[1915-9 台灣教會報 文類-小說 作者--/-]
塗炭仔 [ Thô͘-thoàⁿ-á ]
塗炭仔。 1915.9，no.366，pp.11-12 某國有兄弟兩人做朝內的文官。兄哥有生一个查某囝名叫寶善。到14歲，父母攏過往，就予in叔chhoā去照顧。小弟也有生兩個查某囝；一个名叫寶珠，一个名叫寶玉。寶珠這時12歲，寶玉13歲。In老父這時身體致病，就辭官回家養病。 In嬸真疼伊兩个查某囝，每日干焦顧梳妝。寶善每日料理煮食洗衣裳，也著揀塗炭，致到身軀常常有塗炭的 lâ-sâm，紲共伊叫做塗炭仔。總是遐爾著磨亦毋捌受氣，算是真好女德。對來in叔兜7年久，伊兩个小妹妝thāⁿ媠媠閒閒，伊攏毋捌傾分，家己逐日認職理家。 這時拄著太子欲娶某，召通國的在室女，著來予伊請。彼霎...

[1916-9 台灣教會報 文類-小說 作者-文安/Bûn An]
王宮kap御園 [ Ông-kiong kap Gū-hn̂g ]
王宮kap御園1916.09 378卷 p.11-12古早 ê 時陣有一個外國王，伊ê 王宮行伍到極。又koh 近tī 較鬧熱 ê 所在有一區花園，因為hit所在是真寒，所以有將玻璃起厝來顧hit區花木，驚了hō͘霜雪凍死，有用真大 ê 心神teh栽顧，整頓到不止齊cháⁿ 好看；亦有栽種濟濟稀罕 ê 花，以及上等ê 果子，攏是伊調撰意愛--ê。 雖然開費濟濟伊亦甘願出；無嫌園費重，因為teh向望所beh結ê果子kap所會開ê 花，不管時thang去hia gū賞，hō͘心靜歡喜。 Tú遇一擺是冬天ê 時，所以無開花，kan-ta有一欉葡萄，生一穗盡大pha盡suí ê,看見 ê 人無m̄欣羨...

[1918-6 台灣教會報 文類-小說 作者-文姑娘/Bûn ko-niû]
王ê看護婦 [ Ông ê Khàn-hō͘-hū ]
王ê看護婦1918.06 399卷 p.11-12(文姑娘記。)倫敦是天下上第一大 ê京城，城內 ê 百姓亦chám然艱苦 ê 輩；所以國家出tuì人民ê意思有設公醫院幾若百間，thang利益chhiⁿ慘 ê 人。逐間病院也有看護婦teh管顧。Koh另外有已經卒業ê 看護婦，tiàm hia 便便，出在院長派伊去有錢人in 兜，來幫助破病ê 人。 某日有一個看護婦倒轉來公醫院，身軀真厭siān,因為一禮拜久伊暝--時teh顧病人。 Tú才倒來心teh想︰「今無代誌lah，我beh 洗浴，後來出在我去睏到飽眠」。無扑算院長已經派伊即時著liâm-piⁿ 出城外去較遠ê 所在。聽見伊ê 聲teh叫...

[1918-7 台灣教會報 文類-小說 作者-文姑娘/Bûn ko-niû]
王ê看護婦 [ ÔngêKhàn-hō͘-hū ]
王ê看護婦1918.07 400卷 p.7-9(接6月ê教會報第12面。)(文姑娘記。)聽伊teh 念，你是王所奉差hit句，心肝大奇，又koh問伊︰「Hit句ê 意義著講較明因為我bē 曉聽。」 Lô-ni liâm-piⁿ 開聲應講︰「Hit 個意思真白。Tuì醫生吩咐我老父著請一個看護婦，阮直直祈禱，求王設法，備辦tú好 ê 人來chia，所以知卻你是伊所差遣 --ê」。Lô-nî 講︰「看護先你 ê 名是叫甚mi̍h？」 伊就應講︰「我ê 名姓是連歡喜」。囡仔tuì伊ê 老父講︰「阿爸，連歡喜hit 個名字，敢m̄是好聽？王所差ê 看護婦我真意愛伊」。 到這時老父kah伊m̄-than...

[1918-8 台灣教會報 文類-小說 作者-文姑娘/Bûn ko-niû]
王ê看護婦 [ Ông ê Khàn-hō͘-hū ]
王ê看護婦1918.08 401卷 p.10(接7月ê教會報第9面)。(文姑娘記。)Hit -tia̍p無扑算Lô -ni ê 心所ài hiah緊beh成。過一禮拜伊有重感著肺管發炎。頭兩日 ê 中間病較輕，第3日就那沉重，那危險，m̄敢向望伊會活。Hit暝老父kap看護婦直直相輪顧，老父常坐tī伊身邊，m̄肯離房間。 半暝後Lô-ni 若無脈，扑算beh liâm -piⁿ 去。總--是到三點鐘，伊略仔較 choa̍h ，無hiah大喘，就叫in老父抱伊。牧師將一領毯仔kā伊包好勢，才去坐tī 火爐邊較燒ê 所在。Hit時吩咐看護婦著去歇睏tiap仔久。老父就在疼伊ê 子，看無法醫tâ-o...

[1918-9 台灣教會報 文類-小說 作者--/-]
細漢囝仔 [ Sè-hàn Gín-ná ]
細漢囡仔1918.09 402卷 p.8(蘭醫生娘記。)真珠iáu-boē到度晬已經bat toà亞美利加，歐羅巴以及澳大利亞洲。這個查甫囡仔出世tī加拿大 ê 西爿；tī-hia有英國人，也有紅面番。真珠若見著人，無論是白面抑是紅面，面仔笑gī-gī;tuì án -ni 逐人都做伊ê朋友。凡若tú著伊ê 人，不管伊ê 親人抑是甚mi̍h外口人，攏總愛kap伊行禮。真珠phut-phut跳，也kap人tìm頭。 真珠ê 父母m̄是好額人，in所toà ê 厝是用杉家己起--ê;頭路是作穡。Tī 冬天ê時陣非常寒，kian霜掛落雪，致到土tēng若鐵，所以tī園--ni̍h bē做tit工。 ...

[1918-9 台灣教會報 文類-小說 作者-林燕臣/Lîm Iàn-sîn]
弄巧反拙 [ Lōng-kháu hoán-choat ]
弄巧反拙1918.09 402卷 p.11-12(林燕臣記。)論這句親像俗語，其實是字眼，bat字ê人會曉意思，m̄-bat字ê人自然是bē 曉得。所以我愛代先開拆這句ê意思，後來beh 引一個故事來教示咱。 「弄巧反拙」是beh 展伊奇巧ê計策，後來抵著見笑，反轉見出伊ê憨慢，án-ni號做「弄巧反拙」。 早前高麗國一個大官有一個查某子，也有一個姪女，年歲差不多，面貌也相親像。這個大官teh 揀子婿真斟酌，若是替伊ê查某子揀選koh較謹慎。雖然經過媒人ta̍uh-ta̍uh 來求親，伊攏m̄ 肯liâm-piⁿ允。了後這個大官家己揀一人，好額koh尊貴，資格真相當，就將伊ê查某子配hō͘伊。...

[1919-2 台灣教會報 文類-小說 作者-胡紹芳/Ô͘ Siāu-hong]
過年 [ Koè-nî ]
過年1919.02 407卷 p.2-3(胡紹芳記。)街路恬靜，kan-ta店前ê chhêng-oe 佮國旗ê 妝thāⁿ。忽然有phih-phia̍k ê聲四面teh應，宛然親像戰陣ê機關銃。啊！這是甚物時陣leh?就是新年ê初一早。 Koh一tia̍p 仔久日tuì東出，日光照著樹葉，koh有淡薄風，就那顯出伊ê美麗。過年ê景緻有án-ni，莫怪叫做恭喜。 當tī這個時街角有一塊草厝，壁塗攏落了，壁pín一枝一枝thang算，厝頂也害，tuì內面thang分別天色。忽然有聲tuì房內出，聲細koh破chhè,teh叫講，喜仔，我真枵，通pû淡薄ám 糜hō͘我。囡仔應講，阿爸，我pû好啦...

[1919-3 台灣教會報 文類-小說 作者--/-]
雜喙翁 [ Cha̍p chhuì Ong ]
雜喙翁1919.03 408卷 p.7-9十碎翁年歲老啦！頭毛白親像銀絲，四肢無肉，青筋浮起，宛然蜘蛛網，嘴phoé 骨thóng出親像一對ê山尖，總是目珠iáu利，看冊罕得用目鏡。看伊ê面貌thang見出有經過世間大憂鬱ê土窟。有一日來了一張批，拆開一下看，面現躊躇連續吐氣，批內所記是人teh kā 伊報一個新婦，這層是喜事，翁thái-thó 吐氣？因為最親愛ê同伴7年前佮伊做永遠離別，今仔日beh 有新婦啦，總是看bē 著，koh tī這層也無thang佮伊參詳。Haih！翁ê吐氣thài 會無因端leh?總是翁tī 晚景ê 吐氣有比che較悲哀--ê,我ê手那chhoah ，這枝筆若準...

[1921-9 台南府城教會報 文類-小說 作者-羅乾益/Lô Khiân-ek]
行遊ê囡仔 [ Kiâⁿ-iû ê Gín-ná ]
行遊ê囡ná1921.09 438 koàn p.5-6(羅乾益譯)古早ê 時有一個細漢囡仔去tī 樹林內beh thit-thô ，伊扑算伊孤單一個tī--teh nā-tiāⁿ，攏無看見伊ê 父ê 目珠斟酌teh 看伊，m̄-kú伊ê 父有看伊。 囡仔歡喜tī 草埔走來走去，thit-thô、挽花，也tī 大欉樹腳行遊， koh 因為極歡喜，所以伊真大聲teh 喝，逐項看了攏是新，因為伊iáu未bat看見，所以伊攏無驚。Teh看花ê 時，對花內有一尾毒蛇忽然趖--出來，囡仔看伊ê 皮真suí ，煞伸手beh 掠伊，hit陣老父對後面叫講：「危險！危險！」囡仔起來，蛇就趖走，總是囡仔無看見伊...

[1924-3 台南府城教會報 文類-小說 作者-文安/Bûn An]
阿片鬼變做聖徒 [ A-phiàn-kuí pìⁿ-chò Sèng-tô͘ ]
阿片鬼變作聖徒 1924.03 468卷 頁7-9 文氏安譯--ê 人常常稱呼伊做老摩西，因為伊ê面發出榮光，親像聖經所記ê摩西。 從前boē 聽著耶穌 ê福音，伊是tī 罪惡中，hit時面貌攏無照光，反轉是黃酸koh sán-giàn 。伊ê鴉片薰吹是鐵做--ê,伊無ài 柴--ê,是用這號較利便thang 摃對敵，因為伊不時ài 佮人冤家相扑。伊鴉片食--tiâu-a，身體那lám,續連累著伊一腳一手piàn-suī ；若beh 去較遠ê所在，著坐車，抑是坐轎才會到。 Tuì 伊承受道理ê了後，上帝ê權能有顯明，kā 伊tháu 放，摩西就一盡 變換，身軀漸漸勇健，就...

[1924-5 台南府城教會報 文類-小說 作者--/-]
烏面囡仔忠直心 [ O͘-bīn gín-ná Tiong-ti̍t-sim ]
烏面囡仔忠直心1924.05 470卷 p.5-6(翻譯)Tī某所在有一擺tī品評會ê時，有兩隻細隻馬，到極suí。顧馬ê烏面查甫囡仔，名叫Cato(Khe-to)。In行tī跑馬場時，hiah ê馬真gâu聽趁hit ê烏面囝仔ê嘴。歇睏ê時，馬用in ê頭殼luî Cato ê身軀，親像真gâu疼Cato ê款式。 Hit-tia̍p有一個ài買馬ê人，問烏面囝仔講：「你ài賣偌多錢？」Cato說：「1000箍！」Hit ê人講：「哇！Hiah貴。我hō͘你600箍，好m̄?」Cato搖頭m̄肯。Hit時真濟人來teh看馬，總是無人ài買。Hit ê ài買ê人Koh,來講：「我kā講，真...

[1928-1 台灣教會報 文類-小說 作者--/-]
農夫掠著鶴 [ Lông-hu Lia̍h-tio̍h Ho̍h ]
農夫掠著鶴 1928.01.01 514卷p.6 早時希臘國有一個故事，論莫濫交歹名聲的飛鳥。 有一個作田人看白鴒鷥，暗光鳥，彼號的鳥不時來食伊的五穀就張網來掠。捌一日佇所掠著的中間有一隻白鶴。其餘的鳥無啼無哭：算所拄著的是平常的事。毋kú彼隻鶴哀怨淒慘，對田主求命。 鶴排列伊的情理，講伊毋是白鴒鷥，也毋是暗光鳥，獨獨是通可憐的鶴nā-tiāⁿ。伊講起伊的有孝，講伊盡囝的本份款待父母：in老的時伊飼in；設使in欲別tè去，伊就予in坐伊的尻脊頂飛去所愛到的所在。作田人應伊，講，「你所講kiám-chhái攏是有影；毋kú我掠著你是歹鳥的中間，teh佮in相佮偷食我的五穀，...

[1928-3 台灣教會報 文類-小說 作者--/-]
現代但以理 [ Hiān-tāi Tàn-í-lí ]
現代但以理 1928.03.01 516卷p.8 伊用按怎來徛佇獅的中間？(有這个兄弟的非常的疼痛)。 毋但但以理蹛獅穴過暝nā-tiāⁿ，佇無幾年前，也有一個嶄然勇敢的囡仔入佇獅穴。這个事後來有人共Hián-lí殿下講。這个事就是：－ 佇1917年，有一個查某囡仔名Í-sū-ta̍t (Esta Garcia)，出世跤就破相。伊有一个身上的兄，名Au-hut-lia̍t (Alfred)真疼伊，也向望伊這个小妹無偌久會佮伊thit-thò。若是漸漸知這个軟汫細漢的 Í-sū-ta̍t的確連行to袂。 這个囡仔憐憫的心，愈大漢愈深，也盡伊所會teh做，欲予這个破相的生涯較幸...

[1928-4 台灣教會報 文類-小說 作者-周天來/Chiu Thian-lâi]
故事 [ Kò͘-sū ]
故事 心心，念念 周天來 1928.04.01 517卷p.8-10 (這篇無論大人，囡仔來看攏會明)。 捌有一擺佇某所在，有一個女學學生佮伊一个小弟，兩个相chhoā出門；坐火車去到屏東的所在揣伊的窗友thit-thô。彼日in到屏東拄拄3點半，也彼个學生的窗友有來到車頭等接in；大家見面真歡喜，相佮講話；就chhoā in到伊的厝。彼暗就辦腥臊請in。食飽了停霎仔久，in就出去門口埕歇睏；有時坐--teh，有時起來；行來行去，講東講西講真久，是因為太久罕得相拄；又閣歇熱的時間已經欲過，大家相揣坐；險險就無通相探的機會，所以大家談話真濟；到真暗才無閣hoē；大家歡喜到極，...

[1928-5 台灣教會報/芥菜子 文類-小說 作者-陳清忠/Tân Chheng-tiong ]
一條線 [ Chi̍t tiâu soàⁿ ]
一條線 陳清忠 1928.05.01 518卷(芥菜子第27號) p.15-17 下面所譯這篇是法蘭西的文學者Guy de Maupassant (1850－1893)所寫--ê，不止有通做咱的教示，請大家毋通看做是心適的故事，因為伊寫這篇的確毋是欲予人讀心適；伊的目的是愛讀者目睭著金，毋通予這个烏暗的世間的影jia--去，致到來趁這个世間的款式。 一擺佇Kho-lia̍p-bí 的所在有做生理的鬧熱。農夫佮in 的婦人人對四方聚集來佇一个城市。做生理的所在chhiâng-chhiâng滾。－人叫來叫去，生理人大聲招呼人來買in 的物件，牛teh hán，狗teh吠。O͘-sū-...

[1930-9 台灣教會報 文類-小說 作者--/-]
母囝攏認錯 [ Bó-kiáⁿ lóng jīn chhò ]
母囝攏認錯1930年9月546卷p.8-9 梅蘭的老母提1塊布，想欲共in查某子梅蘭鉸衫褲；總--是佇遐無鉸刀，就叫梅蘭趕緊將鞋kám仔的鉸刀攑--來。梅蘭做伊恬恬，若親像無聽見一樣。老母就閣叫講：「梅蘭--ah！你有聽--見無？趕緊攑鉸刀來予--我。」梅蘭照舊毋振毋動，家己專心做伊teh 畫伊的圖畫。老母受氣了！閣叫講：「梅蘭--ah！你無聽見--mah？叫你共我攑鉸刀，且放下你的圖畫，趕緊去攑，按怎教攏袂振袂動--ah ！」梅蘭照舊無去攑，若親像無代誌的款，做伊蹛遐畫。老母大受氣，走到梅蘭的面前，就對梅蘭的手 ńg khiú teh，講：「趕緊去共我攑。」梅蘭驚一下，攑頭對伊的老母看看-...

[1933-9 台灣教會公報 文類-小說 作者-楊士養/Iûⁿ Sū-ióng]
光輝的故事 [ Kong-hui ê Kò͘-sū ]
光輝的故事 (楊士養對蘭醫生娘的More stories from Formosa翻譯) 1933.09 582卷 p.14 光輝出世佇彰化一位信徒的家庭。伊的老爸是做木工，名叫歹錢，老母是真誠實深信的女徒。光輝6 歲的時，伊的老母chhoā伊去讀主日學；坐佇椅條，跤tin-tin來聽先生的教示。有一個禮拜日，先生共伊講，「佮阮阿爸相siāng」。八歲的時，伊去入公學校。伊對起頭就真愛讀冊；真敏捷，也巧，厝裡的工課也做真好勢。佇主日學逐个真疼伊，常常予人揀佇祝聖誕的時，來吟詩抑是越念。 佇1922年4月尾，就是光輝10歲的時，伊有拄著破病。伊的老爸請蘭醫生...

[1933-10 台灣教會公報 文類-小說 作者-楊士養/Iûⁿ Sū-ióng]
光輝的故事 [ Kong-hui ê kò͘-sū ]
光輝的故事 1933.10 (583卷) p.13 (接前號第14面) (楊士養對蘭醫生娘的More stories from Formosa翻譯) 佇1924年，醫生娘 in 倒去英國歇睏；有一暝昏佇一間拜堂講起光輝遐的少年人連鞭邊咧問愛出伊的學費。對彼時以後，in有看伊做好朋友來出伊的 學費到出業，(就是1928年4月)。醫生娘有落去赴出業式。學生排列佇大間講堂，青暝的，一爿；啞口佮臭耳人的一爿。人對台頂講話欲予青暝的聽，也一个賢的日本呂先生通譯用指頭仔比予臭耳人佮啞口的看。台南州佇事佮其餘的大官也出席，閣有真濟內台的紳士淑女去赴。 光輝做學生的總代讀國語的答詞，也續做代表領出業...

[1933-11 台灣教會公報 文類-小說 作者-楊士養/Iûⁿ Sū-ióng]
光輝的故事 [ Kong-hui ê Kò͘-sū ]
光輝的故事楊士養對蘭醫生娘的More stories from Formosa翻譯1933.11, no. 584, pp. 14 （接前號第13面）恁減采會淡薄奇怪，伊對in老父所講的話；總是伊的老父攏無受氣。 光輝是in父母的目睭的光，也in老父不止識，知受迷惑致到bē記得祈禱的事。 伊幾若擺共醫生娘講：伊基督徒的生活，對伊的囝的模範，有得著真大幫贊。 論伊的老母卻是真深信，真堅固的人。 伊的大囝光輝有toè伊的腳步。 光輝的祈禱有得著允准。 佇英國的朋友用疼的犧牲，有募集250箍欲予伊買一張做的的針車，siāng彼時英國主日學也寄200箍來欲予光輝。 伊用真歡喜，真感謝的心承受遮的賞賜...