[1956-12 台灣教會報 文類-散文 作者-許水露/Khó͘ Chuí-lō͘]
信仰偉人Muî Joê-liâm牧師 [ Sìn-gióng uí-jîn Muî Joê-liâm Bo̍k-su ]
信仰偉人Muî Joê-liâm牧師(許水露) 有看見ê世界ê 背後，有無看見無限ê靈界 tī-teh；人ê 命有連接 tī無看見 ê靈界來受造。所以人ê一生tiàm tī 這個變化無常 ê世界ē得tio̍h真ê平安kap永遠ê勝利；就是tuì信仰。聖保羅講："設使無信，就bē-ē hō͘上帝歡喜(希伯來11:6)。" Muî Joê-liâm牧師ê 一生涯確實有得tio̍h上帝ê歡喜；上帝有聽伊ê祈禱， 逐擺有補足伊ê欠缺。伊ê一生thang 分做5項:1. Tuì出世到悔改(重生)(1805-1825)。1)伊ê出世: Tī A.D. 1805年9月27日出世 tī德國ê Khap-lú...

[1965-1 台灣教會公報 文類-散文 作者--/-]
代表團母會訪問記(2) [ TĀI-PIÁU-THOÂN BÚ-HOĒ HÓNG-BŪN-KÌ(2) ]
代表團母會訪問記(2) 八月30日， 頂晡 8點，阮有坐專車(英總會事務所替阮設法ê)。 案內阮beh去coventry ê所在， ài beh到hia一個長老會ê拜堂相kap做禮拜， 車坐兩點外鐘久chiah到。禮拜了，就受案內食中餐，後來參觀一間真出名ê合一ê教會。 這間教會tī 1962年5月，得著英國女王ê 臨駕獻堂ê一間真大間koh 集現代美術 ê 精髓來起--ê。 這間Coventry Cathedral無屬tó位一個教派，就是beh hō͘全世界甚麼國民thang入來相kap做禮拜，也逐所在ê教會青年攏thang做服務ê工。 Tī 14世紀所起ê 舊ê Coventry ê拜堂...

[1965-1 台灣教會公報 文類-散文 作者--/-]
代表團母會訪問記（3） [ TĀI-PIÁU-THOÂN BÚ-HOĒ HÓNG-BŪN-KÌ(3) ]
代表團母會訪問記（3）九月1日，tī Toronto 機場阮就隨時看著Bêng Iú-tek牧師kap 幾-nā位母會 ê 幹事teh聽候阮。親像tī倫敦阮ê心真感激。經過介紹了，就坐幹事先生ê 車到一位母會kā阮預備便便ê 新起好無joā久ê 宿舍。 這間宿舍是三層樓，會得thang 收容40 外人，是beh為著養成傳福音ê人，加拿大 女宣道會所起ê。早起頓7.45就會thang 備案好勢hō͘阮thang食早餐，中晝kap暗頓，阮thang家己設法。逐人有一間房，明白家己 ê房間，就tī 這間宿舍 (名做EWART COLLEGE) ê草場歙一張紀念像。後來受案內坐地下鐵(Subway)去...

[1965-2 台灣教會公報 文類-散文 作者--/-]
出國97天 [ CHHUT KOK 97 THIAN ]
出國97天 這完全是出tī上帝ê恩典kap祝福，hō͘一個草地教會，尤其是極其小數中ê一個女牧師，有機會做台灣女界代表到德國Frankfurt去參加世界長老教會聯盟第19 屆總會，實在有講boē盡ê光榮，感謝kap感激。諸位所敬疼ê讀者，我相信恁已經有讀過總會議長陳Huī-lâm牧師ê報告，以及tī Thian-kiâu報紙上看著幾若位先生ê報告chiah著。因為án-ni，我只有tī chia來寫淡薄我個人所經歷ê事件hō͘ 諸位讀者知kap做參考。Tī 1964年7月27下晡一點半，一行15人對台北坐C. A. T. 飛到香港。事先到帝國飯店去安排房間kap行李，然後各人自由行動。七月2...

[1965-3 台灣教會公報 文類-散文 作者--/-]
進前ê神學院 [ CHÌN-CHÊNG Ê SÎN HA̍K-ĪN ]
進前ê神學院 撒迦利亞4：6： M̄-是用權勢，m̄-是用能力，就是用我ê神；這是萬軍ê耶和華講--ê。 以色列百姓是跟隨約櫃不斷teh進前ê百姓。約櫃是象徵耶和華以色列ê上帝ê 臨在。約櫃也是代表上帝kap以色列百姓立契約ê疼痛kap恩典。Tī 這個疼痛ê 契約ê內面，耶和華叫亞伯拉罕出哈蘭ê地。 Tī 這個約ê下面，摩西chhoā以色列百姓出埃及。平平tī 這個約ê內面，hiah ê先知叫百姓著來進前完成上帝所揀選in ê使命。相像這個約tī時到ê時陣成做肉身khiā起tī人ê中間，成做tī基督ê血kap肉ê內面所建立ê 新 ê約。這個約beh繼續進前到tī咱ê主koh來ê時陣。進前ê...

[1965-3 台灣教會公報 文類-散文 作者--/-]
聖神充滿kap方言 [ Sèng Sîn Chhiong-moá kap Hong-giân ]
聖神充滿kap方言 最近有三位朋友tī一個暗時來chhē我坐，hit中間ê一位，是我前就bat ê人。論伊做人kap疼主熱誠是真thang hō͘人欽仰學習。Tī hit暗(後來koh一暗也是)，攏是kap我談論受聖神充滿kap講方言ê事。照in ê意思是講：每一個基督徒因為受聖神充滿，所以的確著愛會講方言。論受聖神充滿kap講方言ê事，其實咱若無偏私固執，根據聖經，咱就真容易理解這個問題。第一、根據聖經，咱著承認，人受聖神充滿，有講方言 ê事實。使徒行傳2章4節有記載講：當五旬節學生受聖神充滿，in攏開嘴講別樣ê腔口，是照聖神所賞賜in講ê。使徒行傳10章44-46節也是án-ni講：「彼...

[1965-6 台灣教會公報 文類-散文 作者--/-]
Beh 怎樣造就人才 [ Beh cháiⁿ-iūⁿ chō-chō͘ Jîn-châi ]
Beh 怎樣造就人才 感謝上帝hō͘咱ê 腳會thang khiā tī 這個宣教百週年ê時代，tī 這時咱一面beh 回顧過去來感謝上帝ê 鴻恩kap濟濟先人流血kap汗ê大功勞，同時也是beh 瞻望tī光明ê將來，所以咱ê 標語chiah訂講：「過往開來。」Taⁿ beh繼承咱濟濟先人ê 遺業，一面beh 開託咱ê將來ê時，hō͘咱頭一個會感覺著ê，就是需要人才kap人才ê造就。咱常常teh講：「凍結ê 資本」ê所謂資本，的確是teh講：tī咱教會物質中所有ê最大ê 資本kiám是「人。」Tī咱ê教會ê發展上發見人才，造就人才這項事的確boē-thang忽略，因為除去上帝ê恩典以外，人是...

[1965-5 台灣教會公報 文類-散文 作者--/-]
Beh 怎樣khah贏引誘 [ Beh cháiⁿ-iūⁿ khah-iâⁿ ín-iú ]
Beh 怎樣khah贏引誘 人tī一生中間攏會tú-著真濟引誘迷惑。總是boē用得講tú-著引誘就是bái，是人hō͘引誘去chiah是bái。 Tú親像koân ê大樹，就khah 會tú-著大風吹，若真實beh做人ê人，就會gâu tú-著引誘，不過若會曉靠上帝，就會thang聖-kè chit款ê引誘。有一擺，有一個m̄是信上帝ê頭家，chhoā 伊一個拜上帝ê奴僕出去拍獵，兩人行到路中teh談論ê時，頭家kā 這個奴僕講：「你to是信耶穌ê人thài會一年thàng 天chhiâng在講有魔鬼愛kā人引誘，愛講魔鬼會來試探，是按怎thài會hiah-nih無志氣？親像我也無信上帝，也...

[1965-5 台灣教會公報 文類-散文 作者-蔡逸士/Chhoà e̍k-sū]
我ê母親 [ KIÀN-CHÈNG - GOÁ Ê BÚ-CHHIN ]
我ê母親 感謝主！伊賜我一位偉大ê母親。伊雖然m̄-bat受人選做模範母親，伊ê家庭m̄-bat受選最幸福ê家庭，總是我真感服伊ê偉大。(1) 伊真有信心。信心是伊 hō͘阮ê 家寶。 伊完全靠信心，倚靠主來經過世間ê日子。我對細漢所對伊學習ê一項，就是靠信心thang得著得勝。我國校5年ê時，阮全家搬去日本東京，是為著我ê老父beh讀神學獻身做主ê奴僕。阮toà東京 5年久攏真順序m̄-bat欠缺，後來為著空襲疏開去滿州(東北) ê 大連。Tī 大連toà 4年，光復了koh tī hia toà一年，tī hia攏無tú-著空襲，而且逐項做日本人ê 待遇配給到逐項有，攏無tú-著空襲ê艱...

[1965-5 台灣教會公報 文類-散文 作者--/-]
對馬來西亞ê請安kap報告 [ Tuì Ma-lâi-se-a ê chhéng-an-kap pò-kò ]
對馬來西亞ê請安kap報告 感謝主ê帶領kap 兄姐 ê代禱，hō͘阮tī chia ê工作順利，teh學習。阮受交代tī 馬來亞來學習，對 3：27日離開，已經月外日，做義工訓練ê工; ǹg望無辜負頂面ê交託kap in ê期待。Taⁿ將所觀感做報告:--1. 馬來亞近赤道太熱，看著皮膚有大烏小烏，就知熱ê程度。佳哉到處有大森林 kap下晡ê落雨來調節氣溫，暗時太涼冷，草木青翠，蘭花滿埕，雖然熱，iáu是感謝。2. M̄-bat thang 驚：風颱kap地震m̄-bat來這個地區， in m̄-bat這是甚麼？也boē曉得thang 驚。所以in起厝太簡單，用真小ê材料，koh用細支柱腳...

[1965-6 台灣教會公報 文類-散文 作者--/-]
基督徒kap藝術 [ KI-TOK-TÔ͘ KAP GĒ-SU̍T ]
基督徒kap藝術 (這篇稿已經bat出tī 1963年4月12日ê今日基督教雜誌ê內面)。「著用聖潔ê裝飾敬拜耶和華」(詩篇96:9)。這對tī每一個看敬拜耶和華是一項真嚴肅ê代誌ê人，是一種複雜ê命令，這是愛beh hō͘人訓練恬靜，三思，默想，以及有審美（審美）ê 自覺。以上chiah ê品質，對tī這世代ê人來看，ná親像真無合。美妙ê創造。上帝是神，伊ǹg望咱tī toh-落一個可能ê範圍內觀看伊ê suí nih?就是美妙ê創造; tī人ê心目中所看見hit個創造ê 典型ê suí-這tú-tú是藝術ê定義; tī道ê內面ê suí（美）;音樂ê suí; suí 是一種ê藝術，特...

[1965-7 台灣教會公報 文類-散文 作者--/-]
著利用寶貝ê時間 [ TIO̍H LĪ-IŌNG PÓ-POÈ Ê SÎ-KAN ]
著利用寶貝ê時間 時間：現時浪費-後來著賠償。(真小心，真謹慎來利用上帝所賞賜咱ê時間是人類做嚴重ê責任)。無論你是甚麼款ê年紀，甚麼款ê地位，屬tī甚麼民族，抑是你有甚麼款ê信仰，咱大家逐早起攏對上帝領受平濟ê寶貝，就是時間。後來到tī人生告停ê路尾，咱每一個人著受上帝ê審問，來說明咱是按怎teh利用伊所交託hō͘咱ê時間，親像路加19章所記載十個奴僕對主人領受十兩銀ê故事一樣。1)休息ê時間。今仔日ê世界，逐ê人因為受著種種ê壓力，ná親像欠人ê債，抑是受著攻擊，所以生活tī緊張ê中間。對tī án-ni，致到會thang想出節省人工， 抑是時間ê辦法是真要緊ê代誌。濟濟人為著愛得著休息...

[1965-10 台灣教會公報 文類-散文 作者--/-]
謹慎你ê心 [ KÍN-SĪN LÍ Ê SIM ]
謹慎你ê心 「你著盡力保守你ê心，因為伊是活命ê根源」(箴言4:23)。謹慎你ê心！著知你一生ê成功，失敗，禍福攏是用你ê心來做轉移；你一切ê行做kap生活，攏是用你ê心做出發點；你5心思怎樣，你ê行做生活也是án-ni；心思卑賤污穢，若是ǹg望行做高尚，生活清潔，是絕對無法度ê事。謹慎你ê心！M̄-thang容允m̄信ê念頭tī你ê心內，人所犯ê罪，攏是因為心內m̄信。咱ê始祖因為m̄信，就違背上帝ê命令，受咒詛，落tī患難中。現在撒旦iáu-kú是常常想方法beh 搖動咱ê信心，引誘咱心內生起僥疑，m̄信上帝ê話，僥疑上帝ê大權能kap伊ê應允。咱心內若有生起僥疑，無久會遭遇boē-th...

[1965-10 台灣教會公報 文類-散文 作者--/-]
流乳kap蜜ê地 [ LÂU LIN KAP BI̍T Ê TOĒ ]
流乳kap蜜ê地 這篇是彰化縣二林鎮ê合興教會ê信徒移民去巴西所寫tńg來hō͘ in ê長執 ê 批。 筆者Khèng-sêng是Goân-táu出身 ê 任職者。對巴西所報chiah ê消息，穩當會hō͘讀者歡迎chiah著。 列位歡呼kap激勵來送阮ê聲已經經過將近兩年lah。小弟第二擺kia̍h-筆寫淡薄阮ê消息kap巴西 ê 農業hō͘ 恁知。事先ài感謝上帝，因為伊引-chhoā阮到tī 流乳kap蜜ê 地，安排安居樂業kap賜阮靈性kap肉體ê米糧大豐富， koh照顧阮平安，著感謝主，來感謝主，因為伊大恩賜。阮真有福氣，tī無拍算ê中間，對5月主有差伊ê忠僕，就是tī屏東ê大...

[1965-10 台灣教會公報 文類-散文 作者--/-]
馬來西亞ê消息 [ Má-lâi-se-a ê Siau-sit ]
馬來西亞ê消息 感謝各位ê 愛顧kap代禱，hō͘我順利來完成tī義工訓練ê工作tī 馬來亞半年，taⁿ 9月尾平安到任地，借紙面kā大家說謝。公報社主筆愛我koh寫淡薄來做答謝。1.心眾所願（心正所願），tī每擺祈禱了，齊聲講「心眾所願，」不止有祖國閩南ê氣味，koh hō͘人一講就了徹hit個意思。2.「感謝」是做生活接接通用語， 賣對買ê人叫感謝，買ê人也叫感謝。每一項事，雙方to講感謝。為著án-ni，社會，家庭感覺燒-lō溫暖。對有感謝，自然而然就m̄ bat有聽著chhoh 歹嘴kap冤家。為著愛斟酌這個事ê徹底，我就到停車場，茶室， 公眾ê所在。果然有感謝ê所在就無冤家kap歹...

[1965-11 台灣教會公報 文類-散文 作者--/-]
牧師ê苦樂 [ BO̍K-SU Ê KHÓ͘-LO̍K ]
牧師ê苦樂 得著公報社ê 好意， 愛我寫淡薄消息，所以m̄敢推辭就答應好。Tī chia 愛寫淡薄過去ê 感想，來表感謝kap數念。我tī 8月底，有對教會申請辭任 kap退休。因為年歲已經滿老， 愛讓hō͘少年輩ê 同工去活動，koh繼續一個新活命。記得所歷過ê教會共有8所在：過溝 (嘉中)，大里(中中)，頭社， 善化，中洲， 安順，苑裡，新市等 (南中)。真感謝上帝ê恩典kap幫贊。Beh踏入教界ê當初，真膽寒，真掛心，想講：我這款chiah-nih teh 頇慢 ê人，beh怎樣來做工，來領受這號重大ê任務ah？ m̄知做會thang 上10年抑boē？結果，到退休約43年ê日子。實在...

[1965-11 台灣教會公報 文類-散文 作者--/-]
我tī外國所體驗著 ê感恩 [ Goá tī goā-kok Só͘ thé-giām tio̍h ê Kám-un ]
我tī外國所體驗著 ê感恩 敝人tī A. D. 1961-1963，得上帝ê 引chhoā到美國深造， tng真無聊，無親，無戚，言語，民族性不同ê環境中，hō͘我體驗著一項真寶貝ê，就是對上帝ê感恩，到tī今仔日已經beh過了兩年，iáu-kú tī我ê記憶中親像cha-日ê款式來歡喜感謝，加添我現在做工ê氣力kap幫贊，hō͘我一時boē免得用感謝ê心來略述我所體驗ê感恩。 我tī美國ê時，有去tī一間美國規正教會所設ê大學叫做Northwestern College， tī hia讀冊，總是我有toà tī一位長老，長老娘(Mr. & Mrs. De Ruter) ê厝，in有五個後...

[1965-11 台灣教會公報 文類-散文 作者--/-]
理解kap誤會 [ Lí-kái kap gō͘-hoē ]
理解kap誤會 接著公報社ê通知，愛我寫幾字， hō͘我真著一驚。我是一個真無經驗ê 牧會者，就寫淡薄所體驗--ê。1.理解 kap誤會。「請kap倩」ê誤會，致到有時tī講話抑是表行動，來表現傳教者是對清掃，整理教會......到宣教，致到tī肉體抑是精神負擔boē起，致到誤會講：貧憚m̄做工，有時連家己ê娛樂時間，抑是kap細囝相kap thit-thô ê時間to受干涉，致到ná親像頭家真濟ê款式。總是這攏是teh訓練咱學習「忍耐」kap gâu計畫牧會ê時間表。2.充實家己準備講壇。常常愛接近地方人士，所以愛常讀冊來充實家己，m̄-kú tī教會牧會siōng無閒，致到tī心內不時著...

[1965-11 台灣教會公報 文類-散文 作者--/-]
烏鴉toà餅kap肉來養飼我 [ O͘-a toà piáⁿ kap bah lâi iúⁿ-chhī goá ]
烏鴉toà餅kap肉來養飼我 日前敬職本社編輯室 ê 批, ài我寫幾字來見證上帝ê恩典。我一心真歡喜，thang koh一擺來回想主ê疼;是嘴舌oh得講明ê.也thang hō͘大家相信上帝ê話是確實，永遠無boē記得伊ê百姓來救恩.確實信烏鴉帶餅kap肉來飼先知以利阿 ê故事，m̄是神話（神話），是真實。但是請原諒我，是時代ê落伍者;又koh 筆真鈍, m̄做主。雖然是án-ni,願榮光歸tī主。時代ná文明，科學ná進步，可惜罪惡也ná加添。常常bat聽人吐氣講：「罪惡淪亡,人心不古」（罪惡淪亡，人心不古）。咱生存tī 這中間，boē免得會 tú-著濟濟ê 打擊;或是肉體ê病疼,經濟ê...

[1965-5 台灣教會公報 文類-散文 作者--/-]
故黃仁壽牧師 [ KÒ͘-N̂G JÎN-SIŪ BO̍K-SU ]
故黃仁壽牧師 黃仁壽牧師，tī 4月29號過世，30號tī 馬偕醫院有chhut-pin禮拜式， 5月4號chiah tī伊ê khiā-家 ê所在九如教會舉行追思禮拜。故仁壽牧師，tī 72年前出世tī傳教者黃茂盛先生ê家。本籍是tī嘉義。Hit時對嘉義出身做傳教者 ê有黃茂盛先生kap 黃Sìn-kî先生，兩位攏是出擢 ê傳教者，照hit時若考教師有及格，就叫做進名，這兩位攏有考進名。按呢，黃仁壽牧師算是tī優秀ê傳教者 ê家庭中出世--ê。做囡仔 ê時，bat tè老父tī 二水ê教會，也tī hia畢業國民學校，後來chiah來讀台南ê長榮中學。Tī中學讀了，有去彰化教小-學一年久，...