[1954-1 台灣教會公報 文類-散文 作者-溫榮春/Un En̂g-chhun]
東中成功教會 [ TANG TIONG Sêng-kong Kàu-hoē ]
東中 1954.01 781號p.21-22 (溫榮春) 1、成功教會。 佇成功鎮新港有兩間的教會。一間是本省的平地教會，猶有一間是山地 Amis 的教會。從前 Amis 的兄弟猶未起禮拜堂的時，是借新港禮拜堂teh聚集禮拜。今 in有簡單起一間禮拜堂佇番社，名叫成功禮拜堂。每禮拜差不多有成人200外人做禮拜，是Amis獨立的教會。這pang有開山地的指導者講習會佇遐，有80外名teh聚集。講師是駱先春牧師佮內地會的 (美籍的) 林寶華牧師，Miss Duncan & Miss Ashby兩位的姑娘，筆者也有機會去參加。這pang 的講習的目的，是予in有閣較深bat主的救恩佮怎樣來...

[1940-1 台灣教會公報/北部教會 文類-散文 作者-溫榮春/Un En̂g-chhun]
對廣東 [ Tuì Kńg-tang ]
對廣東 溫榮春 194001 658號 p.25-27 鄙人佇舊年5月，有拜命東亞傳道會的牧師，佇東京佮台灣受著真大的歡迎佮激勵，實在是鄙人的光榮佮感激。為著種種的準備佮都合，延延到7月9日，才對高雄坐船出發來廣東，欲出發的時，閣受著格外的送行真道謝。 七月13日，有夠廣東市，真濟人聽候阮，就是有早阮一禮拜代先來的Kūn-sim先生以及對前幫就來的I-kang牧師，以外有青年會的Kong-pō͘。先生佮中國的兄弟十數名，以及台灣來的兄弟幾若個。到位隨時開歡迎的晚餐會，予阮非常感激。彼時我有感覺著主的福音的威力。踮佇主的疼的內面攏無分別猶太，希利尼。彼暗受著李Kong先生的好意，有踮佇i...

[1937-4 台灣教會公報 文類-散文 作者-蔡受恩/Chhoà Siū-un]
教會的反省 [ Kàu-hoē ê hoán-séng ]
教會的反省 蔡受恩 1937年4月625期 21-22 反省的教會，就是做咱咧欲向前的準備，也是發展的出發。近來教會有不止受奮興的色彩，真通感謝主。 雖是徛佇這个奮興的時期，猶過魔鬼咧做工欲搶提咱。所以著反省甚物時，是魔鬼的機會，對怎樣咱的教會未出發到佇復興的地點。請相及反省數項來做咱的警戒。 1. 嫉妒分爭。I林3：3-15。看哥林多教會的紛爭，予保羅真掛慮。In是用人做中心。有人講阮是屬保羅，有的講阮屬亞波羅，真可憐，in毋知，in受召是對基督，也毋知in的教會是基督的。In成群結黨，顧家己的地盤，擁護私意的人。咱教會有按呢無？若按呢袂通出發到佇奮興的地...

[1937-5 台灣教會公報/芥菜子 文類-散文 作者-蔡受恩/Chhoà Siū-un]
上帝的能力 [ Siōng-tè ê lêng-le̍k ]
上帝的能力 蔡受恩 1937年5月626期 22-23 人佇甚物時會體驗上帝的能力？敢毋是對信，佇基督來祈禱的時mah？實在是對咱佇靜聽的時，來應答伊的聖意去行。這就是能力的工作。 耶穌捌chhoā學生上山祈禱，佇彼時伊的面貌變做榮光燦爛。爸的能力充滿。後來落山，佇山跤有甚物事？「就看見規大陣人圍in......」咧創甚物？伊的學生咧予人質問，咧相辯論。會做工mah？袂啦。 有甚麼工通做，「有一人chhoā伊的囝患著鬼的神」......流瀾，顛倒，咬齒。欲來予學生共伊醫，有法得mah？無啦。「請你的學生趕伊，也袂會」。佇這山跤的事，敢毋是今日現實的問題mah？現代的社會，...

[1937-9 台灣教會公報 文類-散文 作者-蔡受恩/Chhoà Siū-un]
爸啊！你愛我做甚物？ [ Pē ah! Lí ài goá choè sím-mi̍h? ]
爸啊！你愛我做甚物？ 蔡受恩 1937年9月630期 22-24 爸啊！你的尊名會通予我叫，毋是阮會堪得，是你救阮脫離魔鬼，來做你所認的囝。爸啊！感謝你。因為你一切的恩惠對主耶穌基督來顯明。你做阮受揀的人的慈愛的爸，通佮你交陪，通知世上是出外的所在，常常準備積聚財寶佇天裡。 日日向望永遠會佮主徛起的快樂。總是真可惜，做基督徒有時驚了毋知家己所蹛的地步，佮所受的福氣。也毋知爸上帝所愛咱著做的是甚物？著行到甚物地步佮應當著背的責任。為著按呢，聖神不時替咱吐氣擔憂，致到予爸上帝憂悶。 咱佇遮無愛做一个有名無實的信徒。咱代先著知上帝愛咱做一个甚物款的人，也著聽上帝的旨意佮應當著做...

[1937-10 台灣教會公報 文類-散文 作者-蔡受恩/Chhoà Siū-un]
改革主義的信仰 [ Kái-kek chú-gī ê sìn-gióng ]
改革主義的信仰 蔡受恩 1937年10月631期 24-25 台灣長老教會的信仰，是徛佇正統tek福音主義的信仰；總是現實驚了無有四正的內容。佇等號郭和烈先生所論「信仰」，也有講起現在一般咧信仰的內容真有差謬。實在今日教會的信仰真有通反省的所在。信仰若無端正，就到會親像起佇沙土；彼个信仰者也毋是上帝--的，也彼个教會是屬人--的。這攏是對佇家己中心的都合主義，獨善主義的結果。 這款的教會，欲thài會發展。佇遮愛反省。若是按呢咱的信仰對甚物定準來檢討？只有著倒轉佇聖冊來仰望基督，才會定準咱的信仰是端正。 Chī-chuī第一有忠實佇聖冊的信仰？使徒時代以後的St. ...

[1937-12 台灣教會公報 文類-散文 作者-蔡受恩/Chhoà Siū-un]
改革主義的信仰(2) [ Kái-kek chú-gī ê Sìn-gióng (2) ]
改革主義的信仰(2) 蔡受恩 1937年12月633期 26-27 前回的事業所講起改革主義信仰的出發，是根據佇聖冊所顯出的上帝的實在(Actual Existence)。萬項事攏是上帝做中心，是為著伊本身來存在。對信仰來認識上帝的實在性。這个カルヴイン主義的信仰，是注重佇神觀念的重要性。ウアーフイールド(B. B. Warlfield)有論起這个主義的特點，講「カルヴイン主義者的信仰就是看所有的現象的背後有上帝的支配佇咧，所拄著的事情逐項攏是伊所允准來指揮--的，是欲實現伊的旨意。所以對咱的祈禱，來予咱的信心對上帝的態度有絕對依賴的信憑，通予咱一生的活動有四正佮久長...

[1939-2 台灣教會公報/北部教會 文類-散文 作者-蔡受恩/Chhoà Siū-un]
你的奴僕咧聽 [ Lí ê lô͘-po̍k teh thiaⁿ ]
你的奴僕咧聽 北部中會的準備 (蔡受恩) 1939.02 647期 22-23頁 教會渾沌混雜的原因，攏是對聽家己的聲佮環境的聲，來叫起私慾佮感情，致到拍亂教會運行的秩序，這攏是過去的事。咱迎接新年已經有徛佇主的面前來出發新的立約，也有信仰的決斷。清算人佮家己的話，決意欲聽上帝的話。撒母耳會成做上帝的使者，是對聽耶和華的聲來應答去行。伊講，「耶和華啊，請講，你的奴僕咧聽。」咱受揀做伊的差用人，是對聽伊的話來出發做工，才會成就伊的旨意。愛解決教會過渡期的危機，只有是著對聽上帝的話來出發，毋通閣聽家己的話佮人的聲。 北部中會佇舊年分做三个，猶偆真濟重要的問題，佇咧欲來的原北中召集的時...

[1937-5 台灣教會公報 文類-散文 作者-吳義勇/Gô͘ Gī-ióng]
著傳基督佮伊的十字架 [ Tio̍h Thoân Ki-tok kap Si̍p-jī-kè ]
著傳基督佮伊的十字架 吳義勇 1937年5月626期 11-14 上帝佮人的中間只有一本冊，會予人捌伊，也只有一个中保，予人對伊來親近上帝。聖經是上帝寫成的冊，耶穌是對上帝的道來成--的，耶穌講，恁研究聖經共我做干證的，就是這本聖經。咱做信徒的人最要緊，就是愛知捌上帝佮耶穌。保羅佇哥林多前書2：2有講，「因為我決斷佇恁中間毋知別項，只有知耶穌基督釘十字架nā-tiāⁿ」。保羅是真博學的人，伊原本也是知影真濟項的代誌，毋過伊為著救人的事，所以毋講別物，只有講耶穌基督釘十字架的道理nā-tiāⁿ。咱做傳道理的人，所著知的也是這點，一生所著傳的也是佇這點，可惜人知影真...

[1928-1 台灣教會報/芥菜子 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu sú ]
台灣基督教史 吳昌盛 1928.01.01 514卷(芥菜子第23號) p.11-13 「歷史」這句有兩項的意思佇teh：(1)就是有一項事件；亦彼項事件的經過叫做「歷史」。(2)就是有一項事件；亦彼項事件經過的記錄亦叫做「歷史」。所以「歷史」有真濟款。親像「世界歷史」，「國家歷史」，「家庭歷史」，「個人歷史」等等。亦有「文學史」，「哲學史」，「美術史」，「科學史」佮「宗教史」。以外猶真濟，若欲攏總來寫是寫不盡。 Taⁿ將「宗教史」the̍h起來講就好。「宗教史」的內面有閣分各宗教的歷史。親像「基督教史」，「佛教史」，「回教史」，「儒教史」，「道教史」等等，真濟。 ...

[1928-2 台灣教會報/芥菜子 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu sú ]
台灣基督教史 吳昌盛 1928.02.01 515卷(芥菜子第24號) p.11-13 第一章：基督教傳來以前的台灣。 第1節：有史以前的台灣住民。 研究上帝佮人的關係，這款的問題叫做宗教問題。所以若無上帝的宗教毋是實在的宗教。若無人的宗教亦是干焦一種的空想nā-tiāⁿ。Taⁿ欲調查咱台灣的基督教的以前，淡薄來調查咱台灣的住民，卻亦毋是無利益的事。免講台灣第一起頭的住民，就是現時的生番的祖公，到嶄然後來才有漢民族，大和民族佮西洋人入來。Taⁿ代先來研究生番的祖公。 設使咱若欲來問人講，「第一代先來踮台灣的人是啥物款的人？」的確欲無僥疑異口同音應講，「是現在生番的祖公。」對真...

[1928-3 台灣教會報/芥菜子 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu sú ]
台灣基督教史 吳昌盛 (續接前號第13面) 1928.03.01 516卷(芥菜子第25號) p.10-13 4.「iàu一項較會通確實證明in 的祖公是對南方的海外徙入的，就是現時佇宜蘭地方的 奇萊平野的奇習慣。這所在的生番因為欲紀念in祖公是對海外徙來蹛這个台灣島的，有保存兩隻的獨木船。一隻是欲àu欲àu，所以才閣做一隻新的來補。兩隻攏囥佇海墘的草厝內。In每年有一擺的儀式，將這兩隻的船扛落海，人才peh khit去坐，才kò對南爿的外海，亦才kò入來，大聲喝，亦才將這兩隻閣扛入草厝去囥。親像按呢in大家teh紀念in 的祖公對；南爿來。」 5.「亦有講in 的祖公...

[1928-4 台灣教會報/芥菜子 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu Sú ]
台灣基督教史 吳昌盛 (續接前號第13面) 1928.04.01 517卷(芥菜子第26號) p.11-13 2. 傳說，「In 的祖公予漢民族共伊趕去山內táu-toé，所以為著欲說這點恨才有刣人。對按呢in代代有趁in祖公的教示，凡若男子有分別的智識，in老父著chhoā in囝去山頂，才指彼个山腳的平野，來講起in祖公所留的怨恨。亦共in講著安慰in祖公的人來刣人。」這个傳說實在會信得抑袂，全然是疑問。 實在這个刣人的風俗是對漢民族袂徙來台灣的以前就有。若閣將in 的根據地，南洋遐的人的習慣來調查，亦會通發見親像這款的風俗。閣再以前我有講受著漢民族的壓迫的毋是生番...

[1928-5 台灣教會報/芥菜子 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu Sú ]
台灣基督教史 吳昌盛 (續接前號) 1928.05.01 518卷(芥菜子第27號) p.11-13 第一章： 第2節：有史以後到荷蘭領台止。 台灣最第一代先記上歷史的記錄是隋朝的時代，比隋朝較以前卻無啥物確實的記錄；雖然漢書有寫「大灣國」有人teh推想講是台灣，總是漢朝的地理誌無綴通看，大灣國這三字。所以袂通決斷來講的確有影。 第一代先來台灣探險的年號就是隋朝，煬帝，大業三年。若看彼時的記錄有寫講，「煬帝令羽騎尉，朱寬入海訪異族。何蠻言之。遂與蠻俱往。因至流求國(就是台灣)。言不相通，掠一人而返。」Siāng年號的 7年才派遠征軍。彼个記事有寫講，「帝遣陳棱卒兵，自義安浮...

[1928-6 台灣教會報/芥菜子 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu sú ]
台灣基督教史 (續接前號) 吳昌盛 1928.06.01 519卷(芥菜子第28號) p.11-12 第一章：佇台灣頭一擺的基督教。 第1節：荷蘭人的領台。 Taⁿ咱暫時來看西洋的大勢。佇十三世紀的中站有發明指南針，毋但按呢對學術的進步會通證明地球是圓--ê。對按呢應用這个指南針行船的人敢好膽駛出去外洋。所以行船術加不止進步。 佇1486年Bartholomew Dias有發見駛對亞非利加的南端去印度的船路。閣佇1492年Christopher Columbus有發見A-bí-lī-ka新大陸。閣對1519年到1522年Magellan有發見對太西洋出去太平洋的船路，毋...

[1928-7 台灣教會報/芥菜子 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu Sú ]
台灣基督教史 吳昌盛 （續接前號） 1928.07.01 520卷 (芥菜子第29號) p.11-13 佇1622年，荷蘭的將軍Kai-che-lu-lin chhoā 17隻的戰船來澎湖對Ang-bo̍k-têng上陸。彼時有真濟的中國討海人來踮佇遮。予荷蘭人搶去的討魚船有六百外隻；毋但按呢將中國人揪去做築城的苦力。受著in 的虐待不止大，致到城起袂好的代先就死kah欲了去。 Taⁿ將Ba̍k-sì所寫的抄錄淡薄，「因為欲起城座有掠中國人1500人。強制叫in著做工。工事袂落成的以前就已經餓死1300人。因為一日才半斤米予 in食nā-tiāⁿ。」 閣Lu-lo-u...

[1928-8 台灣教會報/芥菜子 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu Sú ]
台灣基督教史 吳昌盛 1928.08.01 521卷(芥菜子第30號) p.11-13 吳昌盛先生佇6月28號受主揀召。台灣教會有大損失一位有為的人物。阮大大共伊傷心。伊對佇阮的報紙不止出力。阮愛共伊感謝，紲寫幾字來表阮的弔意。 編輯部。 (續接前號) 第二章：－ 第2節：荷蘭人的佈教。 A. 宣教師簡單的異動。佇1624年，荷蘭來佔台灣，in本國的當局者就連鞭有希望欲派傳道師來指導踮佇台灣的荷蘭人。這个希望後來有實現派兩個來，頭一個就是Michel Theodori，第二個就是Lawrengoon。頭一個來台灣無偌久就連鞭閣叫倒去Ba-ta-bia。第二--...

[1928-9 台灣教會報/芥菜子 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu Sú ]
台灣基督教史 吳昌盛 1928.09.01 522卷(芥菜子第31號) p.11-14 (續接前號) 第二章： 第2節：荷蘭人的布教。 B.布教的事蹟佮計畫。 照以前所講若欲調查chiah 的事蹟，除起對冊以外通講是無較好的法度。因為差不多倚200年久，受著異教的管轄致到所有的古蹟遺物大概攏無去lah。所以事實通講全部是佇報告書，個人的批信佮旅行記nā-tiāⁿ。對按呢精密的研究通講是不可能。所以干焦將聚集報告書，批信佮旅行記chiah 的菜料來做滿足。Taⁿ將所聚集--ê來寫佇下跤。 上第一代先的宣教師就是Georgius Candidius。伊的來台灣是162...

[1928-11 台灣教會報 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu Sú ]
台灣基督教史 吳昌盛 1928.11.01 524卷 (芥菜子第33號) p.11-13 (續接前號) 佇1650年11月10日的台灣年會報告書的 poa̍t-chuī有寫講，「過去六年久，Simon Van Green有去Tilosen設基督教的地基，亦有得著不止成功。伊離開遐了後，Jacobus Verrecht有不止熱誠來繼續伊的事業到這tia̍p。到舊年伊才有得著Gilbertus Happartius做伊的幫手。阮有teh期待佇這个所在會通得著真好的結果。現時這个事業有不止順調teh進行。Vertrecht已經不止精工本地話lah。毋但說教佮基督教問答用Tavolang...

[1928-12 台灣教會報/芥菜子 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu Sú ]
台灣基督教史 1928.12 525卷 p.11-13 吳昌盛 (紲接前號) 佇1657年，10月5日，台灣年會詳細書的跋萃有寫，「有對新領事接著Ba-ta-bia來的批信。彼个內容有咧嫌阮教化南部眾鄉社用新港話做用語，致到無得著大成功的事。閣亦講欲將這个地方的教化委託政府，毋予教會干涉。總是這項是因為當局干焦愛阮緊成功亦毋允阮的要求的所致。阮有對當局請六項，總是無允阮。(1)著愛予牧師有權通召集in所想得當的教師，閣予in有自由通揀in所欲研究的地方。(2)對欲研究南部鄉社的話的眾牧師，求政府歡喜予官吏來教。(3)In所召集的官吏到教師著愛指導in所愛欲學的話。(以下猶有三項，免...