[1956-8 台灣教會報 文類-散文 作者-張逢昌/Tiuⁿ Hông-chhiong]
研究勤勞營是sím-mi̍h [ Gián-kiù Khûn-lô-iâⁿ sī sím-mi̍h ]
勤勞營是甚麼？(張逢昌) 勤勞營是chaih久常常聽見ê 新語。 Taⁿ hit-ê意思是甚麼？起源是怎樣？ 抵好有前青年處ê總幹事張Hông-chhiong牧師去日本實際參加， 現地見聞， taⁿ tī chia kā咱解答，請讀者注意。熱天到lah， tī 這個時間咱有濟濟ê聚會，有ê是全省性ê，有ê是中會性ê，也有ê是教會家己設法ê地方性ê，就是夏令會， S.S.教會靈修會 等，咱台灣也已經有別所在有，咱也有teh發動。 M̄-kú其中有一項咱iáu-boē有ê，就是我這時所ài beh介紹ê "勤勞營" 這個 名詞，是我家己譯--ê，以外若有khah tú好ê 向望相指教。為tio̍h...

[1956-3 台灣教會報 文類-散文 作者-楊作舟/Iûⁿ Chok-chiu]
研究論破土ê管見 [ Gián-kiùLūnphoà-thó͘êkoán-kiàn ]
論破土ê管見楊作舟論「破土」兩字是異教世俗ê用語。 伊所表現ê思想除去khiàn損，異端以外，無有甚麼thang講。稽考異教ê人，in信宇宙中有真濟相競 (相兢)，相忌 (相忌) ê事物。這號相競， 相忌ê事物叫做 "thah-pò͘" (塔布 tabu， taboo， tapu)。Tabu ê 語源是海島 (海島) ê 用語， 漂出(漂出) ê意思。後來是通用tī宗教以及風俗，禁人m̄-thang觸犯(觸犯) tio̍h神抑靈 (靈) ê意思。因為神kap 靈有是有tabu ê存在。Tabu是不可侵犯ê，設使人侵犯著是無有解救ê餘地。所以tio̍h 張持， 細膩閃避，m̄-thang 衝 (...

[1955-12 台灣教會報 文類-散文 作者-侯蓮湖/Hâu Liân-ô͘]
最大ê疼 [ GIÁN-KIÙ: Choè-toā ê thiàⁿ ]
最大ê疼 侯蓮湖 作 最大ê疼就是上帝ê疼，就是tī咱ê主基督耶穌所有ê疼。照希臘語有4 字表明疼ê意思: (1) Eros。是表明肉體tek聖ê疼，大部分意思是講戀愛。(2) Storge。就是肉親 ê疼，就是本能tek ê情愛。 (3) Philia。就是社會tek ê 愛， 友愛。以上這3款ê疼根本是出tī人ê 自己中心，自己愛所生出ê疼。Koh濟濟是有想報答，是有條件ê疼。Koh也是受動tek，感情tek ê疼，尚且tuì人ê私慾有時會生出貪愛， 遺愛， 溺愛等等。(4) Agapē。就是上帝ê疼，基督耶穌ê疼。上帝對人ê疼，基督徒對上帝ê疼，基督徒ê相疼kap疼人。保羅tī I K...

[1955-5 台灣教會報 文類-散文 作者-高安賜/Ko An-sù]
兒童宗教教育ê重要性 [ Jî-tông chong-kàu kàu-io̍k ê tiōng-iàu-sèng ]
兒童宗教教育ê重要性 高安賜 作2。主日學教師ê使命。咱知主日學beh施行宗教教育ê時，最重要ê問題，就是教師ê問題。中間農村ê教會，教師ê欠缺koh-khah是濟。佳哉，聽講南中教育部有teh考慮; ài beh養成濟濟好ê主日學教師。甚麼叫做好ê主日學教師？使徒若thang譬喻作主日學教師，就thang講：in是主日學歹ê教師。使徒怎樣成做主日學歹ê教師？一，是iáu-boē 明主ê心; 二，是iáu-boē經驗著koh活ê主;三，是iáu-boē 經過五旬節聖神ê充滿，所以in 做細囝就近主ê阻擋(Khó 10:13)。主大無歡喜in講：「容允細囝就近我，莫得禁in，因為天國是in ê"...

[1955-4 台灣教會報 文類-散文 作者-高安賜/Ko An-sù]
兒童宗教教育ê重要性 [ Jî-tôngChong-kàukàu-io̍k ]
兒童宗教教育ê重要性 高安賜 作老母ê責任。4.老母ê心kap 囝ê心iàu相排來走。美國大統領林肯稱讚伊ê老母(繼母) 作是「天使，聖徒ê老母。」老母接著林肯死，報ê時，悲傷流目屎講："林肯ê心是我ê心，阮兩人ê心相排teh走。」án-ni thang知，林肯hiah-ni̍h 大o-ló伊ê老母ê原因，是因為老母ê心時常kap 林肯相排teh走，teh激勵，teh造就伊。好koh gâu ê老母，一方面嚴嚴責督教示囝兒，一方面gâu同情，體貼，理解囝兒ê心。老母絕對m̄-thang放hō͘ 囝兒過頭自由放縱，家己跑走;要緊tio̍h bat 囝心，也tio̍h hō͘ 囝 bat老母ê心，...

[1955-3 台灣教會報 文類-散文 作者-高安賜/Ko An-sù]
雜錄：兒童宗教教育ê重要性 [ Cha̍p-lio̍k：Jî-tông chong-kàu kàu-io̍k ê tiōng-iàu sèng ]
兒童宗教教育ê重要性 高安賜著接2月28面老母ê 責任2.好ê家庭教育。咱常常聽著孟母教子遷家3處ê 實例。聖經也講：「老母早chhoā囝兒ài主耶穌tio̍h bong恩， kā in祝福。」Tī家庭老母的確tio̍h khiā tī教育ê第一線，何論tuì普通教育，抑是宗教教育，老母一定tio̍h 做囝兒第一好ê先生。設使有老母對教育無十分ê能力，也tio̍h顯出對教育有熱烈ê精神kap好ê 態度。 提摩太真suí ê信仰，就是tuì 阿媽kap老母好ê家庭教育來得著ê (II 提摩chài 1:5)。世界有名ê大佈道家， Bú-tì 4 歲老父tio̍h過世，老母盡心教示伊， 17歲到母...

[1955-2 台灣教會報 文類-散文 作者-高安賜/Ko An-sù]
雜錄：兒童宗教教育ê重要性 [ Cha̍p-lio̍k：Jî-tông chong-kàu kàu-io̍k ê tiōng-iàu sèng ]
兒童宗教教育ê重要性 老母ê 責任。 論老母ê責任，這個問題是舊iáu-kú 永新，是淺iáu-kú是深。俗語講：「世上第一戇是皇帝，第二戇是老父。早時kok-ka ê是大是皇帝，家庭ê頭是老父，m̄-kú其實皇帝tio̍h 做百姓ê差用，為國家ê安寧kap百姓ê幸福來圖謀;也老父tio̍h 做囝ê奴僕，kā 囝洗腳，馬可10:43， 44， siāng這個意思。我好膽講：「世上第一戇是媽媽，第二戇是爸爸。」已經bat做媽媽ê人就知媽媽為著囝兒tio̍h犧牲joā濟ê幸福kap快樂來忍受一切ê 患難， kap勞苦。Tolstio(托爾斯泰)講，「人類無論是男性抑是女性， in ê使命平平是奉...

[1954-11 台灣教會公報 文類-散文 作者-高安賜/Ko An-sù]
兒童宗教教育的重要性 [ Jî-tông Chong-kàu kàu-io̍k ê tiōng-iàu-sèng ]
兒童宗教教育的重要性 馬可10：13-16。 1954.11，no.791，pp.27-28 論宗教教育的重要性毋是新的思想，抑是新的觀念，是對早早就已經有的難題，已經有濟濟賢人貢獻濟濟論說，應該無需要我再一番來言起。不過佇 10月10日，主日學記念禮拜，讀了馬可10：13-16 的時，予我的心感慨無量，想起過去無論對別人的囝兒，抑是家己的囝兒的宗教教育，未倒達到佇基督所理想的 目標通予基督歡喜，所以才愛寫幾句做檢討我過去的失敗佇基督的面前來認過失。我愛提出我的失敗的幾點來saⁿ-kap想，向望予咱無論對佇家庭抑是主日學的宗教教育會閣較慎重來推行。 兒童的地位。 過去兒童的地...

[1954-5 台灣教會公報 文類-散文 作者-吳永華/Gô͘ Eńg-hoâ]
社論：感謝母親 [ Siā-lūn:Kám-siā Bú-chhin ]
感謝母親1954. 05, no. 785, pp. 3-4(牧師：吳永華)有一所在一个家庭，有一个大姊佮小弟。伊的父母留這兩个無通依倚的小朋友，相紲離開世間。無依倚的這兩个小朋友就予伊的阿叔收留來養育。伊的阿叔也是有通食佮穿燒，猶過in實在是袂通過著真的家庭的快樂，因為in阿嬸有時無甚物好款待in。因為伊家己有囝兒佇teh。有一日，這个阿叔買一隻三輦的囡仔車轉去予伊的囝thit-thô。這个孤兒in大姊已經得著阿叔的疼，佇初中teh讀冊，伊的小弟猶是國民學校的 一年生。看著阿叔的囝有三輦車通thit-thô，欲共伊借，也無通分伊thit-thô，徛teh戇戇看，也毋敢對阿叔討。想講，阮阿母若...

[1932-8 台灣教會報 文類-散文 作者-陳川芎/Tân Chhoan-kiong]
真佮假 [ Chin kap Ké ]
真佮假陳--氏川芎1932.08, no. 569, pp. 14-15 我看世間的物，逐項有真假。 今欲講的，就是人的真假。頭一項是假.1. 面前的假做。 咱濟濟青年兄姊，出佇社會teh活動，經營事業；有食頭路--的，也有佇學校中teh勉強--的，各人盡in的義務。 若是有一款的青年，佇主人的面前，抑是佇先生的面前，親像聖人；總是佇無人看著的中間，無惡不做。 俗語講：（賊仔假聖人）；我講這款是面前的假做。2. 資格的假做。 列位青年兄姊，咱做基督徒，就是天父的囝，咱的資格boē通濫用。 可比來講：有一個皇帝，伊的囝就是歹子，in老父所設的法律若犯著，伊毋旦予in老父的法律boē通予人驚畏，也...

[1932-5 台灣教會報 文類-散文 作者-馬大闢/Má Tāi-pit]
新船進水 [ Sin-chûn chìn-chuí ]
新船進水馬大闢1932.05, no. 566, pp. 5 這擺新的船，就是教會公報，有開帆欲行佇社會的海裡。 佇伊的頭前有濟濟 猶boē抵著的海湧真濟問題。 伊teh出港的時，咱大家未免得搭手送伊去。咱講是新的船，總是其實毋是抵抵按呢。 坐這个船的人算是不止有經驗。 佇大會內猶原有真濟人tuì經驗，tuì研究，了解冊房的事。 彼个船毋是空空teh行 － 猶原有載物tī-teh。 有印刷的器具，夠額通用-猶原有冊真濟。 咱的希望，就是這个教會公報欲得著上帝的恩賜，致到tuì基督教的教育 －　tuì報揚教會的消息佮問題，逐方面欲做真有路用的器具，欲做教會團結的機關。 ...

[1934-9 台灣教會公報 文類-散文 作者-李傳/Lí Thoân]
六甲教會 [ La̍k-kah Kàu-hoē ]
六甲教會 1934.9，no.594，pp.18 佇7月29號，新任議長王守勇牧師有來本會開問道會，有一名來求進教。小會議准接納伊進教，佇8月12號頂晡10點，有行洗禮予一个大人，一个小兒，下晡同守聖餐。陪餐者男女共14名，獻金3.88，因為收冬期較少人。頂晡禮拜30外；下晡34名出席。 這間教會本是共遮的人稅一間店做禮拜堂。感謝上帝，這幫施Chú-keh先生娘歡喜將伊6500箍買的一座樓，暫時獻做集會的路用，所以現時集會真好勢。向望會漸漸興起。 本教會有兩个執事，因為失落一个，所以這幫照規矩投票，邱善德兄中選；佇8月12號，有設立伊做執事來鬥料理教會。 (李傳報)。...

[1932-4 台灣教會報 文類-散文 作者-李傳/Lí Thoân]
宗教佮音樂 [ Chong-kàu kap Im-ga̍k ]
宗教佮音樂李傳1932.04, no. 565, pp. 3-4 （接前號）咱對家己的經驗，有時若聽著好的音樂的感動力偌大啊！咱對聽好的聲音，致到來流目屎抑是反悔，這款的例毋是一兩擺若定。 佇雙面來看，這个音樂的力是予宗教佮音樂通結聯的緣啦。 所以tuì歷史tek來看，原來宗教佮音樂是相牽手來發達--的，親像希臘，抑是希伯來，抑是初代，到中世的基督教國，抑是東洋的各國，博敢亦是按呢。 若是音樂tuì宗教來獨立彼个宗教儀式，通講是小部分，亦無過頭。對這个結局，音樂就是宗教tek禮拜最有效的藝術的事。 咱大家無意思中攏有經驗的事啦。 就是咱欲對全能的上帝有彼款信心，抑是求念所出的宗教禮拜。 通講就...

[1932-3 台灣教會報 文類-散文 作者-李傳/Lí Thoân]
宗教佮音樂 [ Chong-kàu kap Im-ga̍k ]
宗教佮音樂李傳1932.03, no. 564, pp. 8-9 音樂是甚麼？ 音樂就是tuì聲音來生出快感得通歡喜快樂，he叫做音樂。換話來講：有人欲想這號音樂是一種的娛樂機關若定，he實在真大錯誤。 毋過若是有影予這款講音樂娛樂機關若定的人來想，彼个時代通講是音樂藝術墮落的時代啦。 若是彼个時代的音樂者佮聽者，只有干單予in所生出的快感來醉，閣soà滿足he實在是夠額墮落的時代。 若是親像這款的時代，音樂毋知失落偌濟偉大的力佮職份啊？所以佇下面咱愛小可來相佮想，音樂有甚麼職份佮力啊。論音樂愛研究彼个始原，he是boē hiah快的事，照咱所知，音樂tuì起頭就有一款的職份，he就是teh表...

[1923-12 台南府城教會報 文類-散文 作者-陳仁愛/Tân Jîn-ài]
婦人ê社交 [ Hū-jîn ê Siā-kau ]
婦人ê社交1923.12 465卷 p.5(陳仁愛記)常常聽起流傳講：「He ！查某人。」聽著這句，逐人都了解hit 個意思。我teh 想hit 個因端m̄ 知是怎樣？婦人人到底有幾部份ê 缺點來生出這句ê 流傳。今將所想一屑仔寫tī-chia，看會做至小可ê 勉勵我佮姊妹抑boē ？ 就是社交ê 事。古早信有女人國，穿心國，小人國。大家信教會移山，但是這陣無人愛信。就是對人那有社交，世界ê 狀況儼然親像tī 目珠前。Hit 個國若是愛佮別國交通貿易，tuì重社交，hit國是文明。若是親像早時鎖國ê 時欠社交，就oh進步，續倒退。家庭社交若欠，親像早時婦人人無出門，全無社交，若見著親人ngia...

[1923-11 台南府城教會報 文類-散文 作者-卓開日/Toh Khai-ji̍t]
孝行 [ Hàu-hēng ]
孝行1923.11 464卷 p.10(卓開日記)10月ê 報添旺先生論孝行，真詳細，真好，真要緊。今我m̄ 是beh 寫來補，猶有tuì重--ê ài koh 記tī 報紙數念無煞。 前次有講：「百項ê 好，第一著有孝。」詩經講：「老父生我，老母養飼我。Ai--ah ！生我hiah 艱苦著磨；ài 報伊深深ê 恩，也boē會。」Koh 講：「boē會疼伊ê 父母，來疼別人，是反悖ê 德行，未會敬伊ê 父母，來敬別人是反悖ê 禮數。」 聖經有講：「藐視父母ê 人著受咒詛。」（申命記，27：16。）「父母生你，雖然到老應該疼伊，m̄-thang 放sak 。」（箴言 23：22。）「罵父母ê 人...

[1920-9 台南府城教會報 文類-散文 作者-林清潔/Lîm Chheng-kiat]
奇怪ê新聞 [ Kî-koài ê Sin-bûn ]
奇怪ê新聞1920.09 426卷 p.7-8(林清潔記。)Tī 舊年我看見一篇ê 新聞teh 講tī 支那某所在有一個新換來ê 警察長，伊換來無幾日就有出兩款ê 命令hō͘人不止gông-ngia̍h;一款就是命令查某囡仔著縛腳。諸君聽了不止奇怪，因為現時逐位攏是teh 勉勵婦人人著liû腳，怎樣hit個警察長反對--咧？真好笑，其實伊m̄ 是命令一般ê 婦人人著縛腳，所命令ê 就是hiah-ê 做娼妓--ê 攏著縛腳，ehN-koài，án-ni有甚物解說？有--啦，有3項真通。頭一項是beh hō͘人家ê 婦人佮娼妓有分別， koh 一項是beh hō͘做娼妓ê 人家己見笑，因為有縛腳ê...

[1920-6 台南府城教會報 文類-散文 作者-林清潔/Lîm Chheng-kiat]
守錢奴 [ Siú-chîⁿ-lô ]
守錢奴1920.06 423卷 p.5-6(林清潔譯)。Bat看新聞teh 講 tī 外國有一個守錢奴，伊有積聚不止濟錢囥 tī 厝內，也伊心肝常常teh 注意hiah-ê錢因為驚了會失落，所以常常將門關--teh，就提出伊所積聚ê錢來算一遍看leh，算了就koh包起來囥。這個守錢奴已經真老--lah，無某也無子，因為伊驚了娶某生子會開了伊ê錢，伊只有飼一隻鸚哥鳥 tī 厝內佮伊做伴nā-tiāⁿ。守錢奴若teh 食飯ê時，hit 隻鸚哥佮伊 tī 桌頂食，伊若teh 算錢ê時，hit 隻鸚哥也 tī 伊ê身邊跳來跳去teh 看，所以除去hit 隻鸚哥以外無別人知伊ê錢銀囥 tī 佗位。 有一...

[1915-3 台灣教會報 文類-散文 作者-林清潔/Lîm Chheng-kiat]
自相矛盾 [ Chū-siong Mâu-tún ]
自相矛盾 1915.3，no.360，pp.6-7 現今本島人teh拜公媽，又閣信輪迴轉生，按呢這兩項實在自相矛盾。Taⁿ試照in所信的理氣來論。我有一擺問一个世俗人講，「恁講人死了後來會閣出世做人。若是按呢咱前蹛佇佗位，亦做甚物職業攏毋知，亦無一人知，這是怎樣？」In講，人tú-á死去，過七日，土地公就chhoā伊去食亡魂水to毋知了了lah；怎樣會記得前生死的代誌？我就閣pok伊講，「若是按呢，恁teh拜公媽有甚物路用？遐的公-á媽-á已經去食亡魂水，to毋知了了，亦毋知伊的囝孫，亦毋知佗一位是伊的厝。按呢恁佇厝teh拜有甚物路用？有孝伊，伊毋知，拜伊，伊袂食；又閣有的 kiám-ch...

[1920-4 台南府城教會報 文類-散文 作者-黃朝祥/N̂g Tiâu-siông]
社會：宗教 [ Siā-hoē:Chong-kàu ]
社會：宗教1920.04 421卷 p.11-12(黃朝祥記。)這個題目扑算有濟濟位 ê 牧師佮先生 bat 講起，列位大概也攏明白。我想ài koh 一 擺來談論，向望有小可利益，kiám -chhái 會做點這個浮漂 ê 世間 ê 利益。現時社會中所做 ê 事業，人所做 ê 職業，各等 ê 科學：自然科學（Natural Science） 文明科學（Cultural Science） 理想科學（Ideal Science）。照看佮宗教攏無關係。宗教另外一項物，攏是論神靈上 ê 事誌。科學，事業，所 teh 做 ê 目的無相同。Koh 有人想對古早宗教就是1 科，其餘 ê 科學也是家己1 科...