁿ-lô ]
守錢奴1920.06 423卷 p.5-6(林清潔譯)。Bat看新聞teh 講 tī 外國有一個守錢奴，伊有積聚不止濟錢囥 tī 厝內，也伊心肝常常teh 注意hiah-ê錢因為驚了會失落，所以常常將門關--teh，就提出伊所積聚ê錢來算一遍看leh，算了就koh包起來囥。這個守錢奴已經真老--lah，無某也無子，因為伊驚了娶某生子會開了伊ê錢，伊只有飼一隻鸚哥鳥 tī 厝內佮伊做伴nā-tiāⁿ。守錢奴若teh 食飯ê時，hit 隻鸚哥佮伊 tī 桌頂食，伊若teh 算錢ê時，hit 隻鸚哥也 tī 伊ê身邊跳來跳去teh 看，所以除去hit 隻鸚哥以外無別人知伊ê錢銀囥 tī 佗位。 有一...

[1920-8 台南府城教會報 文類-傳記 作者--/-]
洪Tek-sin小傳 [ Âng Tek-sin Sió-toān ]
洪Tek-sin小傳1920.08 425卷 p.4(Û-seng記。)君是Hoan-oah 教會ê會友。Tī 11、12歲ê時，去Sin-kiat庄ê小學佮黃Chok-pang先生讀。16歲入中學，20歲入大學，24歲卒業神學。了後受派toà北港、鹽水港、鳳山。今過身29歲。七月4號ê主日tī鳳山高升做長老，也koh無偌久kiám-chhái會做牧師。無扑算5號早起10點起寒熱，6號早起8點就寒到哭。對án-ni舊年ê舊hek-suí 熱ê症koh 起。本身就唸講，「世間是苦海，著轉--來去較著，我ê心已經便。」先生娘應伊講，「你轉--去阮beh 按怎?」君無應。後--來請彭清約醫師調治，總...

[1920-9 台南府城教會報 文類-散文 作者-郭水龍/Keh Chuí-lêng]
天注定 [ Thiⁿ Chú-tiāⁿ ]
天註定1920.09 426卷 p.6-7(郭水龍記。)注定是boē 改換 ê 意思，講注定那親像講萬物是天生成boē卜得，人常常愛講逐項是注定，tī 山--nih 抵著生番逐人走離，只有某人 thâi 去，是注死。 某會友一家 7 人佮厝 hō͘ 大水流去， 6 人死，只有一個查某囡仔 14 歲擒椅仔 hō͘ 水流去，卡 tī 竹圍--nih ， hō͘ 人救起，che--無注死。20外年前三貂陸軍牽 10 人去 thâi ，一個 thâi輕傷， koh 幾若點鐘久koh 活。走去糊藥，現時猶tī-leh，這個無注死。 某舍人伊 ê 父死了放幾 10 萬家業hō͘ 伊，後來開了 teh kā...

[1920-9 台南府城教會報 文類-散文 作者-林清潔/Lîm Chheng-kiat]
奇怪ê新聞 [ Kî-koài ê Sin-bûn ]
奇怪ê新聞1920.09 426卷 p.7-8(林清潔記。)Tī 舊年我看見一篇ê 新聞teh 講tī 支那某所在有一個新換來ê 警察長，伊換來無幾日就有出兩款ê 命令hō͘人不止gông-ngia̍h;一款就是命令查某囡仔著縛腳。諸君聽了不止奇怪，因為現時逐位攏是teh 勉勵婦人人著liû腳，怎樣hit個警察長反對--咧？真好笑，其實伊m̄ 是命令一般ê 婦人人著縛腳，所命令ê 就是hiah-ê 做娼妓--ê 攏著縛腳，ehN-koài，án-ni有甚物解說？有--啦，有3項真通。頭一項是beh hō͘人家ê 婦人佮娼妓有分別， koh 一項是beh hō͘做娼妓ê 人家己見笑，因為有縛腳ê...

[1921-1 台南府城教會報 文類-傳記 作者--/-]
小傳 [ Sió-toān ]
小傳吳寬裕1921.01 430卷 p.7(蕭An-ki記)吳寬裕傳道，tī今年新11月14號有過身，15號有出葬。有西國牧師、姑娘、先生佮本地牧師、傳道師，以及會友幾若百人kā伊送葬。享?78 歲。北部設教ê時，有5個人第一第先來領洗禮，伊是hit中間ê 1個。其餘hit 4人攏已經相續過身了。只有吳傳道食到今年。Thang 講伊不止有福氣。Tī教會中也thang講伊是第一早入教ê人。伊未聽道理;以前，是teh做油漆ê經紀，真出名，有不止濟人請伊四界去做工。伊也有來滬尾油漆。所以tī主後1872年10月有聽著主ê道理。伊隨時反悔來信主，經過1年是1873年3月9 號，就領受洗禮。對án-ni...

[1921-1 台南府城教會報 文類-散文 作者-文安/Bûn An]
馮玉祥出死入活 [ Pâng Gio̍k-siông Chhut-sí Ji̍p-oa̍h ]
馮玉祥出死入活1921.01 430卷 p.8-10(文--氏安記。)馮玉祥是現時支那出名文明ê將軍。伊已經信主；下底hit層事攏是本身所干証--ê。 真可惜我無出世tī信主ê家，對細漢就怨恨道理。Tī 1900年hit-tia̍p 我當兵，義和團匪類起擾亂，in真兇惡ài滅無基督教。看著in hiah 殘忍?死外國ê牧師、醫生、先生娘、姑娘、以及本底信主ê人，我bē免得体貼in ê 悽慘，總--是硬心m̄ ài降服上帝。 當1901年我到保定府，有一日入拜堂，聽外國牧師teh論馬太 5:39,40。禮拜煞，我即時將1塊桌背tī肩頭頂beh出去。牧師teh問：「你啥事舉我ê桌?」我應伊講:「照...

[1921-1 台南府城教會報 文類-散文 作者-杜姑娘/Tō͘ Ko͘-niû]
相共擔擔 [ Saⁿ-kāng Taⁿ-tàⁿ ]
相共擔擔1921.01 430卷 p.10-11(杜姑娘記--ê。)Bat有一個苦力hō͘人倩伊去火車頭，beh kā 一個外國人擔行李。抵好 hit個人客ê 行李是kan-ta一腳重重ê 箱仔nā-tiān,苦力m̄ 愛用舉，亦bē擔--tit，伊就去拾一塊石來thīn 頭thang 擔；伊án-ni做，知雖罔有重倍ê 重，kú是較快活。今咱tī 這世間攏有重擔著擔，亦有時 teh 想若擔咱家己ê 擔就夠額；總是聖經講「Lín逐人ê 重擔著相共擔。」意思就是著將別人ê 擔佮咱ê 相thīn 。有一擺tī 真寒ê 所在有兩個人做夥 teh 行路，因為hit條路有落雪真濟，致到in 寒到beh ...

[1921-2 台南府城教會報 文類-散文 作者-楊東海/Iûⁿ Tang-hái]
玉里火災 [ Gio̍k-lí Hoé-chai ]
玉里火災1921.02 431卷 p.2-3(楊東海記。)玉里是東部要緊ê 地，近來因為土地ê 開墾，交通ê 利便，所以有漸漸teh 振興，人額也那加添。咱ê 講義所創設tī chia到這tia̍p ，頭尾倚3年，人數也有40外人，舊年ê 年尾有議論beh 建築新ê 拜堂，本家ê 信者以外，有對前山ê 教會佮東部ê 教會，以及眾慈善家提倚900外箍，也有買一間厝做宿舍，開400箍，續對官廳請起拜堂ê 地，抵著玉里市區改政ê 原因，所以所請--ê ，延緩到這tia̍p iáu-boē得著許可。 Tī 大正9年12月30日下晡一點鐘忽然tī 玉里ê 南爿蕃人ê 厝發火。Hit時抵抵起大南風，火直直...

[1921-2 台南府城教會報 文類-散文 作者-杜雪雲/Tō͘ Soat-hûn]
仁德ê題目 [ Jîn-tek ê Tê-ba̍k ]
仁德ê題目1921.02 431卷 p.12(杜--氏雪雲記。)Bat有1日teh落大雨，致到濟濟gín-ná bē-thang出去，tio̍h tī內面chhit-thô。某口灶有7個囡仔，大漢--ê 號做仁德，就叫伊ê 小弟小妹tī in 兜用禮拜ê 法度做chhit-thô ，in 有備辦所在親像禮拜堂ê 款，tī hia有排兩三choā ê 椅，也將一塊the椅做台仔，用腳踏椅thang hō͘人peh上台頂。In 看台仔創到hiah 好勢，就逐家相爭beh 做牧師，總是仁德講牧師應該著hō͘伊做，因為伊會曉唸聖經ê 節第一濟，算是較合宜。囡仔ê 阿姑坐tī 邊仔teh聽，略仔teh ...

[1921-4 台南府城教會報 文類-散文 作者--/-]
霧社ê生番 [ Bū-siā ê Chhiⁿ-hoan ]
霧社ê生番1921.04 433卷 p.8-10(Lân Liân--sī Má-gio̍k記。)埔社傳道王僭溪先生有佮阮兩人去霧社，路對埔社街，是四舖ê 遠 ，有輕便車三舖，直直上崎入tang，其餘一舖著步lián,hit站 ê 路是愈崎，路尾站著直直peh，非常崎。 阮teh坐hit張車，有兩個台灣苦力 teh sak，m̄-kú tī 路--ni̍h有真濟生番teh倒轉去山--ni̍h,伊看規陣輕便車來，真歡喜，in 掠做sak 車比空空行路較心適，轉去也會較緊，所以in 幾若人鬥出力sak ，in 真gâu 走，身軀也扭掠真好看，真可惜有兩人酒醉，因為tī 埔社過暝，無抵好ê 所在th...

[1921-4 台南府城教會報 文類-散文 作者-陳鹿/Tân Lo̍k]
薰ê害 [ Hun ê Hāi ]
薰ê害1921.04 433卷 p.10-11(陳鹿記。)人ê 身體有3項要素：叫做精神，靈魂，肉體。這3項有密切ê 關係，所以近來ê 宗教家大大teh 注意。設使咱人ê 身體若有一部份受傷，就精神也bē免得受感應。親像人若有胃病，就hit個人真快受氣，甚至也軟弱。精神若厭siān,就身體也厭siān。若愛知人ê 身體有健康抑無，著看伊 ê 胃臟 ê 強弱；胃若lám ê 人，伊ê 精神鬱悴無爽快。身體若無健康，也有關係tī 靈魂；所以若人抵著艱苦破病，就伊ê 信仰會搖動。賢人講：「健康ê 精神，tiàm tī 健康ê 身體。」；這句話實在有影--lah 。 對歐洲戰爭平和以來，各國有見識ê ...

[1921-6 台南府城教會報 文類-散文 作者-M. T. 生/M. T. seng]
新文明：舊道德 [ Sin Bûn-bêng:Kū Tō-tek ]
新文明：舊道德1921.06 435卷 p.11-12(M. T. seng記。)東洋ê道德大部份是用孔子、孟子ê倫理學說做基礎，五倫、五常做順序標準，君臣ê中間有君臣ê道德，父子有父子ê道德，兄弟、翁某、朋友攏有一定ê倫理，其他個人團體社會用真濟款ê道理教訓；總講仁、義、禮、智，信做第一要緊ê根本道 德，來teh 教示一般ê民眾。這是東洋在內 ê道德不止可取ê所在。 西洋有甚物在內ê道德，無詳細知影，總是西洋較濟是宗教國，用宗教ê教示做道德標準，親像相疼，無論五倫、團體、社會抑是對個人、大家存相疼做道德。照án-ni看，東洋ê道德較複雜，西洋-- ê較簡單，總是結局伊ê理是相同，疼m̄免分別...

[1921-8 台南府城教會報 文類-散文 作者-偕叡廉/Kai Jōe-liâm]
北部事務：偕先生ê批 [ PAK-PŌ͘ Sū-Bū:Kai Sian-siⁿ ê phoe ]
偕先生ê批1921.08 436卷 p.5淡水中學校列位生徒平安！ Tuì阮佮lín相離開到chit-tia̍p,tī路中有得著平安。水路真平坦。雖罔tī 大洋天氣不只冷，常常有落雪，iáu-kú風湧不只恬靜。 Tuì橫濱到加拿大搭船15日久，tī 路中無甚物thang看，只有幾若尾鯨魚nā-tiāⁿ。一日有一尾不只大尾，大約有4丈長，浮倚tī船--ni̍h。伊ê頭殼差不多有一丈闊。 到Vanco͘ver，有教會佮朋友來等接阮 。阮tī hia 2日久，toà tī早年通世界馬拉松選手ê人ê兜。Hit 個選手是名叫 Dick Grant。伊細漢ê時若搭火車，抑是坐馬車就眩；所以姑不chiong...

[1921-9 台南府城教會報 文類-小說 作者-羅乾益/Lô Khiân-ek]
行遊ê囡仔 [ Kiâⁿ-iû ê Gín-ná ]
行遊ê囡ná1921.09 438 koàn p.5-6(羅乾益譯)古早ê 時有一個細漢囡仔去tī 樹林內beh thit-thô ，伊扑算伊孤單一個tī--teh nā-tiāⁿ，攏無看見伊ê 父ê 目珠斟酌teh 看伊，m̄-kú伊ê 父有看伊。 囡仔歡喜tī 草埔走來走去，thit-thô、挽花，也tī 大欉樹腳行遊， koh 因為極歡喜，所以伊真大聲teh 喝，逐項看了攏是新，因為伊iáu未bat看見，所以伊攏無驚。Teh看花ê 時，對花內有一尾毒蛇忽然趖--出來，囡仔看伊ê 皮真suí ，煞伸手beh 掠伊，hit陣老父對後面叫講：「危險！危險！」囡仔起來，蛇就趖走，總是囡仔無看見伊...

[1921-9 台南府城教會報 文類-散文 作者-羅乾益/Lô Khiân-ek]
今仔日 [ Kin-á-ji̍t ]
今仔日1921.09 438卷 p.6(羅乾益譯。)今仔日是你所有，亦是你所做，比並你無半項，你無做甚物，就親像攏無今仔日；今仔日就是歡喜，就是工，就是生活。昨昏m̄ 免看做問題，因為已經過去；明仔再也m̄ 免掠做問題，因為iáu-bē到。今仔日上要緊的日，今仔日有機會，因án-ni著致意來趁，無論甚物機會。今仔日來笑，今仔日著有好膽，今仔日著有歡喜，今仔日就是你的日。Tī今仔日世間逐項漸漸teh 換，今仔日你thang koh越頭，koh反悔；今仔日你thang用昨昏所學的，今仔日thang得著活命的生活。第一要緊，今仔日m̄ 免驚，koh攏m̄ 免掛慮，hō͘無要緊的事攏bô-lô溶溶去；...

[1924-2 台南府城教會報 文類-傳記 作者-戴榮旋/Tè En̂g-soân]
小傳黃Bêng-tì長老 [ Sió-toān N̂g Bêng-tì Tiúⁿ-ló ]
小傳黃Bêng-tì長老1924.02 467卷 p.14-15(Tè En̂g-soân記)長老是王長老ê大公子，出世tī 1886 年10月5日。長老ê天資真懸，是台北農業學校ê優等生。卒業後奉職tī恆春做獸醫，後--來做虎頭山ê區長5 年久。改政後做本庄ê助役兼參事協議員。後--來辭組役，出來做實業。 Tī 1917年受設立做執事，也1921年高升做長老。 不幸tī本年5月間起病，tī-hia 打tia̍p無效，去高雄入院，後--來去台南入院。可惜無功效，koh轉--來，到11月14日hō͘主接納去，享壽37歲。遺落兩個後生，4 個查某子佮長老娘。 Tī 15日下午3點舉行葬式，會葬者3...

[1924-3 台南府城教會報 文類-散文 作者--/-]
論白賊 [ Lūn Pe̍h-chha̍t ]
論白賊1924.03 468卷 p.6(Kh. Th. P.)照你扑算白賊怎樣？我想hit個厲害m̄ 是小可，因為會害家己，也會害別人，koh 會害教會無體面，也有犯著上帝ê 戒律。雅各（3：2-7）有講：「因為咱眾人tī 濟濟項跋倒。Tī 講話無跋倒--ê,就是做完全ê 人，也會約束伊通身軀。咱下bé-kā-kiuⁿ tī 馬ê 嘴hō͘ 伊順趁咱，就管轄in 通身軀。Koh你看hiah-ê 船，雖然hiah大隻，hō͘ 大風掃伊，猶原是用細細ê 舵hō͘ 伊轉oat，照舵公ê 意思所愛。án-ni 舌，是細細ê 體，iáu-kú 講大話。你看，小可ê 火燒樹木偌濟--ah！舌就是火，tī ...

[1924-3 台南府城教會報 文類-小說 作者-文安/Bûn An]
阿片鬼變做聖徒 [ A-phiàn-kuí pìⁿ-chò Sèng-tô͘ ]
阿片鬼變作聖徒 1924.03 468卷 頁7-9 文氏安譯--ê 人常常稱呼伊做老摩西，因為伊ê面發出榮光，親像聖經所記ê摩西。 從前boē 聽著耶穌 ê福音，伊是tī 罪惡中，hit時面貌攏無照光，反轉是黃酸koh sán-giàn 。伊ê鴉片薰吹是鐵做--ê,伊無ài 柴--ê,是用這號較利便thang 摃對敵，因為伊不時ài 佮人冤家相扑。伊鴉片食--tiâu-a，身體那lám,續連累著伊一腳一手piàn-suī ；若beh 去較遠ê所在，著坐車，抑是坐轎才會到。 Tuì 伊承受道理ê了後，上帝ê權能有顯明，kā 伊tháu 放，摩西就一盡 變換，身軀漸漸勇健，就...

[1924-4 台南府城教會報 文類-散文 作者-陳添旺/Tân Thiam-ōng]
人道主義 [ Jîn-tō Chú-gī ]
人道主義1924.04 469卷 p.7(陳添旺)人道主義就是博愛、自由、平等。這3 個大問題是tuì基督教生出。基督降世替人受死贖罪，疼對敵，替害伊ê 人祈禱求天父赦in ê 罪。教示人，對敵著疼伊；loé罵lín--ê 著祝福伊；窘逐lín--ê 替伊祈禱，án-ni 會得lín天父ê 報賞。Che 是博愛。 自由。是無受壓制，pé-pa̍k、驚惶，凡事有自主ê 權限。主有講：「真理tháu放lín,免受魔鬼pé-pa̍k,無做坐掛 ê 奴才。」保羅講：「著用自由趁聖神，m̄-thang 趁私慾，che 是真正ê tháu放。」 平等。基督至尊降低做人，家己款待做奴僕，kā 學生洗腳，是留...