[1927-2 芥菜子 文類-詩 作者-白雲居士/Pe̍h-hûn Ku-sū]  (1)
斷腸夜 [ Toān-tiông-iā ]
斷腸夜 (新體詩) 北風凜凜雨茫茫， 暗夜深更我一人。 目睭欲siap火欲hoa， Gia̍h筆來寫這幾choā。 欲寫啥物我毋知， Kan-ta目屎走出來。 傷心欲共啥人講， 世態，人情是冰霜。 下昏就是過年暗， 家家戶戶luí lâm-lâm。 歡歡喜喜倚爐邊， 相佮慶賀祝團圓。 火爐炎炎添光彩 新婚氣氛滿出來。 秦樓楚閣會 biân-biân， 絃管歌聲遍地天 只有戇人teh吐氣， 目屎流落四淋垂。 遮个攏是錢的影， 人是黃金的形，聲。 可憐今暗有所在， 加添目屎佮悲哀！ ...

[1960-5 台灣教會公報 文類-詩 作者--/-]
煩悶 [ Hoân-būn ]
Normal 0 0 2 false false false MicrosoftInternetExplorer4 /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colband-size:0; mso-style-noshow:yes; mso-s...

[1931-6 台灣教會報 文類-詩 作者-柯維思/Koa Î-su]
著顧網內魚 [ Tio̍h kò͘ bāng-lāi hî ]
著顧網內魚 1931.06 555卷 p.18 (柯維思) 水內所有的魚鱉， 譬喻信主的兄弟； 已經入咱的網內， 應該共in收--起-來。 毋通刁持講東西， 莫得家己分好歹； 逐尾好路用著知， 的確共in下較內。 別日分類無咱事， 攏是頭家teh推排； 有的收囥明宮séng， 有的hiat 佇火爐前。 所以你我著奮發， 聽候末日受判決； 替in祈禱望立志， 到尾撿彩會成器。 聖神若臨到佇in， 會chhoā人去假歸真； 咱若苦心栽培in， 主亦歡喜佮in親。 勸咱毋通傷áng-láng， Kan-ta時時想海翁。 海翁身軀遐爾大， ...

[1931-9 台灣教會報/芥菜子 文類-詩 作者-柯設偕/Koa Siat-kai]
林燕臣牧師的詩 [ Lîm Ian-sîn Bo̍k-su ê Si ]
林燕臣牧師的詩 1931.09 558卷，芥菜子 68號 p.14 (柯設偕) 林燕臣牧師的詩 這擺南北傳教師聯合總會的中間，佇7月15號e晡，有懇親會。林燕臣牧師有做3首詩，佇懇親會的時，伊有讀，也有吟。 這3首實在通予逐家做參考，所以猶袂印佇別款的雜誌的代先，寫佇遮，做參考。 1.一片荒高草色青， 山明水秀映秋庭， 凡塵不染成佳景， 明師休居閱聖經。 1 一片的山尖是懸，草色是青。 山的明朗佮水的清秀，相向佇這个秋天的埕裡。 世俗的塵埃袂沐著，來成這个好的景致。 出名的讀冊人安靜佇遮徛起，來看聖經。 2.淡江美景足安居， 教育英才好讀書，...

[1932-11 台灣教會報/芥菜子 文類-詩 作者-章王由/Chiong Ông-iû]
主佇客西馬尼 [ Chú tī Khek-se-má-nî ]
主佇客西馬尼 1932.11 第572卷，芥菜子第82號 p.26 (章王由　做) 調用「Gethseniae」，作曲者CHAS. H. GABRIEL。 1.耶穌佇逾越節彼暝， 伊佮學生守節的時， 設立聖禮無閣改換， 吟詩了後去橄欖山。 和 半暝跪佇客西馬尼， 主欲啉苦杯無推辭， 祈禱了就得著較贏， 主講願父旨意得成。 2.暗暝那深學生愛睏， 經過靜靜暝間時陣， 天使通暝守更無歇， In聽見救主teh求叫。 3.這个杯若會離開我， 這个杯若會離開我， 總--是毋通 趁我所愛, 聖囝祈禱按呢相拜。 4.主祈禱佇客西馬尼， 你著知這名的意義， 主流血汗...

[1932-2 台灣教會報/芥菜子 文類-詩 作者-吳天命/Gô͘ Thian-bēng]
阮所吟的紀念詩 [ Goán só͘ gîm ê Kì-liām Si ]
阮所吟的紀念詩 1932.02 第563卷，芥菜子73號，p.16 (吳天命) 艋舺教會佇本年1月1號暗時，有開主日學祝賀會，也有紲紀念設教60週年。這號事已經有寫佇芥菜子報，2月份的教會消息的內面。今因為柯設偕先生的希望，所以愛將阮所吟的紀念詩來寫佇遮。 A. 1.企佇遠遠烏暗罪惡的世界， 千萬靈魂永遠teh欲沈淪， 是誰歡喜傳報救主仁愛， 若牧者山--裡揣失落羊群。 和 萬權能已經賞賜我， 萬權能已經賞賜我， 恁去普天下傳福音予萬百姓， 我佮恁佇teh到永遠。 2.萬國大門現開開莫得延遷， 基督的兵好膽進前來去， 取齊基督信徒大家相結連， 報揚真理世人得著...

[1932-5 台灣教會報/芥菜子 文類-詩 作者-陳瓊琚/Tân Khêng-ku]
女宣道會歡迎文牧師娘的詩 [ Lú Soan-tō-hoē Hoan-gêng Bûn Bo̍k-su-niû ê Si ]
女宣道會歡迎文牧師娘的詩 1932.05 第566卷，芥菜子76號，p.29 (陳瓊琚 做) 1.逐家歡喜來吟詩， 感謝天父賜福氣； 真理來台六十秋， 福音報傳全地球。 2.起頭馬偕博士來， 報傳道理，除歹事； 親像1粒芥菜子， 興旺大欉，主歡喜。 3.博愛慈悲牧師娘， 母會派你到東洋， 愛祝北部鑽石年， 贊阮信心愈加添。 4.母會恩情真正大， 福音無到，阮袂活； 愛報母恩攏袂會， 表意來開歡迎會。 5.願主耶穌來幫贊， 加添信徒無數萬； 願父祝福這个會， 那久那大，人那濟。...

[1932-7 台灣教會報/芥菜子 文類-詩 作者--/-]
耶穌佮撒馬利亞的婦人人 [ Iâ-so͘ kap Sat-má-lī-a ê hū-jîn-lâng ]
耶穌佮撒馬利亞的婦人人 1932.07 第568卷，芥菜子第78號，p.27 （調用「Take my life」，作曲者Wm. B. Bradbury） 1.耶穌經過撒馬利亞， 近佇約瑟的地敘加； 佇遐有雅各的水井， 主行路siān，坐佇井邊； 學生入城買食的時， Kan-ta賰主佇遐家己； 愛傳道理予遐的人， 就趁機會連鞭做工。 2.撒馬利亞的婦人人， 欲上水帶瓶佮水桶； 耶穌愛用水做問題， 所以對伊討水1杯； 婦人講恁阮無往來， 啥事對我討水的事； 主講若論上帝的恩， 就無分恁阮攏有份。 3.婦人無明這個意義， 就用濟濟話來問伊； 路尾信伊是先知...

[1932-8 台灣教會報/芥菜子 文類-詩 作者-章王由/Chiong Ông-iû]
耶穌佮尼哥底母 [ Iâ-so͘ kap Nî-ko-tí-bú ]
耶穌佮尼哥底母 1932.8 第569卷，芥菜子79號，p.28 （章王由　做） （調用「Guide」，作曲者是M. M. Wells） 1.有一暗暝尼哥底母， 專工來到耶穌貴府； 承認伊是對上帝來， 有權能通救世界； 耶穌講人無重頭生， 上帝的國就袂看見。 2.尼哥底母袂會理解， 掠做著閣入母胎內； 主講若對神來生， 就上帝國才會看見； 愛入上帝國來歡喜， 著尊趁救主的教示。 3.主雖罔譬喻地上事， 猶過有人毋知意思； 所以若講天頂的事， 就閣較濟人袂會知； 摩西舉起蛇佇曠野， 就是表明主的神蹟。 4.上帝賞賜獨生的子， 降生做人這是有影； 有...

[1932-10 台灣教會報/芥菜子 文類-詩 作者--/-]
耶穌受試 [ Iâ-so͘ Siū-chhì ]
耶穌受試 1932.10 第571卷，芥菜子81號，p.26 （調用「Save by grace,」作曲者Geo,c Stebbins） 1.聖神chhoā耶穌到曠野， 佇遐四十暝日禁食； 魔鬼來試上帝聖子， 叫伊用石頭變做餅； 耶穌應講：人的活命， 毋若倚靠這款的餅； 只靠上帝所出的話， 上帝以外無人會做。 2.第二擺，魔鬼閣進前， Chhoā主到聖城的殿頂； 講伊若是上帝的子， 對殿頂tiô落也免驚； 耶穌應講：莫得試主， 因為聖經有記一句； 魔鬼有時會引聖經， 主引起別節來得勝。 3.第三擺，魔鬼顯手段， Chhoā耶穌到極懸的山； 用逐國榮華...

[1932-12 台灣教會報 文類-詩 作者--/-]
聖誕頌歌 [ Sèng-tān Siōng-koa ]
聖誕頌歌 1932.12 第573卷 p.22 (T. R. S.) =(T.SHU， 1932)= 1.主出世，伯利恆城，阮欲來揣伊， 天頂天軍攏出聲，呵咾、稱讚伊。 顧羊--的，佇曠野--裡，天使報in知， 救主出世伯利恆，In就去敬拜。 2.阮大家，有看見星，出現佇天--裡， 博士歡喜去揣伊，敬拜獻禮物。 阮學in，來欲拜伊，獻誠實的心， 呵咾吟詩真歡喜，報揚這福音。 3.真歡喜，救主出世，永遠呵咾伊， 誠心認伊做救主，咱著親近伊。 主仁愛，極大無比，拯救世間人， 憂悶驚惶攏無--去，得歡喜向望。...

[1933-8 台灣教會報/芥菜子 文類-詩 作者-章王由/Chiong Ông-iû]
浪子回家 [ Lōng-chú Hoê-ka ]
浪子回家 T. O. CHISHOLM， GEO. C. STEBBINS 1933.08 第581卷，芥菜子91號，p.25 (章王由　譯) 1.我踮佇曠野荒埔所在， 放蕩困苦，多數年以來， 常受枵餓佮驚惶所迫， 著轉來這時刻， 憂悶所行腳步無謹慎， 因為欲閣見聖爸的面， 應該認份取奴僕的位， 決心起身回歸。 和。著轉來天爸的家， 著轉來天爸的家， 決心起身回歸， 我知伊有大恩惠。 2.啥事餓死佇失望地方， 無人可憐敢近倚來問， 我爸的家，有米糧真濟， 今著起身回歸， 深深反悔前所行不是， 袂堪閣稱做伊的子兒， 穩當天爸無愛我離開， 決心起身回...

[1933-8 台灣教會報/芥菜子 文類-詩 作者-柯維思/Koa Î-su]
傳道歌 [ Thoân-tō Koa ]
傳道歌 1933.08 第581卷，芥菜子91號，p.27 (柯維思) 1.請問看報的兄姊， 咱來經營一公司， 無利蝕本的生理， 目的毋是想趁錢。 2.街頭巷尾教人字， 字母一本兩sián錢， 人會獨習免先生， 路邊學校免開錢。 3.起頭試看兩三字， 以後漸漸那加添， 每日免講五分時， 一月以來穩捌字。 4.亦是日、台，共通字， 免用苦心kiūⁿ peh-nì, Thit迌唸歌紲捌字， Tai-heng o͘-mo͘-si-lo-i (國語)。 真正心適閣真奇。 5.耶穌叫咱著做燈， 咱的燈火著修整， 咱的燈火若光明， 眾人歡喜來歡迎。 6.耶...

[1935-2 台灣教會報/芥菜子 文類-詩 作者-柯--氏 Í-lī/Koa--sī Í-lī]
遐等我 [ Hia tán Goá ]
遐等我 1935.02 第599卷，芥菜子109號，p.24 (柯--氏Í-lī譯) 1.佇彼爿是咱祖家， 聖徒到遐見天父； 死失，到尾無權勢， 遐等我。 親像暗暝那過去， 就會成做大歡喜； 愛倒去佮主無離， 遐等我。 和。遐等我， 遐等我； 遐有活命的樹teh開， 遐等我。 死失，到尾無權勢， 佇彼爿是咱祖家； 聖徒到遐見天父， 遐等我。 2.遮所向望是空空， 相疼的情若眠夢； 天堂的大福無限， 遐等我。 佇河kiⁿ，光光普遍， 聖城內予人欣羨； 咱的信仰著著現， 遐等我。 3.天使所蹛的金城， 是teh呵咾主的名； 皇宮就是王的城，...

[1935-3 台灣教會公報/芥菜子 文類-詩 作者-吳O-bí/Gô͘ O-bí]
苦膽慘極的哀語 [ Khó͘-táⁿ chhám-ke̍k ê ai-gú ]
苦膽慘極的哀語 1935.03 第600卷 p.18-19 (Gô͘ O-bí). 1.搖天動地的慘境， 不知危機在目前； 苦境未到的代先， 血脈絲線難報明。 2.心茫亂亂oh得講， 忽然慘聲到天堂； 悲觀慘境暗bong-bong， 哀哀叫叫亂亂chông。 3.想著實在真通驚， 可憐細子的慘聲； 慘聲直透到天城， 救主chhoā伊免驚惶。 4.救主伸手來牽--去， 驚惶僥疑消無--去； 羊羔聖城光無比， 金城冕旒堪得戴。 5.世上現踮的子兒， 毋通重眠無警醒； 看到這時的危機， 不知連到tò鄉里。 6.到時救主chhiûⁿ大風， 冇粟稗仔上半筐...

[1947-3 台灣教會公報 文類-詩 作者-周天來/Chiu Thian-lâi]
稱讚救主一生的歌 [ Chheng-chàn Kiù-chú It-seng ê Koa ]
稱讚救主一生的歌 1947.03 第699期 p.6 (屏東：周天來) Key=Dd 4/4 1. 我心所望的救主， 已經來到世間； 應驗先知所讖語， 我心穩得平安： 東方所看的光星， 報阮知主出世， 今將所有獻予伊， 表明感謝，歡喜。 2. 主，你為阮的罪過， 三十三年的久， 無嫌艱苦佮著磨， 予阮成做富有： 主，你替阮來受死， 信你通得永活， 久長踮天國企起， 呵咾主，攏無煞。 3. 主，你閣活欲怎樣， 彼時吩咐學生， 報揚救世的真理， 攏記載佇聖經： 你常常佮阮踮， 到世間的末日， 阮將這事做紀念， 感謝主，心所願。（阿門！） 附記...

[1947-11 台灣教會公報 文類-詩 作者-賴江/Loā Kang]
世間是苦海 [ Sè-kan sī khó͘-hái ]
世間是苦海 1947.11 第706期 p.10-11 (草屯：賴江) 1. 世間實在是苦海， 毋免我講逐家知； 一生歡喜無幾擺， 憂悶苦痛直直來。 2. 也有世情的煩惱， 也有天降的災禍； 也有自己的所做， 也有雨潑天窗落。 3. 今我簡單來講起， 有的生著歹子弟； 有的娶著歹妻兒， 惡妻孽子無可治。 4. 有的嫁著歹翁婿， 有的抵著歹tang-sāi； 有的ta-ke，ta-koaⁿ bái， 家庭不時鬧chhai-chhai。 5. 有的跋落囝兒坑， 有的煩惱攏袂生； 有的真gâu厚破病， He-ku tām-tū嗽規暝。 6. 有的夫婦真相...

[1949-5 台灣教會公報 文類-詩 作者-Âng Tiông/Âng Tiông]
樂山園創立15週年紀念慶祝歌 [ Ngāu-san-oân chhòng-li̍p 15 chiu-nî kì-liām khèng-chiok koa ]
樂山園創立15週年紀念慶祝歌 1949.05 第725號 p.10 (Âng Tiông做) 1. 仁壽醫生西國人， 受主揀召到外邦； 看著癩者真苦痛， 用藥醫治不幸人。 2. 仁壽同情癩病人， 日夜勞苦走西東； 看有所在較穩當， 起厝來收這款人。 3. 彼時醫生有拍算， 奔走全島各地方； 拄著水龍來相tn̄g， 決定所在八里庄。 4. 田，山計共二六甲， 交涉登記水龍擔； 題緣醫生較有phā， 募集寄附gâu pha-sa。 5. 病室拄好二十間， 有志人人鬥贊成； 寄附的人好德行， 祝in家和萬事成。 6. 院內設備真好勢， 逐間拄好蹛四个；...

[1949-5 台灣教會公報 文類-詩 作者--/-]
信仰精進的詩 [ Sìn-gióng cheng-chìn ê Si ]
信仰精進的詩 1949.05 第725期 p.9-10 (希伯來12:10) 1. 主--啊！求你日日， 加添我信心； 賜我謙卑，誠實， 順趁你福音： 聖神扶持，幫贊， 予我那成聖； 賜我歡喜，平安， 服事主無停。 2. 主--啊！求你日日， 為我來做成； 信心，德行無失， 試煉攏較贏： 聖神引chhoā，指示， 明白主旨意； 好膽干證道理， 榮光主名字。 3. 主--啊！求你日日， 模樣予阮看； 贊我盡忠，盡職， 永遠無變換： 看天堂的榮光， 我愛進入去， 福氣，平安，齊全， 佮主永無離。 附記：- 這首詩是真出名的聖詩作者，兼作曲者，...

[1949-8 台灣教會公報 文類-詩 作者-Âng Tiông/Âng Tiông]
樂山園創立15週年紀念慶祝歌 [ Ngāu-san-oân chhòng-li̍p 15 chiu-nî kì-liām khèng-chiok koa ]
樂山園創立15週年紀念慶祝歌 1949.08 第728期 p.4 (Âng Tiông-hoé)[sic.] (應該是 "Âng Tiông做", 見1949.05) 7. 博士就是道德醫， 救癩事業無趁錢； 千辛萬苦為道理， 克己利他真慈悲。 8. 幫贊醫生是醫生娘 ， 夫妻同意gâu忍受； 無嫌癩者lah-sap相， 屈在深山不自由。 9. 轉眼嫁了十五年， 神妙奧秘人不知； 病院永存主旨意， 諸位先生gâu維持。 10. 阮做患者盡本分， 日日數念父大恩； 無在社會放細菌， 盼望癩病會斷根。...