[1913-10 台南府城教會報 文類-散文 作者--/-]
中國遊歷 [ Tiong-kok iû-le̍k ]
中國遊歷1913.10 P.5近來有一位朋友去中國幾若所在行遊。Taⁿ 愛將伊所看見所經過報幾若項hō͘列位知。廈門。1.行政。對光復以來，雖然濟濟項有ké-換， iáu-kú論治安 ê事boē-thang講是安靜；因為賊仔真濟，暝日常常有偷the̍h kap搶人ê事，甚至連人續刣死亦敢。M̄-nā án-ni nā-tiāⁿ，連船隻出入ê事亦是無設法，kap 清國管轄ê時無各樣。親像阮hit日船 tú-á入港boē拋綻到好勢，hiah ê 駛舢板仔 ê人親像熊親像虎直直上船，行李亂搬亂koāⁿ。設使人若無真斟酌，行李就hō͘ in koāⁿ無--去。Bat聽見有人m̄若行李無--去，連路照亦...

[1913-11 台南府城教會報 文類-散文 作者--/-]
呂宋 [ Lū-sòng ]
呂宋Liâm Tok-lia̍t kì1913.11 P.10-11Tī台灣ê南旁， 離恆春oá 30 舖路有幾若小可海嶼。對 hia koh落南大概250 舖路四散tī 南洋 ê中間有3000 外大細 ê海嶼。地理ê冊有總名菲律賓群島，總是khah濟人叫in 做呂宋。 Chiah ê海嶼合共有kap 大英ê本國平闊，也比台灣差不多八倍大。雖然hiah ê海嶼有hiah-ni̍h濟，khah濟是細細只有十所--ê khah大nā-tiāⁿ.土地雖然是肥，iáu-kú真濟是iáu-boē 開墾， 人數也是少。照家甲hiah ê百姓總算有khah lím 八百萬人，其中有一百萬 iáu-boē受教...

[1913-12 台南府城教會報 文類-散文 作者--/-]
顏A-hó 別式 [ Gân A-hó pia̍t-sè ]
顏A-hó 別式1913.12 P.8-9顏氏A-hó 囡仔 ê時toà tī 苑裡街，是官家 ê 女子， Eńg-chím ê大查某囝。 生成靈巧有膽力，得著父母真疼惜伊。原本全家攏是世俗，伊ê老母先得著道理，就設法hō͘伊來女學thang讀冊。入學hit-霎心攏無欣慕主ê道理，到後來漸漸受感化，明白真理，領洗禮入聖教。查某囡仔若beh入女學攏著留腳。 A-hó hit時無án-ni，是beh試看伊toà 女學會tiâu á-bē。後來伊知人縛腳是無合主ê教示就留腳。為著這個代誌hō͘ in家內ê人kài受氣，若放學伊攏m̄敢倒去苑裡街， 著去toà in 母姨兜。Tiàm學內若看朋友破病，...

[1913-12 台南府城教會報 文類-散文 作者--/-]
恆春 [ Hêng-chhun ]
恆春1913.12 P.1-2近來大學暫停，阮派兩位 ê學生去toà tī 恆春傳教。Ē-底有印in所寄ê消息：阮兩人tī 新曆 19月6日下晡2點對Táⁿ-káu坐船；tī 沿路 ê中間所看ê山景kap海面ê款式，心肝ná親像行tī 形象外 ê歡喜。過無loā-久就看見鵝鑾鼻ê燈台，ná行ná 近-oá. Tī無拍算ê中間就到港口。hit時平安上山約略八九點鐘。Hit-霎有本底 tī 醫館熟識 ê朋友，陳 Kim-êng kap 陳Chāi，二位 chhoā阮去in hia。 幾若日久tī-hia佈道。後來chiah去恆春城beh soè厝，也soà去chhoē 支廳長； 伊不止好禮接納，是...

[1913-12 台南府城教會報 文類-散文 作者--/-]
呂宋(2) [ Lū-sòng(2) ]
呂宋 呂宋 ê 生理大興旺，現今比十年前有加添m̄-nā定倍濟。所出ê 貨第一濟就是山芎蕉ê 絲。 這號絲是對山蕉葉中央hit 支骨製造; 著 khau親像人teh khau王梨絲。用這號山蕉絲拍索是真勇。 這種 ê山蕉 tī 呂宋chiah 會昌盛，別位 ê所出 ê無thang好。第二項就是椰殼 ê 毛，有人用teh食，亦有人chìⁿ 油， chìⁿ了thang製造sap-bûn以及別物ê路用。呂宋也出糖 kap 厚薰真濟。其餘--ê所出是khah小可。百姓所食是米，總是家治所收 ê 粟無夠，逐年著對別為 tia̍h， 價銀大概五百外萬箍。現時入港 ê 貨第一濟是對美國來，因為美國ê物無抽...

[1931-1 台灣教會報/芥菜子 文類-散文 作者-陳能通/Tân Lêng-thong]
毒瓦斯tek的舌 [ To̍k-oá-su-tek ê Chi̍h ]
毒瓦斯tek的舌陳能通1931.01, no. 550 (KCC, no. 59), pp. 16-18 一个將校寫講："毒瓦斯tek的思想tuì 3000年前的古早就有。 Bē開化的人佮文明的希臘人，攏捌用濟濟款的毒物來相攻擊。 總是軍事上猶未到佇決定tek有價值的時，就開歐洲大戰。頭一擺用了有功效是佇1915年4月，德國第二擺攻擊白耳義的イープル的時，忽然所用的鹽素 (Chlorine)；干單3，40 分久15000人中毒，內中5000人的性命做頭擺的犧牲。 所以英、法兩國就盡力研究發明毒瓦斯佮用毒的器具。 總是德國不時都比聯合軍多進一步；閣攻擊的毒瓦斯佮用毒器具變做智識マラソン競爭，接...

[1931-2 台灣教會報 文類-散文 作者--/-]
自治思想 [ Chū-tī Su-siúⁿ ]
自治思想陳添旺1931.02, no. 551 (KCC, no. 60), pp. 15-16 追想"自治"激堯夠額通感激人的心內，永無boē記得的你。所講"自治"毋是逐个分拆四散，就是加添結合出力。親像本身"自治"是家己對責任，伊逐項的職務會安全。親像家庭"自治"，彼个家堅固，各人會負責任，家主的擔就減輕，免得做掛慮，過頭來憂悶，閣再伊的功勞成到有剩，全家有福氣。所以講：佇世間凡事攏通"自治"愛認明恩主。國家"自治"內眾，外界攏通安心，就彼个國有長大、堅固、徛在的地基。親像台灣tuì田總督創設"自治"以來，內政、外法，日日換新改善，做百姓的自覺出力，掌政權的人可以寬心，安然自知，可恭可賀...

[1931-2 台灣教會報 文類-散文 作者--/-]
論猶太人 [ Lūn Iû-thài lâng ]
論猶太人陳明清1931.02, no. 551, pp. 9-10 （接12月9面）今愛tuì 18世紀的頭仔來說明猶太人的境遇佮所欲受的福氣來寫佇下底：-1. 欲tuì猶太人的頷頸，除去異邦人的ka-chhia。 （耶利米30:8）。對佇1783年到1800年的中間，奧國、法國、普魯士國遮的，有廢無壓制猶太人攏總的法律。後來俄國的皇帝也有取消放逐猶太人的詔書。所以幾若百萬的猶太人chiah會通自由入去徛起佇俄國。 閣後來意大利，白耳義佮以外遮的國攏有允准猶太人做國民的權利。 英國對佇1830年到1858年的中間有取消反對猶太人攏總的法律。 佇1870年德國佮意大利賞賜猶太人有自由權。 佇1...

[1931-8 台灣教會報/芥菜子 文類-散文 作者-柯設偕/Koa Siat-kai]
論信 [ Lūn "Sìn" ]
論"信"柯設偕1931.08, no. 557 (KCC, no. 67), pp. 12-13 "信"是甚麼？"信"就是所向望的的實在，佮boē看見的事的憑準（希伯來11:1）。Ⅰ. 怎樣"信"是大要緊？1. 若無信，就boē會予上帝歡喜（希伯來11:6）。2. 對信，咱chiah有活（加拉太2:20）。3. 對信，萬項事攏會（馬太17:20；馬可9:23）。Ⅱ. "信"的源頭佮目的是甚麼？1. 上帝是源頭（希伯來12:2；彼得後書1:1）。2. 基督是源頭（行傳3:16；加拉太2:20）。3. 聖神是源頭（哥林多前書 12:9）。4. 人著信上帝（馬可11:22；約翰6:29；行傳 20...

[1931-9 台灣教會報/芥菜子 文類-散文 作者-陳能通/Tân Lêng-thong]
科學佮信仰 [ Kho-ha̍k kap Sìn-gióng ]
科學佮信仰陳能通1931.09, no. 558 (KCC, no. 68), pp. 15-18 （看見濟濟的青年輩，為著現代的科學，致到信仰搖動；所以夯筆來譯寫淡薄）。Tuì 19世紀以來，科學實在有非常的大進步。 已經發見，佇物質內有囥蒸汽，電氣的大氣力；遮的力，今仔日有做了真大的工程。 火車，電車會走；電話，電信會通；電火會光；其他也有無聲電話（ラヂオ）發聲的寫真（トーキー）佮電視（テレヴ井ジヨン）；遮的攏是科學所賞賜的。 閣有天文鏡，會看到幾若億年的遠，也有顯微鏡；會看至微細的細菌。 科學者的手一下摸著物質，宇宙內神秘的真相攏顯出；將來boē明的事件攏tuì in的手來闡明。 實在...

[1931-9 台灣教會報 文類-散文 作者-王守勇/Ông Siú-ióng]
著注意！著謹慎！！莫得受迷！！！ [ Tio̍h chù-ì! Tio̍h kín-sīn!! Bo̍h-tit siū-bê!!! ]
著注意！著謹慎！！莫得受迷！！！王守勇1931.09, no. 558, pp. 3-4 現今的文明世界，第一害的，毋是傢私的利，就是歹思想的厲害。 若是佇信仰生活來講：異端，錯誤的信仰是第一厲害，因為是teh迷惑人離開天國，也直直chhoā in到地獄的所在。近來為著文化的致蔭，交通的利便，時間的縮少，印冊的器具的精工，致到思想的交換，事事的普及真快孔闊。 人的目睭較愛看，愛注意佇萬國--的的事。 總是咱基督徒的信仰，毋是欲屬佇萬國--的，就是愛向佇天國--的，遮的用得。這無偌久，有內地人過來咱台灣teh買萬國聖冊研究會所發行的書類。 這款的冊雖然是宗教冊，總是是異端的冊。 In的研究會...

[1931-10 台灣教會報/芥菜子 文類-散文 作者-陳添旺/Tân Thiam-ōng]
嫁娶的風俗 [ Kè-chhoā ê hong-sio̍k ]
嫁娶的風俗陳添旺1931.10, no. 559 (KCC, no. 69), pp. 16-17 Tuì有人類以來就有嫁有娶，原初是造物的主共in匹配，若準老父共囝兒主婚一樣。照看原早嫁娶是真單純的款，無甚麼異端掔損，親像亞伯拉罕差伊的老奴僕轉本鄉共囝以撒娶親，逐聲是講若會成是tuì上帝。按呢in萬事是交代上帝，真有看活的款式。老奴僕到本鄉的地，有牧場的所在，就佇遐有查某囝仔好意用水予 in啉，也予精牲啉，按呢就有定親的思念。後來就用環予伊掛，轉佮父母兄弟的家安身就soà參詳配親的事，毋知囝婿是圓抑是扁就配親，也是講：萬事出佇耶和華，無打緊就按呢佮老奴僕soà做陣去，新囝婿來路頭迎接入房做...

[1931-11 台灣教會報 文類-散文 作者-周惠霖/Chiu Huī-lîn]
奇異 (Kiwi) [ Kî-uí (Kiwi) ]
奇異 (Kiwi)周惠霖1931.11, no. 560, pp. 4-5 佇澳大利亞國有一款的鳥仔名叫做奇異 (Kiwi)。 這號鳥仔，一年的中間干單生一粒卵；毋過兩是真大粒。鳥仔囝tuì出卵殼彼日，就會曉家己照顧，毋免倚靠伊的父母的力。今年的中間有濟濟的患者來入台南新樓醫館，其中有700外人以前攏毋捌聽著道理。 In佇醫館內攏有聽著 - 有的有接納，有的轉去in 兜猶teh想所聽的道理，有的明明拒絕，總是通講已經有掖種子佇in逐人的心內。 可惜，遐的聽道理，接納道理的人毋是親像彼款奇異鳥 - in猶著欠人的照顧。 In欠同伴，in欠好心的人去找 in，佮in相合講話談論上帝的疼佮伊的恩...

[1932-1 台灣教會報/芥菜子 文類-散文 作者-陳能通/Tân Lêng-thong]
向望的源頭 [ ǹg-bāng ê Goân-thâu ]
向望的源頭陳能通1932.01, no. 562 (KCC, no. 72), pp. 11-12 "有向望咱的主耶穌基督，就吞忍。"老人的特色是回顧過去的事；青年的特色就是囥向望佇將來。 這是人人所承認的真理。 總是有人觀察現代的時勢講，"現代的青年無囥向望；無論是趨向佇社會主義--的，抑是沉溺佇享樂主義--的，原因攏是在佇遮。" 實在是按呢，這个歹景氣，oh得著職業，佇遐有生活的困難。 Chī-chuī欲指示in活命的路，chī-chuī欲予in有氣力？ 有時正當的言論也受金錢勢力的壓迫，致到soà毋知是為著甚麼因端來得著學問。 所以有氣力的就想講：著用革命tek的手段來改造這號社會狀態...

[1931-12 台灣教會報/芥菜子 文類-散文 作者--/-]
詹德建君死啦！ [ Chiam Tek-kiàn kun Sí-lah! ]
詹德建君死啦！張崑遠1931.12, no. 561 (KCC, no. 71), pp. 19-20 A. D. 1931，昭和6年， 9月7日，下晡6點，詹德建傳道師，佇台北市宮前町馬偕病院別世。佇A. D. 1907，明治40年7月29日，故詹德建君出世佇新竹州苗栗郡，公館庄福基，伊是故詹A-bián長老的長男。 Tuì細漢的時就讀冊，到今年tuì台北神學校卒業，彼个期間抵抵15年，公學校6年，中學校5年，神學校4年。 今年3月tuì台北神學校卒業，同時受任北部傳道師的職，續受派去中壢教會就任，伊做傳道著只有5月日若定，就完伊的工，按呢予通知伊 - 除去5月日的公人生活 - 是佇私人生...

[1932-6 台灣教會報/芥菜子 文類-散文 作者-陳添旺/Tân Thiam-ōng]
三峽清水祖師祭典 [ Sam-kiap Chheng-chuí Chó͘-su Chè-tián ]
三峽清水祖師祭典陳添旺 記1932.06, no. 567 (KCC, no. 77), pp. 24-25 每年舊正月6日一擺大祭典，大豬真誠濟。 In有分字姓輪流7年著一擺，有一句話teh流，成做成語句：劉頭王尾，就是起頭姓劉，煞尾姓王。照in輪年佇下底：-1劉，2大十姓，3陳，4林，5中庄十姓，6李，7王。 大十姓是除6年以外的姓，中庄十姓倚佇鶯歌南爿遐，若徙出外位也是著分in中庄。 今年是大十姓，大豬第一濟，照役場調查過磅實重分等來賞。 (1) 751斤。 (2) 744。 (3) 739。 (4) 701。 (5) 691。 (6) 644。一等公正姓16 箍。 二等12，三等8 ...

[1932-8 台灣教會報/芥菜子 文類-散文 作者-柯設偕/Koa Siat-kai]
教會佮社會 [ Kàu-hoē kap Siā-hoē ]
教會佮社會柯設偕1932.08, no. 569 （KCC, no. 79）, pp. 25-26 教會是甚麼？教會是上帝tuì世間人的中間揀出來的百姓，來歸佇伊的名，伊是基督的身軀（使徒後傳15章14節；以弗所5章30節）。社會是甚麼？社會是世間人結合聚集的團體，逐等號的人聚集的所在，是聖經所講：世俗的團體。教會佮社會這兩個，boē會做伴，boē會相通，boē會交陪--的（哥林多後書6章14-18節）。總是信徒卻是踮佇世間（約翰17章11節）。所以信徒佮世間 - 社會有淡薄關係，毋是攏無干涉。起頭的教會，第一事先信趁主耶穌，後來疼痛聖徒（教會），閣後來疼眾人（社會）。（彼得後書 1章7節）...

[1932-9 台灣教會報/芥菜子 文類-散文 作者-陳瓊琚/Tân Khêng-ku]
"我"毋是我的 [ “Goá” m̄-sī goá ê ]
"我"毋是我的陳瓊琚1932.09, no. 570 (KCC, no. 80), pp. 25-27 中國古早的詩歌有一句講：「日出而作。日入而息。鑿井而飲。耕田而食。帝力于我何有哉。」 照頂面文的意思，就是講：做工是家己，啉食亦是家己，逐項攏是家己，佮別人全然無關係。 人佇世間若果然會家己做，家己食，攏免倚靠別人，卻通講是真理想。 Tuì一方面來想，卻有影，無論甚麼人大概攏是家己做，家己食，若無出力做，有時就無通食。 親像這款的事， 毋限定人按呢，連雞鳥，蟲豸猶原是按呢。 毋過咱若閣斟酌想，人踮佇世間決斷boē會干單自足，自食，因為人一方面是承接祖先的遺物，所以boē會通講毋愛tuì別人...

[1932-9 台灣教會報/芥菜子 文類-散文 作者-柯維思/Koa Î-su]
白話字的歷史 [ Pe̍h-oē-jī ê Le̍k-sú ]
白話字的歷史柯維思1932.09, no. 570 (KCC, no. 80), pp. 23-24 咱現時所teh用的白話字，是tuì甚麼時chiah有？ 是甚麼先生創起頭？ 照我所知，愛寫淡薄來相佮參考。 早前西國牧師來廈門傳教，彼時猶未有聖經予人通讀。 後來佇上海聖冊公會有翻譯漢文的聖經出版。 總是彼時，教育猶未普及，捌字的人也少，無攏總會讀漢文的聖經。 所以彼時西國牧師打馬字 (Talmage)，羅啻二位牧師佮本地羊牧師有想出白話字。 卻打馬字牧師的老母佮羅啻牧師的老母猶原有鬥幫贊。 彼時就是1851年（81年前），總是彼時猶未有印版，實在真不便。 所以攏是用柴板，欲應冊真費氣。 實...

[1932-10 台灣教會報 文類-散文 作者--/-]
隨筆 [ Suî Pit ]
隨筆陳金然1932.10, no. 571, pp. 12-13 1. Chī-chuī的錯？ "聖經是上帝的話"，這句話穩當無人敢否認！ 毋過對這句話的態度有各樣，致到會生起濟濟問題！ 親像日本自由美意美教會對馬場先生的問題，拍算濟濟人攏知！ 彼个問題有遐大。 總是其實是頂面所講彼句話的態度無同若定！ 原來馬場先生是屬自由美意美教會，總是伊的態度無合佇 彼个教會的信條。 就是自由美意美教會是信"聖經是上帝的話"，所以聖經的一點一劃攏無錯誤。 若是馬場先生是猶原信"聖經是上帝的話"，毋過無的確一點一劃攏無錯！ 佇現今猶原有濟濟教派佮自由美意美會相同的，就是遐个叫做聖潔運動的攏是，in的信條是...