[1914-6 台灣教會報 文類-散文 作者-陳添旺/Tân Thiam-ōng]
南崁的教會 [ Lâm-khàm ê Kàu-hoē ]
南崁的教會。 1914.6，no.351，pp.7 對設教到taⁿ有23年。起頭設佇南崁教會七年。不幸1898年予水流去，就徙去樹林仔借會友的厝聚集一年。閣一齊同心創守求教事會的幫贊，就佇羊寮坑借林日旺長老的山尖起拜堂。到這霎拜堂猶原佇遐。空氣是好，獨獨食水買物較為難，閣異邦人來聽道理較無利便。對幾年前來有拄著會內相爭攪擾的可惜。佳哉近來有拄著和平的款。Taⁿ受洗禮的大細有75人，聽道理無洗禮--ê 28人，會讀聖經45人，每禮拜聚集有60人左右，主日學27人。緣金舊年160箍外。算近來有淡薄進步，所可惜--ê就是男女有的無行主的道理，致到阻擋真理。請看報的兄弟姊妹切替我祈禱，向望主督責，...

[1916-2 台灣教會報 文類-散文 作者-陳添旺/Tân Thiam-ōng]
假的先生 [ Ké ê Sian-siⁿ ]
假的先生。 1916.2 no.371 pp.5-6 舊年8月有2人來附近做醫生。一人講是蘭醫生的學生，一人講是蘭醫生的學生，一人講是馬偕醫院的先生，歇熱出來賣藥施濟佈道，實在騙人錢真濟。後來有警官去調查就去別位。到12月就去近大甲水尾莊賣藥，就換款；一个講是蘭醫生的學生，一个講是墎仔跤的傳道做紹介人。按呢實在有損害的所在。近來這款藉名的人真濟，所以愛寫幾字上報，予大家知通張持，毋通予人騙去，也免奇怪醫生傳道咧騙人。若有世俗嫌，就通共in說明，這是真要緊。 (陳添旺記)。...

[1916-12 台灣教會報 文類-散文 作者-陳添旺/Tân Thiam-ōng]
待身屍風俗 [ Thāi Sin-si Hong-sio̍k ]
待身屍風俗 (陳添旺記)。 1916.12，no.381，pp.6-7 前有寫幾字印佇教會報是簡簡nā-tiāⁿ，(看10月5面)。有人愛知較詳細，所以閣備辦來參考。我是對細漢序大人得著道理，無啥知影，是請教幾若的老人較知。逐所在的無相同。今所寫的若有錯，抑是無夠額，請相指示也寫來補足。雖是舊的咱無用也是有利益。一項通知無信道理的艱苦；閣一項通知in的失迷，紲用in失迷的所在報in知，予in知毋著艱苦，來反悔改變。 人未死有先備辦吩咐伊的囝孫著共伊開魂路，抑是開火光，就是超度做功德。按呢看伊，俗人氣斷逐項欠，閣異端，譴損，驚惶講袂了。死落緊用一塊石頭予伊做枕頭，意思講會保庇囝孫頭殼tī...

[1919-2 台灣教會報 文類-散文 作者-陳添旺/Tân Thiam-ōng]
北部事務：嫁娶ê風俗 [ Pak-pō͘ sū-bū：Kè-chhoā ê Hong-sio̍k ]
嫁娶ê風俗1919.02 407卷 p.5-6(陳添旺記。)(接12月第5面。)以上chiah-ê事若相當，就講聘金、嫁妝、禮儀、盤擔 逐項，後來看好日過定，有時娶細漢揀雙日就用，hit時男家備辦大餅、láu-hoe 、豬腳、手指、禮儀等，也有無ê是照呼 。女家備辦薰包、tó͘-á 、手巾teh--轉去，有ê無相同，也用12項種子，是向望gâu 生湠，親像種子一樣，兩節火炭框紅紙。過定了後女家備辦嫁妝真濟，有ê衫褲歸世人穿bē了。柴料大細櫥、箱等等真濟，有ê kah 兩具棺柴，用布包續舉--去，好額相配有kah 金銀真濟，田契、老婆、查某 kán,平常家就是嫁妝nā-tiāⁿ，濟少無相同。男家...

[1924-4 台南府城教會報 文類-散文 作者-陳添旺/Tân Thiam-ōng]
人道主義 [ Jîn-tō Chú-gī ]
人道主義1924.04 469卷 p.7(陳添旺)人道主義就是博愛、自由、平等。這3 個大問題是tuì基督教生出。基督降世替人受死贖罪，疼對敵，替害伊ê 人祈禱求天父赦in ê 罪。教示人，對敵著疼伊；loé罵lín--ê 著祝福伊；窘逐lín--ê 替伊祈禱，án-ni 會得lín天父ê 報賞。Che 是博愛。 自由。是無受壓制，pé-pa̍k、驚惶，凡事有自主ê 權限。主有講：「真理tháu放lín,免受魔鬼pé-pa̍k,無做坐掛 ê 奴才。」保羅講：「著用自由趁聖神，m̄-thang 趁私慾，che 是真正ê tháu放。」 平等。基督至尊降低做人，家己款待做奴僕，kā 學生洗腳，是留...

[1924-9 台南府城教會報 文類-散文 作者-陳添旺/Tân Thiam-ōng]
祖師ê原因 [ Chó͘-su ê Goân-in ]
祖師ê原因1924.09 474卷 p.7(陳添旺)伊是印度人，也in hit個人是烏面ê人種，所以人粧伊ê全身煞烏黑面，tuì án-ni人就叫伊做烏黑面ê祖師公。 祖師是甚物號人做？就是出家修行，後來若有得道成佛就thang做祖師。初代傳來中國ê祖師是印度人，達摩。伊聽見梁武帝好仙，ài求成仙成佛，3擺ài離家去求仙，後來hō͘ in家內人留--teh。這個達摩ài來，過海tuì廣東入港。人看伊烏面奇怪，就chhoā伊見武帝，武帝用chiah ê詩寫kā伊講。達氏就應chèng-to-koa講to無公德。 自上佈施升天國，猶如仰天謝虛空，勢力盡ê箭還墜，照得來生不如意。 意思是講佈施猶無公...

[1928-10 台灣教會報/芥菜子 文類-散文 作者-陳添旺/Tân Thiam-ōng]
舊慣的盡力 [ Kū-koàn ê Chīn-la̍t ]
舊慣的盡力 陳添旺 1928.10.01 523卷(芥菜子第32號) p.17-18 (無意中的參觀) 義民廟是佇新竹州新埔街附近的山腳所在。照枋寮的人所知teh講，早年戴萬生反，有真濟人為著國家盡力來死；後來到劉欽差時代，皇帝有出詔封in做「義民爺。」對按呢真濟來奉敬，紲定例佇舊曆7月20日設普sì祭無主的孤魂。 這个廟有2000外租的財產，總是官府有共in制限，每年400租做雜費用，iáu--ê 寄附教育佮社會公共的事業。 這个普sì分做15區，逐區是15年著一擺；今年輪著中壢管下，大崙附近的 庄社。所開的錢真正濟，敢有10萬箍以上(毋是公錢，各人自擔)。 彼日祭典的光...

[1937-1 台灣教會公報/芥菜子 文類-散文 作者-陳添旺/Tân Thiam-ōng]
強志壯膽 [ Kiông-chì Chòng-táⁿ ]
強志壯膽 陳添旺寫 1937年1月622期 30-31 請讀約書亞頭章。 這章有講4擺強恁的志，壯恁的心。新翻譯講，「勇敢壯膽」。這會甚物人講mah？啥緣故來出這號會佇百姓佮頭人？就是盡忠的摩西死，百姓咧餒志，驚惶，失膽，所以耶和華顯現吩咐Loán的囝約書亞三擺，後來約書亞吩咐百姓一擺，恁著「勇敢壯膽」，這是代先受訓示，後來訓示別人。 這內中有4項通相佮想： 1. 指導者失落。摩西做盡忠的奴僕已經死，伊的使命已經盡，所愛信任的毋知啥人？百姓親像無主的款，所以耶和華嚴嚴吩咐，愛勇敢壯膽。 2. 民心搖動。看in的主公已經死，眾百姓失膽驚惶，所以耶和華備辦後繼...

[1937-11 台灣教會公報 文類-散文 作者-陳添旺/Tân Thiam-ōng]
言語的修養 [ Giân-gú ê siu-ióng ]
言語的修養 陳添旺 1937年11月632期 29 咱基督教是宗教上高尚的宗教，所以對佇修養的問題，閣較要緊毋通親像別款無修養。 言語的修養。雅各講，佇講話若無跋倒，是最逐項齊備的人(3：2)。這是真要緊，時常聽著會友講話彎彎曲曲無正直。口是心非，有的歹喙，爸頭母骨咧罵，有的做長老執事嘛是按呢，致到受氣的時罵罵出來。挵破大事比會外猶較害，所以對這項真愛注意。 婦人人用詈，用咒詛；對別人，對囝兒嘛是按呢詈。有時對會內會外，若受氣粗喙iá-táu，予人真艱苦；也時常害大事，無收山的日。所以喙舌親像火，會致到燒厝，燒山，毋通無警戒。 對家庭的模範，好歹攏有in模範，是大人若細膩...

[1954-2 台灣教會公報 文類-散文 作者-陳添旺/Tân Thiam-ōng]
感謝上帝 [ Kàm-siāSiōng-tè ]
感謝上帝
(陳添旺)
1954.02，no.782，pp.26-28
對舊年新曆11：12－12：16號，為訪問教會，親戚，朋友，有到東部。有濟濟感謝上帝的所在；寫幾字榮光主。
(1)十一月12日到瑞芳，揣一位外省姊妹佮丈夫，囝兒。彼暗談論道理到11點外。有寫批託楊Chiong先生招呼伊，紲替in祈禱。
(2)羅東歇兩暗，拜五予in留到禮拜早起講道。受陳五福先生佮先生娘好款待，送旅費；真感謝。羅東自設教頭擺有起拜堂，設置真好勢，也有主日學教室。陳耀宗牧師佇遐主持；會友稱伊人格者。
(3)蘇澳，南方澳，同屬一位教會；聽講有神跡真濟，有2...

[1937-2 台灣教會公報/芥菜子 文類-散文 作者-陳添旺/Tân Thiam-ōng]
新奇的遺囑 [ Sin-kî ê uî-chiok ]
新奇的遺囑 陳添旺譯 1937年2月623期 28-29 古年間哥林多人的中間，有一人名叫Iû-thài-bí-thài，是因為sàn-hiong來死；死的時陣，放拺老母佮一个細漢查某囝，孤單艱苦，算是真可憐啊！！ 佳哉Iû-thài-bí-thài有兩个好額朋友；一个名叫A-khó-都u，閣一个名叫Cha-lī-sek-luí。 代先Iû-thài-bí-thài各樣，異象中想死的時欲到，趕緊寫一張遺囑書，按呢寫。 我放拺老母予A-khó-都u，著盡伊的力量，予伊活得著平安的勇活，死得著好的安葬。 閣放拺軟弱的查某囝予Cha-lī-sek-luí，愛盡伊的...

[1941-11 台灣教會公報/北部教會 文類-散文 作者-陳添旺/Tân Thiam-ōng]
活佛 [ oa̍h pu̍t ]
活佛 陳添旺寫 1941年11月680期 23 咱數念活活的上帝，實在是「活」--ê，因為伊所做的攏是活，雖罔大地死死嘛會震動，樹木花草生根也會發葉，顯明in有活。 會外人捌講，「某仙佛siàⁿ到會食飯」，是表明有靈感nā-tiāⁿ。 捌有大仙佛像空殼內面tiàm老鼠，就喊譁是活--ê，毋久家己to空殼，thái會活！查到詳細，是「活命鼠」，毋是活佛。 捌看這本冊，論一个某人，真誠心服事神佛，piàn四界廟門形香hē神明，求平安求福氣，求光明，捌到這位廟內安眠，受指點共伊講。你家內的「活佛」to毋服事，欲求甚物神佛mah？伊就問講，甚物是我家內的活佛mah？就共伊講...

[1931-10 台灣教會報/芥菜子 文類-散文 作者-陳添旺/Tân Thiam-ōng]
嫁娶的風俗 [ Kè-chhoā ê hong-sio̍k ]
嫁娶的風俗陳添旺1931.10, no. 559 (KCC, no. 69), pp. 16-17 Tuì有人類以來就有嫁有娶，原初是造物的主共in匹配，若準老父共囝兒主婚一樣。照看原早嫁娶是真單純的款，無甚麼異端掔損，親像亞伯拉罕差伊的老奴僕轉本鄉共囝以撒娶親，逐聲是講若會成是tuì上帝。按呢in萬事是交代上帝，真有看活的款式。老奴僕到本鄉的地，有牧場的所在，就佇遐有查某囝仔好意用水予 in啉，也予精牲啉，按呢就有定親的思念。後來就用環予伊掛，轉佮父母兄弟的家安身就soà參詳配親的事，毋知囝婿是圓抑是扁就配親，也是講：萬事出佇耶和華，無打緊就按呢佮老奴僕soà做陣去，新囝婿來路頭迎接入房做...

[1931-1 台灣教會報 文類-傳記 作者-陳添旺/Tân Thiam-ōng]
陳萬連的小傳 [ Tân Bān-liân ê Sió-toān ]
陳萬連的小傳陳添旺 記1931.01, no. 550 (KCC, no. 59), pp. 19-20 看死若睏，臨終免驚。 雖然老弱病真久，總是看伊死真正看活；佮孫仔講話，講到身軀無力偃頭來死。 彼早起就共伊的婦人人講：我今仔日免到暗就欲予伊好勢；真正安然歸天。伊是主後1863年；10月10日出世，今年享壽67 歲。 伊有4个查甫囝，5个查某囝，tuì阿兄來算，有到五代孫。伊的來歷是無啥好聽，毋過也有可取，所以寫淡薄佇紙面予咱知。伊的祖先是耕農做業，繼續無làng。 前時踮保長坑，屬水返腳教會，1918年兩兄弟徙來鳳林，1921年閣徙來頭人埔（徛佇大庄）。 信道理有徛45年；1889年t...

[1931-9 台灣教會報/芥菜子 文類-傳記 作者-陳添旺/Tân Thiam-ōng]
陳鄧--氏Chhoā小傳 [ Tân Tēng--sī Chhoā Sió-toān ]
陳鄧--氏Chhoā小傳陳添旺1931.09, no. 558 (KCC, no. 68), pp. 20 這人是故陳Kim-khit長老娘，是故陳Sêng-chong (Hàn) 長老的大新婦，陳文贊長老的老母。 文贊醫生娘也是長老。 In是真久的會友，也通講：三角湧教會的功勞者；西仔反的時，予人懇著真悿，總是無放sak，到長老娘的囝，in有三代接續長老的職份，今兩代煞in的著磨向望現代猶較盡力。長老娘22歲入in門，後來順從信天道，1960年34歲受洗禮入教會，過往享壽是59歲，遺下三個囝攏成器，有8个甫孫，5个查某孫。 一個大囝過世，第二--个是醫生，第三--个作穡，算是真好命，親族真...

[1932-6 台灣教會報/芥菜子 文類-散文 作者-陳添旺/Tân Thiam-ōng]
三峽清水祖師祭典 [ Sam-kiap Chheng-chuí Chó͘-su Chè-tián ]
三峽清水祖師祭典陳添旺 記1932.06, no. 567 (KCC, no. 77), pp. 24-25 每年舊正月6日一擺大祭典，大豬真誠濟。 In有分字姓輪流7年著一擺，有一句話teh流，成做成語句：劉頭王尾，就是起頭姓劉，煞尾姓王。照in輪年佇下底：-1劉，2大十姓，3陳，4林，5中庄十姓，6李，7王。 大十姓是除6年以外的姓，中庄十姓倚佇鶯歌南爿遐，若徙出外位也是著分in中庄。 今年是大十姓，大豬第一濟，照役場調查過磅實重分等來賞。 (1) 751斤。 (2) 744。 (3) 739。 (4) 701。 (5) 691。 (6) 644。一等公正姓16 箍。 二等12，三等8 ...

[1933-8 台灣教會公報 文類-散文 作者-陳添旺/Tân Thiam-ōng]
追念故吳威廉博士 [ Tui-liām kò͘ Gô͘ Ui-liâm Phok-sū ]
追念故吳威廉博士陳添旺1933.08, no. 581 (KCC, no. 91), pp. 21-22 六月13號暗，雙連教會主催追悼會，來數念伊別世10周年，有200外人赴會。 逐人用真虔誠的心，真濟人講伊生前的所做，真正會感激人。 有一位講：死人會講話，今ê昏就是。 有的講伊遺言徛在佇主，所起的厝嘛真堅固自在，實在有影。 做神學校長的時代1901年，故偕博士別世，就續接教伊所留的學生。 1902年9月，就閣拾學生，彼暗同入學有32人，後來因為個人的都合，緊轉，到去踮拜堂11名若定，敝人在內。 Tuì入學到伊別世有22年的久，真受伊指導，今只有4名在職中若定。 Gâu吞忍雖然為著甚麼艱苦...

[1918-11 台灣教會報 文類-散文 作者-陳添旺/Tân Thiam-ōng]
傀儡戲 [ Ka-lé-hì ]
傀儡戲1918.11 404卷 p.7(陳添旺記。)漢高祖坐位ê時，胡人號做匈奴來圍高祖 tī 一個城。有一個奸巧ê人臣叫做陳平勸高祖，著差一人去kā hiah-ê對敵ê頭人講：「若准伊tuì城裡出--去，就beh 送伊一個中國真suí ê婦人人。」Hit 個頭人近倚來看，就看有suí giang-giang ê查某囡仔 tī 幾若個親醒 ê婦人人ê中央攏 teh行徙 tī 城頂，就允hō͘ 皇帝離開hit 個城。高祖佮伊跟toè ê人緊緊出城。匈奴ê頭人就入城，去hiah-ê婦人人teh 行ê所在，到位就知是假m̄ 是真，是婦人ê像nā-tiāⁿ，人暗chīⁿ 創活軌 teh 振動若親像活人...

[1918-12 台灣教會報 文類-散文 作者-陳添旺/Tân Thiam-ōng]
嫁娶ê舊俗 [ Kè-chhoā ê Kū-sio̍k ]
嫁娶ê舊俗1918.12 405卷 p.5(陳添旺記。)台灣人嫁娶ê風俗有幾若款，koh有逐所在佮人種ê無相同。今我也是無啥知影，有ê是請教別人。這擺新竹傳道會有派我彙集這個事，ài寫淡薄印上報來參考；若有不足請指教，續寫來增補，是有做咱大家ê利益。 配親ê方法有幾若款，父母主婚，父母替子兒主意。 1.有ê大漢婚配。新子婿新娘m̄-bat相見，kan-ta父母親人去看，抑是探聽。較早少年ê男女若講婚姻ê事，有ê真見笑ê款，也序大人拘束，kiám-chhái專倚靠媒人設法nā-tiāⁿ。總是有實在--ê,也有無實在--ê,俗語講：「媒人嘴胡luì-luì」。 2.細漢婚配--ê。對細漢抱來io，...

[1920-11 台南府城教會報 文類-傳記 作者-陳添旺/Tân Thiam-ōng]
小傳 [ Sió-toān ]
小傳Tīⁿ Gím-sam.1920.11 428卷 p.7(陳添旺記。)Chit人是Bâ-û教會鄭Teng-thiam長老ê 第三子，今年18歲。淡水中學三年生，入學了後tī淡水受洗禮入教會。今年歇熱回家iáu有佮阮去赴佈道會，無扑算7 月尾起寒熱病，到9 月27 號 hō͘主召伊離開世間。28號tī大甲安葬。失chit號青年輩聽見ê人無m̄傷心。父母親人也憂悶boē了。(1)品行當正。對父母順情、有孝，m̄ bat hō͘ 序大人氣苦。對厝邊、嬸、姆、朋友有禮數，言語溫純、正氣hō͘人欽服o-ló。(2)Gâu吞忍。破病hiah 久，無啍呻、無khiâu人、無叫艱苦。(3)志望高大。Hit...