[1934-11 台灣教會公報 文類-散文 作者-劉振芳/Lâu Chín-hong]
我的熱望 [ Goá ê jia̍t-bōng ]
我的熱望 (在北美：劉振芳) 1934. 11，no. 596，pp. 4-5 中國聖賢所講，「人生70古來稀。」抑是「70而不惑。」這無毋是咧形容彼个稀罕，佮時間相當的久。猶過檢采有人欲想，對佇個人有限的生涯來看是長，毋過對佇無限的教會，國家的歷史來講，70年是過去的昨暮日。 雖然是按呢，佇這个過去的七十年，代先對世界形勢的大觀上來看，也是不止有非常的變遷！科學的發明，發見。機器，物質文明更異tek的進步。國家國運的推移，社會團體，階級多角形的變化。是歷史的，文獻的所咧證明。 佇這中間，閣一面越倒轉來看咱台灣基督教史按怎？七十年前英國母會，派有信仰，前途有為的牧師，姑娘...

[1934-10 台灣教會公報 文類-散文 作者-劉振芳/Lâu Chín-hong]
啊！陳先生娘！ [ Ah! Tân Sian-siⁿ niû! ]
啊！陳先生娘！ 1934. 10，no. 595，pp. 20-21 劉振芳 今早起(7：23)，有收著對日本來的定期船，所配達的台灣便幾若張。從中一張較重，較大張的批，是台中教會林出泉長老寄--的。幾日前，才接著伊通知閣設立3名的新長老的批，taⁿ閣再寄--來；忽然生出一種不吉的預感。到拆開一下看，才知台中教會，醫師陳Sok-hong夫人；原教會女執事周--氏惜，別世的通知。佇台灣正月日前過身的事是舊，毋久批到我遮正月日後是新。為著是無拍算事變，一時彷彿掠做是眠夢；教會也是嚴肅的事實。嗚呼！陳先生娘taⁿ做他界的人。離開現世美滿的家庭，放所疼有孝四个lēng-jiōng；佮唯一的同...

[1933-11 台灣教會公報 文類-散文 作者-劉振芳/Lâu Chín-hong]
千載一遇 [ Chhian-cháiⁿ it-gū ]
千載一遇 劉振芳 1933.11 (584卷) p.18-19 這pang拄欲來學校的時，路著對芝加哥 (人口約4百萬人) 的都市經過。真拄好，對創設都市以來，今年拄是一百年的久。所以in有開市萬國的大博覽會。 為著對佇逐國有出品的因端，所以規模闊閣大，材料奇巧閣豐富。一面鄙人因為眩船，又閣時間佮經濟上的關係，一下上陸，佇旅館隔一暝，就liâm-piⁿ閣坐5暝日的自動車，才到這个都市。因為心身非常的疲勞佮無眠。致到雖是知殘念，猶閣無通十分的參觀。總是有想遐的較重要的部分，大概敢看有chiâu著的心算佇咧。 對佇自己的宗教觀念佮地位上影響的關係。從中做第一有興味的，就是基督教科學...

[1933-11 台灣教會公報 文類-散文 作者-李德牧/-]
願恁平安 [ Goān lín pêng-an ]
願恁平安！ (李德牧) 1933.11 (584卷) P.5 (翰20：19，20) 佇這句的請安，是關係精神上的請安。人平素的請安，較近佇肉體的請安。英國宣教師來臺，對這个請安，就較有特色，本島人較無遐珍重。若是主佇遮是非常的掠做真寶貝。 Ⅰ、歡喜：當主受殘害，遐的有聽著伊的福音的，受醫治的，看著神跡明知是主的，以及使徒亦攏四散，因為in袂明白聖經的話，「伊的確著對死人中閣活」 (9，10)。In佇密房關門，咧失志，失膽，失信，驚惶的時，主忽然間出現予in看，紲共 in祝福請安，實在歡喜到極。對遮通知，主時時佇咱中間咧幫贊咱，通歡喜！ II、安慰：透早抹大...

[1933-10 台灣教會公報 文類-散文 作者-洪拓/Âng Thuh]
喪喜事改良 [ Song Hí-sū Kái-liông ]
喪喜事改良 (清水：洪拓)。 1933.10 (583卷) P.17-18 現時社會逐方面攏有咧改良，換新。咱做基督徒，的確毋通綴社會的尾後，因為咱是社會的光燈，有chhoā眾人類向上的責任佇咧。所以見若關係社會的歹風俗，無合道理的 ，咱著好膽改良。 論喪喜事，有濟濟所在改良了，不止理想。總是猶有人無啥物贊成。照我的愚見，寫幾句佇下面予大家做參考：─ 1.喜事 1.毋通做餅分予人，因為分餅予人，就是咧共人討添妝。若是有人來賀禮的，過了才拍算。較好，親戚以外毋免。 2.聘金毋免講偌濟，由在伊來，出在咱去。較好，衣裳嫁妝毋通做傷濟，因為布類，服裝，逐年...

[1968-8 台灣教會公報 文類-散文 作者-蔡椪/Chhoà Phòng]
奉獻身體 [ Hōng-hiàn sin-thé ]
奉獻身體 蔡椪 1968.08.15 1036號P.16~p.17 身體是靈魂所附託的物件，佮整個的人有關係，因為無有身體，靈魂的存意就無綴表現出來。可比咱的主耶穌若無成肉體降世，將家己獻佇十字架，上帝的大疼痛就袂會表現(I 翰 4：10)。主耶穌的犧牲也袂會成就。人若欲表示伊是上帝的，也的確著用身體的實在行動來證明。所以咱主耶穌極其尊重人的身體，甚至譬喻做是上帝的聖殿(Hān 2：21)。佇遮咱愛相佮來研究，來想奉獻身體的問題： (1) 是上帝所造(創2：17；太19：4)。有一款人看見罪惡，攏是對身體造成，就認定身體是真毋好，來厭賤伊。這是大大的錯誤，其實身體不過是成...

[1968-4 台灣教會公報 文類-散文 作者-蔡椪/Chhoà Phòng]
對受苦的認識佮區別 [ Tuì siū-khó͘ ê jīm-sek kap khu-pia̍t ]
對受苦的認識佮區別 蔡椪 1968.04.01 1027號P.4 主耶穌講，「我已經將遮的事共恁講，予恁踮佇我有平安，佇世間恁有苦難，獨獨恁通放心，我已經較贏世間」（約翰16：33）。保羅講，「咱著對濟濟艱苦來入上帝的國」（Tô͘ 14：22）。 列位，普通人看著「受苦」驚畏到親像虎，親像獅，掠做chí著逃避。總是照頂面兩節經文看起來，基督徒事實毋應該絕對存彼款的觀念。基督徒正當的受苦，實在通做in 的課程，光榮；也是in進入上帝國的步調。但是受苦也有種種的不同：有的受苦真寶貴，有的受苦實在真通討厭，著驚惶來盡力避免，這是咱應當認識佮區別的。佇遮請相佮來想，來研究幾項，照下面：...

[1933-9 台灣教會公報 文類-散文 作者-蔡椪/Chhoà Phòng]
黃Hián-chiong君的行述 [ N̂g Hián-chiong kun ê hêng-su̍t ]
黃Hián-chiong君的行述 1933.09 582卷 p.11 蔡椪 記 Hián-chiong君是21 歲，向志有望的青年。伊的老爸黃榮sàng，是做pè Ē中洲教會現任的長老。 佇昭和7年4月，有入東京中央大學的法學科。拄讀一學期了，紲染著病。後來轉來，去入台南新樓病院。踮6月半日久，嶄然有功效。然後出院轉去厝裡(就是大潭) 調養；代先卻平常；總是到佇4月19號，忽然閣起病發熱，對按呢日日沉重。到佇5月1號午後9點，真正得著主敨放伊苦痛的結，安然升天轉去天父兜。 欲臨終的時，論伊的態度佮所講的話，真通感激人。 彼時心臟雖然無啥物力，窈閣真出力求叫主，認罪，吐氣講...

[1926-4 台南府城教會報 文類-散文 作者-蔡椪/Chhoà Phòng]
所數念ê姐妹 [ Só͘ siàu-liām ê Chí-moē ]
所數念ê姊妹1926.04 493卷 p.14-15(蔡椪)姓名清楚林--氏葉，較常人攏叫伊瑞嬸，屬過溝ê教會，企家tī 牛稠溪，離拜堂3里路。伊得著道理頭尾9年實，tī chûn--年kap伊ê女兒李--氏卻，受汪牧師問道理進教。伊出世tī主後1870年，到舊年12 月17日天父揀召伊離開世間，享壽56歲。查考伊ê生平真正有thang可取。1.Hō͘外人o-ló。真好女德，真仁愛，凡事溫柔詳細，好親近，快快受苦勸，勤謹koh 儉樸。一下別世，人人都流目屎、吐氣，講：「可憐--ah！可憐--ah！」2.受家內敬重。M̄ 但本身認真服事主，koh 全家攏敬畏上帝，攏要緊家庭 ê 禮拜kap守安息...

[1933-10 台灣教會公報 文類-散文 作者-黃有福/N̂g Iú-hok]
現在的猶太人 [ Hiān-chāi ê Iû-thài-lâng ]
現在的猶太人 黃有福 1933.10 583卷 p.4-5 猶太人是現時世界中做第一文明的人種。猶太地現時屬英國咧管轄，總是大部份的猶太人有四散徛起佇世界萬邦國，不止有大勢力佇咧。閣再現在世界中大資本家，3份，猶太人有佔兩份。也閣世界中現時的大人物，猶太人也出真濟。In的宗教大概攏是猶太教，是服侍耶和華。 Taⁿ將猶太人分散踮佇tāi洲的人數來記。Au-lô-pa洲有10,903,864人。亞細亞洲有570,585人。亞非利加洲有3,572,417人。南洋洲(オーストラリア洲)，有19,415人。以上合共15,459,017人。遮的攏是猶太教的人所調查的。若是彼中間予別族...

[1941-12 台灣教會公報 文類-散文 作者-周文秩/Chiu Bûn-tia̍t]
日本傳教界的大人物 [ Ji̍t-pún thoân-kàu-kài ê toājîn-bu̍t ]
日本基督教傳教界的大人物木村先生 周文秩 1941年12月681期 5-6 佇10月號教會報的公告有寫幾choā報咱台灣教會欲請木村先生的代誌。這个消息予我真gông-ngia̍h，佇心內有袂禁得非常的歡喜佮新的向望；真感謝上主的恩愛無限。因為想起5年前宋博士來台彼時的感動的情境─這个實在是佇台灣教會傳道史上通特記的一項。對宋博士奮興了後的教界有新的活氣滿滿，一時真活動。所hiat落佇這个刺激的教會彼个火有to̍h炎炎；總是到這霎來看，kiám-chhái是人的努力佮工作無夠額也無的確。 論信仰的問題是真困難，iáu-kú極要緊的事。這个信仰的結實無毋是佈道，換話來...

[1941-12 台灣教會公報 文類-散文 作者-無有生/Bû Iú-seng]
耶穌出世 [ Iâ-so͘ Chhut-sì ]
耶穌出世 無有生 1941年12月681期 1-2 一个人出世佇地面上，會予全世界的形勢大變化，閣會通大感化全人類的心。這種的實例，無論古早現今，東洋西洋實在是袂少。親像成吉思汗，亞力山大大帝拿破侖。做近代來講，親像Lē-lêng這款的革命家，若無出世佇這个世間，就世界的歷史的確是佮咱今仔日所捌的歷史大大各樣。又閣親像孔子，釋迦，穆罕默德，蘇格拉底若無出世佇這个世間，就對彼時到今仔日，幾十億的人心，的確是益發惡化。總是耶穌的出世佮chiah 的偉大聖人有根本的各樣的意義佇teh。對伊的出世，予咱的靈眼會通看著上帝和。M̄-nā按呢，予宇宙全體會得入佇上帝的平和，予袂通調...

[1933-12 台灣教會公報 文類-散文 作者-陳鳩水/Tân Khiu-suí]
無感覺的寶貝 [ Bô kám-kak ê pó-poè ]
無感覺的寶貝 台南：陳鳩水 1933.12 585卷 p.8-9 有流傳講，Hi-lī-nî的哲學者叫做Diogenes，伊徛起佇一跤桶。有一日，亞力山太王去探這个哲學者，看伊有愛甚物抑無？彼時伊坐佇彼跤桶裡，總是這个Diogenes對亞力山太王要求真簡單的代誌，就是請王毋通閘著伊的日光若定。因為王徛佇伊的面前，有閘著伊咧曝日。 請想這个徛起佇桶裡的散赤的老哲學者，對彼時代的君王，要求毋通閘著伊的日光！ Diogenes想日光，是伊的第一寶貝，照看伊毋是遐爾戇，因為日光是真奧妙的物。是啦！若無日光，無一項物會活佮長大佇地面上裡。太陽的線(Rays)，用真濟奧妙的法度，對生物...

[1934-12 台灣教會公報 文類-散文 作者-陳鳩水/Tân Khiu-suí]
結核病 [ Kiat-hut2-pēⁿ ]
結核病 (接11月第12面)。 (陳鳩水) 1934.12，no.597，pp.12-13 乙. 胸膜炎 雙爿的肺的外面攏有胸膜蓋teh。這个胸膜佇胸的內面，有兩重相倚，一重連佇脇骨內的骨肉佮橫膈膜；也一重包肺臟。遮的膜，叫做胸膜。佇這兩重的中間，有淡薄親像水的款，名叫做胸膜液，來幫贊肺呼吸較容易來振動。胸坎佮腹肚的中央，有一重膜隔teh，號做橫隔膜；心佮肺踮佇伊的頂面。橫隔膜的中央是親像韌帶的款式；邊頭是扁扁的根，會伸勼，圍佇脇下裡。彼个筋肉若伸，橫隔膜對頂面膨起來，胸坎就較細，伊的筋肉若勼，就橫隔膜落低，胸坎較大。 咱人呼吸有兩項：一項是空氣吸入；閣一項是呼出。若欲吸入...

[1934-11 台灣教會公報 文類-散文 作者-陳鳩水/Tân Khiu-suí]
結核病 [ Kiat-hu̍t-pēⁿ ]
結核病 (陳鳩水) 1934. 11，no. 596，pp . 12-13 第三章：肺結核佮胸膜炎 甲. 肺結核 (1)症狀 肺結核的症狀，有的是對肺組織的改變，有的是對結核菌的毒素入佇血內。前的症狀，叫做局部--的；後--的，叫做全身--的。 局部症狀 結核菌入體後，所生成的結核，起頭是微細，袂會致病，局部全身攏無症狀。然後結核漸漸大，症狀發現。彼个發病，大概真慢；毋過有急性--的，這是佮慢性--的，有無相同的所在。 結核病的初起佮症狀的發現；彼个款式無相同，有的干焦局部--的，有的全身--的。毋過大多數，局部佮全身的症狀siāng時發出。 咳嗽 ...

[1934-9 台灣教會公報 文類-散文 作者-陳鳩水/Tân Khiu-suí]
結核病 [ Kiat-hu̍t-pēⁿ ]
結核病 (接 8月第9面)。 (陳鳩水) 1934.9，no.594，pp.9-10 第三章：結核病的傳染，免疫性佮抵抗力 A. 傳染 病菌入佇無病的身體，若病菌無濟，遇著強閣大的抵抗力，就病菌予細胞共伊包圍，袂會發病。毋過身體已經受傳染毋是一定發病，也發病的確代先著受傳染。 解剖大人的死體的時，常常看著結核病的跡，特別佇胸部是最濟。 十外年前，猶未十分明瞭；近來就確實知，到大人的時，攏有受結核病的傳染。這个學說，通用結核菌數做皮膚反應證明。 將這个試驗法，實行佇濟濟健康的人，就知有顯出這个反應的人數佮年歲平平加添。蹛城市內的囡仔，10人中，9人有顯出這个反應。佇美國15...

[1934-8 台灣教會公報 文類-散文 作者-陳鳩水/Tân Khiu-suí]
結核病 [ Kiat-hu̍t-pēⁿ ]
結核病 1934.08 593卷 p.8-10 (接7月第10面) (陳鳩水) 第二章：結核病的原因 1882年德國人Robert Koch，發見結核菌，這號真微細，若無經過顯微鏡放大，袂會看著。 人類的種族無相同，體格，理智，以及進取無相同。細菌也是按呢。結核菌有常常寄生佇人--的，佇牛--的，佮彼號寄生佇鳥類--的。 人類結核菌，是人體內最常看著--的，彼个毒，極其猛烈。牛的結核菌，佇人體內罕得看著，彼个毒，比較的是輕；鳥類-的，佮咱人閣較無關係。 結核菌的來源 人類結核病的由來，已經真久啦！彼个菌，對病人傳染予別人。佇中國以及咱台灣，常常看著--的，是慢性的肺...

[1934-7 台灣教會公報 文類-散文 作者-陳鳩水/Tân Khiu-suí]
結核病 [ Kiat-hu̍t-pēⁿ ]
結核病 1934.07 592卷 p.10 (陳鳩水) 序言 宇宙間無毋歡喜活，怨恨死。死的路真濟，究勘彼个事實，死亡率最懸-的，攏毋值著結核病。泰西各國的人，看這號病親像大水，抑是猛獸，眾人攏想欲閃避。所以佇公眾衛生，個人衛生熱心研究，咱若讀in的結核病的統計表，in的進步夠額予人生驚。 越頭看咱台灣的現狀是啥款咧？咱的衛生是真幼稚，也看結核病做通驚的，是無偌濟。因為染著這號病，抑是為著這來死的真濟。這个事實，是做咱台灣人的見笑。做近佇台灣有teh欲創立「預防癆病協會，」向望結核病的淫威，會通減少。鄙人寫這个全篇無別物因端，抾別人的話，來添我的意見，也向望一般無染著，抑是已經染...

[1934-5 台灣教會公報 文類-散文 作者-陳鳩水/Tân Khiu-suí]
青年的對敵 [ Chheng-liân ê Tuì-te̍k ]
青年的對敵 (陳鳩水) 1934.5，no.590，pp.7-8 結核病(癆傷)，是青年的真通驚的對敵，總是青年通講攏無teh留神注意彼个危險。 對12歲到20歲，拄拄是查埔以及查某囝仔teh轉成做大人，真要緊，也閣是活潑發育的時期。青年對這霎起，漸漸較捌世間佮咱人活命的奧妙。這个結果，生出看健康較無要緊，無teh想前後的厲害關係彼一款的熱狂！社會要求青年研究，運動，以及其他的做工，ta̍uh-ta̍uh盤過安全的界限，紲致到予in過頭的著磨。論這的，攏是予咱的囡仔的靈肉衰退，也予in快拄著攏總的破病；中間結核病(癆傷)是做要緊--的。佇這時，青年是比前閣較欠用父母，以及真相知...

[1934-3 台灣教會公報 文類-散文 作者-陳鳩水/Tân Khiu-suí]
家庭講座 [ Ka-têng Káng-chō ]
家庭講座 台灣小兒的體格，體質改善佮奶兒營養法。 (陳鳩水) (接前號第10面) 1934.3，no.588，pp.11-12 A. 食母奶健康的奶兒 以下所欲講的牛奶，是生牛奶的意思，若-是用「Lactogen」(牛奶粉的名)，是42 grm，泡284 c.c. 的燒滾水，是佮正貨的生的全奶的份相像 (full strength of 「Lactogen」)。 到一月日，母奶一日5擺連半擺；下晝時母奶食一半，賰--的用50 c.c. 的牛奶糜來補足。牛奶糜有兩款，薄--的是用牛奶60 c.c. 五穀粉一grm，白糖6 grm；厚--的是用牛奶56 c.c. ，五穀粉4 ...